!!!!!!!!! هههههايلي ياسر و موبايلي !!!!!!!!!

[أبوطروق]

السلام عليكم يامعشر الفلة

أكيد اللي قرا العنوان قال أبوطروق صار ناصري<<-نسبةً لحمود الناصر ومضيفه:)


هذا سلمكم الله قبل شوي رحت أنا وبناخيكم طروق(أولى إبتدائي) للسوق نبي نتقضى (رياضة):)


قال أيش يبي ملابس رياضة جديدة مع إني شارين له طقمين أول أسبوع من الدراسة وتخبرون ماودي أعقد جنيني<< إلا بعد ماجابلك الصمرقعshlwee7


قلت أبشر حنا كم عندنا طروق


وهو يقمز كالعادة ويلقط مفتاح السيارة وركض للسيارة وكالعادة أيضاً سمعت قرشة وقربعة بالحوش<<-مايطلع إلا هو صادمن كم شين بالحوش من العجلة
(الله يصلحه حرتس)



لبست الطقم حقي وهو عبارة عن ثوب وطاقية وشماغ وعقال ولحقته للسيارة يوم جيته إلا مشغل السيارة وحاطن رجل على رجل ومشغل أم كلثوم ومعلي الصوت ويهز رويسه



وانا أركب واطفي المسجل وخانقته:-
ليه مطول المسجل؟ تبي تفضحنا عند الجيران؟
قال:-



مزاجي!!!!!!!!

قلت بس هذي أم كلثوم ماينهز الراس على أغانييه


(بالله عليكم وش أعملبه)





الوكاد رحنا للسوق وحنا متزاعلين ودخلنا أول محل حق رياضة

وهي تطيح عيني على لبس تمنيت اني أرجع وغد عشان ألبسه:315r:



قلت لليماني راعي المحل بكم هذا؟ وهو يراعيلي الولد بعين قشرا وقال:-

هذا منهوله!

قلت لك انت ووجهك وحنا وش جايبنا بهذا إلا حضرتك
قال: أنا أبي لون الهلال:148r:


وانا أراعيله ولوماعندنا أحد كان صاطره طراق

قلت أنت وش عرفك بالهلال
وبعدين أنت تدري ان الشبث مايداني الهلال وإذا دري أن ولدي هلالي يبي يزعل علي

قال ليه انت ماتعرف فريق الهلال!
قلت لا ماعرفه
قال هذا فريق البطولات هذا أحسن نادي حتى يوسف يشجعه
قلت انت وش عرفك بيوسف بالعطاوي لايكون مسجل بالمضايف معنا وانا مادري

قال منهو العطاوي! قلت يوسف اللي انت تقول! قال لا يبه يوسف خالي<<-نسيت ان له خال اسمه يوسف

اتريه متأثر بخاله من كثر مايسولف بالكورة


المهم قلت لأبويمن عطنا الهلال وهو يجيب اكا الخرقة اللي مكتوب عليه من قدام (موبايلي) ومن ورا (ياسر)ورقم20<< وانا كنت أحسب ياسر رقم100 من كثر ما أسمعبه اتريه بس عشرين

وانا اتلمس القماش الا والله من أردى أردى أردى الخامات (وأخوكم خبير بالأقمشة)

قلت مافيه غير هالخام
قال اليماني لأ وانا أهمس باذنه قلت شف أي لون أزرق بس تكون الخامة نظيفة

وهو يجيب اثنين وهو يقمز طروق قال هذا هلال؟ وأبو يمن من زود الذمة قال لأ هذا إيطاليا وهذا فرنسا
وعندي ريال مدريد كان تبي<< ياملا القطع يابويمن ذابحك الصدز
قال الولد لأ أبي الهلال

حاولت أنا واليماني نقنعه ان إيطاليا أحسن من الهلال بس ماش هو اللي أقنعنا ان الهلال أحسن فريق بالعالم

(وماني قايل وشو الفريق اللي قام يسبه حفاظاً على شعور أخونا أبوماجد)

قلت طيب نروح لمحل ثاني يمكن نلقى هلال أحسن وخام أزين(وأشوى هالمرة إقتنع)

ونقعدلك انا وياه نفر بالسوق وكل محل نجيه إلا وهو سابقن للمحل ويقول عندك هلال أحسن من الهلال:d:

الوكاد ماخلينا محل رياضة ماجيناه وكلهم عندهم نفس الفنيله (موبايلي وياسر) وحتى الرقم ماتغير20:a:









وفي النهاية أشترينا ياسر وأنتصر بناخيكم

بس مشى عليه السروال (عليه شعار ريال مدريد)






ياهنيك يا ياسر وياهنيتس ياموبايلي بهالدعاية المجانية المدفوعة التكاليف من قبل أبوطروق



وسلامتكم وسامحوني إذا غثيتكم






""""""""""""""

[ابو عارف]

الله يخليه لك يالعشير آمين.

عندنا وعندك خير تسمع جعير نواف وهو بالدور الثاني إذا إنهزم الهلال


شكراً لك على هالسالفة الرائعة مع طروق حفظه الله .

الكتابة هلالية من شأن طروق

[السنعوووسيه]

وانا أركب واطفي المسجل وخانقته:-
ليه مطول المسجل؟ تبي تفضحنا عند الجيران؟
قال:-



مزاجي!!!!!!!!



الصراحه كني اشووووووووفه ههههههههههههههههههه

الله يخليه لك ويصلحه


وبعذره معه حق هذى الزعيم

تسلم ابو طروق سالفتك حلوه بدون بهارات

يعطيك العافيه

[أبوطروق]

الله يخليه لك يالعشير آمين.

عندنا وعندك خير تسمع جعير نواف وهو بالدور الثاني إذا إنهزم الهلال


شكراً لك على هالسالفة الرائعة مع طروق حفظه الله .

الكتابة هلالية من شأن طروق


شرف كبيييييير يابو عارف انك تكون أول من يرد علي


وعسى الله يخليلك نواف وأخوته وتشوف نفعهم



شكراً على الكتابة الهلالية ولو طروق قاعد كان وريته<<-بس يبي يقول ليه الخط الثاني أخضر؟

أعرفه نشبه






تسلم يالعشير والله لايهينك على هالمرور الطيب

""""""""""

[الشبث]

لي عوده مع المبدع والنسم ابو طروق



ههههههههههههه



وتقلد تحيتي

[أبوطروق]

الصراحه كني اشووووووووفه ههههههههههههههههههه

الله يخليه لك ويصلحه

تسلمين يامتكية والله يصلح عيالتس



وبعذره معه حق هذى الزعيم

منهو الزعيم!

إذا قصدتس عادل إمام لأ هو يقصد نادي كورة أسمه الهلال:)


تسلم ابو طروق سالفتك حلوه بدون بهارات


يسلمتس ويسلم غاليتس ويحلي أيامتس


يعطيك العافيه



الله يعافيتس

ومشكووووووورة على المرور

""""""""

[أبوطروق]

لي عوده مع المبدع والنسم ابو طروق



ههههههههههههه



وتقلد تحيتي



يكفيني تقديم الشكر من سموك طال عمرك وهذا بحد ذاته شرف وفخر لي:3ajebni:



يعطيك العافية يابوماجد



ومشكور على الشكر:315r:


"""""""""""""""""""""""""""""""""""""

[فتى البيداء]

أهلاً ابوطروق موضوع جديد <<< واحد مدمن مواضيع ابوطروق لا تلومونه ..

أقول ابوطروق ما تخلي قفشات :



وانا كنت أحسب ياسر رقم100 من كثر ما أسمعبه اتريه بس عشرين



يعني كل ما سمعت به تبيه يزود رقم أنت ؟؟ ابوطروق الكورة بصوب وأنا وإياك بصوب ثاني ..

شكراً ابوطروق على الموضوع السنع ..

[غالب]

بعدي والله ياطروق:thumb:
ياعله بعد ماجد ولد الشبث :qannaj:
:)
:)الله يخليه لك ياأبوطروق :)
:)

[ابو خلوف]

هلا وغلا بجدي ومعلمي ابوطرووق

تخبر يوم انا طالب عندك شف الحين وين وصلنا هههههه



قلت بس هذي أم كلثوم ماينهز الراس على أغانييه

ايه وانت الصادز ولاتسمع بالسياره لان الي يسمع ام كلثوم يغمض عيونوه هههههه


(وماني قايل وشو الفريق اللي قام يسبه حفاظاً على شعور أخونا أبوماجد)

وش الفريق تكفى علمن هههههههههه







اقول جدي لاتامن هالزيود هذولا مايمشون الا بعد مناضر يعيون قشرا ومهاوش





مشكوووور ومبطي الله يصلح لك عيالك

[أبوطروق]

أهلاً ابوطروق موضوع جديد <<< واحد مدمن مواضيع ابوطروق لا تلومونه ..

لاحول ولاقوة الا بالله خل أهلك يودونك لمستشفى الأمل (يالمدمن)


أقول ابوطروق ما تخلي قفشات :

قفشات جمع قفش باللهجة الأردنية



يعني كل ما سمعت به تبيه يزود رقم أنت ؟؟

وليه مايزود أجال تبيه ينقص

أجال ما الرقم لمستوى جهد اللاعب في الملعب:)

ماتشوف الحارس دايماً رقمه واحد:a: لأنه بس رابضن عند القول وإذا جته الكوره يتمغط ويمسكه بيده

ومرات مايمسكه ويخليه تدخل القول (من الكسل)<< مايفهم شي بالكورة

ابوطروق الكورة بصوب وأنا وإياك بصوب ثاني ..

وانت صادز

انت راعي خيل وفروسية وانا راعي بلوت وهند:315r:


شكراً ابوطروق على الموضوع السنع ..



وانت مشكور ياراعي البيدا على المرور السنع والمسنع يالسنعوسي


"""""""""""""""""""""

[أبوطروق]

بعدي والله ياطروق:thumb:

ياعله بعد ماجد ولد الشبث :qannaj:

هههههههههههههههه طروق يسلم عليك ويقول انه يعرفك أيام الروضة

وماعليك ترا ماجد ولد الشبث هلالي بس بلشانن بأبوه


:)
:)الله يخليه لك ياأبوطروق :)
:)

ويخلي لك أبوخلوف:)




سناعيسو

ياخي كل ماهذا يزود غلاك عندي مع أني ماكنت أدانيك أول ماجيت:wallah_hoo:










يخليك ربي يامسنعس على هالمرور الحلو

""""""""""

[غالب]

^
^
^
وشي الروضه لاتطلع الحي اللي عندنا بالرياض<<بدوي<<<

[قـــوت]

والله هالوغدان مايقوا لهم


عندنا ولد عنده بدله هلاليه اذا جا ينافق لعمه وبدله نصراويه ينافق لخاله



وبيوم لبس النصراويه بالمدرسه يوم جانا الا مدقوقتن علمته < الهلاليين جابو خبره

ومن باتسر وهو يلبس الهلاليه يوم جانا الا برضو مدقوقتن علمته < النصراويه عملو عملتهم

وضاع بالطوشه ولدنا ههههههه

قلنا مالك الا الطائي نادي حايل ويوم شاف البدله قال مابيه مثل ثوب نوره < ابتدائي رصاصي
















الزبده مابهم طب

[روح حايل]

والله عندوه ذوق يهز راسوه على أم كلثوم معذبة الجماهير :)

الله يعين والله انهم بلشة الله يصلحهم ، يبون اللي بروسهم يصير



لو به تقطيع روس << روس ولا امريكان :) << ماعليكم منه تستخف دمه ام الهكي :)





الوكاد يابوطروق عندك اياوه صفقوه بالنعول عشان مايمشي كلاموه



<<< دايم تصفق اللي عنده :)





:thumb:

[أبوطروق]

هلا وغلا بجدي ومعلمي ابوطرووق

هلا بالتلميذ العفريت والنشيط أبو الخلفي
(أذكى وأفطن وأنبه واحد بالمضايف)

تخبر يوم انا طالب عندك شف الحين وين وصلنا هههههه

صبحان الله الدنيا ماتبقى على حاله:mabrook:




ايه وانت الصادز ولاتسمع بالسياره لان الي يسمع ام كلثوم يغمض عيونوه هههههه

ياخوي أنا إذا سمعته اتحلل وأعود إلى عناصري الأولية (ونوبات أبتسي)


وش الفريق تكفى علمن هههههههههه

وشلك بالعالم
(عاد كلش ولا أبوماجد)
:):):)






اقول جدي لاتامن هالزيود هذولا مايمشون الا بعد مناضر يعيون قشرا ومهاوش


بس زيود هالوقت غير

تعلموا اللبس والقصات ولامنك شفت الواحد تقل لبناني:315r:

بس إذا حتسى ودك تقول انطم:3ayyen_khair:


مشكوووور ومبطي الله يصلح لك عيالك



مشكوووور أنت ومبطي أنت ويصلح سناعيسو أنت














حياك يابوخلوف وكل يوم تعال






شكراً

"""""""""

[حمـود]

ابو طروق

اثريك تغلينن لها الدرجه

اقول

طروق وينه

ابي اقنعه يترك الهلال والنصر والاهلي

>>والاتحاد وينه>>لا هذا قويه>>طلع الي بجنوبك

اقول بس خله يشجع سدوس

الوانه روعه اخضر وزيتي وزهري مقلم ببنفسجي


اقول وشش اخبارك بس تراك زعلتن

اخرته الهلال ولا وموبايلي بعد

مع تحيات
الشيخ دكتور طيار سيكل متقاعد سنه
ربيع الدمننه
والمشرف العام على المضيف الناصري اقصد الرياضي

حمود الناصر

[الشبث]

ههههههههههههههههههههههههههههه


ابو طروق


عقل ولدك لا اجيه ههههههههههه



ياحيف



بس مقيوله


النار ماترث الا السماد


اييييييييه



هذا اتلا الوقت يابو طروق



هههههههههههههههههههه




الله يصلحوه ويخليه لعينن ترجيه


والله ينفع بوه والديه


والله يفرحك بوه وتشوف عيال عياله


والله لا يوريك بوه ولا بمن تعز مكروه يارب





والله يخليه يقلب نصراوي ههههههههههههه








لاهنت يالذيب على هالسالفه



والمعذره تأخرت عليك


وتقلد تحيتي

[جبرني الوقت18]

ابو طروق ولدك ماشجع الا الهلال
عااااااد من كثررر الانديه السعوديه وما لقى الا ياسر يبيه !!!!
هههههههههههههههههههههههههههههههههههههههه

كان شريتلوه فانيله محمد نورررررر ورقم 18 بعد وسروال برشلونه خخخخخخخخخخخخخخخخخخخخ

[أبوطروق]

^
^
^
وشي الروضه لاتطلع الحي اللي عندنا بالرياض<<بدوي<<<




لا يابعد حيي هذي مثل المدرسة بس الطلبة أقل من 6سنوات




مشكووور يالعزوة على الرجعة

""""""""""""""""""""

[شامان]

ابو طرووووق

الله يخليلك طرووق

انت قلت اي صف أولى ابتدائي ... ويعرف يوسف

اقول اسأل ولدك يعرف فواز البطه صفه أولى خمسه بالجهراء ....

وإسأله اذا يعرف مروج الكوكاو بالمدرسة منهو

[ريتاج]

لا .. لا تقووله ولدك هلاالي ...

ههههههههههههههههههههههههههههههههههههه

هههههههههههههههههههههههههههههههههههههه

يااملي هو هالكشره هههههه شنووحه عالعاالمي وش جاااو منا

........
الله يصلحه بيطلع ولدك رااعي كشخه هقوتي ..

[أبوطروق]

والله هالوغدان مايقوا لهم


عندنا ولد عنده بدله هلاليه اذا جا ينافق لعمه وبدله نصراويه ينافق لخاله

هذا دبلوماسي من الحين



وبيوم لبس النصراويه بالمدرسه يوم جانا الا مدقوقتن علمته < الهلاليين جابو خبره

ومن باتسر وهو يلبس الهلاليه يوم جانا الا برضو مدقوقتن علمته < النصراويه عملو عملتهم

وضاع بالطوشه ولدنا ههههههه

المدرسة مايبيله دبلوماسية (يبيله دكتاتورية)

قلنا مالك الا الطائي نادي حايل ويوم شاف البدله قال مابيه مثل ثوب نوره < ابتدائي رصاصي


ههههههههههههههههههههههه:solh:هههههههههههههه ههههههه













الزبده مابهم طب


الزبدة مشكور ياتهاويل على الرد السنع


اما مثل ثوب نورة ههههههههههههه جازتلي



شكراً عفواً

"""""""""""

[أبوطروق]

والله عندوه ذوق يهز راسوه على أم كلثوم معذبة الجماهير :)

أصلاً مهو لاقي عندي الا الست أم كلثوم<<رومنسي

الله يعين والله انهم بلشة الله يصلحهم ، يبون اللي بروسهم يصير



لو به تقطيع روس << روس ولا امريكان :) << ماعليكم منه تستخف دمه ام الهكي :)

ههههههههههههه ياخف دمتس يام الهكي




الوكاد يابوطروق عندك اياوه صفقوه بالنعول عشان مايمشي كلاموه

ياصافقتس اللي ماياويلتس

تبيني اصفق فلذة تسبدي:148r:



<<< دايم تصفق اللي عنده :)


الله يعينه عليتس ويفكه من التصفيق


:thumb:


شكراً يام الهكي قصدي ياروح حايل على الرد (والنصيحة الغبرا)

"""""""""""

[أبوطروق]

ابو طروق

اثريك تغلينن لها الدرجه

ليه أنت كم درجة غليانك:a:





لأ لأ

أغليك أكثر يابوناصر3


اقول

طروق وينه

بسابع نومة (تبيني اقول له شي)


ابي اقنعه يترك الهلال والنصر والاهلي

مالك أمل يترك الهلال (حاولت أقنعه بس ماش)


>>والاتحاد وينه>>لا هذا قويه>>طلع الي بجنوبك

كني ماسمعت شين:)


اقول بس خله يشجع سدوس

الوانه روعه اخضر وزيتي وزهري مقلم ببنفسجي

هههههههههههههههه وفيه منه ماركات:solh:



اقول وشش اخبارك بس تراك زعلتن

اخرته الهلال ولا وموبايلي بعد

ماعاش من يزعلك ولو أنا مشرف حذفت الموضوع لعيناك ياراعي عقده


مع تحيات
الشيخ دكتور طيار سيكل متقاعد سنه
ربيع الدمننه
والمشرف العام على المضيف الناصري اقصد الرياضي

حمود الناصر

ماباقي الا السلام الملكي







مشكوووووووووور يابوناصر3 على تشريفك للصفحة

مرورك كرم

""""""""""""""""""""""""""

[أبوطروق]

ههههههههههههههههههههههههههههه


ابو طروق


عقل ولدك لا اجيه ههههههههههه

لا تكفى يابوماجد تره توه صغير جاهل ومايعرف مصلحته



ياحيف



بس مقيوله


النار ماترث الا السماد

أمسحه بفرتي ياشبيثان وانشالله مايعوده


اييييييييه



هذا اتلا الوقت يابو طروق

وانت صادز وعسى ماجد مايغربلك

(يانت تبي تبلشبه أول أسبوع بالمدرسة)



هههههههههههههههههههه




الله يصلحوه ويخليه لعينن ترجيه


والله ينفع بوه والديه


والله يفرحك بوه وتشوف عيال عياله


والله لا يوريك بوه ولا بمن تعز مكروه يارب


جزاك الله خير على هالدعوة الطيبة





والله يخليه يقلب نصراوي ههههههههههههه



عاد هذي بيد الله<<- ماوده بس يجامل:)




لاهنت يالذيب على هالسالفه

ولا تهون على كرم المرور



والمعذره تأخرت عليك

ليه مسلفك أنا ؟:solh:




وتقلد تحيتي

فديتك وفديت تحيتك







شكراً أبوماجد



مرورك يشرفني

""""""""""""""""""""""""""""""""""""""""""""""""""""

[&^^مهــــا^^&]

ههههههههههههههه ام كلثوم <<ابوك يالرومانسيه:)

وخروا عن طريقه هذا الزعيم

ياحليلوه والله ما الومه

والله يخليه لك ويصلحه ويجعله من البارين فيك اذا شيبت:thumb:

قول آمين

ويعافيك ربي

تقبل احترامي,,

[أبوطروق]

هلا ومسهلا بالمجبور


ياخوك ولدي يمشي على الموضة وموضة هالسنة زرقا




شكرا جبرك الوقت على كرم المرور

"""""""

[ابو ضاري]

شكراً لك على هالسالفة

يالعزوه

[أبوطروق]

ابو طرووووق

الله يخليلك طرووق

ويخليلك فواز


انت قلت اي صف أولى ابتدائي ... ويعرف يوسف

نعم نعم بصف أولى إبتدائي ويعرف يوسف


اقول اسأل ولدك يعرف فواز البطه صفه أولى خمسه بالجهراء ....

سألته يقول إذا هو يوسف أبو شدوق منتفخات أعرفه


وإسأله اذا يعرف مروج الكوكاو بالمدرسة منهو

ههههههههههههههههههههههههههه:solh: ههههههههههههههههههههههه:solh: والله ياهو غاثك مروج الكوكاو (بعذر قلبك كل يوم وفواز منتفخ بسبته)

يقول المروج واحدن بصف رابع أسمه سناعيسو:wallah_hoo:



مشكووووووور يابو فواز على كرم المرور والله يخليلك فواز وتشوف نفعه (وعسى مروج الككاو ينكفش وتفتك)

""""""""""""""""""""

[أبوطروق]

لا .. لا تقووله ولدك هلاالي ...

للأسف الشديد وكلي خجل منكم أيييه هلالي

ههههههههههههههههههههههههههههههههههههه

هههههههههههههههههههههههههههههههههههههه

يااملي هو هالكشره هههههه شنووحه عالعاالمي وش جاااو منا

يابنت الحلال لاتواخذينه توه هلالي صغير مايفهم

........
الله يصلحه بيطلع ولدك رااعي كشخه هقوتي ..

أسكتي اكا اليوم يقول أشترلي نظارات وكبك




مشكوووورة ريناجو على المرور (بس وين شيعاتس فاقدهن)

"""""""""""""

[أبوطروق]

الأخت مها والأخ الضاري

مشكورين على الرد وتقديم الشكر واسمحولي على التأخير





كذا زين يالعطاوي

"""""""