شرهه !!؟ وعتااااااااب

[عقاب الحربي]

السلام عى من يقراء أحرف رساااااااالتي الحزينه

(( يايوسف الله يرحم شيبااااانك أنت وكل مسلم قل آآآمين ))
الله يسامحك ليش تنقل مشاركتي من فلة الحجاج الى قسم التعارف , انا مشارك أبي فلة الحجاج وشتني شوتةٍ الى هالحين خليت ضلوعي لها طقطقه من قو الطيحه أنا أبي فلة الحجاااااااااااج , وعسى ماتشوتني هالمرهـ إلى المريييييييخ
(( دنا غلباااااااااان !!؟ ))
عساكم تقبلوني واتمنى أن فلة الحجاج تنسينا هموم وغثى هالدنيا اللي عسى الله يكافي شره
ودمتم ,,,

[الشبث]

ياهلا وغلا باخوي عقاب


علي ما علي انك عزيز ومن ناسن عزيزين



واخونا يوسف من اطيب الناس هنا


ولكن مثل ما تعرف الترحيب له قسم خاص

ولو كان كل واحد يبي ينزل موضوع بالقسم اللي هو يبيه كان محد عرف الثاني



وحنا نتشرف بالفله انك تكون جاي علشاننا


ونحبك في الله


وننتظر سوالفك وعلومك الطيبه يالطيب




وياليت تقبل اعتذاري




وتقلد تحيتي

[عقاب الحربي]

فيك المهلا يابوهلا ,,, ولا تهون أخوي الشبث ولو أني خفت من أسمك , وكلامي على الغالي يوسف من باب الأستعطاف وحبيبنا يوسف حبيب الكل ولا نقدر على زعله , كلش عاااااااد الأ زعل يوسف أفندي
وحبيبكم ميييييييين يوووووووووووسف

[يـــوسف]

أخوي عقاب ...



أعتقد موضوعك اللي انت منزله ترحيب :)


والفلة زي ماأنت شايف ماهي قسم ترحيب وأنت عزيز وغالي ...


ويحق لك تتشره والعذر والسموحة منك وأنا نقلت موضوعك لقسم الترحيب ماحذفته لأني ماأداني أحذف :)






أتمنى انك تكون متفهم الوضع وإن شاء الله يزول العتب ...



توسد إحترامي

[محارش]

والموضوع هذا بعد المفروض يروح للشكاوي والاقتراحات خخخخخخخخخخخخخ

شف ياخالي

بمضيف فلة الحجاج هناك قوانين صارمه يجب اتباعها :

اولا : سعة الصدر
ثانيا : تقبل المزح <<< يعنني غيرت :)
ثالثا : ما تكون زعول :)
رابعا : المواضيع اللي تخالف المضيف تكون اما مكانا للمزمزه ( ما تدري من انت بيده ) او ينقل الموضوع وهذا من باب الرحمه
خامسا : فيه ضريبة خمس مية ريال ترسله لحسابي بالراجحي كل شهرين وبالمناسبات الف ريال .

سابعا : نظرا لظروفك الماديه فإني أمرت لك بخمسية ريال شرهه وبذلك تسقط عنك دفعة اول شهرين خخخخخخخ

ثامنا : حياك الله انت المعزب وحنا الضيوف


مصيول

دير القهوه لهان

[عقاب الحربي]

أخووووووووي الغالي يوسف , مافيه لا شرهه ولا عتااااب ياسبع الخلاء وأنا بهالشرهه هذي كان المقصد أني أتعرض لنيرااااااااان المزمزه على قولت أخوي محارش يعني الموضوع ومافيه (( مزوووح تجي وتروح )) ودمت لفلة الحجاج ذخراً ,,,
أخوي العزيز محارش : لا والله المزمزه ولا الحذف ,
والشي الثاني الله لا يهينك يوم حذفت عني أول قسط ,
وأخيراً أنتظر مني أرسل رقم حسابي فالراجحي عشان لا دخل عضو جديد ((( وغشيم مثلي أصير أول من يستلم الغرامه ,, طبعاً بعد أذن أبويعقوب )))
مع المزمزه مش حتقدر تغمض آذانك ,,,

[محارش]

هذه نبذه تعريفيه لك اخي العزيز عقاب عن بعض الاعضاء :

اولا : الشبث
مشرف فلة الحجاج
رجل اعمال

ثانيا: يوسف
مشرف فلة الحجاج
موظف في شركة ارامكو

ثالثا: سناعيسوووووو
طفل اعمال :)
هذا سلمك الله ابو ملياردير وحنا متحملينه علشان هالملايين اللي عنده .


ابو خلوف
مستثمر في باص نقل معلمات :)


محارش
شيخ متقاعد
وامير حاليا :)


ابو طروق
موظف بالاحوال
قسم الارشيف ويقصد صابون :)


ريال الفسحه
كاتب معاريض عند الاحوال
ويعمل محصل ديون عند ابو طروق .


المشرف العام

هذا ما عليك منه مررره واي كلمه يقوله لك عطه اشكل
<<< والباند يمشي عشر الاف :)

[أبو روز]

لا تلومون البناخي يوسف تروه ضايقن صدره لوه يومين ما تشوفونه قام يهذري ويقط خيط وخيط من القهر اللي فيه

عقاب الغالي
نتشرف بإنضمامك يا الغالي وحياك ربي

[عقاب الحربي]

وأنا بعد كداد (( والطايح مايقوم )) لا يهم أحد إذا فاتته الرحله ,,,

[عقاب الحربي]

أبقاك الله أخوي سعدون ولا تهون يالغالي ,,,

[يـــوسف]

طاح بيد محارش :)









أخوي عقاب ابد تسانك تبي مزمزه خل وغدانا يقومون من النوم سناعيسو ايافرت العربان يتمجغل على فريشة ولابسن ثوب نوم والرضاعه منطلقتن منه :)




وأبو خلوف مسوي ذيب متطلم ونايم بالسطح :)


وفتى البيدا منسفه من راس طعس لجال انسفه كل يوم بديره ويقصد على روحه ههههههههههههههههههه








وريال الفسحة منتدب قدام قصر أمير يقولون فيه خراجي ويبي يترزق الله تخبر السعودي لاسمع فيه شرهه راح يركض طافحن جلالوه اللهابو انتي هدايفه يالهدايف هههههههههههههههههههههههههههههههه








لي نكسة :)

[روح حايل]

شرهه عرفناوه ...














بس منهي عتاب :)



ياجماعه قلنالكم لا تعرضون لأمهات الهكي :) تراي وحدتن منهم وفيهم :)


















أخي عقاب :)




لاتشره على يوسف ياحول ترى يسوي أشياء بدون وعي :)



لأنوه متزاعلن هو والسوبر فايزر حقوه :)




ارحب ياخوي بفلتنا :)

[أبوطروق]

حياك الله يا عقابان ونورت الفلة


شف إذا يوسف مزعلك أشتك عليه عند سناعيسو وهو يسنعه

وماعليك من يوسف والشبث ترهم مجرد مشرفين لا أكثر ولا أقل

خلك مع مديرهم سناعيسو (أبوه يملك 51% من أسهم المضايف)

والباقي موزع بين السيد محارش والسيد المشرف العام

"""""""

[أبوطروق]

محارش

ههههههههههههههههههههههههههههههههه

الله يرج شيطان سموك طال عمرك

ياغلاك للمزمزة

"""""""

[عقاب الحربي]

سلام عليكم يالربع ,,,
الغالين :
روح حايل
وابوطروق
صبحكم الله بالخير وياهلابكم , قال وش يجلدونك عنده ؟؟ قال الحكومه أبخص ,, وانا أبخص بيوسف وين القلب اللي يقدر يشكيه ؟ انا اذا دخلت على فلة الحجاج لازم ادعي دعاء نزول المكان ,, علشان مانوخذ ضحى ,,,

[عبدالله الجعيثن]

^
^
ماتوخذ ضحى... ليه هي نياق



ترحيب بالغالي والله انك عزيز ومن عزيزين


بس انت فين تشتغل!!!

[محارش]

^
^
ابو غازي

انت بعت الارض اللي بالدمام ؟
عندي لك مستثمر يبيه ايجار خمس طعش سنه :)

وش قلت اعطيه رقمك او اعطيه اشكل :)

<<< فرصه نترزق الله بهالصفحه :)

[عبدالله الجعيثن]

^
^
^
اصصصصص اسكت لا يجينا الحربي


نص مكاتب العقار والشريطيه .. حروب ..

[محارش]

^
^
ايييه انت تهايلن وانا اجيك منصلدز :)

[عبدالله الجعيثن]

^
^
ايييه انت تهايلن وانا اجيك منصلدز :)



لا تخاف ما اخليك..


.تخبر فؤاد انور بكاس العالم اكاللي يشوت الكوره ويلقفله

[ريتاج]

حياااك اخووي عقاااب ....


عسى بس ماااتكسرت...

لا ابشر بالونااسه بفله حجاااج.....


ان شالله تفييد وتستفييد.....


شيييييع<<يعني مع السلاامه

[ابو خلوف]

يالله ان تحيي عقاب للمره الخامسة عشر




وانتبه من محارش راعي مزمزه




خلك من معي ولا مع سناعيس حبيبين مره ومانوذي احد




ولا احدن يشتكي منا >> بالحيل بالحيل

[عبدالله الجعيثن]

^
^
هو ان سلم منكم مابه بلا...


.الا هو اطخم ولا لا؟

[غالب]

نزل موضوع فلاوي وإن نقله أنا أخليه يشم أباط أبوخلوف

[ابو خلوف]

هو ان سلم منكم مابه بلا...

افا


.الا هو اطخم ولا لا؟

من محارش ولا راع الموضوع







نزل موضوع فلاوي وإن نقله أنا أخليه يشم أباط أبوخلوف



وش قصدك بعد انت هههههه

[عقاب الحربي]

سلام يالربع ,,,
عبدالله الجعيثن
ريتاج
أبوخلوف
سناعيسو
أسعد الله (( قايلتكم )) وعلكم بخير أنشاء الله .
أخوي عبدالله الجعيثن أني والله داري من يوم شفت مناظرك وأنا داري أن تاااااااااجر هذي أرض الدمام غير فجووووووج المملكه الثانيه ,,,
وياهلا وغلا بسناااااااااعيسو أييييييييه ياخوي هالحين أقدر أشرشح وأمزمز براحتي ,وأنا أشتغل كداد ,,, رياض رياض رياض باقي راكب واحد بس ,,,

[عقاب الحربي]

والله كان المقصود بالطخامه محاكيكم ؟
لا والله مامن طخامه ,,, الطخامه يجيبه الله
( آآآدر ياكريم )

[السنعوووسيه]

الحربي

حياك الله منور الفله

[ريال الفسحه]

هلا والله وغلا بعقاب حياك الله بمحلك


راح اعطيك نبذه عني واترك عنك كلام الشباب
تخبر هم مساكين وطفارى ويتمنون وهم مايدرون
ان التمني .... الفقر :)


اخوك ريال الفسحه مشرف سابق طبعا تركت الاشراف
لكثرة اسفاري حيث اني اعمل سفير لبنان بالسعوديه
يعني فوق السفير حلو :)
ويوم كنت كبرك كنت مشرف على الفله مع الوقت صرت
اداري وبعده صرت مشرف عام وتقاعدت بكيفي ماهو بكيف
واحد ثاني :)


بعدين


عندك الاخوان معروفين


محارش

متقاعد من مخبز تميس ويعمل حاليا [ مدلتس ]
يعني معوه قوطي وازلين دق عليه يجيك ويهمزك
ويدلكك بعشره ..


عبدالله الجعيثن

[ مليتس ] وطبعا هو مايملك لان المحكمه
معطينه حالات الطلاق لانه وجهن مهو هكاللي :)

سناعيس

هذا واحدن حفاظته للحين ماجدعه

ابوخلوف

هذا خلوه يولي وسرواله اطول من ثوبه
لدرجة انه واصلن عقوبه

الشبث

هذا سفير مثلي



طعن اتركهم تراهم دشير ويدخنون
وعبدالله الجعيثن وادزعن بالشيشه
تالي وقته



:)

[فتى البيداء]

أهلن أخونا عقاب حياك الله بين أخوانك ..

أجل تبي أنمزمز عليك ؟؟ <<< ياجماعه وين الحنشل

غريبه ما وصلته ريحة المزمزه ...

عقاب ريال الفسحه عندك أياه تراه يشتغل شحاذ (طرار )

كان عقيد بس أتضربته موجة الأسهم وتقاعد مبكر وطاح من عرض ما طاح من حقين الأسهم ... وبداء يمارس المهنه المذكورة .. خذ بالك منه ..

[ريال الفسحه]

8

ارفع شنق سروالك والا فاردز :)

[فتى البيداء]

8

خابر هالوصفه لأبوخلوف وشلون صارت لي ؟؟؟ << ريال أنزدلع

[عقاب الحربي]

ياوعرب ياهنيا أحد ياهل البيت السلام عليكم ,,, وصبحكم الله بالخير ,
الغالين :
متكيــــــــــــه بالمضيف
ريال الفسحــــــــــــــــه
فتى البيـــــــــــــــــــداء
ياهلابكم وياغلا أني والله صادق !؟ أيوالله أني صادق !!!؟؟ لا حوووووول يامسلم والله أني صادق ماني بكاذب !!!
ياريال الفسحه والله يابعد راسي الربع مامدحوك لي ؟
وزودٍ عليه أني في حساسيةٍ من التجار (( ولواحقهم )) عيالهم , يعني في حكه من التجار الله يعفي !!؟
وأنت يافتى البيداء حنا نبي السلامه وأنت تشود على الحنشل لا ياملا الحنشل اللي يجونك ( قايله ) لا وبعد مواصفات أفغان وسودانيه ,, لا تخلين أرمي الشماغ وأنخى سناعيسوووووو .

[&^^مهــــا^^&]

حياااك الله

وياهلا ومرحبا فيك معنا في الفله

تقبل احترامي,,

[عبدالله الجعيثن]

انزحي شوين .. لا اطلعلك صك طلاق قبل تعرسين


الحربي


به ارض على اربع شوارع...ومساحته اكثر من 3000 متر .. ورخيصه


تشتري


تره لقطه<<<<< ...يبي يبيعه المقبره

[محارش]

ههههههههههههههههههههههههههههههههههههههه
هههههههههههههههههههههههههههههههههههههههه ههههههههههههههه
هههههههههههههههههههههههههههههههههههههههه ههههههههههههههههههههههههههههه
هههههههههههههههههههههههههههههههههههههههه ههههههههههههههههه


الله يرجك يابو غازي

ههههههههههههههههههههههههههههه

وقسم ياردك انه عن عشرين موضوع

هههههههههههههههههههههههههههههههههههههههه هههههههههههههههههههه

المقبره

حسبي الله على الظالم :)

[عقاب الحربي]

ياسلام الله سلاااااامٍ على روس الجميع
يامعازيب الوفاااااء يامعازيب الوفاااااء

مساء الخيرات للجميع وعسى لاخلاف ولا مخالف ,,,
الله يرج عدوك أخوي عبدالله ,,,!! ذكرتني بسالفة الشايب اللي أرسل ولده للرياض يبيه يراجع بوزارة التعليم يبي فتح متوسطه بديرته ,,, وقبل مايمشي الولد قاله : وشفلي موضوع المقبره وش صار عليه (( يبي يوسع المقبره )) قاله الولد سم وراح للرياض ,, ويوم وصل الرياض , الولد مدمغ الله يعفي , نسي موضوع المدرسه وصلح موضوع المقبره ويوم رجع لأبوه قال أبشرك أن موضوع توسعة المقبره جت الموافقه عليه , قال وموضوع المدرسه وش صار عليه قال الولد : والله نسيته السموحه يابوي , قال الشايب أبك كيف نسيته ,مخلن المهم ورايحٍ تقااااابع ورى المقبره ياللي فيك ملاااااافيك!!!؟؟ أنت خايفٍ أن أهل المقبره يشدون من مقبرتهم ,,,