الله يضيق صدركــ

[يـــوسف]

السلام عليكم ورحمة الله وبركاته ..


الله لايمسكم الا بكل خير ولايصبحكم الا بزيه :)


يالربع ابشكي لكم وبالعربي ابي افضفض لكم <_ سناعيسو قرب ابي احط راسي على تسبدك وأبتسي وامحش خشمي على ثوبك :7ayyoh:




امس تخبرون الجو غير وأمطار على بعض مدن مملكتنا الحبيبة <_ يسمعهم يقولونه بالتلفزيون :)



مالكمش بالطويلة وهو يدق علي ابوي حفظه الله <_ محترم تروني :)



قال ياوليدي هو عليكم مطر وأنا بسابع نومة قلت هآه ايه ايه غرقنا اليوم تسيف يايبه ددسني يالله اعبره الشارع :)


طبعا كنت حلمان بريال الفسحة وسعابيلي تدرج وأبوي حفظه الله مرووووووق



المهم طلعت ابشوف الجو برا وأطلع بالفانيلة والسروال والشوشة طايره الا مامن مطر بس غيم دريت اني جبت العيد



وأركض لجوال أخوي واقفله :)




المهم رحت للدوام والجو ماهو جو دوام حق طلعت بر وخوت رجالن مثلكم وشرواكم <_ يأشر على اهل الفلة :)



وأجي للدوام يالله اسحب رجليني اتغصب على الدوام ..


والأخلاق تجارية كل شوي تجيني وسائط من العيال كلن بديرة مشردين ههههههههههههههههه



يالربع اخوياي الحظيظ بهم تعين بتبوك قسمن بالله :)




الباقين اللي بالربع الخالي ولا بجدهـ ماحوله أحد وواحد بشركة بهالسفن تقل راسي حاشي كل يوم بديرة انسفه ههههههههههههههههههههه







المهم المهمات واجلس بالدوام ومن القرآدهـ بجنب خوين لي مطيري والولد خوين لي حيل وأجودي بس جايته ام العبيد اللي جايتن



والكاونترات اللي متقابلين انا وهالمقرود عليه مقابل الشباك اللي على الشارع <_ يعني بالله فيه شباك على دورة مياه هههههههههههه






وأنا أركب سماعتي ويالله اتحرك وهو يمر من وراي السوبر فايزر وهو يقولي بسرعة بسرعة ياقلبي <_ يغازلن :)





قلت انزلع بس ماأحسبه سمعن ماخذيت شوي الا وهو ناكس والمطيري يتبوسم طالعتن حمرته هههههههههههههههه قلت وش بلاك قال شف ابو الهول وراك :)





دريت انه خربت <_ قلت هلا يابو أحمد العلم وشو قال ايش قلت قبل شوي <_ لحجي تروه :)

قلت ولا شي قلت الله يسهل دربك رح بس خلن اركب سماعتي وراي لحوج وهو يقوم للمطيري ضحك نكبن عندهــ :za3lan:


وهو يسحبن ويخليني اوقع على استيضاح زي قلته مايدري اني مشبك المدير اللي فوقه :)




المهم أول مكالمة الأخ مسعد من جيزان الشقيقة ياااااااااااااااااناس يالربع عمركم شفتو بشر ادمي انسان يجي من فرع ويعطونه موعد بكرا ويجي يدق علي يقولي وش رايك اروح اكيد :148r:








ثاني مكالمة <_ من فلانة فلمبان <_ من جده داخله تبي تشوف كم رصيد زوجه وآخر شي يوم طردته قعدت تشتمن اللهابو هالشدوق شدوق هالجلموني :wallah_hoo:







وهو يغيم الجو حيل وتقل بغت تمطر وأنا مع الشباك اراعي تقل مسجون اعوذ بالله محكوم قصاص ينتظر خبر التنازل :)





ماخذيت شوي الا المطيري يجر هكالموال وهي تضيق بي الوسيعه تكتن العبره


جاب قصيدة ابن فطيس الضيقة اللي دايم بتالي عصير :wallah_hoo:





وهو ماشاء الله عليه صوت يبتسي الحصاني :)






المهم ربكم بلاه دق عليه حساوي غبي يقوه رح للفرع يقوله ليش طيب انت منت فرع هههههههههههههههههههههههههه



يما قفل بوجهه :) خبل العب بوه ويقفل بوجيه العالم :)



ماخذيت شوي الا هذي رسالة من خوين لي مبطي علمي بوه وانا اتهيض واكلمه واقفل جهازي ويقوم لي سوالف مع النزغه حول ربع ساعة ماخذيت شوين الا السوبر فايزر وراي وأنا البس السماعه تسني أكلم نسيت اني مقفل النظام :qannaj:


عاد صارت سالفة خاصة مالكم به بيننا :)





وهو يقولي ابو سعد اللي هو المطيري قال ياولد حلالاة اللي بله راس طعس على الفي أكس آر يوم قاله بغيت ابتسي صحيح ضيق صدري ...

وكل شوين يقصد علي حتى لو معي عميل خاشن جو المروح يبي يغثن دري اني طفشان :)




وآخيرا وهي تطش وأنا اقمز وأفتح الشباك وأطلع خشتي ويرشقن المطر واطلع شوشتي وهو يوقف المطر على طول :148r:



وانا انكس منفل حجاجي ومستانس على هالبروديات :)






المهم تناقرت لي شوين مع شمري من اهل حايل لهجته على بطنه وانا اقوله ياخي انتم وش في لهجتكم كذا تكلم عدل مسوي ماني شمري ههههههههههههههههههههههههههه



وهو يقبس بي ويتوعدن يقول والله اجيك بالدوام :solh::solh:



يوم خذيت شوووووووووووووووووين وهو يقصد المطيري وهو يقول



يضيق صدري كل ماحل طاري <_ ماكمله لأني نثرة على وجهه ماء :)




قلت يابو سعد الله يضيق صدرك قل آمين ههههههههههههههههههههههههه




وأنحاش وابعد عنه وبيني وبينه عشرين موظف وكل شوين يرسل لي إيميل بوه قصيدة تضيق الصدر :148r:







الله يضيق صدر العدو :)






عاد اليوم جلست قدامه قلت مت قهر يالمروح اليووووووووووم مروقن لك والله لاافقع مرارتك وابشركم فقعت مرارته :)








آسف على الأطالة :)



توسدو إحترامي

[السنعوووسيه]

ثاني مكالمة <_ من فلانة فلمبان <_ من جده داخله تبي تشوف كم رصيد زوجه وآخر شي يوم طردته قعدت تشتمن اللهابو هالشدوق شدوق هالجلموني :wallah_hoo:

ياربي منك يايوسف ليش ما علمته حرام عليك ههههههههههههههه




وكل شوين يقصد علي حتى لو معي عميل خاشن جو المروح يبي يغثن دري اني طفشان :)


هع هع هع

ياخي بتصل عليه وبقول الزم يوسف لاصار طفشان انشب بحلقوه

ههههههههههههههههههههههه




وانا انكس منفل حجاجي ومستانس على هالبروديات :)



جعله دووووووووووووم هالفله


تسلم على هالموضوع



سلملم

[بنت الجبل آخت القصيد]

يوسف


ونسك الله ياوليدي ..<<<اقراء هالجمله بلغه فصحى بحت




واحمد ربك ان عندك هالمطيري يقصد عليك
يعني وين احد يحصل له احد يهيجن له ويقول لا !!!


ليت الله يبلاني اذا توظفت برفايق يهيجنون ...!!<<<عاد تخيل حريم ويهيجنون


وش رايك بكرى تهرررب الربابه معك للدوام
عشان تضبط معكم ..



.
.

[فتى البيداء]

يوسف عاد تبي المغثه كتبت لي موضوع ويوم قضيت وهو يقطع DESL

وأطلع لمنتدى ثاني من الغبينه ...

يوسف انتبه لهالمطيري لا يصير يبي يغثك علشان تمل الدوام ... يجيب ولد

عمه ...


يوسف تبين ألهدك ؟؟؟


7










7










7








من الصبح وأنا من نفود لنفود أتابع هالخيرات ... يالله لك الحمد ..


أقول من مته أنت أمداوم ؟؟ علشان أعلمك بأي طعس كنت به ...


مثل الصبح الساعه 8 بنفود يقاله (ابوأثيله) والساعه 9 بالهديه ...

[أبو روز]

يوسف
هههههههههههههههههههههههههههه

ابشرك الديره عليه سيل والشعبان كله مشت والعيال كل يوم بالقصوريات وانا رايح لهم بكرى

وانت خلك بمكانك وهيجن على الكاونتر

[ريتاج]

هههههههههههه...

لي نكسه ..<<ياشيين التقلييد

[ابو خلوف]

ثاني مكالمة <_ من فلانة فلمبان <_ من جده داخله تبي تشوف كم رصيد زوجه وآخر شي يوم طردته قعدت تشتمن


هههههه ول يامقشر الحريم


مار انتبه لروحك انا مادري وش اخرته معك انت وهالشغل


كل يومن لك سالفه


الله العالم اخرته تبي تزود هبال على ما انت مهبول



مشكور ياحبيبي يوسف

[غالب]

يوسف
يخي أحس المطيري ضمن دخول الجنه عقب هالسواة:)
يوسف وشو (السوبر فايزر) هاه
يوسف
وش سالفتك إنت وهالشغل ترك ضيقت صدري كل شوينن تشتكي لنا :wallah_hoo:
بعدين عطن الفاين أبي أمسح إنخرورك هاللي بردني يالمروح:)

[يـــوسف]

ياربي منك يايوسف ليش ما علمته حرام عليك ههههههههههههههه
لا لا يامتكية ماهي لتس هالسالفة :)
هذي يسمونه شرف المهنه :)




هع هع هع

ياخي بتصل عليه وبقول الزم يوسف لاصار طفشان انشب بحلقوه

ههههههههههههههههههههههه
ماهو مقصر هذا هو متولجن كل يوم صرت الحين أجي متأخر علشان مايشوفن جالس ويجلس حولي :qannaj:
مره دقت علي وحدهـ من حايل انفضخ قلبي احسبهم يسجلون علي مكالة زي سوالف هديبا ههههههههههههههه كل شوين تقولي أعلمك بسالفة وتقصر صوته :solh:





جعله دووووووووووووم هالفله
الله يجزاتس خير يامتكية :7ayyoh:


تسلم على هالموضوع



سلملم





الله لايهينك يامتكية على هالمرور ...



توسدي إحترامي

[يـــوسف]

يوسف


ونسك الله ياوليدي ..<<<اقراء هالجمله بلغه فصحى بحت
ماتنقري ههههههههههههههههه صعبه :)




واحمد ربك ان عندك هالمطيري يقصد عليك
مااااااااااااااااااااااابي له قصيد لو يتركن بحالي مابي بلا والله يستر هذا وحنا للحين ماتدرعمنا بالشتاء سوا بي هلون لو تربع الارض وش يعمل بي :qannaj:
يعني وين احد يحصل له احد يهيجن له ويقول لا !!!


ليت الله يبلاني اذا توظفت برفايق يهيجنون ...!!<<<عاد تخيل حريم ويهيجنون
انتن يالبنات زين اذا جبتن قهوه ههههههههه حلويات ومدري وشو هذي سوالكن :)
ذكرتيني بسالفة ابسدحه لكم باتسر :)




وش رايك بكرى تهرررب الربابه معك للدوام
عشان تضبط معكم ..
إيه علشان اول مايسبقن شماغي مع الباب :)



.
.





الله لايهينك ياعطر على هالمرور ...


توسدي إحترامي

[يـــوسف]

يوسف عاد تبي المغثه كتبت لي موضوع ويوم قضيت وهو يقطع DESL

وأطلع لمنتدى ثاني من الغبينه ...
يااااااااااخوي هالدي سي أل هذا طلع الشيب بروسنا والله اني كرهت النت بسبته :za3lan:

يوسف انتبه لهالمطيري لا يصير يبي يغثك علشان تمل الدوام ... يجيب ولد

عمه ...لا لا ابشرك مافيه عندنا توظيف شباب بس توظيف حريم ههههههههههههههههههه ياكثرهن ياولد شكلهم يبي يطردونا باتسر :)


يوسف تبين ألهدك ؟؟؟


7










7










7








من الصبح وأنا من نفود لنفود أتابع هالخيرات ... يالله لك الحمد ..


أقول من مته أنت أمداوم ؟؟ علشان أعلمك بأي طعس كنت به ...


مثل الصبح الساعه 8 بنفود يقاله (ابوأثيله) والساعه 9 بالهديه ...
ياملا والله الفقر هههههههههههههه فهد ترن اغليك ولا ودي اسجك مخالفة :) علشان تصير قنبلة الموسم على قولتهم هههههههههههههههههههههه



الله لايهينك يالغالي على هالمرور المقشطاني :)



توسد إحترامي

[ريتاج]

المهم تناقرت لي شوين مع شمري من اهل حايل لهجته على بطنه وانا اقوله ياخي انتم وش في لهجتكم كذا تكلم عدل مسوي ماني شمري ههههههههههههههههههههههههههه

وش به لهجتهم الله من الزيين بهاللهجه .. لا تطنز لا افقع خشمك:puzzled:



وهو يقبس بي ويتوعدن يقول والله اجيك بالدوام :solh::solh:





لا يغرك احتره كله كم يوووم ويجييك اصبر بس



على طااري المطراان ...<<يا اني مخربته معاااهم هههههههههه

زيين ماايذبحووني << لييش ماايحبوون الشماامره


مشكوور يااوخيي ياايووسف ...

تحمل الشغل مو انتى رجااال ورااعي مسؤووليه خللاص تحمل
لا تطييع هاللي يقوولوون لك افصل يخربوون علييك<< هههههه نذله


شييييييييييييييييييع

[يـــوسف]

يوسف
هههههههههههههههههههههههههههه

ابشرك الديره عليه سيل والشعبان كله مشت والعيال كل يوم بالقصوريات وانا رايح لهم بكرى

وانت خلك بمكانك وهيجن على الكاونتر



أمحق من خال :qannaj:

والله هكالديار من خبري به مابه الا العجاج تمطر برفحاء وهي عليه عج ههههههههههههههههه

[يـــوسف]

هههههه ول يامقشر الحريم
أنت خبرة أقشر منهن ومن شوفتهن هههههههههههههههههههههه

مار انتبه لروحك انا مادري وش اخرته معك انت وهالشغل
آخرته ابي اصير مدير خدمات عملاء التميز <_حلم إبليس بالجنة :)


كل يومن لك سالفه


الله العالم اخرته تبي تزود هبال على ما انت مهبول
آفا خربه ابو خلوف هههههههههههه :315r:



مشكور ياحبيبي يوسف





الشكر لك جعلي مااذوق تسبدك :)



توسد إحترامي

[يـــوسف]

يوسف
يخي أحس المطيري ضمن دخول الجنه عقب هالسواة:)
إيه ماهو حاصل لك لاأنت ولاهو تبي تدخلون الجنة عن طريقي معصي :)
يوسف وشو (السوبر فايزر) هاه السوبر فايزر يعني واحد يدب الموظين اللي اصغر منه بقريد :) فهمت ههههههههههه
يوسف
وش سالفتك إنت وهالشغل ترك ضيقت صدري كل شوينن تشتكي لنا :wallah_hoo:
ان ماشكيت لك من اشكي له يابو سبله :)
بعدين عطن الفاين أبي أمسح إنخرورك هاللي بردني يالمروح:)هو حاصل لك اصلا هههههههههههههههههه


سناعيسو كشرن على المرور يابو بتول :)


لاهنت ..


توسد إحترامي

[غالب]

^^^
أخس ياموتان
خخخخخخخخخخ

[يـــوسف]

لا يغرك احتره كله كم يوووم ويجييك اصبر بس
ريتاج والله اهل حايل مابهم الا الزين :)
بعدين يجينا وش يحصل زي اللي جانا مره معه مسدسه ضابط بالجيش وبلغو عليه اخويانا و***شوه الشرطه وعقب يجي يحب الخشوم يبي خوينا يتنازل ههههههههههههه


على طااري المطراان ...<<يا اني مخربته معاااهم هههههههههه

زيين ماايذبحووني << لييش ماايحبوون الشماامره
من قالتس :)
زيهم زينا بهم الطيب وبهم الغثيث مثل ماعندنا سناعيسو هم عندهم بعد زيه هههههههههههه


مشكوور يااوخيي ياايووسف ...

تحمل الشغل مو انتى رجااال ورااعي مسؤووليه خللاص تحمل
لا تطييع هاللي يقوولوون لك افصل يخربوون علييك<< هههههه نذله
تهقين ماأفصل :)
والله ياريتاج ودي اروح لشركة نادك بحايل ابي اتحيزم واركب الحراثه :)


شييييييييييييييييييع






شييييييييييييييعات :)


توسدي إحترامي

[ابو عارف]

لا أبشرك يمكن يستغنون عنكم قريب ويسرحونكم تستأنسون بهالبران يالله من فضلك.

بس إحفظلك كم موال تغنيهم في هالطعوس.

لا جايكم القص يافرع الفلس ماعندكم إلا قصايد إبن فطيس.


أمزح يالسمي لاتزعل

شكراً لك

[يـــوسف]

^
^
أهدي لك إغنية أليسا [ بتمون ] :)






اقول خالي ماطرت يستغنون عننا بحيل الله لاتصدقون الأشاعات :)







تهقى علشان كذا كل ماخطبت كرشوني ؟؟؟ ذالين على خبلتهم تدج من الجوع ههههههههههههههههه





لاهنت على المرور ياخالي ..


توسد إحترامي

[أبوطروق]

ههههههههههههههه هههههههههههههه هههههههههههههه




يوسف أفصل من دوامك وتعال أوظفك عندي بالمخيم

الراتب 1000ريال وأكلك وشربك وزقايرك علي


ومالك شغله إلا توسع صدري بسوالفك وإذا ماعندك سوالف تطقطق أصابعي




سلملي على أبوسعد





شكراً أبويعقوب

ولاهنت




ماقلتلنا أبوك دري أنك تسذوب ولا مشت السالفة

""""""""

[روح حايل]

الله يصبرك :)



لو أنا منك طالعتن من طوري وماغطتن السوبر فايزر بالعقال :)



ومنتحره مع الدريشه





احد يراعي للجو زي هالجو من وراء القضبان :)







يوسف



























:)




































حلالاة اللي بله راس طعس على الفي أكس آر :)




:thumb:

[منيف الوبيري]

عز الله انك ضيقت صدري يالمروح ,,,,,,,,,

ترن حساس بالحيل !!!

ياويلي ,,ديار الحضر والقصمان أمطار وخيرات ,,,

والخفجي للحين رطوبة !!!!

يالمقرود ,, تقلد تحياتي !!

[الشبث]

الذيب


والله من القرد بهالشوشه


بس بالله لا تنسى علم سناعيسو السوبر فايزر وش معناه هههههههههه








هههههههههههههههههههه



قمت الضحك عند فلمبان


تقرب لحق الاتحاد الاسيوي هههههههه






لاهنت يالذيب




وتقلد تحيتي

[صعوة فسفورية]

يوسف كيف الحال ..

عاد انا مافهمت شي الا ابن فطيس.. وانك كذبت ع ابوك يالكذووب..


وانك تراعي للمطر ..وشوشتك..

بس السالفة صراحة والله مافهمتهاا<< يبيلها مترجم ..

ههههههههههههههههههههه
وتقبل مروري ..

[حمـود]

يوسف انت بخير

من طول الغيبات جاب الغنايم

يوسف سلملي على السوبر فايزر

وقله يسلم عليك الدكتور طيار سيكل

الشيخ حمود الناصر
ويقولك كل تبن
واذا راح اشتكاك قل الشيخ الدكتور هو الي قالوه مهو اناا

يوسف المطيري مطيري صح

دمت بخير

مبطي عنك يا المروح

لا ويتسذب على ابوه جانا مطر منين

والا تصدق ان الملز يقولون جايهم مطره قويه

[شامان]

يوسف

كاتبلي 7 صفحات الله يهديك

ترى اليوم فيه 24 ساعه

وانت كاتب 7 صفحات لفترة ساعه من اليوم

يا خوي لو منك افصل من الدوام هذا ،، ربعك افلام

بعدين لا طق المطر يا خوي لا تداوم

وام شي بالموضوع // ما شفت تلفوني اخر مره دخلت
المضايف اليوم الصبح كان معاي

[عجايب بنت الشايب]

والجو ماهو جو دوام حق طلعت بر



اناااااااا اشششششهههههههههههههههههددددد


يابري حالي


الصبح ابوي يسحبن للمدرسه

يقول تصبري يابوتس


وهو يحطن ويروح للبــــــــــــــــر


وادخل المدرسه المطرسه واراعي لهم بنص عين


هم سبب تعاستي وشقاي هم سبب حرماني من السعه ياملا الضيققق






افيه بسس يالعطاووي


الله يعيييينك



آهـ يامل عين ماتنام = كن فيها رمد ولاهزوم
كن فيني المرض عشرين عام= الله اكبر وهي عشرين يوم
اسهر الليل من شد الغرام=اتقلب ماغير اقعد واقوم





طحياتي..,,

[المسافـر]

لسان حال سناعيسو يقول


يوسف وشي قريد


:)


يعطيك العافية يافلان على هالحكاية

[&^^مهــــا^^&]

الله يعينك على هالوظيفه والله يرزقك باحسن منها قول آآآآمين


والا المطيري خله يونسك :)





7









7









7




لاصرت راااااايق :)



ويعااااافيك ويونسك ربي


تقبل احترامي,,

[يـــوسف]

ههههههههههههههه هههههههههههههه هههههههههههههه




يوسف أفصل من دوامك وتعال أوظفك عندي بالمخيم

الراتب 1000ريال وأكلك وشربك وزقايرك علي


ومالك شغله إلا توسع صدري بسوالفك وإذا ماعندك سوالف تطقطق أصابعي




سلملي على أبوسعد





شكراً أبويعقوب

ولاهنت




ماقلتلنا أبوك دري أنك تسذوب ولا مشت السالفة

""""""""



ليتك سالمن من طقتقت الأصابع بس ...

[يـــوسف]

الله يصبرك :)



لو أنا منك طالعتن من طوري وماغطتن السوبر فايزر بالعقال :)



ومنتحره مع الدريشه





احد يراعي للجو زي هالجو من وراء القضبان :)

ذكرتيني بقول الشاعر الكبير الموضحه صورته بتوقيعي __> يقول :)
من ورا القضبان وأسوار الحديد ..صحت صيح الويل وينك ياسندي :qannaj:







يوسف



























:)




































حلالاة اللي بله راس طعس على الفي أكس آر :)
إي والله والعصير قدامه :) <_ مسوي خكري :)

والدلال تراهىا ياأم الهكي ومعلقن برقع على مراة الجيب يعني خاش جو هههههههههههههه




:thumb:







لاهنتيش ياأم الهكي على هيك مرور متكرن :)






توسدي إحترامي

[يـــوسف]

عز الله انك ضيقت صدري يالمروح ,,,,,,,,,

ترن حساس بالحيل !!!
شووووووووفو ياناس هذا خالي تروني زيه حساس بس أني ماأعلم زيه :)

ياويلي ,,ديار الحضر والقصمان أمطار وخيرات ,,,
انت تشوف هههههههههههه جبته بالصميم :)

والخفجي للحين رطوبة !!!!
الخفجي :)
تبوني أجيكم غديكم تتباركون وتهل عليكم أمطار الخير والبركة :)

يالمقرود ,, تقلد تحياتي !!



لاهنت ياخالي على هيك مرور يقووووووووووووووطر عسل ..



توسد إحترامي

[يـــوسف]

الذيب

عووووووووووووووووووووووووووووووووووووووو ووووووووووووووووو :) الشبث عجزت اجيب اختصار وغدي اللي يرقص لك بالماسنجر ههههههههههههههههههههههههههههه
والله من القرد بهالشوشه


بس بالله لا تنسى علم سناعيسو السوبر فايزر وش معناه هههههههههه

أعلمه رضمتن تدق فم العدو هههههههههههههههه بعدين سناعيسو توه وغيد على هالسوالف :)






هههههههههههههههههههه



قمت الضحك عند فلمبان


تقرب لحق الاتحاد الاسيوي هههههههه

تخبر يابو ماجد حنا من ورا هالصوت بس وانا تخيلت الشكل وذبحن الضحك وهي معي على الخط طرت علي اللي تلبس برقع يعنني سعودية هههههههههههههههههههههههههههههه




لاهنت يالذيب




وتقلد تحيتي




لاهنت يابو ماجد على هيك مرور ياجدي انت :)





ووووووووووووووه ماأزين طخمتك من بين العيال :)



توسد إحترامي

[يـــوسف]

يوسف كيف الحال ..
أنا بخير وأزقح :)

عاد انا مافهمت شي الا ابن فطيس.. وانك كذبت ع ابوك يالكذووب..


وانك تراعي للمطر ..وشوشتك..
ابن فطيس يقولون اعتزل الشعر :)
عاد الشوشة تري مامن شوشة جبهتي تقل مدرج طيران بس الله يخلي من اخترع الطاقية :)

بس السالفة صراحة والله مافهمتهاا<< يبيلها مترجم ..

ههههههههههههههههههههه
انتي مشكلة يبينا نسوي لكم معجم فلة حجاج=سعودي :)
وتقبل مروري ..



لاهنتي خيتنا صعوه علي هيك مرور ..



توسدي إحترامي

[يـــوسف]

يوسف انت بخير
أنا بخير ياللي متصل تسئل شلوني _> وجه مستحي :)

من طول الغيبات جاب الغنايم

يوسف سلملي على السوبر فايزر

وقله يسلم عليك الدكتور طيار سيكل

الشيخ حمود الناصر
ويقولك كل تبن
أبشر طال عمرك يوصل هههههههههههههههههههه
واذا راح اشتكاك قل الشيخ الدكتور هو الي قالوه مهو اناا

يوسف المطيري مطيري صح

دمت بخير

مبطي عنك يا المروح

لا ويتسذب على ابوه جانا مطر منين
وش تبيني اقوله اني بسابع نومة علشان يجيني ويثور بي :qannaj:

والا تصدق ان الملز يقولون جايهم مطره قويه
إيه أنا بجنب الملز هاللي تشوفه جاه مطر <_ بركة :)









لاهنت يابو ناصر على هالمرور يااااااااااااااااااااااااااااااااجعلي ماذوق تسبدك



توسد إحترامي

[يـــوسف]

يوسف



كاتبلي 7 صفحات الله يهديك


ترى اليوم فيه 24 ساعه


وانت كاتب 7 صفحات لفترة ساعه من اليوم


يا خوي لو منك افصل من الدوام هذا ،، ربعك افلام


بعدين لا طق المطر يا خوي لا تداوم
صحيح يقولون أنكم تبون موظفين بنوك بالكويت :)
<_ يبي يهاجر لكندا يكافح بالحياة :qannaj:


وام شي بالموضوع // ما شفت تلفوني اخر مره دخلت

المضايف اليوم الصبح كان معاي
ياذا التلفون اللي مضيعه بالمضايف ياخوفي آخرته يطلع اريكسون الموديل القديم :)








لاهنت يابو بشار على هالمرور الطيب

وياعلك تلقىا جوالك بمضيف الرومنصيين :)

توووووووووووووووووووووووووووووووسد إحترامي

[يـــوسف]

اناااااااا اشششششهههههههههههههههههددددد
^
^
شووووووووووفو الناس اللي تقدر الجو :)


يابري حالي


الصبح ابوي يسحبن للمدرسه

يقول تصبري يابوتس


وهو يحطن ويروح للبــــــــــــــــر


وادخل المدرسه المطرسه واراعي لهم بنص عين
هههههههههههههههههههههههههههههههههههههههه هههههههههههههههههههههههه

أجل تسحبين دفاتر التحضير وتراعين لهم وعيونتس مغورقه :)


هم سبب تعاستي وشقاي هم سبب حرماني من السعه ياملا الضيققق

مالك إلا الصبر ياعجايب <_ لاشفت مصيبة غيرك تحب يديك وجه وقفا :)






افيه بسس يالعطاووي


الله يعيييينك


آهـ يامل عين ماتنام = كن فيها رمد ولاهزوم
كن فيني المرض عشرين عام= الله اكبر وهي عشرين يوم
اسهر الليل من شد الغرام=اتقلب ماغير اقعد واقوم


صحححححححححححححححححححححححح لسانك :)

طحياتي..,,




لاهنتي ياخالة على هالمرور العطر ...
وإن شاء الله تاخذين لتس رجل كل يوم يوديتس للبر يم النياق :)

توسدي إحترامي

[يـــوسف]

لسان حال سناعيسو يقول



يوسف وشي قريد



:)



يعطيك العافية يافلان على هالحكاية




اقول اويلك على من حشرك مع سناعيسو بالفصل ههههههههههههههههههههههههه




لاهنت يالغالي على هالمرور :)




توسد إحترامي

[يـــوسف]

الله يعينك على هالوظيفه والله يرزقك باحسن منها قول آآآآمين

آآآمين <_ يدعي من قلب ورافعن يديه :wallah_hoo:



والا المطيري خله يونسك :)
الله يضيق صدرهـ بس اليوم مفرعين انا وياه يقولي يوسف ياخي حنا الله غاضب علينا قلت وش جاري عليك انت كل سوالفك نكد بنكد :)
يقول شف جباهنا وش كبره وشف اللي وراك يعني خوينا شعره تقل من اللي يطلعون بدعايا الشامبو وهي تتكن العبره





7









7









7




لاصرت راااااايق :)



ويعااااافيك ويونسك ربي
الله يعافيك ويرزقك وظيفه <_ ياغلي البنات للوظيفة ههههههههه



تقبل احترامي,,



لاهنتي اخت مها على هاظ المرور ...


توسدي إحترامي

[&^^مهــــا^^&]

<_ ياغلي البنات للوظيفة ههههههههه

والله مو حب فيها الا من الملل

والله مليت من البيت ضاق صدري ابي ناس <<فقر ما اشوف احد

<<هذا مو فرع الشكاوي ههههههههههه

[جبرني الوقت18]

هههههههههههههههههههههههههههههههههه
الله يعينك يايوسف

[عبدالله الجعيثن]

<_ ياغلي البنات للوظيفة ههههههههه

والله مو حب فيها الا من الملل

والله مليت من البيت ضاق صدري ابي ناس <<فقر ما اشوف احد

<<هذا مو فرع الشكاوي ههههههههههه



حطي بسطه بأقرب سوق شعبي

واذا مافيه...اشري طرطعان وبيعي بالمناسبات

[&^^مهــــا^^&]

8

8

لااااااا ما ابي كذا

ابي مجتمع نسائي هههههههههههه

[عبدالله الجعيثن]

^
^
هذي بحق


يعني الخالات ... ماهن نسائي


اسمعين ياخالات المضايف (عجايب , فيدة القصيد) حطتكن شنبات

[&^^مهــــا^^&]

8

8

لا والله انهم على راسي من فوق

تعال انت يابو الفتنه انا اقصد ما ابي اشوف رجال مفهوم بابا

[عبدالله الجعيثن]

^
^
شوفي فيل علي


يوديك كوكب مابه رجاجيل

[&^^مهــــا^^&]

8

8

بسم الله علي

انا اقصد ما ابي اختلاط