زاهي
22-10-2008, 20:45
مجارات الكبار جميلة لأنها تنمي موهبة الشاعر خصوصا في القوافي المعقدة
هذه نتاج تحدي من احد الاعزاء لسلوك هذا الطاروق فكان ما أمامكم
أتمنى ان تحوز على اعجابكم:
يابوظليل أشوفه ضاقت فجاجه = في غرفة مظلمه مادل مخرجها
لهيب نارن بصدري دوم وهاجه = يالله أنا طالبك ربي تفرجها
بأسباب ريم سبى قلبي تغناجه = عمهوجتن طلته روحي تبنجها
محبته في فؤادي فلن أبراجه = فارقتها والمحاجر بان دارجها
ودموع عيني كما تيما وهداجه = وجروح قلبي عجز عنها معالجها
أغرق بهمي وأقاسي شدة أمواجه = عجست روحي على فرقاه أبرمجها
ماله مثيلن من اليابان لين آجه = ومن البحور البعيدة لين منبجها
عن ماسواها فؤادي صك مزلاجه = جمارك القلب غيره ماتخرجها
ماهمن اللي بدربي يضحك حجاجه = لو بالمساحيق زادت فوق بهرجها
همن حلاة الجمال وسيده وتاجه = محبته تعجز أبياتي تجسدها
يالله عقب الفراق تمن بمواجه = ويالله نفوسن كلاها الهم تبهجها
تمشي رجولي دروب وترجع أدراجه = ومن زود مابي أعيف الناس واسهجها
دوم المحبة يلده ناس هراجه = كم عالمن بدلت أحلى مناهجها
عدا اللتي بيضها يطغى على عاجه = روحي وروحه عظيم الشان دامجها
ياجامع الشمل يالله عجل أفراجه = نبي زلاله عقب كدره وهامجها
يابو الجنحاين شلع يمه وناجه = قل طورفت والولي لابد يفرجها
هذه نتاج تحدي من احد الاعزاء لسلوك هذا الطاروق فكان ما أمامكم
أتمنى ان تحوز على اعجابكم:
يابوظليل أشوفه ضاقت فجاجه = في غرفة مظلمه مادل مخرجها
لهيب نارن بصدري دوم وهاجه = يالله أنا طالبك ربي تفرجها
بأسباب ريم سبى قلبي تغناجه = عمهوجتن طلته روحي تبنجها
محبته في فؤادي فلن أبراجه = فارقتها والمحاجر بان دارجها
ودموع عيني كما تيما وهداجه = وجروح قلبي عجز عنها معالجها
أغرق بهمي وأقاسي شدة أمواجه = عجست روحي على فرقاه أبرمجها
ماله مثيلن من اليابان لين آجه = ومن البحور البعيدة لين منبجها
عن ماسواها فؤادي صك مزلاجه = جمارك القلب غيره ماتخرجها
ماهمن اللي بدربي يضحك حجاجه = لو بالمساحيق زادت فوق بهرجها
همن حلاة الجمال وسيده وتاجه = محبته تعجز أبياتي تجسدها
يالله عقب الفراق تمن بمواجه = ويالله نفوسن كلاها الهم تبهجها
تمشي رجولي دروب وترجع أدراجه = ومن زود مابي أعيف الناس واسهجها
دوم المحبة يلده ناس هراجه = كم عالمن بدلت أحلى مناهجها
عدا اللتي بيضها يطغى على عاجه = روحي وروحه عظيم الشان دامجها
ياجامع الشمل يالله عجل أفراجه = نبي زلاله عقب كدره وهامجها
يابو الجنحاين شلع يمه وناجه = قل طورفت والولي لابد يفرجها