% كلكم يا اهل الفله %

[الشبث]

من اخونا الكبير ابو عارف

اللي بصراحه مانعرف قيمته الا اذا فقدناه ( من غير شر ان شاء الله )


هالرجل اللي مهما تكلمت ماراح اوصفه

انسان يعتبرنا مثل اخوانه الصغار ومثل ابنائه

نشكره كل الشكر لوقوفه الدائم معنا

وعلى تقبله لكلامنا

وعلى تواجده المستمر





واخوي ابو طروق

هالادمي الطيب

اللي يأسرك بكل كلمه يقوله

وتشوف الاعضاء يشوفون ابو طروق وين يرد علشان يقرون رده


شلون اذا موضوع

مسوي جو بالفله

مقدر اقول الا انه اخوي واحترمه كثير

عسى الله ما يخلينا منه



واخوي ابو ضاري ( الضاري )

وجوده بالفله مسوي توازن للفله

احس اذا فيه بركه فهي من هالادمي

ياطيب الرجال يالربع

اخلاقه عاليه


يشرفنا وهو بيننا

وماعمره بيوم جاء منه غلط


كل الاعضاء يمدحونه ولا يخطون بحقه





واخونا ريال فسحه

دمااااثة الخلق

عفريت الفله

ماودك يغيب عن الفله ولا ثانيه


ودك متصل خمس وعشرين ساعه


حتى الخطا منه مقبول

وعلى حسب ما قريت من الاعضاء الجدد انه سبب تسجيلهم


ما يحقد

ولا يتكبر


على الفطره




يوسف

حبيب القلب

عمود الفله

يالربع لو يروغ شوين طاحت الفله

اقرد ما خلق ربي

من ناحيتي انا اموت ضحك على سوالفه

لاني اعرفه منتهي


يمكن يكون اخطا على احد

بس والله طيب ولا يغث ويعتذر





فتى البيداء

في رمضان اول مره اسمع صوته

بصراحه غير اسلوبه

فيه من الطيب الشي الكثير

ولا يحب الغلط

فاهم كثير

يعني الرجال مثقف حيل

مزوح

ولا يزعل من المزح

الله لا يخلينا منه خشتوه





سناعيسو

عاد هذا ماوكلي الفله

يالربع هذا غلوتي بالفله

والله مقدر اقول له شي

مدري خوف ولا وشو ههههههه


الله يخليه لعينن ترجيه

كلامه اكبر من كلامنا وعمره مو على كلامه

اخونا الصغير

ونحترمه ونقدره




ابو خلوف

هذا بالذات

محد يعرف له الا سناعيسو

مسوين عصابه هالثنين

اول ما دخل عندنا قلت هذا وشو


لا يحتسي كثير

يعني بصراحه من الناس اللي ما تنفهم

ولا توقعت انه يستمر


طلع مهو بسيط

بس للامانه

طيب وغالي عندي بالحيل

ولا يرضى بالخطا على احد


ورحوم

والله يالربع انوه رحوم انا اشوفه بس يسأل الاعضاء

وش فيكم من عليكم ههههه




حمود الناصر

هذا ويين ما يودونه يرجع للفله

يعني هو مشرف الرياضي

بس دمه فلاوي

مافيها كلام ههههه

اخلاقه عاليه

حتى النمله لو ماتت عنده يبتسي

مهو مثل سناعيسو يفغصه ولاعليه منه ههههه

نتشرف بانه يكون بيننا



شنقل

زعيم الفله

اعرفه زين

يغلي الفله

رجالن بحاله ولا عليه من احد

منسم اربع وعشرين ساعه

يحب يضحك وبس

وغيره يخلف الله






الحنشل


اشم ريح مزمزه ياعيال هههههه


من الاعضاء اللي تشرفت بشوفتهم

الرجل طيب وكريم وابن كرام مثلكم جميع

اهم ميزه فيه انه ما يحقد

وقليل بهالوقت اللي مايحقد

رجل واصل

محترم

ماعنده سوالف هالسرابيت وهالخرفان

الله يوفقه






المسافر

الكاتب القضيه ههههه


للمعلوميه هالكاتب كان سابقا بأسم كعبول

قديم ومن الرعيل الاول للفلاويين

كاتب بأسلوب مفيد

له في كتابته اهداف


وفوق هذا اخلاقه قمه

محترم حتى اذا زعل


ورجل فيه دين

تشرفت فيه




مصيول

يعطي للفله ميزه

اسلوب كتابته تحس انك عايش بالسالفه

رجال حبيب

اخلاقه عاليه

يحب الاعضاء دون تفريق بين هذا وهذا

ماعمري شفته بيوم متزاعل مع احد

اذا حصلت له موضوع بالشكاوي تحصله يبي مصلحة المضايف

كافين الناس خيره وشره







محارش

شيخ شيوخ الفله

اختم فيه الاعضاء

الرجل تشرفت بمقابلته

انسان قليل اللي مثله

اسلوبه مافيه اي تصنع

ما يجامل ولا يحب المجاملات

ويحترم الاعضاء الصغير قبل الكبير

ويقول كلمة الحق لوهي على نفسه

استاذنا في الفله

له مني كل الاحترام والتقدير

وماراح انسا انه رجع علشاني

هذي قليل اللي يسوونه













اما اخواتي الغاليات الطيبات

فلهن كل الاحترام والتقدير

ونتشرف يكون بيننا مثل هالاخوات

اخلاقهن نفتخر فيها

وللمعلوميه

ماتجلس هنا الا عالية الاخلاق

لهن مني كل التقدير والاحترام


اختي عجايب

واختي اهدااب

واختي عطر القصيد

واختي سماا

واختي ريتاج حايل

واختي مها

واختي روح حايل

واختي متكيه بالمضايف

واختي صعوه فسفوريه

واختي مراسلكم من حايل


كلكن لكن قدر ومعزه عندي

واعتبركن اخوات لي
















بس مالحظتوا فيه عضو وعضوه قديمين ماجبت طاريهم


شليويح

وحمراء الموت


غايبين صح


من فينا سأل عنهم

او ارسل رساله يتطمن عليهم ؟؟


ماقول البنات يرسلن لشليويح والشباب يرسلون لحمراء

العكس اذا منحرجين ولا شي


انا ذكرت انكم كلكم فيكم من الاخلاق الطيبه الكثير

بس فينا قطاعه


العضو اذا ابتعد محد يدري عنه ولا ندري وش اخباره

فيه شي ولا لا

احد مزعله ولا لا

محد فينا قدر اخوة الثاني


صحيح انه عاده بعالم النت

بس حنا غير

ولازم نكون غير

خويكم اذا جاء ولا فيه من سال عنه راح تحز بنفسه

لكن لو جاء ولقاكم تسألون عنه راح يثبت ولا يترككم


انتماهل الوفا مهو انا اللي اعلمكم

لكن قلت ابي اذكر


ومهما حصل بيننا نبقا اخوان واكثر




هذا اللي عندي


ممكن اكون اخطيت وممكن لا


الله العالم



الاكيد انكم غالين



وتقلدوا تحيتي

[يـــوسف]

يوسف

حبيب القلب

عمود الفله

يالربع لو يروغ شوين طاحت الفله

اقرد ما خلق ربي

من ناحيتي انا اموت ضحك على سوالفه

لاني اعرفه منتهي


يمكن يكون اخطا على احد

بس والله طيب ولا يغث ويعتذر






<_ يناشق ويبتسي من قلب ..








الشبث يالك من رجلن منتاز :)






الشبث الفلة بإذن الله دام القلوب صافية ونعامل بعض بمعاملة أخوان فحنا بخير يازعيمنا ..



وإن شاء الله وبحيل الله نفتك ويبعدون عننا الناس اللي يوزون البعض ويقولون روحو أشتكو على يوسف حذف ردودكم :)





وأتمنى يابو ماجد أن جميع أعضاء المضايف يمتلكون لو جزء بسيط من صراحتنا وشجاعتنا بقول كلمة الحق مهما كانت هذه الكلمة تضرنا ...









فلة حجاج ستي يابو ماجد سوف تستمر بإذن الله ولا راح ترجع أفضل من أول بوقفت الجميع وخاصة أخوانا أعضاء فلة حجاج ...

وأختنا حمراء الموت الله العالم أنه أعرست ولا قلبت على شاصهم وللحينه ضايعتن بأجبال سلمى هي وجلاله الحمر :)

وشليويح تلقاه كل يوم بمنتدى يدور الجوائز ههههههههههههههههههههههههه



أتمنى والله من كل قلبي انهم يكونون بخير وصحه وسلامة ..

وأحس انهم يتابعونا مدري شنوح <_ يقاله مسوي اسلوب :)












أبو ماجد أنت فيد دب :)










تدري شنوح ؟؟؟







لأنك ماتكلمت عن نفسك :)







الشبث ::::: عباره عن كتلة مشاعر تتدربى بيننا <_ ابوووووووووك يالتعبير اطلع برا :)












ابو ماجد العذر منك والسموحه ماأقدر اقول فيك شي أخاف اقصر وربي ..






ليتك ماعلمت اني اسامح بسرعة الحين يطيحون بي وكل شوين مزعليني عاد زعلت عبد :)












لاهنت يالذيب وإن شاء الله فلة حجاج تبي تصير زي ماكنا نخطط لها يابو ماجد وزي ماكنا نحلم يوم حنا متبطحين بحوش الاستراحة ومطفين اللمبات ونراعي للقمر :)










توسد إحترامي

[روح حايل]

وعن نفسي أعتز بأخوتك ، وأكن لك كل التقدير والإحترام ...



:.:

وانت صادز يالشبث وكلامك كل ابوه صح ، وهذا المفروض اللي يصير ...


لكن عن نفسي ، ماسجلت بالمضايف إلا عن قريب ...


والأخوه والأخوات اللي غايبين ، ماحتكيت بهم ، ولا أعرفهم !!!



لكن دامهم من أهل الفله من هالمنبر نقولهم :



عسى ماشر هالغيبه ، ومن قلوبنا نتمنى عودتكم سريعا ً


وإن كان بوه أحد مزعلكم نبي ندق خشموه وراسوه بعد :)




.... عوووودوا للفله ....
.... عوووودوا للفله ....
.... عوووودوا للفله ....






الشبث أشكر روحك الطيبه ، وان دل على شيئ


دل على نبل أخلاقك ...


roooose

[بنت الجبل آخت القصيد]

يعطيك العافيه ماقصرررررت اخوي

بس اش معنى الشباب الواحد مسوي له تعبير لحاله وحنا جمعتنا بربطه وحده
:za3lan:<<<<<بدت الغيره يادافع البلاء
الوعد باتسر بنكتب قصيده ببنات المضايفshlwee7
^
^
الجد ابن الجد كلكم ماقصرتو وماشفنا منكم الا كل خير:thumb:
.
.
لاهنت

[ماجد]

ابو ماجد وشنوحك مثل الشايب الي ذالن من الموت بس يوصي ويحبحب وغدانوه :)
^
^
^
عسى انشاء الله تدوم خوتكم واحترامكم لبعض

[ريال الفسحه]

الشبث

عضو منسم ومن العيال المخرمين :)
من ابسط هواياته القراده ههههههههه

يعني اذا ماعنده شغل ينقرد بلوه سالفه
وينكس ..

طيب وحبوب واذا نبي نشبهه باحد نشبهه
بالببسي كلنا نحبوه :)


ياببسي العربان انت


اجل انا على الفطره :)



بيض الله وجهك موضوع مميز وفكره
رائده ..



لاهنت

[صعوة فسفورية]

وي لا مو مصدقه ابو ماجد هذا شرف لي...اني اكون من اخواتك.. وشي حلوو اني لفت نظرك وحطيتني من



ضمن هالكوكبه لاهنت يالغالي ومثلك مو غريب عليه هالولاء..وانت نعجز نوصف شخصك الكريم لكن تقبل كل


احترامي وودي

[ابو عارف]

من اخونا الكبير ابو عارف

اللي بصراحه مانعرف قيمته الا اذا فقدناه ( من غير شر ان شاء الله )


هالرجل اللي مهما تكلمت ماراح اوصفه

انسان يعتبرنا مثل اخوانه الصغار ومثل ابنائه

نشكره كل الشكر لوقوفه الدائم معنا

وعلى تقبله لكلامنا

وعلى تواجده المستمر

وتقلدوا تحيتي

------------------------------
شكراً لك على تقديم الشويب لإنه مايستطيع الإنتظار طويلاً تصدق حتى الخباز إذا شافني في الطابور يناديني أنت ياعمي كم تبي من الخبز عاد أنا أقول عطني بريالين وبريال كمان.


شكراً لك مرة أخرى ورفع الله مقدارك يالذيب.

[ابو ضاري]

واخوي ابو ضاري ( الضاري )

وجوده بالفله مسوي توازن للفله

احس اذا فيه بركه فهي من هالادمي

ياطيب الرجال يالربع

اخلاقه عاليه


يشرفنا وهو بيننا

وماعمره بيوم جاء منه غلط


كل الاعضاء يمدحونه ولا يخطون بحقه


وتقلدوا تحيتي


شكرا ابو ماجد لاهنت يالغالي

يعلم الله اننا مشتاقين لشوفتكم ....الفله لها طعم خاص بالمضايف

وعلى رؤؤسهم انتم

المشرفين الغالين شبيثان ابو شوارب صفر ...يوسف خالي .....ريال

الفسحه ...وقائدنا الهمام

الشويب

واخواني الاعضاء واخواتنا كلهم لهم الاحترام والتقدير .....دام عزك

يالفله

[الشبث]

هلا بالعم يوسف ههههههه

اجل ما تبي احد يدري ان قلبك طيب وترضا بساع هههههههه





الله لا يهينك


ارسل لاخونا شليويح واختنا حمراء الموت سؤالك عنهم



واذا فيه اعضاء نسيت اسمائهم ذكرني





وتقلد تحيتي

[الشبث]

هلا بالاخت العزيزه روح حايل

عاد تصدقين احسبتس قديمه


ماشاء الله عليتس فعاله



الله لا يهينتس اختي

ياليت ترسلين للاعضاء سؤالتس عنهم






وتقلدي تحيتي

[الشبث]

هلا باختي العزيزه عطر

انتن بالذات لكن معزه عند اخوكن الشبث

بس لانكن بنات مابغيت اتكلم عنكن احتراما لكن




وياليت اختي عطر ترسلين سؤالتس عن الاعضاء




وتقلدي تحيتي

[الشبث]

هلا اخوي حسب علمي


ماتدري نفسي متى تموت

يمكن اليوم ويمكن بكرى


يعني ما يموت الا الشيبان هههههههه



تشرفنا فيك




وياليت ترسل معنا سؤالك عن الاخوان





وتقلد تحيتي

[الشبث]

ياهلا بمرندا العربان ههههه

هلا بريالي



تسلم على هالكلام الطيب



وياليت يا ريالي ترسل سؤالك عن هالاعضاء



انت بالذات ضروري




وتقلد تحيتي

[الشبث]

الله لا يهينتس اختي صعوه

شرفتيني بهالكلام الطيب


وياليت معنا ترسلين للاخوان سؤالتس عنهم




وتقلدي تحيتي

[الشبث]

ياهلا بعمي ابو عارف

انت كبيرنا وتبقا كبيرنا غصبن علينا


لك كل التقدير والاحترام




وياليت يا عمنا تسبقنا برسايلك للاخوان




وتقلد تحيتي

[الشبث]

ياهلا باخوي العزيز ابو ضاري الضاري


انا اقل واحد بالفله


كلكم اكبر من واهم مني


ويعلم الله انكم اخواني




وياليت يابو ضاري ترسل سؤالك للاخوان الغايبين





وتقلد تحيتي

[غالب]

سناعيسو

عاد هذا ماوكلي الفله

يالربع هذا غلوتي بالفله

والله مقدر اقول له شي

مدري خوف ولا وشو ههههههه


الله يخليه لعينن ترجيه

كلامه اكبر من كلامنا وعمره مو على كلامه

اخونا الصغير

ونحترمه ونقدره



هو أنا ماوكلي:a:
ألا ياملا البعد
عاد هذا أكثر واحد أكرهه:)


أبووماجد
بالله يعني أنا كلامي أكبر من سني:a:
بالله قل لي الصحيح
تتترتا تتا:):):)
والسلام خير الختام:thumb:

[الشاهري العبيدي]

شئ جميل لا تكاد تجده بأي مكان اخر


ترابط الفلة وحسن الادارة من المشرفين

اثبت نجاح كبير


اتوقع لولا الاشراف وعلومه

كنت انضميت جزئيا للعائلة الكريمة



لكن ما شاء الله عليكم ما تحتاجون أحد مرة



(( خلو هالكلام بينا لا يسمعون ربعي بالعام ويقومون يفصلوني والا يدبرون انقلاااب))

:)




والى مزيد من التألق


ان شاء الله

[ابو خلوف]

ابو خلوف
جا دوري
هذا بالذات
محد يعرف له الا سناعيسو
مسوين عصابه هالثنين
معلمك هالفضيحه
اول ما دخل عندنا قلت هذا وشو
لا يحتسي كثير
يعني بصراحه من الناس اللي ما تنفهم
ولا توقعت انه يستمر
عزيزي شبيثان كانت لي مشاكل مع بعض الاعضاء والمشرفين في البدايه
بس كل شي تصلح الحمد لله
طلع مهو بسيط
بس للامانه
طيب وغالي عندي بالحيل
الله يسلمك
ولا يرضى بالخطا على احد
ورحوم
والله يالربع انوه رحوم انا اشوفه بس يسأل الاعضاء
وش فيكم من عليكم ههههه

سلمت ياشبيثان

وكتابتك لهالموضوع دليل على انك مانقدر ناصفك بكلمات

ولانقدر نذكر جميع خصالك الطيبه لننا وبالتاكيد سننسى الكثير

كبير يابوماجد

والله يجعله دوم هالمحبه بيننا

[بالمختصر..]

و أنا ماني لا مع الأعضاء و لا العضوات .. مدري وش أنا ..؟ :)

ع العموم .. مـاعليك زوووود ..


و الله يرد الغايب ..

معذووووررررين .. ماندري وش ظروفهم ..!!




.
.

[الشبث]

هلا بالغالي سناعيسو

انت بالذات لا تسأل عن غلاتك عندي

ايوالله


رح الحين ارسل اخوي واسال عن اخوانك



وتقلد تحيتي

[الشبث]

هلا وغلا باخونا الشاهري

انت اصلا مننا هههههه


نبي نسحبك من العام


لان مواصفاتك فلاوي ههههههههههه


عزيز وغالي


وشاكرين لك هالكلام الطيب




والكلام هذا ممكن نطبقه للمضايف عموم مو شرط الفله بس





وتقلد تحيتي

[الشبث]

هلا باخونا الكبير في قدره ابو خلوف

كلامك على راسي

واشكر لك هالكلام الطيب




وياليت تروح الحين ترسل رسايل سؤال عن اخوانك




وتقلد تحيتي

[الشبث]

هلا اختي بالمختصر

انتي بالذات ماكنت ناسيك نهائيا

وكنتي على بالي

ولكن مابغيت اضيف اسمك خفت يقولون هذا بيسحب الناس للفله ههههه

ولا انتي من خيرة الاخوات عندي

وهالكلام اقوله الحين وقلته قبل


قدامتس ومن وراتس


وقدرتس كل يوم يزيد اختي بالمختصر


وياليت هالحين تسبقيننا وترسلين رسائل سؤال معنا للاخوان



لاهنتي اختي

والمعذره



وتقلدي تحيتي

[المسافـر]

أبو ماجد يعطيك العافية


والحمد لله على كل حال و إن شاء الله الكلام اللي قلته هو من صفاتي فعلا

وأنا اللي أتشرف فيك وبمقابلتك



دمت أخ عزيز لكن يافلان خانتك الذاكره باسمي السابق






للمعلوميه هالكاتب كان سابقا بأسم كعبول





تخبر كعبول اخو عبقرينو مافيش مشاكل


بس كعبول سمين و أنا ضعيف :)





على فكرة ضحكت من قلب على سالفة الكاتب القضية :)



شكرا لك ...roooose


احلى تحيه للزعيم شنقل بغيابوووه :goooood:

[&^^مهــــا^^&]

والله اتشرف بأخوتك

والله اننا مقصرين في حق اخوانا الغايبين

وربي يعافيك ويسلمك على روحك الطيبه

تقبل احترامي وتقديري,,

[الشبث]

هلا بالغالي المسافر


والله خانتني الذاكره صدق


كنت اقصد عبقرينو




وتشرفت فيك يالمسافر


والله لا يهينك على هالمرور



ولا تنسى ترسل سؤالك عن الاخوان




وتقلد تحيتي

[الشبث]

هلا باختي مها


سلمتي والله

وهذي الهقوه



يالله خيتي ارسلي سؤالتس عنهم


وتقلدي تحيتي

[ريم شمر]

هم نجوم رصعت سماء المضايف ككل وليس مضيف الفله فقط

وماأروعها من نجوم وماأسعدنا بها


كوكبة متميزه نسيت ان تضيف أسمك لها يابو ماجد ...


وأما الفله وأهلها فهم ملح مضايفنا ومكمن روعتها


يكفي انهم يحملون قلوبا نقيه واقلاما نظيفه ..


شكرا لك أبو ماجد

[فتى البيداء]

ودائماً ابوماجد سباق للخير ... الله يعافيك والله هالأيام أتساءل عن شليويح

لأنه برمضان دخل للفله وتلابش هو وابوخلوف لأن ابوخلوف قل يامرحبا بشليويح

العربان يالله حيه ... قال شليويح لا تفضحنا شلحوك الحراميه ..

ابوماجد أتشرف فيك وفي معرفك ... فأي شخص بخلاقك شرف معرفته ..


بالمناسبه ( كثير من الأشخاص إذا مدح تكبر ... الشبث كل مامدح زاد تواضعه )

أبرسل لشليويح أسأل عنه <<< ذال يقولي

الشبث أظن الرجال يرسلون لرجال والنساء يرسلن للمرأة ؟؟ صح ؟؟

[الشبث]

ياهلا باختي ام طلال


تشرفت بهالكلام الطيب منك


وخصوصا كلامك عن الفله واهل الفله


لانهم ربعي ومني وفيني


لاهنتي على هالمرور الرائع



وياليت ترسلين معنا سؤالتس عن اخواننا




وتقلدي تحيتي

[الشبث]

هلا باخوي فهد



الله لا يهينك على هالكلام


والله ياخوك ماعندي اللي اتكبر عليه


الشبث هو الشبث هههههه


وش يتكبر عليه يا حظي ههههههههه



لاهنت يالغالي


ومثل ماقلت انت


ارسل لاخونا شليويح

وتقلد تحيتي

[حمـود]

حمود الناصر

هذا ويين ما يودونه يرجع للفله

يعني هو مشرف الرياضي

بس دمه فلاوي

مافيها كلام ههههه

اخلاقه عاليه

حتى النمله لو ماتت عنده يبتسي

مهو مثل سناعيسو يفغصه ولاعليه منه ههههه

نتشرف بانه يكون بيننا






وتقلدوا تحيتي



شبيثان

كل هذا بي

اما لو ماتت النمله ابتسي

اهي اهي اهي

مشوين وانا بالدايري الشمالي

دعست فرخ نمله >>منين جت فرخ مدري


شبيثان

ابي اقولك سالفه

حصلت اليوم

ويمكن ما تصدق\

سيرت على جاري الساعه تسع

واتفاجأ انه بالمضايف

سالته مسجل قال لا

بس ادخل للفله

اقرا موضوع لواحد اسموه الشبث

قلت لا ما من مواضيع زينه

قال

ادخل وشف

وقلت منهو مشرف الرياضي

قال فيه ثنين واحد اشوفه يرد على الشبث والثاني وما اسمع له حس

قلت وش اسموه الي له حس قال حمود الناصر

لا والمشكله اني مشغل الاب توب والصور حقت سطح المكتب مكتوب حمود الناصر

قلت اي والله مهو كالي

ما دريت الا اخوه يقول ايه صح حمود
انت وش اسمك الكامل قلت للاسف انا اسمي حمود الناصر
الرجال لقط وجه وقام ولحقته قلت ادري انك تستهبل علي

المهم شفت شلون ناس ما تعرف المضايف الا علشانك

ما قلتلهم ولا يوم اني بالمضايف
وهم يدخلون علشان مواضيعك
حتى معك شنقل


ما ابي اطول

انت عزيز وغالي على

تسبدي


معك الشيخ دكتور طيار سيكل متقاعد
حمود الناصر

[الشبث]

ياهلا بالشيخ راعي السيكل

الله لا يهينك انت وخويك


ولي الشرف اني اسمع هالكلام منك انت ومنه هو


وياليت اخوي حمود ترسل للاخوان سؤالك عنهم




وتقلد تحيتي

[شنقل]

عماااااار ياشنقل


شبيثااااان اتعلم اين انا الان

في اتعس مكاااااااان بالعالم




ك....... ام العسكريه


يافلان بغيت ابتسي يوم قريت موضوعك




عشر شهور وارجع لك



فديت كللك





دمت عشيرااا لي

[يـــوسف]

^
^
طلت بدلتك من المغسلة وجهزت البريهه :)


أنتبه للقيافة :)

[السنعوووسيه]

خالى الشبث انت دينمو المضايف بختصار
ممشي الدنيا هنى00والله هالكلام صدق



اقلامكم وطيبكم هو الى جذبنا للمضايف


كل الشكر لك اخوي ابو ماجد

تحياتي

[الشبث]

شنقولي


يابعد وروكي هالوروك


ياعلهم للذهاب


الله يعينك والله انك الفقيده الله يرحمك



ننتظرك يالعشير




وتقلد تحيتي

[الشبث]

يوسف


الرجال فيه اللي مكفيه هههههه



وتقلد تحيتي

[الشبث]

هلا اختي متكيه


خالك انا هههههه


اللي يسمعك يقول عمري خمسين ولا اربعين هههههه



لاهنتي وهذا من طيبتس



وياليت ترسلين معنا لاخواننا الغايبين




وتقلدي تحيتي

[أبوطروق]

أبوماجد والله مادري وش أقول

أول مرة أبلش برد وتقل دخلت جو أخوي غير شكل


ياخي مدري ليه طرا علي الزير سالم وحبه لأخوه كليب



ياخي أغليك أغليك أغليك بالثلاث


وطلباتك أوامر الحين أبي أرسل لشليويح الأصلج وحميرا

وبالنسبة لشليويح مخوف العربان أكثر من مرة طلبته ورجيته أنه يتواصل معنا ومايخلينا


وفيه عضو من أجمل أعضاء الفلة اتقطع عنا فجأة وياليت تراسلونه بعد وهو (الكنبيوتر)<< تروا مهي غلطة إملائية هو أسمه كذا



أبوماجد كل يوم تكبر بعيني وكل يوم تزيد حبي للفلة وأهل الفلة


ولا ننسى نشكر اللي جونا من خارج الفلة أخوي الشاهري وأختي أم طلال

والله ان مشاركتهم لنا تعطينا الدافع للإستمرار غير انها شرف للفلاوية


وبهالمناسبة أطلب من الأخ القدير المطنوخ إتحافنا بموضوع فلاوي من العيار الثقيل (وياليت كلكم تطالبونه معي)





مليووووون شكراً يازعيم (ولاتكفيك)

"""""""

[الشبث]

كبير بعيني يابو طروق

ولاهانوا الاخوان الباقين



ويعلم الله انك اخوي ولابه شك






ونشكرك حنا يا اهل الفله لانك شكرت الاخوان نيابه عنا



كذلك لدعوتك اخونا المطنوخ




ونتشرف بالجميع




وتقلد تحيتي

[يـــوسف]

يابو ماجد ودي أدخل الخاص حق حمرا وشليويح ابشوف من اللي ارسل <_ شفاية :)









ابو طروق كيف الحال ؟

[عجايب بنت الشايب]

يكفيني شرف


تصدر اسمي اول القائمه



اشكرك حتى الثماله ........








انت ( غير )يابو ماجد :) وربي غير










اهنيك على كونك ابو ماااجد







ليتني اعرف احتسي زين




طحياتي ...........,,

[الشبث]

يوسف


عض القاع


لاعب وليدك البطه ازين لك خخخخخخ




خل الشفايه




وتقلد تحيتي

[الشبث]

هلا بالعجيبه خيتي الطيبه




اتشرف بمرورتس الطيب


تدرين ليه حطيتس اول وحده


تعالي اقولتس










































شاك انتس شنب ههههههه


علشان كذا خليتس من جهة الرجال ههههههه












اجل ابو ماجد جده غير هههه





ورطتي نفستس مع طرطشلي





لاهنتي يالذيبه



وياليت ترسلين سؤالتس




وتقلدي تحيتي

[ريتاج]

:g::g::g:\\



اخوووي الشبث ....


الله يووفقك ويعطييك على قد نيااتك....


.....شيــــــــــــــع

[الشبث]

هههههههههههه

عاد وشوله تبتسين هههههههه






الله لا يهينتس اختي ريتاج




وتقلدي تحيتي

[أبوطروق]

يابو ماجد ودي أدخل الخاص حق حمرا وشليويح ابشوف من اللي ارسل <_ شفاية :)

وشلك بالشفاية ياملا الهشلة










ابو طروق كيف الحال ؟

بخير ياعلك سالم وانت شلونك عقب هالجني:solh:


""""""""

[أبوطروق]

أبوماجد


فيه عضوين أرجو إضافتهم للقائمة وهم من أرقى الأقلام وأجدرها

ولهم بصمة واضحة في مضايفنا (وخاصةً بالفلة) وهم:-




الدم الأزرق

و

مهاجرة باحساس




وبالنسبة لمهاجرة فالمسؤولة عن عودتها أختنا (المحترمة جداً) بالمختصر

بحكم صلة القرابة بينهم




الشبث هالموضوع ماينخلا

يما يرجع كل من غاب






شكراً تاني وتالت ورابع للقدير (شبيثان)(الشبث)

"""""""""

[أبوطروق]

نسيت أقول لكم اني أرسلت لشليويح وحمراء ومهاجرة باحساس والدم الازرق طلب إسترحام وترجي للعودة إلى الفلة



اللي قدرت أرسل له بريد إلكتروني أرسلتله

واللي ماقدرت
أرسلت رسالة خاصة أو ملاحظة

""""""""""

[الشبث]

ابو طروق


ياخي ليه ماسموك ابو الذيابه كل ابوهن




لاهنت على هالنشاط


وبعد شاكر لك تذكيري بأسماء الاخوان







وتقلد تحيتي

[ابو عارف]

الشايب أرسل للمشرف العام ابو سلطان يترجاو أن يرجع لمضايف شمر بعد طول غياب.



وتدهن بتحيتي شبيثان

[الأصيل]

أنا قلت يمكن ألقى اسمي مكتوب حدر

نزلت

نزلت

نزلت يما نشف ريدزي ولا لقيت لي اسم:3ayyen_khair:

يوم جا ذتسر الخوات الطيبات الغاليات

قلت يمكن سقط اسمي سهواً

ونا لك أقراهن كلهن

ولا لقيت لي ذتسر



عاد قلت ،، صدق الشاعر اللي يقول :

البعيد عن العين بعيد عن القلب:puzzled:

والبعيد عن الفله بعيد عن الذتسرroooose










من جيت للمضايف ونا متقلد تحيك ياشبثان:315r:

[منصور الغايب]

^
^
^

هو انت للحين عايش ؟؟


يخوك مو كنك طولت بالمضايف ...

من 2003 وللحينك تبي الذكر ...


دفعتك الحين اقل واحد فيهم لواء :)

[الشبث]

الله لا يهينك اخوي ابو عارف


وماقصرت



وتقلد تحيتي

[الشبث]

اخوي ابو ثوب


الله ولا غير الله احد يدري انك بالقلب ولا تطلع منوه



وانت الحمد لله موجود بيننا وكل شوين نشوفك


ومتطمنين عليك





ووجودك بيننا وسام لنا




لاهنت يالذيب





وتقلد تحيتي

[الشبث]

هلا اخوي منصور



مرورك اسعدنا



لاهنت




وتقلد تحيتي

[الأصيل]

^
^
^

هو انت للحين عايش ؟؟

شوفت عينك:7ayyoh:


يخوك مو كنك طولت بالمضايف ...

من 2003 وللحينك تبي الذكر ...

عين الحسود فيها كحل إثمد:315r:


دفعتك الحين اقل واحد فيهم لواء :)

يخي لو يحصل لي ملازم ثالث ،، تسان مابي خلاف:thumb:

[يـــوسف]

نسخه للمميز يامميز منك ليه :)











أقول أبو ثوب الشكاوي فقدتك :)