المساعد الشخصي الرقمي

مشاهدة النسخة كاملة : !!!!!!! الدكتور وابو طروق !!!!!!!!


أبوطروق
18-10-2008, 17:22
السلام عليكم ورحمة الله وبركاته

شلونكم عساكم بخير

(مستانسين):)


هذي سالفة قديمة أيام الأبيض والأسود



كان أخوكم أبوطروق (قبل يسير أبوطروق) عزوبي حاله حال ريال الفسحة
وكان حفظه الله يعيش حياةً سعيدة في سكن للعزاب عبارة عن غرفة وصالة بمنافعهن وكان فرحاً بالوظيفة الجديدة

وفي ليلة غبراء لم يطلع فيها القمر (لأنه كان البارح سهران لطلعة الشمس)اللي هو القمر:)

سمع أبوطروق ومن معه (عيال عمن له عواطلية)قرعاً على الباب على غير العادة
لأن الباب كان مفتوح 24ساعة واللي يبي يسير يدرعم على طول

قام أبوطروق مفزوعاً بإتجاه الباب لمعرفة من هذا المؤدب اللذي يقرع الباب:a:
وعندما فتح الباب وجد أحد أصدقائه يعمل بالجمارك ومعه شخص لايعرفه

يالله حيهم أقلطوا

قلطوا وقام صديقي بتعريف صديقه علينا وقال: أعرفكم بالدكتور فلان الفلاني

تفاجأنا أنا وعيال عمي (دكتووور عندنا!!) يعني الليلة نبي نسولف مع دكتورshlwee7

قمز حدا عيال عمي للغرفة ولبس ثوبه (كان بالسروال والفنيلة) وجا يترزز عند الدكتور

والثاني له قرشه بالمطبخ يسوي شاهي وقهوة


جت القهوة وتقهوينا والدكتور أنطلق علينا بالسوالف والفلسفة وحنا فاتحين افامنا وساكتين (إحتراماً للدكترة ولجهلنا بما يقول الدكتور)
والدكتور ماشاالله يفهم بكل شي (حتى بحلب الناقة)


قمت وقلت عن أذنكم أبي أروح شوي وارجع لاحد يروح (اعمل عمل الرجال):315r:


وانا أركب الموتر وطيران على مطعم المندي وقلت يابو يمن أبيلي هرفي على صحن وحط عليه كل شي
قال والله ياعمي ماعندي إلا نص هرفي:za3lan:

قلت لا ماينفع عندي ضيف دكتووور<< ناذخ:315r:


وأنا أطلع واروح للمطعم اللي بجنبه وقلت فزعتك يابويمن عندي ضيف دكتور وابيلي هرفي

قال والله ماعندي الا نص (شكلهم متفقين علي هالزيود) قلت مايخالف عطن اللي عندك بس بدون رز

وانا آخذه وأرجع للمطعم الأول وقلت هذا نص حطه على النص اللي عندك بصحن واحد ورتبهن (تر ضيفي دكتور):)


حطهن أبويمن بصحن وقصدرهن وحط الصحن بسيارتي
وأنا أجيك طاير

دخلت عليهم الا الدكتور للحين يسولف وكأنه يشرح لهم كيفية الحياة (وشلون يعيشون):3ajeeb:

حطيت الصحن على السفرة قدامهم وقلت تفضل يادكتور وتر هذا مو حقك
يالله لحقت على سوق الغنم قبل يسكر المسلخ واسمحلنا بالقصور

قال: لاعادي:solh:

وأنا أفك القصدير وهي تدور بي الدنيا من المنظر اللي شفته


شفت خروف براسين


اتري كل نص خروف معه راسه واليماني من كثر ما اوصيه حطهن الدلخ كلهن (الكذب حبله قصيييير)

من الفشيلة رحت وجلست (معزب) وحتى ماقلت سمو

تعشوا وخلصوا
كثرالله خيرك
صحة وعافية
كثرالله خيرك
صحة وعافية


طبعاً ماحد قال كثر خيرك الا الدكتور وخويه
اما عيال عمي ينتعون من الضحك وواحد منهم همسلي وقال (كثر الله روسهم):puzzled:

قعدنا بعد العشا نشرب الشاهي والدكتور مثل ماهو يسولف وحنا (ولانفس) محاولة منا الإستفادة بأكبر قدر من خبرة الدكتور بالحياة


وفجأة قال الدكتور سالفة بغيت أنثر كاسة الشاهي بوجهه




قال:-



مرة انمرض عندنا كــلــب وقعدت أعالجه لمدة شهر يما تعافى وقام (ينبح)


طلع دكتور تسلاب مهو دكتور أوادم:solh:


واحسافة خروفي أبوراسين على هالمروح (لا وحنا ماندعيه الا دكتور مالت عليه هو ودكترته)


ماصدقت على الله قاموا وقالوا أكرمكم الله
قلت حياكم الله (وبقلبي قلعكم الله)

وأنا أمسك خوينا عند الباب وقلت دكتورك هذا خله عند بهايمه ولاعاد أشوفه
وياليت حتى أنت ماشوفك لمدة شهر يما تبرد تسبدي


طلع البيطري حق الجمارك وحنا نحسبه دكتور صدز وذابحنا الإحترام


وأنا أقول وش عرف دكتور لحلب الناقة (اتريه شغلته):)




الوكاد انه مو كل من قال انا دكتور صار دكتور
لازم نتأكد من دكترته


تروا المتدكترين كثروا هاليومين فأنتبهوا من دكاترة الحــمـــيـــر





تمت..




وشكراً لكم كلكم




الموضوع إهداء لمشرفي فلة الحجاج الأفاضل
(الحاليين والسابقين):)

ودمتم بوناسة وفالين الحجاج


""""""""
حمـود
18-10-2008, 17:48
لا لا تقصدن انت

هاه اكيد

ايه بس انا مو تبع التسلاب والاوادم

انا تبع الرياضه علم الحركه

طال عمرك




سلمت يداك على الموضوع

اجل الخروف ابو راسيين

دمت بخير
ابو خلوف
18-10-2008, 17:55
ياسلام يامعلمي ابوطرووق


منذ مبطي ومنذ قديم الازل لم تكتبو لنا يا ايها الشايب الهرم الخرب >> مهب انا يوسف



والله يعين هاليمنيه عليك>> قصدي الله يعنك على هالزيود الي مايستحون



المهم مشتاقين لسوالفك وجت بوقته


ترفق والباقي تعرفه
مراسلكم من حائل
18-10-2008, 18:02
ههههههههههههههههههههههه
عزالله إنك وسعت صدري يأبو طروق ماخابت نظرتي بك دائما أنت مبدع بس مع لاسف مقل بكتاباتك
أه وسبدي...ههههههههههههههههه
أة سبدي ههههههههههههههههههههههه
وحده ميته من الضحك على هالسالفه أجالي دكتور وأنتم كل من قالك دكتور فتحتوا أفاميكم عنده ياعيني عليكم شكل كل للي يجيكم جنود أخر شهاده عندهم سادس
بس معليش ثاني ممرره لاتنذخ ..تأكد من شهادته ...شف حمود الناصر أحسبه دكتور وبغيت أقوله دكتور حمود ..بس الحمد الله إني عرفت قبل فوات لاوان طلع مع لاسف ....دكتور كوره عاد هذا وش يعالج بالله قلي ...القده ولا الحربه.......
دكاتره أخر زمن.........................
أبدعت فأمتعت ..على قوله د:حمود الناصر
تقهوو تحياتي
غالب
18-10-2008, 18:45
السلام عليكم ورحمة الله وبركاته
وعليك السلام
شلونكم عساكم بخير
بخير
(مستانسين):)

وشلون الربع اللي جيت منهم:)
كان أخوكم أبوطروق (قبل يسير أبوطروق)
تسيف يسير ههههههههه الهمد لله رب الآلمين خخخخخخ


وأنا أفك القصدير وهي تدور بي الدنيا من المنظر اللي شفته


شفت خروف براسين
هههههههههههههههه الله يلعن إبلسك ههههههههههههه






الموضوع إهداء لمشرفي فلة الحجاج الأفاضل
(الحاليين والسابقين):)
الحاليين حلوين بس السابقين ودك من يدق راسهم على قار شارع الستين :)

ودمتم بوناسة وفالين الحجاج


""""""""
أبوطروق والله إن ذالن عليك لا يحذف موضوعك
الشبث
18-10-2008, 22:38
خخخخخخخخخ

ايا دكتور الفلس


طلع تسلاب ههههههه



اقول والله يابو طروق فوقن من قدروه خخخخخخخخ



قرم مهي بالحتسي يالذيب




وتقلد تحيتي
ريال الفسحه
18-10-2008, 22:48
شفت خروف براسين



هههههههههههههههههههههههههههههههه


هذي لحاله


وبعدين الله يحبك تدري ليه ؟ :)


طلع الراسين تخب عليه الموت لو هو على مستوى
تسان للحين وانت تعير به :)


موضوووع رايق يارااااايق


لاهنت يالعزوه
ابو عارف
18-10-2008, 23:45
هذا أنت يا أبو طروق كرم وأدب ومقالب وسوالف حلوه لاهنت.

وينهو دكتورك هذا؟ عندنا واحد مريض كان يطرد له أرنب وراغة عنه وصدم له رضمة وتدلقم خشمه المسكين.

شكراً لك ابو طروق
المطنوخ
18-10-2008, 23:56
هههههههههههههههههههههههههههههههههههههههه ههه
هالدكتور مارن علي قبل كم يوم بس للاسف نشدت عنه قالوا انه رحل ههههههههههههههههههه
تسلم يابوطروق على سوالفك الطيبه :)
حمـود
19-10-2008, 00:53
...شف حمود الناصر أحسبه دكتور وبغيت أقوله دكتور حمود ..بس الحمد الله إني عرفت قبل فوات لاوان طلع مع لاسف ....دكتور كوره عاد هذا وش يعالج بالله قلي ...القده ولا الحربه.......
دكاتره أخر زمن.........................
أبدعت فأمتعت ..على قوله د:حمود الناصر
تقهوو تحياتي

انا دكتور

اضابات الملاعب وركب هالاعبين

ههههههههههههههههه

صدقتي

انا جامعه
فتى البيداء
19-10-2008, 00:58
ابوطروق ياحبيبي ... سالفك ملغومة ... أهب ماأدري وشلون بصيغه على ماهو

يبي ...

ابوطروق ليه ما تفتح مدرسة ليليه لتدريس الأنشاء والتعبير ؟؟

أجل براسين وتقول يالله لحقت على سوق الغنم ؟؟

ابوطروق أختر الكلمات الأتيه ( حبله ــ قصير ــ الكذب) هاه أجل يالله لحقت على سوق الغنم ..


ابوطروق المشكلة أن سوالفك جميلة وما تنمل بس أنت مقل ... واحد عاض اللسانه
روح حايل
19-10-2008, 01:01
مرة انمرض عندنا كــلــب وقعدت أعالجه لمدة شهر يما تعافى وقام (ينبح)


قدروه ياملا البلش هههههههههههههههههههههههه


ماش العيب بنا حنا نهاب الألقاب :)


ابوطروق أتحفتنا بالسالفه





:thumb:
نافع بن طواله
19-10-2008, 01:08
كل ايامك عز يابو طروق




ههههههههههههههههههههه


ابو تسلاااااااب


هههههههههههههههههههههههههههه


سلم عليه


بعذركم ماتعرفون شي من اللي يسولف





ابو كاديلاك خضراء

شيعي
عجايب بنت الشايب
19-10-2008, 03:09
وأنا أقول وش عرف دكتور لحلب الناقة (اتريه شغلته)




هههههههههههههههههههههههههههههههههههههههه هههههههههههه


ياويلي يالاكتشاف




هههههههههههههههههههههههههههههههههههههه




ومشكوور على الاهداء



ابو طروووق تعجبني اذا اشتطيت وتحمست





الله لا يغير عليك عزك يالعقيد









ماننحرمش


ولي عوده مع الردود >> تحب تشمت وترثع بمواضيعك :)







طحياتي .......,,
&^^مهــــا^^&
19-10-2008, 09:54
هههههههههههههههههههههههههههههه

اجل دكتور ومحترمينه ههههههههههههههههههههههه

والا خروفك ابو راسين ياحليله ههههههههههههههههه << تبي تشوفه

يعافيك ربي

تقبل احترامي,,
ابو ضاري
19-10-2008, 09:56
ابو طروووووووووق الغالي

سوالفك ذهب

بس وشلون طلع دكتور تسلاب المغضور ........اهم شي بردت تسبدك انك ماتشوفه
صعوة فسفورية
19-10-2008, 10:40
طلع دكتور تسلاب مهو دكتور أوادم:solh:



أمحق اكتشاف...ههههههههههههههههههه

كثر من سوالفك ابو طرووووق.. وربي اضحكتاني:solh:
يـــوسف
19-10-2008, 11:50
هلاااااااا بأبو طروق :)





مقلطين راسين هههههههههههههههههههههههههههههههههههههههه ههه



من الكرم يابو طروق والله من الكرم :)







أبو طروق أنا الحمدلله ماني زيكم ماعلي من اللقب :)





ياحيف ركضك بوسط هالمطاعم يابو طروق عز اله ماصارت :)








أبو طروق لاهنت يالغالي ..





توسد إحترامي
أبوطروق
20-10-2008, 15:15
السلام عليكم ورحمة الله وبركاته


أول شي إعذروني على التأخير (لأن تسبدي كانت زايمتن علي)


وبعدين أحب أعلمكم وأعتذر منكم لأن الإدارة غيرت عنوان الموضوع ثلاث مرات (لأسباب أمنية حتى أنا أجهلها) بس على ماقيل: الحكومة أبخص



وشكر خاص للغالين جدا على قلبي

الاخت/ كلي بكم إعجاب
الأخ / يوسف
الأخ / الضاري11
لتقديمهم الشكر لي على هذا الموضوع

ولايهونون الباقين



أخوكم
أبوطروق

"""""""
أبوطروق
20-10-2008, 15:20
حمود الناصر


هلا ومسهلا بأبوناصر الثالث


لاياخوي إنت معروف دكتور رياضي أد الدنيا ومابك شك


تسلم ياذيبان ومرورك الأول زادني شرف

"""""""
أبوطروق
20-10-2008, 15:25
هلا بحبيبي وشعرة تسبدي أبوالخلفي

حياك الله يالغالي ومرورك زادن وناسة يالونيس

شكرا لك

"""""""
السنعوووسيه
20-10-2008, 15:37
ابو طروق وربي انه حامت بي الدنيا يوم قلت شلت القصدير وطلع راسين بصحن

ههههههههههههههههههههههههه

لكن يوم صار الماخوذ فيد تسلاب مامن شكه


هع هع هع


ابوطروق يعطيك الف عافيه يامبدع
أبوطروق
20-10-2008, 15:46
حياتس الله يالمراسلة


وانتي صادزة يامراسلة فرحنابه بس طلع يمرش


شكرا لمرورتس العطر

"""""""
أبوطروق
20-10-2008, 16:03
هههههههههههههههههههه مرورك عسل يانحول

والموضوع مثل ما تنبأت به طال عمرك بغى ينحذف

بس أشوا لحقنا عليه وصارت بالعنوان


(يقول لك من هذا وبعد إنت تكتب الموضوع بدون عنوان وترسله للإدارة وهي تحطلل العنوان المناسب بعد عرض الموضوع على وزارة الإعلام)


شكرررررا سناعيسو
ولاهنت ياشوق البنت

"""""""
أبوطروق
20-10-2008, 16:10
هلا بعميد وزعيم الفلة أبوماجد

نورت الصفحة يالغالي(بالحيل)



تسلم يالذيب ومرورك يكفيني

"""""""
أبوطروق
21-10-2008, 08:10
هلا والله وغلا بريالنا الغالي وتاج راس كل فلاوي

سلمت على مرورك والرايق ردك الحلو ياحلو<<< بكيفي أتغزل بحبيبي



أخوي سلمان
كل الشكر لك
وأسعدني مرورك

شكرا عفوا

"""""""
أبوطروق
21-10-2008, 09:23
حيالله العشير المحترم

ماعليك زود يالغالي والله لايهينك


سلامة السلوقي اللي يلحق الأرنب ههههههههههههههه أجل تدلقم خشمه



مشكووووور يالعشير والله لايهينك

"""""""
أبوطروق
21-10-2008, 09:32
هلا والله وغلا بمطنوخنا قدس سره وأبطيه


الله يبارك بهالدكتور اللي خلاك تشرفنا
(مبطي ماتباركلي موضوع بمرورك يازعيم)


تكفا نبي موضوع من إبداعك يحيي فلتنا
نبي أمجاد المطنوخ ترجع



شكرا مطنوخنا على كرم المرور

"""""""
أبوطروق
23-10-2008, 01:30
ابوطروق ياحبيبي ... سالفك ملغومة ... أهب ماأدري وشلون بصيغه على ماهو يبي ...

يابن الحلال اسكت لاينحذف الموضوع:)

ترهم غيروا العنوان عشرين مرة بسبب كلمتك هذي


ابوطروق ليه ما تفتح مدرسة ليليه لتدريس الأنشاء والتعبير ؟؟

وش قصدك بمدرسة ليلية؟؟؟

يعني محو أمية

طيب جبلي أثنين أدرسهم وخلنا نقدم على وزارة تعليم الفلة ونخليهم يفتحون لنا مدرسة:315r:


أجل براسين وتقول يالله لحقت على سوق الغنم ؟؟

وش اعمل ياخوك بغيت أتجمل عند أبا التسلاب أحسبه دكتور صدز


ابوطروق أختر الكلمات الأتيه ( حبله ــ قصير ــ الكذب)

حبله<< ولو اني مافهمت السؤال!!!

هاه أجل يالله لحقت على سوق الغنم ..

لحووووووول أنت صايرن وكيل على الصدز أنت ووجهك

أيه لحقت عليه وش عندك:148r:



ابوطروق المشكلة أن سوالفك جميلة وما تنمل بس أنت مقل ... واحد عاض اللسانه

ترك دبلت قاااعة تسبدي

لعنبو شيطانك كل موضوع أكتبه تقولي (مقل)

ياخوي تر هذا آخر طبلوني وشتبيني أعمل

يعني تبيني أشخبط ليل نهار عشان ترضى (مايسير)




مع أنك دبلت تسبدي وغثيتن وتسببتلي بالحموضة كان ردك من أجمل الردود بالنسبة لي



شكرا من القلب والرئة والطحال (ولاتهون الكلاوي) على مرورك وتشريفك يالفارس

(إلا وش أسم فرسك)

""""""""
أبوطروق
23-10-2008, 01:39
قدروه ياملا البلش هههههههههههههههههههههههه


ماش العيب بنا حنا نهاب الألقاب :)


ابوطروق أتحفتنا بالسالفه





:thumb:


هههههههههههههههههه هي مهي هيبة بقدر ماهي إحترام لكل إنسان ناجح



شكراً روح حايل وأتحفتيني بمرورك العطر:7ayyoh:

"""""""""
أبوطروق
23-10-2008, 01:58
كل ايامك عز يابو طروق

وايامك يابوطوالة




ههههههههههههههههههههه


ابو تسلاااااااب


هههههههههههههههههههههههههههه

أبوتسلاب وحمـير بعد هههههههههههههههه


سلم عليه

محشوم عنه


بعذركم ماتعرفون شي من اللي يسولف

يارجال والله لوتسمع سوالفه تقول وش هالبروفيسور وهو ماعنده إلا الطاااط





ابو كاديلاك خضراء

شيعي

هذي مافهمته

بس أتوقع انه رمعه بالخضيرا






شكراً شاعرنا أبوطواله على كرم المرور:7ayyoh:

"""""""""""
المطنوخ
23-10-2008, 02:10
ابشر بسعدك يابوطروق بالنسبه لطلبك

بس خلني افضى من حوسة العرس ولك طيبة الخاطر يالعزوة
ريتاج
23-10-2008, 06:28
[/QUOTE]

اهم شي مستاانسيين...هههههههههه


هههههههههههههههههههههههههههههههههه....


والله وطلعت تختووور ......


لا لا لا يااخطيير يا ابو طرووق

مو اي دكتوور ...

ذكرتن بأختي داايم تقوول انا دكتووره

عااد ابووي ماينااديه الا دكتووره البهااايم ههههههههههههههه


خطيييييييير ياابو طرووق ...

مااضي زاااهر.....


شـــــــــــــيــــــــــــــــــــع
أبوطروق
23-10-2008, 08:54
هههههههههههههههههههههههههههههههههههههههه هههههههههههه


ياويلي يالاكتشاف

أخوتس أخو:)




هههههههههههههههههههههههههههههههههههههه

كركركركركركركركركركركركركركركر


ومشكوور على الاهداء

أي إهداء؟؟؟؟؟
ماتشوفين شر يامعلمه

ابو طروووق تعجبني اذا اشتطيت وتحمست


حتى أنا والله أعجبني:315r:


الله لا يغير عليك عزك يالعقيد

عجايب الظاهر أنتي ونافع فاهمين غلط

وأنا أدري أن السبب تغيير العنوان من قبل الإدارة

صاربه عز وما عز وانا الحمدلله بعز















ماننحرمش


ولي عوده مع الردود >> تحب تشمت وترثع بمواضيعك :)







طحياتي .......,,


عجايب

وجودتس بيننا يكفينا ياعقيدة أول ركن فلة حجاج بلا منازع











شكرررررررراً على الكرم الغلباوي:)

ودمتي بفلة الحجاج

"""""""""
أبوطروق
24-10-2008, 15:39
هههههههههههههههههههههههههههههه

اجل دكتور ومحترمينه ههههههههههههههههههههههه

وش نسوي من فقر الشهادات:315r:


والا خروفك ابو راسين ياحليله ههههههههههههههههه << تبي تشوفه

بسيطة روحي لمطعمين مندي بجنب بعض وأطلبي من كل واحد نص خروف وحطيهن بصحن واحد ويطلع عندتس خروف براسين:)


يعافيك ربي

تقبل احترامي,,

والله يعافيتس وتقبلي شكري وتقديري لمرورك الكريم

"""""""
أبوطروق
24-10-2008, 17:06
ابو طروووووووووق الغالي

سوالفك ذهب

ومرورك زي الألماس ويشبه لميس:315r:


بس وشلون طلع دكتور تسلاب المغضور ........اهم شي بردت تسبدك انك ماتشوفه

أهم شي بردت تسبدي بخويي اللي لفاه علينا ولا الدكتور مايدري وين هي هابة
(بس يعرف مطقع النعجه):solh:



ألف ألف ألف شكر يالضاري ومرورك كرم لي

الله لايهينك

""""""""
أبوطروق
24-10-2008, 23:43
أمحق اكتشاف...ههههههههههههههههههه

كثر من سوالفك ابو طرووووق.. وربي اضحكتاني:solh:


هلا ومسهلا بالقديرة والغالية


صعوة فسفورية











أبي أكثر من سوالفي بس أهم شي تضحكييييييين








شكراً صعوتنا ع الرد(المنتاز)




ياعله دوم هالضحكة ومرورك أسعدني (وونسني)

""""""""""""
أبوطروق
27-10-2008, 14:57
هلاااااااا بأبو طروق :)





مقلطين راسين هههههههههههههههههههههههههههههههههههههههه ههه



من الكرم يابو طروق والله من الكرم :)







أبو طروق أنا الحمدلله ماني زيكم ماعلي من اللقب :)





ياحيف ركضك بوسط هالمطاعم يابو طروق عز اله ماصارت :)








أبو طروق لاهنت يالغالي ..





توسد إحترامي


هلا بسوبرفايزرنا أبويعقوب



مشكوووور ع المرور والله لايهينك










يوسف

منين جايتك هالصورة اللي بتوقيعك؟؟؟

ترا هذولا أنا وأبوعارف أيام الشباب:)

""""""""
أبوطروق
27-10-2008, 15:07
ابو طروق وربي انه حامت بي الدنيا يوم قلت شلت القصدير وطلع راسين بصحن

ههههههههههههههههههههههههه

حتى أنا حامت بي الدنيا (بس من الفشلة)


لكن يوم صار الماخوذ فيد تسلاب مامن شكه


هع هع هع

هذا اللي هونه علي (وش معنى هع هع هع)



ابوطروق يعطيك الف عافيه يامبدع


الله يعافيتس ياملابطة بالمظيف


مرورتس نور الحتة

"""""""""
أبوطروق
27-10-2008, 15:14
ابشر بسعدك يابوطروق بالنسبه لطلبك

بس خلني افضى من حوسة العرس ولك طيبة الخاطر يالعزوة


هلا بالعريس اللي بليلة عرسه جانا مطر:315r:


يالله حوسة العرس قضت ومابقى الا طيبة الخاطر:)





شكراً مقدماً مطنوخ باشا

""""""""""
أبوطروق
27-10-2008, 15:29
اهم شي مستاانسيين...هههههههههه


هههههههههههههههههههههههههههههههههه....


والله وطلعت تختووور ......


لا لا لا يااخطيير يا ابو طرووق

مو اي دكتوور ...

شكلتس ماقريتي الموضوع زين ياريتاج

(مهو أنا التختور)

ذكرتن بأختي داايم تقوول انا دكتووره

عااد ابووي ماينااديه الا دكتووره البهااايم ههههههههههههههه

ههههههه دكتورة بهايم أذرب من دكتور التسلاب


خطيييييييير ياابو طرووق ...

ليه قالولتس بازوكة:)

مااضي زاااهر.....

وحاضر أزهر:315r:

ألا ليت الشباب يعود يوماً


شـــــــــــــيــــــــــــــــــــع[/quote]




شيعات


مشكورة يا رتيِيج

""""""""