% تحذير شديد اللهجه %

[الشبث]

اخوان واخواتي في فلة الحجاج

السلام عليكم ورحمة الله وبركاته


عندي كم حاجه ودي اقوله لكم هنا


وحتى اللي مو من الفله ياليت يكون معنا


*ياليت اي اخ او اخت يكتب موضوع ما يسيء لا لشخص ولا لمكان

يعني مدينه او منطقه لاننا كلنا عيال تسعة شهور

ورب العزه والجلال يقول ( وجعلناكم شعوباً وقبائل لتعارفوا ان اكرمكم عند الله اتقاكم )




* ياليت وياليت وياليت

اللي مو معجبه الموضوع ما يرد عليه افضل من انه يرد رد يستفز فيه صاحب الموضوع

مثل ما صار بموضوع اخونا المسافر واللي انحذف علشان هالردود

مع ان الموضوع مافيه اي شي



وابيكم تعرفون اخواني اني انا واخوانكم يوسف وريال الفسحه اصغركم مو اكبركم

مثل ما يتصور البعض


واحنا اللي يغثكم يغثنا





واللي عنده استعداد يكون مشرف للفله يعطيني خبر







وتقلدوا تحيتي

[ابو خلوف]

مشكور يابوماجد






ولازم الاخوان يحطون ببالهم ان فيه زوار بالمنتدى



وماياجب ياخذون عنا فكره شينه

والي يسئ يسئ لنفسه بالمقام الاول

ويسئ للقسم الي ينتمي لوه

ويسئ للمضايف عموما


وانت والاخوان يوسف وريال الفسحه

ماقصرتوا ولا راح تقصرون ان شاء الله




ومشكور مرتن ثانيه

[الشبث]

تسلم يالغالي يابو خلوف


وتقلد تحيتي

[المسافـر]

وعليكم السلام ورحمة الله وبركاته

ابو ماجد والله حرام ينحذف اي موضوع على شان أهواء شخص لايمت بالمضيف بصله






انا اطالب اخواني اهل فلة حجاج انهم مايتعبون نفوسهم



ويكتبون موضوع ويبدعون فيه لان راح يجي مشرف من المشرفين



اول شي يغير العنوان وسبحان الله بعد كم ساعه






يكتشف ان الموضوع لايناسب المضايف ويحذفه ... سبحان الله






لذلك اخواني اهل الفلة لاتبدعون لان المضايف لاترحب بالمبدعين




ابو ماجد كفيت ووفيت ورايتك بيضاء




وممكن فيه أحد من الأخوان مالحق على موضوعي




الموضوع كوميدي بحت ليس إلا



لكن هي أهواء كما قلت في البدء



واعتذر لكم الآن ودائما





وانا احترم هذا المنتدى وأكن كل تقدير لمن دخل هنا




سواء مشرف أو مراقب أو عضو أو حتى زائر




بحيث أني لن أكتب مايسيء لشخصي



قبل أن أسيء لأيا كان .





أخوكم / المسافر

[ابو عارف]

كلامك صح 100% ، بس مادري عن مسألة الصغر إشك في ذلك لإن الإنسان مايتحول إلى شبث إلا بعد 170 سنة كبيسة .

[silntassassin]

السمع والطاعه

[صعوة فسفورية]

سلام عليكم

كيف حالكم ياطيبين.. انا قريت الموضوع .. مو موضوع الوايت .. والسروال

ماشفت .. فيه اي شي.. بالعكس..

ليش.. ممكن تفهمونا.. وش حصل.. عشان نكون في الصورة.. مدام الموضوع للجميع

[الشبث]

هلا اخوي المسافر


بالعكس وجهي اسود


ولا اجلس هنا ولك حق عندي








هلا اخوي ابو عارف

الله لا يهينك على هالمرور






اخوي سايلنت

تسلم على مرورك







اختي الصعوه

موضوع اخونا المسافر


فيه كم عضو رادين ومنقرفين من العبارات اللي فيه

وتم حذف الموضوع






وتقلدوا تحيتي

[مشتاقه لريح السمر بشماغه]

مشكور اخويـ موضوع رائع

[ابو خلوف]

يابوماجد هالموضوع هو نفسه حق الوايت والسروال وانت بكرامه


هالموضوع انحذف من هنا ونقله يوسف للمميزه
والله مشكله مابه شي

[صعوة فسفورية]

اي صح موجود.. من ضمن المواضيع المميزة

[المسافـر]

اسكتوا لحد يدري انوه هناا يغزوون عليه


وشكرا على تعاضدكم والشكر كل الشكر لابو ماجد




دواس الظلما شنقل وينك ياشيخ

[حمـود]

اخوي الشبث كلامك بالصميم


بصراحه قريت الموضوع ما فيه شي

عادي

ومجهود رائع من االاخ المسافر لانه بابدعه المضحك

وهذا المكان وهو الفله

اذا لم يقبل مثل هذا الموضوع

فانه لا يسمى فله بل مضيف النحيب

الشبث يوسف ريال الفسحه المسافر


لا يغركم من هو مقهور بابتسامتكم

ودمتم بخير


واذا المضايف بدونكم يا الرباعي


فانا ليس لي مكان لانه

من اعز خرج

[غالب]

أنا عندي إستعداد أصير مشرف للفله

[الشبث]

هلا اختي مشتاقه

اشكر لتس هالمرور الطيب


لاهنتي




ابو خلوف


والله ندري ان مابوه شي


بس وش تقول اذا خصمك القاضي










اختي الصعوه

حنا ما حطيناه بالمميز الا لانه مميز

لاهنتي







اخوي المسافر

الله لا يهينك





هلا الغالي حمود

ان شاء الله محدن طالع

وكلامك على العين والراس


لاهنت








اخوي الغالي واخوي الصغير سناعيسو

انت كلك حلا هههههه


وانا من باب الميانه عليك مسحت الكلام اللي قلته

لاننا هنا بالفله

اخوان ولا فيه بيننا اي شي

انت واخونا فهد ( فتى البيداء ) وانا ويوسف وريال وكل اعضاء الفله غالين

وانت بالذات اخونا الصغير


وعمر العمر ماكان عيب


انت ما شاء الله عليك تقل شايب

وصدقني انك تستحق تكون مشرف للفله

وراح تكون بمكاني

ويعلم الله اني اعتبر نفسي اصغر واحد بكم

عمر وقدر



بس روق المنقا ههههههه



وتقلدوا تحيتي

[الشبث]

انا هههههههههه


تقولي شين هههههههه


وتقلد تحيتي

[أبوطروق]

حاضرين طال عمرك


والله ان الدكتور عنده واسطة قوية ماعلي من الحتسي



أبوماجد بصراحة الموضوع فيه تحطيم للكاتب

بصراحة أنظلم أخونا المسافر بحذف موضوعه وحنا مايغثنا إلا التدخلات الخارجية ولازم يكون فيه حد لمثل هالتدخلات



ومادام جا هالطاري ودي أتكلم عن موضوع أختنا سمااا

البنت كتبت موضوع من أحلى المواضيع بالفلة وتعبت عليه وبرأيي انه يستاهل يكون مع المواضيع الميزة (بصراحة أنا قلت صار عندنا عجايب ثانية)

وبدل ماتشكر وتشجع تم إغلاق الموضوع [مع إحترامي الشديد لأخوي يوسف] الذي لم يوفق هذه المرة في تصرفه

والسبب كما قال مشرفنا الغالي أبويعقوب انه فيه أعضاء قاموا (يشتشتون)<<<أتحداكم تقولونه 3مرات

طيب عطهم مخالفات أو أحذف ردودهم مهو تقفل موضوع هالمسيكينة

(والله العظيم بدون مجاملة إيقاف الموضوع أنا أعتبره خسارة لفلة الحجاج لأنه من المواضيع الساخرة الهادفة)



وعسى الله يسلمكم كل أبوكم من أبوعارف لسناعيسو


يوسف خشمك امممبه<< حبة خشم

"""""""

[روح حايل]

بالعكس الموضوع كان قمه قمه قمه ...

واسلوب مغاير بالطرح الفلاوي ...


وشو منه الربع منقرفين !!!!!!!!!!!


دام ماهو معجبوه الوضع يروح للأقسام الثانيه ...


جاين للفله والموضوع لا يرتقي إلى مستواك !!!



قابل جريدة الشرق الأوسط ونفه عن نفسك بأسلوبك !!!!




سبحان الله



/ بعض البشر مادري وش يبي بالفلسفه الزايده /



درينا بثقافة المريخ اللي عندكم ؟؟؟




الشبث الله يعينكم ، ماش مقرودين حتى بالنت :)




وسعوا صدوركم ...



المسافر ... والله العظيم موضوع تحفه ...

[&^^مهــــا^^&]

والله موضوع المسافر روووووعه وقلت برد في الليل ان شاءالله

واجي والقاه محدوف بس مافيه شي

ومشكووووووور على موضوعك

وان شاءالله نطبق التعليمات

تقبل احترامي,,

[السنعوووسيه]

الا يا سروال الفلس


الا ياسروال الشر والشرير




عمي ابو ماجد علم علم


ياخي موضوع عادي



وينكم عن المثل الي يقول صدر الشمالى مايضيق




يس الصراحه سروال شنقل صار مشهور شهره احسدوه عليه


وينك يا شنقل تشوف سروالك وشلون اشتهر
ههههههه




صار خير انشالله



تكبرون وتنسون ياشمر

[صعوة فسفورية]

لالا لتتدخلات الخارجية...<< مظاهرة

انا احتج..نعم احتج..<< محد درى عنك

لا جد اللي يبي يتفلسف يروح اي مضيف ثاني ويتلسف هناك ع كيفه

وتقبلوو تحياتي

[شامان]

الشبث


يا ليت لو كل مشرفي المضائف يدعون إلى ما تدعوا إليه انت








واللي عنده استعداد يكون مشرف للفله يعطيني خبر



انا ما ابي اصير مشرف الفله ابي ( المطبخ ) لكن وش يفكي من ابو خلوف ويوسف وسناعيسوووو

[الشبث]

عمي ابو طروق


مافيه شك اننا كلنا نغلط


ولكن الاعتراف بالغلط هو اول الصح


بس منهو اللي يعترف بغلطه


هذي مصيبه


ولو كانت المشكله من مشرفين الفله


تنهضم


لكن كل شي يجينا من برا ؟؟!!


اجل وش فايدتنا


ابو طروق


كلنا بالفله نكمل بعض


واختنا سماا


انا امون عليه


وله من يرضيه باللي تبي


واخونا يوسف اجتهد


وكان المفترض اننا ننبهه على الاقل


بس حنا ساكتين




ماعلينا من هذي ان شاء الله نبي ننتبه له بالجايات


تسان فيه عمر






ابو طروق


انت من اعمدة الفله ورجاله اللي نفخر بهم


ولا نستغني عن نصايحك ومشورتك بأي وقت


فلا تبخل علينا ولو برساله خاصه



وتقلد تحيتي

[الشبث]

اختي روح حايل


لاهنتي يالذيبه


وكلامتس يكفينا



وتقلدي تحيتي

[الشبث]

هلا اختي مها


ههههههههه


خيره بغيره خخخخخخخخخ


وتقلدي تحيتي

[فتى البيداء]

وش السالفه ليه مشعلله ؟؟

أقول الله يعينكم أخوي الشبث وريال ويوسف ... ويعين أعضاء الفله ...

المفوض أن كان فيه أحد راد رد ما يليق يحذف الرد مو يحذف الموضوع كامل ..

المشرفين ألي بالفله يكفون ويوفون ما شفنا منهم قصور حتى يملاء عليهم ..

ماش بدات الوناسه تنحكر ..

[الشبث]

هلا باختنا المتكيه اربع وعشرين ساعه ههههه


الله لا يهينك على هالمرور الطيب




وتقلدي تحيتي

[الشبث]

هلا باختنا الصعوه

لا مظاهرات ولا غيروه



الفله بترجع احسن من اول



بس صبرتس علي هههههههه




وتقلدي تحيتي

[الشبث]

الله لا يهينك اخوي شامان


وعزالله انك كفو





وتقلد تحيتي

[الشبث]

اخوي فتى البيداء


صدقني انت وباقي الشباب


الفله راح تشعلل


وراح تشوفون



وهالبشمرقه راح تنطرد من الفله




وتقلد تحيتي

[يـــوسف]

الله يعين يالشبث :)



وسسسسسسسسسسسسسسسسسسع صدرك يالشبث وتر كل واحد بتصرفاته :)







ومشكلة الشخص اللي يحس بنقص ويجي يكمله هنا مشكلته هو مو مشكلتنا حنا :)








والمسافر انت ليش تقول سروال اعوذ بالله ماتدري ان كلمة سروال تخذش الحياء وحرام بس ننتظرهم يجيبون لنا أدله :)







أخوي أبو طروق يشهد علي الله أني أتقبل كل كلمة تقولها انت وأي عضو وبالعكس هالشي يفرحني وأنا زيي زيكم كلنا عيال آدم يعني مافينا شخص كامل لا بتصرف ولا بشكل ..



يعني بالعربي حنا فلاويين مانقول أننا زي غيرنا كل كلامه صح هههههههههههههههههه




موضوع الأخت سما كان موضوع شاتي بحت ...

وهالكلام يابو طروق انا منزل عليه تحذير وموضوعين مثبتات يعني بذمتك مو من باب أولى أن العضو قبل ينزل شي يقراهن ؟؟؟


وأنا أرسلت للأخت سمااا ولاكنت أنتظر منها رد وهي تجاهلت تنبيهي ...


وأعتقد أقرب مثال هو الأخت عطر يوم تنزل موضوع المقابلات كان مخالف بس أرسلت لها وفعلا تفهمت الوضع وتعاونا معها وثبتنا موضوعه لأن ردها علينا وكل كلمه قالتها تخليك تشجع العضوه هذي وفعلا أعتذزت لأنها ماقرت المواضيع زين ..



وهذا رابط الأخت سماااا




http://www.shmmr.net/vb/showthread.php?t=56852 (http://www.shmmr.net/vb/showthread.php?t=56852)



وأحكم يابو طروق يعني تبيني أحذف جميع الردود ؟؟

أصبح اقفل الموضوع افضل لي وللجميع ...





وعلى فكره يمكن هالشي يجهله البعض انا وأخوي الشبث وريال الفسحة قبل يتخذ اي شخص فينا أي إجراء نتواصل مع بعض ونتشاور عن طريق الجوال ..




يعني لحد يحسب إننا نجيب قرارات من روسنا وكل شخص يسوي اللي يعجبه ..








والفلة فلتكم فلوووووووووووووووووووووووووووووووووووووو وووووووووها :)









المسافر أعتذر لك لعدم مقدرتي على حمايت موضوعك من الحذف ...







توسدو إحترامي

[بنت الجبل آخت القصيد]

عووووووووولم ياعميد:7ayyoh:

المهم حزاويي خل عينك عليهن بس لاتحذفهن ثم يصيبن احباااااط :za3lan:

والمشرفين كلهم مكفين وموفين ولابهم اي قصور:thumb:
.
.
اختكم
عطرالفله

[الشبث]

هلا اخوي يوسف


لاهنت على هالتوضيح



وتقلد تحيتي

[الشبث]

هلا اختنا عطوره


هههههههههه

ماصايرن الا الخير


ولا هنتي على هالمرور الطيب




وتقلدي تحيتي

[المسافـر]

أنا أشكر كل أخ مر من هنا وأثنى على موضوعي



والشكر موصول لأخي المراقب الإداري أبو ماجد


ولأخواني مشرفين فلة الحجاج ريال الفسحة ويوسف




لكن بما أننا مسلمين نصبر

وبما أننا عرب نصمت دائما


الصبر مفتاح الفرج


وإذا كان الكلام من فضه فالسكوت من ذهب



إذا اصبر واصمت












هل لنا غير الصبر والصمت



لا أعتقد






نصيحة أخرى غير الصبر والصمت لاتكتبوا أي شيء جميل



أولا لأن مشرفي فلة حجاج لن يقوم بحماية موضوعكم



وثانيا لأن الشيء الجميل مكانه سلة المحذوفات كما ترون









دنيا وتبقى دايم الدوم دنيا

[الشبث]

8
8



لك كل الحق اخونا المسافر



ولكن هذا اللي قدرنا عليه


ناقشنا الاخ الاداري اللي حذف الموضوع ولا فيه اي فايده


انا اعتذر منك لاني من المسؤولين عن حذف موضوعك


بس


والله ما بيدي شي


المسأله كله على بعضه مهي داخلتن راسي





بس على قولتك


ادارتكم يالفله ضعيفه ولا بيده شي




مالكم الا انكم ترضون بالواقع



وتقلد تحيتي

[ريتاج]

جد كلام سليييم...

ما اتووقع فييه احد بيعاارض ولا.....

مشكوور اخوي جد والله انا معاااك.......

[منصور الغايب]

ياجماعة ..

اسمعوني ... ولا تزعلون مني ..

ليش حنا حساسين من كلمة انت مخطئ ..

بالعكس اللي ينصحنا قولوا له بيض الله وجهك وبالمرات الجاية نصلح الخطأ

مو نقوله كلامك مو صحيح وأثبت لنا وووووووو الخ

بصراحة وبدون زعل ...

وكلكم مقر في نفسه ..

ان الفلة مو مثل اول .. وفيه تراخي شوي بموضوع الاحترام والادب ..كله تحت ذريعة المزاح .. والتراخي مو من احد بعينه بل من الجميع وانا اولهم ..

والكلام هذا مو اول مرة ينقال .. بدون زعل ...

واللي قالوه من خيرة الاعضاء بالمنتدى ومن اللي ما نشك باخلاقهم ...

المزاح جائز ... وكان رسول الله صلى الله عليه وسلم يمزح زلا يقول الا حقا ...


اما السب ... واللعن ... من باب ياحشرة وياحقير .. والعن شكلك ... هل يصح .. وهل ترضونه بيننا ؟!


والله اللي نصحنا يحبنا ...


علما باني ما لحقت على موضوع الاخ المسافر ..

لكن هذا الكلام بصدري وحبيت افضفض فيه ... ومسموحين اذا تبون تحذفونه ...

بارك الله فيكم ..

تقبلوني على تقصيري ..

[الحنشل]

يا ابو ماجد

أنا مدري أحس انك تحاول تمسك العصا من النص

و هذا غير ممكن لأن الخطأ معروف مصدره و المتسبب به

و ما تحاول أن تقوم به ما راح يخدم الفلة و لا كتابها بشيء

بل على العكس سيعمل على هجرتهم كما حدث في المضيف العام

و هذا نتيجة التسلط الإداري و فرضه دور الوصي على المشرفين

مما زعزع ثقة الكتاب بمشرفيهم الذين يفترض بهم حماية أفكارهم

و مواضيعهم من التحريف و التحوير من قبل الوصي



ما أريد الوصول له ...

الإداري على عيوننا و روسنا إذا كان يعمل بما تمليه مصلحة المضائف

أما أن يستفرد عضلاته على الأعضاء و المشرفين فهذا لن نرضاه

نحن لا نقول هذا بدافع الكره لأحد لكن لا نريد أن نرى مضيفنا يهوي

كما هوى المضيف العام لأسباب مشابهه للتي تحدث اليوم بفلة حجاج

[أبو روز]

أخوي الغالي : الشبث
أنا قريت الموضوع وحبيت أقولك :
يا ليت كل العرب مثلك يا القرم

[الشبث]

هلا اختي ريتاج


لكي تقديري واحترامي


لاهنتي



وتقلدي تحيتي

[غيمــة]

.


رايتكم بيضاء ياطويلين العمر ،



وصدقوني والله اني لي فتره اقرأ بمواضيعكم وانبسط ،


وماشجعن ع التسجيل الا هالوجيه الطيبه ، والخوه اللي بينكم ..


الشبث والأخوان هنا .. ماقصرتوا ..

[الشبث]

هلا باخونا منصور


اخي منصور


هل رأيت سب بالفله او شتم او كلام لا يسكت عليه



اليست الفله اهون من غيرها بكل شي




اذهب اخي منصور الى المضائف الثانيه وانظر كيف التعدي على الدين


وليس على الخلق فقط


نحترم الجميع







لاهنت



وتقلد تحيتي

[الشبث]

لاهنت اخوي الحنشل



كلام جميل




وتقلد تحيتي

[الشبث]

هلا فيك اخوي سعدون


شرفتنا بالفله


وياليتني مثل العرب الطيبين اللي مثلك




وتقلد تحيتي

[الشبث]

هلا بالاخت غيمه


نتشرف بأنضمامتس لنا



واعتبري من اليوم انتس راعيت محل منتي ضيفه



وشاكرين لتس كلامتس الطيب


وتقلدي تحيتي

[منصور الغايب]

الغالي الشبث ..

ماهكذا تكون المقارنات وانا اخوك ..

من تعدى على الدين سينال جزاءه من رب العالمين أولا ثم من إدارة المضايف بتطبيق القوانين ..

وكذلك هنا من يتعدى حدود الادب والذوق العام يجب أن ينال جزاءه ..

هذا ما اردت توصيله ..

وشكرا لك ..

[الشبث]

هلا بالغالي منصور


وضحت الصوره



والله يثيبك على هالتوضيح



وانا كنت غلط



فالمعذره من الله ثم منك




وتقلد تحيتي