الشبث
05-10-2008, 01:49
كل عام والجميع بخير
يالربع
هيضني المروح يوسف بموضوعه على هالسالفه
هي سالفة قراده تخررع
المهم
قبل كم سنه وبعز قرادتي
عزمني اخ عزيز على عرسوه
وقبل العرس بفتره حضرت نفسي علشان ارزف بالعرس لانه عزيز بالحيل ( شرواكم )
المهم يوم جاء يوم العرس او اليوم الموعود
وانا رايح للعرس راعيت بمخباي وليمار مافيه الا عشر ريال
وانا امسكهن واحطهن بالمخبا الجانبي
( بالله تركيز )
المهم وانا امر الصرافه واسحب خمسمية ريال واحطهن بالمخبا الجانبي الاخر علشان ما الخبط
وانا امر خوين لي يبي يخاويني
ويوم وصلنا للقصر ودخلنا وسلمنا لقيت فيه زحمه على العريس وقلت مهي زينه اعطيه
الحين خلهم اذا قامو للعشاء اعطيه
الوكاد جلست ويوم قرب وقت العشاء قال خويي اللي رايحن معي تكفى يابو ماجد
ابيك توديني يم البيت
قلت ليه وش الطاري
قال والله ام العيال دقت علي تكفى ابي امشي
المهم رحت وديت الرجال
ورجعت للقصر
افيه خلونا نستريح شوين مع فاصل دعائي
دواء الجرب لازالة العرق
نواصل
رجعت للقصر
ويوم جيتهم ليمار خالصين من العشاء والعريس ماشي
وانا انشد خوين لي قلت ماتعرف اخوانه
قال هذاااااك اللي واقف اخوه الكبير
وانا اقوم يموه
واسلم عليه وانا احط يدي بمخباي واخذ الفلوس احطه بيدوه
وهو ماسكن يدي يقول يالغالي ماله داعي
يالغالي حضورك يكفي
يالغالي جيتك تسوا الكثير
ومن هالكلام الطيب
وانا امغط من هالحلوف وهالايمان انك الا تاخذه
الوكاد ان الرجال حطه بمخباه ورحت انا وجلست عند خوياي نسولف
وانا احط يدي بمخباي ابي اطلع لي شين ( ناسي والله مدري وشو )
وانا امسك فلوس ؟؟؟؟!!!!!5678
وانا اتذكر وشهن هالفلوس
وهي تطري علي العشره
قلت ياولد يا شبيثان لايكون اللي بمخباك العشره ولا الخمسميه
وانا اسحبه شوين شوين
وعرقي يصب
وعضلاتي مشدوده
وشدوقي متهطله
وعيوني دامعه ته ته
وادعي ياااااالله ان هاللي بمخباي العشره
يوم اطلعت طرفه وانا اراعيله
فاصل دعائي للحاله النفسيه السيئه اللي يمر فيها الكاتب حالياً
القاز لازالة المناكير للنساء
عدنا
المهم يوم اطلعته ليمار هذي الخمسميه بمخباي
واللي عطيته الرجال العشره
يعني عنيتي عشر ريال
ياربي وش يبي يقول عني شايفهم طرارين
واااااااااااااااامصخي
الوكاد من الربكه مدري وش اسوي
وانا اعلم خويي اللي بجنبي
وهو يراعيلي بعينن قشرى
وهو يراعي لباقي العيال قال يا عيال مشينا نغير مكاننا
تخيلوا هربوا وخلوني
لهالدرجه انا من جنبه ته ته ته
ويوم فريته براسي ليمار مايبيله يا شبيثان اهرب
للحين تبي تعرض وتلعب سامري
تبيهم يشرون عليك ويقولون خبيل مهو صاحي
والله وانا اهرب من القصر متلطم
وانا اتصل على خويي العريس مايرد ( معذور )
ويوم جاء من باتسر وهو يتصل علي
وأول ما قلت الووووو
وهو يضحك ويسكر الخط
ويتصل على عقب ربع ساعه
قال يا شبيثان وش سويت
قال انا داخلن على الله ثم عليك استر علي الله يستر عليك
قال ياخي ماعليك ستر وغطا
قلت الله يستر عليك دنيا واخره
وهذي سالفة من ميتين وسبعطعش سالفة قراده للشبث سوف يتم ذكرها في القادم
من الايام
وتقلدوا تحيتي
يالربع
هيضني المروح يوسف بموضوعه على هالسالفه
هي سالفة قراده تخررع
المهم
قبل كم سنه وبعز قرادتي
عزمني اخ عزيز على عرسوه
وقبل العرس بفتره حضرت نفسي علشان ارزف بالعرس لانه عزيز بالحيل ( شرواكم )
المهم يوم جاء يوم العرس او اليوم الموعود
وانا رايح للعرس راعيت بمخباي وليمار مافيه الا عشر ريال
وانا امسكهن واحطهن بالمخبا الجانبي
( بالله تركيز )
المهم وانا امر الصرافه واسحب خمسمية ريال واحطهن بالمخبا الجانبي الاخر علشان ما الخبط
وانا امر خوين لي يبي يخاويني
ويوم وصلنا للقصر ودخلنا وسلمنا لقيت فيه زحمه على العريس وقلت مهي زينه اعطيه
الحين خلهم اذا قامو للعشاء اعطيه
الوكاد جلست ويوم قرب وقت العشاء قال خويي اللي رايحن معي تكفى يابو ماجد
ابيك توديني يم البيت
قلت ليه وش الطاري
قال والله ام العيال دقت علي تكفى ابي امشي
المهم رحت وديت الرجال
ورجعت للقصر
افيه خلونا نستريح شوين مع فاصل دعائي
دواء الجرب لازالة العرق
نواصل
رجعت للقصر
ويوم جيتهم ليمار خالصين من العشاء والعريس ماشي
وانا انشد خوين لي قلت ماتعرف اخوانه
قال هذاااااك اللي واقف اخوه الكبير
وانا اقوم يموه
واسلم عليه وانا احط يدي بمخباي واخذ الفلوس احطه بيدوه
وهو ماسكن يدي يقول يالغالي ماله داعي
يالغالي حضورك يكفي
يالغالي جيتك تسوا الكثير
ومن هالكلام الطيب
وانا امغط من هالحلوف وهالايمان انك الا تاخذه
الوكاد ان الرجال حطه بمخباه ورحت انا وجلست عند خوياي نسولف
وانا احط يدي بمخباي ابي اطلع لي شين ( ناسي والله مدري وشو )
وانا امسك فلوس ؟؟؟؟!!!!!5678
وانا اتذكر وشهن هالفلوس
وهي تطري علي العشره
قلت ياولد يا شبيثان لايكون اللي بمخباك العشره ولا الخمسميه
وانا اسحبه شوين شوين
وعرقي يصب
وعضلاتي مشدوده
وشدوقي متهطله
وعيوني دامعه ته ته
وادعي ياااااالله ان هاللي بمخباي العشره
يوم اطلعت طرفه وانا اراعيله
فاصل دعائي للحاله النفسيه السيئه اللي يمر فيها الكاتب حالياً
القاز لازالة المناكير للنساء
عدنا
المهم يوم اطلعته ليمار هذي الخمسميه بمخباي
واللي عطيته الرجال العشره
يعني عنيتي عشر ريال
ياربي وش يبي يقول عني شايفهم طرارين
واااااااااااااااامصخي
الوكاد من الربكه مدري وش اسوي
وانا اعلم خويي اللي بجنبي
وهو يراعيلي بعينن قشرى
وهو يراعي لباقي العيال قال يا عيال مشينا نغير مكاننا
تخيلوا هربوا وخلوني
لهالدرجه انا من جنبه ته ته ته
ويوم فريته براسي ليمار مايبيله يا شبيثان اهرب
للحين تبي تعرض وتلعب سامري
تبيهم يشرون عليك ويقولون خبيل مهو صاحي
والله وانا اهرب من القصر متلطم
وانا اتصل على خويي العريس مايرد ( معذور )
ويوم جاء من باتسر وهو يتصل علي
وأول ما قلت الووووو
وهو يضحك ويسكر الخط
ويتصل على عقب ربع ساعه
قال يا شبيثان وش سويت
قال انا داخلن على الله ثم عليك استر علي الله يستر عليك
قال ياخي ماعليك ستر وغطا
قلت الله يستر عليك دنيا واخره
وهذي سالفة من ميتين وسبعطعش سالفة قراده للشبث سوف يتم ذكرها في القادم
من الايام
وتقلدوا تحيتي