معـــركة شآرع الأربعـــين المجيدهـ

[يـــوسف]

السلام عليكم ورحمة الله وبركاته ..

الله لايمسيكم إلأ بكل خير ...

ياهلا والله بكم يالله حيهم نورتو الفلة والله ياهلا بهالوجية :7ayyoh:

يالربع انا اليوم ماش احس عندي اضطرابات <_ متعقد نفسيا اليوم :315r:


المهم رحت قبل شوي للبقالة وشفت ابو فغن معصب يكلم بالجوال وتقل الله العالم انه يشتم بس بالافغاني <_ ابوووووووووووك يالتحليل :solh:

المهم منذ قديم الزمان رحت مره على وصف واحد من العيال الله لايجزاه كانه بغىا يضيع مستبقلي :)

رحت ابي لمحل يبيع فلافل شي يضبطون الفلافل بالحمبص ( الحمص ) وأنا بيني وبينكم مدمن حمبص [ حمص ] لاشفته قامت تدرج سبلتي ماأقدر اتحكم بالغدد :d:


المهم وأنا على الجوال وخويي على الخط يوصف لي واروح لشارع يقاله شارع الاربعين بالنسيم طلعت بوفية ماهي مطعم ومن تشوف زول اللي موقفين برا تغسل يدك انك تبي تاكل زين <_ وش عنده اللي ماياكل الا بمطاعم خمسين نجمه :)


طبعاَ كليت المقلب وشتمت المروح امحق من خوي وقفلت بوجهه ووكلت امري لله مابقى شي للصلاة وذابحن الجوع :)



المهم المهمات الا هكالبنقالي موقفن برا البوفية ومعه حليب ومبين انه بارد تبي تقولون شلون دريت :)

لأنه يشرب ولايغمض ههههههههههههههههههههههههههههه



والشارع للمعلوميه كله متخفلين ماهو تخلف عقلي لا لا لا ..


متخلفين يعني اللي مايدانونهم الجوازات :)


عمالة متخلفة .


وأدخل البوفية الا كله صعايده وافغان وهنود وبنقالية وانا اقعد افكر وش جاب أخوانا الصعايدة بوسط هذولا :puzzled:


المهم وأطلب فلافل يوم شفت ابو هنود طلعن من تحت والحبة الوحده قالبتن سودا وهو يفته بوسط له رغيف خبز الله العالم ان صارله سنتين عندهــ ..

وأنا طايرتن عيوني اطالع للرغيف الا الصفقه وراي وانا اقمز من الخرعه



الا الصعيدي صافقن بنقالي طراق ومنصفر البنقالي هههههههههههههههههههههههههههههههه




وهو يقوم افغاني يعني مسوي قوي يبي يفزع للبنقالي وهو يتكلم على الصعيدي

يقول للصعيدي انت مخ مافيه بس معلوم ضرب ضرب :solh:

المهم كلمه منه وكلمه من الاخو الصعيدي وهم يتماسكون يالربع انا وقفت بالزاوية مستغرب من اللي يصير طرا علي فلم من زمان شفته عصابات مافيا هههههههههههههههههههههههههه



والبوفية فل صعايده وافغاني وهنود ماهم شي :)


قال الصعيدي للأفغاني امش اطلع برا وهم يطلعون يالربع :)



وأنا وراهم من بعيد ابي اشوف وش يبي يصير ..




ومن الزحمة وانا أوقف على كبوت سيارتي ابي اشوف وش يصير :)





والبنقالية ورا الافغانية يضحكون ويشجعونهم ههههههههههههههههههههههههههههه

وهو يسحب ابو فغن زي المسحاة بس صغيره للحين مدري وشي وهو يصفق الصعيدي على راسه واللي لحس مخي الصعيدي ليش ماتحرك هههههههههههههههههههههههههههههههه




وهي تصير ذبحه اعوذ بالله وأنا تحمست وأقوم اشجع تخبرون اشجع اخوانا الصعايدة :315r:


وشوي الا هكالبنقالي يضرب المصري من ورا طبعا الصعيدي ماحس به ههههههههههههه



خذتني الحميه واقمز الا انا فوق البنقالي واسدحه وجلد ومنين يوجعك <_ حيلك على هالضعيف هههههههههههههههههههههههههه





طبعاَ المعركة طولت وماتسمع صياح ولا كلام بس تسمع صوت صفق الحديد وصوت نهيت هههههههههههههههههههههههههههههههههههههههه ههههههههههههه









شوي الا صوت الدورية الطرطة [ الشرطة ] شرفو الأخوان :)





وهي تناحش خلق الله بغمضت عين مافيه الا انا وبنقالي مغمى عليه وافغاني رجله مكسوره يبي ينحاش ويزحف زحف هههههههههههههه




وهم يمكسوني يقولون انت تعرفهم علمنا بأسمائهم وأقعد ساعة ونص بالدوريه راكب ورا ومسكرين علي الدرايش ومقفلين علي ذبحن الحر ...





أشوآ جا ضويبط [ ضابط ] وفكن قال وش تبون بهالمقروده خلوه يولي لايجيب لنا القرآدهـ ..




والحمدلله جت سليمة وتروني ماخذ دوره يعني لحد يقرب لي عندي خبرة بالضرب العنيف [ شاكوش + مسحاة + بلك + مطرقة اللي تهدم الجدران :) ]



وقبل يومين مريت الا الشارع فل للحينه مليان ماتجيهم الجوازات بس لاصار سعودي عنده مكتب تعقيب سجنوه :wallah_hoo:


آسف على الأطالة




توسدو إحترامي

[صعوة فسفورية]

صراحة معركة يشهد لها التاريخ

والسبب .. الفلافل.. هههههههههههههههههههههههه

تسلم ع كذا.. سالفة<< ع طاري الماش.. وربي كلنا ماش..

[الحنشل]

عووووووووووذه عوووووووووذه

اثريك شر و شرير و عيش مرير




وهي تصير ذبحه اعوذ بالله وأنا تحمست وأقوم اشجع تخبرون اشجع اخوانا الصعايدة :315r:



اااااايه اطلع على حقيقتك يا يوسف

من ربع القومية العربية <<أركد منت بالعام تراك بالفلة



شوي الا صوت الدورية الطرطة [ الشرطة ] شرفو الأخوان :)


أحسن شي بشرطتنا إن الحب اللي براسك ينطحن و هم ما شرفوا



على طاري الإرهاب

ما شفت العملية الارهابية اللي صارت بمدرجات ملعب محمد بن فهد بالشرقية

[منيف الوبيري]

الله يرجك يا يوسف ... الظاهر ان بك قرادة




(((( وأنا وراهم من بعيد ابي اشوف وش يصير ))))

اثريك شفاي ,,, يالعطاوي !!!

وبعدين وش تبي تفزع مع الصعايده .. خلهم يولون ..

[السنعوووسيه]

ومن الزحمة وانا أوقف على كبوت سيارتي ابي اشوف وش يصير :)


حلولات يالى جنبك ابي اصفق واصفر
والقط كم صوره

مصارع ثيران هذولا ماودك تجي الديره الى هم به
الله من القرد بهاالراس يايوسف هههههههههه


نتضر المزيد من ابداعاتك


سلملم

[الشبث]

ياخوي انت وش اللي جايبك عند اهل الوزن الثقيل


تعال فيه هوشه طارفه وزن ثقيل عندي بالبيت


ماجد وبناخيي خخخخخخخخخخخ


يتهاوشون على فشفاش خخخخخخخخ







المقرون


جيدن على ابو فغن خخخخخخخخخخ





الله يرج سموك خخخخخخخخخ






وتقلد تحيتي

[ابو خلوف]

متى هذي وليه ماصوتلي اجيك طيران




وبعدين وش اسمه هالبوفيه ابرح يمه نشوف الاوضاع سليمه




وحمد لله على سلامتك يامعلم




لاتعود تقرب النسيم الا وانت قايلن لي

[أبوطروق]

هههههههههههههههههه وانت ماتروح مكان إلا تسير مشكلة؟

ياخوي أقضب أرضك ولاتطلع تقرد الناس

تر قرادتك هي اللي سببت الهوشة بالبوفية وجابت العيد خخخخخخخ






يوسف اتريك أبضاي وفتوة وحنا ماندري

يازين دبتك لبنقالي مثل الطشة على تسبدي



تسلم يمينك ياذيبان

"""""""""""

[غالب]

والله من التنسيم بهالوجه يايوسف:a:
وليه ما صوت لي يخي ترن شرق منك:3ajeeb: أبد حذفت عصا وتخبر حنا ياأهل أكا الديره نغلي الشر:)

وهي تناحش خلق الله بغمضت عين مافيه الا انا وبنقالي مغمى عليه وافغاني رجله مكسوره يبي ينحاش ويزحف زحف

هههههههههههههه إنفجر بطني من الضحك خخخخخخخخخخ:solh:
أبوخلوف سلامات وش عندك قلانتن طباتك المنتدى هالأيام هاذي:puzzled:
أبوطروق ....وش لو أنا أسرق توقيعك:)

[عجايب بنت الشايب]

انا قايله من زمان هاللليد ذيب


اجل



ومبين انه بارد تبي تقولون شلون دريت :)

لأنه يشرب ولايغمض ههههههههههههههههههههههههههههه



هههههههههههههههههههههههههههههههههههههه


هههههههههههههههههههههههههههههههههههههههه هههههههههههههههههههههههه



ههههههههههههههههههههههههههههههه





ذييييييييييييييييييب







لا اله الا الله




يعجبني فيك انك في الخيال تتخيل بعد :(




لا اله الا الله











ماننحرمش من هيك موازيع


:) طحياتو..........,,

[ريتاج]

الا الصعيدي صافقن بنقالي طراق ومنصفر البنقالي هههههههههههههههههههههههههههههههه

يااحوول وش يبي بهالبنقاالي افتت تسبدي هههههههههههههههههههه

تذكرت ذبحتي انا واخووي انا البنقاالي واخووي الصعيدي ههههههههههه

الله يساامحه كسرن ذااك الليله والله قعدت ادعي علييه

خاافو ربكم بخوواتكم تكسرت عظاامهن من الدق.....

....يااحيي يووسف ليش مايشتغلوون السعوديين بالبوفيااات والبقاالات والمغااسل
صرااحه المفرووض لو انا ولد كاان صرت محااميه

صرااحها لمفروووض بس الدلع الله يسلمهم....


مشكوور على هالساالووفه هههههههههههههه

ويااملا العاافيه ......

توسد شيعااتي

[يـــوسف]

صراحة معركة يشهد لها التاريخ
ويشيب لها رأس الطفل الرضيع <_ يطاله لسناعيسو :)

والسبب .. الفلافل.. هههههههههههههههههههههههه
أمحق من فلافل لاعاد يطري على أحد بكم ياكل فلافل منحوسه هالاكله :)

تسلم ع كذا.. سالفة<< ع طاري الماش.. وربي كلنا ماش..



الله يسلمك أخت صعوهـ والماش ماشات يالصعوهـ :)





لاهنتي على المرور ..


توسدي إحترامي

[يـــوسف]

الله يرجك يا يوسف ... الظاهر ان بك قرادة

ياخالي ماش يقولون القرآدهـ بس بالأسلم والله العالم ان هالسالفة ماهي صحيح كل شمر مقرد :315r:


(((( وأنا وراهم من بعيد ابي اشوف وش يصير ))))

اثريك شفاي ,,, يالعطاوي !!!
ماهي شفاية بمعنى شفاية بس ياخوي ابي اشوف وش يصير تخبر حماس وتريلات اللي يتضاربون ماهم بشر :)
وبعدين وش تبي تفزع مع الصعايده .. خلهم يولون ..
لا لا لا النخوهـ العربية موجودهـ <_انزلع بس ههههههههههههههههههههههههههه





خالي منيف لاهنت على هالمرور يالغالي ..


بعدين وش معدل انت معصي خطأ إملائي وش انت كاتب علمن :)




توسد إحترامي

[يـــوسف]

حلولات يالى جنبك ابي اصفق واصفر
شكلك خويتن لتهاني الحسن على هالتصفيق :solh::solh:
والقط كم صوره
ياحبكم للشفايه وتوثيق الفضايح ههههههههههههههههههههه

مصارع ثيران هذولا ماودك تجي الديره الى هم به
الله من القرد بهاالراس يايوسف هههههههههه
والله اني ماش ماني لامقرود ولاهم يحزنون بس حظي زين هذا كل مابالسالفة :)


نتضر المزيد من ابداعاتك
بأذن الله <_ مصدق عمره :315r:


سلملم






لاهنتي على هالمرور يالخالة :)


توسدي إحترامي

[يـــوسف]

عووووووووووذه عوووووووووذه

اثريك شر و شرير و عيش مرير

منين لي الشر والله اني اباري الجدار :315r:



اااااايه اطلع على حقيقتك يا يوسف

من ربع القومية العربية <<أركد منت بالعام تراك بالفلة

وش نسوي يالحنشل القومية العربية بنا بنا آثرتو على افكارنا يااهل العام سويتو لنا غسيل مخ :)



أحسن شي بشرطتنا إن الحب اللي براسك ينطحن و هم ما شرفوا

المشكله يجونك مسوين زحمه وياتلقى العسكري عندنا بطنه اربعه متر قدامه ولا تلقاه معصقل ووغد توه متخرج ولابس زنوبة الله يكرمكم :)

على طاري الإرهاب

ما شفت العملية الارهابية اللي صارت بمدرجات ملعب محمد بن فهد بالشرقية
أنا وين والأرهاب وين مداوم هالعيد ماكلن كرآث :)



وش صاير بالشرقية ؟؟؟ عسىا ماهو شنل مفجر :)


لاهنت يالحنشل على هالمرور ..


وتوسد إحترامي

[يـــوسف]

ياخوي انت وش اللي جايبك عند اهل الوزن الثقيل
اللي يقولون له القرآده تسفانا شرهـ بس نسمع به سمع ولا نبي طاريه :)

تعال فيه هوشه طارفه وزن ثقيل عندي بالبيت


ماجد وبناخيي خخخخخخخخخخخ


يتهاوشون على فشفاش خخخخخخخخ


أمش ياماجد أجل طايرتن قماصيعه ههههههههههههههههههههههههههههههههههههههه




المقرون


جيدن على ابو فغن خخخخخخخخخخ





الله يرج سموك خخخخخخخخخ



ويرجك :) لاتدعي علي زين :315r:


وتقلد تحيتي





لاهنت يابو ماجد على هالمرور ..


توسد إحترامي

[يـــوسف]

متى هذي وليه ماصوتلي اجيك طيران


يارجل انت فك روحك من فتى البيداء أول :)

وبعدين وش اسمه هالبوفيه ابرح يمه نشوف الاوضاع سليمه


ماله اسم تقل انهم ماخذين شوين من محل سباك :7ayyoh:

وحمد لله على سلامتك يامعلم

الله يسلمك ياعمده rooose2


لاتعود تقرب النسيم الا وانت قايلن لي
يارجل النسيم مايطبه الا واحد بايعه ههههههههههههههههههه









لاهنت على المرور ياعمدتنا ..



توسد إحترامي

[شام]

متعقد نفسيا اليوم


:3ajeeb:

:za3lan:

:3ayyen_khair:

بس اليوم ,, أفضل من كل يوم ..!!
يوسف سلامو عليكووو..

[فتى البيداء]

يوسف عيدك مبارك ـ ـ ـ ـ ذكرتن بسالفة وألي هي ..

مرة من المرات عندنا بالمزرعة هندي شايف بنفسه ولا هو يصلي أبد ...

ولا لي أخو تسبير معطيه الله عافيه ونشاط ـ ـ ـ ـ ـ ـ ـ > أسأل صوابري ..

وكل ماقاله أخوي يالله صلاة قال أنا خلاص فيه صلاة وهو ينافخ ويتذسب ...

هالمره جينا للمزرعة وهو توه يذن العصر ... طق أخوي عليه باب الغرفة وهو توه صاحي من النوم يقول أيش يبغى ؟؟ ...

وهو يبداء يهوش وينافخ ... قاله أخوي أمش صل ... قال أنا خلاص صلاة ويطلع من الغرفة والزقارة بفمه وهو يمزه وينفخ الدخان بوجه أخوي ...


وخوي يتحماله ويرقعه براشدي يوم أغمي عليه ويجون العمال يبي

يصحونه ... ولا ماعندك أحد ... ويصبون عليه ماء يوم غرق ويالله يصحي ... وهو على طول يوم صحى يزنه بتسوه ... صالح وين ؟؟ صالح وين ؟؟

قاله أخوي هذاي ... أنت يبغى نوم مرة ثاني ؟؟ قال ابوهنود لا أنا يبغى صلاة

أخاف موت ... وأخوي يلتفت علينا ... قال لا أنوزن أن شأالله تحروه يتهجد الليله ...

يوسف ما عليش على الإطالة ..

[أهداااب]

خذتني الحميه واقمز الا انا فوق البنقالي واسدحه وجلد ومنين يوجعك







حيلك في الضعيف



طيب ليه ما مسكت الأفغاني هههههههه








طبعاَ المعركة طولت وماتسمع صياح ولا كلام بس تسمع صوت صفق الحديد وصوت نهيت








لما وصلت عند السطر هذا ..





حسيت أني أتابع فلم هندي .. ما تسمع الأ صوت البكوس :)






كل هذا عشان الفلافل و الحمص





لا عادت والله






تعيش وتاكل غيرها

[ابو عارف]

الحمد لله على السلامة يالسمي
هي مبطية السالفة؟

تقول ما أدري ويش جاب أخواننا الصعايدة مع الإفغان والبنقال والهنود كل هؤلا جمعهم الفقر على حب الفلافل والطعمية.



شكراً لك على الدم العربي يابالفزعات.

[شنقل]

يوووسف

المعركه واللي هاللي بجنبي

يالبييييييييييييه




هههههههه
هههههههه
هههههههه




للشفايين تبطوووون




ياربي يالونااااااااااااسه

[روح حايل]

انت مالك خوي بنوب بنوب :)


قبل رمضان معلم عن الشقة اللي جنبك !! ياحول الصعايده ...


ولا بعد كان خويك اللي تبي تناسبوه بنقالي هههههههههههههههههههههههههههه


وهالحين كمخت البنقالي !!!!





وهي تناحش خلق الله بغمضت عين مافيه الا انا وبنقالي مغمى عليه وافغاني رجله مكسوره يبي ينحاش ويزحف زحف هههههههههههههه


هههههههههههههههههههههههههههههههه


هذولا هم البنقاليه لا حس بالخطر استموت هههههههههههههههههههههههههههه


اما يزحف الأفغامي ههههههههههههههههههههههه



تسلم دياتك على السالفه



:)

[يـــوسف]

هههههههههههههههههه وانت ماتروح مكان إلا تسير مشكلة؟

ياخوي أقضب أرضك ولاتطلع تقرد الناس

مش من ألبك هالحتسي لئه يابو طروق شو هاظ :za3lan:

تر قرادتك هي اللي سببت الهوشة بالبوفية وجابت العيد خخخخخخخ


وش دخلن والله كل اللي صار من تحت راس البنقالي مدري وش هو عامل لأخونا الصعيدي :a:



يوسف اتريك أبضاي وفتوة وحنا ماندري

يازين دبتك لبنقالي مثل الطشة على تسبدي

اعجبك يابو طروووووووووووووووووووووق ابد لابغيت شي بس ازهم علي واحضر عندك انا والربع :)

تسلم يمينك ياذيبان

"""""""""""






الله يسلمك ويسمنك ياخالي ابو طروق على هالمرور الللي يقوطر عسل :)



اقول متى ترجع للشرقية نبي الكليجا ترن اتحراك عند نقطة تفتيش امن الطرق اللي بمدخل الرياض ..<_ والله اللي نشب لأبو طروق :)





لاهنت على المرور يالغالي .



توسد إحترامي

[يـــوسف]

والله من التنسيم بهالوجه يايوسف:a:

ماعليك زود يالضبعه :)
وليه ما صوت لي يخي ترن شرق منك:3ajeeb: أبد حذفت عصا وتخبر حنا ياأهل أكا الديره نغلي الشر:)
انتم ياأهل النظيم ماتدانون اهل النسيم ومن زود العنصرية مسوين سوق حجاب زي سوقهم :)

و يقولون زعلتو على محمد عبده يوم يغني __> يانسيم الصباح
تقولون شنوح مايقول يانظيم الصباح :solh:

هههههههههههههه إنفجر بطني من الضحك خخخخخخخخخخ:solh:
ايابطين الحي والميت افطن لايطلع شي بس ونبلش بك هههههههههههههههههههههه
أبوخلوف سلامات وش عندك قلانتن طباتك المنتدى هالأيام هاذي:puzzled:
أبوطروق ....وش لو أنا أسرق توقيعك:)


ياحياة الشقىا ياسناعيسو ول ماأزين مرورك يقوطر مقوطر :)


لاهنت يابو شدوق على هالخته :)



توسد إحترامي

[يـــوسف]

انا قايله من زمان هاللليد ذيب
الله يسلمتس ياخالة والله اني بغيت اقوم وارتسب بسطح العمارة وأتلطم مسوي ذيب :)


اجل






هههههههههههههههههههههههههههههههههههههه


هههههههههههههههههههههههههههههههههههههههه هههههههههههههههههههههههه



ههههههههههههههههههههههههههههههه





ذييييييييييييييييييب







لا اله الا الله




يعجبني فيك انك في الخيال تتخيل بعد :(
وش رايتس بس يمديتس ياخالة على هالتخيل :)




لا اله الا الله











ماننحرمش من هيك موازيع



:) طحياتو..........,,




خالتي الذي ليست من بطن جدتي <_ ابوك يالوصف :315r:

أشكرك بعنف على هالمرور <_ سامعه بالتلفزيون :)



توسدي إحترامي

[يـــوسف]

يااحوول وش يبي بهالبنقاالي افتت تسبدي هههههههههههههههههههه
وش يبي من خباثتوه ياريتاجنا :)
تذكرت ذبحتي انا واخووي انا البنقاالي واخووي الصعيدي ههههههههههه

الله يساامحه كسرن ذااك الليله والله قعدت ادعي علييه
يابنت الحلال لاصار مابتس لاضلع ولا فك مكسور زين احمدي ربك :)

خاافو ربكم بخوواتكم تكسرت عظاامهن من الدق.....

....يااحيي يووسف ليش مايشتغلوون السعوديين بالبوفيااات والبقاالات والمغااسل
إن شاء الله الحين بس سناعيسو يخلص من الثانوية نبي نفتح له بوفية على خط الشمال بمحطة :)
صرااحه المفرووض لو انا ولد كاان صرت محااميه
يابنت الحلال المحاماة كرهته عقب ماصار حتى المهايطيه يصيرون محامين وهم من جنبه عزتي بس لمن ولاه قضيه :)

صرااحها لمفروووض بس الدلع الله يسلمهم....


مشكوور على هالساالووفه هههههههههههههه

ويااملا العاافيه ......

توسد شيعااتي



حياتس الله يابنت ابوها على هالمرور الحايلي :)




توسدي إحترامي

[يـــوسف]

:3ajeeb:

:za3lan:

:3ayyen_khair:

بس اليوم ,, أفضل من كل يوم ..!!
يوسف سلامو عليكووو..




حياك الله ياشام :)



شي شي من قدك يالمراقبة الإدارية :)



الحمدلله اليوم وإن شاء الله كل يوم انا منتاز :)




كل الشكر لك أختي شام ..



توسدي إحترامي

[يـــوسف]

يوسف عيدك مبارك ـ ـ ـ ـ ذكرتن بسالفة وألي هي ..

مرة من المرات عندنا بالمزرعة هندي شايف بنفسه ولا هو يصلي أبد ...

ولا لي أخو تسبير معطيه الله عافيه ونشاط ـ ـ ـ ـ ـ ـ ـ > أسأل صوابري ..

وكل ماقاله أخوي يالله صلاة قال أنا خلاص فيه صلاة وهو ينافخ ويتذسب ...

هالمره جينا للمزرعة وهو توه يذن العصر ... طق أخوي عليه باب الغرفة وهو توه صاحي من النوم يقول أيش يبغى ؟؟ ...

وهو يبداء يهوش وينافخ ... قاله أخوي أمش صل ... قال أنا خلاص صلاة ويطلع من الغرفة والزقارة بفمه وهو يمزه وينفخ الدخان بوجه أخوي ...


وخوي يتحماله ويرقعه براشدي يوم أغمي عليه ويجون العمال يبي

يصحونه ... ولا ماعندك أحد ... ويصبون عليه ماء يوم غرق ويالله يصحي ... وهو على طول يوم صحى يزنه بتسوه ... صالح وين ؟؟ صالح وين ؟؟

قاله أخوي هذاي ... أنت يبغى نوم مرة ثاني ؟؟ قال ابوهنود لا أنا يبغى صلاة

أخاف موت ... وأخوي يلتفت علينا ... قال لا أنوزن أن شأالله تحروه يتهجد الليله ...

يوسف ما عليش على الإطالة ..








متسدين بوه :solh::solh:



والله من العافية بأخوك :)





ماشاء الله الله لايضره بعد تقولون يوسف ذبحوه :)










لاهنت على هالمرور وعلى هالسالفة الدسمه ..



توسد احترامي

[يـــوسف]

حيلك في الضعيف



طيب ليه ما مسكت الأفغاني هههههههه





الأفغاني سلمك الله متماسك هو وصعيدي وأنا صراحة لاشفت واحد وواحد راس براس مالي شغل ماأحب اتدخل بينهم <_ ماهو خايف ابد :)






لما وصلت عند السطر هذا ..





حسيت أني أتابع فلم هندي .. ما تسمع الأ صوت البكوس :)






كل هذا عشان الفلافل و الحمص





لا عادت والله




لاتلومينه متجمعين طلعت الصاموليتين بريال هههههههههههههههههههههههههه

تعيش وتاكل غيرها














حياك الله أخت هديبا على هاظ المرور ولاهنتيش ..




توسدي إحترامي

[يـــوسف]

الحمد لله على السلامة يالسمي
هي مبطية السالفة؟

تقول ما أدري ويش جاب أخواننا الصعايدة مع الإفغان والبنقال والهنود كل هؤلا جمعهم الفقر على حب الفلافل والطعمية.



شكراً لك على الدم العربي يابالفزعات.


حياك الله يابو عارف وحيالله هالطلة وكل عام وأنت بخير ياخالي ..


صراحة ردك يابو عارف اعجبني وقمت اقراه واقرا رد سناعيسو دريت ان الله خلق وفرق :)





لاتقاطعنا ولاتبطي علينا يابو عارف تر لنا حق بالفلة :)









توسد إحترامي

[يـــوسف]

يوووسف

المعركه واللي هاللي بجنبي

يالبييييييييييييه

ياشين اللي يبي يغثن بس :za3lan::za3lan:


هههههههه
هههههههه
هههههههه
تضحك مستانس اني منغث ياشنقلوه :)

يارجال انا بعد ترن زيك بهذا هههههههههههههههههههههههههههههه



للشفايين تبطوووون




ياربي يالونااااااااااااسه



أقول ترن اعلم عليك والله :)





لاتجي وتغث مرتن أوخرى ..

الا متى تدوام هههههههههههههههه

توسد إحترامي

[يـــوسف]

انت مالك خوي بنوب بنوب :)

أفا :)


قبل رمضان معلم عن الشقة اللي جنبك !! ياحول الصعايده ...
إيه بعذري بهم موذين هذولاك مايخلون الواحد يشيش وهو مرتاح :)


ولا بعد كان خويك اللي تبي تناسبوه بنقالي هههههههههههههههههههههههههههه


وهالحين كمخت البنقالي !!!!

يابنت الحلال وش جاب المروح هذا لنسيبي البنقالي :)

نسيبي قلت لتس ولد شيوخ ماهو حيالله :)






هههههههههههههههههههههههههههههههه


هذولا هم البنقاليه لا حس بالخطر استموت هههههههههههههههههههههههههههه


اما يزحف الأفغامي ههههههههههههههههههههههه



تسلم دياتك على السالفه



:)


حياك الله ياأم الهكي وكل عام وأنتي بخير :)



تعالي صحيح اللي يقوله ابو طروق :)



لاهونت ماني قايله ههههههههههههههههه <_ ماذل ابد





لاهنتي على هالمرور ..



توسدي إحترامي

[حمـود]

تبي الصدز انت ملقوف وش جابك تحرش مع المصاريه



يوسف انت مبدع انت وسوالفك


دمت بخير

[يـــوسف]

^
^
حمود شفت المروح شنقل رايحن وخليني بهذا لحالي ولاقالي ولاحتى دق علي يقولي تخاوي لو مجاملة :)





ياأبن الحلال رحت أدور العيشه ابي اكل ذاحبن الجوع :)




تصدق يابو ناصرصرت مدمن أكل بوفيات ومطاعم ..

حتى وأنا عند اهلي يذبحن الجوع ماأداني اكل البيت ياخوي ماش مااحس له طعم :)






لاهنت على هالمرور ..


توسد إحترامي

[روح حايل]

تعالي صحيح اللي يقوله ابو طروق :)



لاهونت ماني قايله ههههههههههههههههه <_ ماذل ابد




ودك اخبز وجهك :)


شسالفتك :)



لا تخلينن أطالب الاداره برفع مخالفه :)

[حمــ الموت ـراء]

ككككككككككككككككك





ياحيي يا جوزيف عليك جمل تقطع ضحك ..اما سالفه يشرب ولا يغمض ههههههااي





بس ماش ما طلعت ذويبان يعني لو انا منك مشمره على الافغاني <<الفقيه :solh:

[غالب]

انتم ياأهل النظيم ماتدانون اهل النسيم ومن زود العنصرية مسوين سوق حجاب زي سوقهم :)


يوسف :)
السرقان اللي عندنا يتدربون بالنسيم :a:ويطبقون بالنظيم:)
وأكعد ياعجي<<<حفظه من كثر ماتقال له:315r:<

[&^^مهــــا^^&]

اقول وراك يوم شفت هالهواش ماحطيت رجلك لايجيك شي

يوم يصير هواش بالمدرسه والله اخاف وماتشوف الا الغبار هههههههههههه

لابس ماشاءالله فزعت للصعايده

والحمدالله على سلامتك والا كان فيه ضيع مستقبل انتا << قلبت خخخخخخخ

وربي يعافيك على هيك سالفه

تقبل احترامي,,