عيديه غير متوقعه لمتابعي الدوري السعودي

[محارش]

الرياض: مركز الأمير فهد بن سلمان الإعلامي في نادي الهلال

أصدر الاتحاد الدولي لكرة القدم قراراً يقضي بإيقاف المحترف الليبي في صفوف نادي الهلال طارق التايب لمدة أربعة أشهر، وغرامة مالية 600 ألف دولار، وذلك في تبعات قضيته مع ناديه السابق "غازنتاب التركي" .

علماً بأن إدارة نادي الهلال ستتابع القضية عبر محاميي النادي لدى الاتحاد الدولي لكرة القدم، وذلك لإيجاد حلول لعقبات هذا القرار، حيث ستحرص الإدارة على حفظ حقوق النادي واللاعب .



بالفعل عيديه غير متوقعه او ساره لمتابعي الدوري السعودي عامه ولجمهور الزعيم خاصه.

[مصيول]

اووووووووووفــ :a:



يعني نقول وعلى الهلال السلام :):)

تهقوون الدوري اتحادي نصراوي شبابي :)


الهلال بدون التايب ولاشي :)



عموما ان شاءالله يررفعون الايقاف عنه ولانشوف مثل هالامور بدورينا :thumb:<<<<< يقال عنده روح رياضيه:)



محارش كل عام وانت بخير :7ayyoh:

[عبدالله المهيني]

خبر شين :)



لكن
زعيم آسيا .. لا يقوم على نجم واحد
وأنا متأكد أن الجماهير لن تلاحظ غياب النجم التايب
لأن لاعبي خط الإختياط لا يقلون نجومية عن الموجودين داخل الملعب



الدوري هلالي بإذن الله


:315r:

[محارش]

هلا اخوي مصيول

ماجور ان شاء الله .


انا اعتبره خساره كبيره للدوري فهو حالة خاصه يستمتع بها الجميع بعيدا عن الالوان.

لكن مسألة ربط البطولات الهلاليه بالتايب فهذي نكته نصراويه وابضحك هالمره علشانك خخخخخخ

الدوري لذوي النفس الطويل وهو لن يتعدى الفرق الاربعه الهلال الشباب الاتحاد الاتفاق على الترتيب .

ان كان النصر سيفوز ببطولة هذه السنه فأنا اتوقعها الخليجيه فقط وان فرط فيها فأعتقد بأن عليه الانتظارر للسنة القادمه:)

مع احلى معايداتي المحارشيه :)

[محارش]

اخوي عبدالله المهيني

بصراحه الخبر شين وبقوه . والقهر ماجا الا بهالعيد , يعني عيديه ماله داعي .

انا اشاطرك الرأي بأن الزعيم حصد البطولات بأجيال مختلفه ولم يقم على لاعب واحد حتى لو كان احسن لاعب بالعالم في عصره كــ ريفيلينو او اساطير الكرة السعوديه صالح النعيمه يوسف الثنيان سامي الجابر.

غيابهم كان مؤثرا ولكن الهلال حريص على البطولات ويعمل لاجلها كثيرا .

[مصيول]

8
8

والدليل اربعة الاتحاد يوم غاب التايب :)


لاتكابرون الشلهوب مامسك اساسي الموسمب الماضي الا ست مباريات بكل البطولات ولم يلعب مباراه كامله مع الهلال :(


الفريدي نفس الحكايه مايلعب الا اذا وقف التايب او مصاب !!


التايب هو قلب الهلال النابض والدليل ان تفكير الاداره الهلاليه صح لما جابو ويلي لعدم وجود بديل للتايب !!


على فكره ترا مو بس الهلال اللي يعاني من بالاعتماد على التايب اغلب انديتنا يكون فيه لاعب استثنائي بالموسم بس يغيب يدج الفريق كله :)


خذ بالاتحاد محمد نور بالنصر الحارثي وايلتون
الاتفاق صالح بشير والعمري والاهلي مالك والشباب كماتشو !


اللي متابع الموسم الماضي زين ماراح تفوت عليه هالمعلومه !


اما ترشيح الاتفاق واستبعاد النصر هذي ابي اعتبره دعابه عيديه:)

خل النصر بعيد عن الترشيح لكن بأذن الله الدوري هالسنه للأصفر :) والخليجيه ماهي الا استعداد للدوري

[عبدالله المهيني]

التايب هو قلب الهلال النابض






مصيول

صدقني بتشوف قلوب للهلال ماهو قلب واحد :)
يعني إذا توقف قلب يشتغل الاحتياطي على طول :)





بس تصدق إن مت ضحك
على إن النصر يعتمد على الحارثي
الحين عرفت ليه مايجيب البطولات عارف ليه :)
لأنه إعتمد بالمكان الغلط :)



الدوري هلالي بمشيئة واحد أحد :)

[مصيول]

صدقني بتشوف قلوب للهلال ماهو قلب واحد :)
يعني إذا توقف قلب يشتغل الاحتياطي على طول :)




اتمنى بس من اللي بيشتغل :) !

الشلهوب اللي كوزمين نفسه ماهو مقتنع به ومفروض على الجوهر اساسي:(

ولا الفريدي اللي مايشوف القاع من الكبر اللهم ياكافي:) خصوصا بعد هدف الامارات !!

ولاعمر الغامدي :)

بس تكفى لاتقول نواف التمياط ترا بزعل :):)



ابو مهيني تسان يبي يقوم احد بمركز التايب فهو ويلي والشهاده لله الاعب مبدع ومهاري وسريع اذكره من ايام روما ولاعب اذا لعب بمستواه بأوروبا فهو يبي يغطي على مرسول التايب غيره صم خشمك:)




بس تصدق إن مت ضحك
على إن النصر يعتمد على الحارثي
الحين عرفت ليه مايجيب البطولات عارف ليه :)
لأنه إعتمد بالمكان الغلط :)



ياخوي مشكلتكم تنتقصون من قدر الحارثي كثير واللي يشوف كلامكم عنه يقول انكم تشوفون مباريات غير اللي نشوفه :)

سعد مبدع ومهاري بس مشكلته انه نصراوي والاعلام الهلالي من يومه وهو يحطمه !!

حتى مع المنتخب ماسلم منكم حملوه تعادل ايران :( ولاخلو كلمه ماقالوه وكأن سعد هو المنتخب كله !!


شوف التعصب لدرجة انك ماتشوف انجازات لاعب فهذا شي غريب مايبشر بخير :)


سعد مبدع وفنان بس مشكلته انه نصراوي لوكان في الاهلي او الشباب او حتى الهلال والاتحاد لصنعو منه معجزه قبل اوانه :(


ويكفي انه من نوعية المهاجمين اللي يساهمون بصناعة الهجمه من خط النص وينهيها :)



ماحبيت ادخل بمقارانات ومتهاهات لكن صدقني شوف سعد بعين محايده او بالاحرى بأي لون ماعدا الازرق وبتعرف اني ماتكلم من تلقاء نفسي :)


وكل عام وانت بخير يالمهيني

[منيف الوبيري]

الهلاليون كلهم نجوم ..
ولكن التايب (( مافيه مثله ))

وان شاء الله السويدي ويلهماسن يسد بمكانه ..

أما الشلهوب من سنتين ماعندك أحد ..

وان شاء الله الدوري هلالي ,, يامحارش .. بس قل آمييين

[القعيطي]

خخخخخخخخخخخخخخخخخخخخخخخخخخ
الهلال بدون التائب مثل الانسان بدون ماء
خخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخ
تحياتي
القعيطي

[سالم]

خساره لـ الهلال . . و لـ الدوري بشكل عام . . !!
مشكور يا محارش // . . مااتوقع ان الهلال بيستفيد شي من توكيل محامي لـ هالقضيه
لإن الإتحاد الدولي مااصدر هالحكم و الغرامه الا انه مميزه و قاضي منه . . !!

واتوقع ومن وجهة نظري ان " المحترف الأجنبي " هو العمود الفقري لـ الدوري . .
فـ بدونه // الدوري عادي جداً . . !!


لي باك بإذن الله . . !!

[مصيول]

وخبر عاجل :)


رفع الايقاف عن التايب والاكتفاء بالغرامه الماليه:)


والله ان هالاتحاد الدولي ماهو بعيد عن قرارات ربعنا :)


انا اقول ان بلاتر راضعن مع سلطان:)


بالتوفيق للتايب والهلال :( <<<< ماهي من قلب :)

[حمـود]

اخي محارش

لا ادري من اين هذا الخبر (وين سمعتبوه)


الايقاف لم يعملوا به

لكن الغرامه سمعت بها


شكرا لك

ودمت بخير

[ابو عابد]

انشاءالله كرستيانو السويدي
يحل مكانه