عصيدة التمر ( محلى ) لذيييييذة لا تفوتكم يا جماعه [الأرشيف]

مشاهدة النسخة كاملة : عصيدة التمر ( محلى ) لذيييييذة لا تفوتكم يا جماعه

العجوز السنعه

26-06-2002, 01:09

الأغراض اللازمة :
طحين أسمر _ تمر طبعاً نشيل منه ( الفصم .. قصدي النوى ) التمر والطحين نفس المقدار بالوزن ..
ماء حار _ أصبع زبده ذايبه _ قليل من الزنجبيل الناعم والملح والفلفل الأسود المطحون و المنخول والهيل المطحون و المنخول
فرن للطبخ ... خخخخخخخخخ

الإعداد :

بدون زيت أو زبده .. احمسي الطحين بصينية تيفال حتى تشمين ريحته الزينه .. واللي فيه زكام مايشم .. يحمسه إلين يشقر شوي ثم اتركيه يبرد ..
وبعدين انقعي التمر بالماء الحار لمدة نصف ساعه ..ثم اخلطيه بالخلاط الكأس .. ( من أول كنا نمرسه مرس .. بس هالحين .. ماشاء الله كل شي تسهّل .. ) >>> لا تطلعين عن الموضوع ..:p
نرجع لمريستنا .. قصدي لعصيدتنا ...:D
بعد ما تطحنين التمر اشخليه علشان كانك ناسيتن شي من الفصم يطلع في المشخالة ماهو تكسرين سنون ضيوفك |512|
بعدها تجيبين قدر كبير أو زبدية ثم تحطين فيها عصير التمر اللي أنتي سويتيه ثم تحطين عليه الطحين شوي شوي وتحركينه .. إلين ينتهي المقدار ويصيرسمكه أخف شوي من سمك خليط الكيك ..
ثم تضيفين له نصف الزبده والملح والفلفل الأسود والهيل والزنجبيل ولا تنسين تذوقين الطعم علشان تعرفين ضبط الطعم والا لأ .. ماهو تاكلينه .. انتبهي .. بس ذوقي بطرف لسانك ..
ثم أحضري القدر اللي تبين تطبخين فيه العصيده وادهنيه بباقي الزبده .. ولا تنسين تدهنين حتى الجوانب .. وصبي العصيدة فيه ومن المهم جداً جداً إنك ما تحركين الخليط بالملعقة بعد صبه بالقدر علشان ما يلصق بالقدر ويحترق ..
بعدها حطيه بالفرن بعد ما تولعينه .. ماهو تنسين .. :o
وبعد ما تشوفينه طبخ خلي لنار هادئه .. واتركيه لمدة أربع ساعات من غير ما تحركينه بملعقه .. لكن نسمح لك تفتحين غطا القدر بس للاطمئنان ..
وبعدها ..
وعند التقديم ..
وحسب الرغبة ..
رشيه .. بقليل من الزبدة والفلفل الأسود ..

وادعي لي بطولة العمر والصحة والعافية ..

-----------------------

أمكم العجوز السنعه ..

متجند سيفه

26-06-2002, 01:24

ياهلا بهاالطله

الله لايخلينا منك

عزالله انتس ماقصرتي بها الوصفه هذي الاكل مهوالاصابع

هالحين ابروح ابيت عجوزي علشان تسويلي عصيده:D

العجوز السنعه

26-06-2002, 01:32

ياعلّه هنا وعافيه على قلبك ..

وش رايك تسيّر علي انت وعجوزك .. وأنا .. أسويها لكم ..
بس لا تنسون تسوون تأمين على أصابعكم قبل ما تجون .. ;)
أنتظركم ؟؟؟

المشرف العام

26-06-2002, 01:58

تسلمي على هالعصيده السنعه من يد العجوز السنعه:)

ما شاء الله عليك.. شرح تمام التمام..

حتى مدبلج يعني ( بإستخدام الوسائل الحديثه)

بس .. بالله عليكِ ..

كم السعرات الحراريه الموجوده فيه..

ابي ادّي الجهاز للوالده عشان تقيّم الطريقه :)

لا تحرمينا من الآكلات الحلوه

تحياتي

البــنــدري

26-06-2002, 02:39

هلاوغلا بعجوزنا السنعه ...تسلم ايدينك ...وربي يخليج لنا ولعين ترجيج

وصف ولازيه وصف دقيق مرررره

ولج احلى سلاااام

شجـون الشمري

26-06-2002, 05:18

يالعجوز انا سويتها بس مدري ليه ماضبت معي وصار فيها كتل يوم اني ضفت الطحين على عصير التمر...... :):)
والله شكلها طلع مو شي وافتشلت اقدمها ............ز بس امي تقول عادي تغلطين وبعدين تضبط

على العموم مشكوووره على الاسلوووب الروووووووووعه

:) شجوووووونه :)

وميض

27-06-2002, 02:28

تسلم يدينك يا أمنا المبروكة ..
سويتها ..
وطلعت ..
.
.
.
.
.

ألذ حلوى ذقتها ..
تدرين ليش ؟؟
لأنها من وصف أم سنعة .. مثلك .
يالله ننتظر منك المزيد من الحلويات والطبخات الأصيلة ..

بنتك وميض .

الكتراز

27-06-2002, 04:47

هلا والله ببنتنا السنعه ( القرمه )
قلت هالوصفه لجدتي ابي انذخ عندها <<<< لي له غرض :D
قالت ياقدمك انت وعصيدتك :( بس جدي رد عليها رد قوي قال هذي عصيدة مسامير الركب يالثرما من فات قديمه تاه |513|

الا ابي اسالك يابنتنا السنعه هالعصيده تحتاج لسريال نمر والا كراك:confused:

وتري من ورايح نبي اكلات شعبيه قديمه مشتاق لها والله <<< توك جاي من الشرقيه من القريه الشعبيه :D

تحياتي والله يعطيك الف عافيه \nفلذت سبدك الكتراز
:cool:

المهاجر

27-06-2002, 05:48

كلش تمام

بس يا خاله

عصير التمر ------> هو الدّبس

او غيره -----

بس للاسف عيّت الوالده تسويها

تقول عشنا وشفنا ( يحطون فلفل اسود وزنجبيل على التمر) :(

يالله لا تخلينا من غيرها

الله يحسن خاتمتك----آمين

العجوز السنعه

29-06-2002, 22:25

هلا وغلا بالغالي .. أبو سلطان ..وليدي :)
عساه عافيه .. لكن إن شاء الله أذوقك إياه وأنا أمك ..
من ناحية استخدام الآلات الحديثة .. طبعاً .. ما سمعت عن عجوز 2002 تراها أنا ولا فخر :o
ومن جهة السعرات الحرارية .. ولا يهمك .. كل .. لكن لا تكثر ( طرت علي الاغنية اللي تقول ( لا تزيد ولا تكثر ) ;)

تسلم على هالرد المملوح :)

السنعه ..

العجوز السنعه

29-06-2002, 22:28

الغالية .. بنيتي الذربة البندري ..
ياحبي لج ولكلامج ..
عساه هنا وعافيه على قلبج
تسلمين يا ذوق

العجوز السنعه

29-06-2002, 23:47

الغالية شجون الشمري ..
خبري بالشمريات قرمات وذربات .. بس ما عليه يابنيتي .. لا تيأسين ..
حاولي مرتن أخرى وشكراً .. :D
؛
؛
؛
؛
أقول يا شجوووونه ..
تدرين وش السر اللي خلا عصيدتك يصير فيها كتل ؟؟؟
أكيد إنك حطيتي الطحين مرتن وحده ..;)
لا يالغالية .. حطي الطحين شوي شوي ثمن حركي الخليط بالخفاقة اليدوية ( السلك ) أو بملعقة خشب .. وخليك صبورة .. شوي شوي ..
ولا تنسين لازم تتركين الطحين يبرد بعد الحم .. وكذلك خليط التمر .. لازم يكون بارد .. يعني بدرجة حرارة الغرفة ..

-------
طيعي أمك ولا تيأسين .. الله يخليها لك .. ويخلي لي ميمتي ..:)
شكرا لك يا الغالية .

العجوز السنعه

29-06-2002, 23:50

الغالية وميض ..
الله يسلمك ..
بعدي والله بنتي ..
الله يهنيك ويخليك لعينن ترجيك ..
أبشري وانا أمك .. باللي يرضيك >>>> أصلح شاعرة .. :D
أمك ..

العجوز السنعه

29-06-2002, 23:58

هلا بفلذة تسبدي .. الكتراز ..
لا يالغالي .. هالعصيدة بالذات ما تحتاج للي قلته ..:D >> يقالها فاهمه وش يقصد ..( إيه بالمشمش ) :D

-------
ياحبي لجدك تهقاه فهم إن جدتك غارت مني |511|
وتهقاه .. هالشايب اللي جالسن يصخن رجيولاته بمشراق المضايف ؟؟
وينه نسمر رجليه بهالعصيدة :o
تهقاه يشتهيها هالحين ..|511|
وتهقاه >>>>> وش قصدك ؟؟:confused:

-------------

العجوز السنعه

30-06-2002, 00:03

المهاجر .. لا يا خلف جدك ..
عصير التمر ماهو الدبس
عصير التمر أقصد فيه التمر المهروس مع شوية مااااء
يعني ( 3 أكواب تمر + 6 أكواب مااااااء ) ينقع مع بعض ويهرس باليد ويشخل )

وقل لأمك تجربها .. وهي إن شاء الله تبي تدعي لي ..
والله لو أعرف بيتكم كان أطعمت أمك منها ..

بالعافية .. وأبش باللي يرضيك .. بس انت أطلب .