يـــوسف
22-09-2008, 02:10
السلام عليكم ورحمة الله وبركاته ...
الله لايصبحكم إلا بكل خير زايد الله لايمسيكم إلا بكل خير :7ayyoh:
يالربع ويالربعات بغت تصير علي كارثه يوم السبت
تصدقون بالله نمت وأنا معي عميل على الخط ماوعيت الا بصوته وهو يصوت لي هههههههههههههههههههههههههههههههههههههههه ههههههههههههههههه
** اللي ردو على الموضوع البارح ادري تجاملون :)
ولا الموضوع ماقس بس مالوم روحي يوم أكتبه سهران وحالتي لله :3ajeeb:
المهم ..
هذا يالربع يوم الخميس اللي فات رحت للشرقية وياعله ماعادت من روحه وشكلي ماعاد اطلع من الرياض الا بالاجازات بس مابي يصير لي زي ماصارلي يوم السبت ..
رحت مع ولد عمي على سيارته من القراده وهو دوامه يوم السبت الساعة 11 ودوامه ساعة بس :)
وأنا دوامي من الساعة 9 الصباح للساعة 3 العصر وكله قرقرقرقرقرقرقرقرقرقرقر بهالتلفون يعني ينشف ريقي وأفطر بس من التشتيم :)
وقدر الله علي رحت مواصل للدوام لأن النزغة مامشانا من الشرقية الا الساعة 1 ونص بالليل :wallah_hoo:
ولاوصلنا الا الساعة 3 وعليها تخبرون مشي شايب هالنزغة ..
يوم وصلت لاثياب نغسلة ولا شماغ ولا عقال مكوي ولا زبيريات الله يكرمكم مصفطه وتوهقت
وأقوم اغسل ملابسي مسوي زي نانسي عجرم يوم تغني بص وبص بص :)
ولاخلصت الا الساعة 5 ونص <_ تخبرون غسيل عزوبية :)
المهم اني واصلت ويوم جت الساعة 7 ونص وهو يجيني النوم اشوفه وانا اتابع التلفزيون يطالع لي ويبتسم من باب المجلس يعني ترن جيتك ..
وهي تطير عيوني واقوله يرحم امك مو وقتك وينك عني من اول :a:
وهو يضحك زي ضحكة الايدعشري ...
وذبحه انا وياه واروح انقز وأخذ لي دش بالصاله جبت لي سطل واتروش بوه واغني ابي اقهر النوم ......
ورحت للدوام وبدت المعاناة مع اول عميل <_يدعي عليه للحين :)
أول عميل <_ من جيزان متوهق ببطاقة فيزا يحسبه لعب وانصفق 14000 :)
وطلع كل مابقلبه علي أنا طال عمرك وطال عمرك واعطيه من الكلام المعسول وبقلبي اشتم :)
آخر يوم خربه معي وأقوله يابشر انت تبي تفهم ولا شلون اقولك ياأدمي انت حدك بطاقة صراف وتخب عليك وش تبي بالفيزا لاصرت منتف هههههههههههههههههههههههه
وهو يقفل بوجهي ويروح يشتكي علي ويسحبوني قسم الشكاوي وأشوا اللي بالشكاوي شمري وفزع لي ولا بغيت افصل :)
يوم جت الساعة حول حول كوارع هالـــ 12 الظهر وهي تحوم علي تسبدي وتضيق بي الوسيعه خلاص جا النوم مافيه مجال :)
وأقوم وامشي وانقز واغسل راسي وكل شي سويته ولانفع :)
المهم دق علي لي نزغه حجازي وشايب ويبي يراجع معي كشف حساب الفيزا <_ قمت البهذله
يوم قالي ابيك تقولي وش فيه بكشف حسابي قلت بقلبي ول الله ياخذ هالوجه سبع ابوك منين طلعت لي أنت
تقل حس اني تضايقت قالي انت هنا بخدمتنا وهو يقعد يذلن هههههههههههههههههههه
قلت ياعزيزي خلك من هالكلام وخلنا نشوف كشف حسابك انقهرت حسيت بالذل :)
قعد معي ربع ساعة وأشوف الشاشة حقت عدد العملاء اللي على الخطوط وكم نسبة الضغط وهي تطير عيوني دريت اني وخذت والسوبر فايزر وراي يقول خلص خلص بسرعة ..
المهم رفع ضغطي ابو لحج وانا ألتفت له قلت هيه انت لاتقعد تقلقن ترن منغث بلياك وانت شوفتك ونبرة صوتك تجيب لي القولون انزلع لارحمت
وجنبي لي واحد خوين لي من أهل المدينة حبوب الولد :)
بس مشكلته دايم يحرجونه العملاء اسمه مهند واذا قال اسمه قالو له وين نور هههههههههههههه
وهو اسيمر وكل مادق عليه شمري حط الميوت وقالي شمري شمري وانا بالعاده اضحك معه :)
بس هالمره معي غثيث على الخط ولانمت وهو مروق وقالي معاي شمري قلت الله يلعنك ويلعن ابوووه معك ههههههههههههههههههههههههههههههههههههههه
المهم مذابح انا والعميل آخر شي يوم جا يبي يقفل قلت له شاكر لأتصالك باللي ايه ايه :)<_ اسرار دولة ههههههههههه
وهو ينطق مدري وش يبي وانا اقفل بوجهه ابي فرقاه :)
المهم يوم بقىا لنهاية الدوام نص ساعة وهي يدق علي واحد عليه صوت مدري وش يبي وبي الضحكه :)
وهو ينشب لي عليه اسئلة ابيخ منها ماشفت وعليه غباء غير طبيعي اشرح له ويرجع يسئل :)
قعد معي خمس دقايق وانا فيني النوم خلاص طفيت ماعاد هي لحية عملاء :)
وانا متمدد على الكرسي وهو معي على الخط مدري وش جاب الفراش بين عيوني والغرفة ظلمه والمكيف بارد وأنا اغفي :wallah_hoo:
ماوعيت والهل العظيم الا بصوته يصوت لي يايوسف ألوووووو ألووووووووووو وش فيك سلامات اثريني قمت اشخر هههههههههههههههههههههههههههههه
تخبرون الصوت اللي يطلع لاصرت تعبان وتقلبت مايطلع منك صوت كنه تنهد :)
وأنا أقمز وهو يطيح التلفون والشاشة طفت لعبت بالدنيا قلت آسف آسف ياطويل العمر السستم علق معي هههههههههههههههههههههههههههههههههههههههه هه
المهم اني رقعته معه وصرفته وأقفل الخطوط عندي ابي اطلع جا الشفت الثاني
الا هذا المدير فوق راسي يقول يوسف انت تكلم 3 ساعات اوفر تايم وهي تظلم بي الدنيا وصرت اشوف سواد ودخت وانا اجلس على الكرسي وأقول بقلبي الله وأكبر يقولون اصبر على رزقك والواحد بله مجلس متربع ولايحس بالمعاناة اللي نحس به :148r:
المهم يوم وصلت الساعة 5 وربع خلااااااااااااااااااااااااااااااااص ماهي باللي تبون يالربع طفيت نمت خلاص
ومعي عميل يبي يشوف كم عليه مبالغ وانا اقرب للشاشة انعميت ماعاد اشوف وانا اقوله المبالغ وتخبرون نبرة الصوت تقل سكران :)
وانا اغمض من التعب وهو يصفق راسي الشاشة واجي ابقمز والكرسي تخبرون يمشي ملعون الابو وانا اطيح على الأرض :za3lan:
وهو يجيني السوبر فايزر وش فيك وش فيك قلت الله لايوفق من كان السبب هههههههههههههههههههههههههههههههههه
ياناس طلعوني ولاابفصل :)
أشوا قفل جهازي وجلسن عنده يما صحيت شوي وأركب الددسن وأنحاش ماسكن طريق خريص ابي الشقه :)
والله يالربع تقل ماني صويحي كل شوي ابي اصدم لي ناس على هالخط ورقيت كم رصيف وخلوها على ربكم :)
ماوصلت الشقة إلا الساعة 6 ونص من الدوخه ضيعت ههههههههههههههههههههه
يالربع لحد يشره على الموظف لاتضايق من اسئلتكم فكرو بالناس الثانية يعني خلوكم شوي حنون بس برمضان ولاعقبه بكيفكم هههههههههههههههههههههههه
العذر والسموحة على الاطاله ..
وأتمنى تكون وصلت الرسالة :)
توسدو إحترامي
الله لايصبحكم إلا بكل خير زايد الله لايمسيكم إلا بكل خير :7ayyoh:
يالربع ويالربعات بغت تصير علي كارثه يوم السبت
تصدقون بالله نمت وأنا معي عميل على الخط ماوعيت الا بصوته وهو يصوت لي هههههههههههههههههههههههههههههههههههههههه ههههههههههههههههه
** اللي ردو على الموضوع البارح ادري تجاملون :)
ولا الموضوع ماقس بس مالوم روحي يوم أكتبه سهران وحالتي لله :3ajeeb:
المهم ..
هذا يالربع يوم الخميس اللي فات رحت للشرقية وياعله ماعادت من روحه وشكلي ماعاد اطلع من الرياض الا بالاجازات بس مابي يصير لي زي ماصارلي يوم السبت ..
رحت مع ولد عمي على سيارته من القراده وهو دوامه يوم السبت الساعة 11 ودوامه ساعة بس :)
وأنا دوامي من الساعة 9 الصباح للساعة 3 العصر وكله قرقرقرقرقرقرقرقرقرقرقر بهالتلفون يعني ينشف ريقي وأفطر بس من التشتيم :)
وقدر الله علي رحت مواصل للدوام لأن النزغة مامشانا من الشرقية الا الساعة 1 ونص بالليل :wallah_hoo:
ولاوصلنا الا الساعة 3 وعليها تخبرون مشي شايب هالنزغة ..
يوم وصلت لاثياب نغسلة ولا شماغ ولا عقال مكوي ولا زبيريات الله يكرمكم مصفطه وتوهقت
وأقوم اغسل ملابسي مسوي زي نانسي عجرم يوم تغني بص وبص بص :)
ولاخلصت الا الساعة 5 ونص <_ تخبرون غسيل عزوبية :)
المهم اني واصلت ويوم جت الساعة 7 ونص وهو يجيني النوم اشوفه وانا اتابع التلفزيون يطالع لي ويبتسم من باب المجلس يعني ترن جيتك ..
وهي تطير عيوني واقوله يرحم امك مو وقتك وينك عني من اول :a:
وهو يضحك زي ضحكة الايدعشري ...
وذبحه انا وياه واروح انقز وأخذ لي دش بالصاله جبت لي سطل واتروش بوه واغني ابي اقهر النوم ......
ورحت للدوام وبدت المعاناة مع اول عميل <_يدعي عليه للحين :)
أول عميل <_ من جيزان متوهق ببطاقة فيزا يحسبه لعب وانصفق 14000 :)
وطلع كل مابقلبه علي أنا طال عمرك وطال عمرك واعطيه من الكلام المعسول وبقلبي اشتم :)
آخر يوم خربه معي وأقوله يابشر انت تبي تفهم ولا شلون اقولك ياأدمي انت حدك بطاقة صراف وتخب عليك وش تبي بالفيزا لاصرت منتف هههههههههههههههههههههههه
وهو يقفل بوجهي ويروح يشتكي علي ويسحبوني قسم الشكاوي وأشوا اللي بالشكاوي شمري وفزع لي ولا بغيت افصل :)
يوم جت الساعة حول حول كوارع هالـــ 12 الظهر وهي تحوم علي تسبدي وتضيق بي الوسيعه خلاص جا النوم مافيه مجال :)
وأقوم وامشي وانقز واغسل راسي وكل شي سويته ولانفع :)
المهم دق علي لي نزغه حجازي وشايب ويبي يراجع معي كشف حساب الفيزا <_ قمت البهذله
يوم قالي ابيك تقولي وش فيه بكشف حسابي قلت بقلبي ول الله ياخذ هالوجه سبع ابوك منين طلعت لي أنت
تقل حس اني تضايقت قالي انت هنا بخدمتنا وهو يقعد يذلن هههههههههههههههههههه
قلت ياعزيزي خلك من هالكلام وخلنا نشوف كشف حسابك انقهرت حسيت بالذل :)
قعد معي ربع ساعة وأشوف الشاشة حقت عدد العملاء اللي على الخطوط وكم نسبة الضغط وهي تطير عيوني دريت اني وخذت والسوبر فايزر وراي يقول خلص خلص بسرعة ..
المهم رفع ضغطي ابو لحج وانا ألتفت له قلت هيه انت لاتقعد تقلقن ترن منغث بلياك وانت شوفتك ونبرة صوتك تجيب لي القولون انزلع لارحمت
وجنبي لي واحد خوين لي من أهل المدينة حبوب الولد :)
بس مشكلته دايم يحرجونه العملاء اسمه مهند واذا قال اسمه قالو له وين نور هههههههههههههه
وهو اسيمر وكل مادق عليه شمري حط الميوت وقالي شمري شمري وانا بالعاده اضحك معه :)
بس هالمره معي غثيث على الخط ولانمت وهو مروق وقالي معاي شمري قلت الله يلعنك ويلعن ابوووه معك ههههههههههههههههههههههههههههههههههههههه
المهم مذابح انا والعميل آخر شي يوم جا يبي يقفل قلت له شاكر لأتصالك باللي ايه ايه :)<_ اسرار دولة ههههههههههه
وهو ينطق مدري وش يبي وانا اقفل بوجهه ابي فرقاه :)
المهم يوم بقىا لنهاية الدوام نص ساعة وهي يدق علي واحد عليه صوت مدري وش يبي وبي الضحكه :)
وهو ينشب لي عليه اسئلة ابيخ منها ماشفت وعليه غباء غير طبيعي اشرح له ويرجع يسئل :)
قعد معي خمس دقايق وانا فيني النوم خلاص طفيت ماعاد هي لحية عملاء :)
وانا متمدد على الكرسي وهو معي على الخط مدري وش جاب الفراش بين عيوني والغرفة ظلمه والمكيف بارد وأنا اغفي :wallah_hoo:
ماوعيت والهل العظيم الا بصوته يصوت لي يايوسف ألوووووو ألووووووووووو وش فيك سلامات اثريني قمت اشخر هههههههههههههههههههههههههههههه
تخبرون الصوت اللي يطلع لاصرت تعبان وتقلبت مايطلع منك صوت كنه تنهد :)
وأنا أقمز وهو يطيح التلفون والشاشة طفت لعبت بالدنيا قلت آسف آسف ياطويل العمر السستم علق معي هههههههههههههههههههههههههههههههههههههههه هه
المهم اني رقعته معه وصرفته وأقفل الخطوط عندي ابي اطلع جا الشفت الثاني
الا هذا المدير فوق راسي يقول يوسف انت تكلم 3 ساعات اوفر تايم وهي تظلم بي الدنيا وصرت اشوف سواد ودخت وانا اجلس على الكرسي وأقول بقلبي الله وأكبر يقولون اصبر على رزقك والواحد بله مجلس متربع ولايحس بالمعاناة اللي نحس به :148r:
المهم يوم وصلت الساعة 5 وربع خلااااااااااااااااااااااااااااااااص ماهي باللي تبون يالربع طفيت نمت خلاص
ومعي عميل يبي يشوف كم عليه مبالغ وانا اقرب للشاشة انعميت ماعاد اشوف وانا اقوله المبالغ وتخبرون نبرة الصوت تقل سكران :)
وانا اغمض من التعب وهو يصفق راسي الشاشة واجي ابقمز والكرسي تخبرون يمشي ملعون الابو وانا اطيح على الأرض :za3lan:
وهو يجيني السوبر فايزر وش فيك وش فيك قلت الله لايوفق من كان السبب هههههههههههههههههههههههههههههههههه
ياناس طلعوني ولاابفصل :)
أشوا قفل جهازي وجلسن عنده يما صحيت شوي وأركب الددسن وأنحاش ماسكن طريق خريص ابي الشقه :)
والله يالربع تقل ماني صويحي كل شوي ابي اصدم لي ناس على هالخط ورقيت كم رصيف وخلوها على ربكم :)
ماوصلت الشقة إلا الساعة 6 ونص من الدوخه ضيعت ههههههههههههههههههههه
يالربع لحد يشره على الموظف لاتضايق من اسئلتكم فكرو بالناس الثانية يعني خلوكم شوي حنون بس برمضان ولاعقبه بكيفكم هههههههههههههههههههههههه
العذر والسموحة على الاطاله ..
وأتمنى تكون وصلت الرسالة :)
توسدو إحترامي