<< تــدعي من قلب ^_^ [الأرشيف]

بالمختصر..

10-09-2008, 06:37

.
.

:7ayyoh:

مرحبــا .. شلونكم .. شخباركم ..؟؟

مافقدتوني :biggrin:

هذا موقف صار لي .. مو رمضان هذا , و لا اللي طاف , اللي قبلوه ..

كنا بمكه رايحين عمره .. و عقب كم يوم لحقونا ولد عمي و ولد خالي و عمتي و خالتي

و اعتمرنا بعد معهم ..

كنا نطوف و أمي ابلشتن كل شوي تقولي ارفعي عباتس شوين لاياطونه و تطيحين :148r:

و كان معي كتيب بوه أدعيه .. أنا كل ماكلمتن أمي ماأرد عليه .. بس أرفع صوتي بالدعاء عشان تسكت

شوي ألا تقولي : عباااااتس :puzzled:

و أنا أقول له : " ربي لاتذرني فرداً و أنت خير الوارثين " << ماتقصد شي ههههههههه :biggrin:

المهم .. خلصنا طواف .. و يوم جينا نصلي خلف مقام إبراهيم , عليه السلام

و تحديداً بالتشهد الأخير .. مافطنت ألا يتدافعون اللي كانوا يطوفون قدامنا ..

و هو يجي هكا الشايب طاير و طــب .. طــاااااااح .. لا و وين طاح ..؟!

طاح بحضني :a:

أبي أصيــح ..

أبي أبتســي من الفشله ..

ياااااااااااااافشـلي ..

و اللي زود الطين بلّه عقب ماركبنا السياره أمي قعدت تقول لأبوي اللي صار ..

تقول هذا دعاءتس استجاب .. يومنتس قطعتي روحتس تدعين " ربي لاتذرني فرداً " :biggrin:

.
.

أبوطروق

10-09-2008, 06:58

(أول رد غصبن على اللي مايرضى):315r:

هههههههها اجل ربي استجاب دعائتس بسرعة

بالمختصر.. ارضي بقسمة الله وتري الشيبان زينين:)

مشكورة يا ابلتنا و :goooood:

:

مصيول

10-09-2008, 07:21

يامكه هذي له الف ليله وليله :)

بحدا العمرات اللي برمضان كان زحمه وانا معي جدي الا يبي يحب الحجر الاسود :) !

وانا اقوله يابن الحلال ماحنا حوله يامسلم وهو مطنشن اشكليشن :)

الوكاد يالله عقب مدري كم ساعه وصلنا الحجر وهو يدخل جدي راسه :) قلت هها دوري بالله ابي اشوف وش به :):)

شوي يمار فوقي هكالعبد يتمسحون به يحسبونه جزء من الكعبه :(

قالي ابعد وخر قلت ماني موخر اقضب سرا :) اثاري اللي وراه امير :(

وهو ياخذن ويشوحن طوول يده :) شوي الا وهذا جدي يلفح بالسماء ومحظر بحضني :):)

قلت خلن عليه قال لا لا حنا بالحرم مايصير :(

قلت ايه بس انا ماحبيت الحجر الاسود :( ـــــــــــــــــــــ قال جدي لا ماعليك انا حبيته وقلت اللهم ان هذي لمصيول :):)

وحنا نجيك ناكسين ندربي روسنا :)

اجل لاتذرني فرداً :)

ماشاءالله اجل دعاءك يستجاب على طول :)

انصح الاخوان يعلقونه بمدخل مضيف الفله بعباته علشان نتبارك به :):)

يالشمريه وتفتخرين ادعي الله يزين جيبي بأسرع وقت ممكن :(

فتى البيداء

10-09-2008, 13:06

بالمختصر الله يوفق سعيد بسعيدته ...

ذكرتين بمسجد صليت به بهالفايت ولا جماعته كله شيبان غلط الإمام ولد حدا المأمومين يوم

غلط الولد بالقرأة ومير يرد عليه شايب ثاني ... قال ابوه أنطم هو يعرفه بس مافطن ...

يوم سألت واحد عنهم ... قال هذي حالتهم من قديم ... شيباننا عاميين ولا بهم حيله ...

بالمختصر تكفين أدعي للي أبالي يتم الله يخليتس ...

تقبلي مروري ...

الشبث

10-09-2008, 13:26

اول شين

مافقدناتس تدرين ليه ؟؟

لانتس مع اللي تصفدن خخخخخخخخخخ

ثاني شين

وه ياعلوه مبروك

منتس المال والدعاء ومن قلة الحظ ولعنت الجدف

خخخخخخخخخخ

بالمختصر

كويس يا صديق

مهويه

انا ابي افهم شلون ابو سلطان طاوعوه قلبوه وحطتس على التعليمي وانتي ترقلين

خخخخخخخخخ

مفروض جايبتس بالفله

وتقلدي تحيتي

أبوطروق

10-09-2008, 13:56

وهو ياخذن ويشوحن طوول يده :) شوي الا وهذا جدي يلفح بالسماء ومحظر بحضني :):)

قلت خلن عليه قال لا لا حنا بالحرم مايصير :(

ههههههههههه ههههههههههههههه هههههههههههههههه ووووووووه واتسبدي الله يرج شيطان سعادتك يافندم

ياخي سالفتك هذي موضوع لحاله خخخخخخخ

والله اني قعدت اضحك لحالي تقل سفيه

الأستاذ مصيول

الفلة ممثلة بسعادة الشبث باشا تطالبك بكتابة موضوع جديد بالقريب العاجل في مضيف فلة الحجاج

:

حمـود

10-09-2008, 14:42

ههههههههههههههههه

اجل الله استجاب دعائتس

مبدعه والله

دمت بخير

ابو خلوف

10-09-2008, 16:55

لا اله الا الله

بالمختصر ادعي لي باي شي بس

ولاتنسين ابوطرووق

وحق البيدا ادعي ان الله يهديه وما يضربن

صعوة فسفورية

10-09-2008, 19:00

و هو يجي هكا الشايب طاير و طــب .. طــاااااااح .. لا و وين طاح ..؟!

طاح بحضني :a:

هههههههههههههههههههههههههه

عاد احنا محصلين.. شايب ولاغيره

أدعيلنا.. نتأهل.. حتى لو بشايب

ترى الشيبان فله.. ويدلعون.. الوحدة

غالب

10-09-2008, 20:22

والله صحيح فشله:qannaj:<<خير الكلام ماقل ودل يامصيول:3ayyen_khair:

منصور الغايب

10-09-2008, 21:57

بالله تدعين لي بالولد الصالح ... :)

أهداااب

10-09-2008, 22:45

.
.

و اللي زود الطين بلّه عقب ماركبنا السياره أمي قعدت تقول لأبوي اللي صار ..

تقول هذا دعاءتس استجاب .. يومنتس قطعتي روحتس تدعين " ربي لاتذرني فرداً " :biggrin:

.
.

اللهم آمين

وانا بعد .. " ربي لاتذرني فرداً " :d:

بعدين تعالي انت وخشتك وش فيهم الشياب .. ؟!

ما سمعتي بالمثل اللي يقول : الشايب يدلل و الشباب يعلل :d:

والله حنا من زود الطواعه كل رمضان نأخذ عمره لا وبالعشر الأواخر بعد

ولو أبي أكتب كل موقف صار لي بكل عمره كان ألفت مجلدات :)

ولكن أذكر اخر عمره العام رحت انا وامي و أختي مع اخوي الله يخليه لنا

واذكر وانا أطوف حول الكعبة وكان الناس ززززحمه يتدافعوا على بعض

وفي مصري كان قريب مني وكل شوي الناس تدفعه على و يقول استغفر

الله العظيم يارب

استغفر الله العظيم يارب :)

اختي تقول حسبي الله عليك أبطلتي عمرة الرجال :)

شفتي قليل الحي حتى بالحرم ما سلمنا منهم :)

حلووه هالسالفة بالمختصر

ورددي معي .. " ربي لاتذرني فرداً "

:)

ريال الفسحه

10-09-2008, 22:49

عمره ؟ <--تذكر ماضيه :)

خخخخخخ

انتي شكلتس من الايرانيات الي كل وحده تومي
بكتابه وتقرا :)

بالمختصر..

11-09-2008, 01:46

(أول رد غصبن على اللي مايرضى):315r:

رضينا رضينا وش نسوي .. :hala1:

هههههههها اجل ربي استجاب دعائتس بسرعة

بالمختصر.. ارضي بقسمة الله وتري الشيبان زينين:)

اللي يسمعكم يقول انوه خاطبن :za3lan: ليه تفهموني غلط ..؟!

مشكورة يا ابلتنا و :goooood:

العفوو ..

:

أبو طروق ..

اهم شي استانست :) << تقلد سيف اللي بمسلسل شر النفوس :)

.
.

بالمختصر..

11-09-2008, 01:55

يامكه هذي له الف ليله وليله :)

بحدا العمرات اللي برمضان كان زحمه وانا معي جدي الا يبي يحب الحجر الاسود :) !

وانا اقوله يابن الحلال ماحنا حوله يامسلم وهو مطنشن اشكليشن :)

الوكاد يالله عقب مدري كم ساعه وصلنا الحجر وهو يدخل جدي راسه :) قلت هها دوري بالله ابي اشوف وش به :):)

شوي يمار فوقي هكالعبد يتمسحون به يحسبونه جزء من الكعبه :(

قالي ابعد وخر قلت ماني موخر اقضب سرا :) اثاري اللي وراه امير :(

وهو ياخذن ويشوحن طوول يده :) شوي الا وهذا جدي يلفح بالسماء ومحظر بحضني :):)

قلت خلن عليه قال لا لا حنا بالحرم مايصير :(

قلت ايه بس انا ماحبيت الحجر الاسود :( ـــــــــــــــــــــ قال جدي لا ماعليك انا حبيته وقلت اللهم ان هذي لمصيول :):)

هههههههههههههههههههههههههههههههههههههه
هههههههههههههههههههههههههههههههههههههه

احلى شي اللهم ان هذي لمصيول :)

شكلوه فله جدك :)

وحنا نجيك ناكسين ندربي روسنا :)

اجل لاتذرني فرداً :)

استروا على ماواجهتوا :d:

ماشاءالله اجل دعاءك يستجاب على طول :)

انصح الاخوان يعلقونه بمدخل مضيف الفله بعباته علشان نتبارك به :):)

ههههههههههههههههههههه بس اخاف أزيل بركتكم :d:

يالشمريه وتفتخرين ادعي الله يزين جيبي بأسرع وقت ممكن :(

آآآآآآمين آآآآآآمين يارب العالمين << تدعي عكس القبله , هذا اتجاه الكمبيوتر شسوي :d:

مصيول بالله اكتب لنا عن جدك والله اني اغليتوه :7ayyoh:

.
.

ابو ضاري

11-09-2008, 01:59

.
.

و هو يجي هكا الشايب طاير و طــب .. طــاااااااح .. لا و وين طاح ..؟!

طاح بحضني :a:

.
.

الله جايبلك الشيبان حتى بالحرم

على فكره هو من نيجيريا ولا من الصينيين

بالمختصر..

11-09-2008, 03:00

بالمختصر الله يوفق سعيد بسعيدته ...

ذكرتين بمسجد صليت به بهالفايت ولا جماعته كله شيبان غلط الإمام ولد حدا المأمومين يوم

غلط الولد بالقرأة ومير يرد عليه شايب ثاني ... قال ابوه أنطم هو يعرفه بس مافطن ...

ههههههههههههههههههههههههههههههه

خوش رد .. انطم :)

يوم سألت واحد عنهم ... قال هذي حالتهم من قديم ... شيباننا عاميين ولا بهم حيله ...

بالمختصر تكفين أدعي للي أبالي يتم الله يخليتس ...

تقبلي مروري ...

يالله ياااااااارب يتم اللي ببالك .. واللي ببالي بعد :)

ياللي تقـرون قولوا آآآآآمين ..

.
.

بالمختصر..

11-09-2008, 03:13

اول شين

مافقدناتس تدرين ليه ؟؟

لانتس مع اللي تصفدن خخخخخخخخخخ

ههههههههههه انا كتبت هالموضوع عشان ماتشكون بي :)

ثاني شين

وه ياعلوه مبروك

منتس المال والدعاء ومن قلة الحظ ولعنت الجدف

خخخخخخخخخخ

ياخي هالشايب طلع من حياتي من زمااااااان :) عمرتنا من سنتين

بالمختصر

كويس يا صديق

مهويه

انا ابي افهم شلون ابو سلطان طاوعوه قلبوه وحطتس على التعليمي وانتي ترقلين

خخخخخخخخخ

مفروض جايبتس بالفله

وتقلدي تحيتي

لايسمعك ابو سلطان :) تبيه يرجعن عضوه ..

هههههههههههه تصدق أول ماأفتتح التعليمي كنت قاعده ارد بالفله والناس تبارك لي عالاشراف هناك و أشكــل :)

شوي الا المشرف العام مرسل لي رساله يقول روحي ردي على العالم :(

أنا ماأحسبوه يعرف مكاني و وش قاعده أسوي ههههههههههه

.
.

بالمختصر..

11-09-2008, 03:21

ههههههههههههههههه

اجل الله استجاب دعائتس

يمكن :)

مبدعه والله

دمت بخير

شكــراً ..

و دمت بـ أفضل حال ..

.
.

بالمختصر..

11-09-2008, 03:33

لا اله الا الله

بالمختصر ادعي لي باي شي بس

ولاتنسين ابوطرووق

وحق البيدا ادعي ان الله يهديه وما يضربن

آآآآمين يؤؤ قصدي ان شاءالله :)

فتى البيداء تسمعن .. لاتقول شي لأبو خلوف وألا ماأدعي لك يتم اللي ببالك :)

.
.

ابو خلوف

11-09-2008, 03:39

وش بباله وش بباله وشبباله

تكفين علمين

قضت الاسامي

11-09-2008, 03:49

ههههههههههههههههههههههههههههههههههههههها ااااي هخ هخ

الله يلعن شيااااطينكم تسيف مزعتووو تسبدي

وبما ان الموضووع عن العمره

ترااي امس جاي من مكه ودعيتلكم كلكم بس اني خصيت واااااحد اللي هوو

ابو طروووق <<<<< الصرااحه رحمت الرجااال عزوووبي وبالريااض ومااعنده احد

ـ ـ ـ ـ ـ ـ ـ ـ يالعنبوووووو هاالدنيا

روح حايل

11-09-2008, 11:27

ههههههههههههههههههههههههههههههههههه

ايه ايه ربي لا تذرني فردا هيه !!!!

انا اقول شنوح أعرست بسرعه :)

ونسكِ اللهُ بالعافيةِ

:)

شامان

11-09-2008, 11:51

اجل بالمختصر (( اللهم لا تذرني فرداا ))

امممممم ما شفتيني بالعمره هذي مو رمضان هذا ولا اللي طاف اللي قبله

قلت يمه هلمي بنا عمره ،، ونطلع من الكويت ، قالت : يا وليدي نبي نمر الرياض بسلم على خوالك قلت تم ،، مرينا الرياض والا تقول يا وليدي ما تبي الاجر يزيد قلت ألا قالت خذ جدتك وخالاتك قلت اللهم بارك يا الله .

ما شفتي لج واحد سبع ساعات بالطواف و12 ساعه بالسعي ،، بالسعي افلام مره امشي مع هذي وحده من الخالات صايره سعيد عويطه بيب بيب يا الله الحق عليها ،، زووحده بطريق يا الله تمشي ومره اركش الحق على هذيك مدري وين غدت ومره ارجع ريوس للي تمشى الهوينه ،، واركض اجيب ماء لهذي تعبت تريح ،، وجدتي يا وليدي ما شفت بناتي ( الله يا المراهقات عاد ) الحق على هذي شفت راس سعيد عويطه ،، وانا قايلهن من اول ما تبون ناجر لكن كراسي وانا معكم اخذ كرسي قالن لا نبي الأجر شبلانا ما فينا شي

بالمختصر تذكري بالمسعي سعيد عويطه والبطريق ما شفتيهم هناك عاد باقي الوفد ما عليهم امي اصلا تهرول معاي بالحد الاخضر من زود اللياقه ، رابطه شيلتها بيدي علشان ما اضيع اثريني كل ما رحت شلتها معاي بالحرم .

بالمختصر..

13-09-2008, 22:18

هههههههههههههههههههههههههه

عاد احنا محصلين.. شايب ولاغيره

أدعيلنا.. نتأهل.. حتى لو بشايب

ترى الشيبان فله.. ويدلعون.. الوحدة

ههههههههههههههههههههههه

راح ادعيلتس انتي بس .. ليه تكلمين بصيغة الجمع n)

.
.

بالمختصر..

13-09-2008, 22:23

والله صحيح فشله:qannaj:<<خير الكلام ماقل ودل يامصيول:3ayyen_khair:

بالله :za3lan:

انت وش عليك من مصيول خلك بحالك :qannaj:

.
.

بالمختصر..

13-09-2008, 22:33

بالله تدعين لي بالولد الصالح ... :)

أخاف أدعي لك و يجيك ولد تسميه ( صالح ) :biggrin:

لا جــد .. الله يرزقك الذريه الصالحه .. قول آمين ..

.
.

بالمختصر..

13-09-2008, 22:41

اللهم آمين

وانا بعد .. " ربي لاتذرني فرداً " :d:

ههههههههههه الوحده شينه :d:

بعدين تعالي انت وخشتك وش فيهم الشياب .. ؟!

ماقلت شي .. لاتقولوني شي ماقلته :puzzled:

ما سمعتي بالمثل اللي يقول : الشايب يدلل و الشباب يعلل :d:

لا ماسمعتوه ولاابي اسمعوه << ساده أذانه :d:

والله حنا من زود الطواعه كل رمضان نأخذ عمره لا وبالعشر الأواخر بعد

ولو أبي أكتب كل موقف صار لي بكل عمره كان ألفت مجلدات :)

ولكن أذكر اخر عمره العام رحت انا وامي و أختي مع اخوي الله يخليه لنا

واذكر وانا أطوف حول الكعبة وكان الناس ززززحمه يتدافعوا على بعض

وفي مصري كان قريب مني وكل شوي الناس تدفعه على و يقول استغفر

الله العظيم يارب

استغفر الله العظيم يارب :)

اختي تقول حسبي الله عليك أبطلتي عمرة الرجال :)

شفتي قليل الحي حتى بالحرم ما سلمنا منهم :)

استغفر الله العظيم من كل ذنب عظيم ..

حلووه هالسالفة بالمختصر

ورددي معي .. " ربي لاتذرني فرداً "

:)

هههههههههههههههههههههههههه

تقل جاز لتس الدعاء ..

.
.

بالمختصر..

13-09-2008, 22:46

عمره ؟ <--تذكر ماضيه :)

خخخخخخ

انتي شكلتس من الايرانيات الي كل وحده تومي
بكتابه وتقرا :)

وش أسوي أبي أدعــي ربي :)

عاد تصدق قريت الكتاب كلووووه حتى المقدمه و الخاتمه ههههههههههههه

.
.

بالمختصر..

13-09-2008, 22:54

الله جايبلك الشيبان حتى بالحرم

على فكره هو من نيجيريا ولا من الصينيين

ههههههههههههههههههههه وش دراك انت ..؟ :)

لا هو من السعوديه يعني الفشله أقووووى .. يااااااااااافشلي ..

.
.

بالمختصر..

13-09-2008, 22:57

وش بباله وش بباله وشبباله

تكفين علمين

والله علمي علمك :)

هو قال أدعي لي يتم اللي ببالي و أنا دعيت لوه بس ماسألتوه ..!!

.
.

بالمختصر..

13-09-2008, 23:03

ههههههههههههههههههههههههههههههههههههههها ااااي هخ هخ

الله يلعن شيااااطينكم تسيف مزعتووو تسبدي

وبما ان الموضووع عن العمره

ترااي امس جاي من مكه ودعيتلكم كلكم بس اني خصيت واااااحد اللي هوو

ابو طروووق <<<<< الصرااحه رحمت الرجااال عزوووبي وبالريااض ومااعنده احد

ـ ـ ـ ـ ـ ـ ـ ـ يالعنبوووووو هاالدنيا

ولايهون شيطانك :)

عموماً .. جزاك الله خير ..

بس أبو طروق مو من الرياض :)

.
.

بالمختصر..

13-09-2008, 23:12

ههههههههههههههههههههههههههههههههههه

ايه ايه ربي لا تذرني فردا هيه !!!!

شفتي :)

انا اقول شنوح أعرست بسرعه :)

هههههه طيب شنووووح أعرستي بسرعه ..؟ << إشتغلت الشفايه :)

ونسكِ اللهُ بالعافيةِ

:)

أجمعين ياااااااارب ..

.
.

بالمختصر..

13-09-2008, 23:19

اجل بالمختصر (( اللهم لا تذرني فرداا ))

امممممم ما شفتيني بالعمره هذي مو رمضان هذا ولا اللي طاف اللي قبله

قلت يمه هلمي بنا عمره ،، ونطلع من الكويت ، قالت : يا وليدي نبي نمر الرياض بسلم على خوالك قلت تم ،، مرينا الرياض والا تقول يا وليدي ما تبي الاجر يزيد قلت ألا قالت خذ جدتك وخالاتك قلت اللهم بارك يا الله .

ما شفتي لج واحد سبع ساعات بالطواف و12 ساعه بالسعي ،، بالسعي افلام مره امشي مع هذي وحده من الخالات صايره سعيد عويطه بيب بيب يا الله الحق عليها ،، زووحده بطريق يا الله تمشي ومره اركش الحق على هذيك مدري وين غدت ومره ارجع ريوس للي تمشى الهوينه ،، واركض اجيب ماء لهذي تعبت تريح ،، وجدتي يا وليدي ما شفت بناتي ( الله يا المراهقات عاد ) الحق على هذي شفت راس سعيد عويطه ،، وانا قايلهن من اول ما تبون ناجر لكن كراسي وانا معكم اخذ كرسي قالن لا نبي الأجر شبلانا ما فينا شي

بالمختصر تذكري بالمسعي سعيد عويطه والبطريق ما شفتيهم هناك عاد باقي الوفد ما عليهم امي اصلا تهرول معاي بالحد الاخضر من زود اللياقه ، رابطه شيلتها بيدي علشان ما اضيع اثريني كل ما رحت شلتها معاي بالحرم .

إيه تذكرتكم .. إنتم اللي كنتوا تطوفون حول الكعبه << نصابه :)

هههههههههههه ويني و وين الناس أنا يالله بلشانه بعبايتي و كتيبي :)

بس تبي الصراحه ماودك تعتمر مع أحد أبــد ..

تعتمر لحالك أحسن بس حنا مشكله لازم معنا محرم :puzzled:

.
.

نجد التميمي

19-09-2008, 14:13

هههههههههههههههههههههههههههههههههههههههه ههههههههههههههههههههههه

والله فله هالدعاء المستجاب اجل ادعي لي ..اني اتخرج من الجامعه وافتتتتتتتتتتتتتتك..و(ربي لاتذرني فردا))<<بعد التخرج ان شاء الله :d

انا قبل شهر بمكه اخذ عمره وامشي مع امي واسولف واحنا نسعى وياربي اقول وراها ماترد الا التفت مالقى حولي احد .يوم التفت الاها طااااااااااااااااااااايحه طيحة شينه يوم شفتها واحط رجلي وارجع بالدوره الثانيه

بالمختصر..

21-09-2008, 10:58

هههههههه كلنا بالهوا سوا :)

انا للحين ادرس .. مدري متى نتخرج :)

نــجــد .. منوووورررره فلة الحجاج .. حياتس الله ..

.
.