% مسلسل رمضان % الحلقه ( 7 )

[الشبث]

فكرة وكتابة اختكم المميزه عجايب بنت الشايب الله يذكرها بالخير


................................................................................ ............



كلمه ولو جبر خاطر


..

مرحبا مليون وزادكم الله طاعه ×طاعه



الشيبان ابواب الخير

وابواب الأجر



يعني كل مابغيت ربي يزيدك حسنه

رح لحدا هالشيبان ووسع صدره ولا جب له حويجه

وشف وش يقول


جعلك بعده

الله يوفقك

يامال العافيه

يامال النصيب الطيب


...الخ




بصراحه

مافي مثل الشيبان بالدعاوي والكلمات الزينه


يعني لازم نصير عجز وشيبان علشان نقول كلام زين



والله ياوحده من البنات شفتها يوم بس

وخوياتي معي عمر


بقت كلمتها ارددها لنها اثرت فيني اكثر من حتسي خوياتي


الا وهي


( الله يسعدك)

كلمه ترد الروح

من اول لقاء حبيتها
وانا ماعرف هي وش هي من لحيه



فصرت اذا بغيت احد يذكرني بخير

قلت له الله يسعدك




تدرون وانا اكتب لكم ماره من عندي اختي

تقول لخوي



( الله يفقع وجهك)

لا حوووول


بعد كم سنه بارجع لكم وباقول لكم


تراها صارت عجوز يعني قامت تقول

الله يوفقتس




على طاري اختي

مره دبلت كبدي

من هالدعاوي اللي تألفها

انا اشوفها كل ليل تبطي ماتنام

اثريها تألف دعاوي لليوم الثاني

(تحضير يعني )


شفتها تلحق لها ورع


واسمعوا عاد


يامال الجرب الي يحفر وجهك

يامال الطاعون اللي يشق وجهك

يامال الصخونه المزمنه


أعووذ بالله


قلت اوريتس


واسجل صوتها ..

بجوالي واخليه عندي





وبعد كم يوم جتنا عزيمه وتكشخ ويعنني أنثى

واقوم ارسل لها رسالة وسائط


ستكونين أكثر انوثه وجمالاً عندما تبتعدين عن هذا

ومقطع الصوت



ههههههههههههههههههه



واراعي لوجهها



وأنحاااااااش



وش اسوي دبلت كبدي




طحياتي ......



...........................






ومهو بس كذا


انتظروا عجايب في حلقة الغد


ومواضيع مميزه وشيقه




والف شكر له على هالدعم



وتقلدوا تحيتي

[فتى البيداء]

الله يسعده ويسعدك يالشبث الله يذكره بالخير ويطلعه من هالسبات الشتوي .أو الرمضاني ...

موضوع موفق وهادف مع قلة كلماته ولكن مضمونه مشبع بالمعنى ... فشكراً لها الله يوفقه ..

شكراً لك الشبث ..

[الكاسح@]

مشكور خالي الشبث دائما مبدع

ذكرتني بالدعاوي من الشيبان بعد الفطور وأنا مرسل لعيال عمامي مصطلحات عند الشيبان وهي:-

ياملا النويفج - يابعر وجه [ تكرمون ] - ياملا المحسه - ياملا السويدا - ياملا الدبله - إلخ

يا حليل شيبانكم واعين ومتطورين بعض شيبان ماسك على دعاوي أبوه عقدوا بعض عيالهم من كلام ماله

معنى ، والظاهر إني قلت شيء في هذه الحلقه ماله معنى لكن العذر

والسموحه **يالخال**

[الشبث]

هلا اخوي فتى البيداء

ولاهنت على هالمرور المميز كالعاده









هلا بعمي الكاسح


بالعكس مشاركتك كله حلا



هههههههههههههه


شاكر مرورك





وتقلد تحيتي

[ابو خلوف]

مشكور يالشبث صايرن ماشاء الله الي مستحي والي يبي ينام يرسلك ويزهله





والله يسلم عجايب لا الحين نايمه

[غالب]

:):):):):):):):):):):):):):):)
:)والله من كثر اللعن عند واحدن بهذا الله يهديه إن شاء الله:)


:):):):):):):):):):):):):):):)

[ابو خلوف]

:):):):):):):):):):):):):):):)

:)والله من كثر اللعن عند واحدن بهذا الله يهديه إن شاء الله:)


:):):):):):):):):):):):):):):)





منهو منهو وش اسمه



بس لايصير انا

[حمـود]

جزاتس الله خير يا (خاله )


كلام ذهب


والله يهدي اختس الي بس تلعن

بس تبين الصدق عليه دعاويةابداع منين تجيبهن

دمتش بخير

اما انت يا شبيثان

انت من نوع ثاني

دمتم بخير

ماننحرم

[أبوطروق]

مشكزر يابوماجد والشكر موصول للقديرة عجايب بنت الشايب على مشاركاتها المميزة




اقتباس:
{على طاري اختي

مره دبلت كبدي

من هالدعاوي اللي تألفها

انا اشوفها كل ليل تبطي ماتنام

اثريها تألف دعاوي لليوم الثاني

(تحضير يعني )}

هههههههههههههه شكله تبي تطلع معلمة دعاوي ليه ماتشجعونه على هالموهبة


اقتباس:
{وبعد كم يوم جتنا عزيمه وتكشخ ويعنني أنثى

واقوم ارسل لها رسالة وسائط


ستكونين أكثر انوثه وجمالاً عندما تبتعدين عن هذا

ومقطع الصوت



ههههههههههههههههههه



واراعي لوجهها



وأنحاااااااش



وش اسوي دبلت كبدي}


والله من الشطانة ههههههههههها


لالا معذورة مادام دبلت تسبدتس (بس مو قدام الناس)


عجايب+أبوماجد
يعطيكم العافية

والله يكثر من جنسكم

:

[لوليتا]

*
*


والله يسعدك عجووووبة


جد حلو اللى سويتيه فى اختك

عشان تحرم

الله يسعدك دنيا واخرة



شيبثانوووو


ما قصرت والله


يسعدك ربى انت ايضا على المجهود الرائع


تقديرى للجميع

*
*

[ابو عارف]

إقتباس

الشيبان ابواب الخير

وابواب الأجر



يعني كل مابغيت ربي يزيدك حسنه

رح لحدا هالشيبان ووسع صدره ولا جب له حويجه

وشف وش يقول


جعلك بعده

الله يوفقك

يامال العافيه

يامال النصيب
----------------------

سبحان مغير الأحوال ، لا ما أصدق هذا كلام عجايب عدوة الشيبان.

لا قام حظكم يالشيبان شوفوا عجايب ويش تقول عنكم ؟

إعتقد إن الحروب التي دارت بينها وبين كل من ابو عارف وأبوطروق والضاري وحمراء الموت قد غيرت تفكيرها خاصة بعدما أبقينا على حياتها وفكينا أسرها وأكتفينا في أخذ الحلال والشاصي البنفسج البنت أصيلة وثمنت هذا الشيء وإنعكس ذلك على تقديراً غير معهود للشيبان.

أو إنها عنست وتنوي أن تغازل الشيبان بهذه الكلمات الجميلة عنهم.

على أي حال الشيبان وبس مثل الهايلكس مع الطعس.

شكراً لعجايب بنت الشايب على هالإبداع وللشبث على هالمجهود لاهنتما.

وتقبلا تحيات شايبكم

الله يسعد ويوفق الجميع في الدارين آمين. (دعاوي شايب).

[غالب]

لالا ياأبوخلوف حط ببطنك كرتون دبشي:)

[الشبث]

الف شكر للجميع



وتقلدوا تحيتي