المساعد الشخصي الرقمي

مشاهدة النسخة كاملة : حلا خطيير تعالوا يا بنات ..!!


سما العز
24-06-2002, 02:33
السسسسسسسسلام عليكم ..

يقولون (( أسهل وسيله للوصول إلى قلب الرجل هو معدته )) وما أظنهم غلطانين ..!

على العموم هذا حلا يهبببل ;) مع القهوة وإلا الكباتششششينو ششششي خرافي

ما أعطلكم .. وهذي المقادير :)

المقادير:

1/2 كأس زيت-1/2 كأس ماء-1/2 كأس سكر- ملعقه طعام بيكنج بودر- 3 بيضات-كأس بسكويتمطحون - كأس فستق مجروش

طريقة التحضير: ;)

توضع جميع المقادير السابقه في الخلاط الكهربائي ويوضع الخليط في الفرن
بعد إخراج الكعك من الفرن تترك لتبرد (وفي هذه الأثناء نقوم بخلط علبه حليب مركز مع 8 قطع من الجبنه المكعبات بواسطه الخلاط الكهربائي )
بعد ذلك نقوم بوضع خليط الحليب المركز فوق الكعك وندهن به وجه الكعك
ثم تقطع وتقدم وتؤكل بالهناء والعافيه

حلا سسسسهل ولذيذ ينفع للعجّازات

أنتمنى يعجبكم .. ! وبشششششروني بالنتائج :)

سما لعز ..

يلاااااااااااااااااااااا
سسسسي يو :)
عبير نجد
24-06-2002, 16:44
السلام عليكم ..
شكرررررراً سما على الحلا ..
شكله رووووعة ;) ..
ببشركِ بالنتائج خخخخخخخخخخخخ :D..
بااااي ;)
الكتراز
24-06-2002, 17:05
يم يم يم شكلها لذيذ

عزالله عرفتوا طريق قلوبنا

بس اذا كان الرجال معصب وصفق حلاها على وجهها:D :D :D

تحياتي ومشاركه رائعه
شجـون الشمري
25-06-2002, 04:17
صدق والله سما قريتها ورحت سويها العصر مع القهوى بس صدق روعه
والله اكلناها وحنا بالمطبخ وقبل لاتخلص القهوا بعد
يسلمووووووووو سما
البــنــدري
25-06-2002, 15:11
بجربها واعطيكم خبررررررر :)

شكرااااا سما تسلمين عزيزتي على هالوصفه

تحياتي
ابن رخيص
25-06-2002, 16:10
سما حرام عليك ..
ليش تنادين البنات بس لهذا الحلا الرهيب
انا اموت في شيء اسمه حلااااااااااا
ومن كثر ما احبه يقولولي الدختور اني مهدد بالسكر لو ما اتوب عنه

و المشكلة ان حلاكم كله دسم حليب وزيوت وقشطه وسكر وبلاوي متلتله
يعني لو درت عنكم (مريم نور) كان انهبلت ..

بس ولوعناد فيها ..
ابي اجربه وامري لله ..

ورجاء خاص من جميع فنانات الحلا
سماء وشجون والبندري وعبير نجد
وغيرهن من الاخوات
انه يبتكرولنا حلااااا صحي يعني حلااا يصلح للريجيم
يكون ( داتيت ) وخفيف ولذيذذذذذذذذذذذ..
وما يكون فيه كل هذي السعرات الحرارية والدهون.

وجزاكن الله خير مقدما
ولكن جميعا تحياتتي..
البــنــدري
25-06-2002, 20:15
ومايكون خاطرك الا طيب ... وقريبا تلقى الحلاااااااا اللي تتمناه

تحياتي
العجوز السنعه
26-06-2002, 00:26
السلام عليكم .. يابنات .. ويا أولاد
كيف الحال ؟؟؟
جيتكم على ريحة الزين والحلا ...
الله على الجمال واللذاذة يالبندري ..
تسلم يدينك يابنيتي الذربة .. ماشاء الله عليتس ..
إيه وأنا امك كذا الشغل ..
تسلم أصابعك ..

وأنا علشان خاطر وليدي ابن رخيص وخاطر الجميع أبي أحط حلا الاولين : العصيدة اللي يسمونها ( العصيدة المحلواة )

أمك العجوز السنعه .
البــنــدري
26-06-2002, 02:52
هلاوغلا يمه تسلمين لي على هالكلاااام الحلوووو

بس مواناالللي سويت الحلااااااا هذي بنتج الثانيه سما العز :)

تحياتي
ابن رخيص
26-06-2002, 17:44
وايشهي عصيدتوه
ياخويلتي العجوزه السنعه
سنع الله ايامك بكل خير
الله يهادك بس
انا ابي ( اللاااااااايت ) سويت ..
وهذي ماتعرفونها ياخويلتي ..
ومايعرفها الا بنياتكم السنعات
اللي ماشاء الله عليهن يدهرن
في اختراع مالذ وطاب
والله يرحم ايامكم ..
ايام الكريم كراميل..
والجلي ..
والمهلبية ..

وعلى ايامكم العصيده ذي كان اللي ياكلها يمشي ويخرف النخل ويرعى الغنم ويروي للحلال ..
ويحطب..
ويتحك..
وبكذا يحرق السعرات الحرارية التي تولدها عصيدتك الغنية بها.
ويش زينها ذيك الايام اما هالحين - الله يعافينا وياك - مايمشي الواحد الا كم متر من باب غرفة نومه الى حوش بيته حيث السيارة بانتظاره
ويمشي من سيارته بالشارع الى مكتبه..
وهات ياجلسه وراء هالشاشه اللعينة بالساعات ..
وهكذا دواليك.
عافانا الله واياكم من هذا الكسل
والخمول الذي اصابنا.
والله يطول عميرك ياعجيزنا السنعه .

ولكم تحياتي.