المساعد الشخصي الرقمي

مشاهدة النسخة كاملة : % مسلسل رمضان % الحلقه ( 2 )


الشبث
02-09-2008, 21:10
فكرة اخونا الطيب والقدير منصور الغايب

كتابت شبيثان


..............................



قبل سنوات


مهي سنوات الضياع الله لا يعيد ايامه




يعني حوالي 20 سنه



وبحاره قديمه من حواري مدينة الرياض


وبوسط هالحاره



كان اهل الحاره عايشين ولا عندهم من الشيطان طاري

لا غلا ولا شي يكدر عيشتهم


وكان اكبر هم اهل هالحاره عيالهم



يوم فلان متهاوش مع ولد فلان


ويوم ولد فلان فالق ولد فلان


وكان فيه ولد هااااادي وحبوووب وشاطر بالمدرسه


واسموه منصور الغايب


وهالولد كان من المدرسه الى البيت ويطلع مع ابوه للمسجد ويم جلسة الشيبان



ولا يروح يلعب مع بزران الحاره الملاقيف



وكان فيه ولد ثاني اسمه الشبث

ماكان بعيد حيل عن السيره الذاتيه حقت منصور


بس كان مقصرن بالمدرسه وسلوقين اربد



وهايت


من البيت الى المدرسه

ويفرك من المدرسه وللشارع ليما تجي حزة النوم ويضف وجهوه للبيت


واستمرة عيشتهم كذا




وكل سنه


اذا طلعت نتائج الامتحانات


يروح منصور مع ابوه ويشري لوه ابوه نجاحيه


وغالباً كان يشري لوه اما سيكل ولا ساعه ولا اي شي





وشبيثان اذا جت نتائج المدرسه خذالوه كم يوم ما يطب البيت

طبعا من ابوه

يجي ابو الشباب سقط ويهرب ذالن ابوه يمردغه



لكن ابوه ماكان هامه شي



عادي نجح ولا عمره ما نجح


وكان الشبث كل سنه يسرق نجاحية منصور


الوكاد انوه دااااشر تسلاب





ومرت السنين



ومنصور شادن حيله وكل سنه يا الاول ولا الثاني



وشبيثان يا الاول ولا الثاني بس من الاخير







وكبرت هالحاره


وتطورت الرياض


وافترقوا اهل الحاره


وصار محدن يدري عن جاره ابد


مثل حالنا اليوم


هذا اذا يعرف اسم جاره




وتخرج منصور الغايب من الجامعه


وقام ابوه يدور له وظيفه



ومرت سنه وثانيه وثالثه وهو عاطل





وبيوم من الايام





اتصل عليه واحد


قال تجي عندنا لك وظيفه



وفعلا قبلوه





وتوظف



وبعد كم يوم من الدوام


جاه زميله قال مديرنا يبي يقابلك


وراح للمدير





بس منهو مديره






؟؟



شبيثان الكسلان




وهذي الواسطه وعمايله بيننا







تحطنا فوق تحت




هههههه







وجيتك منهم مدري عنهم






والشكر لاخوي منصور الغايب






وتقلدوا تحيتي
فتى البيداء
02-09-2008, 21:39
أخوي الشبث سالفتن جيدة أجل منصور الغايب هادي والله ياذي تبي له مفسر أحلام .

الحقيقة أن الواسطة لعبتن بنا لعب ويقدم أحد ما يستحق على أحد مستحق وهذا ألي دهورنا لو حنا من زنادك ولا مت ، كان حنا بخير .

شكراً لكم منصور الغايب وشبيثان .
الشبث
02-09-2008, 21:50
هلا بخوي فتى البيداء


ياخوي وكل امرك لله



واللي كاتبن ربك يبي يصير



الواسطه تغث وتحط ناس ما تستحق قبل ناس



تسلم على هالمرور يالذيب




وتقلد تحيتي
غالب
02-09-2008, 23:13
إي والله لعبت بهالعالم مهو لعب ألا حوس وأفقرت عوايل مانقدر نقول غير سلط الله على كل من يتوسط لناس ماتساهل الخير
ابو ضاري
02-09-2008, 23:29
يازين سوالفكم يالفلاويه


شبيثان انت وظفته ولا كرشته من عند الباب


بس هذا زمان الواسطه الله يعين

ومشكور انت ومنصور على السالفه الزينه
ابو عارف
02-09-2008, 23:43
أجل هونت لا أتوسط لخالي ريال طالما أن الواسطة كذا.

شكراً لك منصور سالفتك تحكي واقعنا اليوم بجدارة فائقه.



شكراً لك ولمديرك الشبث لاهنتما
ابو خلوف
02-09-2008, 23:47
ماشاء الله




ومراقب اداري تبع عمايلك يالنطولي





مشكور يالشبث اجل منب بعيدن عنه مزره
ريال الفسحه
02-09-2008, 23:59
هههههههههههههههههههه


خلوه يستاهل من قاله يشد حيله ؟


:)



الشبث

عقبال ماتصير مدير


لاهنت والله يعطيكم العافيه انت وابوغايب
حمـود
03-09-2008, 02:22
اهي اهي

وتمر السنون خلف السنون

انها واله لا فه وهي الواسطه

اهي اهي

هههههههههههههههههه

مبدع واله يا الشبث على كتابت القصه

والمبدع الاخر وهو منصور ابو غايب

على هذه الفكرة الرائعه
أبوطروق
03-09-2008, 05:20
الحمد لله والشكر اللي يسمع ردودكم يقول هذولا ماعمرهم دورو واسطات

وش هالاخلاق عندكم

لعن ابو ابليسكم حنا تعودنا مانسوي شي الا بواسطة

حتى الواحد لابغى يفصل ثياب دورله واسطة




بصراحة ماعمري راجعت اي مكان حتى المستشفى الا انا مكلم احد قبل اروح
(تخبرون ماودي افاجئهم بجيتي على غفلة)

عسى واسطاتي يبقون لي







اجل الداشر صار مدير والعاقل صار غفير هههههههههه هاه كم عطيته راتب عقب هالاجتهاد والمثابرة

خوش حلقة اليوم


أبوماجد و أبو غايب
شكرا لكم كلكم

:
مصيول
03-09-2008, 05:53
8
8
l

وش قصدك يوم تقول حتى الواحد لابغى يفصل ثوب يدور واسطه ؟؟

ولا دقه على ابو عارف يومهو يفصل ثيابه من هالسنين :):) <<<<< يصطاد بالماء العكر :)



يابن الحلال اللي ماعنده واسطه مايسوى شي لله لله :(


والمشكله ماهي باللي ياخذ شي مايستاهله بالواسطه لا !

المشكله وانا اخووك باللي ماياخذ حقه ولاحظ حقه الا بواسطه :(


خله على ربك





ابو طرووق اللهم اني صايم :)
السنعوووسيه
03-09-2008, 06:48
هههههههههههههههههههههههههههههه

هالحين اذا سويت شغله بدون واسطه
تحس ماله داعى وماله طعم000تعودنا على الواسطات

الشبث تسلم على هالحلقه الرائعه
يعطيك العافيه
الشبث
03-09-2008, 13:06
تسلمون جميع على هالطله الحلوه


والشكر لاخونا منصور




وتقلدوا تحيتي
مراسلكم من حائل
03-09-2008, 22:37
الواسطه اصبحت مع لاسف تجري بدمائنا ...مع لاسف فعلا الكسلان ومعاه واسطه يصبح سفير والشاطر بدون واسطه يصبح غفير ...وعجبي.......مشكور اخوي الشبت على هالقصه المألمه ونهايه الغير عاديه تصدق إني إنسجمت وتفجأة بنهايته ...مبدع
وتقهوو تحياتي
الشبث
04-09-2008, 01:58
تسلمين اختنا ومراسلتنا


وشاكر لتس هالمرور الطيب



وتقلدوا تحيتي
منصور الغايب
04-09-2008, 21:52
مشكور يابوماجد ..

ولو اني انا كاتبه كان ما جبته بهذه الروعة ..

الف شكر لك ..
الشبث
04-09-2008, 22:14
ههههههه

اخوي منصور


ياخي انت ما شاء الله عليك منت مخلين شين


انا الله كتبتلي كم كلمه هههههه



الله لا يهينك على هالمرور الطيب





وتقلد تحيتي