نديم المجره
30-08-2008, 17:14
صاحبي وقـف جـزاك الله خيــــــــر=انزل واذن نبي نصلـي العصـر
لقضينا الفرض سو اللي يصيــــــــر=الصلاة ابدا علي مـن كـل امــر
خلنـا نرتـاح أتعبنـا المسيــــــــــــــر=طََوَل المشـوار والسكـه وعـــر
ودنا نجلس علـى جـال الغديـــــــــر=وانتمتـع بالربـيـع وبالـزهـــــــر
ريحة القيصوم والشيـح العطيــــــر=تنعـش اقلـوبٍ توطاهـا الكـــــدر
خيمةٍ بالبـر مفروشـه حصيـــــــــر=تسوى عندي فلةٍ وسـط الخبـــر
شب نارك دامنا وقت العصير=جهز الدله وقرب لي التمر
اه من جرحٍ لجا باقصى الضميـــــر=مايطيب الجـرح والدنيـا قهـــــر
والقهر لصـرت محتـاج لحقيــــــــر=حاجتـك عنـده ولا عنهـا مفـــــر
وانت مضطرٍ ولا لك مـن مِطيَــــــر=هـذه والله قاصـمـة الظـهـــــــر
يتركـك تمشـي بخـطٍ مستديـــــــــر=لاقضـى الـلازم ولا قـدم عــــذر
وان نخيته جـاك مكسوفٍ حسيــــر=وان بدا له غـرةٍ منـك غــــدر
وانهزم عنـك مثـل زول البعيـــــــر=مرخيٍ راسـه تقـل يتبـع اثــــــر
تزكي الاحـرار لصـاح النذيــــــــر=لنخيت الحـر جـا يهـدر هــــــدر
يرتكي للحمل لو حملـه عسيــــــــر=مايمل الحمـل لـو حملـه كثــــــر
وان زبنته خايفٍ بـه مستجيــــــــر=دون عمرك حـط مالـه والعمــــر
وش يجيب السيف للموس الشطير=ذا لقص الراس وذا لقص الشعـر
لايغـرك منظـر العـود النظيـــــــر=كل عـودٍ يرجـع اصلـه للبــــــذر
وان بدا لك لازمٍ لو هـو صغيــــــر=قبْل أخذْ الشور والعـزم استخـــر
والعوافي نومـةٍ عقـب الاخيـــــــر=فوق طعسٍ ناعـمٍ رملـه حمر
احمد عبدالرحمن العريفي
(نديم المجره)
لقضينا الفرض سو اللي يصيــــــــر=الصلاة ابدا علي مـن كـل امــر
خلنـا نرتـاح أتعبنـا المسيــــــــــــــر=طََوَل المشـوار والسكـه وعـــر
ودنا نجلس علـى جـال الغديـــــــــر=وانتمتـع بالربـيـع وبالـزهـــــــر
ريحة القيصوم والشيـح العطيــــــر=تنعـش اقلـوبٍ توطاهـا الكـــــدر
خيمةٍ بالبـر مفروشـه حصيـــــــــر=تسوى عندي فلةٍ وسـط الخبـــر
شب نارك دامنا وقت العصير=جهز الدله وقرب لي التمر
اه من جرحٍ لجا باقصى الضميـــــر=مايطيب الجـرح والدنيـا قهـــــر
والقهر لصـرت محتـاج لحقيــــــــر=حاجتـك عنـده ولا عنهـا مفـــــر
وانت مضطرٍ ولا لك مـن مِطيَــــــر=هـذه والله قاصـمـة الظـهـــــــر
يتركـك تمشـي بخـطٍ مستديـــــــــر=لاقضـى الـلازم ولا قـدم عــــذر
وان نخيته جـاك مكسوفٍ حسيــــر=وان بدا له غـرةٍ منـك غــــدر
وانهزم عنـك مثـل زول البعيـــــــر=مرخيٍ راسـه تقـل يتبـع اثــــــر
تزكي الاحـرار لصـاح النذيــــــــر=لنخيت الحـر جـا يهـدر هــــــدر
يرتكي للحمل لو حملـه عسيــــــــر=مايمل الحمـل لـو حملـه كثــــــر
وان زبنته خايفٍ بـه مستجيــــــــر=دون عمرك حـط مالـه والعمــــر
وش يجيب السيف للموس الشطير=ذا لقص الراس وذا لقص الشعـر
لايغـرك منظـر العـود النظيـــــــر=كل عـودٍ يرجـع اصلـه للبــــــذر
وان بدا لك لازمٍ لو هـو صغيــــــر=قبْل أخذْ الشور والعـزم استخـــر
والعوافي نومـةٍ عقـب الاخيـــــــر=فوق طعسٍ ناعـمٍ رملـه حمر
احمد عبدالرحمن العريفي
(نديم المجره)