المساعد الشخصي الرقمي

مشاهدة النسخة كاملة : سعد بن جدلان + خليل الشبرمي....! ~(شيله)~


((عبدالله بن غيث))
29-08-2008, 22:41
شيله رائعة من أروع ماسمعت من الشيلات الشعبية , مأججه بكل ماهو مفيد...!
أتمنى أن تنال أعجابك وتحوز رضاكم...!


http://www.upgulf.com/dld3ZK38722.wma.html (http://www.upgulf.com/dld3ZK38722.wma.html)


أخوكم/عبدالله بن غيث
((عبدالله بن غيث))
29-08-2008, 23:30
اللي مايشتغل معه الرابط , يستلم..!


القصيدة نصياً ...!


ون أبن جدلان من لايعٍ لاعه=كن في كبدي دوافير صناعي

ألعب المنكوس وأحب روباعه=مملٍ في الوقت والوقت خداعي

مادريت أن ضحكة الوقت خداعه=شفت مدخالي ولاشفت مطلاعي

لابغيت أسج والا انبسط ساعه=دق قلبي من وراء حدب الأضلاعي

كن من بين الضلوع آلة طباعة=تشتغل لانمت وأقوم مرتاعي

هم قلبي مايفرق تجمَاعه=غير جر الصوت والناس هجاعي

فاقدٍ لي سلعةٍ وأكبر أبضاعه=سلعةٍ تشراء ولاهيب تنباعي

رفقة الطيب أليا غير أطباعه=أشهد أنها كيةٍ توجع أوجاعي

راكب إلي صممه صاحب أصناعه=جمس بيك أب من حديثات الأنواعي

الغريب الي جديدٍ من أنواعه=حوض رفرف مايبا شد وشراعي

لا أنس البنزين عجلٍ تفرقاعه=مخطرٍ من سرعته يقلع أقلاعي

لاتحرك شفت في القاع مشلاعه=والتواير تظهر الماء من القاعي

ينعش القلب الحزين أبتهملاعه=لامشا قام يتهملع تهملاعي

لاوطى الأرض العتش كن تهزَاعه=بنت شيخٍ طامحٍ من ولد راعي

في رجاء الغايب تحَرا لمرجاعه=تنقد العشاق وتطق الأصباعي

نفسها من جملة الناس منصاعه=ماتبي إلا واحدٍ ذكره أيشاعي

ينحر اللي يأخذ الطيب بذراعه=الصديق الصافي الصامل الواعي

الوفاء والطيب ساسه ومنباعه=يوم بعض الطيب تقليد وصناعي

لاوصلتوا فأخبروني عن أوضاعه=وأخبروا راعي السمارا عن أوضاعي

أنشدو ويش السبايب بمهزاعه=لاعلي ناقص ولا أبيه فزَاعي

ودَنا نرضيه ونحاول أقناعه=كان بن مهمل بعد يسمع الداعي

كان يبغا حق للحق قطَاعه=نقنعة والحق ماعنه مجزاعي

وكان مبغضٍ في الرياجيل بتَاعه=لايجي ناقد ويلحقني أرياعي

لصَديق نخلَي النفس خضَاعه=مانوريه الجفا والتمطَاعي

الصداقة عندنا ذخر وطماعه=صحبةٍ ماهيب صحبة تمتاعي

حد جدتها على البرق لماعه=وإن خذت يومين مفعولها ضاعي

فإن تليمنا على العز والطاعه=وأن تفرقنا فجوج الله أوساعي

ما أطرد المقفي ليا صفط أشراعه=ماخبل اللي للمقفين تبَاعي

من يحط أذنه على كل سماعه=جاه فرقاً مابعدها تجمَاعي

والزباد أختام هرجي ومطلاعه=يدفعه من ريحة المسك ذعذاعي



الشاعر : سعد بن جدلان
شامان
07-09-2008, 02:26
كحل المحاجر


مبارك عليك الشهر وتقبل الله طاعتك والله يعطيك العافية على مجهودك الطيب والرائع في هالمضيف

حبيت اضيف اضافه ان اسم الشريط لسعد بن جدلان + خليل الشبرمي ( سمان الهرج ) موجود في التسجيلات الاسلامية ،،، انا شريت الشريط وكنت استمعله طول الخط من الكويت لي مكه قصايد رائعه والاختيار كان موفق .
((عبدالله بن غيث))
07-09-2008, 02:32
كحل المحاجر




مبارك عليك الشهر وتقبل الله طاعتك والله يعطيك العافية على مجهودك الطيب والرائع في هالمضيف



حبيت اضيف اضافه ان اسم الشريط لسعد بن جدلان + خليل الشبرمي ( سمان الهرج ) موجود في التسجيلات الاسلامية ،،، انا شريت الشريط وكنت استمعله طول الخط من الكويت لي مكه قصايد رائعه والاختيار كان موفق .



بياض الوجه لك ياشمان ...!
نعم صدقت من أجمل الأشرطه الشعبية ((سمان الهرج)) شريط راااائع يحمل الكثير من الفوائد , والحكم..!
خليل الشبرمي أضاف له رونق خاص .. وسعد بن جدلان أضاف له حس راااقي وأختيار موفق في الكلمة...!


تحياتي لك ياشمان والله يقبل منا ومنك صالح الأعمال , (وكل عام وأنت بخير مقدماً عشان لاحد يسبقني ) :7ayyoh:


تحياتي للجميع
همس القصيد
07-09-2008, 05:11
والله انها طرررررررررررر


وتسلم كحل المحاجر


على النقل المتميز

ربي لا هانك

تقبل مروري
((عبدالله بن غيث))
07-09-2008, 05:15
والله انها طرررررررررررر


وتسلم كحل المحاجر


على النقل المتميز

ربي لا هانك

تقبل مروري



يسلمك ربي ياهمس الله لايهينك...!
مرورك كريم , أضفى إلى هذا المتصفح النور...!

تحياتي لك