البارحه قلبي على واهج النار

[أبو روز]

السلام عليكم ورحمة الله وبركاته

شلونكم يا الربع

فيه سامريه ماني حافظن منه الا اربع ابيات واللي يعرفه يكمله


البارحه قلبي على واهج النار = وقلب المعنى يا سعد صار محروق
يلعبي الهوجاس والفكر محتار = على الحبيب اللي خذاني له الشوق
الجادل اللي مثلها ما بعد صار = مثله فلا يوجد مع الناس مخلوق
دره ثمينه في مغبات الابحار = مع خف دمه يا سعد زين منطوق

[((عبدالله بن غيث))]

الوبيري , يالله حيه كيف الحال.
أنشالله بيكملونه لك الشباب ..!


لك كل الشكر والتقدير على أهتمامك بمورثنا الشعبي..!

[مهْا الُ عَمرآنَ]

ماااااااااااشالله قصيده قمه فالروعه والجمال اخترت فااجدت طال عمرك
وسلم فكرك

[أبو روز]

كحل المحاجر
مها آل عمران

مشكورين على المرور وفي انتظار اهل الدعثه

[أبو روز]

وينكم يا الربـع

[أبو روز]

لقيته لكم وان شاء الله تعجبكم

البارحه قلبي على واهج النار = وقلب المعنى يا سعد صار محروق
يلعبي الهوجاس والفكر محتار = على الحبيب اللي خذاني له الشوق
الجادل اللي مثلها ما بعد صار = مثله فلا يوجد مع الناس مخلوق
دره ثمينه في مغبات الابحار = مع خف دمه يا سعد زين منطوق
من دونها حالت صواديف الاقدار = وعيال عم الترف صاروا لنا عوق
يالله يا المعبود علام الاسرار = طالبك تجمع بين عاشق ومعشوق


واعذرونا عن القصو ر

[مقبل الضوي]

سعدووون يملا والله الجنه

سامريه رااائعه

بس ودي اعرف لحنه يالعشير



لك غلاي

[منيف الوبيري]

تسلم أخوي سعدون على السامرية المنتازة !!!!!!!

شكلك راعي رزفه يالبناخي !!!

[أبو روز]

سعدووون يملا والله الجنه

سامريه رااائعه

بس ودي اعرف لحنه يالعشير



لك غلاي
وياك يا رب
ارسلت لك رقمي بالخاص دق علي واعلمك

[أبو روز]

تسلم أخوي سعدون على السامرية المنتازة !!!!!!!

شكلك راعي رزفه يالبناخي !!!
هلا بعزوتي وتاج راسي

من ناحية رزفه ما زليت هههههههههههههههههههههههههههه
والله اسبوعياً سامريات مع العيال ، سير علينا

[قمر اللــيل]

سعدون لاهنت ياخوي سامريه جميله >> ماتدري تبي تعلم انها تحب السامريات

اهتمام رائعه بالتراث الله يكثر من امثالك

دمت بخير

[أبو روز]

تسلمين أختي قمر الليل

شاكر لك مرورك العطر

[ابو احمد الدغير]

اللة يعطيك العافية يا ابو روز واقبل نحياتي