خرفان رمضــــان ....

[يـــوسف]

السلام عليكم ..


الله لايمسيكم إلا بكل خير ..


يالربع أبحلل كرفي اليوم بالدوام <_:za3lan:

المهم ...



هذا مرتن من المرات أنا وولد خالتي رايحين يم لنا رجال عنده حوش غنم


ومريناه بالبيت بتاعه بالثقبه ستي <_ غنية عن التعريف :3ajeeb:



ونروح يم الحوش والله أني غفيت تقل مسافرين أعوذ بالله ...وننزل للحوش ونراعي للطليان ( الخرفان ) ماش مايجملن يالربع تقل سلق :)


وقردن الله بهالشايب وولد خالتي السوداني قالو أمسك لنا هذاك أشرو عليه وأنا انفلت بالشماغ والعقال متحمس ..


وأنا وياهن طردي ومعارك وتشويت ورفس يوم جيت ابي امسكه وهو ينشب بين رجليني معلاق ملابس ماأدري وش الله جابه بهالحوش وهي تدق خشتي بالأرض وهو يمشي الشعيب :)



وزعل ولد خالتي وهون ومشينا وخلينا الشويب بحوشه تخبرون باقي لرمضان يوم والزباين واجد يبون خرفااااااااااااااااااااااااااااااااااااا اااااان



وأنا بالسيارة وأراعي لرجليني فوق ماهن شهب أول تجرحن والدمان اعوذ بالله تقل مضروبن بمنشار والمروح ولد خالتي يقول انتبه لاتخرب المرتبه :puzzled:




ورجعنا ولاشرينا خرفان :)




وحنا نمر من جنب سوق يقاله السويكت يتكاثرون فيه الغزلنجيه قلت أدخل بالله السوق يافلان


قال وش تبي قلت وش رايك يعني ابشتري تنوره :solh:




رح أبي لي محل ... وأنا لعانة مسكت الجنيه على المروحين اللي الواحد تقل وجه بنقالي ومدري من كاذب عليه قايله حلو تلقاه بس بالسوق 24 ساعة رازن خشتوه :)







يوم دخلنا السوق إلا والله هذولا الخرفان اللي ابيهم وخرفانن طيبة :)




وأفتح دريشة السيارة وأنا أصوت لهم هيه هيه انت ياللي لابس جنز وردي ههههههههههههههه



يوم انتبهو لهم الناس وأنا أقوم اصيح عليهم يالخرفان يالخرفااااااااااااااااااااااان يابو هنود جبهم ركبهم بشنطة السياره :puzzled:







ماخذيت شوي الا دباب المرور ورانا قااااااااااق قاق والدورية ورانا وولد خالتي يعطيني من هالبقوس اللي ماتجي الا بالخشم وحول الكلا ..



وهو يستلعن علي العسكري الا أوديك للحجز :a:




يارجل وش بلاك السياره ماهي لي هذا راعي السيارة وإذا فيه بلاغ أحبسوه هو وش دخلن بوه

قال ليش ترمي قوطي البيبسي على السيارة الواقفة <<<<_ لاحظو التبلي عيني عينك


وأقوم أحلف ومافيه حلف ماجبته حتى حق الجاهلية قلته ولاهو مصدقن مسكت غلط وهو يطلب دورية علشاني يركبوني :a:






المهم مالكم بالطويلة طلعو الخرفان اللي نبي نقصبهم ونعشي العالم بهم أخوياه :)





وجا الضابط يوم خربته عييت أركب وحطيت يدي بمخباي يعني معي شي مايدرون وشو ماعلمتهم بس شي خطير يذبح ذلو العسكر :)


سبحان الله على جيت اللي تكلمت عليهم وهم يجون خويهم فلان هذا اللي تكلم علينا قبل شوي زين مسكته :315r:





وأقمز على الضابط قلت شفت انهم يتبلوني المسألة شخصية وأنت ياطويل العمر ماترضىا بهالشي وأنا ماراح أسكت راح أوصله للأدارة العامة للمرور <_ طبعاّ قمت أهايط مايدرون اني برحة ماحولك أحد :)



والحمدلله فكوني عقب فضيحة بالسوق وشريت خرفان :)






فيالربع انتبهو لحد يقول للخرفان شي هههههههههههههههههههههههه







توسدو إحترامي

[شنقل]

خلن اتفاهم مع هالبروستم

وانكس لك

[ريال الفسحه]

8

يخلف الله على اهلك :)



خلونن اترجم كلام شنقل

بروستم = بروستد

شوطرما = شورما

كباب= كفته

:)


يوسف


فيه خرفان ابيك تجسهن وتعلمن هن يقودن الوجه
والا خرطي



:)

[حياة الورد]

ياليييييييييييييييييييييتكم قصبتوهم...

بس بدون دوريات..


جوزيف..الحمدالله عالسلامه..

[هند عبد الله]

hahahahahahhhhay:solh:
sobhana ellah
wa akhiren tmakant min fahm loghitkom.:449r:
tedroun
chi 3adjbi wallah.:260r:

wa3ala goul akhona chibt

etkharfanou tahiyati:tooth:

[العَـــروب]

شفيه السمج ..؟

الربيان شفيه ..؟

الدجاج المجمد يشكي من شي ..؟ :)



شزينهم يا حلوهم والله



بلا خرفااان بلا بهدلة بلاااا سياسة :)








سلاااااااام

[مهْا الُ عَمرآنَ]

ههههههههههههههههههههه
هههههههههههههههههههههههههههههه
فديت الخرفان كلها
بس عسى لقيت الخروف المطلوب ههههههههه
اعقل ترى لعوزت ولد خالك الله يهديك
يوسف ترى يقولون العقل نقمه يؤه قصدي نعمه
بجد ربي يسعد قلبك مثل ماضحكتني حيييييييل

[حمـود]

يوسف اجل خرفانن طيبه


انا عندي ازين منهن

بحايل تعال جس النبض حقه

سوريات خشومهن قدامهن مهن وراهن


لا والوان منهن زهري وفستقي>>باله مني جاني الون مدري


عهههههههههههههههه

مبدع اينما كنت

Esto te amo

Joseph Usted es maravilloso y muy magnificencia

فهمت تراه كلمات طيبه لا تخاف خل شنقل او ريال يتجمونهن

او اقول الشبث خبير بالاسباني

[شنقل]

الترجمي تقول

خروفي خروفي لابس بدله صوفي
له قرنين اربع رجلين
ياكل برسيم

هم هم

هههههههههههه
ههههههههههه




يوسف عليك مخالفه
موضوعين بيوم واحد
ههههههههههه
هههههههههه
هههههه

[فتى البيداء]

يوسف يعجبن تهجمك على هالي مابهم غيره على أعراض المسلمين ولا يهمهم ألا أرواحهم وكأنهم في المستقبل يبي يسلمون من سواياهم القديمة ، ما يدرون أنه دينن عليهم ، ويبي يجي غريمهم في يوم من الأيام يأخذ حقه من محارمهم .

عاد يوسف باللله وشن الخرفان تكفى وش تقصد ؟

لك كل الود .

[يـــوسف]

خلن اتفاهم مع هالبروستم

وانكس لك



أهب والله البطن هههههههههههههههههههههههه

أربع وعشرين ساعة تاكل فرامة ماهي معده :)





لا إله إلا الله ماشاء الله عليك ....<_ ماذل منك :)



أبو أحمد ياعله عافية .. ماعزمتن ماقلت يوسف ضعيف مسيكين عزوبي لحاله أبي أعشيه ياحيفك بس لو عشاء الصفره ونعزم سناعيسو :)



توسد إحترامي

[يـــوسف]

8

يخلف الله على اهلك :)



خلونن اترجم كلام شنقل

بروستم = بروستد

شوطرما = شورما

كباب= كفته

:)
مشكور ياريالنا على هالمعلومات القيمة عن لغى شنقل هههههههههههههههههه


يوسف


فيه خرفان ابيك تجسهن وتعلمن هن يقودن الوجه
والا خرطي
أشر أنت بس وأترك الباقي علي :)



:)



مشكور على هاظ المرور والمعلومات ياريالنا ودمت فخر لنا قدس الله سرك :)


توسد إحترامي

[يـــوسف]

شفيه السمج ..؟
:a:

الربيان شفيه ..؟
:a:

الدجاج المجمد يشكي من شي ..؟ :)
:a:



شزينهم يا حلوهم والله



بلا خرفااان بلا بهدلة بلاااا سياسة :)
حلوه سياسة ههههههههههههههههههههههههههههههههههههه








سلاااااااام


أم يوسف عزايم هذي ماهي طلعت شباب للبحر :)


روقينا ياأم يوسف تبينا نقلط للرجال سمك ههههههههه


هو صح أنه أوفر والواحد هالوقت يدور الرخص :)

مشكوره على المرور ولاهنتيش



توسدي إحترامي

[يـــوسف]

ههههههههههههههههههههه
هههههههههههههههههههههههههههههه
فديت الخرفان كلها <_ خربته :)
بس عسى لقيت الخروف المطلوب ههههههههه
لقيته لابس وردي صوفه مدري كيف جاي :)
اعقل ترى لعوزت ولد خالك الله يهديك
خليه يولي هو مو مقصر بي مره نزلني بمحطة بنزين على خط الرياض وخلاني :148r:
يوسف ترى يقولون العقل نقمه يؤه قصدي نعمه
صدقتي .. الحظيظ اللي من العقل محروم :)
بجد ربي يسعد قلبك مثل ماضحكتني حيييييييل
دوم إن شاء ياأختي الضحك والسعادة وجزاك الله ألف خير


مشكوره ياأخت مها على المرور ولا هنتي ..



توسدي إحترامي

[يـــوسف]

يوسف اجل خرفانن طيبه
أنا أشهد يابو ناصر طيباتن حيل :)

انا عندي ازين منهن

بحايل تعال جس النبض حقه
هو حاصل لي إجازه أروح أشوف أهلي يارجل أحس اني بنقالي هههههههههههههههههههههههههههههههههههههههه ههههههه

سوريات خشومهن قدامهن مهن وراهن
أبو ناصر قلت خرفان ماقلت تيوس شنوحك انت قالو لك مصيول موقف الربع قدام الأستراحة :)


لا والوان منهن زهري وفستقي>>باله مني جاني الون مدري


عهههههههههههههههه

مبدع اينما كنت
الإبداع لايكتمل إلا بحضووووووووووووووووووووورك

Esto te amo

Joseph Usted es maravilloso y muy magnificencia

فهمت تراه كلمات طيبه لا تخاف خل شنقل او ريال يتجمونهن

او اقول الشبث خبير بالاسباني


أويلي عز الله ضاعت لغة إسبانيا كان الربع ترجموها :)


خلنا نعرف عربي زين الحين بعدين نتعلم إسباني :)



مشكوووووووووووووووور يابو ناصر على هيك مرور فيه ريحة تيوس :)


توسد إحترامي

[يـــوسف]

الترجمي تقول

خروفي خروفي لابس بدله صوفي
له قرنين اربع رجلين
ياكل برسيم

هم هم

هههههههههههه
ههههههههههه
:solh::solh::solh::solh: الله يرج عدوك ههههههههههههههههههههه




يوسف عليك مخالفه
أنا ناقص :za3lan:
موضوعين بيوم واحد
ههههههههههه
هههههههههه
هههههه
الشبث صرح لنا بجواز أنزال العضو أو مشرف القسم بأربع طعش ماضوع باليوم :7ayyoh:




مشكور ياهزار على هالانشوده :)


تستاهل ياشنقل جائزه عبارة عن ساعة ضد الماء من محلات أبو ريالين اللي بالبديعة :)



توووووووووسد إحترامي

[يـــوسف]

يوسف يعجبن تهجمك على هالي مابهم غيره على أعراض المسلمين ولا يهمهم ألا أرواحهم وكأنهم في المستقبل يبي يسلمون من سواياهم القديمة ، ما يدرون أنه دينن عليهم ، ويبي يجي غريمهم في يوم من الأيام يأخذ حقه من محارمهم .
فتى البيداء أسمح لي أوقف إحتراماّ لك والله أنك رجال والرجال قليل بوقتنا هذا ومنطوقك ذهب ذهب
وللأسف يافتى الحين صار اللي يتكلم عن هالظاهرة غلطان ويهاجمونه الكثير يعني كل إنسان فيه بلا يحسب إنك تقصده وأنت مادريت عنه ههههههههههه

عاد يوسف باللله وشن الخرفان تكفى وش تقصد ؟
شف يافتى البيداء ... الخروف حيووان مايفهم صح ..وكل شوي يركض على نعجة (أنثى) يني الحين مع هذي شوي يقمز على الثانية لأنه بهيمة عرفت ...فعشان كذا أطلق هاللقب على الأشكال هذي اللي كل بنت وهو ناشب بحلقها وكل شوي مسوي فلم مصري على بنت ووصلت بالبعض أنه يتبلا بنت عشان تجيه بس وفيهم من يرسل لهذي كلام حب ويتغزل فيها مسوي يحبها وبعدها بخمس دقايق يروح لفلانة وعلى هالموال ..


عشان كذا سميو خرفان لهمجيتهم وبهامتهم :7ayyoh:

أتمنى تكون وصلت الفكرة

لك كل الود .



لك كل الأحترام يافتى والله لايحرمنا منك يالعزوه ومن حروفك اللي كل خرف أجمل من الحرف اللي قبله ..



مشكوووووووووووووور على المرور


توسد إحترامي

[بالمختصر..]

هههههههههههه اجل طلعت مع الدريشه حقت السياره وتهاوشهم

بالله عيده مره ثانيه :)


لااااا هنت .. والله يعين الجميع ..

حنا الله يعينا على هالعاهات و هم الله يعينهم على أنفسهم :)

بس تدري سعر الخرفان اللي بسوق الغنم أغلى من خرفان هالوقت :)




.
.

[يـــوسف]

^
^
سايمتهم ياخاله هههههههههههههههههههههههههههههههههههه



عز الله إنك صدقتي يابالمختصر أغلى بفرق والله يعين البنات عليهم والله يعينهم على أنفسهم والله يعينا عليهم :)





تصدقين عاد ياخاله صارو العيال اذا يبي يطلعون لمكان يفتحون لي محضر علشان ماأفقع بوجه أحد أعوذ بالله محد يداني الحق هههههههههههههههههههههههههههه



المشكة أنه ماتفرق معي بنت ولا ولد كلهم سوا بهالسوالف مرتن تضاربت مع بنات بالواجهه البحرية بغيت انسجن :)


لاهنتيش ياأم شوشة على المرور




توسدي إحترامي

[ابو ضاري]

بيض الله وجهك ياولد العطاوي اللى هو خالي احسن خال

بالمضايف

تولج الخرفان لانهم يبون واحد يذكيهم اول مره اشوف

خرفان ماتستحي

مبدع ايها الخال الغالي

[روح حايل]

يعدملي إياهون ياحأأأأ :puzzled:









اخ بس ليتك مذدتسيه :):):)


تسان تصير نهايتك ببوغريب ونفتخر بك هههههههههههههههههههههههههه


امانه الخروف لابسن وردي / ولاّ مسوي هاي لايت بكشتوه / :)










:thumb:

[حمـود]

أويلي عز الله ضاعت لغة إسبانيا كان الربع ترجموها :)


خلنا نعرف عربي زين الحين بعدين نتعلم إسباني :)



مشكوووووووووووووووور يابو ناصر على هيك مرور فيه ريحة تيوس :)


توسد إحترامي


رحت بعيد

هن خرفان سوريا

اسال شام عنهن


حلوات الوانهن

زهري وفستقي وقرنفلي وابيض واسود

ترى هذا مهو اساني هذا الماني

ههههههههههههههه

دمت بخير

[غالب]

يوسف شكل مخ مال إنتا مافيه:) وش هالقصه ياخي كله هبال عجزت لا أعرف وش تتكلم عنه :315r:

[ريال الفسحه]

8

صغير على الامور يابابا :055r:

[يـــوسف]

بيض الله وجهك ياولد العطاوي اللى هو خالي احسن خال

بالمضايف
وأنت أأحلىىا واحد هنا يابعد راسي والله :)

تولج الخرفان لانهم يبون واحد يذكيهم اول مره اشوف

خرفان ماتستحي
تدري عاد ياخالي حنا اللي مانستحي بنظرهم هههههههههههه وماحنا مثقفين :)

مبدع ايها الخال الغالي


تسلم والله يالضاري على هالمرور وعلى كل كلمة قلتها ..


إلا ماتجي تتوسط لي ابطلع ومعيين علي :za3lan:



لاهنت ياخالي على هالمرور


توسد إحترامي

[يـــوسف]

يعدملي إياهون ياحأأأأ :puzzled:






وش عنده فريال :)


اخ بس ليتك مذدتسيه :):):)


تسان تصير نهايتك ببوغريب ونفتخر بك هههههههههههههههههههههههههه
فال الله ولا فالك أهب عليتس تبي تكسفين بي عاد بأبو غريب الحاير أرحم منه :za3lan:


امانه الخروف لابسن وردي / ولاّ مسوي هاي لايت بكشتوه / :)
والله ياروح حايل إنه لابس بنطلون وردي ههههههه
والمشكلة لهم جمهورهم :)










:thumb:






مشكوره على المرور يافريال :)


أحمدي ربك بحايل هالاشكال قليلة توه بدت تطلع يقولون هيئتكم ماعنده إلا تمردغ حول البطن ومقرن العلابي :)



توسدي إحترامي

[يـــوسف]

يوسف شكل مخ مال إنتا مافيه:) وش هالقصه ياخي كله هبال عجزت لا أعرف وش تتكلم عنه :315r:


^
^
زي ماقال ريال صغير على هالأمور يابابا ههههههههههههههههههههههههههههههههههه



ياخي شلون ماتفهم قالو لك يوسف بنقالي :148r:

مسنعس قصدك مافتهم إلا شمري يعني :)


مشكور على المرور يالنزغه هههههههههههههه لاهنت ياحيي هالشديقات



توسد إحترامي

[يـــوسف]

حمودنا تكفى يابعد قلبي ترن عربي ويالله أتكلم ههههههههههههههههههههههه



فكن من هاللغات اللي مدري من وين تجيبه :)



لاتفشلن قدام العالم يقولون مشرف ولاعنده لغات أخيه بس






توسد إحترامي

[احمد الهاجرى]

على تسم الخروفات هلايام غاليه ولارخوووووووووصه

يوسفوه اعرج يمين شوووووووووووووووووووويه

توسد تحياتي

[يـــوسف]

^
^
ودي أصدق هاجري ويقول خروفات :)


يابوك شل عليها بس هههههههههههههههههههههههههه




لك أنت بلاش بس تعال للشبك وحياك :)


توسد إحترامي

[ريتاج]

والله يااوخيي عجزاانتن لا اقرى قل ليييش؟؟

1/ موااضييعك الله يصلحك ويهديك ويطرح بك البركهويخليك لعينن ترجييك ...طويييييييييله

بس والله حلللووه

2/ محذووف مني حوول 300 مشااركه ومنغثه...ومرتفع عندي الواارش


هههههههههههههههههه

مشكوور عالساالووفه....

شيــــــــــــــع

[عجايب بنت الشايب]

الــمرجلة ماهيب كلمــة وتــنقـــال -- وتروح ماراحت هبوب النسايـم
ولا خشونة صوت أورفع الاثـقـال -- أو رزة صدور وفعل الزلايــــم



توقيعك هو رد لي على موضوعك


يعني زيتك في بيتك :) >> قلبت حضرميه :)







الله لايهينك .. ذابحك الصلاح بالرغم انك سربوت بس محشووم عن الخرفه :)





الله لا يهينك




ورمضان اسعد



طحياتي .............,,

[يـــوسف]

ريتاج أنتي من أعتمرتي وأنا ماش تقل ملاحظك متغيره :)



تقل مفضوخن قلبتس بمكة هههههههههههههههههههههه



بالنسبة لمواضيعي ياريتاج والله أدري إنه طويلة وغثيثة بس وش اسوي هذا طبعي لاكتبت كتبت ماأوقف إلين أتليش ويضربن شد عضلي :)


مشكوره على المرور ..


توسدي إحترامي

[يـــوسف]

العجبه اجل حضرمية يعني ماتدرين إنك منذ مبطي وأنتي حضرمية أنا هين أدري إنك حضرمية هههههههههههه



يابنت الحلال أنا سربوت ماأنكر بس على أصول هههههههههههههههههههههههههههههههههههههههه هه


يعني سربتتي على روحي ماأضر أحد ولاأتمحرش <_ لاحظي أتمحرش :)

كل شي عندي إلا الخرفنه ماش مالله عطاني حب له




عجبه هانم مكشورتن على هالمرور ياحلو البنت اللي بصورتك بس ليتني أدل بيته ههههههههههههههههه




توسدي إحترامي

[سمااا]

ميم .. بااااء .. داااال .. عيون
..
..
أقصد ...




مبدع ع ع ع ع ...

-‏ روح يا مدير السعوديه .. و أنا من ضمن شعبك ..- <<< أذكر هذه أمنيتك ...!!


::‏ خوش سولافه ::

تحيتي تلحق مودتي ..

[يـــوسف]

حياتس الله يا سين ميم ألف ألف ألف


يعني سمااا :)

الإبداع حضوركم والله .


إيه يامدير المملكة ههههههههههه أيام مضت ليته تعود :)


مشكوره ياأختي على المرور ولا هنتيش ..


توسدي إحترامي

[أبوطروق]

الحمد لله على سلامتك ومرة ثانية انتبه من الخرفان

أنا مرة دبغت لي خروف بجدة وطلع ابوه مدير شرطة البغدادية ويالله افتك بعد يومين توقيف وعقبه صرت اذا شفت خروف اعطيه تحية


يوسف يوم دخلتوا السويكت وشي الحاجة اللي كنت تبي تشتريه؟؟؟

:

[يـــوسف]

مالومك تعطيه تحيه ههههههههههههههههههههههههههه



هم اللي الحين يقالهم رجال :)


وهم اللي لهم الأحترام والتقدير :)




إلا ليش دبغت هالمروح وش صاير ؟؟



ياطويل العمر غزيت السويكت هاللي تشوف مالقينا خرفان وقلت نزخ لنا كم هرفي من السوق :)






توسد إحترامي