زاهي
23-08-2008, 20:13
مساكم الله بالخير اجمعين
واعتذر عن هالانقطاع < ومثلكم يعذر
كم هو شديد على النفس فراق الاحبة
كيف اذا كنت اول من علم بذلك واول من رأى ذلك المنظر لأنه سينضاف اليه هم ابلاغ اهله واحبته بالامر
هذه مرثية بالغالي (طالب اللويش) الله يرحمه كتبت بالمشاركة بيني وبين الشاعر عبدلله طليحان الرمالي
اتمنى ان تحوز على اعجابكم
الحمد للوالي على كل ماصار = محيي العباد الميتة من حفرها
المعتلي بأمره تصاريف الأقدار = أرزاق خلقه وحده اللي قدرها
وخلاف هذا يوم حلو الكرى طار = وعين ابوصالح زود سهره دمرها
وفوق السهر دمع انهمر عقب ماحار = مثل المزون اللي غزيرن مطرها
الهم حدن أنثرالدمع مدرار = وشبت معاليقي بحامي سعرها
يوم المصايب جت بلاعلم وانذار = عجزت مالي قدرة اقتدرها
وطعم الحزن ذقته بكاسات الأمرار = ومشكاي للقادر يسهل عسرها
(طالب) عقب فرقاه ضاقت بي الدار = وأظلم بعيني برها مع بحرها
العلم جاء صفعة بلا سابق إنذار = مثل السما لاغاب عنها قمرها
قالوا توفى مكرم الضيف والجار = اللي خويه زلّته مانشرها
ماشفت مثله في سديدين الأشوار = تفداه قومن رايها ماسترها
وتفداه ناسن مارعت حرمة الجار = هل الردى والحسد ربي حقرها
وتفداه ناسن ماهوت دوس الأخطار = يهوا الخطر ماقال هبت لخطرها
مرحوم ،كم له من معزة ومقدار = اللي نواة القلب حبه حفرها
مرحوم يا(طالب) عدد نبت الأشجار = وإعداد خلق الله بأرض وبحرها
رفيق دربي فايقن طيب الأقطار = وللدين في صدره ديارن عمرها
يشوم عن درب الرذيلة والأشرار = من روس قومن للثريا نظرها
فيك العزم والحزم مع قو وإصرار = جمعتها وأوصاف مقدر حصرها
يالله طلبتك وأنت للذنب غفار = يامحصين كل الخطايا تغفرها
جته المنية ضاحك ووجه أنوار = وسبابته منصوبةٍ ماحدرها
تشهد شهادة حق تنجي من النار = مالي إلهٍ كود منشي مطرها
يالله طلبتك تجعله بين الأبرار = ويسكن بفردوسك ويقطف ثمرها
يالله طلبتك لاتعرضه على النار = وجودك ولطفك كل خلقك غمرها
يالله تدله لاغدا البعض محتار = عند السؤال بوسط مظلم حفرها
بشهادته تنجيه من كل الأخطار = لاقيل من ربك؟ يمينه شهرها
ويالله حين الشمس تدنو للأبشار = إنك بظلك تحميه من سعرها
حيثه كريم اليد بإسرار وإجهار = قسم مكافاته مع أخو وسترها
قالواولاشيٍ نزل له عدا أصفار = أقسم عليه وقاسمه ماجهرها
قاسمه مابيديه ماعدالأخسار = يلقاه ولوينساه ربي ذكرها
ويالله مع اللي كنها بدور وأقمار = اللي صراطك يالعظيم تعبرها
للجنة الفيحا منازيل الأبرار = تجعله منهم يامسيرنهرها
ويالله منزاله مع خيارالأبرار = مع الرسول اللي المكارم حصرها
حيث إن خلقه بين الأنام ماصار = خلقه برزمثل النجوم وقمرها
مثله فقيده خص إليا الزمن جار = وفقده مصيبة روح روحي صهرها
والله فلاشافت عيوني والأبصار = من قارب لطيبه بأرض وبحرها
يشهد له الله منزل الغيث مدرار = ويشهد له اللي له مواقف سبرها
يالله ياغفار ياخير غفار = ياخالقن خلقك ومخلف صورها
تغفر لـ(طالب) كل ماهل مدرار = وماهب نسناس النسيم وعبرها
وتغفر لنا يامنبت عقب الإقفار = وتحسن ختام اللي حياته نذرها
في طاعتك يالله بإسرار وإجهار = مطيع لك وذنوب نفسه حذرها
هذا وصلوا عد ماطايرن طار = وإعداد أشجار الربيع وزهرها
على الرسول المصطفى سيد الأبرار = شفيعنا لامن ربك حشرها.
واعتذر عن هالانقطاع < ومثلكم يعذر
كم هو شديد على النفس فراق الاحبة
كيف اذا كنت اول من علم بذلك واول من رأى ذلك المنظر لأنه سينضاف اليه هم ابلاغ اهله واحبته بالامر
هذه مرثية بالغالي (طالب اللويش) الله يرحمه كتبت بالمشاركة بيني وبين الشاعر عبدلله طليحان الرمالي
اتمنى ان تحوز على اعجابكم
الحمد للوالي على كل ماصار = محيي العباد الميتة من حفرها
المعتلي بأمره تصاريف الأقدار = أرزاق خلقه وحده اللي قدرها
وخلاف هذا يوم حلو الكرى طار = وعين ابوصالح زود سهره دمرها
وفوق السهر دمع انهمر عقب ماحار = مثل المزون اللي غزيرن مطرها
الهم حدن أنثرالدمع مدرار = وشبت معاليقي بحامي سعرها
يوم المصايب جت بلاعلم وانذار = عجزت مالي قدرة اقتدرها
وطعم الحزن ذقته بكاسات الأمرار = ومشكاي للقادر يسهل عسرها
(طالب) عقب فرقاه ضاقت بي الدار = وأظلم بعيني برها مع بحرها
العلم جاء صفعة بلا سابق إنذار = مثل السما لاغاب عنها قمرها
قالوا توفى مكرم الضيف والجار = اللي خويه زلّته مانشرها
ماشفت مثله في سديدين الأشوار = تفداه قومن رايها ماسترها
وتفداه ناسن مارعت حرمة الجار = هل الردى والحسد ربي حقرها
وتفداه ناسن ماهوت دوس الأخطار = يهوا الخطر ماقال هبت لخطرها
مرحوم ،كم له من معزة ومقدار = اللي نواة القلب حبه حفرها
مرحوم يا(طالب) عدد نبت الأشجار = وإعداد خلق الله بأرض وبحرها
رفيق دربي فايقن طيب الأقطار = وللدين في صدره ديارن عمرها
يشوم عن درب الرذيلة والأشرار = من روس قومن للثريا نظرها
فيك العزم والحزم مع قو وإصرار = جمعتها وأوصاف مقدر حصرها
يالله طلبتك وأنت للذنب غفار = يامحصين كل الخطايا تغفرها
جته المنية ضاحك ووجه أنوار = وسبابته منصوبةٍ ماحدرها
تشهد شهادة حق تنجي من النار = مالي إلهٍ كود منشي مطرها
يالله طلبتك تجعله بين الأبرار = ويسكن بفردوسك ويقطف ثمرها
يالله طلبتك لاتعرضه على النار = وجودك ولطفك كل خلقك غمرها
يالله تدله لاغدا البعض محتار = عند السؤال بوسط مظلم حفرها
بشهادته تنجيه من كل الأخطار = لاقيل من ربك؟ يمينه شهرها
ويالله حين الشمس تدنو للأبشار = إنك بظلك تحميه من سعرها
حيثه كريم اليد بإسرار وإجهار = قسم مكافاته مع أخو وسترها
قالواولاشيٍ نزل له عدا أصفار = أقسم عليه وقاسمه ماجهرها
قاسمه مابيديه ماعدالأخسار = يلقاه ولوينساه ربي ذكرها
ويالله مع اللي كنها بدور وأقمار = اللي صراطك يالعظيم تعبرها
للجنة الفيحا منازيل الأبرار = تجعله منهم يامسيرنهرها
ويالله منزاله مع خيارالأبرار = مع الرسول اللي المكارم حصرها
حيث إن خلقه بين الأنام ماصار = خلقه برزمثل النجوم وقمرها
مثله فقيده خص إليا الزمن جار = وفقده مصيبة روح روحي صهرها
والله فلاشافت عيوني والأبصار = من قارب لطيبه بأرض وبحرها
يشهد له الله منزل الغيث مدرار = ويشهد له اللي له مواقف سبرها
يالله ياغفار ياخير غفار = ياخالقن خلقك ومخلف صورها
تغفر لـ(طالب) كل ماهل مدرار = وماهب نسناس النسيم وعبرها
وتغفر لنا يامنبت عقب الإقفار = وتحسن ختام اللي حياته نذرها
في طاعتك يالله بإسرار وإجهار = مطيع لك وذنوب نفسه حذرها
هذا وصلوا عد ماطايرن طار = وإعداد أشجار الربيع وزهرها
على الرسول المصطفى سيد الأبرار = شفيعنا لامن ربك حشرها.