لعبه شعريه ؟ اللي وده يشارك يدخل ! [الأرشيف]

فيصل اللويش

22-06-2002, 18:01

اعضاء المضيف الشعبي

السلا م عليكم ورحمة الله وبركاته

فيه لعبه شعريه رائعه وشرايكم نلعبها

الشروط لمن يحب ان يلعب معنا

1- ان يكون البيت بنفس الوزن والقافيه0

2- ان يكون بيتاواحدا فقط0

3- ان يذكر به اسم من سبقه بالبيت اي يذكر اسم اللي حط قبله البيت في بيت الشعر الذي يريد ان يقوله ويكون البيت ردا على معني بيت من سبقه

4- ان يكون ل مشاركه فقط كل خمس ردود ليس له الحق ان يشارك الا بعد خمسة ردود تفصل بين رده الا ول والا خر

5- ان تكون الفكره فيها بعض السرياليه اي للفكاهه لها دور في نقد ماقبلك
بدون تجريح ويكون الرد مغلفا بالسرياليه

انا راح ابتدي هاالعبه 00000

ياسيدي عطني قلم 00 عطني اوراق = والله لا اكتب بك داوين واقراك

فيصل
اللويـــش

نافع بن طواله

22-06-2002, 18:51

فيصل لي الشرف أن أكون أول من يشارك معك هذه اللعبه التي تسهم بشكل فعّال بتطوير مستوى الشعر لدينا

قال فيصل اللويش

ياسيدي عطني قلم .. عطني أوراق=والله لا اكتب بك دواوين وأقراك

ياسيدي جاك القلم..جتك الاوراق=عطنا قصيدك ولاني اللي تحداك

قاسي
الباس

وأتمنى أن أكون أتقنت اللعبه وفهمت قواعدها

مبروك بن ماضي

22-06-2002, 20:46

صحيح (قاسي باس ) بس لك انا أشتـاق = ويمكن الي منا تصارعنا ( أقـواك)

:D

مع تحياتي واحترامي لأخي العزيز ولكم جميعا

ســاير الرماحي

22-06-2002, 20:54

.

اخواني الافاضل

اخي فيصل..

السلام عليكم ورحمة الله وبركاتة..

لكم كل الشكر على هالمواضيع المتميزة والرائعة..

وحبيت اشارك بس شرط اخي فيصل الثالث مافهمته زين..

وانا هنا تدللت بقاسي الباس اللي رد قبلي واتمنى انهم يصيب واصيب معه..واعذروني ان لم اصب..

واتمنى ان يعجبكم بيتي...اقول:

.

ياما حكى حبر القلم جرح الافراق=وياما نطق بلسان قلبٍ تمناك

ســـاير
الرمـــــاحي,,

ولكم خالص تحياتي..

أخوكم..

[/COLOR]

<img alt src="images/next.gif" border="0" width="6" height="9"<img alt src="images/next.gif" border="0" width="6" height="9"<img alt src="images/next.gif"border="0" width="6" height="9"><img alt src="images/next.gif" border="0" width="6" height="9"<img alt src="images/next.gif" border="0" width="6" height="9"<img alt src="images/next.gif" border="0" width="6" height="9">

فواز

22-06-2002, 20:56

متروك بن ماضي حرق دمه احراق *** في بيت شعر به دواكيك واشواك

فيصل اللويش

22-06-2002, 21:27

الشرط الثالث انك لا زم تذكر اسم من سبقك بالبيت الذي تريد ان تكتبه يعني مثل ماسوى مبروك وفواز

اللي طاف طاف لكن يجب التقيد من هنا وطالع

وسوف تلغي اي مشاركه ناقصه الشروط

فيصل اللويش

سويلم الشمري

22-06-2002, 22:31

فواز خللك في تصاميم الاوراق ***** لو هو دري مبروك خطر يتعشاك

ضحوي الاسلمي

22-06-2002, 22:32

مساكم الله بالخير ياغاليييييييييين

هذا ردي على فواز

فواز ياغالي ترا القلب ماطاق=ومبروك بن ماضي تحداك وانباك

ابو عذاري

مغليكم
ابو عذاري

فيصل اللويش

22-06-2002, 22:41

فواز راح ملح ثلا ثه اللي ردوا عليه لكن انا ابي ارد على اخر واحد

الظاهر كلن يبي يمسك بشوشة واحد

ز

يابو عذاري جيب قدرين واطباق = نبي نتعشى الربع وانت نتغداك
:D :D :D :D

مبروك بن ماضي

22-06-2002, 23:17

[COLOR=orange]

بـهـديك يافـيـصـل تـحـيـه من أعماق == قلبي . مع التقـدير لك. واطلب رضـاك

ملاحظة : بعد اذن أخي فيصل (صاحب الفكره )

أخـواني : ما أدري إن كان تـوافقونني عـلى عـدم تكرار أي كلمه ورت في

قافية الصـدر أو العجز . وعندما نصـل الي قناعة بعدم استطاعـتـنـا الحصول على كلمات (جديده ) نطلب أبو طلال بأمتاعـنـا ببيت آخـر .

تقبلوا تحـياتي

أخوكم / بن ماضي [/CLOR]

عطارد

22-06-2002, 23:19

مساكم الله بالخير

فيصل سمانا ديمة ( ن ) وانت براق

تسلم لنا وش حالة الربع لولاك

عطارد

22-06-2002, 23:27

الاخ مبروك بن ماضي المحترم

مساك الله بالخير

الظاهر ان البواريد ثارن جميع ولكن خذ الرد طالما انك سبقتن على فيصل

مبروك بن ماضي سبقتن بالاطلاق

وهذي رصاصة حب خذها بعلباك

أخوك المحب / عطارد

ســاير الرماحي

23-06-2002, 02:29

أبشر يافيصل..لاتزعل..

......

هذا عطارد للرصاصات مطلاق=لكن تراها كلها حب ينصاك

...

سنجار

23-06-2002, 02:30

[gl][shdw][c]
السلام عليكم ورحمه الله وبركاته

رمى عطارد وابتدى خلط الاوراق

تكفى رصاصة حب خلها بمخباك

سنجار....القدس خيارنا الاستراتيجي.

فيصل اللويش

23-06-2002, 03:58

شلفاك ياسنجار سمٍ للا رياق = اضرب مادام اني حزامك وشلفاك

العنوود

23-06-2002, 04:40

انا اول بنت تشارك

يمكن ممنوع بس ماقريت بالشروط ان هاالعبه خاصه بالرجاجيل بس

اشوفها حربٍ وقامت على ساق = فيصل بداها بقافية أقٍ وأك

ضحوي الاسلمي

23-06-2002, 07:46

ردا على الغاليه

....
الحرب ولع والخفايا بالأعماق=ياغاليه شدي ترا القلب يفداك

ابو عذاري

مغليك

ابو عذاري

العذب

23-06-2002, 08:52

يا بو عذاري بيت قلبك بلا رواق *** والبيت لا روِّق تجي فيه الابراك

وعلى المحبة ,,,

طارق

23-06-2002, 09:02

يابو عذاري هج طروق لك فاق ......... فيصل ورى الخفجي تراه يتحراك

( مع العذ ر للاساتذه ابو عذارى وفيصل )

نافع بن طواله

23-06-2002, 11:37

الصراحه هالرد لضمان حق العذب ولتنبيه الاخ طارق بآخر شخص

يا طارق لا تعدّي ترى العذب سبّاق = حقّه على اللي يضمن الحق شرواك

قاسي
الباس

مبروك بن ماضي

23-06-2002, 12:08

إلشـوفـتـك (ياقاسي الباس) تـواق == من أجل نـستـمـتع بحـرفـك ومعـنـاك

وعلى الود .. نلتقي.

بن ماضي

حامد

23-06-2002, 12:16

يا قاسي بعض الحقوق تاصل بالابراق....وبعضها ولو تشتكي تبلش بشكواك

ســاير الرماحي

23-06-2002, 12:39

.
خوذوا.........

[
حامد ترى حقوقك لك اليوم تنساق=معها سلامٍ ياصلك ويتعداك
..
سائر
الرماحي,,

سنجار

23-06-2002, 13:32

[gl][shdw][c][B][SIZE=4][FONT=arial]
قاف نشى وانتشى حب وعناق

ماشفت ياساير زول خلن تعداك

سنجار ....القدس خيارنا الاستراتيجي.

فيصل اللويش

23-06-2002, 13:42

سنجار ابي خدك00 ابي اصفقه طراق = ودي تصحصح يابعد حي000 وش جاك

:D :D :D :D :D :D :D :D :D :D

تهقون سنجار عصب|512| |512| |512|

سنجار

23-06-2002, 17:08

[gl][shdw][c][SIZE=4][FONT=arial]
سمي السيف لك القاف ينساق

يجيك مطيعن ولا عسفته بيمناك
:D :D :D

سنجار القدس خيارنا الاستراتيجي.

نافع بن طواله

23-06-2002, 17:22

وبعدين ياسنجار نرجوا التقيد بالقواعد والقوانين

سنجار من سلمى مراسيل وأشواق=وأجا يسامر وجهها وبالها هناك
قاسي
الباس

مبروك بن ماضي

23-06-2002, 19:59

حظي معك دايم على طول ينسـاق == ولي الشـرف يا قاسي الباس ألقاك

هذة المره الثالثه التي تجمعني الصدفه فيها مع الأخ العزيز قاسي البأس

فرصه طيبه يالغالي .

شكلك تتحداني بعد ماقريت ردي أمس ولاّ وش يجيبك على طريقي .

أخوك/ بن ماضي
:D :D :D

ســاير الرماحي

23-06-2002, 20:43

.....
مبروك ابن ماضي للابيات سبّاق=مبروك لعبتنا ماتصلح بلياك
...

ســـــــــــــــــــاير الرمــــــــــــــــاحي,,,

الشقاوي

23-06-2002, 23:23

شقا شقا

شقاوي

والله انكم حليلين يابعدي

فيصل لاتحذ تسلامي هذا لاني معجب بكم

شقا شقا

شقاوي يادنيا البلاوي

العنوود

23-06-2002, 23:29

ساير تلا حقنا لفى البيت بواق = طخه وانا اختك جعلني من فداياك

:D :D :D طخه بالباروده

<<------ تموت بالمسلسلا ت الا ردنيه البدويه:) :o

فيصل اللويش

23-06-2002, 23:44

يالغاليه ساير يقول انه انباق = بارودته 00 ويفرك ضروسه بمسواك

ترى ساير نصاب خايف لا يجي يطخه البواق:D :D :D

من زين ضروس ساير عاد:D :D :D

الداعيه / براك الفريسي الجربا

23-06-2002, 23:50

[
فيصل ليامن صار به طاق طرباق = انا معك بس اندهن قول براك

مبروك بن ماضي

24-06-2002, 00:07

حبيت أشارك كل ماخـاطري ضـاق == المشكله قبلي خـذا الحجز بـراك

على الود نلتقي

بن ماضي

الداعيه / براك الفريسي الجربا

24-06-2002, 00:30

...........
مبروك بن ماضي لفا اليوم مشتاق =
الله من شر الصواديف ياقاك

فيصل اللويش

24-06-2002, 00:41

براك انت الظاهر ماقريت الشروط

امحق مراقب

ههههههههههههههههههه

مايحق لك الرد الا بعد خمس ردود من عقب ردك

فيصل اللويش

حامد

24-06-2002, 09:20

براك راع الشروط ولا تنهي الوصل بافراق...وتحر ردود غيرك مثل ما غيرك يتحراك

ســاير الرماحي

24-06-2002, 13:13

.......
حامد ترى الدنيا كذا دهرها شاق=فل الحجاج وخلّ عنّك حكاياك
......

اهداء الى حامد..

وهذي ثاني مرة ارد بعده..يالمحاسن الصدف:)

سائر الرماحي..........

العذب

24-06-2002, 15:57

ساير سرى في عتمة الليل باشراق *** يشرب حليب النوق ويلاعب الراك

وعلى المحبة ,,,

مبروك بن ماضي

24-06-2002, 20:17

للعذب حـرف الشعر يخضع وينسـاق= صح اللسـان وسلم الله يمناك

على الود .. أنتظر الرد

بن ماضي

فيصل اللويش

24-06-2002, 20:35

تسلم يمينك دام معك الشعر راق = مبروك دايم بالشديدات نلقاك

الاديب

24-06-2002, 21:57

بسم الله الرحمن الرحيم
ماشاء الله تبارك الله
انقطعت عنكم وقت بسبب ظروف شخصيه وها انا عدت ووجدتكم افضل مما كنت اتوقع

واقبلوا البيت هذا في بداية عودتي

يابوطلال القرم ياواف الاخلاق @@@@@ خل الربع يالذيب وشفيك وشجاك

الاديب

الداعيه / براك الفريسي الجربا

25-06-2002, 01:28

هذا الأديب اللى بالأمثال سباق =

يالغالي لاتطرف عيونك بيمناك

الشاعره

25-06-2002, 02:53

هذاالقصيد اللي له القلب ينساق......شاق لي هذا التناغم مع سجع بيت براك

مساءكم اريحي....... _الشاعره

حامد

25-06-2002, 08:54

كل القصيد يالشاعره لك ذواق...لعنبوا فن القصيد ليا حل طرياك

مبروك بن ماضي

25-06-2002, 12:04

فيصل بنفصل قافي القاف بالميم == والرأي رايك أنت ياطيـب السـاس

ياصـاحب الفكره نبي منك تعميم == من أجل نتواصـل مع بـاقي الناس

أخي الغالي واستاذي الشاعر / فيصل اللويش

بعد إذن شخصكم الكريم .. نرجو التكرم بتزويدنا ببيت جديد لحتى يتسنى لنا المشاركه .. حيث اني أرى ان قافية صـدر وعجز هذا البيت قد تكررت أكثر من مـره .. مع ملاحظة ماذكرته الأخت ( الغاليه ) أن هناك ابيات كثيره غير موزونه.

لك زيل الشكر والله لايهينك

تحياتي واحترامي لشخصكم الكريم كماهي لجميع الأخوه

أخوك / بن ماضي

فيصل اللويش

25-06-2002, 17:30

ممكــــــــــــــــــن تسمعوني ؟؟؟؟؟ :mad: :mad: :mad: :mad: :mad: :mad:

اي مشاركه ناقصة الوزن او مكرره راح الغيها

وبعدين توجيه بسيط جدا للا خت الغاليه

صحيح ان بعض الا بيات مكسوره

لكن ترى بيتك الا خير وزنه مختلف تماما عن الوزن المطلوب

وتأكدي منه :D :D

راح نبتدي قاف جديد

واللي يحب يستمر معانا شرط يتقيد بجميع الشروط

وراح اراقبكم واراقب اي بيت |512| |512| |512|

مبروك هات الطار والسامريه = هات البيوت اللي لها يطرب الكيف

العنوود

25-06-2002, 17:47

اي والله يابو طلال

اثريني مطفيه الليت واشره على الناس

ماشاء الله عليك عيني عليك بارده

|510|

ومادام تغير البيت

خذ الرد
خفف على بشويش ترني بنيه = فيصل ترى نقدك مثل مرهف السيف
n

مبروك بن ماضي

25-06-2002, 20:04

أحييك يـافـيـصـل بأطـيب تحيه == يالشمـري يامكرم الجار والضيف

تحياتي وتقديري

أخوك / بن ماضي

الداعيه / براك الفريسي الجربا

27-06-2002, 01:15

مبروك انا من ناس شفت الأ ذ ية

......................................وش هقوت اللى عقبنا بالملاقيف

أبو فيصل

27-06-2002, 04:31

للأخوان الآسم صعب ويتعض عنة ( فهد)
وطيت يابراك بالرمل حيه = والحقتها ياخوك في وطية الحيف

ســاير الرماحي

27-06-2002, 12:19

..............
جانا فهد ممشاه ميه وميه =ميتين طاير..فاتنا!وصلّ طريف!!
..............

تحياتي .........زز

فيصل اللويش

27-06-2002, 13:45

الرمل له مليون طيه وطيه = ساير كفانا الله شر الصواديف

الداعيه / براك الفريسي الجربا

27-06-2002, 14:17

ابو طلال اللى ينومس وتيه=
اللى يعزك بالليال المهاديف

العنوود

27-06-2002, 14:30

براك خفف لون الا زرق شويه = اعميتناونتفت هاالعين تنتيف

:cool: :cool: :cool:

لبست نظارات شمسيه

ذبحني لون براك هالازرق

:D :D :D

الشقاوي

27-06-2002, 20:18

شقا شقا

شقاوي

يادنيا البلاوي

تدرون اني صرت شويعر:D :D

بس الله يستر من فيصل:rolleyes: :rolleyes:

يالغاليه هذي حروفٍ نقيّه = في حدّها مثل السيوف المراهيف

يالله اه يجمل|510| |510|

شقا شقا

شقاوي

يادنيا البلاوي

ســاير الرماحي

28-06-2002, 16:24

خلف الربع..

تقبل مني هالبيت يالخال...

................

...........
حي بخلف نسل الفهود الضرية=خالي خلف ماصار مثله ولا شيف

..................

تقبل تحياتي يالخال...

بناخك........ساير

فيصل اللويش

28-06-2002, 17:57

سايربقلبي الف جرحٍ وكيه = ياخوك انا مليت هاالبحر والسيف

الداعيه / براك الفريسي الجربا

28-06-2002, 19:11

فيصل ذبحك الشوق أركب مطية=
شد الرحايل يم ربعك هلا الضيف

اهلاً بكم في حائل

فواز

28-06-2002, 19:20

إن كان فيصل ملّ فأ نا خويه *** خبري بعكفان الشوارب لهم كيف

وعلى دروب الخير نلتقي ,,,

العذب

28-06-2002, 19:29

دايم مستعجل يا فواز الله يهديك ..

معليش .. راح عليك فيصل

لكن ... استلم

فواز وش لك بالقصيد وكنيه *** خلك بعيد .. وزبدة الهرج بالريف

وعلىالمحبة ,,,

الداعيه / براك الفريسي الجربا

28-06-2002, 19:29

فواز طفى النور وش هالبليه =
الظاهر انه من ربوع التصانيف

الداعيه / براك الفريسي الجربا

28-06-2002, 19:33

شكله حادث مروري

سويلم الشمري

28-06-2002, 21:43

براك خل العذب يعطي وصية

العاني اللي ينحشم حشمة الضيف

مبروك بن ماضي

28-06-2002, 22:56

يـامــرحـبـاً بـك ألـف يالله حٍـيـّه ::::: أقـلـط أباقـهـويك يا سويلم ( الكيف)
حيث الخوي يفرح بشوفت خويه ::::: وش عاد لي من جـاه يالشمري ضيف

هذي فيها .. كرؤت أحمر من فيصل

تحياتي

بن ماضي

العنوود

28-06-2002, 23:15

بيتين يامبروك واوك قويه = عمري ياواوي خايف اليوم وضعيف

الواو = الواسطه:D :D

فيصل اللويش

28-06-2002, 23:27

مبروك بن ماضي الموت رميا بالرصاص بيتين يابو واو مثل ماقالت الغاليه منهو واواوك قتل رميا بالرصاص انت وواوك |112| |112| |112| |112| |112| |112| |112| |112| |112| |112| |112| |112|

يالغاليه والله حرام وخطيه = مبرو برصاصه ذبحناه ياحيف

:D :D :D خل ينفعه واوه

|512| |512| المراقبه مستمره

المشرف العام

29-06-2002, 01:03

مبروك كان بُهْ رمي فانا خويّه = التّرْسْ صدري ويمناي لك سيف

الترس = الدرع :)

وما أقول إلا .. الله يخااااااااااااارجنا .. :)

تروها مشاركه اولى ...:) لا تشرشحونا:p

فيصل اللويش

29-06-2002, 02:06

|83| تلعب كارتيه ابو سلطان

|47| اول شي اقص فروة راسك مثل الهنود الحمر

|21| شرايك نخليها مصارعه

:D :D :D :D :D

مشاركه جيده

|512| |512| لا زلت اراقب

مبروك بن ماضي

29-06-2002, 12:06

فيصـل حكم بإعـدام نـفـسٍ بـريـّـه

::::::::::::::::::::: وأطـلبك (يالمـشـرف ) نبي مـنـه تـخـفـيـف

تحياتي

بن ماضي

سويلم الشمري

29-06-2002, 13:25

مبروك ما للواسطة مقدرية

يا صار مارجللك تنول المشاريف

كان الدعاوي ما خذينة حمية

انا بعد مطرود مثللك على السيف
دام العراوي راس مال وهدية

اركب معي نكفخ على ديرة طريف

الداعيه / براك الفريسي الجربا

29-06-2002, 13:30

ما حد معه ياناس حاجه قوية=
نضرب بها سويلم وفيصل مع خليف

فيصل اللويش

29-06-2002, 13:54

براك وين السيف وين المطيه = اشوفها حربٍ وصابونٍ وليف

يالله بنا للحرب وين الحميه = براك وسويلم ومبروك ومنيف

والغاليه ووضحي وترفه وسنيه = وفواز والعذب وولد جارنا شنيف

والله ثم والله حلفٍ بنيه = لا اركب بكم بحرٍ بليا مجاديف
r

شرايكم نغير القاف |512| |512|