نديم المجره
16-08-2008, 11:00
وقف00 قبل لاينجلي أسود اللـيل = ودي أمــتـع ناظــري بالـمـجــــره
وانص الرفاع وخلنا ندور اسهيل = دام الـجدي واضح ولا عـنه غــره
وكان الثريا حدرت غرب بالحيــل = نـجـم الصبح يم المشارق تحـــــره
يازينها نجوم الغدارى قناديـــــــل = كن الـكـواكـب في دجى الـليـل دره
شَوف النجوم يعـلل القـلب تعـليـل = يبعـد عـن الـقـلب الحـزين المضره
وقف ترى ياصاحبي مابنا حيــــل = في وقـفـتـك ياصاحـبي لي مـبـــره
دام الليالي مـقـفـيـات ومـقـابـيـــل= الـجـمـر كـلٍ يـم قـرصـه يـجــــــره
لاتبحـث الخافي وخـل التـفاصيــل = ترى بـَعَـضْـهـا يـلـهـد الـكـبـد حِـره
أقـولها وانا أتـقـطـع مـن الـويـــل = واحـس كـن بداخـل الحـلـق مــــره
جـرتـني الدنيا مثل جارف السيــل = لغـصـون سـدرٍ جـرها في مـمـــره
ماهـمني كثر الغـثا والـغـرابـيـــــل= دام الـسـتـر والـعـافــيـه مسـتـمـره
وان شفـت رجالٍ يسب الرجاجيـل = تلـقى ضميره تقـل صـوان حَـــــره
اتـرك كـلام الناس والقال والقـيـل = واغنم صلاة الفجـر فيها الـمســره
ياشـيب عـيني كان بيَن بنا الـميـل = نـصير لعـيـون الشـمامـيـت قــــره
احمد بن عبدالرحمن العريفي
(نديم المجره)
وانص الرفاع وخلنا ندور اسهيل = دام الـجدي واضح ولا عـنه غــره
وكان الثريا حدرت غرب بالحيــل = نـجـم الصبح يم المشارق تحـــــره
يازينها نجوم الغدارى قناديـــــــل = كن الـكـواكـب في دجى الـليـل دره
شَوف النجوم يعـلل القـلب تعـليـل = يبعـد عـن الـقـلب الحـزين المضره
وقف ترى ياصاحبي مابنا حيــــل = في وقـفـتـك ياصاحـبي لي مـبـــره
دام الليالي مـقـفـيـات ومـقـابـيـــل= الـجـمـر كـلٍ يـم قـرصـه يـجــــــره
لاتبحـث الخافي وخـل التـفاصيــل = ترى بـَعَـضْـهـا يـلـهـد الـكـبـد حِـره
أقـولها وانا أتـقـطـع مـن الـويـــل = واحـس كـن بداخـل الحـلـق مــــره
جـرتـني الدنيا مثل جارف السيــل = لغـصـون سـدرٍ جـرها في مـمـــره
ماهـمني كثر الغـثا والـغـرابـيـــــل= دام الـسـتـر والـعـافــيـه مسـتـمـره
وان شفـت رجالٍ يسب الرجاجيـل = تلـقى ضميره تقـل صـوان حَـــــره
اتـرك كـلام الناس والقال والقـيـل = واغنم صلاة الفجـر فيها الـمســره
ياشـيب عـيني كان بيَن بنا الـميـل = نـصير لعـيـون الشـمامـيـت قــــره
احمد بن عبدالرحمن العريفي
(نديم المجره)