توبة الانسان من عقب الكفر..........لاصدق لله سياته تذوب؟؟؟؟

[الاعصار]

السلام عليكم ورحمة الله وبركاته

..............



توبـة الانسان من عـقب الكفر..........لاصــــدق لله ســيــاتـه تـــذوب
وش ذنـوبٍ فيها للسـيَه طــهر..........لاأنـا غلــطـان ولانـي بالكـذوب
من زعيم الحق جاء حله يسر..........مايشوب الحـكم عسر مايشوب


...............

مع التحية والتقدير لكافة الزملاء

[راعي البيرق]

صح لسانك والله يابوماجد
لغز جزل من واحدٍ تعودنا منه الجزل .. والمليان ..
عندي رمعه طال عمرك .. وشرايك .. بمشية التبختر ..
فالله يكرهها إلا بين الصفين في المعركة ..
..

[الاعصار]

صح بدنك اخوي راعي البيرق والجزاله بكلماتك الطيبه
والرمعه مالك لوى يالغلا
تحيتي لك وتقديري

[راعي البيرق]

صح لسانك يابو ماجد ..
والله لغز مليان .. وكذا تكون الألغاز .. وإلا فلا ..
مبنية على معلومة صحيحة .. ومحبوك المداخل والمخارج ..
والباب مفتوح للي يهديه الله عليه ..
يعطيك العافيه .. والأن .. فقط الأن .. مطفي عن اللغز ..
وبإنتظار جديدك الجميل .. وعسى ما يسبقنا عليه أحد ..
مثل هالمره .. :)
ــــــــــــــــــــــــــــــــــــــــ ــــــــــــــــــ
أصبحت المنافسه بين المنتديات على حل ألغازك يابو ماجد :)
هذا والله من طيبك .. وتميزك .. وتستاهل ..

[الاعصار]

اخوي راعي البيرق
الف شكر لكلمات التشجيع
وجزاك الله خير على نبل اخلاقك وامانتك
وانت من الناس القلائل الذين يشيدون باللغز سواء تمكن هو من حله او غيره
ومع الاسف تعودنا من بعض الزملاء ان لم يقم هو بحل اللغز يقوم بإنتقاص اللغز
تقبل تحيتي وتقديري