هذا ماجعلني الانضمام اليكم

[ماجد الزهراني]

بسم الله الرحمن الرحيم

بينما جالس افر في النت ادور منتدى اشترك فيه ( الاخ مسكين كل مالقى منتدى مايصلح له بالعربي ماحد يبيه خخخخخ)
اذا بصفحة تفتح بوجهي وتقول اهلا وسهلا بك في منتدى ............. عزيزي الغير مسجل نرجو منك التسجيل والمشاركة فانبهرت من هذا النت موقع يعزمني خخخخخخ
فكعادتي ملقوف تفضلت لديهم وقهووني خخخ وجلسنا انا والفارة والكيبورد نكتب المعلومات الي بتخليني اسجل معاهم وكتبت اسمي والباسوورد ودخلت في عالم المنتديات <<<<<< قروي اول مره يخش المنتدياات خخخخ

قلت خلني اسوي لنفسي ترحيب وسويت الا بالبنات والرجال جالسين يرحبوا فيني ( ماصدقوا احد جاهم من قلتهم ) وقلت والله حلو هذي اولها ترحيب وفله واشتركت لمدة تزيد عن شهرين وماكنت اخش الا العام
قلت خلني افر بالموقع يمكن احصل شيء غير العام ودخلت قسم الله لايوريكم قسم تقول اني جالس في منتدى دعارة مقاطع دعارة صور دعارة المهم تفرجت وانبسطت خخخخخخخخ
وبعدها قلت ابروح لراعي الموقع - هو معاي بالماسنجر - واعرض له ان هذي تخرب سمعة المنتدى وان هذا حرام ومن هذا القبيل
طبعا الموقع اكثرهم من اهل جده - اخوكم يبي يفلها يبي يتعرف على المزمار وسروال طيحني يابابا وسامحني يابابا - خخخخخ
طبعا كلمته بالماسنجر وقلت يافلان هذي ماتصلح هذي تخرب منتداك الا يرد علي بلهجتهم يابويه ايش دخلك انت هذا منتدانا وانا كمان ماراح اخسر ناس علشانك - خخخخخخ صوته يخوف تقول وحش

قلت ابنزل موضوع عن هذا الموضوع اللي قاعد يصير بمنتداهم
كتبت موضوع وجاتني ردود الله لايوريكم من اشخاص زيهم زي راعي الموقع وصخين يتكلموا علي ويسبوني - الاخوان يحسبوني زيهم من طرش البحر مايعرفو اني زهراني اصلي خخخخخخخ -
رديت عليهم باحترام
الا الاخوان مصرين على المهاوشه
قلت مالي الا اخوي شبيثان يجي يساعدني
اخونا في الله شبيثان جا بالسكين والمسدس يبي يهاوشهم - قلت ياخو تعوذ من الشيطان ترى المضاربه بالنت مو بالايادي خخخخخ
قال ابو ماجد ازهله
والله ونروح لهم في منتداهم الوسخ ونسبهم ونمسكهم انا وشبيثان ونوريهم شغلهم - ترانا انا وشبيثان نلعب كراتين خخخخ- والله واهدي من ابو ماجد ونطلع
وكل مابغينا نسوي مشاكل نروح للموقع نفسه ونسبب قروشه

وكمان <<<<< اخوك تعود من منتداهم على هذي الكلمة من كثر ماخاواهم خخخ


وعلى كذا جاني ابو ماجد وقال ياخوي سيبهم - ابو ماجد طلع زيي من كثر ماخاوينا اهل جده صرنا نتكلم بلهجتهم -
وتعال عندنا بالمضايف ونروح نفلها بالفله
قلت ابشر يابو ماجد
وعلى كذا جيتكم يااهل الشمال محب فيكم ورغبان في صداقتكم

اخوكم
صبي زهران
ماجد الزهراني

[أبوطروق]

نمبر ون

وراجعلك يابوزهرة

:

[ماجد الزهراني]

اخوي ابو طروق مشكور على مرورك

اخوك
صبي زهران

[احمد الهاجرى]

يامرحبا الف يابو زهره:hala1:

الله يحيك في مضايف الجميع

ونصيحتي لك انك تبتعد عن شبيثان ولا جاب لك العيد

تحياتي

[أبوطروق]

وينهم يابوزهرة وينهم

أنت بس عطن الرابط حقهم وازهلهم<<< هو يحتاج بروكسي؟


حياك الله ياصبي زهران بيننا في فلة حجاج حيث الفائدة والمتعة والفرفشة بكل إحترام وود


ننتظر منك المزيد بالفلة وأرجو لقلمك الإستمرار معنا

ودمت مستانس وبفلة حجاج

:

[سمااا]

حياك الله و بياك .. هونا.. عندنا .. بذاتا .. /
وإن شاء الله .. راح تنبسط كتير أوي مرتن بالحيل ...!!
::
أهلا" بك حيث الفائده بنكهة الفله << حشا عصير ...
::
وو دام الموضوع .. فيه طاري الشبث .. فأكيد بتضبط ...!!
دمت ياخوي فالها و مفللها ...!!
::


سمااا

[ماجد الزهراني]

مشكورين على المرور
انتظروني بالفله <<<< اخوكم راح يجتمع مع شبيثان ويسوون الهوايل خخخخخخخخ

اخوكم
صبي زهران

[سبع البوادي]

الله يحييك ياماجد

[فتى البيداء]

حياك الله أخونا ماجد حللت أهلا ووطئت سهلا .

ابوماجد العمدة معودنا ما يجيب ألا السمينة ، ومثلك ولد حمايل ما يدور ألا الطيب .

وهواشك لطراش البحر يدل على غيرتك على أعراض المسلمين من القشاش .

الله يحييك مرة ثانية . فأهلاً وسهلا .

[حمـود]

اهلا وسهلا

بولد زهران

شف الفله المضيف الثاني بعد الرياضه

بس ميزت الفله ان القلوب صافيه

تشمت وحالتك حاله وتحاول تزعل

ولا يزعل


والرياضي كمان القلوب صافيه بين مشجعي الانديه ولافيه

تعصب حتى الزعل يعني تعصب بمحبه للاخرين

دمت بخير

[شنقل]

تسان (كان) زاهمن (داقن) علي
اجي احرمدهم (احوسهم)
ابوزهره
حياك الله بلفله
خلك حولي اعطيك من الكورساي (كورسات)
ونمذرح (المذرحه هي الفرفره بدون هدف)

دمت عشيرا (صديقا) لي
اللي بين الاقواس ترجمي

[ماجد الزهراني]

يسلموو اخوي شنقل
احس اني بديت اتعلم
شنقل اخوك وده بدوره عندك
وابشر اعطيك لهجة زهرانية

اخوك صبي زهران

[ريال الفسحه]

ماجد

اولا

حياك الله بمضيف فلّة الحجاج خصوصا وبالمضايف
عموما وياهلابك وبالي جابك :)

ثانيا

ارسل لي الرابط حق الموقع عشان انصحهم:055r:


ثالثا

بالله تعرف الشبث ؟ :puzzled:

مالقيت الا هالمقرود اجل بك قراده ؟ هههههههه
القراده = سوء الحظ وسرع الوقوع بالمشاكل :d:



رابعا

هنا اخوانك بالفله البساط احمدي يعني خذ راحتك
وترانا من كثر الميانه نجلس بسروال وفنيله ههههههه :thumb:


اخيرا


الله يعطي العافيه الشبث الي جاب لنا ولد زهران حياك الله
و اكبر شرف هو تواجدك بيننا ..







بس مبيّن عليك فلّه من اولها :)

[عجايب بنت الشايب]

أررررررررررررررررحب

مانقول الا ارررررررررررحب

[سيدة القـــــلم]

آهْلاً وَسَهْلاً rooose2

حِيّاكَ الله وبيّاك أخِيْ " مَاْجِد "

تَتَشَرّف المَضَاْئِف بِـ " إنْضِمَامك " إلِيْهَاْ


وكُلّ الشُكر للأخ أبو مَاجد
وَيَسلم راس من دلـّــلك عَلِيْنَاْ :xsmile:



كُنْ بِخِيرْ


.


.



.

[يـــوسف]

ياصبر الأرض بس على بعضهم هههههههههههههههههههههههه














ابوووووووووووووووووووووووزهره لو ماترسل لي رابط الموقع خلال 24 ساعة إعتبر معك مخالفة ياخي لازم نشوف وش سالفتهم اعوذ بالله مايستحون هذولا ارسل الرابط نبي نهجم :)






أبو زهره انصحك تكثر من الجلسة مع الشبث بالدوام وحاول تخلي بينكم اربعه متر لأن السبث توقع يصيرله اي شي مثلا تطيح عليه بيانو من فوق زي افلام كرتون ولاتوقع ينهدم المبنى بس ماينهدم الا فوق المكان اللي جالس به الشبث ..






وبالنسبة للهجه حاول تتعلم بس لاتخلط بين القصيمي والشمري نبلش بك بعدين :)












توسد إحترامي

[ريتاج]

حللت اهلا وطئت سهلا<< اللغه محطمته تحطيييم:315r:

[ماجد الزهراني]

كلكم يابعد حيي - كلمة شمرية - على راسي والله
ويسلموا من اولكم الى اخركم يكفيني الترحيب اللي جاني منكم يدل على انكم اناس محترمين مو زي طرش البحر اللي نفسه راس خشمه

اخوكم صبي زهران
ماجد الزهراني

[غالب]

ياهلااااااااا والله بالزهراني ادخل ولا تطلع من هنا ههههههههه :)