يـــوسف
09-08-2008, 23:02
السلام علاكم ...
يالله يالله ...
الله لايمسيكم إلا بكل خار ولا يصبحكم إلأ بزيه :)
مبطي ماكتبت شي تحملو أبي أمسككم خطوط
المهم مرتن من المرات وأنا أقوم قبل صلاة الفجر وأروح أذن بالمسجد مسوي حركات وغدان أركض علشان مايجي المطوع ويأذن ابسبقوه لي غبره وحافي والشماغ طاير ورا بس حاطن يدي على جبهتي مثبته :)
وأزعج الصوت وأنا أجمع المسلمين وأقيم الصلاة والأمام تأخر بيني وبينكم أنا أستعجلت ابي اصلي بهم :)
وأنا أكبر على طول وأصلي بهم هم شايبين وأربع وغدان تدرج سعابيلهم قايمين غصب :315r:
طبعاّ أهلي سحبت عليهم خامس ماقومت أحد مستعجل :)
والمسجد بانينه حنا أمون يعني هههههههههههههههههههههههههههههههه
المهم ماأمداني أقول آمين إلا اللي ردو وراي اقل شي 15 رجل وأنا أسكت أنطرمت من الارتباك ..
وهو يقول واحد سبحان الله قلت الله وأكبر هههههههههههههههههههههههههههه
المهم صليت بهم اشوا وانا انحاش على طول ماتسننت ولا راعيت لهم قمت وركض :)
وأشغل الددسن ويالله تشتغل ربيع وشتاء والموديل 85 مابه حيل ..
من درجة مالجو بارد لو تكح ويطير شي تشوفه قدامك يثلج :)
المهم وأحمل عفشي <_ من كثره كله فراش بدون غطاء ومخده :)
وأمر فلان ألقىا بابهم مسكر وأطب من فوق الجدار وألقىا أمه بوجهي وهي تركض له صياح وأنا هجمت عليه بالمجلس وأتل شوشته تل يما قام قتل الوعد راس الشارع :)
ومالكم بالطويلة تجمعنا كلنا الساعة 8 الصبح ..
ومعنا لنا واحد غثيث اذا جاع والله ياناس وجهه يقلب حمر ويون شوي ويصيح ...وهي تمسك معه غلط إلا ياكل لحم مقلقل وحنا نبي نسمك الخط وهو يصطره واحد من العيال نتفه قصير وهم يتضاربون وأنا اتل الددسن بنمره ولايردن الا الطريق العام ...
وأنا لابسن ثوب نوم شتوي وشماغ منقرش وداق اللطمه طالع تقل طير :)
واللي جنبي طاقن النظارات الشمسيه والجو يالله نشوفه وضباب ويدخن وكل شوي يغير شريط جاب لي الصمرقع ..
والعيال اللي ورانا معهم جيب طبعاّ جيب أبو خوينا سارقه الولد ههههههههههههههههههه
ووصلنا المحطة اللي ننزل من عنده للبر ...وزحمة المحطه ربيع ومخيمات وعلى كيف كيفكم ..
وقفنا نبي نريح ويوم جينا نبي نمشي وحنا نفقد واحد مسمينه رامي عياش <_ غصب طيب قولو اني حلو وش نسوي بوه :)
ونرجع للمحطة وزحمة والله اذا هم قليل اللي فيها 500 أدمي لحم يمشي هههههههههههه
ونوقف السيارات بعيد والوعد بعد نص عند السيارات وندور ونفر ولانلقاه وهي تضيق بي الوسيعة انغثيت وأنقز فوق لي تريله اتشوفه وأشوفه بوسط البسطات يغازل ملعون الخامس :148r:
وأصيح وأوصف للعيال يما لقوه وحنا نركبه بالحوض عيت أركبه معي ...
مالكم بالطويلة وصلنا محلنا اللي اعجبنا عقب اربع ساعات من الدجه كلن مسوي راعي بر هههههههههههههههههههه
يوم نزلنا عفشنا ونبي نبني الخيمه ..
طلعنا ناسين العمدان :wallah_hoo:
ولاندري وش نسوي منهد حيلنا ولا بنا حيل نروح نور عمدان ..
وكلن يصد مايبي يروح وأنا افتح كبوت الددسن قلت اسمحو لي ددسني مصخنه مابه حيل شوفوه تكح روحو على الجيب :)
وهم يروحون مالهم الا كذا ...وهي تضربنا هكالشمالية وهم أبطو ماجونا وأندعس تحت الرواق ماطالعن الا عيوني وهي تجي خلق الله تسدح ذبحهم البرد :wallah_hoo:
وماتشوف الا عيون تلامع لاضربنا نور سيارات تقل حصاني :)
وتمر ساعة ساعتين ثلاث اربع ولاجو وشبكة الجوال زي العاده لاجا الصحيح ماحولك احد ..
وهم يتجمعون فوق راسي ويقردنوني يبون يروحون على الددسن وأنا اصدصد عنهم واصفر يعني معصي مالكم أمل تاخذونه ...
وهم يدبوني وياخذونه غصب وماقدرت اقوم الا عقب مامشو ولهم غبره وانا دايخ مفرعين بي وشوشتي كله رمل ..
ولاخلو عندي الا واحدن من العيال يقاله ابو طخ وجه نحس وجه قراده تسيف يالربع ماعمره دخل بشي الا صارت مصيبه ..
<_ طالع منه انت هههههههههههههههه
وهو يصكني الجوع وكل ماغمضت تطلع بين عيوني صور فخذ الدجاج وهو يزول لي بأبو طخ انه مفطح :wallah_hoo:
وأروح ابي يم العزبة منزلينه قلت يمكن ألقىا شي طارف ولاألقىا الا صلصل وزبده وأشب لي نار وهو يبلشن ابو طخ منسدح على ظهره وعليه بطن يالربع تقل جالس فوق وغد ههههههههههههههههههه..وأبي أسويهن بقدر مضغوط
محمد ::يوسف بالله ودك تصير طيار ...
انا :: لااااااااااااا <_ منشغل طبعاّ ابي اطبخ الصلصل :)
محمد:: يوسف ودك لو انك ابوم :puzzled:
أنا :: اللعن أبو......... تكفى اسكت ..
محمد :: يضحك والبطن يهتز تقل موج ...طيب ودك إنك يوسف :a:وهو يقوم له ضحك ويدور بالارض ..
أنا ::: محمد لو ماتسكت ترن أطبخك الحين ..
المهم غثن ودبل تسبد تسبدي آخر شي قلت هش هش اسكت لاوالله يجيك القدر يمشي 2000 وهو يقوم ويقول أتحداك تحمس المروح ..
وأتعوذ من الشيطان وهو يتسلط على دخاني يولع ويطفي على طول بس كذا عناد ..
( يالربع عقب فكرة قلت يمكن يبي يذبحني واستغل الوضع ان ماحولنا احد يفكن ) <_ ابي حقي منه افزعو
آخر شي قالي يوسف قلت هاااااااااااااااااااااااه وش تبي الله يلعن ابو من يخاويك مره ثانية لمكان ارحمني تكفى اسكت ابطبخ الصلصل ..
قال آخر مره قلت اخلص وش تبي _______________________
قال ودك أنك سميرة توفيق :a::a::a:
وأنا اقمز عليه ومعي القدر وانشبه براسه وهي تغدي له ظلال عفيسي حرب القدور وهو له صياح وأنا عاضن اللسان وهذا بقس وهذا قدر :)
المهم تليشنا وكلن راح ابعد عن الثاني وانجضعنا اللسان عشره متر ..
وهم يجون العيال الساعة 2 ونص قسمن بالله ماحسينا بالوقت
أثرهم مضيعنا والددسن خبطت قالصينه وانا اقمز على كبوته ولي جعير ضناي جنيني :wallah_hoo:
وجو زي ماراحو مامعهم شي وجيه فقر ...
ونمرح هكالليل بالبر بدون غطيان وقمنا الخشوم زرق والعيون عليهن جليد تخبرون نبتسي بالليل وتدمع العين وثلج الدمع ..
ونركب من باتسر وقالصيني بددسني والخيام بالحوض معي وفوقهن خوينا راعي الغزل تقل سلوقي الله يكرمكم شاتراتن اذانه ( ماله معنا ) <_ قاموس ..
واللي ورا يقطفون زقاير من الدريشه وواحد بهم قط الزقاره اثره نشبت بالرواق حق الخيمه طالعن طرفه من الحوض
ماخذينا شوي الا الطق على الغمارة وهن يطلعن علي من قدام سيقان خوينا له صياح ..
ولارده الا علامة نيسان ..
أثر الخيام احترقت وأجي أبي اضرب بوري للي قدام علشان يوقفون ولا حولك احد مسرعين ومطولين على المسجل
وأمسك بريك وهو يجرن جيبهم ددسني ماش ويالله ينتبهون يوم وقفو وحنا نتطابق وأنا اخذ هذا وجهي شمال ___>
ولي صياح الحريقه متنا متنا وأبو طخ وراي ويضحك <_ حاقد عليه
وانا اصحى من الخرعه وأرجع اتل الخيمه الددسن لاتحترق ويالله نسحبه واشوا بس جاه حروق بسيطه ماهي حيل سمكره بسيطه وكشخت به من ثاني أسبوع وأنا اغازل به :315r:
آسف على الأطالة بس مبطي ماكتبت ومتحمس ..
توسدوووووووو إحترامي
يالله يالله ...
الله لايمسيكم إلا بكل خار ولا يصبحكم إلأ بزيه :)
مبطي ماكتبت شي تحملو أبي أمسككم خطوط
المهم مرتن من المرات وأنا أقوم قبل صلاة الفجر وأروح أذن بالمسجد مسوي حركات وغدان أركض علشان مايجي المطوع ويأذن ابسبقوه لي غبره وحافي والشماغ طاير ورا بس حاطن يدي على جبهتي مثبته :)
وأزعج الصوت وأنا أجمع المسلمين وأقيم الصلاة والأمام تأخر بيني وبينكم أنا أستعجلت ابي اصلي بهم :)
وأنا أكبر على طول وأصلي بهم هم شايبين وأربع وغدان تدرج سعابيلهم قايمين غصب :315r:
طبعاّ أهلي سحبت عليهم خامس ماقومت أحد مستعجل :)
والمسجد بانينه حنا أمون يعني هههههههههههههههههههههههههههههههه
المهم ماأمداني أقول آمين إلا اللي ردو وراي اقل شي 15 رجل وأنا أسكت أنطرمت من الارتباك ..
وهو يقول واحد سبحان الله قلت الله وأكبر هههههههههههههههههههههههههههه
المهم صليت بهم اشوا وانا انحاش على طول ماتسننت ولا راعيت لهم قمت وركض :)
وأشغل الددسن ويالله تشتغل ربيع وشتاء والموديل 85 مابه حيل ..
من درجة مالجو بارد لو تكح ويطير شي تشوفه قدامك يثلج :)
المهم وأحمل عفشي <_ من كثره كله فراش بدون غطاء ومخده :)
وأمر فلان ألقىا بابهم مسكر وأطب من فوق الجدار وألقىا أمه بوجهي وهي تركض له صياح وأنا هجمت عليه بالمجلس وأتل شوشته تل يما قام قتل الوعد راس الشارع :)
ومالكم بالطويلة تجمعنا كلنا الساعة 8 الصبح ..
ومعنا لنا واحد غثيث اذا جاع والله ياناس وجهه يقلب حمر ويون شوي ويصيح ...وهي تمسك معه غلط إلا ياكل لحم مقلقل وحنا نبي نسمك الخط وهو يصطره واحد من العيال نتفه قصير وهم يتضاربون وأنا اتل الددسن بنمره ولايردن الا الطريق العام ...
وأنا لابسن ثوب نوم شتوي وشماغ منقرش وداق اللطمه طالع تقل طير :)
واللي جنبي طاقن النظارات الشمسيه والجو يالله نشوفه وضباب ويدخن وكل شوي يغير شريط جاب لي الصمرقع ..
والعيال اللي ورانا معهم جيب طبعاّ جيب أبو خوينا سارقه الولد ههههههههههههههههههه
ووصلنا المحطة اللي ننزل من عنده للبر ...وزحمة المحطه ربيع ومخيمات وعلى كيف كيفكم ..
وقفنا نبي نريح ويوم جينا نبي نمشي وحنا نفقد واحد مسمينه رامي عياش <_ غصب طيب قولو اني حلو وش نسوي بوه :)
ونرجع للمحطة وزحمة والله اذا هم قليل اللي فيها 500 أدمي لحم يمشي هههههههههههه
ونوقف السيارات بعيد والوعد بعد نص عند السيارات وندور ونفر ولانلقاه وهي تضيق بي الوسيعة انغثيت وأنقز فوق لي تريله اتشوفه وأشوفه بوسط البسطات يغازل ملعون الخامس :148r:
وأصيح وأوصف للعيال يما لقوه وحنا نركبه بالحوض عيت أركبه معي ...
مالكم بالطويلة وصلنا محلنا اللي اعجبنا عقب اربع ساعات من الدجه كلن مسوي راعي بر هههههههههههههههههههه
يوم نزلنا عفشنا ونبي نبني الخيمه ..
طلعنا ناسين العمدان :wallah_hoo:
ولاندري وش نسوي منهد حيلنا ولا بنا حيل نروح نور عمدان ..
وكلن يصد مايبي يروح وأنا افتح كبوت الددسن قلت اسمحو لي ددسني مصخنه مابه حيل شوفوه تكح روحو على الجيب :)
وهم يروحون مالهم الا كذا ...وهي تضربنا هكالشمالية وهم أبطو ماجونا وأندعس تحت الرواق ماطالعن الا عيوني وهي تجي خلق الله تسدح ذبحهم البرد :wallah_hoo:
وماتشوف الا عيون تلامع لاضربنا نور سيارات تقل حصاني :)
وتمر ساعة ساعتين ثلاث اربع ولاجو وشبكة الجوال زي العاده لاجا الصحيح ماحولك احد ..
وهم يتجمعون فوق راسي ويقردنوني يبون يروحون على الددسن وأنا اصدصد عنهم واصفر يعني معصي مالكم أمل تاخذونه ...
وهم يدبوني وياخذونه غصب وماقدرت اقوم الا عقب مامشو ولهم غبره وانا دايخ مفرعين بي وشوشتي كله رمل ..
ولاخلو عندي الا واحدن من العيال يقاله ابو طخ وجه نحس وجه قراده تسيف يالربع ماعمره دخل بشي الا صارت مصيبه ..
<_ طالع منه انت هههههههههههههههه
وهو يصكني الجوع وكل ماغمضت تطلع بين عيوني صور فخذ الدجاج وهو يزول لي بأبو طخ انه مفطح :wallah_hoo:
وأروح ابي يم العزبة منزلينه قلت يمكن ألقىا شي طارف ولاألقىا الا صلصل وزبده وأشب لي نار وهو يبلشن ابو طخ منسدح على ظهره وعليه بطن يالربع تقل جالس فوق وغد ههههههههههههههههههه..وأبي أسويهن بقدر مضغوط
محمد ::يوسف بالله ودك تصير طيار ...
انا :: لااااااااااااا <_ منشغل طبعاّ ابي اطبخ الصلصل :)
محمد:: يوسف ودك لو انك ابوم :puzzled:
أنا :: اللعن أبو......... تكفى اسكت ..
محمد :: يضحك والبطن يهتز تقل موج ...طيب ودك إنك يوسف :a:وهو يقوم له ضحك ويدور بالارض ..
أنا ::: محمد لو ماتسكت ترن أطبخك الحين ..
المهم غثن ودبل تسبد تسبدي آخر شي قلت هش هش اسكت لاوالله يجيك القدر يمشي 2000 وهو يقوم ويقول أتحداك تحمس المروح ..
وأتعوذ من الشيطان وهو يتسلط على دخاني يولع ويطفي على طول بس كذا عناد ..
( يالربع عقب فكرة قلت يمكن يبي يذبحني واستغل الوضع ان ماحولنا احد يفكن ) <_ ابي حقي منه افزعو
آخر شي قالي يوسف قلت هاااااااااااااااااااااااه وش تبي الله يلعن ابو من يخاويك مره ثانية لمكان ارحمني تكفى اسكت ابطبخ الصلصل ..
قال آخر مره قلت اخلص وش تبي _______________________
قال ودك أنك سميرة توفيق :a::a::a:
وأنا اقمز عليه ومعي القدر وانشبه براسه وهي تغدي له ظلال عفيسي حرب القدور وهو له صياح وأنا عاضن اللسان وهذا بقس وهذا قدر :)
المهم تليشنا وكلن راح ابعد عن الثاني وانجضعنا اللسان عشره متر ..
وهم يجون العيال الساعة 2 ونص قسمن بالله ماحسينا بالوقت
أثرهم مضيعنا والددسن خبطت قالصينه وانا اقمز على كبوته ولي جعير ضناي جنيني :wallah_hoo:
وجو زي ماراحو مامعهم شي وجيه فقر ...
ونمرح هكالليل بالبر بدون غطيان وقمنا الخشوم زرق والعيون عليهن جليد تخبرون نبتسي بالليل وتدمع العين وثلج الدمع ..
ونركب من باتسر وقالصيني بددسني والخيام بالحوض معي وفوقهن خوينا راعي الغزل تقل سلوقي الله يكرمكم شاتراتن اذانه ( ماله معنا ) <_ قاموس ..
واللي ورا يقطفون زقاير من الدريشه وواحد بهم قط الزقاره اثره نشبت بالرواق حق الخيمه طالعن طرفه من الحوض
ماخذينا شوي الا الطق على الغمارة وهن يطلعن علي من قدام سيقان خوينا له صياح ..
ولارده الا علامة نيسان ..
أثر الخيام احترقت وأجي أبي اضرب بوري للي قدام علشان يوقفون ولا حولك احد مسرعين ومطولين على المسجل
وأمسك بريك وهو يجرن جيبهم ددسني ماش ويالله ينتبهون يوم وقفو وحنا نتطابق وأنا اخذ هذا وجهي شمال ___>
ولي صياح الحريقه متنا متنا وأبو طخ وراي ويضحك <_ حاقد عليه
وانا اصحى من الخرعه وأرجع اتل الخيمه الددسن لاتحترق ويالله نسحبه واشوا بس جاه حروق بسيطه ماهي حيل سمكره بسيطه وكشخت به من ثاني أسبوع وأنا اغازل به :315r:
آسف على الأطالة بس مبطي ماكتبت ومتحمس ..
توسدوووووووو إحترامي