عجايب بنت الشايب
29-07-2008, 09:21
يحكى ياكرام
يامن تأكلون العيش بالأيدام
وتمشون بالسياره وتتركون الأقدام
حتى اصابكم مرض الاحتكاك والأورام
أن طفله .. أسمها
( ملاك الطرطنقي)
كانت تكلفها أمها كل يوم بتوصيل العشاء للجده في آخر الغابه
وكان عشاء الجده .. من كل صنف ونوع قبل غلا الأسعار
ولكن بعد ارتفاع سعر الرز
أصبح عشاء الجده زيتون وخبز بر
وكان ذيب الغابه .. ماعنده خبر بغلا الاسعار
ويحسب ان العشاء مازال لذيذ ..
يراقب ملاك الطرطنقي وهي رايحتن لجدتها يبي يصيدها
وبينما هي رايحتن لجدتها تهيجن بالطريق
مرت من عند ربعها الأقزام السبعه وسولفت معهم شوين
وهم يقولن لها
ياخبله وش مطلعتس ترا الذيب بياكلتس ولا بياكل عشاتس
قالت لا ماعليكم باقوله اني شمريه وبيذكر أن الشمري قد عشاه ..
قالوا لها الأقزام السبعه
عند خشمتس ترانا علمناتس
وهي تجري تجري رايحتن لجدتها
شافت لها عنز بيضاء
وهي تراعي لوسمها وتعرفه
وتطلع جوالها تدق على هايدي
هايدي ..سلام عليتس .. خلي بيتر يجي ياخذ العنز لاياكلها الذيب
>> والله انتي الي تدربين راستس ماتدرين من يبياكله الذيب
المهم وتجري تجري
الا يهالذيب يتنطحها
حياااااااااااا الله الشيخه
يامرحبا بالحامل والمحمول
قالت عيب عليك وانا مو حامل
ولامعي جهاز محمول
هذا عشاء جدتي وان كانك تبيه خذه
وانا باعشيك مثل ماعشاك الشمري
>> يعنني تبي تذّكره
ويوم شاف العشاء قال ليه قالوا لك باسوي ريجيم
انا ابيك انتي
وهي تفااالت منه وتجري وتجري
وتصييييح الننننجججده
ماخذينا شوي الا يجي زورو يعطي ذاك الذيب كف(ن) على خشته يقعد يبترم منه
ويشيل ملاك الطرطنقي ويقطها عند حوش الشرطه
يوم دخلت تبي تبلغ
قالوا وش اسمك
قالت ملاك الطرطنقي
ويراعي لها الشرطي (هقوتي انه قحطاني)قال :
انتي كم لتس يوم هذا اسمتس
قالت من يوم ربي خلقني
قال ماتدرين ان اسمك ممنوع من عند الأحوال
ولابد فوراً الآن نمسح اسمك وخلي ولي امرك يحضر يسميك
قالت انا ابيك تدور لي ولي أمري
قال طبقي القانون اول
ويالله نادي زورو حقتس يقلعتس للاحوال
يوم راحت للاحوال المدنية
وهي بالأنتظار تقرأ خبر سحب اسم العايله من حفيظة النفوس
( طرطنقي وفيه منّه بعد)
وتقفل اخلاقها
قالت والله يالطرطنقي ماأنت اغلا من كيس الرز
وتدخل على الموظف وهيك وهيك
واسحب الله لا يهينك اسمي مع العايله بس ودوني لأهلي
قال مالي شغل دبري روحك
حنا احوال مانب شرطه
وتدق على زورو وهي تقفل اخلاقه
قالت ودني للشرطه قال
سواق عند ابوتس
وهو يرميها بغابتها
وتمشي بالغابه
لا عيشه ولا أسم ولا وجه(ن) زين
وتلقى لها كووخ قدامه بنتين يلعبن كل وحده احلى من الثانيه
وهي تجيهن وينكسر خاطرهن منها
وتشكي لهن همومها
وصار وودوني وحطوني وخذوا وجابوا
قالن انتي وش تقولين
قالت : يعني لا عيشتن صاحيه ولا اسم شلون ارجع لأهلي
بعدين زورو على كيفه مايرجعني للشرطه
وهن بس يراعن لها
مفهيات مايدرن وش تبي بالضبط وينادن امهن
وهي تدخلها البيت وتعطيها شين تاكله وهي ماغير تلافط
يعني على كيفه الذيب يبي ياكلني
امي ليه تخليني اروح لخالي ماودت اخوي معي
الشرطي ليه يقول هاتي ولي امرك وانا ادوره اصلاً
و و و و و و و
وهالثلاث بس يراعن لها
سمي بالرحمن وعلمينا السالفه
وهي تقط خيط وخيط وتلافط وتصيح
وينفتح الباب الا هذا ابو البنات
قال وش فيكم
قالوا : والله شوف عينك هالبنت من يوم جت مسندرتنا!!
عجزنا ناخذ منها علم(ن) صحيح
يامار عيت تسكت ..
قال الأبو يالليل (السندره) ياذي الي ماهي مخليتنا نمرح الليله
الا انتي وش اسمك
وهي يجي لها لجيح فهم منها أن ماعاد لها اسم
قال هش عاااد صه عطيتك وجه
باسميك
(سنـــــــــدريلا)
وباخليك عندنا تشتغلين لحد مانلقا اهلتس
ولاتطلعين بر البيت
تقطعين رزق بناتي
يشوفون وجهتس يحسبونتس بنتي
***
عاد هذي حقيقة سندريلا
اما ماورد من قصص خرافيه انها جميله وماشابه
فهذا تعويض من الدوله لها
على سلبهم حقوقها العامه والخاصه
لأنها ماتت مغبونه
اذا سندريلا مأخوذ من السندره واللجيج والصجه
وظهر الصباح ووقفت عجايب عن الكلام المباح
طحياتي ...........,,
يامن تأكلون العيش بالأيدام
وتمشون بالسياره وتتركون الأقدام
حتى اصابكم مرض الاحتكاك والأورام
أن طفله .. أسمها
( ملاك الطرطنقي)
كانت تكلفها أمها كل يوم بتوصيل العشاء للجده في آخر الغابه
وكان عشاء الجده .. من كل صنف ونوع قبل غلا الأسعار
ولكن بعد ارتفاع سعر الرز
أصبح عشاء الجده زيتون وخبز بر
وكان ذيب الغابه .. ماعنده خبر بغلا الاسعار
ويحسب ان العشاء مازال لذيذ ..
يراقب ملاك الطرطنقي وهي رايحتن لجدتها يبي يصيدها
وبينما هي رايحتن لجدتها تهيجن بالطريق
مرت من عند ربعها الأقزام السبعه وسولفت معهم شوين
وهم يقولن لها
ياخبله وش مطلعتس ترا الذيب بياكلتس ولا بياكل عشاتس
قالت لا ماعليكم باقوله اني شمريه وبيذكر أن الشمري قد عشاه ..
قالوا لها الأقزام السبعه
عند خشمتس ترانا علمناتس
وهي تجري تجري رايحتن لجدتها
شافت لها عنز بيضاء
وهي تراعي لوسمها وتعرفه
وتطلع جوالها تدق على هايدي
هايدي ..سلام عليتس .. خلي بيتر يجي ياخذ العنز لاياكلها الذيب
>> والله انتي الي تدربين راستس ماتدرين من يبياكله الذيب
المهم وتجري تجري
الا يهالذيب يتنطحها
حياااااااااااا الله الشيخه
يامرحبا بالحامل والمحمول
قالت عيب عليك وانا مو حامل
ولامعي جهاز محمول
هذا عشاء جدتي وان كانك تبيه خذه
وانا باعشيك مثل ماعشاك الشمري
>> يعنني تبي تذّكره
ويوم شاف العشاء قال ليه قالوا لك باسوي ريجيم
انا ابيك انتي
وهي تفااالت منه وتجري وتجري
وتصييييح الننننجججده
ماخذينا شوي الا يجي زورو يعطي ذاك الذيب كف(ن) على خشته يقعد يبترم منه
ويشيل ملاك الطرطنقي ويقطها عند حوش الشرطه
يوم دخلت تبي تبلغ
قالوا وش اسمك
قالت ملاك الطرطنقي
ويراعي لها الشرطي (هقوتي انه قحطاني)قال :
انتي كم لتس يوم هذا اسمتس
قالت من يوم ربي خلقني
قال ماتدرين ان اسمك ممنوع من عند الأحوال
ولابد فوراً الآن نمسح اسمك وخلي ولي امرك يحضر يسميك
قالت انا ابيك تدور لي ولي أمري
قال طبقي القانون اول
ويالله نادي زورو حقتس يقلعتس للاحوال
يوم راحت للاحوال المدنية
وهي بالأنتظار تقرأ خبر سحب اسم العايله من حفيظة النفوس
( طرطنقي وفيه منّه بعد)
وتقفل اخلاقها
قالت والله يالطرطنقي ماأنت اغلا من كيس الرز
وتدخل على الموظف وهيك وهيك
واسحب الله لا يهينك اسمي مع العايله بس ودوني لأهلي
قال مالي شغل دبري روحك
حنا احوال مانب شرطه
وتدق على زورو وهي تقفل اخلاقه
قالت ودني للشرطه قال
سواق عند ابوتس
وهو يرميها بغابتها
وتمشي بالغابه
لا عيشه ولا أسم ولا وجه(ن) زين
وتلقى لها كووخ قدامه بنتين يلعبن كل وحده احلى من الثانيه
وهي تجيهن وينكسر خاطرهن منها
وتشكي لهن همومها
وصار وودوني وحطوني وخذوا وجابوا
قالن انتي وش تقولين
قالت : يعني لا عيشتن صاحيه ولا اسم شلون ارجع لأهلي
بعدين زورو على كيفه مايرجعني للشرطه
وهن بس يراعن لها
مفهيات مايدرن وش تبي بالضبط وينادن امهن
وهي تدخلها البيت وتعطيها شين تاكله وهي ماغير تلافط
يعني على كيفه الذيب يبي ياكلني
امي ليه تخليني اروح لخالي ماودت اخوي معي
الشرطي ليه يقول هاتي ولي امرك وانا ادوره اصلاً
و و و و و و و
وهالثلاث بس يراعن لها
سمي بالرحمن وعلمينا السالفه
وهي تقط خيط وخيط وتلافط وتصيح
وينفتح الباب الا هذا ابو البنات
قال وش فيكم
قالوا : والله شوف عينك هالبنت من يوم جت مسندرتنا!!
عجزنا ناخذ منها علم(ن) صحيح
يامار عيت تسكت ..
قال الأبو يالليل (السندره) ياذي الي ماهي مخليتنا نمرح الليله
الا انتي وش اسمك
وهي يجي لها لجيح فهم منها أن ماعاد لها اسم
قال هش عاااد صه عطيتك وجه
باسميك
(سنـــــــــدريلا)
وباخليك عندنا تشتغلين لحد مانلقا اهلتس
ولاتطلعين بر البيت
تقطعين رزق بناتي
يشوفون وجهتس يحسبونتس بنتي
***
عاد هذي حقيقة سندريلا
اما ماورد من قصص خرافيه انها جميله وماشابه
فهذا تعويض من الدوله لها
على سلبهم حقوقها العامه والخاصه
لأنها ماتت مغبونه
اذا سندريلا مأخوذ من السندره واللجيج والصجه
وظهر الصباح ووقفت عجايب عن الكلام المباح
طحياتي ...........,,