حارة العشاق [الأرشيف]

مشاهدة النسخة كاملة : حارة العشاق

المسافـر

26-07-2008, 00:53

بسم الله استلموا

كنت انا وشنقل و الشبث بحارة وحده يوم حنا وغدان

انا بيتي بجنبه بقاله و الشبث بيته باخر الشارع و شنقل قصيري (جاري)
وشنقل أكبر مننا بثلاث سنين لكنه طقوع و ما يداني صافرين وما يمشي الا بجنب الجدار

و كل يوم متوطين على صابره إلا يوم واحد بالسنه تنزل على شنقل شجاعة و يتوطى على صوابرنا
و السبب إن له ولد خاله خبيل اسمه يوسف ما يجي حارتنا إلا مره بالسنه و هذا هو سبب شجاعة شنقل

و بيوم من الايام سكن في حارتنا (حارة الفلس) عائلة سورية و شاء الله في أقداره
أن يكون بيتهم قدام بيتنا وشاء الله في اقداره أيضاً أن يكون هالسوري ضناه كله بنات
وهن غيداء و هبه وعلا وحلا وعبير و اثنين كبار ياعن الرضم

ومن اول ماسكنوا تغيرت الاوضاع الخبل يوسف كل يوم جاي حارتنا يبي يكحل
مما أدى إلى إنقلاب الآية فشنقل أصبح هو المسيطر على الحارة على مدار العام

آآآآآآآآآآآآآآآآآآآآخ يالقهر

وانا والشبث صرنا نمشي بجنب الباب و نطلب الله الستر
و صدق الشاعر يوم يقول
هي الأيام كما شاهدتها دول ... من سره زمن ساءته أزمان

:3abrah:

لذلك ما صار بحيلتنا إلا اللسان نعلق على شنقل و ولد خالته يوسف كل ما يمرون من عندنا
لكن الشبث به لقافه يبي يشبك البنات غصب

فكان يصوت لشنقل يقول ياشنقل اذانك وشبلاهن مثل رغفان خالتي ام زعيله
ويقول ليوسف وش بلا شعرك معفص تقل جودلية منكب عليه عصير و ضاربته شمس
و ما امداه كمل النكته الا هم جايين طايرين

و انا ادخل للبيت و اسكر الباب << من خاف سلم:wallah_hoo:

وهم يمسكون الشبث و يشيله شنقل و يسوي فيه سبلكس خلفي
يمار يوسف متولم له بالقناة و يعطيه وحده بمقرن الكتوف :a:

يمار شنقل جاي حماحيله و يندس الشبث مع بطنه يمار الشبث خنة حيلي متكرفس بدرام البلدية ما تشوف الا رأسه
وله جعير و يشتم و يلعن و هم يخلونه و يمشون
قال الشبث و طلعت من الدرام و راحت أركض أعيرهم بمعاييرهم
و ما فطنت إلا واخو شنقل السفيه وراى ...

اقتباس من موضوع لاخي الشبث للتعريف بالسفيه اخو شنقل
.

وهو يقوم يلحقن
وهو يطلع لي اخوه التسبير ولهم صياااح حدوووووه حدوووه
وانا اروغ ( بسم الله علي فضخو قلبي حسبي الله عليه شلون يحدحدون هالوغيد )
الوكاد انهم طرحوني وقام شنقل يتحكحك بي

( منك لله يا شنقل )

...
صاير وراوه وهم يمسكونه مره ثانيه و يمردغونه مردغة ياربي دخيلك

و بيوم من الايام الخبل يوسف ماجاء الحارة

وشنقل جاي ابو الشباب مكشخ لابس فانيلة النصر

مكتوب عليه من قدام لا... للمخدرات :mrrzeff:
و من ورا رقم تسعه بالعربي بتشاش الظاهر انه من المغر
حق غنم ابوه و ماشط الشعر فوق و لابس نظارات بيبسي...

>>ايام تجمع عشرة ليبتون يعطونك نظارة بيبسي جايزه

...عاد طالع لك وجهه تقل وجه بريعصي مركب له اذان جربوع:solh:

وقالي الشبث تكفى ابي اشلح الفانيلة

قلت وش تبيبه تصير لك ثوب اطول منك
قال ياخي ماجد عبد الله قلت خلاص

و ما امداني اسولف مع شنقل الا الشبث
متلولس برقبته وشوي الا شنقل منحاش له صياح

وش فيه الا الشبث مشلح حتى السروال
ياشبيثان ما امداك و يتنزلن شياطين الشعر على الشبث و يقول

الله احد ياما غزينا وجينا *وياما تناهبنا طواقي وسراويل
قدام عينك يالمسافر غزينا*وحمنا على شنقل و خمس المهابيل

اخس يالخطير .

كل هالمشاكل صارت بسبة البنات وقبل يمشن اتفقنا كلنا
بما انهن سبعه كل واحد يعشق له وحده ولا يخرب على الثاني قالوا خلاص

وهو يعشق يوسف علا >> ماهي حيل ومره قالت له شو هالشلالات اللي على وشك
تعني نخاريره خخخخخخخخخخخخخخخخخخخخخخ :315r:

والشبث غيداء >> حليله واذا جت ينحاش يستحي الله يسلمه

وشنقل حلا >> دايم تمحطه مره ضربته بعصير ابو نص :solh:

وانا عشقت هبه>> مره قالت امي بده الطنجره منكن عاملين ضيافه

وجبت له كل صحون اهلنا حتى ابو ركزه ومانمت اسبوع افكر به :goooood:.

كنا نجتمع بالليل قدام بيتنا عند البقالة هم مثل ماقلت قدام بيتنا ونراعي من تحت الباب

ونوايدز و نتهايق ولا نشوف شين وعلى هالموال كل ليله واحيانا
نجيب الكيرم ونلعب قدام الباب نتحرى احدن يطلع بس .
و مره العصر انا جالس قدام البقالة وهو يقوم المحفحف المقرود الشبث

يروح يتمشى من قدامهن ويتلفت ويراعي للباب ويشر لي ويسوي للبنات حركات

فيه سياره صفراء صافطه قدام الباب ماندري ان به احد

شوي الا ينزل ولد خالهن:7ayyoh: ولد سوري متعافي وهو يقول للشبث

اولاك شو عم تعمل هون وهم يمسكوه فوق ويمحط بوه القاع

وكل مايجي يبي ينحاش الشبث:3ayyen_khair: يمحط بوه ياما تورمت لك جبهته

و هو يمشي ويخلي الشبث متمغط بالشارع ايييييييييييييييييي

ايييييييييييييييييييييي اييييييييييييييييييييييييييي

و حنا نودي الشبث للمستشفى وهم يمهتسونه كم ابره

ويوم رجعنا يامار السوريين راحلين ثري خوالهم
جايين ياخذونهم على السيارة الصفرا
وانا اكتب هالابيات عن هاللي صار لنا بجيرة السوريين

ياهبه وينك تراني عالمفارق ماقويت # وشوفي شنقل ياحلا متمددن يبتسي ببيته
ياعلا شوفي حبيبتس جالس يردد ياليت # تجلس بجنبي دقيقه ماتفارقنا ياليته
والشبث اختل عقله شاربن نص الفليت # منصرع كاتب وصيه ليتني ماقد هويته

و ابشركم الشبث الحمد لله مابوه بلا يومين وطلع من المستشفى
يذكرون بطنه مليان كله دود وهالفليت ادهر بهن نظف له بطنه
ورجعت حارتنا كما كانت امنة مطمئنة
بلا عشق بلا داعج العينين

آآآسفين على الإطالة

عساكم على القوة
.

ابو خلوف

26-07-2008, 01:05

آآآسفين على الإطالة

لاتروح كمل جازت لي السالفه يارجل

وهو بس الشبث مختل عقله كلكم وباذات يوسف

فتى البيداء

26-07-2008, 01:40

ابو خلوف

26-07-2008, 01:51

شنقل ويوسف مالهم قصايد

أبوطروق

26-07-2008, 07:38

هههههههههههههههههه خوش سالفة يالمغادر بس المفروض حارتكم اسمه حارة المهابيل مو حارة العاشقين

لأن العشق بجهه وانتم بنجهه ثانية
اما الهبال متأصل فيكم

مشكور يالمسافر وكثر من هالسوالف

:

الشبث

26-07-2008, 08:08

الله العالم انك كمت تحفر الدفين يالمروح ههههههههههه

المسافر لله درك

وتسلم على هيك سوالف

مبدع

وتقلد تحيتي

ريم شمر

26-07-2008, 11:43

حارة فله :) ....... ....تسلم المسافر ...ولاهنت .....

يـــوسف

26-07-2008, 12:08

:d::d:

:d::d:

ولي على إيه :)

أويلي ياهبه راحت هههههههههههههههه إيه هذي السوالف اللي تونس <_ أستانس فيه حب وحنان :)

المسافر ياملا العافية والله على هيك ئصه مهضومه :d:

ياخوي وأنا أقراه مرتن أضحك ومره يقلب وجهي قلب حب بلشت بوه آخر شي قمت أطالع لصورة الشبث بالماسنجر غديني أهون :)

<_ يتذكر زول هبه وهي طاقتن اللثمه :d:

ماشي ماشي الله لايعوق بشر شنقل امش لاتعلمهم نبي نخليهم ونروح نخطبهن وإذا سئلن عنهم نقول تزوجو وخلوكن مايبونكن وناخذهن أربعتهن ..

المسافر توسد إحترامي

المسافـر

26-07-2008, 15:11

آآآسفين على الإطالة

لاتروح كمل جازت لي السالفه يارجل

وهو بس الشبث مختل عقله كلكم وباذات يوسف

يارجال الحمد لله انه وقفت على هاللون

واهل البركة واجد بس شبيثان ويوسف على روسهم

ومشكور ع المرور والتواجد

عساك على القوة

المسافـر

26-07-2008, 15:14

أخوي مسافر بما أنك قلت قصيدة والشبث قال قصيدة ... وش رأيكم نحط بينكم رديه ولي ينهزم يعزم حقين الفلة ؟

أنا أبي أحم أحم شنقل أقوله ؟

أبقوله وبتصبر : أبي (شاورما مع بيرة ) واااوه

ألا والله المزاج .

شكرلك المسافر على هذه القصة الرومنسية .

اذا على الردية جاهزين خصوصا مع الشبث نبي نستفرس عليه هههههههههههههههه

واذا على شنقل من عرفته مزاجه معوكس بس شاورما مع بيره انصحك به ههههههههههههههههههه

مشكور ع المرور و التواجد

عساك على القوة

المسافـر

26-07-2008, 15:29

شنقل ويوسف مالهم قصايد

مايدرا تخبر بعضهم يكتب ولا يعلم احد

مع انهم يذكرون شنقل باول حياته مطرب كسرات

خخخخخخخخخخخخخخخخخخخخ

مشكور ع المرور و التواجد

عساك على القوة

المسافـر

26-07-2008, 15:35

هههههههههههههههههه خوش سالفة يالمغادر

ياخالي ولا عمرك سميتن باسمي خخخخخخخخخخخخخخخخ

نوبن تقول المهاجر نوبن المغادر مع ان هالاسامي عيال عم

بس لو مره وحده قل اسمي صح هههههههههههههههههههههههههههههههه

بس المفروض حارتكم اسمه حارة المهابيل مو حارة العاشقين

لأن العشق بجهه وانتم بنجهه ثانية
اما الهبال متأصل فيكم

و الله من ناحية متاصل فينا فهو متاصل فينا

بس يالغالي مثلك عارف العشدز لابد منوه

والشبث اخوك قلبه اخضر لو مايعشق احد عشق نفسوه

خخخخخخخخخخخخخخخخخخخخخخخخخخخخخ

مشكور يالمسافر وكثر من هالسوالف

انت اللي مشكور على هالمرور و هالتواجد

وعساك دوم بصحة وعافية

عساك على القوة

المسافـر

26-07-2008, 15:40

الله العالم انك كمت تحفر الدفين يالمروح ههههههههههه

ايوها المروح ماذا تريد خخخخخخخخخخخخخخخخخ

ايش السالفه وانا خويكم

المسافر لله درك

جزاك الله خير

وتسلم على هيك سوالف

بالله عليك

مبدع

مبدع او مبعد او اقول منحاش

هههههههههههههههههههههههههههههههه:)

وتقلد تحيتي

يالغالي من 2005 وحنا متقلدين هالتحية

هلا بالعشير يامرحبا

مشكور على هالمرور وهالتواجد

واقسم في الله اني احبك في الله

و عساك على القوة

المسافـر

26-07-2008, 15:44

حارة فله :) ....... ....تسلم المسافر ...ولاهنت .....

ام طلال عندنا يامرحبا يامرحبا << احس انه مكرره

نورتي متصفحي ام طلال

وجعلتي للموضوع اضاءة اخرى

ومشكورة على المرور و التواجد

وعساتس على القوة

غالب

26-07-2008, 15:44

يارجال ماني مسدق يوسف يعشق يوسف بعد العشق عنه مثل بعد الأجفر عن حايل
يملا العافيه ياهاهاالمسافر ياهاهاهاهاهاها

المسافـر

26-07-2008, 15:55

:d::d:

:thumb::thumb:

:d::d:

ولي على إيه :)

أويلي ياهبه راحت هههههههههههههههه إيه هذي السوالف اللي تونس

<_ أستانس فيه حب وحنان :)

تونسك العافية اللي تلمعك بالدماغ يالعشير عقب ماتولع لك جراك سندي خخخخخخخخخخخخخ

المسافر ياملا العافية والله على هيك ئصه مهضومه :d:

ياخوي وأنا أقراه مرتن أضحك ومره يقلب وجهي قلب حب بلشت بوه آخر شي قمت أطالع لصورة الشبث بالماسنجر غديني أهون :)

خخخخخخخخخخخخخخخخخخخخخخخخخ
اما ئصه كتر لي منه مع اني كنت ناوي اجدبه في البداية شنو الاوضاع

مابتناسبني هونيك فاتفئت انا ومدامتي اقول كيف الحال

<_ يتذكر زول هبه وهي طاقتن اللثمه :d:

يادلخ انت عشيقتك ماهي هبه عشيقتي انا هبه وراح امسح لك هالزله

ياهديفه ما امداك تنسى عشيقتك انت عشيقتك علا يا ابو الشلالات

خخخخخخخخخخخخخخخخخخخخخخخخ

ماشي ماشي الله لايعوق بشر شنقل امش لاتعلمهم نبي نخليهم ونروح نخطبهن وإذا سئلن عنهم نقول تزوجو وخلوكن مايبونكن وناخذهن أربعتهن ..

شو يامعلم مابينفع هيك حكي من البداية خيانات

اسمع لما ائلك انا قررت اننا نزوز ام البنات لاخونا ابو طروء

شو رأيك اخي يوسف
خخخخخخخخخخخخخخخخخخخخخ

المسافر توسد إحترامي

يابعد تسلوتي وتسبدي وطحالي

هلا بيوسف اللي يبي يغير اسموه

و مشكور على المرور و التواجد

و عساك على القوة و ابي اتوسد احترامك

المسافـر

26-07-2008, 16:01

يارجال ماني مسدق يوسف يعشق يوسف بعد العشق عنه مثل بعد الأجفر عن حايل
يملا العافيه ياهاهاالمسافر ياهاهاهاهاهاها

و الله ان هذي هقوتي بعد هادزي ان العشق بعد الجبهان عن رفحاء

خخخخخخخخخخخخخخخخخخخخخخخخخخخخخخخخخخ

بس يعجبك العطاوي ياعشق عشق قلبه اخضر وشوي عشبي:3ajeeb:

اقول سناعيس يابعد قلبي متى نشوف لك موضوع والله اني متشفقن على مواضيعك تشفق

و مشكور ع المرور و التواجد

و عساك على القوة

فتى البيداء

26-07-2008, 16:51

اقول سناعيس يابعد قلبي متى نشوف لك موضوع والله اني متشفقن على مواضيعك تشفق

أقول المسافر لا تلومه ما يعرف أملاء ..

وحتى كتبة تقل جرت حراثة .

ملاحيس .

الحنشل

26-07-2008, 17:18

يا شيخ روح الله يبلاك كل يوم بخبل مثل يوسف

و جار محفحف مثل شنقل ابو نظارات طبيه

و صديق مقرود تسذووووب مثل الشبث

شبثان وين نترات الفضه:za3lan::148r:

المسافر .....

ما تذكر سواق الشيوخ اللي بس واقف قدام الموتر

و يصوت حريملا حريملا الحريق الحريق

تراه مو أنا و لا بعمري غازلت و لا فريت بسوق العلاوي

وخصوصاً ليلة العيد ما أقرب أبد أبد

موضوعك :thumb:

و القصايد اللي فيه :thumb::thumb:

و انت كلك على بعضك:thumb::thumb::thumb:

الشبث

26-07-2008, 18:22

الحنشل

يالسروق البلوص

وش تبي بنترات الفضه هاه

وتقلد تحيتي

بالمختصر..

26-07-2008, 18:46

هههههههههههههههههههههههههههه
?هههههههههههههههههههههههههههه

تسني أشوفكم الثياب رماديه قصيره ومبين السروال أطول منه

والشعر أشهب يااابس :)

قال عشق قال .. بعذرهم لو شدوا :)

.
.

حمـود

26-07-2008, 22:50

ههههههههههههه

اجل هذي علومكم

يا حيف تخلون بنات البلد وتروحون للسوريين

ههههههههه

اما الشبث هو والفليت

اتمنى اشوف شكلوه وهو يعقم جسموه

دمتم بخير

شنقل

27-07-2008, 09:22

شنقل وحلا
المساااااااااافر الله يرج عدوك رجا مبرحاااااااا

يافلان انت وشلون قلت بنا

الابداع مستمر
بوجود المسافر

احسنت ياصاحبي

دمت عشيرا لي

المسافـر

27-07-2008, 20:08

أقول المسافر لا تلومه ما يعرف أملاء ..

وحتى كتبة تقل جرت حراثة .

ملاحيس .

اما جرت حراثة

خخخخخخخخخخخخخخخخخخ

مشكور ع المرور والتواجد

عساك على القوة

المسافـر

27-07-2008, 20:11

شبثان وين نترات الفضه:za3lan::148r:

شبيثان وشهالنشبه نترات الفضه نترات الفضة

لايكون يبي يفجر بكفشتك هههههههههههههههههههه

المسافر .....

ما تذكر سواق الشيوخ اللي بس واقف قدام الموتر

و يصوت حريملا حريملا الحريق الحريق

تراه مو أنا و لا بعمري غازلت و لا فريت بسوق العلاوي

وخصوصاً ليلة العيد ما أقرب أبد أبد

الظاهر ان ببطنك بلا

ههههههههههههههههههههههههههه
موضوعك :thumb:

و القصايد اللي فيه :thumb::thumb:

و انت كلك على بعضك:thumb::thumb::thumb:

زيارتك الاروع اخوي الحنشل

و متى نشوفك راجع للفلة

علما بانك انت من رواد الفلة سابقا

ان شاء الله قريبا

مشكور على المرور والتواجد

عساك على القوة

المسافـر

27-07-2008, 20:14

الحنشل

يالسروق البلوص

وش تبي بنترات الفضه هاه

وتقلد تحيتي

علينا يالشبث

يعني ان اسمه حنشل يارجل انت غزيت شنقل يعني نسيت

وكاتب لك بيت على هالسالفة

هههههههههههههههههههههههههههههههههه

اما نترات الفضة حكاية

من قلب حكاية

هههههههههههههههههههههههههه

مشكور على المرور نوبتن اخرى وعلى التواجد نوبتن اخرى

عساك على القوة

المسافـر

27-07-2008, 20:16

هههههههههههههههههههههههههههه
?هههههههههههههههههههههههههههه

تسني أشوفكم الثياب رماديه قصيره ومبين السروال أطول منه

والشعر أشهب يااابس :)

قال عشق قال .. بعذرهم لو شدوا :)

.
.

الثياب ماهي رمادية خضر
هههههههههههههههههههههههههه

مافيه سراويل لابسين خياش
>> هنود حمر

هههههههههههههههههههههههههههه

بالمختصر

مشكوره ع المرور والتواجد

عساتس على القوة

المسافـر

27-07-2008, 20:19

ههههههههههههه

اجل هذي علومكم

يا حيف تخلون بنات البلد وتروحون للسوريين

ههههههههه

اما الشبث هو والفليت

اتمنى اشوف شكلوه وهو يعقم جسموه

دمتم بخير

ياشين اسكت بنات بلد

هههههههههههههههههههههههه

مشكلتك ماشفت هاللي عيونهن خضر

شنقل للحينه مندلخ

وعمره فوق الثلاثين

هههههههههههههههههههههههههههههه

طافتك شوفة شكله بس مستقبلا راح تشوفه اكيد

لان قلبه اخضر ماتعرفه زين مثلي

ههههههههههههههههههههههههههههه

اخوي حمود الناصر

مشكور ع المرور والتواجد

عساك على القوة

المسافـر

27-07-2008, 20:22

شنقل وحلا
المساااااااااافر الله يرج عدوك رجا مبرحاااااااا

يافلان انت وشلون قلت بنا

الابداع مستمر
بوجود المسافر

احسنت ياصاحبي

دمت عشيرا لي

ههههههههههههههههههههههههههههههه

هلا وغلا بشنقل

يارجال وينك ماتنشاف

ياحلو اشتقنا والله اشتقنا

الابداع والله راكبك من ساسك لعلمك

وشهادة نعتز به من انسان محنك

الا اخبار حميدة هي حميدة ماتطورت

خخخخخخخخخخخخخخخخخخخخخ

ومشكور ع المرور والتواجد

ولا تقاطع

عساك على القوة

قهر

28-07-2008, 05:04

وشنقل جاي ابو الشباب مكشخ لابس فانيلة النصر

مكتوب عليه من قدام لا... للمخدرات :mrrzeff:
و من ورا رقم تسعه بالعربي بتشاش الظاهر انه من المغر
حق غنم ابوه و ماشط الشعر فوق و لابس نظارات بيبسي...

>>ايام تجمع عشرة ليبتون يعطونك نظارة بيبسي جايزه

...عاد طالع لك وجهه تقل وجه بريعصي مركب له اذان جربوع:solh:

وقالي الشبث تكفى ابي اشلح الفانيلة

وش هالتوصيف

لا للمخدرات

هههههههههههههههههههههههههههههههههههه

حمـود

28-07-2008, 20:16

ياشين اسكت بنات بلد

هههههههههههههههههههههههه

مشكلتك ماشفت هاللي عيونهن خضر

شنقل للحينه مندلخ

وعمره فوق الثلاثين

هههههههههههههههههههههههههههههه

طافتك شوفة شكله بس مستقبلا راح تشوفه اكيد

لان قلبه اخضر ماتعرفه زين مثلي

ههههههههههههههههههههههههههههه

اخوي حمود الناصر

مشكور ع المرور والتواجد

عساك على القوة

اولا انا مزيزن لا تسب
هههههههههههههههههه
بشهادة يوسف >>وهو يقول العكس
لا شايفن السوريات

ما اداني اروحلهم والا اعشق منهم

الحين المسلسلات ما اتابعهن

ام شنقل شايفه وهو والنظارة الي بعيونه

لا ويقول ما تبون نروح نعرس على سوريات

وتصدق اني مستغرب انوه ما تزوج

ا ثريه كذا علشانهن

المسافـر

31-07-2008, 08:17

وش هالتوصيف

لا للمخدرات

هههههههههههههههههههههههههههههههههههه

لا مايحتاج

المسافر اوعى تغمض عينيك

ههههههههههههههههههههههههههههههههههههههه

مشكور على مرورك قهر

عساك على القوة

المسافـر

31-07-2008, 08:26

اولا انا مزيزن لا تسب
هههههههههههههههههه
بشهادة يوسف >>وهو يقول العكس
لا شايفن السوريات
ماشفت اللي شفنا يالعشير
ما اداني اروحلهم والا اعشق منهم

مثلي يابعد تسبدي مامن فرق

بس مثلك عارف شهبان ولاعمرنا شفنا مزين

ماهي فترة مراهقة فترة طفولة يالغالي

الحين المسلسلات ما اتابعهن
ام شنقل شايفه وهو والنظارة الي بعيونه

لا ويقول ما تبون نروح نعرس على سوريات
متمرد الله يسلمه

ههههههههههههههههههههه

ياخي يمكن سوريات من شمر

هههههههههههههههههههههههههههه
وتصدق اني مستغرب انوه ما تزوج
العشدز ومايسوي يالغالي

عدو عينك اللي يعشق
ا ثريه كذا علشانهن
اييييييييييييييه
ههههههههههههههههههههههههههههه

مشكور على مرورك اخوي حمود نوبتن اخرى

عساك على القوة

يـــوسف

31-07-2008, 15:51

خلف الرويتع

31-07-2008, 18:17

ريال الفسحه

31-07-2008, 18:19

8

ماتخليهن لي :)

أبوطروق

31-07-2008, 20:14

أوخذوا ياماخوذين

وشبلاكم انوخذتوا يمالين الوخذ اللي ياخذكم

خوذوني معكم ابي انوخذ

:

خلف الرويتع

31-07-2008, 21:17

ابو طروق اوخذ ههههههههههههههههههههههههه

يـــوسف

01-08-2008, 02:04

^
^
كم تدفع ياخالي وأتنازل لك عن الطخما اللي معي :)

حمــ الموت ـراء

01-08-2008, 02:29

أنا رجال لازم أعشق ماهي سالفة تعبت هههههههههههههههههههههههههههههههههههههه

المسافر هيضتن ...البارح بغيت اندب بس الله ستر علي كله من سالفتك :)

أوخذوا ياماخوذين
وشبلاكم انوخذتوا يمالين الوخذ اللي ياخذكم
خوذوني معكم ابي انوخذ

ههههههههههههههههههههههههههههههههههه الله يلعن ابليسكم ههههههههه

ابو ابو هالصوابر تبون هالسوريات قدركم يا الداشرين هههههههههههه

يـــوسف

01-08-2008, 02:35

<_ يولع بشوشة حمراء الموت بفليت وولاعة ههههههههههههههههههههههههههههههههههههههه

حمراء امشي هنا :)

المسافـر

02-08-2008, 05:41

اويلي بس يالربع تسبدي صارت تقل تسبد عبد :)

أنا رجال لازم أعشق ماهي سالفة تعبت هههههههههههههههههههههههههههههههههههههههه ه

المسافر هيضتن ...البارح بغيت اندب بس الله ستر علي كله من سالفتك :)

حمود أنت منت مزيون إلا طخمتن موتن حمر تشلع التسبد شلع :)

اما بغيت تندب مشكلتك ماخذيت كورسات عند شنقل

رح تعلم وانكس

ههههههههههههههههههه

مشكور على مرورك الا وين تحيتك ماتوسدناه هالنوبه

عساك على القوة

المسافـر

02-08-2008, 05:43

المسافر الله يعطيك العافيه والله ضحكت من قلب بس لاتعلم احد تقول

كل هالمشاكل صارت بسبة البنات وقبل يمشن اتفقنا كلنا
بما انهن سبعه كل واحد يعشق له وحده ولا يخرب على الثاني

ويش ريكم نبي ننظم لكم انا والغسلان نبي من الكبار كان تعرف عنوانهم بسوريا

مشكور على مرورك اخوي ابو عتيق

حنا مانسوي شي الا بمشورة شنقل

هههههههههههههههههههههههههههه

شاوره وبكيفوه هههههههههههههههههه
عساك على القوة

المسافـر

02-08-2008, 05:44

8

ماتخليهن لي :)

وش جايبه النزغه هذا

يعني سوالف العشق ملابطنا بهن

هههههههههههههههههههههههههه

حتى انت بعد نحول امرك الى ابو الشناقل

هههههههههههههههههههههه

عساك على القوة

المسافـر

02-08-2008, 05:46

أوخذوا ياماخوذين

وشبلاكم انوخذتوا يمالين الوخذ اللي ياخذكم

خوذوني معكم ابي انوخذ

:

هههههههههههههههههههههههههه

وش هاللي يدور الوخذه هذا

ابو رادمية حتى انت تب تنوخذ

ههههههههههههههههههههههههههه

ايش السالفه و انا خويكم

عساك على القوة

المسافـر

02-08-2008, 05:48

ابو طروق اوخذ ههههههههههههههههههههههههه

انوخذ المغضور ياخالي

ههههههههههههههههههههههههه

المسافـر

02-08-2008, 05:49

^
^
كم تدفع ياخالي وأتنازل لك عن الطخما اللي معي :)

عيب عيب السالف هذي عيب خلك رجال خلك رجال

لا اعلم شنقل يتمردغك تسمع

عيب عيب

ههههههههههههههههههههههههههههههههههههه

ياشين المثاليه

تغط باحترامي

ههههههههههههههههههههههههههههه

عساك على القوة

المسافـر

02-08-2008, 05:51

ههههههههههههههههههههههههههههههههههه الله يلعن ابليسكم ههههههههه

ابو ابو هالصوابر تبون هالسوريات قدركم يا الداشرين هههههههههههه

هههههههههههههههههههههههههههههههههه

طالعه من قلب

نياههههياااااااااااااااااههههههههههههييي يييييييييااااااااااا

وين خيي سناعيس

هههههههههههههههههههههههههههههه

عساتس على القوة

المسافـر

02-08-2008, 05:53

<_ يولع بشوشة حمراء الموت بفليت وولاعة ههههههههههههههههههههههههههههههههههههههه

حمراء امشي هنا :)

ياولعت به وخلصت هاته تيتا تبي تفرك الصحون بله ليفه :a:

ههههههههههههههههههههههههههههه

عساك على القوة يالمروح

مروان الشمالي

02-08-2008, 12:14

مرحبا يال المسافر والله يا هي سالفه تضحتس

اما جلستكم عند الدكانه من الدجه والفراغ انت وشنقل والشبث

والشبث شكلي لو اني لا حقاً عليه اول شكله من مشكله بمشكله

المسافـر

04-08-2008, 09:35

مرحبا يال المسافر والله يا هي سالفه تضحتس

اما جلستكم عند الدكانه من الدجه والفراغ انت وشنقل والشبث

والشبث شكلي لو اني لا حقاً عليه اول شكله من مشكله بمشكله

هلا فيك اخوي مروان

الشبث لحاله حكايه بس المشاكل هي اللي تجيه هو هدي الله يسلمه

مشكور على مرورك

عساك على القوة