ليه شنوح لماذا واااااااااي [الأرشيف]

يـــوسف

24-07-2008, 12:43

السلام عليكم ...

والله لايصبحكم إلا بكل خير ..وش علومكم عساكم طيبون ؟؟

تجمعو ياغويش <___ يعني ياوعيال ويابنات ..

أبي أقولكم سالفة خطيرهــ وقوية :puzzled:

لماذا العالم يقللون من قيمة الشخص اللي يحب الضحك ؟؟ يعني لو تروح تنزل موضوع بأي قسم ثاني وأنت معروف وين تكتب وبأي قسم محد يرد عليك لو موضوعك حساس ...؟؟؟

ليش تحس أن العالم يقللون من إحترامك ؟؟؟

يعني اي شخص فينا يقدر يسوي نفسه مثقف ويسوي رسمي ويمثل دور الانسان الواعي وهو من جنب القدهـ :)

يعني فلة حجاج فيها ناس تكتب منهم المهندس والضابط والجامعي اللي يحمل مؤهلات لو يعلق شهايده على الصفحة الرئيسيه
وعندنا بنات يكتبن مدرسات يعني مربيات أجيال وماصارن كذا إلا أنهن كفو لهالأمانه ومنهن من تحمل مؤهلات مايحمله أغلب من يتصحن الثقافة..

حنا جينا نكتب هنا من باب سعة الصدر لأننا تعبنا برا عالم النت من الرسميات وأولهم أنا وجهـ القرادهــ:wallah_hoo:

والله ياناس اني ماأنزل شماغي وأضحك وأنبسط إلا إذا جيت هنا لأني عايش سواء بعملي ولا بالمجتمع اللي حولي حياة رسميه ماتقبل الضحك والمزح ....

بس اللي يقهر أنك تشوف ناس تقلل من قيمتك ومنهم إذا رد عليك خارج مضيف فلة حجاج كنه يرد مغصوب مايبي يحرجك

أنا كتبت هالموضوع ماهمني والله أحد ولا فكرت بأي شخص بس اعتب على من يقلل من قيمة اعضاء اي قسم فيه فرفشه وضحك ...

ولاأخفيكم سر أني فكرت أغير اسمي لأني بكل صراحه أستغرب من كلام البعض عني خارج المنتدى ومنهم من يقول كلام وصل للتجريح .... ليش يقول هالكلام لأني أكتب بفلة حجاج يعني وصلت مرحلة العار عند بعض ضعاف العقول ..

وفكرت ونغت مخيخي وقلت ابي اغير معرفي وأبي رايكم هذا أول شي ..

وثاني شي أبي كل شخص يقول رايه ووين يشوف الخلل فينا ولا في غيرنا ...

وهل صار الضحك والمزح عار ؟؟؟

توسدو أحترامي ..

شام

24-07-2008, 12:53

موضوعك جميل أخي يوسف
وتعليقي البسيط إن صاحب الضحكة و صاحب الطبع المرح
لا يكون عرضة لذوي النفوس الضعيفة بل على العكس
قرأت فيما قرأت بأن أصحاب المزاج و الطبع المرح دائماً يحيط بهم الناس و الاصدقاء
وذلك لامتلاكهم روحاً رائعة في الحوارات و طاولات النقاش إضافة لقدرتهم
لتسبيط ماتعقد من أمور ومشكلات بأسلوب سهل و ممتع .
أما الاصدقاء ذوي الجدية الفائقة فأولئك تنأى عنهم الناس
لذا نستخلص مما سبق بأن صاحب الروح المرحة
إنسان محبوب وموضع احترام وتقدير بنظر المحيطين حوله
إلا من قد يرى الأمور بمنظار أسود فهنا لن يعجبه لا الجاد ولا المرح و لا مخلوق
على سطح البسيطة .
تحياتي لقلمك الفاخر و الجميل

يـــوسف

24-07-2008, 12:57

حياك ربي ياشام ...

وكلامك أقل مايقال عنه جميل ...

المشكلة يااخت شام بأن البعض لايأخذ كلام الانسان اللي يحب الضحك على محمل الجد وتجدينه يستهتر بكلامه ...

أما ماقرأتيه فهو شي جميل ينصب لصالح أعضاء فلة حجاج :)

مشكوره يااخت شام على المرور الرائع ..

تقبلي إحترامي .

ابو خلوف

24-07-2008, 13:01

والله طيبون :)

وان معك بكل الي كتبته

وقد صارت لي كثير >>>بس مهب هنا باماكن ثانيه

يـــوسف

24-07-2008, 13:18

ياعلك دوم طيب يارب ...

اجل صايرتن لك علمنا وش صاير لك طلع طلع الدفين :)

فاهم غلط

24-07-2008, 13:38

مشكور يا مشرفنا على الكلام الجميل

لا تغيره ما عليك....

الزين عندنا والشين حولينا....

يوسف اضحك يما يجي باتسر....

ومشكووور....

ابو خلوف

24-07-2008, 13:52

اخوى يوسف

والله ياطويل العمر انا باحد المنتديات

العاده اني بقسم الضحك والوناسه

بس هالمره دخلت قسم للقصايد والشيلات :)

وحطيت لهم شيله واقعد اصبر اليوم الاول والبعده

وصار لي اسبوعين محد رد والمشاهدات وصلت حول الميه

وبعضهم وانا داخل على الموضوع اشوفهم يتصفحونه بس مايرد

عصبت>>>>>تراني اقشر انتبهوا:)

قمت ادور اكثر قسم به اعضاء متواجدين

واحط ذاك الموضوع الي يعجبك

قمت اسب واهوش

ومير ينقلون الموضوع لقسم الشكاوي على طول

يوم رجعت للموضوع الاول الا القابه اربع مشاركات

وكلهم المشرفين الي شافوا الموضوع الثاني:)

حمــ الموت ـراء

24-07-2008, 14:12

والله ليه وااااي وشنوح ما عندي له جواب ..!!

اول دخول لي كنت اكتب كذا هههههه ككككككـ للدلاله على الضحك ..

لقيت استغراب من كثير من الاعضاء ..!! شلون حمراء الموت تكتب كذا !!

يعني تقدر تقول اني شبه كاتبه ..وبنفس الوقت ..فلاويه

المشكله مو سالفه ضحك ووناسه صارت الدعوه ليه البنت تدخل الفله ..!!

واكبر دليل الي تحت معرفي .. !!

الحين راح يطلع لقبي على الواجهه بالصفحه الرئيسيه راح يجي طاير يحسب الموضوع لي

علشان يدورون الحتسي والحجه ..:7ayyoh: ريلاااااكس

هالموضوع المفروض بمضيف الهموم والمشاكل بس بما انك مشرف راح يظل بمضيف الفله

شفت شلوون تأخذنا الحميا بأنفسنا ..!!

نصيحه مني جوزيف لا تسمع وش ينقال عنك اي باب لهالموضوع اقفلوه ..

علشان ترتاح لان رضى الناس كايد ..والي يبي يتبع النااس يتعب ..

حنا ما دخلنا الفله وضحكنا الا نبي الونااسه من دنيا ما رحمت لا كبير ولا صغير
نحاول نسرق الضحكه وسعه الصدر لو من ورى كيبورد ..

خذ راااااااحتك يا جوزيف وفل حجاجك .. :)

نافع بن طواله

24-07-2008, 15:17

حمـود

24-07-2008, 16:59

يوسف كلامك صحيح حتى انا المقل

بالكتابه في الفله القا الشي هذا

والرياضي لانه ما احد يبي يرد يقرون ويطلعون

العدد محدود لو تبي اعدهم الي يردون عددهم بالاصابع

يوسف يا بعد الناس الحاقدة كله

نزل موضوع ولا تهتم

لا تخليني اغزيهم

دمت بخير

خلف الرويتع

24-07-2008, 17:00

بالعكس اخي يوسف والله نحترمكم ونقدركم تشوف نجي عندكم علشان نوسع الصدر وبعدين انتم الشمعه التي تحترق لتضي لنا الطريق معصب العطاوي هههههههههههههه

صنقور

24-07-2008, 17:59

صلام عليكم << مايعرف الأختصارات ..

ياجنيني يايوصف عفووا يوسف ...

الماضووع حصاص شووي ..

وانا من ناحيتي ..

برحــه << يعني لاوراه ولا دونوه ..

فأسمـح لي بهالأبيـات << هع هع هع

.
.

وصلامتك ياطويل العمــر ..

لانهم ياجدي .. اخذو مبداء انك من هواه الكوميديا ..

يعني اموره جديه << لا المزاحميه ..

ماعندك .. هذا صيدهم هم مو انا ..

فأالفكره هاظي << اردني الليد ..

صارت نصـب عينيهم ..

فايعني ياجدي ابي اجيبها لك من الأخر ..

اقضـب ارضكـ واقضب مجنونك لايجيك اجن منوو ..

وافهـم يازولي زولك ..

واسمحي لي على المداخلــه البصيطـه ..<< همداك يتفلسف

واستقبــل احسن واجدد تحياتي

اخووكـ : صنقور

أبوطروق

24-07-2008, 19:55

يوسف ياملا والله العافية اللي تدحاك دحي

يكفيك ان الفلة هي انشط مضيف بين المضايف وترا مواضيعنا صحيح فلاوية لكن له معنى وتعالج مشاكل للي يفهم

وبعدين هالجديين واللي مسوين ثقل وش استفادوا غير الهم ومسك الشوش وحنا بهذا فالينه ومستانسين وماعندنا للشيطان طاري

أقول خلنا بفلتنا الغراء والعامرة بما لذ وطاب واللي يبينا يجينا وحياه الله

شكرا يوسف الفلاوي الاصيل

:

يـــوسف

24-07-2008, 20:25

مشكور يا مشرفنا على الكلام الجميل

لا تغيره ما عليك....
العفو يالغالي والله اني ماش امتحدي على تغييرت النك :)

الزين عندنا والشين حولينا....

يوسف اضحك يما يجي باتسر....
الضحك يالغالي والوناسه بشوفتكم والله

ومشكووور....

مشكووووووووووور يافاهم على هالمرور وفديت راسك يالغالي ..

يـــوسف

24-07-2008, 20:32

اخوى يوسف

والله ياطويل العمر انا باحد المنتديات

العاده اني بقسم الضحك والوناسه

طيب دامك راعي وناسه وضحك أبيك تكتب عندنا ولنا حق عليك تر :)

بس هالمره دخلت قسم للقصايد والشيلات :)

مقرود هههههههههههههههههههههههههههههههه وين تبي يمهم ؟؟؟ :)

وحطيت لهم شيله واقعد اصبر اليوم الاول والبعده

وصار لي اسبوعين محد رد والمشاهدات وصلت حول الميه

مفس اللي نعاني منه هههههههههههههههههههه بس حنا أزين منكم يردون علينا :)

وبعضهم وانا داخل على الموضوع اشوفهم يتصفحونه بس مايرد

هذا عاد يالغالي انا مااهتم له والله سواء رد ولا مارد ولايغير شي من نظرتي للشخص يعني إذا رد حياه الله وإذا مارد بعد حياه الله :)

عصبت>>>>>تراني اقشر انتبهوا:)

قمت ادور اكثر قسم به اعضاء متواجدين

واحط ذاك الموضوع الي يعجبك

قمت اسب واهوش

ومير ينقلون الموضوع لقسم الشكاوي على طول

هههههههههههههههههههههههههههههههههههههههه هههههههههههههههههههههه مالهم حق حنا هنا يدموقراطيين أبد وين ماتبي تكتب أكتب :)
يوم رجعت للموضوع الاول الا القابه اربع مشاركات

وكلهم المشرفين الي شافوا الموضوع الثاني:)

أول شي يالغالي انا أنتظر لك موضوع وإذا ماكتبت ترن ابعطيك مخالفه هههههههههههههههههه

وحياك الله بالمضايف بما أنك جديد واي شي تبيه ابد حنا تحت خدمتك ...

توسد أحترامي ..

يـــوسف

24-07-2008, 20:44

والله ليه وااااي وشنوح ما عندي له جواب ..!!

اول دخول لي كنت اكتب كذا هههههه ككككككـ للدلاله على الضحك ..

طيب يااخت حمراء هذي راجعه للأعضاء صح ؟؟؟يعني لحد يهمك أعجبهم كلامك ولا لا أنتي أهم شي نفسك تكونين راضيه عن نفسك ...
لقيت استغراب من كثير من الاعضاء ..!! شلون حمراء الموت تكتب كذا !!

يعني تقدر تقول اني شبه كاتبه ..وبنفس الوقت ..فلاويه

المشكله مو سالفه ضحك ووناسه صارت الدعوه ليه البنت تدخل الفله ..!!

بالعكس ياحمراء محد يمنعك لامن دخول الفلة ولاغيره وأنا أخوك هذا منتدى عام واللي يبي يدخل يدخل غصب عن اللي مو راضي حنا تحت إدارة أبو سلطان ومحد له حق يتكلم غيره ..:thumb:
واكبر دليل الي تحت معرفي .. !!

الحين راح يطلع لقبي على الواجهه بالصفحه الرئيسيه راح يجي طاير يحسب الموضوع لي
أختي حميراء والله ثم والله محد يدور عليك شي ولا غيره بس انتي مدري من اللي قايلك ونعتبرك أخت لنا وزيك زي اي أخت هنا بالمنتدى وكلكن على العين والراس ولانفرق بين عضوه وعضوه ولابين عضو وعضو كلنا سواسيه ...
علشان يدورون الحتسي والحجه ..:7ayyoh: ريلاااااكس

هالموضوع المفروض بمضيف الهموم والمشاكل بس بما انك مشرف راح يظل بمضيف الفله
أنا منزله هنا لأنه خاص بأعضاء فلة حجاج ونبي نتناقش واللي يبي يجي من خارج المضيف حياه الله ونفرش له الارض ورد وإذا ماشالته الارض تشيله روسنا ..وإذا تشوفين أنه مكانه مو هنا وتبينا ننقله حياك رايك نتقبله بصدر رحب ..
شفت شلوون تأخذنا الحميا بأنفسنا ..!!
ماأشوف أي حميا والله غير حميا الأخوه بس إذا تشوفين غيره وتشوفين اني غلطان أني نزلته هنا قولي لي ؟؟؟
نصيحه مني جوزيف لا تسمع وش ينقال عنك اي باب لهالموضوع اقفلوه ..

علشان ترتاح لان رضى الناس كايد ..والي يبي يتبع النااس يتعب ..

حنا ما دخلنا الفله وضحكنا الا نبي الونااسه من دنيا ما رحمت لا كبير ولا صغير
نحاول نسرق الضحكه وسعه الصدر لو من ورى كيبورد ..

أتفق معك بكلامك حنا جايين هنا نبي نوسع صدورنا ونضحك ولو نبي نقول اللي نشوف ونعاني منه خارج النت كان مليت الخواطر ومليت الفيض ويطردني سيف هههههههههههههههه
وأنا أسمي بعض الحالات الهروب من الواقع <_ زي حالتي مثلا :)

خذ راااااااحتك يا جوزيف وفل حجاجك .. :)

حياك يااخت حمرا ومكشورتن على هاظ المرور ..

توسدي إحترامي ..

يـــوسف

24-07-2008, 20:50

ه
ههههه
ههههههههه
ههههههههههههه
ههههههههههههههههههه
ههههههههههههه
ههههههههه
ههههه
ه

طرا علي المطنوخ

سمعت انه بالحاره يسمونه السفيه
وعقب هالسالفه سمعت انهم بالدوام خذوا منه الدوريه وخذوا منه السلاح وحولوووه للعمل المكتبي

تأثيرها واضح

وصل لوزير الداخليه والضحيه المطنوخ

تصدق <<<< طبعا لا تصدق

انا الناس صاروا يبوني اتكلم على الوزن المسحوب ويبون القافيه آن وييده

يوسف

ماعليك بالحكي اللي فوق بما اننا بالفله قلنا نبدا ببعض الفلفل هنا

اذا جيت للموضوع

انت ماعليك

فرض الشخصيه يرجع لك انت

انت اللي لازم انك تسيطر على نفسك وتعرض الشخصيه المناسبه للمكان المناسب
الحمدلله يانافع شخصيتي ماعليها كلام دورني بفلة حجاج :)
ان كنت في مكان رسمي تتعامل بالرسمي
وهذي بعد تراني مسويها وصراحه غصب عني لأن مجال عملي خدمة عملاء وتعرف العميل مايبي كلام ضحك يبي كلام رسمي وتميلح وترجي هههههههههههههههههههههه
وان كنت في مكان اجتماعي تتعامل بالشخصيه المبتسمه المتحدثه اللبقه
وهذي بعد مسويها بس أغلب الاماكن اللي أكون متواجد فيهايانافع وربي ماتتقبل المزح يعني رسميات دايم ..
وان كنت بالاستراحه فلها للصبح طوح الشماغ والبلوت حتى الموت والضحك على اشده

الله يذكر الشلة بالخير وتعرف يانافع الدنيا تفرق ماتلم وخاصة بين الاصدقاء آخر واحد قابلته والله العظيم قبل شهرين ..
وياليل ما اطولك

وماعليك باللي حواليك مادام انك انت اللي مسيطر

حياك الله ياشيخنا ونورت متصفحي بمرورك العطر ...

وتر فلة حجاج يبون قصيده ننتظر منك لاتحاول تتهرب :)

توسد إحترامي

يـــوسف

24-07-2008, 21:01

يوسف كلامك صحيح حتى انا المقل

بالكتابه في الفله القا الشي هذا
ياحمود أنت مو مقل إلا تركتنا مره وحده والله يابو ناصر اني متشفق على شوفت موضوع لك :za3lan:

والرياضي لانه ما احد يبي يرد يقرون ويطلعون

العدد محدود لو تبي اعدهم الي يردون عددهم بالاصابع
حمود الرياضي انا أقولك ليش مايردون وتر كلامي هذا مو شرط أنه يكون الصح ...
أعتقد أن الرياضي أخبار بس قليل مانلقىا فيه موضوع للنقاش ..وبما أنك كنت بفلة حجاج أتمنى أشوفك تنهض بهذا المضيف الرائع أكثر وأكثر زي ماانت الحين مخليني أنا أول ماادخل أمرهـ لأني ألقىا أخبار جديدهـ وأنت وفرت علينا الكثير بدال مانروح ندور نلقاها عند أبو ناصر ..

يوسف يا بعد الناس الحاقدة كله
يابعد راسي والله يابو ناصر ... ليت الجميع زي طيبتك ...ولاتدري لا لا علشان نغليك أكثر وأكثر مانبي أحد زيك نبيك واحد ونااااااااااااااااااااااادر rooose2

نزل موضوع ولا تهتم

لا تخليني اغزيهم
تغزي من يابو ناصر هههههههههههههههه عين خير عين خير ... ماينخاف عليك رياضي ماشاء الله متعافي مو زيي بس جالس والكرش بدت تنقز وأكل وشرب ودخان هههههههههههههههه

دمت بخير
حمودنا والله اني اغليك ياخي لعنبو غيرك بس ....

حمود مشكور على هالمرور وعلى الكلام اللي والله العظيم وسع صدري مثل كلام الأخوان اللي قبلك ...

توسد إحترامي .

يـــوسف

24-07-2008, 21:07

بالعكس اخي يوسف والله نحترمكم ونقدركم تشوف نجي عندكم علشان نوسع الصدر وبعدين انتم الشمعه التي تحترق لتضي لنا الطريق معصب العطاوي هههههههههههههه

والله يابو عتيق أنكم على العين والراس وإحترامكم لنا بحد ذاته فخر ...

ياعسىا صدرك دوم وسيع ولا تعصب ولاتتضايق مع أنكم يااهل سوالف التاريخ تعانون من المغالطات هههههههههه

بالعكس الشمعه أنتم ياكبارنا اللي تسوون كل شي علشان رضانا وسعادتنا وعسىا الله يخليكم ذخر لنا وتاج على الراس ..

والله معصب من شي شفته يابو عتيق وللحين الحرقه بتسبدي :za3lan:

تقبل إحترامي ..

حمـود

24-07-2008, 21:11

حمودنا والله اني اغليك ياخي لعنبو غيرك بس ....

حمود مشكور على هالمرور وعلى الكلام اللي والله العظيم وسع صدري مثل كلام الأخوان اللي قبلك ...

توسد إحترامي .

وانا لو تدري بغلاتك كان تنحف

وشو الرياضي انا كرشتي طلعت ما تقل رياضي ابي

اعتزل الكرة القدم واخباره

هههههههههههههههههه

يوسف ابي اغزيهم مهو بالحرب والخناق
ابي اغزيهم بالمواضيع بس انت حدد المضيف وانا اغزيهم

تبي موضوع ابشر بس انتظر بهاليومين

صحصحت يعني قمت من النوم ارجع للاهداءات
دمت بخير

يـــوسف

24-07-2008, 21:19

صلام عليكم << مايعرف الأختصارات ..

ياجنيني يايوصف عفووا يوسف ...
أما جنينك هههههههههههههههههه
الماضووع حصاص شووي ..
مشكلتي خبيل أدربيه ماأعرف اسكت ههههههههههههههه ودايم أنكب عمري تخبر هالوقت هذا الناس ماتبيك تقوله الصراحه :) والأحساس هذا مخليه بس للغلا :d:
وانا من ناحيتي ..

برحــه << يعني لاوراه ولا دونوه ..

فأسمـح لي بهالأبيـات << هع هع هع

.
.

وصلامتك ياطويل العمــر ..
وين الأبيات ؟؟؟ تبيني اسجك بمخالفه هههههههههههههههههههههههه
لانهم ياجدي .. اخذو مبداء انك من هواه الكوميديا ..

يعني اموره جديه << لا المزاحميه ..

ماعندك .. هذا صيدهم هم مو انا ..

فأالفكره هاظي << اردني الليد ..

صارت نصـب عينيهم ..

فايعني ياجدي ابي اجيبها لك من الأخر ..

اقضـب ارضكـ واقضب مجنونك لايجيك اجن منوو ..

وافهـم يازولي زولك ..
كلامك منتاز منتاز منتاز وخلاني أفكر شوي يعني حطيت يدي على شدوقي وأفكر <_ مسوي يمر بلحظة صمت :)
واسمحي لي على المداخلــه البصيطـه ..<< همداك يتفلسف
مداخشتن غير عن المداخشات يالغالي والله يوسع صدرك زي ماسوعت صدري مبطي ماحست ان بوه واحد زي طينتي يفقشه فقش هههههههههههههههههههههههههههههههههه ....
واستقبــل احسن واجدد تحياتي

اخووكـ : صنقور

جاري الاستقبال ياصنقور العربان هالصنقور :)

أخوك يوسف الـــ ع ـــــطآوٍِي ...

توسد إحترامي .

يـــوسف

24-07-2008, 21:28

يوسف ياملا والله العافية اللي تدحاك دحي
الله يعافيك يابو طرووووووووووووق يابعدهم والله انت :315r:

يكفيك ان الفلة هي انشط مضيف بين المضايف وترا مواضيعنا صحيح فلاوية لكن له معنى وتعالج مشاكل للي يفهم
هذا اللي محد راضي يفهمه وماخذين ان المواضيع اللي نكتبه كلها سخافة ولا فيها من الفايدهـ شي ... وياليت أي شخص جديد ولا مو مقتنع يقرا كل موضوع كتبانه هنا ويقراه بتمعن ويفهم وش المغزى من الموضوع :thumb:
وبعدين هالجديين واللي مسوين ثقل وش استفادوا غير الهم ومسك الشوش وحنا بهذا فالينه ومستانسين وماعندنا للشيطان طاري
أي والله إنك صدقت محد فالها غيرنا هههههههههههههههههههههههههههههههههه
أقول خلنا بفلتنا الغراء والعامرة بما لذ وطاب واللي يبينا يجينا وحياه الله

وهذا اللي حاصل يابو طروق أنا رجال مستحيل أكتب موضوع بغير مضيفنا فلة حجاج
شكرا يوسف الفلاوي الاصيل
العفو يالغالي والأصيل والله أنت يابو طروق
:

مشكور يابو طرووووووووووووق على المرور .

توسد إحترامي ..

يـــوسف

24-07-2008, 21:31

أبو ناصر كفو كفو أجل غزو مواضيع زين على بالي به به شيلت سيوف ومددسات :)

إيه بدهاش حتسي يابو ناصر صحصت وروقت وكليت لي رغيف مدري كم صارله لس إذا هي قليله أسبوعين هههههههههههههههههههههههههههههههههههههههه هههههههه

راجع للأهدائات يالغالي

**يالربع ملاحظة بسيطه أنا أتكلم بشكل عام ماأحدد مضيف ولا قسم والنظره عامة لكل المنتديات مو بس مضايفنا الغالية

حياة الورد

24-07-2008, 22:53

ريال الفسحه

24-07-2008, 23:48

هههههههه

اي والله كلنا خبول :)

اسمع ياملا الموليه اللي يقولك هالحتسي كله كل تبن او
تدري التبن غالي قله كل *** ارخص وببلاش :)

بعدين

معلمك مبطي اسمك مايصلح ويوم بغيت تحطه بسكوت مالح
يوم تراسلن تحسب اني اقدر اغيره ههههههههههههه كنت كمخه

المهم قلت لك حطه قوطي ببسي معفوط او قوطي ببسي او قوطي مدعوس

اقسم بالله احسن من اسمك

:)

يوسف تقبل التحيه وطع شوري

شنقل

25-07-2008, 01:49

الفله مافيه نفسيه

خارج الفله نفسيه

فتى البيداء

25-07-2008, 02:26

يوسف يقول الشاعر :

إذا نطق السفيه فلا تجبه --- فخيراً من أجابته السكوت

فأن كلمته فرجت عنه --- وأن خليته كمداً يموت

أظنك ذكي بل أجزم وتفهم معنى هالأبيات .

شف ألي يسمونه الخفاش الأسود (حسن مديني ) كاتب ساخر ويحل قضاي كبيره ، وما هبل العلمانية بالكتابة ألا هو .

لك مني أجمل تحية .

الشبث

25-07-2008, 03:06

بصراحه انا يكفيني رد اخوي نافع واخونا الكبير خلف الرويتع

هذي بحد ذاته شهاده لكتاب الفله

ومثل ما يقول المثل

ما يهز الجبل دق الاطناب

وتقلد تحيتي

مصيول

25-07-2008, 05:55

يوسف مدري ليه ياخووك احس تاكتك العبره :( ــــــــــــــــ تعال تعال ياجنيني شكلك فاقد حنان :):)

اسمع ياطويل العمر والبقى والسلامه موضوعك على الجرح بصراحه :(

بس المشكله انه غامض وغامض جداً

شف بعطيك مثال من واقع حياتي !

فيه شايب من ربعنا مزوح وضحوك وياجلست عنده والله ماتمسك بطنك ـــــــــــــــــ تضحك ياما تنسى نفسك !

الشيبان الثانين ينقدوون عليه كثير مع انه راعي قصيد وسوالفه لاتكلم بين الرجال ماودك يسكت :):)

واذا صار عندنا يالشباب مايتكبر ويسولف وينكت ومن ابدع مايكون !!

الشيبان اللي لاهم راعين قصيد ولاهم راعين سوالف ولاهذي ولاهذيتس ينقدون عليه ل وكثير يتشرهون عليه !!

مع العلم انه ماسوى شي حرام ــــــــــــــ بالعكس الرجال يبحث عن الضحكه المشروعه بعيد عن التكلف والتصنع :(

بس وش تقول ـــــــــــــــــ الشيبان ذولا اسميهم اعداء النجاح :):)

بس تدري عاد فيه ميزه تعجبني كثيرر ــــــــــــــ مايلتفت لهم الرازق بالسماء والحساد بالارض !!

بالاخير ابي اطلعك على سر خطير ـــــــــــــــــــ من الممكن لأي شخص انه يكتب موضوع يأثر فيك لحد البتسوه ولاقبله شوين !!

لكن قله اللي ليامنه كتب موضوع اضحك الاخرين !!

الضحك سلعه نادره ــــــــــــــــــ لكني وجدته متوفره وبكثره بفلة الحجاج !

يوسف خذ وخل :):)

أهداااب

25-07-2008, 06:38

رضا الناس غايه لا تدرك

وأذا أنت مقتنع بالفله ومقتنع بالمواضيع اللي تنزلها خلاص مايهمكش حد :)

وتبي الصدق يوسف من واقع حياتي كثير ناس تستخف باللي يضحك واجد

انا عندي أخت أصغر مني بكم سنة لكن ماشا الله عليها دايم فاله الحجاج وهي خالقه جو في البيت:thumb:

مع أن الأغلب يقول عنها مهبوله :)

الأ أني لما أفتح معها موضوع جدي وأخذ رأيها عندها رأي في مكانه :thumb:

ومقنع مليون بالميه ناهيك عن أنها رجوليه يعني أنثى بقلب رجال ما تخاف :)

وبصراحة الكاتب اللي يصنع الأبتسامة على الوجيه أفضل مئة مره من الكاتب اللي يولد الدمعه

لأن حتى في التمثيل والسنما المسرح أصعب من الدراما و الحزن

فحنا ناس كل واحد عنده كووووم من الهموم والمشاكل ومن السهل أذا سمع أو

قراء أي شي يحزنه يهلها بكوة

لكن الأبتسامة صعبة مو أي واحد يقدر يضحك اللي حواليه مثل ما يسموها كريزما

وعلى فكرة أنت رجل مختلف تدري ليه:)

لأني قرأت أن النساء أكثر أبتسامة وضحك من الرجال

فالرجال بالعادة دايم عاقدين الحجاج

يوسف أذا تبي تغير أسمك سوى عشا و أعزمنا

دمت صديق للأبتسامة

roooose

الغيوره

25-07-2008, 10:59

يووووسف

ماعليييك من احد

وانا من النااس اللي قليل مايردون على المواضيع والسبب مو تقليل من قدر الكاتب بالعكس اغلب المواضيع اللي اقراها تكون حلوه بس للاسف تعودت على عدم الرد بمنتديات ثانيه

بس انشالله انه هالطبع يتغير عشان المبدعين اللي مثلك مايزعلون

وسلام :)

يـــوسف

25-07-2008, 14:13

والله انك صادق اخوي يوسف

بس كانك تبي الشور
لاااااااااااااااااااااتغيره
ماعليك من احد
هذا حنا ومزاجنا
كيف مانبيه يصير
بغينا وناسه وسعة صدر
بغينا جد
حنا كذا
واذا البعض عنده رفض لنا
هذا شي راجع لعقليته المتحجره
خله يقعد مصيره للضغط والسكر
إيه يمكن السكر يحلله ويفتت مخه ونسلم منه :)
وسع صدرك ياخوي..
كلامك على عيني وراسي ...وهذا اللي حاصل ماهمنا أحد :)
مشكوره يااخت حياة الورد على المرور ولاهنتيش ...

والحمدلله موسع صدري ماعليك مايضيق صدري أنا بالسهل :)

توسدي إحترامي .

يـــوسف

25-07-2008, 14:17

هههههههه

اي والله كلنا خبول :)
وأنت خبلنا اللي علمنا الخبال هههههههههههههههههه من عرفتك وانا سبلتي تدرج :)

اسمع ياملا الموليه اللي يقولك هالحتسي كله كل تبن او
تدري التبن غالي قله كل *** ارخص وببلاش :)
أعدتك عجايب صرت تشكي من ارتفاع سعر التبن هههههههههههه

بعدين

معلمك مبطي اسمك مايصلح ويوم بغيت تحطه بسكوت مالح
شفت انك خبل ومنتهي وفضيحه :)
يوم تراسلن تحسب اني اقدر اغيره ههههههههههههه كنت كمخه
ياخبيل يوم أرسل لك كنت ابي احتك ابي اصير خويك :)

المهم قلت لك حطه قوطي ببسي معفوط او قوطي ببسي او قوطي مدعوس

اقسم بالله احسن من اسمك
ياخي انت منت منتاز وبس انزلع انت وشورك :)

:)

يوسف تقبل التحيه وطع شوري

سلمانكو ياملا الموليه :)

مكشورن على هاظ المرور ولاعاد اشوفك انزلع فكن من شرك ههههههههههههههههههههه

توسد إحترامي .

يـــوسف

25-07-2008, 14:18

الفله مافيه نفسيه

خارج الفله نفسيه

التسروه وينه رشوووووووووووووه يالربع :)

توسد إحترامي .

يـــوسف

25-07-2008, 14:22

بصراحه انا يكفيني رد اخوي نافع واخونا الكبير خلف الرويتع

هذي بحد ذاته شهاده لكتاب الفله

ومثل ما يقول المثل

ما يهز الجبل دق الاطناب

وتقلد تحيتي

متقلدن تحيتك مبطي ههههههههههههههه

مكشورن يابو ماجد على هاظ المرور .والاطناب مثبته لاتخاف :)

يـــوسف

25-07-2008, 14:27

يـــوسف

25-07-2008, 14:32

يوسف مدري ليه ياخووك احس تاكتك العبره :( ــــــــــــــــ تعال تعال ياجنيني شكلك فاقد حنان :):)

اصبر ابي احط راسي على فخذك وابتسي :)
اسمع ياطويل العمر والبقى والسلامه موضوعك على الجرح بصراحه :(

لزقه طيب :)
بس المشكله انه غامض وغامض جداً

شف بعطيك مثال من واقع حياتي !

فيه شايب من ربعنا مزوح وضحوك وياجلست عنده والله ماتمسك بطنك ـــــــــــــــــ تضحك ياما تنسى نفسك !

زي أبو عارف يعني :)
الشيبان الثانين ينقدوون عليه كثير مع انه راعي قصيد وسوالفه لاتكلم بين الرجال ماودك يسكت :):)

واذا صار عندنا يالشباب مايتكبر ويسولف وينكت ومن ابدع مايكون !!

الشيبان اللي لاهم راعين قصيد ولاهم راعين سوالف ولاهذي ولاهذيتس ينقدون عليه ل وكثير يتشرهون عليه !!

مع العلم انه ماسوى شي حرام ــــــــــــــ بالعكس الرجال يبحث عن الضحكه المشروعه بعيد عن التكلف والتصنع :(

بس وش تقول ـــــــــــــــــ الشيبان ذولا اسميهم اعداء النجاح :):)

بس تدري عاد فيه ميزه تعجبني كثيرر ــــــــــــــ مايلتفت لهم الرازق بالسماء والحساد بالارض !!

بالاخير ابي اطلعك على سر خطير ـــــــــــــــــــ من الممكن لأي شخص انه يكتب موضوع يأثر فيك لحد البتسوه ولاقبله شوين !!

لكن قله اللي ليامنه كتب موضوع اضحك الاخرين !!

الضحك سلعه نادره ــــــــــــــــــ لكني وجدته متوفره وبكثره بفلة الحجاج !

يوسف خذ وخل :):)

خذ وخل وسجل الباقي على الدفتر :)

مصيولنا مشكور على هالموضوع وعلى الرد اللي يوسع الصدر يالقاطع :)

توسد إحترامي

يـــوسف

25-07-2008, 14:46

رضا الناس غايه لا تدرك

وأذا أنت مقتنع بالفله ومقتنع بالمواضيع اللي تنزلها خلاص مايهمكش حد :)

والله مقتنع به ولو ماني مقتنع ماجلست به تقل وجه بنقالي :)
وقلت لكم محد هامني بس استغرب من كلام وتصرفات البعض ..

وتبي الصدق يوسف من واقع حياتي كثير ناس تستخف باللي يضحك واجد

انا عندي أخت أصغر مني بكم سنة لكن ماشا الله عليها دايم فاله الحجاج وهي خالقه جو في البيت:thumb:

:d:كم عمره <_ ماهو خاطب ابد :)

مع أن الأغلب يقول عنها مهبوله :)

الأ أني لما أفتح معها موضوع جدي وأخذ رأيها عندها رأي في مكانه :thumb:

ومقنع مليون بالميه ناهيك عن أنها رجوليه يعني أنثى بقلب رجال ما تخاف :)

هونا عن الخطبه مانبي هههههههههههههههههههه
وبصراحة الكاتب اللي يصنع الأبتسامة على الوجيه أفضل مئة مره من الكاتب اللي يولد الدمعه

لأن حتى في التمثيل والسنما المسرح أصعب من الدراما و الحزن

فحنا ناس كل واحد عنده كووووم من الهموم والمشاكل ومن السهل أذا سمع أو

قراء أي شي يحزنه يهلها بكوة

الله يستر ويبعد الدموع عننا ..

الكن الأبتسامة صعبة مو أي واحد يقدر يضحك اللي حواليه مثل ما يسموها كريزما

وعلى فكرة أنت رجل مختلف تدري ليه:)

لأني قرأت أن النساء أكثر أبتسامة وضحك من الرجال

فالرجال بالعادة دايم عاقدين الحجاج

يوسف أذا تبي تغير أسمك سوى عشا و أعزمنا

معصي ماوالله اسوي لكم شي ههههههههههههههه أفقرتوني :)

نبي نسوي قطيه :)

دمت صديق للأبتسامة

roooose

مكشوره ياهديبا على هالمرور ولاهنتي ...

توسدي إحترامي .

خلف الرويتع

25-07-2008, 17:30

الى جميع اعضاء الفله اعلمو ان خفه الدم هي هبه من الله هي موهبه مثل الشعر والفن فهي نعمه احمد الله على هذه النعمه واعلمو ان الكثير يحسدكم على هذه الموهبه وما تواجدنا معكم غير تشجيع وتقدير لمجهودكم واعتراف الى اهميه هذا المضيف وما يحويه من افكار وفكاه ومرح وسعه صدر الله يوفقكم

اخوي يوسف وشنوح الشباب توسدهم الاحترام وانا ماتوسدن مثلهم ههههههههههه

يـــوسف

25-07-2008, 18:58

خالي خلف والله موسدك الاحترام مبطي :)

صنقور

25-07-2008, 22:08

جاري الاستقبال ياصنقور العربان هالصنقور :)

أخوك يوسف الـــ ع ـــــطآوٍِي ...

توسد إحترامي .

هع هع هع هع

يالله حي هالخشــه .. يابعـد خشـه الشبـث

<< متحلـف بالشبـث ..

ياعلووه دووم ومايعلوو يووم صدرك وسيـع ..

اميــن

ودي اقوول ياحياتي بس اخاف من المناقيد وانت خابر ربعـنـا الله يهداهم ..

فأتمنى ان اجـد مكـان بينك بمضيف فلـه الحجاج ..

وووووووو .. والخ << قام يمقـس هع هع هع

استقبـل تحياتي

المسافـر

25-07-2008, 22:18

هلا اخوي العطاوي

يايوسف الفله غير شكل تدري ليش

لان مافيه حسد وحقد كلنا اخوان

ندخل هنا نكتب الموضوع و نضحك

و نسوي ردود ونمشي واللي بقلبنا على لساننا

وانت اكبر دليل يعني مثل موضوعك

موضوع قوي ويعطيك العافيه انك كتبته

بس اهل الفله ماعليهم مثل ماقلت انت فيهم الدكاتره

وفيهم المهندسين وفيهم الشعراء ايضا

ويكفينا فخر ان اغلب جوائز هالمنتدى لاهل الفلة

يعني هذا دليل على وعينا وثقافتنا

بس الفلسفه والنفسيات الزايده الحمد لله مالنا فيها شغل

دقيقه

اسمك ليه تغيروه ياخذ هالخشم مافيه اسم احلى منه هنا الا

ايمان قويدر ههههههههههههههههههههههه
>> لك تقديري

لا لاتغيره

وساتوسد تحيتك وانت عساك على القوة

بالمختصر..

25-07-2008, 23:10

اللي يحكم عليك من خلال كتابتك بـ فلة الحجاج .. ماعندوه سالفه ..!

المكان هنا للوناسه و الضحك .. لاأكثــر ..

.
.

عجايب بنت الشايب

26-07-2008, 00:51

الموضوع هذا متى صار ومتى وصل للصفحه 3

انا ويني ؟

يوسف لاعاد تنزل مواضيع اذا فضى الوايت

يعني ياعجايب لاتردين فاهمه انا اصلا انت ماتدانيني ارد على مواضيعك

هين يوسف

يجي لك يوم

بكره شف سيارتك عند الباب وش فيها ... طيب

الأستهبال غير الفله والضحك

لأ الأستهبال اهبل صح

فاللي يستهبل عليك ... وانت بموقف جد

عطه ذيك النظره اللي يعيف هدومه منها .. وقل له

يالله صلاح العطا

ويالله على نعمة العقل

ولا خلص استهبال

قل

ماكنك اشوااا ؟

أرتحت ؟

دائما المواقف والمجالس والحكم على الأمور وحل المشكال

يبين لنا منهو الهبل ومنهو الصاحي

يعني

ماعليك ... مو لازم نقول حنا مثقين وحنا ترا عاقلين

لا لا

الميدان ياحميدان ...

والأيام خير برهان

اعجبني جدأ

كلام مصيووووول

لاهنت مصيول

ولاهنت يوسف

اما اسمك .. شيء يرجع لك .. وبراحتك

لن في كل الحالتين بنااديك .. يوسف

هذا المشرف العام

ناديه ابو سلطان .. :) وهو ماكتب

اعتذر لتأخري في الرد والله ماشفته غيّب عليّ :)

طحياتي ..............,,

سمااا

26-07-2008, 09:05

الشبث

26-07-2008, 09:32

الاخوان جميع ما قصروا في وجهات نظرهم

واخونا يوسف فتح مجال لنا علشان نتكلم براحتنا هنا ونبين امور خافيه

اخوي يوسف

بالنسبه لتغيير اسمك

فأقول

ياخي شف اسمي هاللي غاثني

بس الناس تقبلوه مع مرور الوقت

واعتقد ما اصلح بدونه الحين

فلا تغير اسمك يالذيب ابد

لان الخلل مهو بالاسم

لكن فيمن يحمل الاسم

اما بالنسبه لانتقاص الكثيرين للاسف من الكاتب الساخر

فاعتقد ان من ينتقد الكاتب الساخر انسان فيه من الامراض النفسيه مالله به عليم

فالكتابه الساخره فن من فنون الكتابه

وممكن ان الكاتب الساخر يكون شاعر او فيلسوف او اديب

او حتى مهندس ودكتور

لكن انا اتحدى اي فيلسوف او شاعر او ..... او الخ

انه يكتب كتابه ساخره

انا هنا ما اقصد امدح الفله او اذم غيره

انا اتكلم بشكل عام

ومن خلال المقالات في كل مكان

اخي يوسف

اجعل الخطأ يأتي من غيرك

وقل دائماً اللهم اجعلني مظلوم ولا تجعلني ظالم

واعتقد الفله ترد بأسلوبها وبتفاعلها وبجمال اعضائها

وتقلدوا تحيتي

يـــوسف

26-07-2008, 12:22

صنقور ترن عقب سالفة المسافر متحمس ودي أكثر من كلمة ياعمري وياحياتي هههههههههههههههه أفطن لروحك :)

أبد يالغالي حياك الله يالفلة وأي شي تحتاجه ترن هنا تحت خدمتك <_ تحس اني عسكري توي متخرج ومستانس :)

صنورنا فلها وربك يحلها :)

توسد إحترامي ..

ريم شمر

26-07-2008, 12:23

توني اشوف الموضوع :a:

.
.

باختصار وعلشان ماكثر حتسي ، بالنسبة لي انا شخصيا

ما انبسط الا اذا شفت ربع الفله مسيرين على العام او على اي قسم اخر :d:

احسهم يحركون الراكد واذا تبي الحقيقه وبدون اي مجامله

هم تقريبا اللي ممكن يتكلمون بأي فن وبأي مواضيع

بدون تصنع ....او تميلح او اي نوع من المجامله السمجه

الواحد فيهم يعطيك رايه بكل شفافيه وبروح اكثر من رائعه

وتلقى رايه احسن من حقين الفلسفه والاستعراض :puzzled:

يعني اذا جوا عندنا بالعام وبمواضيع قويه تلقاهم قدها وقدود

وانبسط اذا شفت لكم ردود هناك خصوصا انه احيانا تكون المجامله ضاربة اطنابها عندنا :(

واذا راحوا للتصميم مافيه احسن منهم :)

واذا مروا الشعر والخواطر بعد ماعليهم :thumb:

واذا رجعوا لحارتهم ( فلة حجاج ) وسعوا صدورنا ونشروا الفرح والبهجه

.
.بالنسبه لبقيه الاعضاء فعدم مشاركتهم بالفله او عدم حضورهم تختلف اسبابه

ولاتحكم على الجميع انه ينظر نظرة دونيه لكم فمثل (هذا الشخص )هو من لديه مشكله وليس انتم

لكن غالبا وخلني اتكلم عن نفسي

عدم المشاركه هو من باب انا نشوف انفسنا ثقيلين دم عندكم :)

الانسان خفيف الدم المزوح في لحظات الجد يستطيع التأقلم والمشاركه

اما الانسان الجاد او اللي مايملك هذه الموهبه اذا طلع من مكانه يضيع :)

وخصوصا اذا جا عندكم :puzzled:

انا أقرأ تقريبا كل مايكتب هنا بس اتردد كثير بالرد او المشاركه

واذا رديت ماعندي الا شكرا والله يسلمك والى الامام :)

وكثير مثلي يمنعهم من المشاركه معرفتهم بانفسهم وعدم قدرتهم على مجاراة اهل الفله

ويمكن هذا اللي يسبب لك مثل هالاحساس يايوسف

الزبده

نظرة الاخرين لك لاتحدد شخصيتك

فسواء كانت نظره دونيه او عاديه او احترام وتقدير فلاعلاقه لها بما تكون وبما انت عليه بالفعل

وانتم يااهل الفله محبوبين وحلوين ولكم تأثير مهو سهل في جميع انحاء المضايف

بس تبون نصيحتي

خففوا شوي من فزعتكم لبعض :)

ومع انها شي جميل لكن تعطي انطباع انكم حزب خاص لايمكن اختراقه

.
.
تدري اخوي يوسف

موضوعك هذا يدل فعلا على انكم واضحين جدا وماتحبون اللف والدوران

اجمل المنى لكم بالتوفيق واعذورنا لو قصرنا معكم

بس حنا مانعذركم ابد لو تقصرون :)

يـــوسف

26-07-2008, 12:27

هلا اخوي العطاوي
هلابك أنت
يايوسف الفله غير شكل تدري ليش

لان مافيه حسد وحقد كلنا اخوان
وهذا اللي مخليني سجلت وجيت علشانه والله :)
ندخل هنا نكتب الموضوع و نضحك

و نسوي ردود ونمشي واللي بقلبنا على لساننا

وانت اكبر دليل يعني مثل موضوعك

موضوع قوي ويعطيك العافيه انك كتبته
الله يعافيك وأنا زي ماقلت اللي بقلبي على لساني وهالشي وداني بتسين داهيه ههههههههههههه
بس اهل الفله ماعليهم مثل ماقلت انت فيهم الدكاتره

وفيهم المهندسين وفيهم الشعراء ايضا

ويكفينا فخر ان اغلب جوائز هالمنتدى لاهل الفلة
:3ajebni::thumb:
يعني هذا دليل على وعينا وثقافتنا

بس الفلسفه والنفسيات الزايده الحمد لله مالنا فيها شغل

دقيقه

اسمك ليه تغيروه ياخذ هالخشم مافيه اسم احلى منه هنا الا

:d:أسمي يعني فني هههههههههههههههههه

ايمان قويدر ههههههههههههههههههههههه
>> لك تقديري
ههههههههههههههههههههههههه أحلىا إيمان من قدك roooose

لا لاتغيره
هونت والله عقب كلامكم وأول كنت أبي أغيره لدوشق هههههههههههههههههههههههههههههه
وساتوسد تحيتك وانت عساك على القوة

أخوي المسافر بيض الله وجهك على هالكلام ...

درر ياشيخ فديت منطوقك ..

توسد إحترامي للدفنه :)

يـــوسف

26-07-2008, 12:30

اللي يحكم عليك من خلال كتابتك بـ فلة الحجاج .. ماعندوه سالفه ..!

المكان هنا للوناسه و الضحك .. لاأكثــر ..

.
.

حيالله خالتي ..

خاله يقولون خير الكلام ماقل ودل وأنتي كلامك من ذهب ...كل الأحترام لك

توسدي إحترامي :)

يـــوسف

26-07-2008, 12:38

الموضوع هذا متى صار ومتى وصل للصفحه 3

انا ويني ؟
وينتس يعني تروين الوايت ولا تراعين للنياق وتهيجنين :)

يوسف لاعاد تنزل مواضيع اذا فضى الوايت
طيب الشكوى لله نتحراك مرة ثانيه بس اعلني فوق انك تبي تروين هههههههههههههههههههههههههههههههههههههههه هههه

يعني ياعجايب لاتردين فاهمه انا اصلا انت ماتدانيني ارد على مواضيعك

هين يوسف
من قاله لك أنتي وش بلاتس علي هآه <_ يتقرط عجايب بقواطي حليب بوني :)
عجايب انتي ردك له نكهه وطعم ولون بردغاني على شوي بني :)
يعني ردك له نكهه خاصة ولون خاص (بني +على أخضر زيتي )ومانستغني عن ردودك :)

يجي لك يوم
لاحول هذي اللي تبي تهاوشن غصب وش بلاتس علي تعوذي من الشيطان تريني ماني ذال والله هههههههههههههههههههههههههههههههه

بكره شف سيارتك عند الباب وش فيها ... طيب
تكفين تعالي انتي والحنشل اللي عندك كسروه غدي التأمين يعطوين شي ابصلح مسجله مامعي فلوس :za3lan:

الأستهبال غير الفله والضحك

لأ الأستهبال اهبل صح

فاللي يستهبل عليك ... وانت بموقف جد

عطه ذيك النظره اللي يعيف هدومه منها .. وقل له

يالله صلاح العطا

ويالله على نعمة العقل

ولا خلص استهبال

قل

ماكنك اشوااا ؟

أرتحت ؟
تبي تخلينه تغدي بالعقل انتي هههههههههههههههههههه

دائما المواقف والمجالس والحكم على الأمور وحل المشكال

يبين لنا منهو الهبل ومنهو الصاحي

يعني

ماعليك ... مو لازم نقول حنا مثقين وحنا ترا عاقلين

لا لا

الميدان ياحميدان ...

والأيام خير برهان

اعجبني جدأ

كلام مصيووووول

لاهنت مصيول

ولاهنت يوسف

اما اسمك .. شيء يرجع لك .. وبراحتك

لن في كل الحالتين بنااديك .. يوسف

هذا المشرف العام

ناديه ابو سلطان .. :) وهو ماكتب

اعتذر لتأخري في الرد والله ماشفته غيّب عليّ :)

طحياتي ..............,,

معذوره ياعجايبوه هين هين والله لاأحذف مواضيعك ههههههههههههههههههههههههههههههههه

إذا مارديتي علي طبعا أحذفهن <_ يبلع العافيه بسرعه :)

توسدي إحترامي .

يـــوسف

26-07-2008, 12:48

الســـــلام عليكم ...
.
.عليكم الصلام
أعجبني موضوعك وأنت صادتس .. يا وخيـــــي !!
يعني عجايب بنت الشايب :)
.
وبينـــــي و بينـــــك ترا الناس ما يملا عيونـــــهم غير التـــــراب ..>
يعنـــــي لياشافوك تضحك قالوا وش هالخفيف .. وليا صرت جدي وحازم قالوا وش هالمتكـــــبر ...!!
.
.
يعني قسم بالله بتتعـــــب لما بتفـــــكر مجرد التفـــــكير ..........!
.
وبعديـــــن ليش تغير يـــــوسف ليه وش فيه .. صدقنـــــي إن كان هـــــناك من خلل .. فالخلـــــل من عقول بعض البشـــــر ...!!
.
أتـــــكلم لك من واقع ... آخـــــر سولافـــــه نزلتـــــها ..
جتنـــــي على الخاص رسالة تهزيئ على كيف كيـــــفك ..
طيب ياليت ترسلين لأي مشرف رسالته ..وهو وش حضرت أبوه يرسل لك وصي عليك ولا يبي يسنع العالم :)
على فكرة تري بعض النوعيات اللي نتكلم عنها كذا يسوي نفسه مؤدب ومدري وشو ويتميلح و ثالث رسالة طاخن الرقم :)

بعدين وش قلتي انتي ماقلتي شي غلط سالفة وأنتهينا ...الحمدلله بس على العقل ماعليك منه تبي تشوفين كثير زي هالنوعية :).
لدرجـــــة إنـــــي أستخرت بترك المضايف ... !!
وتضايقت بالحيل لأن كلامه كان لاذع بشكـــــل ...!!!
.شوفي أختي هالشي يعاني منه الكثير مو بس انتي وأستغرب سكوتكم عن هالاشكال ؟؟؟
يعني أنتم كذا تخلونه هو اللي مطلعكم من المضايف .. أقوله لك ولغيرك أي إنسان يرسل لك خاص ويتكلم ويتلفظ ياانك ترسلين لمشرف أو مشرفه ثقه وتبلغينه بكل شي وهو يتصرف ..وإذا مافيه إمكانيه إنك ترسلين خاص شوفو قسم الشكاوي ..ولايطري على أحد يترك المضايف علشان كم جعل :)

وإذا فيه إحراج انك ترسلين لأي مشرف عندك ريم شمر وعجايب أرسلي لهن وأبصم لك بالعشر حقك يجيك خابرهن :)
و اللحين أفكر .. أفكر .. أفكر .. وش الســـــواة !!؟
مدري هو صادتس ولا مقـــــهور ولا وشو ... !
.شوفي خيتي أنتي كتبتي قصة ويعاني منه الكثير مو بس أنتم يعني تكلمتي بشي من الواقع ..بس فيه نوعيات لو تكتبين موضوع فيه قلة حياء جاك يركض ويشكرك وحالته حاله ..وأغلب شي بحالته أتوقع أنه يبي يحتك ههههههههههه
يسعدك يا يوسف يا قدع على هالموضوع اللي يبرد التسبد...........!
.دوم يارب السعاده وأهم شي بردت تسبودكم ههههههههههههههههههههههه
تحيتي يا جوزيف "

توسدي إحترامي ..

يـــوسف

26-07-2008, 12:51

الاخوان جميع ما قصروا في وجهات نظرهم
أنا اشهد كفو ووفو بيض الله وجيههم ..
واخونا يوسف فتح مجال لنا علشان نتكلم براحتنا هنا ونبين امور خافيه

اخوي يوسف

بالنسبه لتغيير اسمك

فأقول

ياخي شف اسمي هاللي غاثني

بس الناس تقبلوه مع مرور الوقت

واعتقد ما اصلح بدونه الحين

فلا تغير اسمك يالذيب ابد
يعني تقارن أسمي بأسمك ههههههههههههه أنت قلص وأنا بشر :)
لان الخلل مهو بالاسم

لكن فيمن يحمل الاسم

وش قصدك يعني الخلل بي ؟ :puzzled:

اما بالنسبه لانتقاص الكثيرين للاسف من الكاتب الساخر

فاعتقد ان من ينتقد الكاتب الساخر انسان فيه من الامراض النفسيه مالله به عليم

فالكتابه الساخره فن من فنون الكتابه

وممكن ان الكاتب الساخر يكون شاعر او فيلسوف او اديب

او حتى مهندس ودكتور

لكن انا اتحدى اي فيلسوف او شاعر او ..... او الخ

انه يكتب كتابه ساخره

والله فكرة نبي نتحداهم :)

انا هنا ما اقصد امدح الفله او اذم غيره

انا اتكلم بشكل عام

ومن خلال المقالات في كل مكان

اخي يوسف

اجعل الخطأ يأتي من غيرك

وقل دائماً اللهم اجعلني مظلوم ولا تجعلني ظالم

واعتقد الفله ترد بأسلوبها وبتفاعلها وبجمال اعضائها

وتقلدوا تحيتي

توسد إحترامي ...

يـــوسف

26-07-2008, 12:54

أم طلال والله أتخيل شكلك تكتبين بالفلة هههههههههههههههههههههههههههههههههههههههه هههههه

فضايح هههههههههههههههههههههههههههه

أم طلال عسىا الأبتسامة دوم ماتفارقكم إن شاء الله ...

أما بالنسبه للفزعه ماعليك نتخانق مع بعض على طول ههههههههههه ماتدوم الفزعه كل شوي نقلب على بعض :)

وبالعكس ياأم طلال منتم مقصرين معنا بأي شي وحضوركم والله يسعدنا ..
ولو تكتبون شبرم شبرم نفرح به :)

توسدي إحترامي .

الشبث

26-07-2008, 13:18

انا أقرأ تقريبا كل مايكتب هنا بس اتردد كثير بالرد او المشاركه

اختي ام طلال

طيب برايك وش السبب

ليه الواحد منكم بمضيفه رده يجي طوله كيلو

وعندنا يالله كلمتين ورد غطاهن هذا اذا تكرم ورد !!

اما بالنسبه للفزعه

فأعتقد انه ميزة الفله واهله

وتقلدي تحيتي

ريم شمر

26-07-2008, 14:46

اختي ام طلال

طيب برايك وش السبب

ليه الواحد منكم بمضيفه رده يجي طوله كيلو

وعندنا يالله كلمتين ورد غطاهن هذا اذا تكرم ورد !!

لأنه بمضيفه هو موجود ضمن اطار قدراته ومايحسن القيام به

يعني موضوع فيه نقاشات جاده وهواش وطقاق :) بيكون في افضل حالاته

بس لما يجي لمكان مثل الفله لايحسن التعامل مع نوعيه المواضيع فيه

ويحس انه لو رد بيكون ممل وثقيل طينه فاما انه يبتعد

او يرد باختصار منعا للاحراج :)

مثلا واحد فلاوي لو نرسله للخواطر بتلقاه يستصعب الاندماج مع مواضيعها

وبتكون ردوده مجرد شكر يعني مايقدر يرد بخاطره او رد رومنصي :)

اما بالنسبه للفزعه

فأعتقد انه ميزة الفله واهله

هي ميزه واعتبرها انا شي حلو بس احيانا ينظر لها البعض

بأنها نوع من العنصريه ويمكن تكون سبب من اسباب الابتعاد من قبل البعض

تسلم الشبث
[/QUOTE]

غالب

26-07-2008, 15:03

للناس غايت لاتدرك

اعتب شفتوا انه عتيبي ياهاهاها :)

شنقل

27-07-2008, 09:25

^
^
^
^
انزززززح وراااااااااك

نافع بن طواله

04-08-2008, 08:30

الســـــلام عليكم ...
.
.
أعجبني موضوعك وأنت صادتس .. يا وخيـــــي !!
.
وبينـــــي و بينـــــك ترا الناس ما يملا عيونـــــهم غير التـــــراب ..>
يعنـــــي لياشافوك تضحك قالوا وش هالخفيف .. وليا صرت جدي وحازم قالوا وش هالمتكـــــبر ...!!
.
.
يعني قسم بالله بتتعـــــب لما بتفـــــكر مجرد التفـــــكير ..........!
.
وبعديـــــن ليش تغير يـــــوسف ليه وش فيه .. صدقنـــــي إن كان هـــــناك من خلل .. فالخلـــــل من عقول بعض البشـــــر ...!!
.
أتـــــكلم لك من واقع ... آخـــــر سولافـــــه نزلتـــــها ..
جتنـــــي على الخاص رسالة تهزيئ على كيف كيـــــفك ..
.
لدرجـــــة إنـــــي أستخرت بترك المضايف ... !!
وتضايقت بالحيل لأن كلامه كان لاذع بشكـــــل ...!!!
.
و اللحين أفكر .. أفكر .. أفكر .. وش الســـــواة !!؟
مدري هو صادتس ولا مقـــــهور ولا وشو ... !
.
يسعدك يا يوسف يا قدع على هالموضوع اللي يبرد التسبد...........!
.
تحيتي يا جوزيف "

هههههههههههههههههههههه

اجل فيه غيري ارسل لك ؟؟

ولا تقصديني انا ؟؟

انا واثق انك ما تقصديني لأن رسالتي لك واضحه واتمنى انك تجدعينها هنا لا يروح تفكير يوسف بعيد

والدليل انك ما تقصديني هذا اسمي ينبض بتوقيعك

وهذا معناه انك تقصدين شخص غيري تهجم عليك بالخاص

اما انا وجهت نصيحه بخصوص ... !

او ما يصير اقول لأن النصيحه بوسط مجلس فضيحه

وبنفس الوقت كان اعجابي بموضوعك الفلاوي واضح ومعلن لك

اخوكـ / م

ابو طواله

سمااا

06-08-2008, 11:32

‏^‏
‏^‏
‏^‏
حياك أخوي نافع بن طواله ...!!
لا ياشاعرنا ماقصدتك .. أشدعوا يعني أزعل من رسالتك
وأنا من يطلب صداقتك ... متى صارت هذه !!!
..
وأعتقد أرسلت لك شكري ع الخاص ..!!
::
::
تحيتي ... دمت كما أنت ... راقي ::

نافع بن طواله

06-08-2008, 11:46

بيّض الله وجهك يا سمااااااااااا

قلتها

انا واثق انه شخص غيري

عجايب بنت الشايب

07-08-2008, 06:31

بحكم اني لي خاصيه في قرأة رسائل الأعضاء

لايوجد

شخص غيرك

يانافع

اعترف

خخخخخخخخخخخخخخخخخخخخخخخخخخخ

أو ان اختنا سماء .. شايفه كابوووووس

وكابوسها

ان فيه اعضااااء يراسلونها ويهددونها و و و

سما

لاتلتفتين للأحلام ..!!

ومن ناحية ترك المضايف

ترك المضايف مثل الموت

اذا ماصار اليوم صار بكره

كلنا لها

توسمي طحيتي ....

&^^مهــــا^^&

07-08-2008, 08:27

ماعليك من الناس لان رضاهم غايه لاتدرك

اهم شي انت مقتنع باللي تسويه وواثق من نفسك وهذا اهم شي

والله يعطيك الف عافيه

تقبل احترامي,,

ريتاج

07-08-2008, 09:09

اييي توي اشوف الموضووع.....

اقول اخوي يوسف ماعليك منهم الحمد لله والشكر لا تخليهم اكبر همك طنش وان اختك

شفني انا مثااال والله كنت اشيل هم وبالاخر ...قلت ياابنت ازرقيهم لا تخلينهم همك...

والله صرااحه عندي همووم بالكووم واجي هنا عشاان ازوود هموومي .......

مالك الا انك تتخذ هالحكمه وانا اختك.....

>>شـــــــــــ.... طـــــــــــ.......فــــــ.......... ا<<

انا هذي حكمتي بالحياااة .......

واللي يوصلونه معك مايداانونك يستاانسوون لا تنكدت ...

اشطفهموانا اختك....

اضحك وخل قلبك خضر......<< ورااح يسير دربك خضر....

توسد شيعااتي.....