الفضيلي.
22-07-2008, 20:45
بسم الله الرحمن الرحيم
السلام عليكم ورحمة الله وبركاته وبعد :
مساكم الله بالخير الجميع وعسى ان تكونوا بخير وعافية
الشيخ برجس بن عبيد بن صنيدح الجبرين هو من احفادالشيخ صنيدح وكما هو معلوم ان ابناء صنيدح كثير وكلهم شيوخ وفرسان وابطال فهم بيت معروف عند شمر بالشيمة والكرم ومكارم الاخلاق0
من ابناء صنيدح الجبرين:
هجرس .
عبيد .
سعيد .
نخيلان .
غاطي .
وغيرهم .
ومن احفاده :
برجس الجبرين .
مذود الجبرين .
طايس الجبرين .
مشرف الجبرين .
وغيرهم .
وكلهم اشتهروا بالفروسيبه وشيم العرب.
فهجرس معروف عند الكثير بالشيم والاخلاق والفروسيه والمشيخه.
وكذلك اخوه نخيلان و سعيد وعبيد وغيره . ولهم قصص مشهورة في إقتفاء أثر مسيميرالمطيري الذي كان يغزي على شمر في مربعانية الصيف في الحر الشديد .
والشيخ مذود رحمه الله كان من اشجع الفرسان وكان موفقا في مغازيه ويلقب ب راعي المليحا .
وهو الذي أجار الظفير في معركة ابوعجاج
وكذلك اجارالنجباني.
والجبرين هم شيوخ المفضل من ال يحيا من عبده من شمر .
قال فيهم الشاعر :
المفضل والفضيل المقدمينا ## حضنا يرقى ليا صارت بلاوي
كان الفارس برجس بن جبرين من الفرسان الذين اشتهروا في نجد وكان صغيرا في اول معركه يشارك فيهامع جيش ابن رشيد ,وكان ذلك في اول شبابه في زمن الامير عبدالعزيز الرشيد رحمه الله وقد ابلى في المعركة بلاء حسنا.
وكان يتمتع بالشيمة والكرم والشجاعة والفروسية والتواضع وبعد النظر
فهو في نظري حقا كما يقول الشاعر :
فارس يهد الكتيبة وتسمو امامه العينان ,,,
شارك في معارك مع بن رشيد على القصيم وشارك في الجوف .
وفي معركة جراب كان رحمه الله من الفرسان الذين لمع نجمهم ,فقد كانت معركة جراب على عبده من شمر,وذلك حين بدات المعركه انكسر أحد أجنحة شمر الذي كان فيه الاسلم ومنمعهم ثم انكسر قلب الجيش وهم اهل حائل من الحجلان وغيرهم وصوب حامل البيرق الفريخ وكانت عبده من شمر امامها المدفعيه البريطانيه وعلى رأسهم قائدهم عقاب بن عجل ومعه الشيوخ : عباس بن علي وماجد بن عجل وبرجس الجبرين ومطني الشريم و وادي العلي وطايس الجبرين ومن الفرسان مناحي العرقان وطارف العقبي ومشعان بن منيس وغيرهم من المشاهير .
فركب عقاب فرسه واخذ بيرق شمر (طليفيح) وحمل الفريخ على فرس وأمر احد فرسان عبده يوصله الى حائل وبعد ذلك بدأت المعركه بين عبده ومن قابلهم وهزموهم.
وكان للفارس برجس فيها علم مشهور .حيث قال فيه العوني :وانخ برجس على ضده يقوم
قال العوني :
دار ياللي حدر سمر الهضاب ** علها من مقاديم الاسوم
ديرة عزه الله بالشباب ** خاضوا المعركة تسعين يوم
شفت غوش اليمن تتلي عقاب ** قادهم للمنايا والسهوم
حسهم كالصواعق بالسحاب ** في نهارتواقعبه نجوم
وذكر فيهاالشيخ عباس إبن علي :
شفت عباس في وسط الحراب ** عريب الساس بعيدالعلوم
برجسن بالملاقا مايهاب ** أخو بهيش لياحل اللزوم
وكان برجس مع عبده حينما رحلوا غاضبين على بن رشيد الامير سعود رحمه الله وفي محاصرة الجوف وصلت قصيدة العوني الى عبده وغيرهم من شمر وكان رحمه الله من اوائل اللذين قدموا مع عبده للجوف
قال العوني :
وانخ طايس (( وبرجس)) هووجندله ** وانخ عبده الى ماحل ضبابه
وكان رحمه الله ظمن اللذين ذهبوا الى العراق بعد سقوط حائل وشارك في معركة قرب شهبا الصحن التي التقت فيها عبده بشيوخها ومن معهم من غير عبده ضد الاخوان فهزموا جيش الاخوان هزيمة ساحقه .
وكان رحمه الله عقيد قوم في المغازي شارك في معركة الحوله وقاد معركة على محمد سعران فالمعروف ان احدعشر عقيد غزو على محمد سعران كان منهم برجس وغيره مثل عبدالله بن بهدل الجنيدي
وكذلك قاد غيرها من المعارك
كان رحمه الله قائدا فذا ونادرا وجوده
يروي احد فرسان قبيلة عنزه يقول غزوعلينا شمر ولحقناهم واشتبكنا معهم وكان معهم شايب اعرج وكلما راى قومه ينكسرون يثنيدونهم وينوخلهم ويحجلهم مثل الداحوح (الدحه )والى ان غابت الشمس لم نتمكن من شمربسبب هذا الشايب الاعرج انه برجس اخو بهيش رحمه الله , ودارت الايام وجاء هذاالفارس العنزي هو ومن معه وظافو بيت برجس فاستقبلهم وكل منهم مايعرف الاخر
وارادالفارس العنزي اني يروي لهم قصه وكان برجس جالس عند ماقد الدلال فروى الظيف العنزي هذي القصة التي رويتها لكم فعندما قام الشيخ برجس ومشى قال الفارس الضيف عزالله انه مثل إعرجت رجل هالشايب فتبيسم برجس وقال انه هو واكرمهم غاية الاكرام
كان رحمه الله من اهل الخير الذين يتمتعون بشيم العرب وكان كثيرا من الشعراء والشيوخ يتوجدونه ان نزلت بهم نازله قال احد الشعراء يتوجد فيها برجس ويتمنى حظوره :
وين ابن جبرين حماي الدبايل *** عادتك بالكون كسب الطايلاتي
وفعلا ثارت فيه الشيمه من كلام الشاعر
وقال رضا العقبي عندما توفي الشيخ رضى بن برجس الجبرين يذكر فعل الشيخ برجس رحمه الله يقول :
شهم وكريم وللضعيف انعطافه * يطرد هواجيسه بمزحوعجايب
يما على بيته ربوعه تلافه * تدله ليا جيته لو المال سايب
تلقى علىكيفك علوم وكيافه * وفنجال بنٍ يقعد الراس رايب
في بيت من بيته كبارٍ رفافه * قبله على " برجس " عقيد الركايب
شيخٍ يشوق العين فعل ومشافه * طير السعد يعرف شبابٍ وشايب
ياهد مايثني جناحه مخافه * طلعه بعيد ومعاضيٍ له ضرايب
وقد قيل فيهم الكثيركذلك قيل في ربعه المفضل الكثير ومن ضمن ماقيل في المفضل
قال الشاعر محسن الحمادي :
طالع الفضلان بجموعٍ مظله * ضدهم شرب الحريشا من شرابه
يقول الشيخ برجس الجبرين شاركت بأول شبابي بأحد معارك شمر بدور الامير عبد العزيز الجنازة رحمه الله يقول وتوجه شمر جنوب حائل الوكاد درات معركة وشوف عيني ثلاثه من فريس شمر واحد من اهل حايل الحضر واثنين من فريس شمر فلان وفلان وفلان ( ماابي اذكر اسمائهم ) يمار سانهم شايب اصلع وبيده شلفا ويبي ذبحتهم وهم منحاشينن قدامه يمار هذا الفارس
صلبي ابن علي رحمة الله عليه
[[[ ( أعتقد ان اسمه صلبي من العلي من الجعفر )والله اعلم << تجنباً للخلاف بس اللي أعرفه ان اسمه صلبي >>]]]
يقول الشيخ برجس يمار صلبي ماعجبه اللي يشوف ولا نسر خاطره رجل جنوبي يسن له ثلاثة شمامرة لا وبعد من الفريس -
- ( سبحان الله السعد مرة لك ومرة عليك والا ونعم من الثلاثة ولكن تغيب وتحضر ) –
وهو ينتخي صلبي ابن علي ((ارحمان وانا ابن ضيغم )) ويحرف افرسه على الجنوبي ( الجنوبي نسبه الى جهة الجنوب والا هو عتيبي )
يقول يوم فطنت ياهذا الجنازة لابسن المقصبه تلمع وهم يشوفونه الفريس الثلاث يمار مايبون الجنازة يشوفهم وكلن يحرف فرسه الي وقع واللي رجع
يمار عبدالعزيز اللي يمينه ويساره عبيده يطلعون وقم المية فارس يمار نوضتهم وحده وركضهم واحد بساع وهم يمرون صلبي العلي ويتعدونه سبحان الله الجنازة له هيبة من شافه العتيبي رمى شلفاه يمار عبدالعزيز الجنازة رحمة الله شلفاه الله يعلم على توصيف اخو بهيش يطلعبه ثلاث امتار يقول هو يشكه ( يضربه ) بالصدر ياطالعتن مع فقار ضهره يقول والشلفا اتلاه بيد الجنازة وهو يرفعه عن حصانه ويضل معلقه يمار رجلينه يتلاعبن وهو يخبطه بالقاع ويسن الباقين قبل الظهر يمار شمر منتصرين
ونرجع لمجلس ابن رشيد يمار الجنازة جالس و خادمن شماغه على وجهه والمقصبة اوله على حجاجه ( انه مغطي وجهه بشماغه ومنزل المقصبة على حجاجه ) وانا التفت يمار هذا اللي سنه العتيبي يمار يسولف فعلت وتركت وجالس قريب من الجنازة والتفت وهذاك صلبي ابن علي مطرّف مرتكيله عليله نثيله قلت الله واكبر هذا فلان شوف عيني منحاش وجالس عند الجنازة يسولف فعلت وتركت وصلبي مطرف هنااك يقول رد على ماظنه قال مذود
قال مذود يابرجس الدنيا سعود ( حظوظ )
وهو يرفع راسه ابن رشيد وينهض شماغه وهو يلتفت يمين ويسار وقدام قال : مشوين انا شفتلي ثلاثة سانهم جنوبي والشمري اما انه ينطح القوم والامايجيب العار لنفسه وينهزم
انتم غلبا غلبتو وقهرتوا كل القبايل والله وانا اخو رثعه ان شفت او سمعت شمري منهزم من له جنوبي ألا أذبحه
يقول وهو يتغير وجه اللي انهزم من الجنوبي ويدنق راسه والمجلس مابه احد يسولف سكته
رحم الله الجنازة ورحم الله الشيخ برجس اللي نقل لنا هالسالفة
كذلك شارك الشيخ برجس بمعركة الحولة على عنزة على الرسالين كان حاضر المعركة عايد العجل وشاوي العجل وبرجس الجبرين وحمود ابو لقوة الدهام الجنيدي وغيرهم من طيبين عبده وهم يترامون الطرفين وثنى دونهم شاوي العجل وصانع من صناع الجعفر نسيت اسمه وغيرهم والله ثنوا
وهو يقوم الله يغفرله ابولقوه قال يالسناعيس من يمشي معي على الموت قالوله برجس وعايد واللي يرجعلهم الشور ياحمود ماهذا وقته
وهو ينطلق من عندهم الله يرحمه و تجيه فشقه ياهو بمكانه
ويقوم ابن عيده قال ياعبده ياعبده منهو عقيدكم قالوا عايد العجل قال ياعايد انتم سناعيس وحنا سناعيس وشوله نذبح بعضنا خل ندفن موتانا جميع وتروكم ماتروحون عندنا يقول اوقف الجميع الرمي ودفنا حمود ابو لقوه وموتانا
والله ثلاث ايام وحنا عندهم ماسمعنا اللي يسبنا ولاسمعنا صياح حرمه ولا دعوة علينا
( والرجال اتبين بالمواقف )
يعجز اللسان عن ذكر فضائل الشيخ الفارس البطل برجس بن جبرين فقصصه كثيرة وقيل فيه الكثير وهو من شيوخ شمر الذين لمع نجمهم بكل شرف ونبيل وهوحقا شيخ الجبرين والمفضل .
وللفارس ابناء هم :
نافع .
رضى .
راضي .
فيصل .
خاتم .
ومن احفاده الشيخ بدر رحمه الله والان عميد اسرتهم وشيخهم على حد علمي هو بندر بن رضى بن برجس الجبرين
رحم الله الميتين وامد الله عمر الاحياء منهم وجعلهم على نهج جدهم الفارس الشيخ برجس اخو بهيش
امل ان تنال هذه النبذه البسيطه على اعجابكم ومهما تكلمت عن الشيخ برجس لا اوفيه حقه
والسلام عليكم ورحمة الله وبركاته
السلام عليكم ورحمة الله وبركاته وبعد :
مساكم الله بالخير الجميع وعسى ان تكونوا بخير وعافية
الشيخ برجس بن عبيد بن صنيدح الجبرين هو من احفادالشيخ صنيدح وكما هو معلوم ان ابناء صنيدح كثير وكلهم شيوخ وفرسان وابطال فهم بيت معروف عند شمر بالشيمة والكرم ومكارم الاخلاق0
من ابناء صنيدح الجبرين:
هجرس .
عبيد .
سعيد .
نخيلان .
غاطي .
وغيرهم .
ومن احفاده :
برجس الجبرين .
مذود الجبرين .
طايس الجبرين .
مشرف الجبرين .
وغيرهم .
وكلهم اشتهروا بالفروسيبه وشيم العرب.
فهجرس معروف عند الكثير بالشيم والاخلاق والفروسيه والمشيخه.
وكذلك اخوه نخيلان و سعيد وعبيد وغيره . ولهم قصص مشهورة في إقتفاء أثر مسيميرالمطيري الذي كان يغزي على شمر في مربعانية الصيف في الحر الشديد .
والشيخ مذود رحمه الله كان من اشجع الفرسان وكان موفقا في مغازيه ويلقب ب راعي المليحا .
وهو الذي أجار الظفير في معركة ابوعجاج
وكذلك اجارالنجباني.
والجبرين هم شيوخ المفضل من ال يحيا من عبده من شمر .
قال فيهم الشاعر :
المفضل والفضيل المقدمينا ## حضنا يرقى ليا صارت بلاوي
كان الفارس برجس بن جبرين من الفرسان الذين اشتهروا في نجد وكان صغيرا في اول معركه يشارك فيهامع جيش ابن رشيد ,وكان ذلك في اول شبابه في زمن الامير عبدالعزيز الرشيد رحمه الله وقد ابلى في المعركة بلاء حسنا.
وكان يتمتع بالشيمة والكرم والشجاعة والفروسية والتواضع وبعد النظر
فهو في نظري حقا كما يقول الشاعر :
فارس يهد الكتيبة وتسمو امامه العينان ,,,
شارك في معارك مع بن رشيد على القصيم وشارك في الجوف .
وفي معركة جراب كان رحمه الله من الفرسان الذين لمع نجمهم ,فقد كانت معركة جراب على عبده من شمر,وذلك حين بدات المعركه انكسر أحد أجنحة شمر الذي كان فيه الاسلم ومنمعهم ثم انكسر قلب الجيش وهم اهل حائل من الحجلان وغيرهم وصوب حامل البيرق الفريخ وكانت عبده من شمر امامها المدفعيه البريطانيه وعلى رأسهم قائدهم عقاب بن عجل ومعه الشيوخ : عباس بن علي وماجد بن عجل وبرجس الجبرين ومطني الشريم و وادي العلي وطايس الجبرين ومن الفرسان مناحي العرقان وطارف العقبي ومشعان بن منيس وغيرهم من المشاهير .
فركب عقاب فرسه واخذ بيرق شمر (طليفيح) وحمل الفريخ على فرس وأمر احد فرسان عبده يوصله الى حائل وبعد ذلك بدأت المعركه بين عبده ومن قابلهم وهزموهم.
وكان للفارس برجس فيها علم مشهور .حيث قال فيه العوني :وانخ برجس على ضده يقوم
قال العوني :
دار ياللي حدر سمر الهضاب ** علها من مقاديم الاسوم
ديرة عزه الله بالشباب ** خاضوا المعركة تسعين يوم
شفت غوش اليمن تتلي عقاب ** قادهم للمنايا والسهوم
حسهم كالصواعق بالسحاب ** في نهارتواقعبه نجوم
وذكر فيهاالشيخ عباس إبن علي :
شفت عباس في وسط الحراب ** عريب الساس بعيدالعلوم
برجسن بالملاقا مايهاب ** أخو بهيش لياحل اللزوم
وكان برجس مع عبده حينما رحلوا غاضبين على بن رشيد الامير سعود رحمه الله وفي محاصرة الجوف وصلت قصيدة العوني الى عبده وغيرهم من شمر وكان رحمه الله من اوائل اللذين قدموا مع عبده للجوف
قال العوني :
وانخ طايس (( وبرجس)) هووجندله ** وانخ عبده الى ماحل ضبابه
وكان رحمه الله ظمن اللذين ذهبوا الى العراق بعد سقوط حائل وشارك في معركة قرب شهبا الصحن التي التقت فيها عبده بشيوخها ومن معهم من غير عبده ضد الاخوان فهزموا جيش الاخوان هزيمة ساحقه .
وكان رحمه الله عقيد قوم في المغازي شارك في معركة الحوله وقاد معركة على محمد سعران فالمعروف ان احدعشر عقيد غزو على محمد سعران كان منهم برجس وغيره مثل عبدالله بن بهدل الجنيدي
وكذلك قاد غيرها من المعارك
كان رحمه الله قائدا فذا ونادرا وجوده
يروي احد فرسان قبيلة عنزه يقول غزوعلينا شمر ولحقناهم واشتبكنا معهم وكان معهم شايب اعرج وكلما راى قومه ينكسرون يثنيدونهم وينوخلهم ويحجلهم مثل الداحوح (الدحه )والى ان غابت الشمس لم نتمكن من شمربسبب هذا الشايب الاعرج انه برجس اخو بهيش رحمه الله , ودارت الايام وجاء هذاالفارس العنزي هو ومن معه وظافو بيت برجس فاستقبلهم وكل منهم مايعرف الاخر
وارادالفارس العنزي اني يروي لهم قصه وكان برجس جالس عند ماقد الدلال فروى الظيف العنزي هذي القصة التي رويتها لكم فعندما قام الشيخ برجس ومشى قال الفارس الضيف عزالله انه مثل إعرجت رجل هالشايب فتبيسم برجس وقال انه هو واكرمهم غاية الاكرام
كان رحمه الله من اهل الخير الذين يتمتعون بشيم العرب وكان كثيرا من الشعراء والشيوخ يتوجدونه ان نزلت بهم نازله قال احد الشعراء يتوجد فيها برجس ويتمنى حظوره :
وين ابن جبرين حماي الدبايل *** عادتك بالكون كسب الطايلاتي
وفعلا ثارت فيه الشيمه من كلام الشاعر
وقال رضا العقبي عندما توفي الشيخ رضى بن برجس الجبرين يذكر فعل الشيخ برجس رحمه الله يقول :
شهم وكريم وللضعيف انعطافه * يطرد هواجيسه بمزحوعجايب
يما على بيته ربوعه تلافه * تدله ليا جيته لو المال سايب
تلقى علىكيفك علوم وكيافه * وفنجال بنٍ يقعد الراس رايب
في بيت من بيته كبارٍ رفافه * قبله على " برجس " عقيد الركايب
شيخٍ يشوق العين فعل ومشافه * طير السعد يعرف شبابٍ وشايب
ياهد مايثني جناحه مخافه * طلعه بعيد ومعاضيٍ له ضرايب
وقد قيل فيهم الكثيركذلك قيل في ربعه المفضل الكثير ومن ضمن ماقيل في المفضل
قال الشاعر محسن الحمادي :
طالع الفضلان بجموعٍ مظله * ضدهم شرب الحريشا من شرابه
يقول الشيخ برجس الجبرين شاركت بأول شبابي بأحد معارك شمر بدور الامير عبد العزيز الجنازة رحمه الله يقول وتوجه شمر جنوب حائل الوكاد درات معركة وشوف عيني ثلاثه من فريس شمر واحد من اهل حايل الحضر واثنين من فريس شمر فلان وفلان وفلان ( ماابي اذكر اسمائهم ) يمار سانهم شايب اصلع وبيده شلفا ويبي ذبحتهم وهم منحاشينن قدامه يمار هذا الفارس
صلبي ابن علي رحمة الله عليه
[[[ ( أعتقد ان اسمه صلبي من العلي من الجعفر )والله اعلم << تجنباً للخلاف بس اللي أعرفه ان اسمه صلبي >>]]]
يقول الشيخ برجس يمار صلبي ماعجبه اللي يشوف ولا نسر خاطره رجل جنوبي يسن له ثلاثة شمامرة لا وبعد من الفريس -
- ( سبحان الله السعد مرة لك ومرة عليك والا ونعم من الثلاثة ولكن تغيب وتحضر ) –
وهو ينتخي صلبي ابن علي ((ارحمان وانا ابن ضيغم )) ويحرف افرسه على الجنوبي ( الجنوبي نسبه الى جهة الجنوب والا هو عتيبي )
يقول يوم فطنت ياهذا الجنازة لابسن المقصبه تلمع وهم يشوفونه الفريس الثلاث يمار مايبون الجنازة يشوفهم وكلن يحرف فرسه الي وقع واللي رجع
يمار عبدالعزيز اللي يمينه ويساره عبيده يطلعون وقم المية فارس يمار نوضتهم وحده وركضهم واحد بساع وهم يمرون صلبي العلي ويتعدونه سبحان الله الجنازة له هيبة من شافه العتيبي رمى شلفاه يمار عبدالعزيز الجنازة رحمة الله شلفاه الله يعلم على توصيف اخو بهيش يطلعبه ثلاث امتار يقول هو يشكه ( يضربه ) بالصدر ياطالعتن مع فقار ضهره يقول والشلفا اتلاه بيد الجنازة وهو يرفعه عن حصانه ويضل معلقه يمار رجلينه يتلاعبن وهو يخبطه بالقاع ويسن الباقين قبل الظهر يمار شمر منتصرين
ونرجع لمجلس ابن رشيد يمار الجنازة جالس و خادمن شماغه على وجهه والمقصبة اوله على حجاجه ( انه مغطي وجهه بشماغه ومنزل المقصبة على حجاجه ) وانا التفت يمار هذا اللي سنه العتيبي يمار يسولف فعلت وتركت وجالس قريب من الجنازة والتفت وهذاك صلبي ابن علي مطرّف مرتكيله عليله نثيله قلت الله واكبر هذا فلان شوف عيني منحاش وجالس عند الجنازة يسولف فعلت وتركت وصلبي مطرف هنااك يقول رد على ماظنه قال مذود
قال مذود يابرجس الدنيا سعود ( حظوظ )
وهو يرفع راسه ابن رشيد وينهض شماغه وهو يلتفت يمين ويسار وقدام قال : مشوين انا شفتلي ثلاثة سانهم جنوبي والشمري اما انه ينطح القوم والامايجيب العار لنفسه وينهزم
انتم غلبا غلبتو وقهرتوا كل القبايل والله وانا اخو رثعه ان شفت او سمعت شمري منهزم من له جنوبي ألا أذبحه
يقول وهو يتغير وجه اللي انهزم من الجنوبي ويدنق راسه والمجلس مابه احد يسولف سكته
رحم الله الجنازة ورحم الله الشيخ برجس اللي نقل لنا هالسالفة
كذلك شارك الشيخ برجس بمعركة الحولة على عنزة على الرسالين كان حاضر المعركة عايد العجل وشاوي العجل وبرجس الجبرين وحمود ابو لقوة الدهام الجنيدي وغيرهم من طيبين عبده وهم يترامون الطرفين وثنى دونهم شاوي العجل وصانع من صناع الجعفر نسيت اسمه وغيرهم والله ثنوا
وهو يقوم الله يغفرله ابولقوه قال يالسناعيس من يمشي معي على الموت قالوله برجس وعايد واللي يرجعلهم الشور ياحمود ماهذا وقته
وهو ينطلق من عندهم الله يرحمه و تجيه فشقه ياهو بمكانه
ويقوم ابن عيده قال ياعبده ياعبده منهو عقيدكم قالوا عايد العجل قال ياعايد انتم سناعيس وحنا سناعيس وشوله نذبح بعضنا خل ندفن موتانا جميع وتروكم ماتروحون عندنا يقول اوقف الجميع الرمي ودفنا حمود ابو لقوه وموتانا
والله ثلاث ايام وحنا عندهم ماسمعنا اللي يسبنا ولاسمعنا صياح حرمه ولا دعوة علينا
( والرجال اتبين بالمواقف )
يعجز اللسان عن ذكر فضائل الشيخ الفارس البطل برجس بن جبرين فقصصه كثيرة وقيل فيه الكثير وهو من شيوخ شمر الذين لمع نجمهم بكل شرف ونبيل وهوحقا شيخ الجبرين والمفضل .
وللفارس ابناء هم :
نافع .
رضى .
راضي .
فيصل .
خاتم .
ومن احفاده الشيخ بدر رحمه الله والان عميد اسرتهم وشيخهم على حد علمي هو بندر بن رضى بن برجس الجبرين
رحم الله الميتين وامد الله عمر الاحياء منهم وجعلهم على نهج جدهم الفارس الشيخ برجس اخو بهيش
امل ان تنال هذه النبذه البسيطه على اعجابكم ومهما تكلمت عن الشيخ برجس لا اوفيه حقه
والسلام عليكم ورحمة الله وبركاته