المساعد الشخصي الرقمي

مشاهدة النسخة كاملة : سولافه = تعالوا شوفو جدتي و هي بالعه العافيه.


سمااا
21-07-2008, 10:32
السلام عليكـــــــــــــم '
.
.
.
يعطيكو العافيـــه جميعـــا"
... قسم بالله أن مضيف الـــفله .. صاير .. أسم على مسمـــى
فــــــــــــله ... !
من جد وربي ما أجـــامـــل ..!!
متكيـــه أربع وعشرون ساعه ..<< حلوه عشرون هذه ...
.
.
.
أحب أقولكم هالســـولافـــه .. مره جاني رقم غريـــب وأنا تعودت ما أرد عـــلى الأرقام الغريبـــه ..
يعنـــي أتلفت .. أشوف أي أحد أكبر
منـــي وأعطيـــه جوالـــي ..!
وذاك اليـــوم كنت مسيره .. كنت عند تيـــتا << جدتي بس بالشامـــي .. عاد هذه ما بدها قاموس !!
ودق علي رقـــم مـــا أعرفـــه .. و بصراحه أبلشـــني .. حوالي عشر مكالـــمات .. و يرسل رسايل فاضيه .. طفففشنـــي ..
وأنـــا أتلفـــت حولي يـــمين يســـار .. يســـار يميـــن "
ألا و تيتـــا فاله هالجـــدايل .. كنها شرطـــان الذهب على متونـــها مرصـــوفه ..<< ياهـــوه ياجدتي ..!
وطبعا" كانت مقـــيله .. عاد تسمـــع لها الشخيـــر اللي ماهـــو بعقـــل لو إنـــك على الحدود .. يمديك سمعـــته ..<< خربت هالمـــدح !!
الوكاد هالـــوغيد هالمزعـــج طفشنـــا" ... يدق و يدق ياحـــلاة من دق خشـــته ...! المشكـــله حتى لو كانت نيـــته صافيـــه الدنـــيا قايـــله ... يعنـــي الوقت كـــلش مو مـــناسب ...!!
..
وأنا أقـــرب عند تيتا وأقولـــها :
.. جدتـــي جدتـــي .. تيتـــا طنط يمـــه يدتي .. ولا ردت .. <<< يافرقا .. لايكون شنقـــلت << هذه المؤنث من فعل شنقـــل << شنق نق ...!!
..
عاد وبصـــراحه أنا خفـــت "
فـــناديتها .. بصوت عااالـي :
جدتــــــــــــــــــــــــــــــــــــي ...
<< أسوي مثل المسلسلات ... يوم تكون الحلقه الأخيره !
إلا و هـــي تفتح عيـــونـــها ...
وتقول : وش طيرتس ...!!!!
<< طبعا" أنا أختلـــطن أحاسيســـي مدري أضحك على شكـــلها يـــوم نزت .. يا حبي لها كنـــها مشبكه على ميه وعشره .. و نافظها الكرهـــب !!
ولا أنخـــرع .. من عيـــونـــها .. يمه مطيرتـــهن تقول .. مانـــي قايلـــه .. عاد أنا ماسكـــه ضحكـــتي بيد ودمعـــتي بيد ...
و أقـــولها : أبـــد ياطويلة العمـــر هذا بوه واحد مزعجـــني بالجوال ... !!
وأبي لي واحدن يأدبـــوه .. وأنا بصراحة مالقيت إلا أنتـــي .. يابنت الرجـــال يا أخـــت الرجال ..
فـــياليت فضلا" لا أمـــرا" ...
.. ترديـــن و تعقليـــنوه ...!!
.. وهـــي تجلس زينـــة الحلايـــا و تعتدل ... وتأخذ الجـــوال << طايره بالعجـــه و بعـــذرها من هالأطـــراء اللـــي لأول مره وحصـــريا" << ....!!
...
وحطت الجـــوال على أذنـــها وهـــو يــــدق ..!!!
.. وتـــقول : علـــو .. علـــو ..!!
<< يابعد روحـــي ياجدتي تنرحـــميـــن .. شو عرفـــك بالتكنولوجيـــا ..!!
وأنـــا أبخ أضحـــك و أبغى آخــذ الجوال منـــها .. المشكلـــه تبعد يـــدي وتقول .. أيا هالمـــلعـــون حاط لي غنـــيه ..- بتشديد الياء- ...!
<< ترى نغمتـــي "Ring Ring‏ ‏!!!
المهـهـهم .. بعد مافـــصل ..
<< تقـــول : شفتـــي خرعـــتوه .. و قـــفـــل ..!!
<< أمــــوت على المخرفيــــن أنا "
.. وشـــوي و هـــو يرجـــع يتصـــل ..
هالمقـــرود .."
و أنا أضغط زر السماعه .. الخضـــراء " وأعطـــيه تيتا ..
و هـــي يعننـــي تبـــي تتفـــلفس ..
وتضغط زر الميكرفـــون ...<< تخبرون حركاتهـــم يـــوم يسوون يعننـــي كل شي يعرفـــونه ..!!
..
..
طبعن أنا سمعيـــت كـــل أبو المـــكالـــمه ...!!
عــــاد تعــــالوا شوفوا جدة ســــمااا!!!
..
* تــــيـــتا : علو .. ياورررع ..

* هـــو " المنســـم" : عـــلو .. هاهاي وش هالوناسه هذه .. و وررع بعيـــنك يا عجوز .. !! عجوز ومعها جوااال .. ؟! قسم بالله تحفــــه ... أبو حميد يالدحمي .. و يا أبــــوطرووق ..<< مجرد أسمــــاء ..
تعالووو أسمعوووا ...!!

* تيتــــــا : يـــوم إنك تنادي خوياك هالدشيره وش أنت بطلبوه .. و من قـــالك إنـــي عجـــوز ..
أنا مانـــي عجـــوز ..؟
<< عاد جدتي قربت عندي و هـــي قاصره صوتها تقولي : الله العليم أن جواله بوه كيمره....!!

* هـــو : ههههاي أسمها كاميرا ماهيب كيمره ...! وتقوليـــن إنك مانتي عجـــوز .. إيـــه هـــين ..
أشوف قـــولي .. سيـــن جـــيم ..
هذا وجـــهي إن ماطلعـــن ... ثيـــن قيـــم ... << عاد جدتي أشوفها تتمتــــم .. شكلها بتتأكد من النــــطق ..!
و يكــــمل قائلا" ..<< قال أيـــش مانتـــي عجـــوز ..
أصـــلا" أتحـــداك ترفعـــين يدك .. و ما يطلـــع صـــوت توصوص مفاصلك .. << مدري من ويـــن جاب هالفعـــل ..<< ياحبــــة عيــــني ياتيــــتا .. قامت ترفع بيدهــــا و تحركــــها تبــــي تشوف هــــو صادتس !!!
و يكــــمل و يقول .. أسمـــع هالحـــتسي .. ماهـــي عجـــوز .. قال .. روحي روحي تلطـــخي بفـــكس وأشربـــي بردقـــوش وحطـــي تحت راســـك
مفاتيـــحك و الفـــاين وشوي علـــك مستكى و ناااامـــي ..
.. أقووول .. يا أم الــــشعر الأصــــفر..<< عاد جدتي حطت الجــــوال على الأرض وصارت تضبطت بمنديــــلها ... "
و هــــو لسا يخانــــق و يقــــول :
أصـــلا" أنا قاعـــد أضـــيع وقتـــي
مع وحده مخـــرفه .. مثلك ..
لو بك خيـــر ستان اللي بيدك ماهـــو جوال .. المفـــروض سبحه .. تقعديـــن تذكـــرين ربك .. بدل مسكة الجوال الـــلي مالها داعـــي ...!! صحصحي .. يا عجوز المره ...<< مدري وش قصده ...!! تراك رجــــل في الدنيا و رجــــل بالآخــــره ...!!
<< طبعا" جدتـــي يا بعد ستبدي منبـــهتـــه هي صدستها ..
و مفـــتشـــله ... قالت : أنا آســـفه ياوليدي سامحـــن هالمره ..!!!!!
..
قال : خلص هالـــمره سمـــاح المره الجايـــه ترى حسابي عســـير ما أتفــــاهم إلا ومعــــي العقــــال .. تفهــــمين !! يالله .. ألحيــــن أمشي أنقلــــعي من وجهي و طسي نامي ..
يالله لابوك لابو ....!!!!
..
لايفــــوتكــــم شكــــل تيــــتا يا بعد جدي ....<< و هـــي تعطيـــني جوالي .. و تعدل فراشــــها و تطردنـــي برا<< يا بعد روحي يا أنا دايم مككككرووشه !!!

أنا أناظـــر مدري هـــو أنا أضحك أو أنقـــهر أو وش أســـوي ...
فعـــلا" شباب منتـــهي " شيـــن وقـــوي عيـــن !!!!
..
..
..
.. لحظه يا فــــلاويــــه << السولافه لــــم تنتــــه بعد ..
..
..
*_*
..
..
..
..
طبعا" سريــــنا من عند خــــوالي حدود الســــاعه وحده باليــــل ..
و جدتي للحيــــن نايمه من بعد المــــكالمه .. يعنــــي من الساعه
ثنتيــــن .. الظهــــر ..!!
.
عاد أنا أحسست بالذنــــب .. مدري
أشــــوف أنا اللي تسببت لها بهالشي ..!
المشــــكله .. تكــــلمنــــي وحده من خالاتــــي " تقول : مدري وش جاها جدتك كــــله بفراشــــها .. و إن قامت مشطت شعرها و سوت تماريــــن يــــوغا و أرجعــــت نامت ...!!!
تهــــقيــــن ياسمااا وش بلاهــــا !!
قلت : بعذرهــــا تيتــــا لو ماتت بعد من اللي سمعته !!
... قالت خالتي : هاه وش قــــلتي !!
.. قلت : أبد سلامة راســــك ...!
.
.
.
.
أدري يالربــــع طولــــت
بس حبيت أعطيكــــو سولافه
تتذكرونــــي فيــــها إلى أن أرجع لكـــم بسولافات كثيرات ... "
و أحتمال أدخــــل بين الفيــــنه والأخرى .. << يازينـــي و أنا أتفلسف مثل تيـــتا ..
عشان ... أتطمن عليكو .. و إذا قدرت أرد عليــــكم !!
تكفون حللونـــي الواحد مايدري هـــو يرجـــع أو لا ...< بسم الله علي <<
يلا يالربـــع فوتوكو بعافيـــه << هذه مثل تعقبنـــا العافـــيه ... بس بالمصري ....


: سمااااااااااااا
أبوطروق
21-07-2008, 10:55
حجز أول ولي عوده
فاهم غلط
21-07-2008, 11:01
ايا حبيبتي جدتس لحد الحين نيمه....

كله منك ياا سماا >>> دايم مكروشه

ما عليها تكبر وتنسا.....

مشكوره على هالسولافه.....
أبوطروق
21-07-2008, 11:12
ههههههههههههههههههاههههههههههههههههههههه اههههههههههههههههههاهههههههههههههههههههه هههههههاي

قسم بالله ياسولافتس هذي غير شكل

لعنبو بليستس وسوستي بالعجيز
هي وشله وشل هالمزعج ترد عليه

وانتي الله يهديتس كان حطيتي جوالتس على الصامت ولا قفلتيه

اما تمارين اليوغا هههههههههههههههاي ياحلولات من شافه وهي تسويهن (طراعلي ما إلك إلا هيفا) مدري ليه

سمااا سلميلي على تيتا وقوليله أبوطروق خوي المزعج معجب فيتس ووده يتعرف



روحي الله يونستس بالوناسة وترجعين بالسلامة

:
حمـود
21-07-2008, 11:37
سمااا

سلميلي على تيتا

يحول هالعجيز اسف هالشابه تحطمت تحطيم

مدري ليش بس اقول الله يرحم الحال

سماا وين على الله تبين تختبرين الدور الثالث

عههههههههههههههههههههههه

دمت ببخير انتي وتيـــــــــتا
مروان الشمالي
21-07-2008, 12:26
ههههههههههههه

مشكوره سماااا على السولافه


والله مالك حق تعطين جدتك الجوال خلستي عقلها
فتى البيداء
21-07-2008, 12:28
تيتا خابره شركة هندية لسيارات لا تصير تبع جدتس بعد ؟

أجل مفاصله يصوصن ؟ تلفتي يمكن تلقين زيت بمكينته حقت الخياط وزيتيهن .

تشنكرات سمااا على هالسالفة .
سمااا
21-07-2008, 18:02
أبو طرووق .. شرف لي مرورك الأول ..
ووو حسبي الله على خويك هذا ..
تكفى خله يزهمن على شان أعطيه تيتا .. و يفك هالعقده
النفسيه اللي سواها بها ...!
والله يسلمك اليوغا اللي تسويها جدتي .. ولا مليون هيفا تقدر تسويها ....!!

شوكرن ...!
سمااا
21-07-2008, 18:05
حياك .. وبياك ..
.
.
لاتقول لجدتي حبيبتي بعدين ياويلك من جدي ...!!
سمااا
21-07-2008, 18:11
حمود الناصر .. وش عرفك بالسياحه الداخليه ..

ودور ثالث قال .. ليه هي عماره ولا دراسه ...!!
.

وووجاوب بصراحه .. هو أنت أبو حميد اللي مع أبوطروق ...!!
..

دمت بخير ..
الشبث
21-07-2008, 21:44
ههههههههههههههههههههههههههههه


يالربع هالبنت سمااا منسمه



وتوني عرفت منين وارثتن هالتنسيم




هههههههههههههههه


سماا


مبدعه والى الامام




ننتظر جديدك













طبعا وارثه التنسيم من تيته هههههههههههههههههههههه



وتقلدي تحيتي
عجايب بنت الشايب
21-07-2008, 21:58
ياعرب انا هالبنت احبها


واحب سوالفها


لا اعرفها ولا ادل بيتها



سمااااا


قلبي


يعلم الله ان سوالفتس لو هي بس سلام ومع السلامه


اعبجتني تقل عسل على قلبي


لبا قلبك




بعدين .. لو اني عندتس كان كفختس >> توك تقولين تحبينها :)

ايه


اجل تخلين هالسربوت يتمادا على جدتك بالسوالف


خير ان شاء الله ..

سكري السماعه بوجهه ولعنتن تلعنه



ولا حولي جوالك لرقم اخوك وحولي المكالمه عليه والعني سل سفيله >> جعل مااحد يغازلتس



:)





ياحبي لك وبس ياعوناتي عويناتس



طحياتي .........,
شوق التلاقـﮯ
21-07-2008, 22:09
ههههههههههههههههههههههههههههههههههههه
ههههههههههههههههههههههههههههه

ياحلو العجايز وياحلو سوالفهن

بس مايسوا عليه اللي صااااار

حسبي الله عليهم

بس شكله حيل تأثرت من اللـي صار الله يعطيه الصحه والعافيه






وفـي انتظار سولافاتج الحلوهـ

تقبلـي مروري
الشبث
22-07-2008, 00:06
عدو عينك يغلط ويدق على عجايب


خخخخخخخخخخخخخخخخخخخخخخخخخ


يروح بالرجلين من لعنة الجدف

هههههههههههههههههههههههههههههههههههههههه ههه


وتقلدوا تحيتي
سمااا
22-07-2008, 05:02
أهلا" الشمالي مروان ... العفو .. و ترى جدتي عقلها مخلوس بليااااا !

شوكرن لتواجدك "
سمااا
22-07-2008, 05:07
ول يا تيتا طلعتي منتي هينه .. حتى فتى البيداء يعرفك ...!!
وبخصوص المفاصل .. يبي لهن تشحيم !!!!
شكرا" لأنك هونا ...!!
سمااا
22-07-2008, 05:11
الشبث .. مشرفنا الموقر ..
حياك ...
توني عرفت أن التنسيم وراثي ...!
.
.
يابعد جدي يا تيتا ... الناس صاروا
يقولوا عنك م . ن . س . م . ه .
.
.
شكرا" يا أخ العرب ""
سمااا
22-07-2008, 05:19
‏ والله أنا اللي كلي بك أعجاب ..
..
ياهلا والله بمهجدتهم !!
‏.
شفتي جدتي يومها أستانست لما قعدت أمدحها .. ترى أنا مثل وناستها يوم أشوف ردك على موضوعاتي .. وسولافاتي ..
..
وينك أنتي وخشمك صار لك فتره ما زرتينا ..!!
‏..
ياغناتي أنتي .. عساوه خير ..!!
‏..
يلااا هيك الدني ناس تروح وناس تجي ""
..
أستودعتك الله يابعد بؤبؤتي << حلوه صوح !
غالب
22-07-2008, 13:58
هههههه ياهليل سولافاتتس:) ياخضيرا:) والله انتس مضحتسه:) و (((كل حتسيي تس بتس:)(((الله مير يسلمتس:)
بالمختصر..
22-07-2008, 15:53
<< طبعا" جدتـــي يا بعد ستبدي منبـــهتـــه هي صدستها ..
و مفـــتشـــله ... قالت : أنا آســـفه ياوليدي سامحـــن هالمره ..!!!!!



ههههههههههههههههههههههههههههههههههه
ههههههههههههههههههههههههههههههههههه


وليـه تأسف منوه ..؟ :)

..

ههههههههههههه والله جدتتس تصلح معانا بـ الفلّه :)




.
.
سمااا
22-07-2008, 17:25
نورت الفله .. بوجودك معنا ..
وشوكرن لأنك بذاتا ...
.
.
تحياتي
سمااا
22-07-2008, 17:34
What's thê mennig is of < khdhra ...?
Pleaes ansür to me ...!
..
..‏ لاتدققون بالسبيلنق ...
تراي ماش بالأنجليزي !!

شوكرن سناعيسوه ''
يـــوسف
22-07-2008, 22:47
أقول سماااا جدتك تعرف تدخل النت :)




الله يخليها لكم واعوذ بالله قلبتي على جدتك آخرته تخلين هالسرابيت يزعجونه ... وهي تدهن القرون أمحق هههههههههههههههههههههههههههههههههههههههه ههههههههههههههههههههههههه




الله يخليها لكم ويعطيها طولت العمر ... وياعل سناعيس يموت ..




مشكورهـ ياسمماااا على هالسالفة وكثري لنا من الفضايح :)



تقبلي إحترامي .
سمااا
23-07-2008, 04:25
هلا بالمختصر :
منورين ... المستان .. '

شوقرن شوقرن شوقرن لأنك هونا ...'
سمااا
23-07-2008, 04:30
هاهاهاي ياكبر شرهتك يايوسف .. هي زين تعرف ترفع وتقصر بريموت التلفزيون ..
.
.
الله يخليك على هالدعوات الحلوات ..
وبعدين لاتدعي على أخيك المسلم ..
.
.
وبجد والله وشي خضيرا .. هي مدح ولا ذم .. ولا من اللي وش .... ؟
.
ثانكيو فور يو .. مستر جوزيف الأطاوي < << *_*
أبوطروق
23-07-2008, 08:12
سمااا تبين تعرفين وشي خضيرا؟








طيب كم تدفعين؟








خضيرا هي مرادف لسمااا


يعني بلغة شمر الخضيرا=السماء

فهمتي
يعني لا مسبة ولا مدحة

أوف

:
ملامح شمري
23-07-2008, 11:41
ههههههههههه ..


رهيبة و الله يا سما :)

جدتك موب انتي :puzzled:

لا فض فوك , وصح لسانك و سلم بنانك <- الموز بالانجليزي و ان بغيتبه برتقال براحتك ..

تشاوو ..
سمااا
23-07-2008, 18:04
خضيرا وفهمناها .. طيب تس تس وشي ..!!
.
.
والله إذا بوه أحد يقيول أوف فهي أنا ..*_*
..
‏'‏_'
..طيف الأمل..
23-07-2008, 18:21
ههههههههههههههه
يا حليلها هالعجيز
الله يخليها لكم
وانتي حرام عليك ليش ما ساعدتيها ووريتيه شغله هالسربوت هههه
سولافة جنااااااان تشكراااااااات سمسم
سمااا
24-07-2008, 00:11
حياك .. و بياك .. ملامح شمري ..!
وترى رهيبه عندنا بالوراثه مثل التنسيم ..!
أهلا '' و سهلا''
سمااا
24-07-2008, 00:15
سهام هلا والله .. منوره يا حيي ..!!
أكيد بتطلع جونان دامك شفتيها ...
عفيه على هالمرور المنعششش /
المسافـر
24-07-2008, 01:10
ألا و تيتـــا فاله هالجـــدايل .. كنها شرطـــان الذهب على متونـــها مرصـــوفه ..<< ياهـــوه ياجدتي ..!

ههههههههههههههههههههههههههههههههههههه


المشــــكله .. تكــــلمنــــي وحده من خالاتــــي " تقول : مدري وش جاها جدتك كــــله بفراشــــها .. و إن قامت مشطت شعرها و سوت تماريــــن يــــوغا و أرجعــــت نامت ...!!!

حلوة تمارين يوغا

هههههههههههههههههههههه


تتذكرونــــي فيــــها إلى أن أرجع لكـــم بسولافات كثيرات

ياكثر سولافاتك

يعطيك العافية اخت سما

وانا اشهد انه سولافه حلوة

وتصوير رائع لجدايل جدتك

تقبلي مروري

وعساك على القوة
سمااا
25-07-2008, 01:02
أهلا" بالمسافر ..
.
.
مساك طيب على هالتواجد الرائع ..!
.
تشكرات أفندم ..!
&^^مهــــا^^&
01-08-2008, 20:22
ياحليها الله يخليها لكم

ويابعد قلبي والله رحمتها وراك مافزعتي لها

طير عقلها الله يطير عقل ابليس

ربي يعافيك على سالفتك الحلوووووه ياعسل

تقبلي احترامي,,
سمااا
01-08-2008, 21:28
هلا مهاوي ..!!
.
ماعليتس تراها بقلب أسد .. ماتخاف بالساهل ..
بس كله من أبوطروق و خوياه الله لايعطيهم
غير اللي يرضيهم ..!!
.
منوره ياحيي
ريتاج
02-08-2008, 03:10
هههههههههههههههههههههههههههههههههههههههه ههههههههههههههههههه


ذكرتيني بجدتي اعطيته جواالي ترد على وااحد دبل قااعت تسبدي

ليتي ما أعطيته..........عليه الفااظ يااساااتر

عااد تقوول.::: وش تبي ببنيتي ريتااج هاااه

فضحت بأسمي واسم العاايلع هههههههههههههههه


مشكووره عالساالووفه الخطييره ........

والله جدتك خطيييره

من منتااز الى امتز.......


شيع.........