المساعد الشخصي الرقمي

مشاهدة النسخة كاملة : طلب من الرواة والمهتمين بالموروث


وافي الزنيدي
14-07-2008, 14:46
السلام عليكم ورحمة الله وبركاته
الى الاخوة المهتمين بالموروث الشعبي والرواة مثل الاستاذ ابو فهد وغيره فيه قصيده حافظها من زمان وهي للشاعر ردهان بن عنقا قالها في صفوق الجربا الله يرحمهم جميع يقول ردهان :
ياصفوق شف حمر الدساميل ساجه
من شرفة بن شريم ثاروا لاابالميخ
انا عرفت وجيهــــهم يــوم لاجه
كثرت مناجيهم وقاموا مصانيخ
ياصفوق تر بعض المسايل سماجه
ياكيف نزعلهم ونرضي الطبابيخ
ربع لنا نقضي بهم كل حاجه
نركس بهم يوم الملاقا مجاويخ
لا جت قلايعهم نهار اللجاجه
قب مناخرهن سواة المنافيخ


ابي وشي مناسبة هالقصيدة وليش قالها ردهان لصفوق من يقدر يفيدنا لا يبخل علينا تكفون
((عبدالله بن غيث))
14-07-2008, 18:50
الزنيدي بارك الله فيك ...!
يعجبني تطرقك لمثل هالمواضيع..!
وأنشالله الأخوان بيفيدونك بأذن الله ..!

لك تحياتي
سعد الشمرى
14-07-2008, 23:09
الزنيدى زنت واحسنت على هالسؤال الى هو مهم بنسبه لنا كمحبين للقصص والموارث الشعبيه واذا ماخاب ظنى يوم صارت زعله بين شمر وابن عنقا حاول يفك بينهم بهالقصيده يتوجهبه الا الامير صفوق المحمد
وكلى تثبت الروايه الصحيحه ننتظر الغسلانى والغفيلى

اخوك الرطاب
وافي الزنيدي
15-07-2008, 02:57
الزنيدي بارك الله فيك ...!
يعجبني تطرقك لمثل هالمواضيع..!
وأنشالله الأخوان بيفيدونك بأذن الله ..!

لك تحياتي


ويعلم الله اخوي عبدالله انه يشرفني مرورك وان شاء الله الاخوان مايقصرون
وافي الزنيدي
15-07-2008, 03:14
الزنيدى زنت واحسنت على هالسؤال الى هو مهم بنسبه لنا كمحبين للقصص والموارث الشعبيه واذا ماخاب ظنى يوم صارت زعله بين شمر وابن عنقا حاول يفك بينهم بهالقصيده يتوجهبه الا الامير صفوق المحمد
وكلى تثبت الروايه الصحيحه ننتظر الغسلانى والغفيلى

اخوك الرطاب



حياك الله اخوي الرطاب ويشرفني مرورك واضافتك
بالنسبه للموضوع ماخاب ضنك هو أكيد ان فيه زعله :) لانه يقولها بالقصيده بس وش السالفه .
خلف الرويتع
15-07-2008, 07:00
هلا اخوي الزنيدي

تبي مناسبه القصيده يقولون ان شمر سوى سباق للخيل وقام قهوجي صفوق الجرباء بالمشاركه في السباق وكان واحد من زوبع ومن منظمين السباق بطرد القهوجي وحاول القهوجي المشاركه بالقوه وقام وضربه الزوبعي وراح القهوجي وعلم عمه صفوق الجربا وقام صفوق وطلب الزوبعي الى ضرب قهوجيه وقام الزوبعي ودخل على شيوخ عبده ابن شريم وابالميخ وبقت تصير حرب بين صفوق الجربا والعبدات وتدخل ردهان وقال ياصفوق اعلم انك اذا دخلت الحرب اذا انتصرات او النهزمت انت الخسران تجعل شمر تتذبح بينه علشان قهوجي وقال ردهان ابو عنقا هذه القصيده وهي السبب الي خلت الجرباء يترك الموضوع هذا ماعرفه ويمكن الاخوان عندهم ايضاح غير ذلك
فواز الغسلان
15-07-2008, 07:25
حياك الله اخوي العزيز وكما قال اخوي ابوعتيق فعلا 0

واللي ضربوا الشرابي اثنين من الثابت حسب علمي وزبنوا على عبده وكانت الضربه

قويه لانهم كسروا يده 00

وعندما كاد صفوق الجربا مهاجمة عبده قال ردهان انتظر ياصفوق ابي اروح لهم واشوف اللي

عندهم واذا كانوا مصممين على حمايتهم ترى الحرب مابها لك زود ابد 0

وعندما جاهم في مجلس ابن شريم لقى وجيههم حمراء متجهزين لرد العدوان وقاموا الى

مجلس ابالميخ وبعضهم نسي بشته وكان اللي يمشي بلا بشت وهو كبير بالسن يسمونه

مصلوخ فرجع الى صفوق وقال القصيده وفيها: كثرة مناجيهم وثاروا مصاليخ 00

وكانت سببا لانهاء الحرب رحم الله ردهان ابن عنقاء والجميع
وافي الزنيدي
15-07-2008, 15:19
هلا اخوي الزنيدي

تبي مناسبه القصيده يقولون ان شمر سوى سباق للخيل وقام قهوجي صفوق الجرباء بالمشاركه في السباق وكان واحد من زوبع ومن منظمين السباق بطرد القهوجي وحاول القهوجي المشاركه بالقوه وقام وضربه الزوبعي وراح القهوجي وعلم عمه صفوق الجربا وقام صفوق وطلب الزوبعي الى ضرب قهوجيه وقام الزوبعي ودخل على شيوخ عبده ابن شريم وابالميخ وبقت تصير حرب بين صفوق الجربا والعبدات وتدخل ردهان وقال ياصفوق اعلم انك اذا دخلت الحرب اذا انتصرات او النهزمت انت الخسران تجعل شمر تتذبح بينه علشان قهوجي وقال ردهان ابو عنقا هذه القصيده وهي السبب الي خلت الجرباء يترك الموضوع هذا ماعرفه ويمكن الاخوان عندهم ايضاح غير ذلك



بيض الله وجهك ورفع قدرك وزادك من فضله شكراً على هالمعلومه اخوي ابو عتيق
وافي الزنيدي
15-07-2008, 15:27
حياك الله اخوي العزيز وكما قال اخوي ابوعتيق فعلا 0


واللي ضربوا الشرابي اثنين من الثابت حسب علمي وزبنوا على عبده وكانت الضربه


قويه لانهم كسروا يده 00


وعندما كاد صفوق الجربا مهاجمة عبده قال ردهان انتظر ياصفوق ابي اروح لهم واشوف اللي


عندهم واذا كانوا مصممين على حمايتهم ترى الحرب مابها لك زود ابد 0


وعندما جاهم في مجلس ابن شريم لقى وجيههم حمراء متجهزين لرد العدوان وقاموا الى


مجلس ابالميخ وبعضهم نسي بشته وكان اللي يمشي بلا بشت وهو كبير بالسن يسمونه

مصلوخ فرجع الى صفوق وقال القصيده وفيها: كثرة مناجيهم وثاروا مصاليخ 00



وكانت سببا لانهاء الحرب رحم الله ردهان ابن عنقاء والجميع



الله لا يهينك ولا يصغرك اخوي ابو فهد والله يجعلك ذخر
ماقصرت وشكراً على هالمعلومات والله يرفع قدرك ويزيدك فضل وعلم ينفعك بالدنيا والاخرة .
والحقيقه كان هناك خلاف بيني وبين احد الاخوه من الاسلم ويقول هو لا اللي دخلوا على عبده اثنين من الجربان ذبحوا واحد كان دخيل عند صفوق الجربا السالفه اللي حدث بعدها انقسام في عائلة لجرباء تعرفونها كلكم قلت له طيب وش يقصد بنرضي الطبابيخ قل يقصد الاتراك كان صفوق في وقت صلح مع الاتراك .
تقبل تحيات وشكر اخوك الصغير
الزنيدي