الاخ قهوتسي وأبوطروق شيخ الشيوخ

[أبوطروق]

السلام عليكم وشلونكم

هذا سلمكم الله وسلمن مررة من المرات الكثيرات كنت مصيف في سوريا أنا واخوي ومعنا (الدقرش) اللي هم عوايلنا الكرام .<<<نقطة ومن اول السطر

تخبرون صجت الوغدان وقرقة الحريم يدبلون التسبد.<<<نقطة ثانية

قال لي اخوي وش رايك يابوطروق الليلة نبيه ليلتنا ونبي نستانس لحالنا ويكفي اننا نتعب سنة كاملة ويوم تجي الإجازة نبلش بهالدقرش اللي...<<ثلاث نقط و ...إلخ

قاطعته وقلت:<<نقطتين فوق بعض وبرضه من اول السطر

تم (وابشر بسعدك وانا اخاك~
واركب على الباب ذا الحيني~) تبينا نسهر بأي كازينو

قال:<<.........إلخ
لأ لأ يا أخي لقد فهمتني غلطا"
أنا لم أقصد كازينوا" أنا أقصد مطعما" رائقا" من اللواتي على نهر البردى<<< مثل مانتم شايفين نزل على اخوي الدين (مع اني خابره مامن امور)

المهم وبحكم انه اكبر مني بتسعة شور وافقت وامري لله..

رحنا مع الشوفير<<(سواق التكسي للي مايعرفون لغة شمر) وقلنا له نبي أحسن وأفخم مطعم على الملوي نهر البردى.<<عاد مصخت

قال ابووسيم<<السائق ابشروا باوديكن لمطعم كتير زريف

الوكاد وصلنا المطعم وهم يستقبلونا كل اللي يشتغلون بالمطعم تقل أول مرة يجيهم زبون ويقولون هلا بالشيوخ هلا بالامراء تفضلوا من هون

وهم يحطوننا على اكاالطاولة اللي تفتح النفس وهو يجينا واحدن له قذيلة متعوب عليه قال: طلباتكن يا أمرا

قلنا نبي كذا وكذا وهلون وهلون وقبل كل شي هاتولنا مقبلات مشكلة (يعني انا متطورين) عمار يالسعودية ناكل الكبسة على الريق


وهو يجينا اكا الهامة لابس طربوش احمر وشروال من اللي يتدودلن وماسكن له دله وفناجيل وعليه شوارب لو ياقف جنبك دخلن باذنك من طولهن!

قال: هلا بشيوخ نجد<< يالربع يازين هالكلمة تخليك تعيش جو مشيخة

وهو يصبلنا من القهوة قال: منين الشيوخ قلنا من شمر وهو يصيح ياميت اهلين وسهلين باهلي وناسي أنا كمان من بيت شمر<<< التسذوب لو قايلينله ص كان قال وانا من بيت ص

قلت له انت من اي شمر قال: انا من الجربا!!!

وانا انزل فنجالي واقوم من الكرسي وآخذ الدلة منه وقلت: والله ان تقعد قال شو مابيصير قلت: لعنبوحيك انت من شيوخ شمر اقعد وانا اقهويك

قال ولو مابيصير هالحكي بعدين صاحب المطعم يئتلني

المهم قعدنا نتفنجل انا واخوي وهو واقف بالدلة ويوم جت المقبلات وانا امدله فنجالي وقلت بس

وهو ياخذ الفنجال ويضرب به على الارض إلا غادين الفين قطعة

انا انخرعت وقلت خير انشالله وش فيه
قال ولو هذا فنجالك والله ماحد يشرب فيه بعدك

وهي تجيني الكبره والغرور وداء العظمة وانا امعد من مخباي ألف ليرة وعطيتهن إياه وهو ياخذ فنجال اخوي ويفدعبه (يبي الف ثاني بس اخوي عطاه اشكل)


تعشينا وغادرنا المطعم بمثل مااستقبلنا به من حفاوة وتكريم وركبنا مع ابووسيم ورجعنا

يوم وصلنا اهلنا قالوا جتنا حرمة شمرية تبيع ملابس وشرينا كل بضاعته قلت وش دراكم انه شمرية قالوا سألتنا وقلناله حنا شمامرة قالت: وانا كمان من بيت شمر!!!!!!!!!

قلت ياخبول هذي تضحك عليكم
قال اخوي عين خير هم اقل شي اشتروا هدوم اما انت دفعت ألف على فنجال قهوة.!!!
________________________________


تمت والسلام ختام

[شليويح]

هههههههههه

والله منت سهل ... اجل الربع كلهم من بيت شمر ...
ههههههههههه

[ابو عارف]

الله يونسك بالعافية أبو طروق سالفة ممتازه وإسلوب قصصي ولا أحلا أنت ممتاز أنت فنان أنت من بيت شمر الجرباء بس أبو شوارب لا .

شكراً لك لاهنت.

[حمـود]

ههههههههههه

عمي اجل شيوخ شمر صارو قهوتسيه

اثريك مبدع واسلوبك القصصي المضحك

تميز له كل تقدير واحترام

[سوسن محمد]

قلت له انت من اي شمر قال: انا من الجربا!!!

وانا انزل فنجالي واقوم من الكرسي وآخذ الدلة منه وقلت: والله ان تقعد قال شو مابيصير قلت: لعنبوحيك انت من شيوخ شمر اقعد وانا اقهويك

قال ولو مابيصير هالحكي بعدين صاحب المطعم يئتلني

هو رح يئتلوا مافيها اشكال
تدري ليه

لانه كسر الفنجان
خخخخخخخخخخخخخخخخخخخخ
حلوه ابو طروووق
بس ياحليلكم ما وقعتوا الا بايدين نصابين
ترى يا كثثثثثثثرهم عندنا
وخصوصا اذا شافوا واحد لابس ثووووب حتى ولو كان سوري ابن سوري
بس اهم الشي انبسطتوا وانصب عليهم منيح خخخخخخخ

[فتى البيداء]

أفا عليك يابوطروق أنا قلت هالدنيا أمقلبته على لضاه أثريك طيب بزود (يابوخوذه) .

أنا عمي مرة جاء يمه له رجال وقال أنا ولدعمكم وما أدري كيف .. قاله عمي حنا ما نعرفك منه أنت وبين لنا منهم أهلك ومير الرجال يبلع العافية ... قاله عمي ما يمديك بكرى أنا وأياك عند المحكمة .. مهو هالون تحلتون أرواحكم على خلق الله وتنسبون أنفسكم لهم ... أنت ضيف على العين والرأس أما ولد عم تثبت لي ولا ما بيني وبينك الا المحكمة ... وهو يضيع السالفة وما أدري كيف وإلى يومك أضنه يركض ..

لا وبعد خويك حاط روحه من الجربا الله يأخذ وجهه .. والله يابوطروق لو أنا بمكانك لأجره بشنبه ومشي ثلاثه كيلو وطلقه (شنبه) لخليه يتقفاه لمين ياصل عقلة الصقور ..

أبو طروق يالله ضف قشك مشينا يمه (أبلعب به سله) ...

تدري ابوطروق والله علشانك أبخليه هالنوبة ، والسنه الجايه أن عاد له علمن .. خل أكتب به بجدار (ياسر العضمة) ذكريات ابوطروق وفتى البيداء والأتحاد مهور ..

تسلم ابوطروق على هالقصة بس ما تقعد لك مدة ما تكتب . عطنا موضوع ثاني .

تحياتي .

[أبوطروق]

حياك الله يالاصلج

والله ياخوك انك تبلش باكاالديرة كل شوين طالعن لك واحد يقول اهلين ابن عمي


مشكور يالاشلح على مرورك ونحنا مشتائين كتير لسوالفك

:

[أبوطروق]

هلا بالعشير المحترم

يخسا ابوشوارب وشرط انه مايعرف ابوه منهو عشان يعرف اصله

شاكر لك تعقيبك وتقلد تحياتي مع تحيات الشبث

:

[أبوطروق]

يالله حي ابوناصر الثالث

لاوالله شيوخ شمر يبقون شيوخ وانت منهم بس هالسلق اللي كل ماجاهم احد قالوا حنا من نفس القبيلة


إلا تعال انت توك تدري إني مبدع واسلوبي القصصي مضحك؟



شكرا ع مرورك العطر والمميز (وش رايك تنقل موضوعي عندك بالرياضي وتثبته)

:

[الشبث]

اللي يبي يتعلم شلون يكتب بالفله


يقراء للمدرسه ابو طروق


مبدع يابو طروق ومنك نتعلم






مثبت






وتقلد تحيتي

[ريتاج]

هع هع هع هع هم بس لاشاافو سعووديين تنااقزوا......

ياملا العاافيعه يا اخوي ابو طرووق عالساالوفه الحلوه

شيعااااااااااااات.......

[أبوطروق]

اهليــــــــــــــــــن خيتو
كيفك منيحة

إحنا ما كنا لابسين تياب إحنا كنا مطئمين

تؤبريني ع المرور الحلو

:

[أبوطروق]

أول شي سلملي على عمك وامطخ لي جبهته

بعدين ليه نخليه السنة الجاية خلنا نمشي الحين ونمردغ أبوشنب ونكتب ذكرياتنا على جدار قصر العظمة (مهو ياسرالعظمة يافالح)


مرورك راهي ويشرفني

وتقلد فيدات الشبث

:

[شنقل]

طيب رجعتوا:)

[يـــوسف]

طربوش حمر وشروال :)



بس والله انه زقرتي ...

تسان صافقه على براطمه بلك مية ألف يستاهل ملعون الابو :)




مشكوووووووووووووووووووووووووووووووور يابو طروق على هالسالفه ووسع الله صدرك ..:)

[فتى البيداء]

يالله يابوطروق تحيزم ..باكر وحنا طابين بحوض بطنه ..

بس قل ليوسف نحتاج فزعته .

[أبوطروق]

فتى البيداء

مانحتاج فزعة احد يالله مشينا وتر التذاكر عليك


شكرا لك أوي أوي أوي

وتشنقل بتحيات الشبث

:

[ابو ضاري]

هكذا المبدعين يابو طروق الله يونسك على السالفه

ابو طروق تعال ابي اقاصيك ( ذابحن توقيع شنقل وشو السوات به )

[أبوطروق]

شكرا يابوماجد

والله انه اسعد ايامي بالفلة ردك هذا


ياعلك تشوف ماجد مهندس كيميائي أد الدنيا

قل آمين

:

[أبوطروق]

ياجماعة شكلي تلخبطت بالردود!!!

اصبروا علي ليا باتسر


وتقلدوا سلاماتي<<< تقليد من نوع خاص للشبث

:

[أبوطروق]

ياهلا والله بهالطلة
اشتئنا لعيونك والله


شكرا لمرورك العذب

شيعــــــــــــــــــــــــــــــــــــا ت

:

[عجايب بنت الشايب]

ابو طرووق ترى دخلت وانا زايمتن تسبدي


ولا لو موضوع ثاني ابد ادخل والوجه سبعين يضحك



والله يوم قلت قال



قال ولو هذا فنجالك والله ماحد يشرب فيه بعدك



نذر باللي خلق سبع ونزل سبع لو اني معك تفلت بوجهه


تدري ليه


من بقاطته

نعنبا هم نصابينه النصابين



شغل ترفيع .. فووووووق


وحنا الخبوول


الحمد لله .. ساموت .. ودرشق النصابين ماغبنوني .. :)


رح لله درك


بس لاتعودها ..




طحياتي ............,,

[حمـود]

يالله حي ابوناصر الثالث

لاوالله شيوخ شمر يبقون شيوخ وانت منهم بس هالسلق اللي كل ماجاهم احد قالوا حنا من نفس القبيلة


إلا تعال انت توك تدري إني مبدع واسلوبي القصصي مضحك؟



شكرا ع مرورك العطر والمميز (وش رايك تنقل موضوعي عندك بالرياضي وتثبته)

:

ايوالله انك صادق يا عم سلق

من دخلت وانت بس تشارك ما تكتب لو موضوع واحد

ابشر تبي انقله عندي بالرياضي واثبتوه اربع اشهر العطله كله

دمت بخير

[أبوطروق]

شكلك على هالرد خايف يخلص الحبر؟
ولا اصابعك ممشقات


ايــــــــــــــــــــه رجعنـــــــــــــــــا

:

[أبوطروق]

لا يايوسف مهو بس

كان بعد لابس قميص ابيض وصديري اسود والله يعزكم شرابات وكنادر والظاهر وماحطه بذمتي كان لابس ملابس داخلية<<< يعني لازم هاللون


بعدين ليه اصكه بمية ألف؟ تبيه يكسر كل فناجيل وصحون المطعم
لا ويمكن يكسر راس المعلم بعد

(هو ألف وترن ندمان عليه)


اشكرك يالعطاوي على ردك الرائع وسلم على نفسك

:

[أبوطروق]

شاكر لك مرورك الطيب واللـــــــه لايهينك


لا يغبنك توقيع شنقل وابشر باللي يحرق توقيعه

وتسان تبيني اعلم مديره اخليه يقلعه تأديبي لجيزان ابشر

:

[بالمختصر..]

هههههههههههههههههههههههههههه

صدقتوه إنتم ..؟! :)


والله من النصب عندوه ( بياع كلام )

و إذا كسر الفنجال يعني ..!!

تبسم عادي تسنك ماشفت شين :)




.
.

[أبوطروق]

عجايب آسف انا مافيه معلوم اردو


شكرا ياحجة على مرورتس وسلامة تسبدتس من الزومة

:

[أبوطروق]

حمودوه يعني انا ماكتبت إلا هالموضوع!!!

تر هذا إتهام خطير موجه لحضرتي



هذا كله من المشرفين الله يهديهم اللي كل ماكتبت شي حطوه مع المواضيع المميزة

:

[أبوطروق]

حيالله ابلة المضايف نورتي الصفحة

حنا أكيد ماصدقناه بس ياخوتس وش اسوي بداء العظمة

نفخن بحتسيوه وكسرته للفنجال يما بغيت انفجر


بعدين تخبرين الامير مثلي او الشيخ لازم يعطي شرهات


شرفتي يا ابلا

:

[أهداااب]

ههههههههه


أذا تبي ريشك ينتفش بس سافر برا و اسمع المدح والترفيع وش لون :)



حنا تعودنا على هالوضع بحكم أنا نسافر كل سنه الأردن لخوالي



وسوريا نمرها كتمشيه



لما نروح هناك انا اقول لأخواني وابوي تكفوووووون خلكم بثيابكم



أذا بدلتوا والله ماراح أحد يعطيكم وجه :) << ذكيه



بس تعرف أن قرصون هالمطعم لو كسر كل فناجيل المطعم ما عنده خلاف :)



لأنه راح يسددها بالألف ليره اللي عطيته :)



ابو طروووق




تعيش وتاكل غيرها :)

[سمااا]

يابووطروق .. يامطول الغيبات ..

هههههههههههههاي .. والله أن سولافتك شي رهيب ..

تقبل مروري و تقلد شيع شيعات أبو عارف

*_*

[أبوطروق]

اهلين بالست هديبا

انا مابي انفش ريشي بس هم ينفشونه غصب
بعدين الواحد يلبس ثوب ولابنطلون يبين انه خليجي لو يحط فوق اذنه ورده

مثل المصري او السوري لويلبس احسن ثوب وشماغ البسام البصمة200 يبي يبين انه مو خليجي من سحنته


اجل خوالتس من الأردن

بدكاش


شكرا ع المرور الجميل

:

[غالب]

في البدايه(باوديكن)يخوي هذا سوري مولود باالحبشه السوري مايقول(باوديكن)
ثانياً وأخيراً(((هاالكلمه متعوب عليه (((هههههههههههههه الله يقلع سةالفك أثريك مخفه هههههههههه هههههههههههههه ههههههههههههه ههههههههههههههههههه ياتسبدي ياتسبدي ههههههه ضحك عليك وأخذ ألف ألا ألف ليرا كم تساوي ريال؟؟!

[أبوطروق]

حياتس الله وشكرا على المرور

دمتي فاللته

:

[سعد الشمرى]

ابوطرووووووووووووووق هنت الجربان حسبى الله عليك والله انك غادى بختك عمرى ماسمعت ان به من الجربان سفرجلى يقهويك الجربا ظلمت حظك بهسالفه الى مالها داعى وشيخ الشيوخ بن جشعم وانت تلقب نفسك بلقب ماهو لك

شرهتى عليك وانتظر التاسف للجربان الى هم تاجك وتاج شمر
اخوك الرطاب

[السنعوووسيه]

افا الي هو يتسذب ولا صاز لتسانه صاز اخيذت الضحى

وقردي عزالله الطنايا راحت

هههههههههههههههههههههههههههههههه

ابو طروق يمال العوفى

[أبوطروق]

أول شي انت وش عرفك باللهجة السورية انت ووجهك

كلمة (باوديكن) سورية 100% ياجاهل


بعدين هو ماضحك علي أنا اللي ضحكت واستانست عشان كذا عطيته فلوس لأنه ضحكن

(جرب تضحكن واعطيك دراهم يالبارد)

1000ليرة = 75ريال






شكرا على مرورك وحياك يالغالي

:

[هادية الشعور]

هههههههههههههههههههههههههههههههههههههههه هههههههههههههههههههههههههههههههههههههههه ه

:)


صووووووووح كل الي قالوه صوووووووووح :)

<< تراه ما قرت الموضوه (القـسه )

:)

القصه طويله قلت ابد خل اقراها من الردود

اقووووول :

حبلي خشم عمك :)

<<< تسمع بهم يوم يقولون حب خشمه

هع هع هع

طحياتي وخالص امنياتي
:)
,,,,

[أبوطروق]

وانت غايب طول هالمدة وجاي الحين تحوس وتدوس ياملا المقوار اللي يتوسط هامتك

يعني كل هالشمامرة اللي قروا الموضوع مايفهمون ولا عندهم غيرة؟

وانت لحالك اللي تفهم وتغار على شمر!!!!!



ارجع لموضوعي واقراه زين وانت مفتح وبعدين تعال

تر الرجال كلامه محسوب عليه


وبعدين انت وش دراك اني القب نفسي بلقب مهو لي!!!
انت تعرفن؟

وأنا اللي منتظر منك إعتذار

للمعلومية أقسم بالله ان هالسالفة صارتلي بسوريا واني ماغيرت شي بمضمون القصة (بس أضفت بعض البهارات اللي تعطي نكهة ولاتغير شي)

:

[سعد الشمرى]

ابووووووووووووووووووووووواخشووووووووووف لو ماغليك ماشرهه عليك

[ريال الفسحه]

هههههههههههههههههههههههههه
هههههههههههههههههههههههههههههههههههههههه ههههههههههههه
ههههههههههههههههههههههههههههههههههههههه



كبر راسك يابوطروق ماحد يشرب عقبك ههههههههههههههههه



والله منت هين وخووووش سالفه :)

[أبوطروق]

إلا يتسذب ويعقب وماهو لهالسالفة

وانا قلت بموضوعي إنه يتسذب ولو حنا قايلين صلبة كان قال أنا صلبي ومن روس الصلب>>> إسمع يالرطاب


الله يعافيتس يامتكية وتكي عندنا

:

[أبوطروق]

منهو عمي اللي أحب خشمه؟

أقري الموضوع بعدين تعالي


حياتس الله

:

[أبوطروق]

أفا ريال فلتنا راد وانا مانتبهت!!!!!

اسمحلي يالغالي الثمين ومشكور ياريال الفلة<<<- حركــــــــــــات

:

[أبوطروق]

اللي عدل العنوان مع احترامي يقول لي وش سبب التعديل!!!!!

والمفروض إذا عنده إعتراض على العنوان يعلمن وانا أغيره باللي يناسب الموضوع




!!! كلي عتب !!!

:

[سلمان النبهان]

عتب مقبول يابو طرروق والعنوان عدل لعدم مناسبته
واسم الجربا لايستحق منا وضعه قهوتسي ...
وانت خير من يعلم ذلك يالغالي ولكنه من باب السهو ..
وعذرا للتعديل لعدم مناسبة العنوان بالمضايف ...
والموضوع واضح ومفهوم منه القصد لمن يقرا القصة
ولكن هناك من يقرا العنوان فقط دون النظر للموضوع
وقد يفسر العنوان بمعاني اخرى نحن في غنى عنها ..
مع شديد احترامي لشخصك وماتكتبه ..

[أبوطروق]

يعطيك العافية اخوي سلمان

(هذي وجهة نظرك واحترمها) بس لا تنسى انه فيه ثلاث مشرفين على فلة حجاج والموضوع صارله حوالي 3أسابيع



ياليتك علمتن برسالة خاصة بوجهة نظرك وانا اعدل العنوان بكل رحابة صدر







تدري عاد

والله هالموضوع ما يسوى مواطيك يوم سيرت علينا بالفلة


دمت مستانس


:

[سلمان النبهان]

تسلم يالغالي وشاكر ومقدر حسن القبول وهذا الظن بك
والموضوع لم اشاهده الا امس وتم التعديل عليه فورا
وانا سبق وقلت لك باني فاهم ومقدر وحهة نظرك يالغالي
بس العنوان صعب علينا قبوله وخصوصا انه عائلة من رموز شمر
اكرر شكري وتقديري لشخصك ابو طروق ...

[خلف الرويتع]

ابوطرووووووووووووووق هنت الجربان حسبى الله عليك والله انك غادى بختك عمرى ماسمعت ان به من الجربان سفرجلى يقهويك الجربا ظلمت حظك بهسالفه الى مالها داعى وشيخ الشيوخ بن جشعم وانت تلقب نفسك بلقب ماهو لك

شرهتى عليك وانتظر التاسف للجربان الى هم تاجك وتاج شمر
اخوك الرطاب


هلا اخوي الرطاب الرجال ماقل خطاء هو يقول ماحدث وياكثرهم الي يدعون ذلك وابو طروق هو اول واحد يدفع عن الجرباء لو احد اهانه وليس الجرباء وحده بل جميع شيوخ شمر فهم عزنا وتاج روسنا على كل حال اخي الرطاب لو ترجع للموضوع وتدقق فيه لاتجد اي اهانه للجرباء على كل حال موضوع رائع حقيقي وحدث معنا جميعاً والجرباء معروف قدره عند ابناء شمر وعند الاجواد جميع اخي الرطاب اشكر غيرتك ولكن ليس في هذا الموضوع تقبل تحياتي اخي الرطاب نبي نشوف بالفله تره سعه صدر تعال نتعلل ونضحك شوين تقبل تحياتي


اخي ابو طروق مايهم العنوان الاهم المظمون يعطيك العافيه تقبل احترامي

[أبوطروق]

سلمان النبهان
__________________________

ماصار الا الخير اخوي سلمان وعساك سالم

:

[أبوطروق]

ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف شكر اخوي خلف الرويتع على هالتوضيح وعسى الأخوان يقرون اي موضوع ويفهمونه قبل لايردون

مهو الواحد يقرأ العنوان ويجيك مطبدز تقل يدوره من الله

ممتن جدا لك اخ خلف على هالرد اللي برد تسبدي

:

[أبوطروق]

ابي ارفع الموضوع

بكيفي مادمت لحالي بالفلة ابي اتصرف (باريحية)