انا بورطه ـــــــــــــــــــ يالربع وش الحيله ![ افزعو لمصيول لارحم عدوكم ]

[مصيول]

السلام عليكم ورحمة الله وبركاته


يقولك كان هتلر اذا جاء يخطب مايمسك الفنجال وينزله :)




تدرون ليه :( ؟؟




لأن مافيه فنجال اصلاً :7ayyoh:


هههههههههههه




ومع ذلك يصنف هتلر بأنه من اكثر الاشخاص السياسين بالعالم خطابه :puzzled:




حلو طيب وش وجه الشبه بين مصيول وهتلر :)




لاحد يجي ويقول شنبه ــــــــــــــــ قسم بالله لا اتمردغه :148r:




ويصنف هتلر بأنه من اكثر الخطباء له تأثير بشكل او بأخر على المتلقي !!


طيب وش سر هالتأثير !!؟



سألو هتلر بأحد المناسبات ــــــــــــــــ ليش اذا جيت تخطب تتكلم بشكل منفعل ؟؟


قال لأن حدة الكلام هذا بينتقل للناس ــــــــــــــــ وبالتالي بينفعلون !


وعليه ــــــــــــــ بينفذون كل ما اطلب من دون تفكير :)



واثبتت الدراسات بأن اللي يخطب بشده وحزم يكون اكثر وصولاً للمتلقي !





طيب وش عندك يامصيول غاثنا ــــــــــــــ انا بورطه ويالربع وش الحيله وهتلر ومتلقي :) !

8
8

هذا مايتبادر الى اذهانكم :)




يوم الاربعاء مهو اللي جاي اللي عقبه ــــــــــــــ عندنا مؤتمر بالجامعه منظمته صحيفة الجامعه !


وبما اني رئيس قسم الحوادث والوفيات والكوارث بالصحيفه :) طلبوم مني القي خطاب :)



لالا جد والله صحيح رئيس قسم بس ماهو الكوارث لأنه ماهو عندنا اصلاً :) ولا كان قضبوني ياه :)


الوكاد كلفن رئيس التحرير بأني لازم القي خطاب بأسم الصحيفه ـــــــــــــــ وبحضور من ؟؟


بحضور مدير الجامعه ـــــــــــــــــــــ ونائب امير المنطقه shlwee7



واخوكم بالله يالله يصف كلمتين على بعضهن ــــــــــــــــ ويبي يلقي خطاب هو وصوابره :)





يالربع انا بي لي بلا اخبره من ايام الابتدائي ـــــــــــــــــ يوم كان المرشد يغولن يبيني اطلع بالاذاعه :)

وانا معيي هي نيتي


واذا لزمو علي ـــــــــــــــــ غبت هكاليوم :(



بس بنفس الوقت بي ميزه حلوه :)


اللي هي دورن عند الفزعات :) ــــــــــــــــــ يعني اخبر ايام الثانوي اذا غاب واحد من اهل الاذاعه يجوني واطلع ماعندي مشاكل :)




اللي بوصله انه لاجت الاذاعه صدفه وبنفس اليوم اطلع بدون تفكير :)

اما اذا قالو لي بكرا ولا بعده مافيه امل :( ــــــــــــــــ ليش مادري :)



بس اللي استشفيته من نفسي اني ماحب الانتظار ـــــــــــــــ يعني شي موافق قداام شي علشاني لا والف لا :):)




واللحين خطاب بس ماهو كلمة الصباح بالاذاعه :) ــــــــــــــــ لا كلمة صحيفة الجامعه بالمؤتمر :(

يعني غياب انس ــــــــــــــ ويدورون بدالي صم خشمك !!




من اللحين جاني مغص والتهاب واسهال وانفلونزا وتمزق بالعضله :)


يالربع جتن لي نفاضتن الله اعلم به ــــــــــــــ اخبره تجيني اول ايام الابتدائي لا لزمو علي بالاذاعه :(


وش الدبره شورو علي :(



ابتلشت مادري وين انزل الموضوع ــــــــــــــــــ قالت مالي الا الفله :thumb:




اللي جرب يلقي كلمه ولا شي من هالقبيل ــــــــــــــــ وشي الطقوس المناسبه لنزع الرهبه !؟





ايه الا وحلولاتك ياهتلر :)

[فتى البيداء]

لا تفكر في هالموضوع أبد ولا تحاول تجلس بالحالك لمين يجي هاليوم ويقضي على خير .

ولا تدري أنا أبلقيه عنك بس كم تعطين مقابل هذه المهمه ======> رأس مالي ألأخو ؟

الله يعينك يامصيول .

[عجايب بنت الشايب]

ابد خذ العلم مني



مدام السالفه الاربعاء الجاااااااااااااااااااااي



حياك الله عندنا



ابقلطك على شبك الغنم



وباسدح لك الأحواض وارقى عليها



عاد تقريباً غنمنا 300 مع الكباريه قدااام


والقي كلمتك ... وراعي لهم ترا الغنم عااد عندها ضمير بالمراااعاه تراعي لك بضمممير ولاترمش


وهاه كم يوم الا انت تمام ..




وابد صدقني هالطريقه بتخليك تنكت مع امير المنطقه على المنصه بعد


وش تبي


بعد





روح بس شوف عيني انك قرقر فلته ... :)




لاهنت


والله يضحك سنك كما اضحتني



طحياتي........,,

[حمــ الموت ـراء]

ابد وانا اختك انت بس قل مقولتي الشهيره اني ارى روسن قد اينعت واني والله قاطفها



وتنحل المشاكل كله لانك بعد هالمقوله راح ينطلق لسانك وبأنفعال مثل هتلر كككككك



بس شف هالمقوله تقوله قبل لا يجي نائب الامير فاهم علي صح هههههههههه



وليله الاربعاء اشرب لبن اكتفياء علشان الامعاء والاسهال وخلافوه



وتلاطم بشماغك وحط راسك على المخده واحلام سعيده يا هتلر هههههههههههههه



وادي اضرب على صدري واقول لعيناك بس ماش الذكر ليس كالانثى



والا انا شوفت عينك مسببه ارق لبعض الناس يعني عن عشر رجال اذا ماهم عشرين كككككـ

[منصور الغايب]

مصيول ...

انت قدها ان شاء الله ..


شوف ياغالي ..

بما إنها المرة الاولى ...

انا اقترح عليك انك تطالع بالورقة ولاترفع راسك ... الا مع الخاتمة ..

علشان ماترتبك ..

وجهز الكلمة ... واقراها اكثر من مرة قبل لا تلقيها على الحضور ..

خل الابتسامة بادية على وجهك .. تراها تخفي الكثير من التوتر والارتباك وتخلي اللي قدامك مو حاس بربكتك ..


بالتوفيق ...


وراح اذكرك انك راح تبدع .. :)

[مروان الشمالي]

اقول فلها وربك يحلها

اجمع شله الاستراحه والق الخطاب عليهم وعتبر روحك بالجامعه وكسر حاجز الخوف عندك يا بعدي

[غالب]

888888888888888888888888888888888888888888888888888

:)أوافقك الرأيroooose

[حمـود]

8
88
888
8888

اسمع نصيحت ابو غايب وما عليك ان شاء الله

اي جامعه ابي احضر علشان اشجعت

بعد اذا دخلت تبي تلقي اقوم واصفقلك واقول يايها المبدع مصيول

واذا خلصت اقوم اشجع الناس على التصفيق

علشان يعرفون ان لك مكانه بالمجتمع >>من وين؟؟

دمت بخير

[أبوطروق]

ماعليك اصلا اللي قدامك راح يكونون مشغولين بنائب الأمير ومرتبكين ومايدرون وش انت تقول

يعني اختصر خطابك والبس نظارة شمسية وكبك ازرق


بالتوفيق يامصيول بن هتلر

:

[الغيوره]

أأأأأأ أأأأأ أأأأأأأ بتقطع حرف الالف وانت تقوله :)

الله يعينك انا 5 سنين بالجامعه ومع كل ماده برسنتيشن ولا تجرأت لي الحين :( بس عاد كانو بالانجليزي اتوقع العربي اسهل <-- تبي اتشجعه


موفق انشالله

[أهداااب]

شوف يا خيي مصيول


خذ نصيحة وحده أكبرمنك وعندها خبره بالحياة أكثر <<< لا تدقق على هالجملة :)


الخوف أنســـاه و أنســا أصلاً أن عندك كلمة تبي تلقيها



أذكر أيام التربيه قلبت راسي وحده من الزميلات تقول لي أنت بس أكتبي الكلمة وأنا ألقيها :)



وانا أخذت بكلامها حتى طبعت الكلمة طباعه عشان يصير الخط واضح



طبعاً كان اخر يوم بالتربية تكريم المعلمات و المشرفات ومديرة المدرسة



والله لما جا وقت التكريم أنادي عليها تعالي تعالي ألقي الكلمة وأثاري البنت

مرتبكه وخايفه يامير ماااش هههههه



قلت خلاص ماراح أحرجك أنا ألقيها بدالك رجت وقلبت راسي أسبوع تدق على

صدرها انا ألقي الكلمه انا ألقي الكلمه :)



أثاريها مااااااااش كلام بس:)



وترا الجمهور اذا حسوا أنك مرتبك وخااايف راح يحرجوك اكثر بنظراتهم


اما اذا شافوك واثق من نفسك راح ينصتوا و ينشدوا لكلامك أكثر



بالتوفيق

[ريال الفسحه]

مصيول


اول كنت ابستهبل عليك واضحك وارد رد فلاوي وانتهت السالفه
بس طرت علي فكره من جد حلوه ..

يقول المثل خالف تعرف ومن افضل الافكار الافكار الي عند تلقيها
للناس يقولون مجنون ؟ :) يعني الافكار الغريبه تجذب الناس بعكس
الافكار الممله ..


يعني

لو بديت كالعاده بسم الله والحمد لله يسرنا ويسعدنا
بهذا الحفل تواجد معاليكم ومدري وشو من هالخرطي
راح يكون خطاب تلقائي ملت الاذان سماعه .. الخ

لكن لو على سبيل المثال طلع مصيول على المسرح وجاب
المكرفون وراح يتكلم عن مثلا الحوادث وجه نكبه :)

طلع مصيول وقبل قول اي كلمه مثلا قال بيتين شعر عن الحوادث
واخطاره وعقبه يجيب قصه واحد يعرفه مات بحادث مثلا وبعدين
تجي الامور الرسميه من احصائيات ومضار ..


والله تطلع سالفة الحفل وتدعي لابوفسحه :)



علمنا وش موضوعك عشان اكتب لك مقال كامل وماعليك
الا القاءه ..تراني صادز :)




بالتوفيق

[صدى الشمال]

انا التمست من كلامك انك انسان شجاع ومقدام




مثلي تماما <<<<<<<<<< انت وش تبي؟





يعني قدام قدام بحزّته

ما تنتظر







أنت لها





بس ابعطيك نصيحه

اولا

لا جيت تسولف لا تبحّر للي قدام جالسين

تر بشوتهم تبي تفضخ قلبك



خل نظرك لاخر ناس



تلقاهم جحاليط ويسولفون بينهم يعني ماهم يمّك



ثانيا

إنحش عن المصطلحات الانجليزيه






والله يقوّيك

[الشبث]

اقول اعتبر تسنك بالمدرسه


او اعتبره فزعه لحدا الزقرت












حبي مصيول


وش رايك اجي اتمجغل عليهم شوين



ترن اغلي القرق



وتقلد تحيتي

[يـــوسف]

من رايي انك تجلس قبل ماتلقي خطابك اقل شي ساعه وتكون بالسروال القصير بس وتكون بغرفة مظلمه وتطفي النور وتولع لك دخون وتكباه بمعني انك تتربع وتحط فوقك بطانيه وتجلس وتخليه يدخل بمناخرك :)



وعقبه ابد تنفرج ..





مصيول توكل على الله ولا ترتبك وخل عندك ثقه بنفسك يعني مو تتوهق ياجتك كلمه طويله وتجيب العيد :)


وتر اللي قدامك ماهم أحسن منك ..



توكل على الله ولاتفكر بمواقف محرجه ولا غيره خلك عادي ..










عاش ممثل فلة حجاج :)

نقد نحضر الحفل انا وسناعيس ؟؟ انت جب حمود الناصر معك من حايل .

[سلطـــآن]

ذكرتن أول مرة أطلع بالأذاعة المدرسية ..

اول مرة قالوا لي افرأ قرآن وأنا أحفظ السورة يوم طلعت وهي تضربن أم الركب وأنا أقعد ارتجف والمصحف ما هو معي وأنا أقرأ اول آية قلب يمين يسار يمار ما حولك أحد وفوق تحت ولا تسمع الا ضحك الطلاب ..:)
وهو يحشرن أحد المدرسين .. قالي لازم تتعلم الجرأة المهم وهو يطلب مني قصيدة صوت صفير البلبل ..
وانا واياه قالي غصبن عليك تطلع .. أسلمت امري الى الله .. وأنا اجلس لي أسبوع وثلاث مرات يومياً وانا أحشر أخواني بالمجلس معهم امي ومعهم بعد كم مركا موقفهم كنهم رجال:) .. يما طاحت الخرعه ..
صرراحة ما أنساه ذاك الموقف كرموني بالاذاعة .. أصبحت رئيس الاذاعة .. كرمن مدير التعليم لأفضل ملقي للخطابة .. وكله بسبب كم مركا صافهم بالمجلس وأخطب بهم :)..

أهم شيء انك لا تكثر النظر في الورقة .. بس بإمكانك أنك تناظر لشمغ المتلقين ..

أتمنى أني أفدتك بشيء ..

تقبل مروري ..

[مصيول]

الله لايهينكم يالجميع :thumb: ـــــــــــــــــــ راعين حق ووافين يالغاليين



فتى البيداء ـــــــــــــ صحيح انسب حل اني انساه بس وشلون


انا لاجلست عند الزقرت مسكت خط

هههههههههههههههه


لاهنت يالغالي





عجايب ههههههههههه


عزالله خووش فكره :) خصوصاً ان الغنم عندهن مراعاة بضمير هاه هههههههههه


لا لا الفكره قيد التنفيذ ان شاءالله :)



عجوبه ـــــــــــــــــــ لاهنتي يالغاليه







حمراء الدجه ـــــــــــــــــ تبي تجيبين اجلي :(
ارى رؤسن قد اينعت ـــــــــــــــــ تبينهم يذكرون لتس مصيول ورى الشمس :)


لالالا فكينا الله يرحم والديتس ـــــــــــــــ اخاف اني انسى الكلمه ومايطري علي الا هالجمله :)


لاهنتي خيتووو






عريسنا الموقر :7ayyoh: منصور الغايب ــــــــــــــ والله نصايحك بمحله


وكلامك عسل الله يجزاك خير ويوفقك دنيا واخره لاهنت يالعزوه :)







مروان الشمالي والله كلامك منطقي ــــــــــــــ بس ادري من اقول بسم الله الرحمن الرحيم خذ شماته :(


خابرهم لا يهوشون ولايجمعون رضم :)


لاهنت يالغالي على الاقتراح







سنعوس :) ــــــــــــــــ توافقه الرأي ولا توافقه mbc هههههههه
لاهنت يالغالي







حمود الناصر ههههههههههه


اما يأيها المبدع يامصيول ههههههههه علشان يغسلون يديهم منك مره وحده :)


المؤتمر بجامعة القصيم او بالحضاري ـــــــــــــــ على حسب مزاج نايب الامير :)




الا حصلك صيفي هالسنه ولا لا ؟؟


انا تسحتوني نزولي ثلاث ساعات وطنيت عليهم :( ــــــــــــــــ قلت ابي اصيف هالسنه بعقده هههههههههه



لاهنت ياحموود مرورن منتااز بالحيل









ابو طروق اي والله صدقت ــــــــــــــ وانا مامشيبن براسي الا ان هالامير !


صح يبي يكونو مشغولينن به وانا عويناتي بس يمهم :)


الله يعدي هكاليوم على خير :(


لاهنت يابو طروووق كلامك بمحله










الغيوره ــــــــــــــــــــــ الله يرجك ياما تغدي شوشتك مثل العجوز اللي مع توم وجيري :)


الله لايقوله والله ان دقر لي حرف الالف لا حذفه من قاموسي :)


تعوذي من ابليس وادعيلي










هديبا ــــــــــــــ والله كلامك منطقي !


بس رفيقتك لقتك جاهزه وشلتي همه ـــــــــــــــــ عدي اشوف مصيول يملط يمين ويسار يدور فزاع :)


والبلا لاتلعثمت ولا شي وليه ــــــــــــــــ هي على اول سطرين كانهم عدو على خير مضبووط !


لاهنتي ياهديبا على النصايح وكلامك بمحله











ريال الفسحه :7ayyoh: والله كلامك منطقي ومنطقي جداً !


بس المشكله اني محدد بأطار مقدر اطلع عنه ـــــــــــــــــ وكلمتي تحريبيه اكثر من كونه تفصيليه بالمؤتمر !


لأن المؤتمر ثلاث ايام وانا بلقي كلمه بأفتتاحه بحكم اننا الجهه المنظمين !


والمؤتمر مشاركه به اكثر من 9 جامعات وكليات على مستوى المملكه


وهو عن الجامعات السعوديه وتصنيفها عالمياً !


خصوصا ان اول جامعه سعوديه بالتصنيف ترتيبه 300 جامعات زامبيا قبلنا :)



لاهنت ياريالووه والله كلامك عسل ياعثل :)










عبدالعزيز صدى الشمال الا يابعدهم هههههههههههه


والله معك حق ــــــــــــــ اما اللي ورى جحلط هههههههه


عزالله صدقت :)


ياملا العافيه على هالكلام والله ونستن الله يونسك بالعافيه


لاهنت يالعزووه










ابو مجوود :) هههههههههه


تمجغل عليهم يعلهم فدوتن لك ــــــــــــــــــ عزالله انهم يصلحون لك


شبيثان عزالله انك تبي تفله هههههههه


لا ويمكن طيح الميانه مع الامير !!


ههههههههههههه



الله لايهينك يالشبثي











ههههههههههههههههههههههههههه


يوسف ياملا البعد هههههههه


اجل تبيني اجيهم وخشمي تقل عباراة جمس :)


ولا تقل خشم عبد مستنزل البارح هههههههههههه



ممثل فلة حجاج هاه هههههههههه


لا ابشرو بخير تمثيل ـــــــــــــ الله يستر من تواليه :(



وتبي تجيب سناعيس معك ههههههههههه


لا عزالله كملت :)



اسمع اسمع طرت لي فكره هههههههه


قبل لا القي الكلمه ــــــــــــــــــــ خل سناعيس تسنوه انصفر :)


وانت اقعد تويل عندووه ــــــــــــــــ يعني اجلبو الانظار :)



وانا ابي اطلع وابي اعلن الحداد ثلاث ايام على سناعيس :)


بلا مؤتمر بلا بطيخ


جوزيف والله يابه مفاطيح على كيفك هههههههههههه
والله ماتذوقهن ولاتشم ريحن بحايل :)








الله لا يهينكم يالجمييع ــــــــــــــــ وبيض الله وجيهكم :thumb:

[مصيول]

سلطااان :):)


والله معك حق ـــــــــــــــــ اذكر حضرت محاضره للدكتور محمد العريفي

يقول اول اذا كلمن احد تلعثمت :)


يقول وانا اروح اجمع لي قواطي ببسي فاضيه واصفهن بالغرفه :):)

وكل يوم القي عليهن على انهن حضور شوي شوي يقول ياماصرت القي بأي مكان وزمان ماعندي مشاكل :):)


الله يجزاك خير ـــــــــــــــــ ابي اروح اجمع مراكي بيتنا كلهن ههههههههههه


لاهنت ياسلطان :)

[ريال الفسحه]

يالربع سجلوه بالتاريخ مصيول يرد على كل اللي ردو عليه
سجلووه بساع قبل يهون هههههههههه


شكله مخترش من اللحين حتى طبعه تغيّر :)

[هند القاضي]

اللي هي دورن عند الفزعات :) ــــــــــــــــــ يعني اخبر ايام الثانوي اذا غاب واحد من اهل الاذاعه يجوني واطلع ماعندي مشاكل :)



اللي بوصله انه لاجت الاذاعه صدفه وبنفس اليوم اطلع بدون تفكير :)
اما اذا قالو لي بكرا ولا بعده مافيه امل ــــــــــــــــ ليش مادري :)




وقوع الشيء أحسن من إنتظاره :)



اللي جرب يلقي كلمه ولا شي من هالقبيل ــــــــــــــــ وشي الطقوس المناسبه لنزع الرهبه !؟




يا الله ذكرتني أيام التطبيق لما كنا نبي ندخل للحصص والنفاضه الله لا يوريك :a:


عاد أنا من النوع أشرح عادي عند حد ماعرفه لكن وجيه أعرفه مستحيل
مادري ليش :qannaj:


< شطحت :d:
المهم وأنا أختك لا تفكر بالموقف أكثر وحاول تقنع نفسك بنفسك بـ إنك الأفضل
ولو مو الشيء ما أختاروك يعني بالعربي خذ مقلب بنفسك لمدة الألقاء :315r:


ثاني شيء لا تناظر لوجيه الحضور وخصوصاً العيون لإنك تبي ترتبك زود ركز ع الورقه وإذا رفعت راسك
ناظر ع قولتهم لـ الهامه فيهم يعني لا تناظر لـ عيونهم :)



بعدين اقرأ
(وجعلنا من بين أيديهم سداً ومن خلفهم سداً فأغشيناهم فهم لا يبصرون )




الله يسر لك :thumb:

[شنقل]

مشكله

[ابو ضاري]

مصيول توكل على الله ولا ترتبك وخل عندك ثقه بنفسك
بس اهم شي اذا اول مره تقرا خطاب لا تناظر للناس اللى اممامك ولاتقرا وانت مسرع
علشان ماتجيب العيد يامصيول وانت قدها يالغالي

[بسمة العز]

مرحبا..مصيول
احلااا يامصيول والله انك مو بسيط ,,طلعت رئيس لقسم
لا وطالبينك تلقي كلمه بعد ,,حركات..ههههههه
بعدين ليش مرتبك؟؟ انت تربك ماترتبك..شوبك يازلمه؟؟
انت اقوى من هالمواقف..بس توكل على الله
وبندعيلك تطيح قدام الحضور قبل تلقى كلمتك ههههههههه
امزح ..امزح هههههههه
يالله بالتوفيق,,
اختك/بسمة العز
احترااامي لك....

[أهداااب]

بس المشكله اني محدد بأطار مقدر اطلع عنه ـــــــــــــــــ وكلمتي تحريبيه اكثر من كونه تفصيليه بالمؤتمر !


لأن المؤتمر ثلاث ايام وانا بلقي كلمه بأفتتاحه بحكم اننا الجهه المنظمين !


والمؤتمر مشاركه به اكثر من 9 جامعات وكليات على مستوى المملكه


وهو عن الجامعات السعوديه وتصنيفها عالمياً !


خصوصا ان اول جامعه سعوديه بالتصنيف ترتيبه 300 جامعات زامبيا قبلنا :)








أجل هذي فرصة وجت لعندك لاتفوتها عليك :thumb:



يمكن بعدين تصير المتحدث الرسمي في قناة العربية لمؤتمر جامعه الدول العربيه :)



لاجد لاتفوت هالفرصة عليك خلك واثق من قدراتك



بالتوفيق

[شليويح]

شف صامولي >> تصغير مصيول :)

امسك وغدان حارتك واخطب بهم ...:thumb: ههههههههههههه

ولا تناظر لخوياك اذا كانوا به ....... لانهم ينكبونك ((خاصة اذا كانوا مهوين)) :d:........ اسأل مجرب shlwee7....... جبت العيد باول عرض لي اما دكاترة الجامعة خخخخخخخخخخ ... وبعده تمرسنا من كثر العروض

[حمـود]

حمود الناصر ههههههههههه


اما يأيها المبدع يامصيول ههههههههه علشان يغسلون يديهم منك مره وحده :)


المؤتمر بجامعة القصيم او بالحضاري ـــــــــــــــ على حسب مزاج نايب الامير :)




الا حصلك صيفي هالسنه ولا لا ؟؟


انا تسحتوني نزولي ثلاث ساعات وطنيت عليهم :( ــــــــــــــــ قلت ابي اصيف هالسنه بعقده هههههههههه



لاهنت ياحموود مرورن منتااز بالحيل












انا بجامعه الملك سعود بالرياض

منزلين لي اربع مواد

كلهن ساعتين

والتسجيل بكرا الاربعاء

تبي اجي من جد متى والله

من بعد القصيم

>>حمود من شاور ما اعطاء
<<والله
>>اكيد
<<يعني امشي من بكرا مسنتر عند جامعه القصيم

[قـــوت]

وانت وين تبي ترزز وتلقي المحاظره امحق جامعه مابه الا انت يلقي خطاب




رأيي انك تهدي اعصابك اقنع نفسك ان الوضع عادي مهم آكلينك هالبيبل <<هع هع

[ريتاج]

الوكاد كلفن رئيس التحرير بأني لازم القي خطاب بأسم الصحيفه ـــــــــــــــ وبحضور من ؟؟


بحضور مدير الجامعه ـــــــــــــــــــــ ونائب امير المنطقه shlwee7

عنديلك حل انا مكاانك تكفى امووت عالصحاافه

يالخبل قله يمكن نائب مدري حق المنطقه حقتكم يعينك ريس جريده ولا شي

وعاد لا تعينت عينن بالمجله لو فرااشه...هع هع هع

شيعاااااااااااااااااات.........

[بالمختصر..]

اقرا خطابك و بس ..

لاتفكر بشي ثاني .. و لاتطالع لحد ..

و عاآاآادي .. :)

يومني كنت بسنه أولى مثلنا مسرحيه بالانجليزي ( إجباري )

و عاآاآادي .. :)

و أيام التطبيق كنت شايله هم و شرحت 4 حصص ..

و عاآاآادي .. :)




.
.

[سيدة القـــــلم]

عـااااادي

ذا يسمونه " رُهاب إجتماعي "

لكنّه رُهاب مؤقّت

وترى من أوّل كِلْمه بتروح الرَهْبَة عنّك

يعني وسّع صَدرك ولا يتصافقن ركبك تقل ناطلك نطله




وإذا الحضور قريبين من منصّة الألْقاء

لا تناظر بعيونــهم .. نَاظر " لجباههم " جَمَع " جَبهه
وحَاول تنّرز وماتتحَرّك نِهائي لزوم الهيبه :thumb:
ولله هالطريقه انا بنفسي اسويها اذا كنت ابلقي على مجموعه خطاب او مقال او حتّى سالفه عاديه بس مُحرجه ..

حَاول تقرأ بِـ هدوء عَشان تكون خطيب " مليء ذاتك "





بالتوفيق


.

.

.

[مصيول]

يالربع سجلوه بالتاريخ مصيول يرد على كل اللي ردو عليه
سجلووه بساع قبل يهون هههههههههه


شكله مخترش من اللحين حتى طبعه تغيّر :)



اي والله انك صادز :) ــــــــ لا وكل مابدا العد التنازلي بدن ركابي يتصافقن :):)


ومنذو مبطي وانا ارد على كل ضيوفي ــــــ بس عاد هالمر يوم ثبته احرجتن بزوود :)

بس ماش جاك طبع سالم :( ــــــ كوود تحرفون عنواني :):)

ادع لي ادع لي والله عقلي ماهو معي :)

وبكرا عندي كم بروفه :):)

[مصيول]

المهم وأنا أختك لا تفكر بالموقف أكثر وحاول تقنع نفسك بنفسك بـ إنك الأفضل
ولو مو الشيء ما أختاروك يعني بالعربي خذ مقلب بنفسك لمدة الألقاء :315r:



اويلي يعني ماني الافضل :):)

تدرين عاد ابي اتسذب على روحي :) ــــــــــــــــ وابي اقول لو مدير الجامعه به خير كان ماخلاني القي خطاب وهو جالس مترزز :):)

اذاً انت يامصيول افضل من مدير الجامعه :):)

وعليه لولا جور الزمان ولاانا كان بمحله :):) <<<< خربه :(


لاهنتي ياهنوده كلامك على العين والراس :)

[مصيول]

مشكله




خير الكلام ماقل ودل :):)

عزالله مشكله :( وربي يسرها ويعديها على خيرر :(

[مصيول]

مصيول توكل على الله ولا ترتبك وخل عندك ثقه بنفسك
بس اهم شي اذا اول مره تقرا خطاب لا تناظر للناس اللى اممامك ولاتقرا وانت مسرع
علشان ماتجيب العيد يامصيول وانت قدها يالغالي





كلام يثلج الصدر ويطيب الخاطر ــــــــــــــــــــ فعلاً رب اخوةً لك لم تلدك امهاتهم :):)

ياملا العافيه يالضاري كلامك عسل وعساني التزم به ـــــــــــــــــــ دعواتك يالعزوووه

الله لايهينك ولا يوريك مكروه

[مصيول]

احلااا يامصيول والله انك مو بسيط ,,طلعت رئيس لقسم
لا وطالبينك تلقي كلمه بعد ,,حركات..ههههههه
بعدين ليش مرتبك؟؟ انت تربك ماترتبك..شوبك يازلمه؟؟
انت اقوى من هالمواقف..بس توكل على الله
وبندعيلك تطيح قدام الحضور قبل تلقى كلمتك ههههههههه
امزح ..امزح هههههههه
يالله بالتوفيق,,




خف من هذي :(

بسمتووه ان شاءالله يمر على الاهلي عشر سنين ماياخذون بطوله :):)

ماهم اطيب من النصر هههههههه


لاهنتي خيتووه ـــــــ وعسى الله يعدي هكالليله على خير ياكريم

[مصيول]

أجل هذي فرصة وجت لعندك لاتفوتها عليك :thumb:



يمكن بعدين تصير المتحدث الرسمي في قناة العربية لمؤتمر جامعه الدول العربيه :)



لاجد لاتفوت هالفرصة عليك خلك واثق من قدراتك



بالتوفيق




يعني تهقين بصير خليفة عمرو موسى :):)
والله اني خايف اقطع رزق المسكين :):)


مؤتمر جامعة الدول العربيه :) ـــــــــــــــ لالا ماهقيت مؤتمر جامعة القصيم لا ويخب بعد :):)

دعواتكـ ـــــــــــــ لاهنتي خيتوو والله يجزاك كل خير :)

[مصيول]

شف صامولي >> تصغير مصيول :)

امسك وغدان حارتك واخطب بهم ...:thumb: ههههههههههههه

ولا تناظر لخوياك اذا كانوا به ....... لانهم ينكبونك ((خاصة اذا كانوا مهوين)) :d:........ اسأل مجرب shlwee7....... جبت العيد باول عرض لي اما دكاترة الجامعة خخخخخخخخخخ ... وبعده تمرسنا من كثر العروض



شليويح يابعد فرة يوسف هالفره :):)

والله كلامك بمكانه وعملي اكثر من كونه نظري :)

وجاري التطبيق :):)

لاهنت ولاتنسانا من دعواااتك

[مصيول]

انا بجامعه الملك سعود بالرياض

منزلين لي اربع مواد

كلهن ساعتين

والتسجيل بكرا الاربعاء

تبي اجي من جد متى والله

من بعد القصيم

>>حمود من شاور ما اعطاء
<<والله
>>اكيد
<<يعني امشي من بكرا مسنتر عند جامعه القصيم




جامعة الملك سعود افضل الف مره من جامعة الواسطات :(
ولا خلاني ادخله الا قربه من حايل !

ولا بقوة الشهاده جامعة الملك سعوود افضل بكثيرر !


وحيااك ياحمود ان ماشالتك القصيم تشيلك العين :)

[مصيول]

وانت وين تبي ترزز وتلقي المحاظره امحق جامعه مابه الا انت يلقي خطاب




رأيي انك تهدي اعصابك اقنع نفسك ان الوضع عادي مهم آكلينك هالبيبل <<هع هع



وانتي مستهينتن بي :( ـــــــــ ياتهاويل قلبي :):)

اكليني هالبيبل :) ــــــــ منهو اللي يقوله ؟؟

والله ماكلاني احد :( ـــــــ بدينا اشاعات من اللحين :):)

[مصيول]

عنديلك حل انا مكاانك تكفى امووت عالصحاافه

يالخبل قله يمكن نائب مدري حق المنطقه حقتكم يعينك ريس جريده ولا شي

وعاد لا تعينت عينن بالمجله لو فرااشه...هع هع هع

شيعاااااااااااااااااات.........



اذا عندك ميول صحفيه فيه اكثر من طريق وطريق لتحقيق هالامنيه

ويمكن اقدر اساعدك فيها بحكم علاقاتي :)

لاهنتي ياشيعاااات

[مصيول]

اقرا خطابك و بس ..

لاتفكر بشي ثاني .. و لاتطالع لحد ..

و عاآاآادي .. :)

يومني كنت بسنه أولى مثلنا مسرحيه بالانجليزي ( إجباري )

و عاآاآادي .. :)

و أيام التطبيق كنت شايله هم و شرحت 4 حصص ..

و عاآاآادي .. :)



وش يقربلك بشير غنيم :):) ــــــــــــــــــ اشوفك معلقه على عادي عادي :):)

الخطاب حفظته من كثر ما القيته :):)

دعواااتك بس بالعربي :):) ـــــــــــــــــ لاهنتي يابالمختصر <<<< مافيه امكانيه نختصر اسمك :):)

[مصيول]

عـااااادي

ذا يسمونه " رُهاب إجتماعي "

لكنّه رُهاب مؤقّت

وترى من أوّل كِلْمه بتروح الرَهْبَة عنّك

يعني وسّع صَدرك ولا يتصافقن ركبك تقل ناطلك نطله




وإذا الحضور قريبين من منصّة الألْقاء

لا تناظر بعيونــهم .. نَاظر " لجباههم " جَمَع " جَبهه
وحَاول تنّرز وماتتحَرّك نِهائي لزوم الهيبه :thumb:
ولله هالطريقه انا بنفسي اسويها اذا كنت ابلقي على مجموعه خطاب او مقال او حتّى سالفه عاديه بس مُحرجه ..

حَاول تقرأ بِـ هدوء عَشان تكون خطيب " مليء ذاتك "





بالتوفيق


.



سيدة القلم على سن ورمح :):)

ياهلا زارتنا البركه :) ـــــــــــــــ مدري ليه اذا شفتك يطري علي ابو سيف الله يقومه بالسلامه :)

وتصدقين انك افدتيني بطريقه يمكن نفسك ماحسيتي فيها :):)


الرهاب الاجتماعي :) <<<< هذا ماكنت ابحث عنه :):)


مجرد وضع هالاسم بقوقل طلعت لي كيف التخلص من الرهاب الاجتماعي عملي ونظري !!


لاهنتي افدتيني بشكل قوي الله لايهينك

[حمـود]

انا بجامعه الملك سعود بالرياض

منزلين لي اربع مواد

كلهن ساعتين

والتسجيل بكرا الاربعاء

تبي اجي من جد متى والله

من بعد القصيم

>>حمود من شاور ما اعطاء
<<والله
>>اكيد
<<يعني امشي من بكرا مسنتر عند جامعه القصيم




جامعة الملك سعود افضل الف مره من جامعة الواسطات :(
ولا خلاني ادخله الا قربه من حايل !

ولا بقوة الشهاده جامعة الملك سعوود افضل بكثيرر !


وحيااك ياحمود ان ماشالتك القصيم تشيلك العين :)




مصيول خله على ربك والا انا اتمنى ادرس به

علشان القرب
متى الحفل

ابي اروح من جد

ردلي بسرعه

دمت بخير

والله يوفقك

[هند القاضي]

مصيول شـ صار عليك وينك أختفيت :puzzled:

[ريال الفسحه]

8

يقولون يوم طلع بالحفل جته ام الركب وهو يتلولس حبل المكرفون
بكراعه وهو يشفطه الكهرب وهو يقوم له مراقص بالمسرح وهو
يصقع العمود ياغادين راسه تقل قش عزوب

والان يرقد في مستشفى سميرا التخصصي :)

[فتى البيداء]

فالك ماقبلنه ياريال الدجه...

أعنبوا حيك أنت وراك على العالم متولجهم ؟ تولجت يوسف وعقبه الشبث وبعده سناعيس والدور على مصيول (الطالب المجتهد) ..

الله يهديك ياريال وتكبر وتصير ريالين .

[ريال الفسحه]

8

وشتبي ياوليد بيداء ؟



سناعيس تعال تعامل مع هالولد بسرعه


باي


:)

[مصيول]

مصيول خله على ربك والا انا اتمنى ادرس به

علشان القرب
متى الحفل

ابي اروح من جد

ردلي بسرعه

دمت بخير

والله يوفقك




اخييييييييه ياوالله الفشيله :(

حموووود بعد حي ــــــــــــــ والله ماشفت ردك هذا الا توو :(

على بالي انك جايبه مزح بردك الاول :)

بس ابشر بالحق اللي يدسم شاربك :)

مار ان بغيته طلعه ولا بالمحل ــــــــــــــــــــ معرفة شرواك تجاره وانا اخووك

ابد مالك عذر قل تم

وافتح الخاص خلن اتفاهم معك



والله اني مفتشل منك

[مصيول]

هند القاضي :)

وافيه وراعية حق دوووم :):)



وانكرفت كرف الله اعلم به :)


ترقبيني على قناة الاخباريه :)


وانا اخوتس اذا الله ستر على الواحد مايروح يفضح نفسه :):) <<<< في فمي مااااء :):)


هههههههههههههه


والله مادري وش اقول بس 80% راضي عن نفسي ـــــــــــــــــــــــ والحمدلله عدا على خيررر :)

[مصيول]

يقولون يوم طلع بالحفل جته ام الركب وهو يتلولس حبل المكرفون
بكراعه وهو يشفطه الكهرب وهو يقوم له مراقص بالمسرح وهو
يصقع العمود ياغادين راسه تقل قش عزوب

والان يرقد في مستشفى سميرا التخصصي :)



ريالووووووه :( ـــــــ والله ياحلة ذبحتك :):)


مار اختر مفطح ولا تقطيع ثلاجه :)


لعن ابو بليسك حتى تفكيرك تفكير مقرد :(


اثقل ياملا الموليه :(


لاقسم بالله المخك ارجعك للريال اللي على عهد فيصل <<<< ابو حديد :):)


عوذا يالله دخلك :):)

[مصيول]

فالك ماقبلنه ياريال الدجه...

أعنبوا حيك أنت وراك على العالم متولجهم ؟ تولجت يوسف وعقبه الشبث وبعده سناعيس والدور على مصيول (الطالب المجتهد) ..

الله يهديك ياريال وتكبر وتصير ريالين



فتى البيداء :):) ـــــــ اي والله احتس عليه ياخووك :)

ترن قاضبن روحي عنه بس علشان الشبث ولا ودي ازعل شنقل :):)



حلووه الطالب المجتهد :):)

[مصيول]

8

وشتبي ياوليد بيداء ؟



سناعيس تعال تعامل مع هالولد بسرعه


باي


:)




عاااد مالقيت الا سناعيس :):)

لالا فتى البيداء هذا شكله عصب ديتس :):)


<<<< قلب على فتى البيداء :):)


ههههههههههههه


سناعيس هذا ارسله على بس مزعجكم بالحاره :):)

سلوقي مستاطي حمامكم :):)


اما فتى البيداء هذا يظهر لي انه بليه :):)

[غالب]

تولجت يوسف وعقبه الشبث وبعده سناعيس والدور على مصيول (الطالب المجتهد) ..

صدقت ياوليد بيدا:315r: تكفي قل لنص الفسحه يفكن:qannaj: وأوعدك ماأقول لك وليد بيدا بس أقول لك وغد بيدا :3ajeeb:

[فتى البيداء]

8

وشتبي ياوليد بيداء ؟



سناعيس تعال تعامل مع هالولد بسرعه


باي


:)

بعد أنت ياريال أعداك تماسيح ؟

وأنا من أول أبقولك لأنك مشرف شف تماسيح لا يقولي وليد بيدا [ طلبنك عون صرت فرعون ]

ريال أنت مقبولة منك بس لا يقوله هذا سناعيس ...[وش نسوي ما نقوى عليه ذا مشرف ] .

تحياتي ياهلل .

[فتى البيداء]

عاااد مالقيت الا سناعيس :):)

لالا فتى البيداء هذا شكله عصب ديتس :):)


<<<< قلب على فتى البيداء :):)


ههههههههههههه


سناعيس هذا ارسله على بس مزعجكم بالحاره :):)

سلوقي مستاطي حمامكم :):)


اما فتى البيداء هذا يظهر لي انه بليه :):)


عاد تصدق أنك ما تنومن يامصيول الهايج هالحين أنا أدافع لك الرجال يتفأل عليك بالموت وأنت تقلب علي ألا والله العلم ..

لا وبعد ناوي أقرأ عنك هالخطبة العصماء .......... يحول أنا من بدت الناس ياحول .


أنا بليه والله أني حليل ودايم أمي تنادين تقولي ياولدي الحليل ...همن أقوله سمي ... تقول تعال ...

وأنت ياشرير تقولي بليه .. حلوة قولة شرير كأني حجازي ,

ياحليللك يامصيول أنت وميلاتك ,.

[ريال الفسحه]

8

هلل جابته امك ههههههههههههههههه <--يحس انه مسبه :)


خلاص عقب اليوم اللي يقولك وليد بيدا نادن بس واعطيه مخالفه
كبر راسه مرتين ..



تحياتي ياوليد بيداء:055r:

[فتى البيداء]

صدقت ياوليد بيدا:315r: تكفي قل لنص الفسحه يفكن:qannaj: وأوعدك ماأقول لك وليد بيدا بس أقول لك وغد بيدا :3ajeeb:

لا والله لا يفكك عليك به ياريال الكلك اللعن طابورة هذا ما يفهم ملاحيس التماسيح ..

هجينا من القوم طحنا بسريه .. أقوله لا تقول وليد يقول وغيد ..

سناعيس قل أمين ... عساك لطبيله .

تحباتي ملاحيس

[غالب]

أهلاً صديقي وغيد بيدا ليه زعلان عادي ياخي مافيه فرق بين فتى ووغد أو وليد وخل نص الفسحه ينفعك ومشكور ياراع الموضوع على تنزيله(((ذالن لاتحذف المشاركه(((