الشبث
04-07-2008, 21:57
بسنتن من السنين
وعلى عز هبة شنقل ومراهقتوه
كان رجلن هواوي
ولو يشوفلوه عجيز عشقه
الوكاد انيبهكا اليوم دورتوه دورتوه ودقيت عليه بيجر ولا دق علي ( مبطي ايام البياجر )
وانا امر من دزدام بيتهم ليمار سيارتوه موجوده
وانا احول واطق الباب
ليمار لا حس ولا خبر
وانا ادف الاب واويدز بالديوانيه
ليمار جالسن وحاطن ظهروه على مركا
ون طول رجلينوه حاطن رجل على رجل ( امنيتي اسوي هاللون )
وطرف الهيلاهب الاصفر طالع
وانا اتنحنح
وهو يراعيلي ويصد
قلت شنقل انا الشبث
قال بعد وجه خير وش تبي
وانا ادخل واجلس عند الدلال واقوم اقهوي روحي ( دريت انوه مايبيني بس لاازقن بوه )
قلتياخوك وش بلاك ساكت
قال مالي خلق احتسي انطم على شحم
قلت افاااا وش فيه ياخوك علمن هم مايقولون الصديق وقت الضيق
قال ياملا ضيق النفس انت ليه ماتعض هالكاسه وتنثبر
وانا ابلع العافيه لا تتطور الامور لما لا يحمد عقباه واسكت
وعقب ربع ساعه وهو يراعيلي ( يأس من ذلفتي )
قال الشبث
قلت لبيه يابو خدود مورده
قال انت لو تصير مره وحده بس جدي تسان خوش ولد
قلت الله يرحم جدك والله انوه من الرجال الاواليد
تخبر سوالفوه اللي يسولفونه الربع ...
قال هيه هيه وش بلاك انت
اقول جدي يعني تتكلم بجد
ياخي انا طحت بمصيبه وابيك تواسيني
قلت لعيناك يا شنقل
قال تخبر عشيقتي اللي انا عاشق
قلت ايهن بالله انت بسم الله عليك عاشقن 38 تسانهن على خبري ( والمشله كلهن يحبهن
صحيح ) ملعون زير نساء
قال هذيتس الطرقا
قلت ايييييه اللي مره شفتك تغازله وفلقتك بقوطي ببسي
والله يا شنقل ماكنت اقصد
قسم بالله احسبك بس على الجدار انت وهالهيلاهب
قال الظاهر ماتبيني اكمل السالفه
قلت لا والله اسكت خلاص
قال خويتي بالمستشفى
قلت ليه تسوي فحص قبل الزواج
قال لا يا كمخه كانت تسوي شاي لاخوه ويوم فاح الماء وهو ينكب على خشته
قلت العن بليسوه هذا وش رايك نروح نمردغوه
قال منهو
قلت اخوه
قال وش دخ اخوه
قلت ليه يبي شاي
قال خل اخوه هالحين المشكله هي
رحت ازوره بالمستشفى ليمار الصدمه
صايرن وجهه تقل عيشتن متموسه وعليه دهنه
قلت افااااا والله ما تستاهل خيرها بغيرها
وهو يراعيلي مراعاتن قشرى
قلت شنقل حبيبي
امش ابخليك تنسا هالهم والضيقه اللي بك
قال وين
قلت والله يالغالي الناس اللي عندهم بحر يوحون يموه
بس حنا هنا مافيه الا شاليه الوالد مشينا نجلس بوه ليما تروق
قال اي شاليه الله يرحم ولديك
ماني خابر الا معزاء ابوك
قلت ايييييييييييييوه هيا بزاتها بس تخبر حنا ندلعهن ونقول شاليه
قال مايخالف بس بسيارتي
وحنا نروح للشاليه
ونجلس هناك بهكا الجو المخملي
وهو يقوم شنقل يمشي يم المعزا
وهو يمسك عنزن لابوي اسمه الضحوك ( كاشره اربع وعشرين ساعه ومسمينه الضحوك )
وهكا اليوم مرمده عيونه وبس يدمعن
واخونا بالله شنقل يوم شاف دموعه وهو يقو
ياعنز لا تبكين والتيس موجود .... ترا البكا ياعنز يثر على التيس
قلت يااااااوحي يابندر فرحان
قال منهو بندر فرحان
قلت خوين لي
قال الشرهه علي اللي جالسن معك يهالهديفه
وهو يرتسب سيارتوه ويمشي
وانا لي صياح وراوه ياشنقل خذن معك
بس مارحم صرخاتي البريئه ته ته ته
وليما جاني ابوي من باتسر وانا اضاحك الضحوك
وتقلدوا تحيتي
وعلى عز هبة شنقل ومراهقتوه
كان رجلن هواوي
ولو يشوفلوه عجيز عشقه
الوكاد انيبهكا اليوم دورتوه دورتوه ودقيت عليه بيجر ولا دق علي ( مبطي ايام البياجر )
وانا امر من دزدام بيتهم ليمار سيارتوه موجوده
وانا احول واطق الباب
ليمار لا حس ولا خبر
وانا ادف الاب واويدز بالديوانيه
ليمار جالسن وحاطن ظهروه على مركا
ون طول رجلينوه حاطن رجل على رجل ( امنيتي اسوي هاللون )
وطرف الهيلاهب الاصفر طالع
وانا اتنحنح
وهو يراعيلي ويصد
قلت شنقل انا الشبث
قال بعد وجه خير وش تبي
وانا ادخل واجلس عند الدلال واقوم اقهوي روحي ( دريت انوه مايبيني بس لاازقن بوه )
قلتياخوك وش بلاك ساكت
قال مالي خلق احتسي انطم على شحم
قلت افاااا وش فيه ياخوك علمن هم مايقولون الصديق وقت الضيق
قال ياملا ضيق النفس انت ليه ماتعض هالكاسه وتنثبر
وانا ابلع العافيه لا تتطور الامور لما لا يحمد عقباه واسكت
وعقب ربع ساعه وهو يراعيلي ( يأس من ذلفتي )
قال الشبث
قلت لبيه يابو خدود مورده
قال انت لو تصير مره وحده بس جدي تسان خوش ولد
قلت الله يرحم جدك والله انوه من الرجال الاواليد
تخبر سوالفوه اللي يسولفونه الربع ...
قال هيه هيه وش بلاك انت
اقول جدي يعني تتكلم بجد
ياخي انا طحت بمصيبه وابيك تواسيني
قلت لعيناك يا شنقل
قال تخبر عشيقتي اللي انا عاشق
قلت ايهن بالله انت بسم الله عليك عاشقن 38 تسانهن على خبري ( والمشله كلهن يحبهن
صحيح ) ملعون زير نساء
قال هذيتس الطرقا
قلت ايييييه اللي مره شفتك تغازله وفلقتك بقوطي ببسي
والله يا شنقل ماكنت اقصد
قسم بالله احسبك بس على الجدار انت وهالهيلاهب
قال الظاهر ماتبيني اكمل السالفه
قلت لا والله اسكت خلاص
قال خويتي بالمستشفى
قلت ليه تسوي فحص قبل الزواج
قال لا يا كمخه كانت تسوي شاي لاخوه ويوم فاح الماء وهو ينكب على خشته
قلت العن بليسوه هذا وش رايك نروح نمردغوه
قال منهو
قلت اخوه
قال وش دخ اخوه
قلت ليه يبي شاي
قال خل اخوه هالحين المشكله هي
رحت ازوره بالمستشفى ليمار الصدمه
صايرن وجهه تقل عيشتن متموسه وعليه دهنه
قلت افااااا والله ما تستاهل خيرها بغيرها
وهو يراعيلي مراعاتن قشرى
قلت شنقل حبيبي
امش ابخليك تنسا هالهم والضيقه اللي بك
قال وين
قلت والله يالغالي الناس اللي عندهم بحر يوحون يموه
بس حنا هنا مافيه الا شاليه الوالد مشينا نجلس بوه ليما تروق
قال اي شاليه الله يرحم ولديك
ماني خابر الا معزاء ابوك
قلت ايييييييييييييوه هيا بزاتها بس تخبر حنا ندلعهن ونقول شاليه
قال مايخالف بس بسيارتي
وحنا نروح للشاليه
ونجلس هناك بهكا الجو المخملي
وهو يقوم شنقل يمشي يم المعزا
وهو يمسك عنزن لابوي اسمه الضحوك ( كاشره اربع وعشرين ساعه ومسمينه الضحوك )
وهكا اليوم مرمده عيونه وبس يدمعن
واخونا بالله شنقل يوم شاف دموعه وهو يقو
ياعنز لا تبكين والتيس موجود .... ترا البكا ياعنز يثر على التيس
قلت يااااااوحي يابندر فرحان
قال منهو بندر فرحان
قلت خوين لي
قال الشرهه علي اللي جالسن معك يهالهديفه
وهو يرتسب سيارتوه ويمشي
وانا لي صياح وراوه ياشنقل خذن معك
بس مارحم صرخاتي البريئه ته ته ته
وليما جاني ابوي من باتسر وانا اضاحك الضحوك
وتقلدوا تحيتي