نافع بن طواله
03-07-2008, 01:08
فارق الحياة قبل اقل من شهر
وماكان منّا الا ان نذكر احد مآثر البر التي نسأل الله له الاجر فيها
هو الشيخ /خلف بن مشعان بن معزي بن مشعان بن بطي بن ســـ كليب ــعد بن طواله
ابن راعي البويضا مشعان
مؤسس قرية عقلة بن طواله في حائل -30 كم عن سميراء باتجاه الشنان-
سوف اسطر هنا ما سمعته من مآثر ابو معزي- رحمة الله عليه -
حيث قيل عنه انه كان بارا ً بوالده مشعان ( راعي البويضا )
لدرجة انه في احد المرات كان يعاني والده من مغص كلوي حاد حيث لا يستطيع التبوُّل
فما كان من ابنه خلف الا ان يقوم بشفط البول بفمه من والده رحمة الله عليهما جميعا ً
( نطلب الله ان يحتسبه له في ميزان حسناته وان يكون سببا في ان يظله الله في ظله يوم لا ظل الا ظله )
وقد رثاه ابنه مشعان خلف المشعان
يقول
بديت باسم الله على كل ماصار= رب ٍ كريم وهو لنا خير بادي
من بعد ذكر الله تبديت الاشعار= مما بوسط الروح كَنّه فؤادي
يالله يالمعبود يامدير الاعصار= ياموضّح ٍ للناس درب الرشادي
يا محيي ٍ قحط الصحاري بالامطار= تفرج لمن قلبه غدابه نفادي
مرحوم ياللي سيرتك وسط الاخبار= تداوله كل الحضر والبوادي
يابوي في موتتك هزيت الاقطار= وبعض العرب وان مات فرقاه عادي
كل ٍ يعزينا على طيب الاذكار= وقالوا لنا فينا العزا به وكادي
ومقرن يعزّينا وبالعين مدرار= ويقول انا منساه رغم البعادي
هذا خويّي بالسعه وقت الاعسار= احرص على اسمه لو رقد باللحادي
وسعود ابن محسن تراعيه الانظار= يعزّي معزّي في وفاة السنادي
وعبدالعزيز بن سعد ذاك صبار = يامر مناديبه تسوّي حدادي
وحايل تنوح وتشتكي لكل الاقطار= فَـقْـدَتْ سنام المجد رجل المبادي
واجا يعزى من صلاله وسنجار= ويقال له ماجور راح الزنادي
وسلمى تصيح وتعتزي بكل الامصار= وتقول راح اللي عليه اعتمادي
ورمان يشكي للسناعيس الاعمار= ويقول عقب الشيخ ينعاف زادي
خلف عزيز الجاه من نسل الاحرار= ذيب الرجال إليا بلاك المعادي
رجل ٍ كريم ولا يهاب من الاخطار= ياما وقف قدام ربعه اجهادي
يبكي عليه اللي تولّته الاقدار= بالسجن حاير رابطين الايادي
ويبكي عليه ارْجَال شمر والاخيار= وعيالهم يبكون سمّ المعادي
ويبكي عليه اللي عليه الزمن جار= مديون معسر مالقاله منادي
ويبكي عليه الشايب المخلص البار= اللي يمرّه لابداله مبادي
وتبكي عليه ام اليتامى ولإقصار= هاك العجوز إليا نقصها المزادي
وتبكي عليه النوق حسكات الأوبار= سود البكار اللي زهت بالمنادي
وتبكي عليه اللي تقرنس بالاوكار= صقور الحرار اللي عليها الهدادي
وتبكي عليه اللي تطيّب بالأبهار= صفر ٍ لنزهين البنايق تزادي
وتبكي عليه اللي تبرك بها بكار= شرف على بعض الخلايق بعادي
وطيبك نماء يابوي من فوق الاسطار= صعب ٍ علي آترجمه بالعدادي
وحنّا عيالك ما تفرقنا الاقدار= نحافظ على اسمك في جميع النوادي
ويبقى لنا اسمك تاج من بين الاقمار= نرفع سموّك عن دروب الاعادي
ولو انت ميّت ما توفّيك الاعمار= اعمارنا كلّه لذكرك جهادي
نتبع طريقك لو يدورنْ الادوار= بالمرجله والطيب علم ٍ وكادي
يالله نرجي رحمتك وقت الاسحار= ترحم ابوي ورحمتك للعبادي
وتْسكِّـنَه فردوس رسلك والابرار= بمنزلة من مات يوم الجهادي
وصلاة ربّي عد زملوق الاشجار= على الرسول المصطفى خير هادي
للشاعر / مشعان خلف المشعان بن طواله
وماكان منّا الا ان نذكر احد مآثر البر التي نسأل الله له الاجر فيها
هو الشيخ /خلف بن مشعان بن معزي بن مشعان بن بطي بن ســـ كليب ــعد بن طواله
ابن راعي البويضا مشعان
مؤسس قرية عقلة بن طواله في حائل -30 كم عن سميراء باتجاه الشنان-
سوف اسطر هنا ما سمعته من مآثر ابو معزي- رحمة الله عليه -
حيث قيل عنه انه كان بارا ً بوالده مشعان ( راعي البويضا )
لدرجة انه في احد المرات كان يعاني والده من مغص كلوي حاد حيث لا يستطيع التبوُّل
فما كان من ابنه خلف الا ان يقوم بشفط البول بفمه من والده رحمة الله عليهما جميعا ً
( نطلب الله ان يحتسبه له في ميزان حسناته وان يكون سببا في ان يظله الله في ظله يوم لا ظل الا ظله )
وقد رثاه ابنه مشعان خلف المشعان
يقول
بديت باسم الله على كل ماصار= رب ٍ كريم وهو لنا خير بادي
من بعد ذكر الله تبديت الاشعار= مما بوسط الروح كَنّه فؤادي
يالله يالمعبود يامدير الاعصار= ياموضّح ٍ للناس درب الرشادي
يا محيي ٍ قحط الصحاري بالامطار= تفرج لمن قلبه غدابه نفادي
مرحوم ياللي سيرتك وسط الاخبار= تداوله كل الحضر والبوادي
يابوي في موتتك هزيت الاقطار= وبعض العرب وان مات فرقاه عادي
كل ٍ يعزينا على طيب الاذكار= وقالوا لنا فينا العزا به وكادي
ومقرن يعزّينا وبالعين مدرار= ويقول انا منساه رغم البعادي
هذا خويّي بالسعه وقت الاعسار= احرص على اسمه لو رقد باللحادي
وسعود ابن محسن تراعيه الانظار= يعزّي معزّي في وفاة السنادي
وعبدالعزيز بن سعد ذاك صبار = يامر مناديبه تسوّي حدادي
وحايل تنوح وتشتكي لكل الاقطار= فَـقْـدَتْ سنام المجد رجل المبادي
واجا يعزى من صلاله وسنجار= ويقال له ماجور راح الزنادي
وسلمى تصيح وتعتزي بكل الامصار= وتقول راح اللي عليه اعتمادي
ورمان يشكي للسناعيس الاعمار= ويقول عقب الشيخ ينعاف زادي
خلف عزيز الجاه من نسل الاحرار= ذيب الرجال إليا بلاك المعادي
رجل ٍ كريم ولا يهاب من الاخطار= ياما وقف قدام ربعه اجهادي
يبكي عليه اللي تولّته الاقدار= بالسجن حاير رابطين الايادي
ويبكي عليه ارْجَال شمر والاخيار= وعيالهم يبكون سمّ المعادي
ويبكي عليه اللي عليه الزمن جار= مديون معسر مالقاله منادي
ويبكي عليه الشايب المخلص البار= اللي يمرّه لابداله مبادي
وتبكي عليه ام اليتامى ولإقصار= هاك العجوز إليا نقصها المزادي
وتبكي عليه النوق حسكات الأوبار= سود البكار اللي زهت بالمنادي
وتبكي عليه اللي تقرنس بالاوكار= صقور الحرار اللي عليها الهدادي
وتبكي عليه اللي تطيّب بالأبهار= صفر ٍ لنزهين البنايق تزادي
وتبكي عليه اللي تبرك بها بكار= شرف على بعض الخلايق بعادي
وطيبك نماء يابوي من فوق الاسطار= صعب ٍ علي آترجمه بالعدادي
وحنّا عيالك ما تفرقنا الاقدار= نحافظ على اسمك في جميع النوادي
ويبقى لنا اسمك تاج من بين الاقمار= نرفع سموّك عن دروب الاعادي
ولو انت ميّت ما توفّيك الاعمار= اعمارنا كلّه لذكرك جهادي
نتبع طريقك لو يدورنْ الادوار= بالمرجله والطيب علم ٍ وكادي
يالله نرجي رحمتك وقت الاسحار= ترحم ابوي ورحمتك للعبادي
وتْسكِّـنَه فردوس رسلك والابرار= بمنزلة من مات يوم الجهادي
وصلاة ربّي عد زملوق الاشجار= على الرسول المصطفى خير هادي
للشاعر / مشعان خلف المشعان بن طواله