فـتيل الــشعر .. "صوتي"

[سلطان السـراي]

فتيل الشعر



.


.




أشعل فتيل الشعر.. ماضي الفعايـل
ذكر حـميد بـل وسـيـره زكيـه



يـشهد لها الـتاريخ طيب المثايـل
ذكر الشيم عـند السلف و الحميـه


ومـن بـعدهم جيلٍ يشيل الثقايـل
صـيارمٍ بـالـكـون تنثر دميـه


متوارثين المـجد وزين الخصايـل
وفعالهم للـخير بــيدي خـفيـه


صالوا وجالوا فـوق قب الأصايـل
المسرجـات بـعـز رب الـبريـه



مايرهبون الموت..والخوفِ زايـل
وسـيوفهم عـند الـملاقى فتيـه


أهل المحبه..والوفاء..والـفضايل
هم صحبةً في الله أيـديٍ قـويـه


هـم صـحبةً والله مـا له بـدايل
مـا حـبهم حبٍ.. لـدنياء دنيـه


في نـصرة للـدين وردع الرذايـل
لا مـارضو في غير..هديِّ نـبيـه


وماهي على المعصوم..والله جمايل
واجب فِـدآه إخلاص بأرواح حيـه


واليوم!! دمع العين أصبح همايـل
مما تشوف العين.. ويسمع دويـه



وأصيح بعلا الصوت و الحزن هايل
نجرع كؤوس الذل صبحُ وعشيـه


دمٍ عـلى شـاشات الإعلام سايـل
تخطيط حـاقـد يـا حيات الأذيـه


حـرب على الإسـلام ذل وهوايـل
يـا غزو فـكري..يـا قنابل ذكيـه


ومن بعدها يـا شاب هَذي رسـايل
أزرع بـذور العز..واقـطف جِنِيـه


مـن منبع الـوحيين أصل الـدلايل
ويعـود تـاج المجـد والمقدِرِيـه


وإن غـرد التوحيد نـجمع قـبايل
نـارد حياض الموت في مهمهيـه


وعسى شباب اليوم..جيل الحمايل
على خطاء الـهادي وهذي وصيه


يـرجـع زمان العـز..والذل زايل
والعـز كـل العـز..نـفسً أبيـه
.
.


محبكم في الله
سلطان بن سراي الشمري
.
.
وهذي بصوتي..للحفظ على هذا الرابط
http://www.7ammil.com/download.php?id=CL5BFA3RXI
.
.
وقد نزل جزء من هذه القصيدة في شريط عنوانه " اذواق"
إنشاد المنشد/ سعد الطلحة
مع مجموعة منشدين

[((عبدالله بن غيث))]

أخ سلطان أنت ذات الأبداع لاهنت .....!


صح لسانك....


لك تحياتي

[ابن السيافا]

صح لسانك ومافيك حيلة

[ماجد علوان]

أخوي سلطان


صح لسانك يالغالي

[سلطان الشمري]

السمي ..

صح لسانك .. ولا هنت ..

.

حضور جميل يا سلطان ..



مودتي

[أم نــــــــــواف]

عسى ربي يقويك ويحفظك اخوي

جميلة تستحق الإنشاد

بارك الله فيك

[بشير اللويش]

نص جدا راقي باحساسك الصادق

نص اجتماعي

سعدت جدا بسماعه في ذلك الشريط

جعله الله في موازين حسناتك

وصح لسانك

الراسي

[علي سمير الجهني]

سلطان صح لسانك وسلم بنانك
بوح رائع وابداع ومعاني معبره

[عبدالله الجعيثن]

سلطان السراي



بارك الله فيك




وصح لسانك



ابيات جزله ومعبره

[بتول آل علي]

أخي الفاضل

سلطان السراي


جميلة هذه المشاعر الأخوية (عسى الله يدومها)

و الأجمل ... أنكَ كلّلتها بهذه الأبيات الرائعة

ألف صح لسانك




أختك

الدهور

[ريال الفسحه]

بيض الله وجهك وصح لسانك يالغالي


كانت بالصوت اجمل بكثثيييير



لاهنت

[العَـــروب]

نص رائع صياغةً ومعنى

صح لساانك اخوي سلطان



rooose2

[نافع بن طواله]

صح لسانك ياسلطان


وقواك الله

[صالح الخشرمي]

صح لسانك أخوي سلطان وبيض الله وجهك
وهذا هوى المطلوب من الشاعر المسلم بأن
يكتب بهذا المستوى الراقي


حـرب على الإسـلام ذل وهوايـل
يـا غزو فـكري..يـا قنابل ذكيـه



ومن بعدها يـا شاب هَذي رسـايل
أزرع بـذور العز..واقـطف جِنِيـه



مـن منبع الـوحيين أصل الـدلايل
ويعـود تـاج المجـد والمقدِرِيـه
بإذن الله سوف يعود المجد

[(((نجم الجدي)))]

صح لسانك
وجزاك الله خير الجزاء

قصيده جميله ورائعه

[محمد الهزاع]

أخي سلطان

صح لسانك وعلا شانك

نص رائع وابداع جميل

تقديري لك

[سلطان السـراي]

أخ سلطان أنت ذات الأبداع لاهنت .....!


صح لسانك....


لك تحياتي

صح بدنك يالغالي ويشرفني ويسعدني مرورك ومصافحتك الاولى

لا هنت

وعدراً على تأخري في الرد

[سلطان السـراي]

صح لسانك ومافيك حيلة

صح بدنك ومشكووووووووور

على مرورك الطيب

[سلطان السـراي]

أخوي سلطان


صح لسانك يالغالي

صح بدنك يالغالي

ويشرفني مرورك الدائم على متصفحي المتواضع

[سلطان السـراي]

السمي ..

صح لسانك .. ولا هنت ..

.

حضور جميل يا سلطان ..



مودتي
ياهلا وغلا والله بالسمي

صح بدنك

والجمل مرورك الطيب ياطيب

لك مني كل الود والاحترام

دمت شاعرا مبدعاً

[سلطان السـراي]

عسى ربي يقويك ويحفظك اخوي

جميلة تستحق الإنشاد

بارك الله فيك
وفيك بارك أم نواف

وشاكر لك مرورك العطر ...

لاهنتي ونفع الله بك

[سلطان السـراي]

نص جدا راقي باحساسك الصادق

نص اجتماعي

سعدت جدا بسماعه في ذلك الشريط

جعله الله في موازين حسناتك

وصح لسانك

الراسي


صح كلك
ويشرفني سماع وثناءك العطر...وخاصه من شاعر مبدع مثلك
وماقلته ..اعتبره وسام على صدري يالغالي

دمت شاعرا ملفت للانتباه دائما وابدا بإذن الله

محبك

[سلطان السـراي]

سلطان صح لسانك وسلم بنانك


بوح رائع وابداع ومعاني معبره

صح بدنك ويشرفني مرورك على متصفحي المتواضع

دمت بخير

[سلطان السـراي]

سلطان السراي



بارك الله فيك




وصح لسانك



ابيات جزله ومعبره
ياهلا وغلا والله

بـ شاعرنا الممبدع

شاكر لك تعليقك مرورك الغير عادي بالنسبه لي .. واعتبره نجاح لقصيدتي المتواضعه

دمت بأحسن حال ياطيب

[سلطان السـراي]

أخي الفاضل

سلطان السراي


جميلة هذه المشاعر الأخوية (عسى الله يدومها)

و الأجمل ... أنكَ كلّلتها بهذه الأبيات الرائعة

ألف صح لسانك




أختك

الدهور

صح بدنك

ولاهنتي على تعليقك وثناءك الطيب

دمتي بخير يافاضله

[سلطان السـراي]

بيض الله وجهك وصح لسانك يالغالي


كانت بالصوت اجمل بكثثيييير



لاهنت
هلا وغلا والله ياسلمان

صح بدنك وشاكر لك مرورك الطيب يسنايدي

دمت بخير

[سلطان السـراي]

نص رائع صياغةً ومعنى

صح لساانك اخوي سلطان



rooose2
صح بدنك وشاكر لك تعليقك الطيب ومرورك على متصفحي المتواضع

[سلطان السـراي]

صح لسانك ياسلطان


وقواك الله
صح بدنك

ويشرفني مرورك على متصفحي المتواضع

[سلطان السـراي]

صح لسانك أخوي سلطان وبيض الله وجهك

وهذا هوى المطلوب من الشاعر المسلم بأن
يكتب بهذا المستوى الراقي


حـرب على الإسـلام ذل وهوايـل
يـا غزو فـكري..يـا قنابل ذكيـه



ومن بعدها يـا شاب هَذي رسـايل
أزرع بـذور العز..واقـطف جِنِيـه



مـن منبع الـوحيين أصل الـدلايل
ويعـود تـاج المجـد والمقدِرِيـه

بإذن الله سوف يعود المجد

صح كلك وشاكر لك تعليقك العطر ياطيب

والله يجعلنا عند حسن الظن

مرورك يشرفني ويسعدني

[سلطان السـراي]

صح لسانك
وجزاك الله خير الجزاء

قصيده جميله ورائعه
صح بدنك يالغالي
وجزاك الله خير كذلك على مرورك الطيب

[سلطان السـراي]

أخي سلطان

صح لسانك وعلا شانك

نص رائع وابداع جميل

تقديري لك
صح بدنك ...

وشاكر لك مرورك الطيب على متصفحي المتواضع

[نايف حزوم]

ابن سراي لاهنت وصح الله لسانك واحبك الله اللذي احببتنا فيه وقصيده طيبه من راس طيب

[سلطان السـراي]

ابن سراي لاهنت وصح الله لسانك واحبك الله اللذي احببتنا فيه وقصيده طيبه من راس طيب

صح بدنك أخي الغالي نايف
وطيب الله فالك ..ولا هنت على مرورك الطيب ياطيب