من يعرف اسم بنت غريب وحلو ..؟؟

[العَـــروب]

صباح الخير



الموضوع باين من العنوااان

ابي اسماء بنات غريبة وحلوة وغير دارجة

خصوصا الاعضاء والعضوات من الشاام .. عندكم اسماء حلوة يا ليت لو تساعدوني

واذا في امكانية تجيبون معنى الاسم ايضا .. فـ خير على خير






شــــكرا مقدمــــا rooose2

[أبوطروق]

وش السالفة؟ نقول مبروك _ يوسف جته اخت


طيب وش رايتس باسم (غاية)

:

[العَـــروب]

وش السالفة؟ نقول مبروك _ يوسف جته اخت




ها؟
ما سمعت :tongue:



soon




طيب وش رايتس باسم (غاية)



حلو الاسم
اول مرة اسمعه

اذا عندك بعد اسماء من هالنمونة جيبهم

انضاف الاسم لقائمة الترشيحات



شكرا ابو طروووق rooose2

[أبوطروق]

طيب وش رايتس

(شام) وتدلعينه شيمه والله عاجبني هالأسم وبعدين تصير التمايم على شام وتفتكين


فيه اسم ثاني عاجبني وهو (رابعة)


وبعد (سلمى)

:

[مروان الشمالي]

سميها لميس والذبيحه علي

واذا سميتيها ( نسيت اسمها اخت رفيف ) لو تبين عشر ذبايح

[منيف الوبيري]

والله ياجود الأسم اللي يفضخ القلب

(((( سفانة ))))

وسفانة بنت أكرم العرب بعد محمد عليه أفضل الصلاة والسلام
اللي هو حاتم الطائي ,,,,,,,,,

[غالب]

وش رايتس باسم (منوه):315r:

[صدى الشمال]

وش رايتس بــ


إفتكاك أو إحتكاك

لا وين إحتكاك صعبه



مادري عن اسامي البنات


بس اللي خاش مزاجي هو ميثا

مع انوه قديم بس احس انه رزّه وكشخه >>>>> صار ثوب


هذا اللي عندي عاد شوفي الباقين

[صدى الشمال]

نصيحه

انحاشي عن الغريب لا والله تعقّد بنيتس

مثل ما تعقّدت انا من اسمي إلياما غيرته

[..طيف الأمل..]

رند

ودلعيها رنوووووووده
ومعناها الشجرة الطيبة

[يـــوسف]

صيته ولاترفه ولا كراثه ولا دميثه :)




جلنار <_ :3ajeeb:


ريماس

مريام فارس :)

[العَـــروب]

طيب وش رايتس

(شام) وتدلعينه شيمه والله عاجبني هالأسم وبعدين تصير التمايم على شام وتفتكين


فيه اسم ثاني عاجبني وهو (رابعة)


وبعد (سلمى)

:


ااهااا
شام حلو
فكرة جديدة ومحد سماه عندنا من قبل
والله خطير يا ابوطروق :)

بس رابعة وسلمى ما عجبوني دارجين حيييل وانا ابي شي جديد


قواااك الله يا ابو طروق ( غاية وشام ) اسمين مرشحين بقوة



rooose2

[العَـــروب]

سميها لميس والذبيحه علي

واذا سميتيها ( نسيت اسمها اخت رفيف ) لو تبين عشر ذبايح


حدك متاثر :)

لميس عندنا بالعايلة هالاسم وما ابي اكرر
واخت رفيف انا بعد نسيت اسمها بس ما اذكر انه كان حلو :232r:

بس العرض مغري يمكن افكر بالموضوع :)


شكرا اخوي مروان

[العَـــروب]

والله ياجود الأسم اللي يفضخ القلب

(((( سفانة ))))

وسفانة بنت أكرم العرب بعد محمد عليه أفضل الصلاة والسلام
اللي هو حاتم الطائي ,,,,,,,,,

سفانة
هذااا الاسم عجييييب
دخل مزاجي وبقوة بعد

والله جبتها - اسم رووووعة

بس المشكلة شلون ادلعها؟ :232r:


شكرا اخوي منيف والله احتمال كبير ان اقتراحك يتنفذ

[العَـــروب]

وش رايتس باسم (منوه):315r:

منوة هذا اسم دارج بمصر
لااااااااء :(



شكرا اخوي سناعيس

[العَـــروب]

وش رايتس بــ


إفتكاك أو إحتكاك

لا وين إحتكاك صعبه



مادري عن اسامي البنات


بس اللي خاش مزاجي هو ميثا

مع انوه قديم بس احس انه رزّه وكشخه >>>>> صار ثوب


هذا اللي عندي عاد شوفي الباقين


عسى يفكفكون عظام عدوك قول آمين :(

بعدين شنو ميثة من صجك يعني..؟؟
بنت صغيرة بريئة اسميها ميثة؟ ليش حرام شنو هالعذاااب :(

ابي اسم جديد وغريب بس يكون بنفس الوقت حلو
ملينا من الاسامي الدارجة والحين صار منافس بين الحريم كل وحدة تتفنتق بالاسامي

كنت ناوية اسمي جود بس وحدة من اهلنا سبقتني عليه وتوهقت :(


الا ما قلت لنا شنو كان اسمك قبل ما تغيره <-- الشفاية وصلت حدها :)

[العَـــروب]

رند

ودلعيها رنوووووووده
ومعناها الشجرة الطيبة


حلو رند
وغريييب بعد
حتى معنى الاسم حلو
من الاسماء الجديدة مثل (وسن) هم سمعته وعجبني

شوووووكرا سهام الغيث ما قصرتي rooose2

[العَـــروب]

صيته ولاترفه ولا كراثه ولا دميثه :)


وألبّسها برقع وأكحل عيونها واخليهم يصورونها بدعايات قناة الصحراء :)







جلنار <_ :3ajeeb:


تذكرت سلندر الغاز
مادري ليش :-(





ريماس



هذا معقوول
ومعناه بريق الالماس
هم سمعته من قبل وعجبني





مريام فارس :)





مريام والا فارس ..؟؟ :)








شكــــــــــــرا يوووسف <-- كل ما اشوف اسمك استانس والله :)





rooose2

[((عبدالله بن غيث))]

أم يوسف أولاً مبروووووك والحمد لله عالسلامه نسأل الله الصلاح والهداية لها , وأن يجعلها ممن يبر والديها .
وأن يقر أعينهم بها ....!

أنا ماعندي زيادة على الأخوان خصوصاً أنهم مشالله جابوا اسامي رائعة .....!
بس وش رايك ((شيخة))<<<أسم غني عن التعريف له مكانة مرموقة في المجتمع ....!


لك تحياتي

[شموخ]

اسم مو غريب ويمكن دارج بس حلو :) صبا :)

ياصبا نجد جددت الجروح القديمه ..... يوم ذعذع هواك وخالي البال نايم

ومعنى صبا رياح الفجر العليله البارده والبعض يقول الريح الخفيفه :)


ايضا فيه اسماء ماهى ناعمه بس فيها قوه وشموخ تعجبني مثل عرين ومعروف العرين عرين الاسود :)


تحياتي
شموخ

[يـــوسف]

أم يوسف والله اني متنقي لك هالاسماء نقوه بس مشكله تقولين أعلان بقناة الصحراء :za3lan:

[الساطع]

صباح الخير



الموضوع باين من العنوااان

ابي اسماء بنات غريبة وحلوة وغير دارجة

خصوصا الاعضاء والعضوات من الشاام .. عندكم اسماء حلوة يا ليت لو تساعدوني

واذا في امكانية تجيبون معنى الاسم ايضا .. فـ خير على خير






شــــكرا مقدمــــا rooose2


صباح الخير .. شوفي كنت ابي اعطيك اسم بس سبقتني شموخ . واكتشفت انها ما سبقتني كنت اقترح صِبا بكسر الصاد ويعني ايام الصبا والطفوله واقتراح شموخ صَبا بفتح الصاد عاد مالك غير هالاسمين بالكسر او الفتح وان اقترح بكسر الصاد لان بنتي اسمها صبا:) توكلي على الله واكسري الصاد .. الله يخليها لك ويصلحها ،،،،

[شموخ]

8
8

الساطع

اللي اقصده انا صِبا بكسر الصاد :) اختلفوا في معناه منهم من فسره نفس تفسيرك ومنهم من فسره برياح الفجر العليله :) وكلها حلوه التفاسير :)

[عبدالله المهيني]

تقول إني طفل يكتب شعر وبظاهره رجال
............ وأنا والله طفل يكتب سهر وبداخله ساره



وساره بنت وأحياناً فراشه ناعمه تختال
............ متى قلبي يصير الجوري اللي فاح بأسراره





أدري إنه أسم دارج
بس يوم قريت موضوعك جاء ببالي هالبيتين
للشاعر نايف عوض



الله يصلح لكم أختي

[لوليتا]

*
*


مبرووووووك جوودى


تقومى بالف سلامة باذن الله

بالنسبة للاسماء


منوه ماهو دارج بمصر الاكثر هو .... منة

بس اذا تبى

فى تسنيم

حلو كتير

وبعد حنين بحبه كتير بس اظنه كثير الاسم

وفى ريفانا

بس مدرى معناه الحقيقة

ونيرفانا بعد


ونور ... طبعا ولا احلى


ولا تخافى ما بقولك سمى لوليتا


وعلى فكرة

نظل كتير نختار الاسماء

وبعد ما الطفل يوصل بالسلامة بيجى اسمه معه لحاله

وربما يكون مخالفا لكل ما تم اختياره


خليها على الله


لك كل الود


*
*

[بالمختصر..]

أسيل = أملس

إلهام = وحي

بلقيس = إسم ملكة سبأ

تـرف = سعة العيش << روووووعه هالإسم .. عاجبني

ديمه = المطر الذي يتساقط بهدوء

شادن = ولد الظبي

غاده = شجره غضه , ناعمه

غيداء = متمايله , ناعمه

ملاك << إسم اختي و معروف معناه

هيام = عشق , عطش شديد

ُسهاد = أرق << أعرف وحده اسمه سهاد ..



على فكره إسم جلنار اللي كتبه يوسف معناه ( زهر الرمان )

هذا اللي لقيته لك .. و يمكن لي عوده ..




.
.

[ابو ضاري]

جوري

علياء


لانا


دانه

[العَـــروب]

أم يوسف أولاً مبروووووك والحمد لله عالسلامه نسأل الله الصلاح والهداية لها , وأن يجعلها ممن يبر والديها .
وأن يقر أعينهم بها ....!

أنا ماعندي زيادة على الأخوان خصوصاً أنهم مشالله جابوا اسامي رائعة .....!
بس وش رايك ((شيخة))<<<أسم غني عن التعريف له مكانة مرموقة في المجتمع ....!


لك تحياتي



الله يبارك فيك ويسلمك اخوي
اسم شيخة حلو بس دارج كثير- اعرف اكثر من وحدة سمت شيخة
شكرا اخوي عبدالله على الاقتراح rooose2

[العَـــروب]

اسم مو غريب ويمكن دارج بس حلو :) صبا :)

ياصبا نجد جددت الجروح القديمه ..... يوم ذعذع هواك وخالي البال نايم

ومعنى صبا رياح الفجر العليله البارده والبعض يقول الريح الخفيفه :)


ايضا فيه اسماء ماهى ناعمه بس فيها قوه وشموخ تعجبني مثل عرين ومعروف العرين عرين الاسود :)


تحياتي
شموخ


اسمع باسم صبا بس ما كنت اعرف معناه
معنى الاسم حلو عجبني

اسم عرين احسه متوحش :)

تم اضافة صبا الى القائمة


شكرا شموخ rooose2

[العَـــروب]

أم يوسف والله اني متنقي لك هالاسماء نقوه بس مشكله تقولين أعلان بقناة الصحراء :za3lan:











كراثة <-- هذا واضح انك تعبت لين جبته :)
تكفى هذا من اي عصر؟ :-(

صيتة ودميثة

ليش يا ربي هالاجرام :-(
يعني طقيت يوسف طقة خفيفة قلتوا عني مجرمة ومتوحشة
الحين اذا سميت بنتي دميثة شتقولون عني :a:


بس قلت لك عن اسم ريماس حلو :)
صح والا مو؟ :)

[العَـــروب]

صباح الخير .. شوفي كنت ابي اعطيك اسم بس سبقتني شموخ . واكتشفت انها ما سبقتني كنت اقترح صِبا بكسر الصاد ويعني ايام الصبا والطفوله واقتراح شموخ صَبا بفتح الصاد عاد مالك غير هالاسمين بالكسر او الفتح وان اقترح بكسر الصاد لان بنتي اسمها صبا:) توكلي على الله واكسري الصاد .. الله يخليها لك ويصلحها ،،،،


يعني رايك اني اكسر الصاد واتوكل على الله
بس المشكلة ان عندي بالقائمة اكثر من 15 اسم حلو
يمكن اسوي قرعة :232r:

الله يسلمك اخوي الساطع .. شاكرة لك اقتراحك rooose2

[نافع بن طواله]

انا بقوله لك برساله خاصه

[العَـــروب]

تقول إني طفل يكتب شعر وبظاهره رجال

............ وأنا والله طفل يكتب سهر وبداخله ساره



وساره بنت وأحياناً فراشه ناعمه تختال
............ متى قلبي يصير الجوري اللي فاح بأسراره





أدري إنه أسم دارج
بس يوم قريت موضوعك جاء ببالي هالبيتين
للشاعر نايف عوض




الله يصلح لكم أختي




هلا والله عبدالله
حلو اسم سارة
بس المشكلة ان يدتنا العودة اسمها سارة
وبنات العايلة ما شاء الله سارة رايحة وسارة جاية
وانا ابي شي جديد وغريب :-(

الله يسلمك يا عبدالله ما تقصر rooose2

[بنت الجبل آخت القصيد]

الاخت /جـــود

اولا اذا كنتي والده الف مبروك والله يصلح لك انشاء الله ...
وثانيا اذا كنتي حامل وبالشهور الاخيره الله يهون عليك ... ويرزقك بالطفل الصالح

واذا تبين اسم


وش رايك بأسم (( ريـتـال ))

اسم يجنن ومو دارج مره
ومعناه :- الطفله المرتله القران

واسم ثاني

يارآ : ومعناه الطاهره


/
\
لكِ ودي

[العَـــروب]

*
*


مبرووووووك جوودى


تقومى بالف سلامة باذن الله

بالنسبة للاسماء


منوه ماهو دارج بمصر الاكثر هو .... منة

بس اذا تبى

فى تسنيم

حلو كتير

وبعد حنين بحبه كتير بس اظنه كثير الاسم

وفى ريفانا

بس مدرى معناه الحقيقة

ونيرفانا بعد


ونور ... طبعا ولا احلى


ولا تخافى ما بقولك سمى لوليتا


وعلى فكرة

نظل كتير نختار الاسماء

وبعد ما الطفل يوصل بالسلامة بيجى اسمه معه لحاله

وربما يكون مخالفا لكل ما تم اختياره


خليها على الله


لك كل الود


*
*




اهلين وسهلين لوليتا الغالية
الله يبارك فيج ويسلمج حبيبتي

والاقتراحات حلوة
نور - تسنيم
اكثر اسمين عجبوني

والله انا متشوقة ابي ادور الاسم من الحين :tongue:

مشكوووورة لوليتا ما قصرتي يا قلبي rooose2

[العَـــروب]

أسيل = أملس

إلهام = وحي

بلقيس = إسم ملكة سبأ

تـرف = سعة العيش << روووووعه هالإسم .. عاجبني

ديمه = المطر الذي يتساقط بهدوء

شادن = ولد الظبي

غاده = شجره غضه , ناعمه

غيداء = متمايله , ناعمه

ملاك << إسم اختي و معروف معناه

هيام = عشق , عطش شديد

ُسهاد = أرق << أعرف وحده اسمه سهاد ..



على فكره إسم جلنار اللي كتبه يوسف معناه ( زهر الرمان )

هذا اللي لقيته لك .. و يمكن لي عوده ..




.
.


بالمختصر اسماء خطيييييرة
ترف - شادن
اكثر اسمين عجبوني
والله احترت الحين اختار شنو والا شنو :(

جلنار طلع له معنى؟ :a:
انا عبالي يوسف يتطنز على بنتي
ومعنى الاسم حلووو
حرام ضحكت عليه وطلع الاسم له معنى حلو :tongue:


مشكوووورة يالغالية
واذا عندج غيرهم بعد خير وبركة


rooose2

[العَـــروب]

جوري

علياء


لانا


دانه

لفت نظري اسم لانا
بس لازم اشوف المعنى

شكرا اخوي الضاري rooose2

[العَـــروب]

انا بقوله لك برساله خاصه

وصل

ما قصرت يا بوطوالة
لا تقول الاسم لاي احد غيري علشان ما يسبقوني عليه :)

[الساطع]

يعني رايك اني اكسر الصاد واتوكل على الله
بس المشكلة ان عندي بالقائمة اكثر من 15 اسم حلو
يمكن اسوي قرعة :232r:

الله يسلمك اخوي الساطع .. شاكرة لك اقتراحك rooose2


اقترح عليك تسوين قرعه واذا طلع غير صبا سوي قرعه ثانيه واذا ما طلع حاولي ثالثه ، واذا تأزمت الامور
إكســـــــــــــــــري الصــــــــــــــــاد يعني مالك غير صبا :mabrook: اسم صبا ، عاشت الاسامي والتمايم عليّ ... ام اسم الدلع ( صبويه) بالتوفيــــــــــق واي شي تختارينه سيكون جميـــل لانك ام ،،،

[العَـــروب]

وثانيا اذا كنتي حامل وبالشهور الاخيره الله يهون عليك ... ويرزقك بالطفل الصالح



الله يسلمج ويجزاج خير rooose2




واذا تبين اسم


وش رايك بأسم (( ريـتـال ))

اسم يجنن ومو دارج مره
ومعناه :- الطفله المرتله القران

واسم ثاني

يارآ : ومعناه الطاهره


/
\
لكِ ودي


اسامي حلوة
بالذات اسم ريتال
فعلا غريب اول مرة اسمعه
الاسم حلو والمعنى احلى

احترت زيادة والله :-(

مشكووووووورة اختي عطر ما قصرتي فديتج rooose2

[العَـــروب]

اقترح عليك تسوين قرعه واذا طلع غير صبا سوي قرعه ثانيه واذا ما طلع حاولي ثالثه ، واذا تأزمت الامور
إكســـــــــــــــــري الصــــــــــــــــاد يعني مالك غير صبا :mabrook: اسم صبا ، عاشت الاسامي والتمايم عليّ ... ام اسم الدلع ( صبويه) بالتوفيــــــــــق واي شي تختارينه سيكون جميـــل لانك ام ،،،

الساطع
يابو منذر
يا بوصبا

الظاهر اني حتى لو ما سميتها صبا باقول لك اني سميتها صبا :) <-- غشاشة :)
الله يحفظ لك صبا ويمكن بنتي تكون سميتها :) بس لا تنسى التمايم :)




rooose2







.

[اخو سعدى]

اهلا ..

عندك مثلا .. جوووود .. معناها معروووف وحلو او جودي ..

تالا .. النخله الصغيره ..

غند .. السكر بالفارسي .. واسم دلع بعد ..

والمزيد قااااادم ..

[قمر اللــيل]

الف الف مبروك اختي جود يجعلها ربي من مواليد السعاده ان شاء الله

طيب وش رايك باسم ربا << يعني من الشي العالي الهضبه المرتفعه

[الساطع]

الساطع
يابو منذر
يا بوصبا

الظاهر اني حتى لو ما سميتها صبا باقول لك اني سميتها صبا :) <-- غشاشة :)
الله يحفظ لك صبا ويمكن بنتي تكون سميتها :) بس لا تنسى التمايم :)




rooose2







.

المهم التمايم نزلتهن بمضيف الفلـــــه:) تحياتي ،،،،،

[العَـــروب]

اهلا ..

عندك مثلا .. جوووود .. معناها معروووف وحلو او جودي ..

تالا .. النخله الصغيره ..

غند .. السكر بالفارسي .. واسم دلع بعد ..

والمزيد قااااادم ..




اهلا اخو سعدى

اسم جووود طار

عجبني اسم غند

غريب وحلو

زادت القائمة والله يعيني :)


شاكرة لك اخوي

[العَـــروب]

اختي قمر الليل

اسم ربا حلو
بس يمكن الناس تفهمه غلط :-(

مع انه عجبني ومعناه ايضا عجبني



شكرا يا قلبي

[العَـــروب]

المهم التمايم نزلتهن بمضيف الفلـــــه:) تحياتي ،،،،،




لا لاااااااااااااااااء حرام عليك خرعتني شسويت فيني :a:
رحت للفلة ركض عبالي سويتها صج

طيب انطرها تجي بالاول وبعدين نزل التمايم وين ما تبي

الظاهر مستعجل على الاسم :)

[بالمختصر..]

تبين بعــد ..؟؟


روابي

ريوف

غاليه

الجـوهـرهـ

الماس أو الماسه



يالله عـاد إختاري و علمينا :)






.
.

[حمـود]

اختي جود


توجد اسماء كثيرة

مع الدلع

مثلا

شهلاء >>شهوله

خوله>>خوخه هههه خولتي

جمانه>>جمون

رغد>>رغيد ههه رغودة

وعد>>وعودة

شهد>>شهودة

سفانه>>سفونتي سففن

والكثير....

[العَـــروب]

تبين بعــد ..؟؟


روابي

ريوف

غاليه

الجـوهـرهـ

الماس أو الماسه



يالله عـاد إختاري و علمينا :)






.
.



روابي - ريوف <-- اضافة للقائمة

بالمختصر ساعديني شاسوي الحين احترت والله :(

القائمة كل يوم تطول
انا ابيها تقصر وهي تطول
متحسفة على كل هالاسماء
صرت اتمنى اجيب 20 بنت علشان ما يضيع اي اسم من القائمة <-- watch what you wish :)


الظاهر ان الحل الاخير هو القرعة :)



شكرا يالغالية


rooose2

[عبدالله المهيني]

:)
:)
:)



اليوم الصبح جاني اتصال من واحد من الشباب



الو قلت له هلا
سلام وعليكم السلام



ابو عابد أنت بالرياض
قلت الله الله وصلت البارح للرياض


قال زين ترى الليله عندي تمايم ( طلايع ) بالإستراحة الفلانية
قلت ماشاء الله الف مبروك وش جاك


قال بنت
قلت الله يصلح لك .. وش سميته :)



قال لميس
قلت الخلف على الله لعنبوا دار العدو إلى هالدرجة حاسة القريحه عندكم هالتركية




وراح يضحك لين قال الليله الليله
قلت على خير





:)
:)
:)

[العَـــروب]

اختي جود


توجد اسماء كثيرة

مع الدلع

مثلا

شهلاء >>شهوله

خوله>>خوخه هههه خولتي

جمانه>>جمون

رغد>>رغيد ههه رغودة

وعد>>وعودة

شهد>>شهودة

سفانه>>سفونتي سففن

والكثير....


زبدة الاسماء اللي جبتها (سفانة)
اما الدلع سففن ههههه


مشكور حمود ما قصرت


rooose2

[العَـــروب]

:)



:)
:)



اليوم الصبح جاني اتصال من واحد من الشباب



الو قلت له هلا
سلام وعليكم السلام



ابو عابد أنت بالرياض
قلت الله الله وصلت البارح للرياض


قال زين ترى الليله عندي تمايم ( طلايع ) بالإستراحة الفلانية
قلت ماشاء الله الف مبروك وش جاك


قال بنت
قلت الله يصلح لك .. وش سميته :)



قال لميس
قلت الخلف على الله لعنبوا دار العدو إلى هالدرجة حاسة القريحه عندكم هالتركية




وراح يضحك لين قال الليله الليله
قلت على خير





:)
:)


:)



مسكينة زوجته
اكيد سماها غصب وهي مو مشتهية <-- تفكير الحريم :)

[وافي الزنيدي]

حياك الله ام يوسف
عندي لك اسم على كيف كيف كيفك قولي وشو

.
.
.
.
.
.
.
.
.
.
.
.
.
.
سميها رمعه :) واذا جا لها اخو ان شاء الله سميه مالك لوا:)
ونسيت ابارك لك الف مبروك والله يجعلها صالحه وباره بوالديها الا وش رايك بصالحه :d:

[العَـــروب]

حياك الله ام يوسف
عندي لك اسم على كيف كيف كيفك قولي وشو

.
.
.
.

وشو ؟؟؟
.
.
.
.
.
.
.
.
.
.



سميها رمعه :) واذا جا لها اخو ان شاء الله سميه مالك لوا:)



مالك لوا :)




ونسيت ابارك لك الف مبروك والله يجعلها صالحه وباره بوالديها ا

لا وش رايك بصالحه :d:


الله يبارك فيك
الله يجعلها من الصالحات
بس ايضا مالك لوا :)



حياك الله يا وافي الوافي :)

[هند القاضي]

الله الله يـ أم يوسف شـ السالفه :qannaj:



تيب خذي عندج ..


ريفال ـ جنى - تولين < ومعناه ضوء القمر
أرين - ميرال - < ومعناه الشعر الطويل , وسمعت إن معناهـ الغزال باللغه التركيه



لمار < الكل طاح فيه لكن لا تسمين فيه لأنه معناه أنثى الـ كـ لـ ب بالفارسية


ليـــن < النخله الصغيرة أو من اللين واليسر


هذا الي يحضرني الآن وأكيد لي رجعه :d:



ألف مبروك جعلها ذريه صالحه


roooose

[غالب]

طيب وش رايتس بااسم (قند)roooose والقند هو السكر

[العَـــروب]

أهلا هنودة حبيبتي




الله الله يـ أم يوسف شـ السالفه :qannaj:




كنت ناوية اسوي موضوع حلو بالاهداءات واحط صورتها <-- بعد ما تجي طبعا :)
والسالفة اني سالت عن اسماء بنات حلوة بس فضحوني وخلوني اتكلم وانا ما ودي :)





تيب خذي عندج ..


ريفال ـ جنى - تولين < ومعناه ضوء القمر
أرين - ميرال - < ومعناه الشعر الطويل , وسمعت إن معناهـ الغزال باللغه التركيه



لمار < الكل طاح فيه لكن لا تسمين فيه لأنه معناه أنثى الـ كـ لـ ب بالفارسية


ليـــن < النخله الصغيرة أو من اللين واليسر


هذا الي يحضرني الآن وأكيد لي رجعه :d:



ألف مبروك جعلها ذريه صالحه



roooose




والله يا هند مجموعتج رووووعة
حيرتيني شلون اختار :a:
وطالت القائمة - الله يعيني


والله يبارك فيج يا قلبي
الفال لج يالغالية


rooose2

[العَـــروب]

طيب وش رايتس بااسم (قند)roooose والقند هو السكر


والله شي
ذوق والله اخوي سناعيس
مادري ليش حاطين عليك بشريط الاهداءات مع انك خوش ولد وذرب ما شاء الله :)

مشكووووووووووووور اخوي ما قصرت


rooose2

[ابو ضاري]

مدري سميتي ولا للحين

انا قلتلك لانا طلع اسم تركي معناه ضوء القمر

[العَـــروب]

^ ^ ^


لا للحين، تو الناس :tongue:

لانا .. عجبني الاسم، والحين عجبني أكثر لما جبت المعنى

مشكوووووور أخوي الضاري

لا هنت



rooose2

[حمــ الموت ـراء]

مالتس غير اسم حـــــور <<<اسم روووعه وتدلعينه حوير او حوحو

او غيداء <<رهيب وبأذن الله بنتي البكر غيداء بس يجي الي يستاهل يكون ابو غيداء :)

جمان <<اسم تاريخي بوه شموخ العصور الوسطى واميرات الاندلس

فدعي ابنتكِ تأتي كأميرة اندلسيه
طفله ذات عينين سودواين من اصول عربيه وجذور اندلسيه وتعيش بصحراء العرب
والمسلمين ..قد تكون تلك العاصمه الاسبانيه ..غربية الحاضر ولكن عربيه التاريخ والجذور

8
8
معليش لا تواخذيني دخلت جو ههههههههههههه

[صالح الخشرمي]

(وتين)وش رايك أختي

[العَـــروب]

حمراء الموت



يعني بنتي تصير اميرة اندونيسية ؟

ترى انا اصدق بسرعة وادخل جو طوالي :)

جمااان

اسم جميل ويدل على ذووق رفيع اختي حمراء

تسلمين لي اختي ما قصرتي



rooose2

[العَـــروب]

اخوي صالح

وتين

اول مرة اسمع بهالاسم
اسم جميل جدا ومميز .. راح ابحث عن المعنى واتمنى ان يكون بجمال الاسم


شكرا اخي صالح .. لا هنت



rooose2

[سارة الجرباني]

جود اشلونتس يالغلا

تبين راي وشفيه اسم سارة

وتدلعينها السوري <<<< دلع بداوي بحت


هههههههههههههههه

ادري تبين غريب والله ريماس حلو


ريماس معناة اعتقد نوع من الالماس


وبعد اسم الزين حلو

ياخوفي في النهاية تسمينها شما هعهعهع وتدلعينها شموم


تقبلي مروري

[العَـــروب]

أهلا سارووونة ..

اسمج ولا أحلى .. بس المشكلة عندنا سارات كثير بالعايلة الله يحفظهم ..

ريماس حلو، قاله يوسف .. عجبني ..

تسلمين يالغلا .. يعطيج الف عافية ..



/

\

/





انحصرت المنافسة بين ..

( غاية - سفانة - عَروب )



بـ اختار واحد من الاسماء الثلاثة ..


الله يعيني .. :-(

[هاني العجل]

.



مرحبا أخت جود


صراحه ماتابعت الأسماء اللي انطرحت من الجميع هنا




لكن بأقول لك إسم غريب .. وهو يعتبر أغرب إسم عربي أنثوي وبنفس الوقت هو أطول إسم بعد شرايك


<<<< نذاله .. بأخليه أخر شي بس أقول انه ( ثمان حروف )

[شريف روما]

سميها لوحه وعلقيها بالغرفة
او سميها تمره وقدميها قدوع :)

انا لا جاني ولد اسميه سيف واعلقوه بالدوانية :)




عليا حلوو
مو علياء

علياااا بدون الهمزة

سفانة حلو تدلعينه سفن فن او سفن اب :)



او نشمية :) << اتهقين يصورنه بقناة الصحراء :)

[ريال الفسحه]

خريندز .. يقولون انه من عجز الربع ولاشفت خشته
الله يرحمه بس اعرف عياله .

[عيون الذيب]

مساكم أو صباحكم خير.............وش رايكم بأسم

{وجـــــــــــــــــــــــد}

له معنى واهم شي انه أسم عربي

[الراميه]

بعطيك اسم


وان شاء الله يعجبك

" مروج "

[العَـــروب]

.



مرحبا أخت جود


صراحه ماتابعت الأسماء اللي انطرحت من الجميع هنا




لكن بأقول لك إسم غريب .. وهو يعتبر أغرب إسم عربي أنثوي وبنفس الوقت هو أطول إسم بعد شرايك


<<<< نذاله .. بأخليه أخر شي بس أقول انه ( ثمان حروف )


مرااااااحب

هاني

تلحق والا ما تلحق


الحقني بالاسم بو 8 حروووف، قلبي يفرك عليه احس انه حلو

ما في وقت بسرعة :(




Waiting .. rooose2

[العَـــروب]

سميها لوحه وعلقيها بالغرفة
او سميها تمره وقدميها قدوع :)

انا لا جاني ولد اسميه سيف واعلقوه بالدوانية :)



شرايك أسميها أيقونة وأحطها بالمضايف :)





عليا حلوو
مو علياء

علياااا بدون الهمزة

سفانة حلو تدلعينه سفن فن او سفن اب :)



كنت افكر اسميها سفانة
بس انت الحين خوفتني
اخاف عيال اخواني يتطنزون على بنتي وينادونها سفن اب :(




او نشمية :) << اتهقين يصورنه بقناة الصحراء :)



لا مو بالصحراء

هذي يبونها قناة الساحة :)




(ايقونة الله حيوه)


rooose2

[العَـــروب]

خريندز .. يقولون انه من عجز الربع ولاشفت خشته
الله يرحمه بس اعرف عياله .



ريال يعني هذا اللي تفجرت عنه قريحتك ؟ :(

بعدين خرينج اسم رجال :(

تتطنز على بنتي الله يسامحك :(



حيااااااك :(

[العَـــروب]

مساكم أو صباحكم خير.............وش رايكم بأسم

{وجـــــــــــــــــــــــد}

له معنى واهم شي انه أسم عربي




اسم حلو وحزين ..

تسلم يالذيب ما تقصر ..


rooose2

[العَـــروب]

بعطيك اسم


وان شاء الله يعجبك

" مروج "



الرامية

اسم مروج له ذكرى عزيزة جدا على قلبي
رجعتيني 7 سنوات لورا ..

الله عليج .. كلج ذوووق والله ..

يدخل المنافسة وبقوة ..


قواج الله يالغلا .. rooose2

[الراميه]

الرامية

اسم مروج له ذكرى عزيزة جدا على قلبي
رجعتيني 7 سنوات لورا ..

الله عليج .. كلج ذوووق والله ..

يدخل المنافسة وبقوة ..


قواج الله يالغلا .. rooose2

::


الله يجعل ايامك كلها حلا
ويرزقك بأحلى مولود

وبعد هذولي اسمين

رنيم / ترنيم

[العَـــروب]

سهااام الغيث

قريت مشاركتج قبل الحذف

وصل المسج ..


مشكووووووورة يالغلا ...




\
/
\




الرااامية


جزاج الله خير على دعواتج الحلوة
تسلمين يالغالية ..

رنيم - ترنيم

اسماء حلوة وغريبة بعد ..


ما قصرتي يا قلبي
كللللج ذوووق .. rooose2

[أهداااب]

جـــود قفلتي القائمة ولا بعد:7ayyoh:



وش رايك بأسمي أهداااب :d: و أسم الدلع هديبا و البعض يناديني هدبدب :d:


سبب التسميلة والله مدري بس يذكر في رواية أن جدتي هي اللي سمتني بسأل وأرد لك خبر:)




طيب وش رايك بــ سِيبال / غيداء << اسماء بنات أختي مع أن الأسماء قديمة لكن حلوووه




وبعد وش رايك بــ خواطر أو ريما




وأن شاالله تقومي بالسلامة وجعل هالمولدة من الصالحات البارات




جود




شكلك بتولدي مع مرت أخوي هي بعد في الشهور الأخيرة وحامل ببنت :)




الله يسهل عليكم جميع





مبروووك مقدماً ... roooose

[روح حايل]

اممممممم...

ميلاد

غلا

سديم

وجل

ليان << مدري شمعناه!! ههههههههه

ود


وأهم شي تقومين بالسلامة إنتي والبيبي ...

اللهم آمين


roooose

[العَـــروب]

ريم

داام انه اسم بنتج فاكييد يكون حلوو


الله يحفظهااا ..

[العَـــروب]

هدووبة ..

على وشك الاقفااال ..

واسمج ما في منه .. وحتى الاسماء اللي جبتيها حلوة


وتسلمين يا قلبي عالدعوة . . جزاااج الله خير

[العَـــروب]

روووح

تسلمين لي حبوبة .. كلج ذوووق


والاسماااء حلوة وعجبتني


تسلمين يا قلبي

[بنت الجبل آخت القصيد]

قولي لنا وش اعتمدتي ؟!!

[العَـــروب]

خليها تجي ان شاء الله واشوف الاسم بالبطااقة بعيوني بعدين اقول لكم :d:

[بنت الجبل آخت القصيد]

الله يسهلها عليك

بس تولدين باي مشفى <<<<ناويه تزورج
بس تكفين لاتولدين الا بعد شهر 8 تخبرين اجازات ومانرجع الا عقب شهر 8

<<<<<قولي اهي على كيفي السالفه هههههه


الله يقومج بالسلامه يارب

[&^^مهــــا^^&]

دلع .. ريناد .. رنيم .. اثير .. شدن ..

والله يقومك بالسلامه حبيبتي

وربي يرزقك بالذريه الصالحه

لكِ ودي,,

[..طيف الأمل..]

جووووووووود
الله يسهل عليك ويقومك بالسلاااامة