مهرجان فلة حجاج الأسبوعي

[يـــوسف]

السلام علاكم ..

يالله يالله ...



صباح الخير مع مساء الخير للجميع خشه خشه كـــــــــــــــــــــــــــــــــــــــ ـــــــــــــــــــــــل أبوكم شلونكم :)




أحب أعلن لكم أنه من الخميس القادم سوف يتم الأعلان كل خميس عن العضو المميز بفلة حجاج ..


وسوف يتم تكريم العضو وجائزته كرتون مناديل أبو ريال اللي إذا مسحت بوه خشمك انواع الدمان ..
وكيس ليز فاضي .
وقوطي برندا من بقالة أبو ي ياويل اللي مايشري من محلات ابوي :148r:
وفيه محاولات أننا ندخله على الملك عشان يسلم عليه ..


طريقة احتساب النقاط ::

1- على مجهود العضو وكم المواضيع اللي يطرحه بالفلة والمنتدى عامة .
2- على تفاعله مع الأخوان وردوده على المواضيع .. ( بس مو كل واحد يروح يدبك من الحين يفشلنا يرد على كل موضوع بس كذا :wallah_hoo:)
3- الواسطه :)








أشكر اخوي الشبث على فكرته وعلى جايزته اللي يبي يرسله لي باتسر :)

وريال الفحسه على فسحلته الدائمه :315r:








أول عضو فاز معنا هالاسبوع (الشبث) بدون منازع ...








يالربع والله غصب فاز هددن ماهو بكيفي :wallah_hoo:








موبايلي عالم من إختياري :)

[أبوطروق]

على خير

بس وش دخل موبايلي بالسالفة (هي الجوايز من عندهم ولا من بقالة ابوك)

اجل بقالة ابوك هي الراعي الرسمي هههههههههههههههايلي


طيب منهم الحكام؟ - وش رايكم تحطوني حكم

:

[قمر اللــيل]

مبروك ياشبث على الفوز <<<<

الله يوفق الجميع ,,,,

[الشاهري العبيدي]

بس هذي هي محفزاتكم؟


الحمد لله بالعام عندنا هدايا وجوائز وعلوم طيبة :)


اقترح باهل الفلة تجون عندنا بالعام ندرسكم فنون العطاء :)



اخيرا.....مجهود جميل يالفلاويين وافكار بحق جميلة

[فتى البيداء]

يوسف ياخي أحتريك تفوزن بشيء لكن إلى الحين أضنك ساج عن . دور لي شيء وقل فتى البيداء هو الي فاز به ياخي ماهي معقوله كذا .

ترى عاد الشبث غصب يفوز من ناحيتين : 1/ لأنه هو شمعة الفلة .

2/ مشرف أن ما أخذه بطيب يأخذه بالغصب ، حجراً يوسف وقايله ياويلك أن ما خليتن الأول هالسبوع .
ويوسف أنتم خابرينه ذاك الخبل يوم يتمردغه إلى هالحين يشكي مواجعه منه ما هو قادر يدافع عن روحة .

[الشبث]

انت الظاهر تبيني اجيك اطرف عينك بعد عين

يوم تعلم علي ليه يالدبي



اعتبر معك مخااااالفه يالهيس








وتقلد تحيتي

[راعي المغاتير]

بسم الله الرحمن الرحيم


نشكر العطاوي ونبارك للشبث((يا خيي غير اسمك))

واطالب برفع قيمة الجوايز من قودي ميرندا الى 20 كيس شعير


على شان اهل الحلال يكونون فعالين بالمشاركة

ملاحظة: ما تسددون الديون عن اللي يفوز


تحياتي

[الشبث]

يا راع المغاتير اطلع خمسين فوق







يالغالي تصدق مالله عطاني حب هالاسامي غير هالاسم ههههههههه








وارسل رقم حسابك على الخاص وخله بيني وبينك








وتقلد تحيتي

[يـــوسف]

أبو طروق موبايلي وقعت عقد معنا علشان نحط اسمهم تواقيع :)


وأبوي يوم دري بالمسابقه تبرع بكراتين عصيرات وحلويات بالمستودع مبطي عنده :)




ابو طروق اصبر اقردن الشبث يخليك مدير اللجنه ...

[يـــوسف]

الله وأكبر الله وأكبر ..


الشاهر العبيدي بهيبته موجود بالفلة ..


سناعيس بعد شدوق وين المفطح اخلص لاتفشلنا :148r:






الشاهر العبيدي حياك الله يالغالي ..

الجود من الماجود حنا كلنا منتفين أنا سكورتي بمجمع تجاري والشبث مدير مستودع وريال قعيطي مايدفع الريال يقول علي ديون :)



وحدنا بقالة أبوي نسرق منه دامه مو فاضي :)


عاد أنتم يالعام كلكم هوامير ماشاء الله أقل واحد بكم يستلم عشر طعش ألف وماانتم زينا منتفين :wallah_hoo:

حسرة علينا بكيت الدخان صح يالشبث ..






شاكر لك المرور يالشاهر العبيدي واذا لقيت لنا وظايف افزع ههههههههههههههههههههههههه

[عجايب بنت الشايب]

عجايب تهدد على الشاهري فوق




قسم قسمات


أن سمعت احد يسب الفله لا الللن والدن والدنوه >> وشو :( ؟؟






ياحركتات يامشرفين الفله

يعجبني تطويركم للبسطه من بعدي

قصدي للفله من بعدي




والله لاولا ارذل العمر

كان مافكيتكم








مبروك الشبث :) >> من ورا القلب








لي نكسه مع الردود




طحياتي....,

[يـــوسف]

فتى البيداء بدينا بالمعاير :wallah_hoo:



ياخي إذا دبن لي خبل وش اسوي ياخي الحمدلله على كل حال اشوا اني حي للحين ماني ميت :)



أبشر شد حيلك والمركز الأول للي يشد حيله وأنت وفعلك :)





تر فيه واسطات دورلك واسطه من حقين السنترال لأن بيننا مصالح يعطونا صفر وخدمة 700 :)

[يـــوسف]

الشبث غش غش غش غش مايصير :wallah_hoo:

خلنا نعيده طيب وش رايك :)



راعي المغاتير ابشر نبي ندرس ماضوع الشعير ونبي نشوف لنا تريله غدينا نسرقه ههههههههههههههههههههههه



وان ستر علينا الله ابد من عندي لك اربعين كيس :)


شاكر لك مرورك وياليت تهدي لي حوار ...






الشبث شفت ان اسمك ماش ههههههههههههه

[يـــوسف]

يالربع امسكووووووووووووووووووو خالتنا جته أم العبيد وتوهق الشاهر العبيدي ههههههههههههههههههههههههه



خاله روقي روقي وخذي لتس برندا مفوح :)




خاله مانستغني عن مشورتك :thumb:






واعتقد ان اقتراح راعي المغاتير تبي تأيدينه مايحتاج ههههههههههههههههههه



مشكوره ياخاله على هالمرور والدعم اللوجستي :)

[ريال الفسحه]

اسمعو يالربع لاحد يشد حيلوه السبوع هذا الشبث والجاي
انا واللي عقبه يوسف وهكذا دواليك :)

[غالب]

طيب يايوسف أنا ماعندي ولا موضوع بس ماخليت موضوع باالفاله ألا رديت عليه
يعني أنا أقول سووا جائزه لراد الأسبوع وأكتبوا اللي خذا المرتبه الثانيه والثالثه وش رايكم ؟!

[يـــوسف]

هلا وغلا بمزيون فلة حجاج :)


أبشر يالغالي باللي يرضيك ويرضي الأخوان ..

وعلى فكره مو أهم شي تكتب موضوع مع أنك مقصر حيل بحقنا ماعمرنا شفنا لك شي منذ مبطي :za3lan:

يعني الردود تنحسب والتفاعل بالمنتدى عامة ماخليناه حكر على فلة حجاج ..



وترك من الناس المرشحين بقووووووووووووووووووووووووووووووووووه:thumb :



بالنسبه للجوائز فهي جهد خاص مننا ولا بغينا نغث أبو سلطان صرنا اعوذ بالله سلطتن عليه هههههههههههه


ياخوفي بكرا يقفل فلة حجاج كله بسبت الشبث وريال <_ مالي شغل :)



ولاتاخذ كلامي الأول اللي بالموضوع تر كتبته وأنا ماش مخي كنت اسوي له فرمات ماهو حولي ..

[ابو عارف]

ياجماعة الخير شوي شوي علينا تروا بعض خويانا يذكرونهم شيبان شايقينهم يمشون على رصيق شارع الحوامل برحيمة هو شارع الأمير نايف لكن مستخدميه شيبان وحمٌل.

ويشبلاكم خيتونا بالطوشة حنا يعني في مراثون وإلا في رالي حايل.


شكراً لكم على عدم السرعة.

[ريتاج]

الواسطه

انا مسكينه ماعندي واااسطه حرااام عندي عيااال جواااعا<< حركااات الشحااادااات


هيه تكفووون بطاااقه شحن 100

هع هع هع هع......انا مسكينه مابااركت لصديقاااتي بالنجااااح

يالله نجاااحه لي.,...شيع
اقووول مشكووورين عالمهرجااان الخياااال


وماقصرتوووو .... ترووني امزح مو تصدقوون والله سرت اخاااف احد يصدق ويرسلي البطاااقه .... عاااد لا ارسلتوه كيفكم ماعندي مانع ولا دواااس<<< امزح

شيـــــــــــــــــــــعــــــــــــــــ ـــــااااااااااااات

[الشبث]

شييييييييييييييييييييييييع

اقول يالعجوز


انا اول واحد مصدقتس


شوفي اذا ارسلو لي البطاقه ابرسله لتس قولي تم




عليتس وجه الله ان تقولين تم يالعجيز



مهو علشانتس علشان الوغدن اليتمان












































اقول لا تصدقين



وتقلدي تحيتي

[حمـود]

مبرووووووووووك

الجائزة


يوسف شكرا لك على هذا

الابداع المستمر

الذي يجعل مضيفك من اروع المضايف

دمت بخير

ثانيا ليه ابوك يبي يبيع البقاله

اشوفك توزع

ايه وش اخبار الوظيفه قبلوك

ننسيت اسالك

[سلطـــآن]

يا أخي أنا قايلك منذ مبطي أنك مبدع يا يوسف باشا ..:)

طيب ما فيه جائزة للمركز الأخير ؟؟:)

[((عبدالله بن غيث))]

أقول يحبي لكم يالفلايون ......!
بقيادة الشبث ولجنته الموقرة تبسطونا وتوسعون صدورنا ...!
كلكم مابكم قصور...!


تحياتي لكم

[يـــوسف]

للحينك تهرول يابو عارف :315r:


ماصارت ياخالي والله اني ذالن عليك تضعف حيل تر الضعف الواجد ماهو منتاز :)



وش رايك بصورتي ياخالي :d:

[يـــوسف]

ريتاج تستاهلين كل خير بس دبري واسطتك ولا علمينا كم نسبتك وأبشري بالجائزه :7ayyoh:

[يـــوسف]

حمود الشكر لك يالغالي على مرورك وتواصلك معنا rooose2 <_ وش رايك بالورده ماتحس اني رومنصي :)



حمود ياخي بقالة أبوي أصلا بالغلط فتحه هههههههههههههههههههههههههه

والله ليومك هذا عجزت أعرف هي محل أبو ريالين ولاصيدليه ولا بوفيه ولا بقاله ولا وشو قسمن بالله مدري :za3lan:


أبشرك كل شي زين بس لو أضبط عمري هههههههههههههههههههههههههه



مشكور على هالمرور لبى قلبك

[يـــوسف]

الأبداع حضووووووووووووووووووورك ياسلطان آغا :)


إلا ولك بس انت تبي شي غير عيوني :7ayyoh:


مشكور على المرور ولاتقاطع ترنا نمسكك بحق .

[يـــوسف]

حياك الله يابو غيث مع أنك ماذكرت أسمي وبموضوعي هههههههههههههههههههههههههههههه

بس تمون :hala1:

[ابو ضاري]

خالي يوسف
شكرا لك على هذا

الابداع المستمر لا تنسون الشيبان يالفلاويين ابو عارف وربعه

[ابو عارف]

للحينك تهرول يابو عارف :315r:


ماصارت ياخالي والله اني ذالن عليك تضعف حيل تر الضعف الواجد ماهو منتاز :)



وش رايك بصورتي ياخالي :d:
--------------------------
تصدق في عام جري نزل نصف كيلو كنت 74.50 وأصبحت 74 فقط لكن الوزن الأول كنت متغدي وفي مخباي جوال والثاني جوعان ومخباي فاضي.

الصورة حلوه - روعه - تروع - منتازه ، أكيد هذا أنت ماتعطينن إياه ؟


شكراً لك يالسمي.

[أبوطروق]

متى يجي عقب باتسر

:

[غالب]

وترك من الناس المرشحين بقووووووووووووووووووووووووووووووووووه:thumb :

صاج وألا تمزح ترن طرت من الفرحه صقعت زحل ورجعت من زود الفرحه

[يـــوسف]

أبو ضاري حياك الله يالعزوه ..


والشيبان فوق روسنا ماعليك مكانهم محفوظ :)

شاكر لك هالمرور يالغالي ,,,,

[يـــوسف]

هلا وغلا باأبو عارف ..

حيالله بركة المضايف ..


ماينفع بك أجل تمشيك كل يوم وحالتك حاله ماجاب فايده يبيلك دوره عسكريه عند أبو سلطان :)


تر مافيه زواج ووزنك كذا لا وبعد متغدي ومعك جوال وعقب فاضي ومستانس ان وزنك نازل ههههههههههههههههههههههههه









عز الله أحرجتن بحتسيك عن صورتي والله أني واثق وتوي تأكدت خابر ذوقك :)

[يـــوسف]

أبو طروق ردد ياليل مطولك ههههههههههههههههههههههه
.

.
.
.
.
.

:)

[يـــوسف]

سناعيس تر جوايزنا علوك يعني لاتقعد بعدين تدور الشرهات :)

[السنعوووسيه]

ههههههههههههههههههه

يوسف ياخيي تكفا ابي افوز تكفا لو فزعه ابي افوز قبل سناعيس
وادي احس بأ انتصار 00<<<تشوف الناس وده تفوز وتبي تفوز هههههه

\
|
\

الف مبروك( لشبت)<<ياخي اسموه محطم ههههههه

ودي اسئله سؤال بس مستحيه خخخ

اذا سمح لي ابي اسئله 00واذا ماسمح ابي اكبكب الدلال

ههههههههههههههههه


\
|
يوسف تشكر ياعزوتي علي هالمجهود

[يـــوسف]

حياك الله ياأخت متكيه ...


أبوتس حولتس اليوم إذا هو قريب قولي عشان نهايط قدامه :315r:


أبشري شدي حيلك وإن شاء الله تفوزين بدون واسطه ..




والشبث مافاز إلا غصب ولا مالي نيه أخليه يفوز ولا أصلا كنت بخليه يدخل القائمه :)

[ابو عارف]

هلا وغلا باأبو عارف ..

حيالله بركة المضايف ..


ماينفع بك أجل تمشيك كل يوم وحالتك حاله ماجاب فايده يبيلك دوره عسكريه عند أبو سلطان :)


تر مافيه زواج ووزنك كذا لا وبعد متغدي ومعك جوال وعقب فاضي ومستانس ان وزنك نازل ههههههههههههههههههههههههه









عز الله أحرجتن بحتسيك عن صورتي والله أني واثق وتوي تأكدت خابر ذوقك :)
----------------------------------
أنا الي أسألك لماذا لم تسأل غيري عن صورتك؟

تفادياً للإحراج إطرح السؤال للجميع أفضل.

بالنسبة لي شهادتي فيك مجروحة وإلا قلت صورتك تجنن.

شكراً لك يالسمي المملوح ماعمري شفت واحد إسمه يوسف ماهو حلو.

[يـــوسف]

أنا أقولك شنوح سئلتك ...







لأني ادري بك منت مفشلن وتبي تقولي اي والله أنك أطخم :)




بس غيرك أدري وش يبي يقول طبعا ماهو متكلم بس الزبيريه يبي يصير له وشيش shlwee7





أبو عارف اي والله صدقت ياخي كل واحد اسمه يوسف هلون :)

[منصور الغايب]

ياربع انتم كلكم تحكون واجد .. يعني ماراح تنغلبون ..

المفروض الجايزة ... تكون لاقل واحد يحكي بالفلة :)

[ابو عارف]

أنا أقولك شنوح سئلتك ...







لأني ادري بك منت مفشلن وتبي تقولي اي والله أنك أطخم :)




بس غيرك أدري وش يبي يقول طبعا ماهو متكلم بس الزبيريه يبي يصير له وشيش shlwee7





أبو عارف اي والله صدقت ياخي كل واحد اسمه يوسف هلون :)
--------------------------------
نعم شفت لي واحد من تنزانيا إسمه يوسف خشمه تقل مقعدة سيكل، لكن مملوح سبحان الله .

[منيف الوبيري]

بالواسطه كر الزكرت يبي يفوزون
لأن المشرف يوسف
ولا غيره ماهقوتي أحد يبي يفلح
وخصوصا الشبث وسناعيس

[الشاهري العبيدي]

جينا وتوهقنا


الله اكبر يالفلة......ما امداني اصفط بالمواقف الخارجية لفلتكم الا وانواع التشريك......

نطام امسك لك واقطع لي :)


تم ارسال نداء استغاثة على اللاسلكي الخاص للعام .......

تراكم جبتوها لانفسكم يا فلاويين



اسعد الله صدوركم ووسع خواطركم وابعد عنكم البخل واهله ومستشاريه :)

[يـــوسف]

شفت يابو عارف ان كل واحد اسمه يوسف هلون خشته :)


خالي منيف كنك داري ههههههههههههههههههههههههههههههه


والله ياسناعيس مايشمه مني الا تسان الشبث يبي يفزع له بكيفهم اما ريال يموت بسناعيس يعني يرشحه وهو مغمض :)

[يـــوسف]

هلا والله بواسطتي :)



الشاهر العبيدي منو اللي تكلم عليك :148r:



انت وياه لحد يقول للواسطه شي هههههههههههههههههههههههههه



الشاهر ماعليك وسع صدرك ولا تعلم أهل العام يقولون عندكم لكم ضرنط (دب ) لو يفطر على حدينا ذبحه عاد حنا خلقه مافيه اجسام بس روس وعيون ورجلين بدون عامود فقري :)







أسمنا وأطولنا سناعيس ومن زين الطبايع ينام بله مقلمه :)