نكبات ابوفسحه 2008 الحق ياماتلحق ..!!

[ريال الفسحه]

\



شنقل :- كائن حي يتنفس مع اذنه ينام بالنهار كائن ذو نشاط ليلي
ينشط ويتكاثر بالاماكن اللي يوجد به رز متموس ودهن :)


ابوعارف :- اسمه الحقيق ايمن الصوافطه اردني اصلع يمتهن وظيفة
التدريس الخصوصي خارج ساعات العمل الاضافيه يعمل بشركة نادك
تحت مسمى حلاب بقر :)



الشبث :- كاشن حي لايعرف وجهه من علابيه يتميز بوجود عين واحده اعلى
الجبهه يتميز بالقراده المعروفه وسمعته بهالقراده معروفه لدى جميع مناطق المملكه
وماقرد من يخاوي هالولد :)




بما اني اعرف الشبث يامعرفت الندامه صرت مقرود والا قسم بالله اني اول احسن
واحد بالحاره وحظي حلو زي العسل بس مادري وش اللي خلاوه مثل الحنظل* :)





مواقف 2008 على غرار سناعيس الفين وثمانيه الي يرسل لي صور على الخاص
تفضخ القلب وتخرع :(




اول ماترسمت باول عام 2008 جانا احد الرؤسا وسلم على الشباب وسلم علي يبي يتعرف
بما اني جديد قال معاك فلان الفلان قلت معاك سلمان الشمري قال ونعم وسلام وسوالف قال
والله لي الشرف الي تعرفت عليك




ابرد له الجميل وابقول لنا الشرف







قلت الشرف والله لك :(



والله لايوريكم به ناس تحب الشماته تصدقون مابه احد ماضحك علي هكاليوم وليومكم
هذا وانا اعير به ياعله مايفيد هو وسلامه :055r:



من عقبه كل ماشفن يشر من بعيد ويقول لنا الشرف :)



\



قبل اسبوع تقريبا واحد مسوي حفل تخرج متخرج ملازم وحاظرين الحفل جماعته
واهله راح ابوفسحه مسوي راعي واجب:d: وياليتن ماحظرت



جيتهم العصير واسلم على عمامه وخواله عاد به شايب من عمامه سلمت عليه اول واحد
ومن كثر الي سلمت عليهم نسيت الي سلمت عليه من الي ماسلمت عليه يعني عادي اسلم
على الواحد اربع مرات :)


عاد هالشايب سلمت عليه اول مادخلت وجيت ابطلع نبي نروح لمكان الحفل ويصادفن
الشايب عند الباب وامد يدي ابسلم عليه وهو مانتبه واقعد بوسط الحوش متسمر ومادن
يدي :ezpi_blus



الله لايوريكم مابوه لاشايب ولا وغد ماتبطح بالحوش وضحك :wallah_hoo:




بس ذيبكم ذييييب :315r:



يوم حظرت الغدا من باتسر والقا الشايب من ضمن الجالسين وامر واسلم عليهم كان قدامي رجال
يسلم على الناس ويوم جيت الشايب قلت بما انه شطفن ومسلم علي اكيد يبي يشطفن فخلك ذيب يابوفسحه
واشطفه انت :) والله وانقزه وهو يمد يده وانا افغر بالمجلس اضحك :) وهو يضحك



وقمط وجهي يما غدا تقل لقمه :)



وحده بوحده يالشايب والله ما اخلييييييك :055r:




عاد الي يخبر شي لايذخره انا تذكرت هالي صارن بهاليومين وان تذكرت شي
سدحته لكم




صوره مع التحيه لاخو سعدى اللي يتعشى الصفره :)

[الشبث]

جاي لك يالمروح



هين




لي رجعه




واعتبر عندك مخالفه



وتقلد تحيتي

[الشبث]

ياربي لا تبلانا










الله من القراده





ياشين ارحم هالشويب هههههههههه







سلمانووووووووووووووه






الله لا يبلانا بالله شلون صابر على هاللون ههههههههه





حسبي الله على بليسك







وتقلد تحيتي

[قمر اللــيل]

\




شنقل :- كائن حي يتنفس مع اذنه ينام بالنهار كائن ذو نشاط ليلي
ينشط ويتكاثر بالاماكن اللي يوجد به رز متموس ودهن :)


ابوعارف :- اسمه الحقيق ايمن الصوافطه اردني اصلع يمتهن وظيفة
التدريس الخصوصي خارج ساعات العمل الاضافيه يعمل بشركة نادك
تحت مسمى حلاب بقر :)



الشبث :- كاشن حي لايعرف وجهه من علابيه يتميز بوجود عين واحده اعلى
الجبهه يتميز بالقراده المعروفه وسمعته بهالقراده معروفه لدى جميع مناطق المملكه
وماقرد من يخاوي هالولد :)




بما اني اعرف الشبث يامعرفت الندامه صرت مقرود والا قسم بالله اني اول احسن
واحد بالحاره وحظي حلو زي العسل بس مادري وش اللي خلاوه مثل الحنظل* :)








اجل ماراح نتعرف على حد ياريال <<<<


والله لايوريكم به ناس تحب الشماته تصدقون مابه احد ماضحك علي هكاليوم وليومكم
هذا وانا اعير به ياعله مايفيد هو وسلامه :055r:



من عقبه كل ماشفن يشر من بعيد ويقول لنا الشرف :)






ويوم جيت الشايب قلت بما انه شطفن ومسلم علي اكيد يبي يشطفن فخلك ذيب يابوفسحه
واشطفه انت :) والله وانقزه وهو يمد يده وانا افغر بالمجلس اضحك :) وهو يضحك
احسن شي سويته وحده بوحده
هههههههههههههههههههههه


وقمط وجهي يما غدا تقل لقمه :)



وحده بوحده يالشايب والله ما اخلييييييك :055r:




عاد الي يخبر شي لايذخره انا تذكرت هالي صارن بهاليومين وان تذكرت شي
سدحته لكم





سلمت يمناك بس عسى ربي لايبلانا مثل هالمواقف

شكـــــــــراً لكـً

[أبوطروق]

(إذا بليتم فاستتروا) وانت الله لايبلانا يابوفسحة قاعد تفضح بنفسك!!!

ليه هاللون كصمت وجيهنا
الحين الناس يقولون اللي هذا مشرفهم وشلون هم


والله ياعندي مواااااااقف بس مستحي اقولهن (إلا تسانك تدخلن بوجهك عن الشماتة)

:

[شنقل]

هين هين يابوفسحه


اجل اتنفس معي اذني:)



على فكره انا مدمنshlwee7مصالي


اما اللي يتعشوووون الصفره:) هههههههههههايلي

[ريم شمر]

اما سوالف السلام هذي تجيب الماغص :)

خذ هالسالفه بس لاتعلم بها احد لأنها تفشل :puzzled:

والى الحين كل ماشفت اللي صارت لي معهم سويت نفسي ماعرفهم :wallah_hoo:


يوم اني باول ثانوي جتنا حرمه وبنتها يخطبون لولدهم

غصبتني امي ادخل اسلم عليهم على اساس يشوفوني

دخلت بسرعه وانا مرتبكه

مديت يدي للعجوز من بعيد وصافحتها باطراف اصابعي

ومسكت راس البنت ومطخته وفكني الله ماحبيت يدها :)

تشابكت الاسلاك عندي وماعاد ميزت العجوز من البنت :a:

والمشكله اني ضحكت على روحي واخت المعرس فطست من الضحك علي

وبعدها ماشافوا الا غباري :d:




تسلم ياريال مع ان موضوعك هذا رجع لي ذكريات ماصدقت انساها n)

[ابو عارف]

ابوعارف :- اسمه الحقيق ايمن الصوافطه اردني اصلع يمتهن وظيفة
التدريس الخصوصي خارج ساعات العمل الاضافيه يعمل بشركة نادك
تحت مسمى حلاب بقر :)
----------------------


أشواء الي ماهو الظواهري


مرة سألت زميل عمل عن أحد الشيبان قال يطلبك البيحه توفي قلت متى قال توه قبل شهر تقريباً
قلت إنا لله وإنا إليه راجعون قلت تخاويني نروح نعزي إبنه فلان بالمركز الفلاني حولنا ونرجع؟


قال نعم ركبنا وصلنا سلام عليكم السلام هلا ابو عارف هلا فلان أحسن ألله عزاك بالوالد الله يرحمه والله مادريت إلا من زميلي فلان مشوين ومن هالكلام طلعنا من جو الموضوع وجلسنا نتقهواء من قهوة جاهزه وأحب الرجال أن يجدد القهوة ويشب النار من جديد وحنا عجلين.


قلت لا تشب النار يافلان ترانا مستعجلين ورانا شغل لكن شكل الرجال يبي يجدد قهوته بنا وبغيرنا جازم وخويي عجل شوين وهوينقز يبي يأخذ الحطب من على النا ويحلف قال لاتشب النار يافلان جعل ابوك للنار يبي يقول الجنة وغلط.
إرتبش وإعتذر وإلى اليوم كل ماطرت علينا هكالتعزية ضحكنا.

شكراً ياخالي يمال الجنة البارده

[حمـود]

ريال الله يبالنا

مبدع والله يا ريال

من متى ما شفنا موضوع لك

دمت بخير

وسلمت من القرادة

[غالب]

أتريك حصني أقصد ذيب:) أووووووووو مياووووو واووووو واووووو مياوو مييياو :puzzled:

[يـــوسف]

هذا عرس ماهو حفل :)


الله العالم ماتخرج بجماعتهم كله إلا هالوغد ومستانسين بوه هههههههههههههههههههههه


الله يوفقه إن شاء الله ياخي شي اللي يتخرجون جدد بعضهم يحلق الشنب يبيه يطلع بسرعه ذال :)







هذا مره بعشاء وجالس بجنب عمن لي المهم جا رجال وهم يقومون الرجال وأنا أقوم أبي أسلم راعي واجب :)


سلم على عمي وانا عقب عمي بالضبط وأمد يدي وهو يسحب علي خامس ومن الفشله دنيته خليله يما صفىا راسي :za3lan:

[اخو سعدى]

ريال فسحه ..

يمدحون المنغووووز ...هههههههه

طرى على المنغوووول ..

ياتسبدي ..

[فتى البيداء]

الله يعافيك ريال الفسحة أنا كل ما تولجت ابوعارف انبسط وابوعارف ماشاالله عليه أريحي وديمقراطي يعطي الواحد مساحة لتعليق .

حصلي موقف قريب لما حصلك وهو : بالكلية وأنا جالس قدام بالصف الأول والدكتور قاعد يشرح ومير أجيك وعطس الأوله والدكتور يوقف الشرح وتصير القاعة هادية وعطس الثانية قال الدكتور : يرحمك الله ....

قلت أنا : وعليكم السلام طبعاً الطلاب كلهم مسكتين ما به الا أنا أعاطس يوم أنفجروا من الضحك والدكتور كل ماجاء يبي يكمل شرحه ينفجر من الضحك . وراحت المحاضرة كله ضحك .
ودمت بخير .

[منصور الغايب]

هلا بريال ..

وخوذ هالسالفة .. <<< اخس يابو خوذة :)

واحد من الشباب به عادة لاشاف شايب كبير حب خشمه ..

مرة من المرات .. جاء يبي يحب شايب على خشمه .. الشايب استحى وهو طويل شوي رفع خشمه فوق وصاحبنا الله يهيديه جاي منطلق ماهدى .. مطق الشايب على حلقه .. :)


ياروحي .. ذكرن بالافلام المصرية ... :)


وعاد الباقي مايبيله توصيف .. هات ياضحك .. وكل مطقة وانت بخير :)

[عجايب بنت الشايب]

هههههههههههههههههههههههههههههههههههههههه هههههههههههه


شيء الوصف الأنساني البشري









ياويلي سالفة زلات اللسان مشكله



انا طال عمرك



احجب الاقتباس

مثلاً


منوره ... الله ينور حياتك


حلو ... الله يحلي ايامك






فمره


مع الانفعال وتبادل الالفاظ


قالت رووووعه قلت الله يروع حياتك





وتحسبوني تأدبت


لا




مره قالت جنان

قلت الله يجنن حياتك





:)




وصارت عياره فينا



نخبص هاللون







ولاهنت




ايه مره رحت اعزي قلت عظم الله اجركم ويرحم ميتكم مايشوف شر ..:(



لاحول ولا قوة الا بالله







ريال لاهنت على هيك سوالف




طحياتي ........,,

[بالمختصر..]

هههههههههههههههههههههه

فيه عجوز من جماعتنا بنته مدرسه وعازمتن خوياته المدرسات بالبيت

وطبعاً العجوز هاذي معرووووفه بالتخبص بالكلام :d:

وبنته محذرته قبل لايجن عشان ماتفشل ..

بس بالصدفه دق الجرس وهي كانت قريبه من الباب وقالت ابي افتحوه بس ..

فتحت الباب و تهلي بالحرمه وجايه من اقصاه ..

بس جابت العييييد .. كانت تبي تقول : زارتنا البركه و قالت : زارتنا البقـره :d:




.
.

[مروان الشمالي]

ههههههههههه

اما سالفعه الشويب تضحتس

[حياة الورد]

هههههههههههههههه
حللللللللللوه سوالفكم...
طيب اسمعوا سالفتي
انا انسانه <<<<صادقه والله
المهم انا ماعرف اقول كلام الحريم
يعني الكلمه ووش يردون عليها
انا ماعرف لها
عجزت احفظ نظري
بس اذا جت الصمايل وجا العملي ضيعت وش اقول
مره اسلم على وحده وتقول ان ابوها تعبان
بمثل هالوضع المفروض ادعي له
انا ماباقي كلمه في بالي ماقلتها
الله يشفيه..يقوم لكم بالسلامه..مايشوف شر..الشر مايجيه ان شالله
يعني اقول الكلمه ومعها الرد
الحرمه طارت عيونها
كنها تقول وخرو ذا اللي ماتدري وش تقول عني
وهي توهقت ماباقي كلمه تردها لي
يوم شفت المره طايرة عيونها وألف السالفه بسرعه
<<توها تستوعب...
ماله داعي تقعد تدرسني وش اقول
يكفي هالفشيله
وعقبال ما احفظ حكي الحريم ..

تشكرااااااات

[مشعل السوقي]

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

ان اول مرة ادخل منتديات وما اعرف شيء بالسوالف وماقول الا الله لايبلينا بالاحراجات هذي
الي مثل ماطاح به اخونا ريال الفسحة وغيرة منكم ومن الي خارج المنتداء وبذات انا

قبل مدة مسوي فيها رزة في قصر بعرعر وجالس في راس الجلس عند ابوي ودخل رجال وعرفو به اهل العرس الي هم عمامي فقامو اللاجال الي في المجلس فسلم عليهم وعندما جاء الدور علي مديت يدي من بعيد عندما وصل الي ديور مع دربة وضليت انا واقف وماد يدي فضحك الي حولي وجلست وصار وجهي تقل مقسول بمرقة وضليت جالس والي يجي يسلم اقوم وانا خايف يشطفن وجهي قالب ودعولي ان الله يفكن من السوالف وهل الاحراجات .......


واشكركم من كل قلبي
واسلام عليكم ورحمت الله وبركاته
................