تعال شف ضب بثلاث رؤوس وعكرتين [الأرشيف]

مشاهدة النسخة كاملة : تعال شف ضب بثلاث رؤوس وعكرتين

ابو عارف

24-06-2008, 15:26

خطـــــــــــــــــــــــــــــــــــأ

إنك تروح للمسجد بقميص نوم بينما تروح لربعك بثوب مكوي وطيب يشق الخشم

خطـــــــــــــــــــــــــــــــــــأ

إنك تتصل على ربعك كل يوم وعادي تقعد معه نصف ساعة أو أكثر بينما عمك

أوخالك أو عمتك أو خالتك لهم شهور ماسمعوا صوتك !!! من زينك أنت وصوتك

خطـــــــــــــــــــــــــــــــــــأ

إن الواحد يضبط ساعته على الدوام بينما صلاة الفجر مايدري متى وقت

أذانها !!!

خطـــــــــــــــــــــــــــــــــــأ

إن الواحد يشتري الأغاني بالشيء الفلاني ويسمعها بينما مستحيل يشتري

شريط إسلامي ولو بمبلغ زهيد ولو يهديه واحد شريط إسلامي سجل عليه بابا فين

خطـــــــــــــــــــــــــــــــــــأ

ان الواحد يقعد على التلفون ساعه وصلاته دقيقه

خطـــــــــــــــــــــــــــــــــــأ

انك تحصل واحد يحترم الناس كلها الا امه او ابوه تلقاه يكلمهم بطرف خشمه

خطـــــــــــــــــــــــــــــــــــأ

انك تشتري كل اللي نفسك فيه ويوم يجي طاري الحج او العمره قلت انا ما

عندي فلوس وانا غير مقتد ر

خطـــــــــــــــــــــــــــــــــــأ

انك تكون جالس وتسمع الاذان ومن بعدها الاقامه وانت مكانك وكأنك مثبت

بمليون مسمار على كرسييك

خطـــــــــــــــــــــــــــــــــــأ

لما تشوف واحد في الشارع وتستصغره ولا تسلم عليه

خطـــــــــــــــــــــــــــــــــــأ

اذا شفت صديقك في ورطه ولاتساعده وانت قادر على مساعدتة

خطـــــــــــــــــــــــــــــــــــأ

اذا قدم لك صديقك خدمه وأنكرت فضله عليك

خطـــــــــــــــــــــــــــــــــــأ

انك تحط سيارتك عند باب جارك ..وعندك مكان ابعد شوي

خطـــــــــــــــــــــــــــــــــــأ

لما تجلس بمكان عام تتقهوى انت وعيالك..وتقومون وزبايلكم وراكم
مع ان صندوق الزباله حولك...

خطـــــــــــــــــــــــــــــــــــأ

انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسؤولية إهمالك

خطـــــــــــــــــــــــــــــــــــأ

عندما نسهرساعه على النت ولانصلي لو ركعة لله

خطـــــــــــــــــــــــــــــــــــأ

أنه مانشوف القرآن إلا من الجمعه للجمعة علشان سورة الكهف

هذا اذا كنت تقراها
لاضب ولاشيء أبيك تقراء فقط.
ابو عارف

((عبدالله بن غيث))

24-06-2008, 15:39

ونعم والله ببو عارف بيض الله وجهك عز الله نصايح بالصميم بس وين اللي بيسمعهن هالوقت يدافع البلا جدران معظم الشباب يدخل من هنا ويطلع من هنا ...
مير ماقول الا الله يرحمنا برحمته ...
ماتشوف العج جانا والغبرات وشح الأمطار كله عقوبه من الله ...
ياااااااااااادافع البلا ...

ألف شكر تحياتي لبو عارف , ومواضيعه الهادفه بيض الله وجهه..

ابو عارف

24-06-2008, 15:46

أبوطروق

24-06-2008, 15:54

خطأ انك تخليني جاي ادربي راسي ابي اشوف الضب أبو دفرنسين ولا القى لو سحل

(امزح)

الله يعافيك يابوعارف ولا يحرمك اجر ما نقلت

:

ابو عارف

24-06-2008, 17:40

[quote=أبوطروق;611063]خطأ انك تخليني جاي ادربي راسي ابي اشوف الضب أبو دفرنسين ولا القى لو سحل

(امزح)

الله يعافيك يابوعارف ولا يحرمك اجر ما نقلت

:
-----------------------
ولايحرمك أجر ماقراءت يالعشير

شكراً لك ابو طروق

ســــارا الرياض

24-06-2008, 18:02

خطــــــــــــــــــــأ
أن نُعرّج من هُنا ولا نقول لأخينا ابو عارف جزاكـ الله خيراً

ابو عارف

24-06-2008, 23:39

خطــــــــــــــــــــأ
أن نُعرّج من هُنا ولا نقول لأخينا ابو عارف جزاكـ الله خيراً

--------------------------------
شكراً لك كبر الرياض سارا الرياض .

على المرور العذب لاهنتي.

تقبلي تحياتي

يـــوسف

25-06-2008, 08:23

خطــــأ ..

خالي بيض الله وجهك .

كل الشكر لك على هالكلام .

ابو عارف

25-06-2008, 10:06

خطــــأ ..

خالي بيض الله وجهك .

كل الشكر لك على هالكلام .
-----------------------------
ليش خطأ لا حص أقصد صح.

شكراً لك يالبناخي

لوليتا

25-06-2008, 16:54

*
*

ما يطلع من الشايب الا كل خير

حتى لو كان ضب

هههههههههه

بارك الله فيك ابو عارف

وجزيت الخير على النصائح الطيبة والتذكير لمن ينفعه الذكرى

والاجمل عنوانك

سلمت اخى

تحياااتى

*
*

ابو عارف

25-06-2008, 21:02

خطــــأ ..

خالي بيض الله وجهك .

كل الشكر لك على هالكلام .
------------------------------------
ووجهك أبيض يالسمي لاهنت.

شكراً لك.

ابو عارف

25-06-2008, 21:05

*
*

ما يطلع من الشايب الا كل خير

حتى لو كان ضب

هههههههههه

بارك الله فيك ابو عارف

وجزيت الخير على النصائح الطيبة والتذكير لمن ينفعه الذكرى

والاجمل عنوانك

سلمت اخى

تحياااتى

*
*
-----------------------------
الأجمل مرورك لوليتا الرائع لاهنتي
شكراً لك وجزيتي خيراً أخيتي.

ولد غامد

30-06-2008, 04:15

الله يجزاك عنا كل خير