الشبث
24-06-2008, 09:57
الغزل اه من الغزل
والله ياهو يجيب العيد
وينكب المسلم نكب
بس خلونا نخش بالسالفه عرض
زمااااان يوم حنا صغار
كان فيه واحد من الشباب
صديق خاص لي
ومن وجهه تدري ان هالادمي راعي نكبات
وكان عمرنا بهكا الوقت حوالي 12 سنه
المهم بيوم من الايام جاني صديق الفلس وخدوده حمر
ويالله يتنفس
وعيونه طايراتن للسماء
وباله مشغول
وفيه براسه الف موال وموال
ووجهه معنقز ( لا هذي غلط )
المهم ان الرجال ( قصدي الورع ) براسوه علم
قلت يالحبيب وش عندك
قال احب
قلت وشو ؟؟ ( مامرت علي هالكلمه من قبل )
قال انا عاشق
قلت من انت عاشق ؟
قال عاشق مشاعل
قلت مشاعل منهي
قال مشاعل اللي بحارتنا ( يالربع عمره حول 19 )
قلت وشلون عاشقه وانت عمرك 12 وهي 19 اكبر منك وتلعن خامسك بعد
قال ياخي العشق مايعرف لا عمر ولا يعرف شكل
قلت طيب وهي عاشقتك
قال مدري بس اتوقع انه عاشقتن
المهم راحت الايام وجت الايام
والاخ طاح بالزقاير من العشق
وجسمه نحف من الهم ( اعقب والله مهو بسيط ينقل هم بهالعمر )
الوكاد بيوم من الايام كنت جالس بطرف الحاره انتظر صديقي يجي
وكان بالعاده يجيني يمشي مشي ويسحب رجلينه وعيونه للسماء ( كل شوين صافق جدار )
ويوم خذيت شوين
ليمار الاخ جاين طاااااااير وعاضن شليلوه ويراعي وراه
( افا وين المشي الرومنسي وش السالفه )
وهو ياقف عندي له نهيت ويالله يتنفس
قال امش خلنا نهرب
قلت وين نولي جعلك الماحي
وش انت مسوي يافودان
قال خلنا نهرب وبعدين اعلمك
والله وانا اهرب معه ( مباري العريس )
ويوم وصلنا لمكان امن
قلت وش السالفه
قال ياشبيثان جبت اليد
قلت وش سويت
قال امس جاني اخو مشاعل الصغير
وقالي ابي الفيديو حقكم
وسألته مين يبي الفيديو ؟
وقالي اختي مشاعل
وقلت خلاص رح وبعد عشر دقايق تعال
ورحت سجلت شريط بالمسجل وتكلمت فيه
قلت ياخي وش قلت
قال قلت مشاعل انا احبسسسس
واموت فيسسسس
وكل كلمه رومنسيه بهالكون قلته
قلت الله لايوفأأأأأأأأأأأأأأأأأأأأأأأأأأأأأك
الله لا يربحك
قلت ايوه وبعدين
قال وعقب ربع ساعه جاني اخوه وعطيته الفيديو
واعطيته الشريط وقلت هذا عطه اختك مشاعل
واخذه البزر وراح
قلت كلام كويس ولا فيه اي اضرار جسدي ولا اضرار ماديه
وبعدين وش صار
قال
( بدت تنزل اول دمعه من صديقي )
واليوم عقب صلاة العصر
جاء ابوي ومعه ابو مشاعل وجلسو بالديوانيه
وانا كنت اقهويهم
وقالي ابو مشاعل رح جب مسجل
ورحت ركض وجبت مسجل ( نسى سالفة الشريط )
يقول وهو يطلع شريط من جيبه
قال يابو فلان ابيك تسمع هالشريط ( خوينا يحسبه جلسه )
المهم
وهو يشغل المسجل
يقول خوينا
انا كنت لاهي بالدله اول ماشغل المسجل
واول ماسمعت الصوت وانا ارفع اسي واراعي
ليمار هذا انا اسولف ( ياويلوه راح فيها )
يقول ابوي قام يدقق بالصوت
وانا ادعي يارب ما يعرف الصوت
قال ابو مشاعل
هاه يابو فلان عرفت هاللي يسولف
قال ابوه لا والله ماعرفتوه
بس الله العالم انوه من هالمتمردين الدشير
قال ابو مشاعل
لا يابو فلان هذا ولدك هذا ( الله يهديه جابها كاش بدون تلميح )
يقول بعد كذا بدة حلقه جديده من المصارعه الحره بالديوانيه
ومن طرف واحد للأسف
ويالله اخلص عمري من براثن الوالد
وهذي سالفتي
قلت طيب
للحين عاشق مشاعل
قال يابوي مشاعل مين والناس نايمين
ارحمنا خلاص توووووووووبه
عشق من جنب القده
وتقلدوا تحيتي
والله ياهو يجيب العيد
وينكب المسلم نكب
بس خلونا نخش بالسالفه عرض
زمااااان يوم حنا صغار
كان فيه واحد من الشباب
صديق خاص لي
ومن وجهه تدري ان هالادمي راعي نكبات
وكان عمرنا بهكا الوقت حوالي 12 سنه
المهم بيوم من الايام جاني صديق الفلس وخدوده حمر
ويالله يتنفس
وعيونه طايراتن للسماء
وباله مشغول
وفيه براسه الف موال وموال
ووجهه معنقز ( لا هذي غلط )
المهم ان الرجال ( قصدي الورع ) براسوه علم
قلت يالحبيب وش عندك
قال احب
قلت وشو ؟؟ ( مامرت علي هالكلمه من قبل )
قال انا عاشق
قلت من انت عاشق ؟
قال عاشق مشاعل
قلت مشاعل منهي
قال مشاعل اللي بحارتنا ( يالربع عمره حول 19 )
قلت وشلون عاشقه وانت عمرك 12 وهي 19 اكبر منك وتلعن خامسك بعد
قال ياخي العشق مايعرف لا عمر ولا يعرف شكل
قلت طيب وهي عاشقتك
قال مدري بس اتوقع انه عاشقتن
المهم راحت الايام وجت الايام
والاخ طاح بالزقاير من العشق
وجسمه نحف من الهم ( اعقب والله مهو بسيط ينقل هم بهالعمر )
الوكاد بيوم من الايام كنت جالس بطرف الحاره انتظر صديقي يجي
وكان بالعاده يجيني يمشي مشي ويسحب رجلينه وعيونه للسماء ( كل شوين صافق جدار )
ويوم خذيت شوين
ليمار الاخ جاين طاااااااير وعاضن شليلوه ويراعي وراه
( افا وين المشي الرومنسي وش السالفه )
وهو ياقف عندي له نهيت ويالله يتنفس
قال امش خلنا نهرب
قلت وين نولي جعلك الماحي
وش انت مسوي يافودان
قال خلنا نهرب وبعدين اعلمك
والله وانا اهرب معه ( مباري العريس )
ويوم وصلنا لمكان امن
قلت وش السالفه
قال ياشبيثان جبت اليد
قلت وش سويت
قال امس جاني اخو مشاعل الصغير
وقالي ابي الفيديو حقكم
وسألته مين يبي الفيديو ؟
وقالي اختي مشاعل
وقلت خلاص رح وبعد عشر دقايق تعال
ورحت سجلت شريط بالمسجل وتكلمت فيه
قلت ياخي وش قلت
قال قلت مشاعل انا احبسسسس
واموت فيسسسس
وكل كلمه رومنسيه بهالكون قلته
قلت الله لايوفأأأأأأأأأأأأأأأأأأأأأأأأأأأأأك
الله لا يربحك
قلت ايوه وبعدين
قال وعقب ربع ساعه جاني اخوه وعطيته الفيديو
واعطيته الشريط وقلت هذا عطه اختك مشاعل
واخذه البزر وراح
قلت كلام كويس ولا فيه اي اضرار جسدي ولا اضرار ماديه
وبعدين وش صار
قال
( بدت تنزل اول دمعه من صديقي )
واليوم عقب صلاة العصر
جاء ابوي ومعه ابو مشاعل وجلسو بالديوانيه
وانا كنت اقهويهم
وقالي ابو مشاعل رح جب مسجل
ورحت ركض وجبت مسجل ( نسى سالفة الشريط )
يقول وهو يطلع شريط من جيبه
قال يابو فلان ابيك تسمع هالشريط ( خوينا يحسبه جلسه )
المهم
وهو يشغل المسجل
يقول خوينا
انا كنت لاهي بالدله اول ماشغل المسجل
واول ماسمعت الصوت وانا ارفع اسي واراعي
ليمار هذا انا اسولف ( ياويلوه راح فيها )
يقول ابوي قام يدقق بالصوت
وانا ادعي يارب ما يعرف الصوت
قال ابو مشاعل
هاه يابو فلان عرفت هاللي يسولف
قال ابوه لا والله ماعرفتوه
بس الله العالم انوه من هالمتمردين الدشير
قال ابو مشاعل
لا يابو فلان هذا ولدك هذا ( الله يهديه جابها كاش بدون تلميح )
يقول بعد كذا بدة حلقه جديده من المصارعه الحره بالديوانيه
ومن طرف واحد للأسف
ويالله اخلص عمري من براثن الوالد
وهذي سالفتي
قلت طيب
للحين عاشق مشاعل
قال يابوي مشاعل مين والناس نايمين
ارحمنا خلاص توووووووووبه
عشق من جنب القده
وتقلدوا تحيتي