قولولي ياناس ويش أعمل بغيت ثوبين وخذوا ثوبي

[ابو عارف]

السلام عليكم ورحمة الله وبركاته

مهما تقدمت بك السن تمر عليك مواقف وتجارب وأحداث غريبه وتقف عاجزاً عن كيفية التعامل معها بالشك الصحيح.

لقد حصل معي موقف من هذا النوع نادر الحدوث وإحتاج إلى مشورة إخواني وأخواتي في مضايف شمر للخروج من هذا المأزق بطريقة سليمية دون سفك دماء.

الذي حصل معي هو الآتي:

لقد عقدت العزم على الإجازة السنوية في منتصف شهر 8/2008 عاد قال الشايب أبي أشخٌص يعني أكشخ على أهل حائل وبداءت رحلة المشتروات الخاصة بالتشخيص نبداء من الحذاء أجلكم الله إلى البشت الملكي وصرت أسأل عن أكثر محلات الخياطة الرجالية سمعة ومهاره .

وقال لي أحد الأصدقاء المستشارين عندك الخياط الفلاني لايفوتك ي أبو عارف يصب الثياب صب ويخليك تطلع ولد ابو عشرين سنه وكان في مدينة تبعد عن مقر عملي 70 كيلاً على قول قول إخواننا المثقفون.

طبعاً فرح الشويب بهالكلام الذي يدغدغ المشاعر ويسر الخاطروركبت سيارتي بعد الدوام ولم تأتي الساعة الخامسة مساءّ إلا وأنا أترزز أمام محل هذا الخياط المنعوت.

طبعاً إلى حد هنا مافيه مشكلة ودار بيننا الحوار البديهي التالي:
سلام عليكم وعليكم السلام أهلاً وسهلاً نعم يالطيب ممكن أخدمك بشيء تفضل ، الله يبارك فيك دام فضلك نعم أنا جايك من طرف فلان يسلم عليك ويثني على شغلك وكان في وده أن يجي معي لكن صار عنده شغل، هههههههههه الله يحييك اهلاً وسهلاً مرة ثانية أنت تأمر ونحن ننفذ.

ياسلام على الأخلاق لقد أخجلتموني بهذه الحفاوة الزائدة الله لايهينكم الإسم الكريم ثابت السقاف عاشت الإسامي يا نقي يعني ناجي جيب لعمك أسمك الله يسلمك ابو عارف جيب لعمك ابو عارف شاي .

قلت لا لا مايحتاج فقط أبيك تفصلي ثوبين إثنين من اطيب الخام عندكم أبشر ياعمي هذا بكم 240 وهذا 300 وهذا 180 طيب أبي من هذا وهذا ولايهمك ياعمي خذ الي تشتهي جليه أكل أخذ الي أشتهي نعم لا لا بس أنا أتكلم فلالي ماهو الفلالي يعني فل الخام وفصل توكل على الله طيب وقف هنا عطني المتر المقاس ياناقي.

ويش تبي نوع الثوب كويتي صعودي أو قطري حقازي طيب شروطك ياعمي أخنا المقاس ـبي أزارير مخفي أو مكشوف مكشوف ، ساده أو كبك ساده وأبي مخبا جوال يسار يسار أو يمين لا يسار هههههههه طيب يسار ليش يسار أنا أشدف أعسم أيسر زين ويش هالتحقيق لابس أنت أول واحد يطلب الجيب يسار معليش.

أوكيه خلاص خلاص كم المقدم كامل المبلغ على شان يمكن ارسل لك واحد يجيبهم طيب ولايهمك ياعمي بس عطنا رقم جوالك نحطه بالحاسب حتى ياجيت مرة ثانيه تعطينا رقم الجوال فقط ونحصل على معلوماتك المقاس وكل شيء ونفصل لك غيابي بالتلفيون كلمنا فقط وأبشر بطلبك دفعت المبلغ وأخذت كرت وصل ومشيت.

للي يبي يضحك أو يأخذ عبره الضحك في الحلقة أو الحلقات الجاية هذه الإتفاقية والمصخرة والمذبحة والملعنة صارت في الملاحق اللاحقة إنتظرونا هذا إذا ماغيرت رأيي وبعتها عليكم بيع كم تدفعون بالحلقة الواحدة هي مسلسل من 12 حلقة كل حلقة صفحتين وعلى الله العوض.

[يـــوسف]

أجل يابو عارف ناوي تعرس :)





تبي تشخص على أهل حايل يحقلك يابو عارف :315r:












ننتظرك يابو عارف ليه لا ننتظرك كم أبو عارف عندنا :)











إحترامي .

[منيف الوبيري]

والله انك شايب فله يابو عارف

,,,,,,,,,,, تحياتي لك !!!!!!

[ابو عارف]

أجل يابو عارف ناوي تعرس :)





تبي تشخص على أهل حايل يحقلك يابو عارف :315r:












ننتظرك يابو عارف ليه لا ننتظرك كم أبو عارف عندنا :)











إحترامي .
------------------------------------

Only one

شكراً على المرور الحلو لاهنت ولايهونون الشرطة و المباحث بعد.

[ابو عارف]

والله انك شايب فله يابو عارف

,,,,,,,,,,, تحياتي لك !!!!!!
----------------------------------
ماعليك زود يامنيف.

شكراً لك لاهنت.

[أبوطروق]

هههههههههههههههههههه منتظرين ولاتبطي علينا

:

[ابو ضاري]

انا منتظرمع ابو طروق ولاتبطي علينا

[ابو عارف]

هههههههههههههههههههه منتظرين ولاتبطي علينا

:
-----------------------------
هلا بالعشير الوزير المشير أبو طروق

مانبطي إن شاء الله تريونا.

شكراً للمرور المنتاز

[ابو عارف]

انا منتظرمع ابو طروق ولاتبطي علينا
---------------------------------
هلا ومرحبا بالقائد البرمائي الضاري11
ابو طروق طلع شجاع هدار.

شكراً لك

[حمــ الموت ـراء]

انا منتظرتك بالمطار مع الشيبان ابو طروق والضاري كككككككككككككك





ياحيي شنوحك تأخذ اجازه اجل ماهو تقول قبل تبي تقاعد ..!! :)

[ابو عارف]

انا منتظرتك بالمطار مع الشيبان ابو طروق والضاري كككككككككككككك





ياحيي شنوحك تأخذ اجازه اجل ماهو تقول قبل تبي تقاعد ..!! :)



------------------------------------
كنت متعشي مرقوق ذيك الليلة وهالحين هونت أبي أموت واقف ماني ميتقاعد يقولون البنات مايبون المتقاعدين لكن هم مايبطون يطردونن ولكن أبي أغير إسمي وأصبغ نفسي وأصغر عمري .


يقلن ماعافه الطير وفيه خير.

شكراً للإنتظار خلاص جايتكم الحلقة الثانية من مسلسل صح النوم.

[ابو عارف]

الحلقة الثانية


السلام عليكم ورحمة الله وبركاته.

دفعت المبلغ وأخذت كرت وصل ومشيت وبعد إسبوع أعطيت الكرت لواح رايح هناك وقلت الله لايهينك مرعلى الخياط وجب ثيابي معك .
عطهم الكرت هذا ويعطونك إياهم وبعد ساعتين كلمني الرجال وقال الجماعة مالقولك إسم ورقم جوالك ماهو باين عندهم بالكمبيوتر، قلت طيب والكرت الي فيه الرقم والإسم والموعد والمبلغ المدفوع وقطع من الثياب ماهو مكفيهم؟

زهمت على الواسطة وقلت شف ربعك هذولاء قلهم يعطون ثيابي لفلان الموجود عندهم إن جيتهم الا يصير شيء ماهو زين قال ويش تبي تسوي قلت أطردهم إلى اليمن وأنا وراهم مثل ظلهم صرت ما إداني الظل هههههههههه ، قال لا يا ابو عارف مالك إلا طيبة الخاطر أبشر هالحين أكلمهم بس خل رفيقك لايروح.

بعد ساعة كلمت المرسال قال لقوهن الله لايبارك فيهم جايك بهم الليلة ويوم جت الساعة 12 ليلاً قال تعالي بالمرور مسكوني مسرع وطلبو علي كفيل، قلت ليه ماكلمتن بدري قال حطوني بالتوقيف ولاسمحوا بالمكالمات إلا هالحين ، قلت جايك وأنا أسري وأجيه الساعة الواحدة ليلاً وأكفله ونجيك والله يوم وصلنا سلمني ثيابي وكملت نومي قبل الفجر.

يوم أذن الفجر طرى علي الحديث الذي يقول البسو زينتكم للصلاة فتناولت أحد الثياب الجدد وكشخت فيه يمار يجر علي متثني بالأرض والإزارير مخفية والرقبة قلاب ومخبى الجوال يمين وكبك قلت بسم الله الرحمن الرحيم أكيد خويي عطاني ثيابه بدل ثيابي وأزهم عليه ترن ترن ترن قم صل ياولد قال ويش فيك مبلشني من اليوم الله يهداك يا ابو عارف ماهي عادتك تزهم علي للصلاة قلت والله إنك صادق لكن قلت حج وحاجه تقوم للصلاة وأبي إعطيك ثيابك وتعطيني ثيابي .

هنا فزوقمز أسمع قمزته قال ماخلصنا ويشن ثيابي وثيابك؟ قلت الثيلب الي أعطيتن ماهن لي ، قال أجل من هله قلت إذا ماهن لك لقريح قال لا ماهن لي أنا ماعندي ثياب جدد ويش بلاك يا ابو عارف ؟ قلت ماوراء بلاي الثياب ماهن لي.

المهم ياليل ما أطولك أصبحت وأزهم على الواسطة قلت الله لايوفق عدوك ويش سويت معك باطل يوم تذكري هالخياط قال ليه قلت أعطاني ثياب بالخطأ فقال أزهله عطني إياهم أرجعهم له وأجيب ثيابك قلت طيب ، عطيتهم الرجال وراح وكلمني من هناك وقال هم ثيابك يارجل ويش بلاك أنت صاحي ههههههههه ، قلت ماني والصحاوة آلايف عطني ثابت قال عندي ناجي قلت أو ناجي عسى ماينجي منه مبط أبره.

قلت ياناجي الثياب مافيهم شيء من الشروط حقي قال يمكن السقاف أخذ الشروط معه لليمن في أقازه والله وأنا أبتسي من القهر قلت للواسطة خلك عندهم جايك وأنا أقوم وآخذ أحسن ثوب عندي وروح لهم قلت خلاص وقع الفاس بالراس بس أضبطلي المقاس على هالثوب مايزيد ولاينقص ملي وباقي المخالفات تمشي الحال فقال رح وتعال بعد ساعة.

والله حاس إنها طالت السالفة ونحتاج إلى حلقة أو حلقتين إنتظرونن.

[شليويح]

متابعين ... يا بو عارف ... استمر .. وماعليك من صلعت ريال :)

[حمـود]

عمي ابو عارف

والله اسالفه يبله اكثر من حلقه

غير النوبه هاليمنيه لا تقربهم

انا صارتلي مثل سالفتك

وزود عليه

الازره ماهم شادينه

وبس ينقطعن وحالتي حاله المشكله اذاك

اليوم انطنخت وفصلت لي اربعه

دمت بخير

[((عبدالله بن غيث))]

أشهد بالله أن خطته بس رح سو لك عملية تجميل عشان لايقاعدونك.....


تميز يابو عارف.

[غالب]

هههههه زريف جديد:3ajeeb: وباالله يوم أنك بغيت تسير على أهل حايل خذن معك ههه :3ajebni:سرع ترن متحمس قاعد أنتظر الجزء الجاي :thumb:

[فتى البيداء]

ابوعارف أجل قم صل ياولد ؟ قالك ماهي عادة تقومن لصلاة ؟ وصارت حج وقضيان حاجة .

خبركم يا الشيبان (ثوب تتروا) وبعد متعرفط ، وش هالشايب المتطور ؟

المهم نحن بإنتظارك ...

[مناكد]

ياعلهن مبروكاتن هالثياب يابو عارف...


أبو عارف من قدك على هالواسطات!!!


واسطه عند الخياط وواسطه عند الرؤساء يطلعونك في منتصف اغسطس!!!
ايه من قدك...


أجل انا الاسبوع اللي فات فصلت لي بدال ويوم جيت ابي اخذهن لقيت الخياط مسكر...

وانتظرته ساعتين ولا فتح وأسال واحدن من جيرانه قال هذا بابا فيه موت!!!
اثريه أبوه ميتن يم الهند والمسكين مافتح الا عقب يومين...



تحياتي...


.

[مصيول]

ههههههههههههههههه

ابو عارف :):) ــــــــــــــــــ لا ويتشبب بعد وش عندنا :):)


وزياره لحايل :) ـــــــــــــــــ يعني لازم تصقعنا بمسيار :) حق وواجب :)

ماش مادحدرت بسوالف الشعب للحين :) ــــــــــــــــــ ثوب مخصر تفصيل على شكل جنز !

مافيه ازرار :) ــــــــــــــــــ سحاب وانت ماشي :)

مخبى فوق يخلف الله :):) <<<<< موضة الوليد بن طلال :)



اقول ابو عارف تعال لحايل وابشر بالخياط :) ــــــــــــــــــ ياخذ المقاسات بس من اول نظره :):)

[ابو عارف]

شليويح الأصلج - حمود الناصر - كحل المحاجر - سناعيس - فتى البيداء - مناكد - مصيول.
---------------------------------

شكراً لمروركم المشرف العذب الجميل الحلو لاهنتوا جميعاً.

خلوني أخلص ثياب الإجازة هالحين من ثابت وناجي ثم أتفرغ للحتسي والعزائم والسوالف الزينة خايف أخذ الإجازة بسروال وفنيلة وبشت بسبب هالواسطة.

[ابو عارف]

الحلقة الثالثة والأخيرة




قلت ياناجي الثياب مافيهم شيء من الشروط طلبت قال يمكن السقاف أخذالشروط معه لليمن في أقازه والله وأنا أبتسي من الغبن والضيم والظلم و القهر قلت للواسطة خلك عنده جايكوأنا أقوم وآخذ أحسن ثوب عندي وروح لهم قلت خلاص وقع الفاس بالراس بس أضبطلي المقاسعلى هالثوب مايزيد ولاينقص ملي وباقي المخالفات تمشي الحال فقال لي رح وتعال وتعال لي قبل المغرب.

جيت قبل المغرب نادى على هندي في محل الخياطة فوق قال قيب ثياب العم ابو عارف جابهم رفيق وأستلمهم ناقي وقال والله ماتشيلهم يا عمي ابو عارف أنا أوصلهم للسيارة وسامحنا ياعمي قلت عساكم زينتوهم قال تمام التمام قلت تمام.

شغلت شيارتي ومشيت وفي منتصف الطريق وقفت لصلاة المغرب ويوم صليت قلت ليه ما أتأكد من مقاس أحد الثياب هنا والله وأنا أخمشهم يمار بس الثوبين الجدد بدون المقاس قلت إنا لله وإنا إليه راجعون على بعد 35 كيلو من الخياط، المهم..... لاتضحكون أو تحسبوني أبالغ في هذه النقطة تحديداً إلا أضحكوا على كيفكم يوم قست الثوب يمار أطول من أول والله إنهم مطولينه بدلاً من أن يقصرونه أنتم هههههههههههه أنا أبتسي هيء هيء هيء.

رجعت ويوم شافن ناقي وقفت قدام المحل وهو يقفل الباب أصلاً ماهي توقيفة صدمت الرصيف ونزلت والسيارة شغالة أفتح يا..... أفتح يا..... أواق علي مع السطح قال ماذا حصل ياعم ابو عارف قلت عمت عيونك واخطف نعلة شاريه أمس بتسعين وأحذفه فيها وهي تمر من عند إذنه وتهف وراه للجيران أنا أشدف وأخمش الثانية بسرعة البرق وأحذفه وهو يروغ ياهي له بالكتف وهو يهف وراه مادري ويش حصله.

خمس دقايق ورجع قال ياعم ابو عارف لقد ضربتني وأوجعتني وأنا مسامحك قلي ويش تبي قلت الثياب طولتوهما زياده بدلاً من أن تقصرونهما الله يعمي قلوبكم والمقاس مازال عندكم وهالحين ويش الحل معك عطني نعولي قال وحده عند الجيرا وحده هذه عندي بالسطح.

قلت وبعدين معك أفتح الباب قال لاياعم ابو عارف أنت زعلان ومنرفز لكن إترك ثيابك عند الباب ورح صل العشاء ورجع تلقاهم جاهزين مع المقاس نعطيكياهم من خلال فتحة المكيف قلت طيب عطني حذياني وأضبط الثياب لاتشوف شيء ماشفته بحياتك يا ابو يمن.

غاب خمس دقائق وأواق مرة ثانيه وحذف علي الحذاء وحدة ضربتني والثانية أخطتني ورحت للمسجد ويوم رجعت بعد الصلاة لم يفتح المحل ومشيت وكتبت لكم هذه المناشدة ويش أعمل مع هالخياط المستهتر؟


شكراً لكم جميعاً والله لايريكم مكروه في عزيز.

[فتى البيداء]

ياه والله يا أنت سالفة أنت وهالخياط ، ابةعارف تصدق مرة خياط بالرياض يقولي ، لا يلعبون عليكم الخياطين

ترى كل ثوب حقه 100 بعد هذا لصار أقماشة فاخر يقول تعال فصل وأي خرقة تبيه رح سعره عند أي خياط وشف بكم يأخذ عليك فلوس ، وأنا أبخذ عليك 90 ريال ، والله وفصل عنده هالك السنة لي غمطة ثياب .

بس أعلمك ابوعارف لدخلت على الخياطين خلك كنك تعرف كل شيء وكنك نحس ، قل ترى لو يتغير لون الخرقة بعد سنة تراي أبرجعة وكذا وكذا من هالرخيص والله أن يجب ما وراء أذانه بالجهده .

[أبوطروق]

هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههه

والله مادري اضحك ولا ابتسي من القهر (اخس يابويمن هو مايدري انك ابوعارف ووراك عشيرك أبوطروق اللي ياكل الزلطة هو وينه محله انت بس دلن عليه وازهله)

معاااااناااااة


مشكووووور يابوعارف خليتن اكركر

:

[ابو عارف]

فتى البيداء - ابو طروق
تسلمون على المتابعة والمساندة والإهتمام الله يحفظكم آمين.

خلاص هونت لا أروح له خايف يشتكيني زهمت على ثابت وقلت وينك قال بصنعاء والمقاس عند ناقي وهو يبي يسافر قريب قلت يارجعت علمني تدري لاترجع أحسن لك أمصع إذنك وتر الثياب حلال على ناجي مقابل ضربة حجاجه.

أبي أشتري ثوب الأصيل جاهز بريال الفسحة وإفتك من هالنشبة.

تقبلوا تحياتي

[بالمختصر..]

هههههههههههههههه

ذكرتن بأبوي لامنوه عصب وحنا بالسوق وقالوه أحد ياعمي

يرد عليه : عمت عينك :)


بس أحسن شي خياطين الكويت ..

هكاليوم أبوي رايح يفصل ثياب ورحت معوه كنت طفشانه :)

فصل ست مدري سبع ثياب مع ثوب نوم وثاني يوم طلعهن




.
.

[يـــوسف]

ابو عارف وانذختك اللي ماتهنيت به هههههههههههههههههههههههههههههههههههههههه ه




تبي مسدس شي ترن حاضر :)





عندي مسدس برازيلي بس مالوه فشق بس هلون أخرع بوه العالم :puzzled:













رجعت ويوم شافن ناقي وقفت قدام المحل وهو يقفل الباب أصلاً ماهي توقيفة صدمت الرصيف ونزلت والسيارة شغالة أفتح يا..... أفتح يا..... أواق علي مع السطح قال ماذا حصل ياعم ابو عارف قلت عمت عيونك واخطف نعلة شاريه أمس بتسعين وأحذفه فيها وهي تمر من عند إذنه وتهف وراه للجيران أنا أشدف وأخمش الثانية بسرعة البرق وأحذفه وهو يروغ ياهي له بالكتف وهو يهف وراه مادري ويش حصله.









هههههههههههههههههههههههههههههههههههههههه ههههههههههههههههههههههههه
هههههههههههههههههههههههههههههههههههههههه ههههههههههههههههههههههههه



حلالاة لو حولك احد ومصورك :solh:






ياملا العافيه ياخالي ولاهنت والله على هالجزء ..






نتحراك لاتبطي :)











إحترامي .

[ابو عارف]

ابو عارف وانذختك اللي ماتهنيت به هههههههههههههههههههههههههههههههههههههههه ه




تبي مسدس شي ترن حاضر :)





عندي مسدس برازيلي بس مالوه فشق بس هلون أخرع بوه العالم :puzzled:



















هههههههههههههههههههههههههههههههههههههههه ههههههههههههههههههههههههه
هههههههههههههههههههههههههههههههههههههههه ههههههههههههههههههههههههه



حلالاة لو حولك احد ومصورك :solh:






ياملا العافيه ياخالي ولاهنت والله على هالجزء ..






نتحراك لاتبطي :)











إحترامي .

----------------------------------
بعد ويش تبون الثياب وعطيتو إياهم مقابل حذفت هالشدفاء .

ابد لاتحرونن إلا إذا فيه عشاء أو شبة بها طق حنك.

شكراً لمرورك الحلو.

[ابو عارف]

هههههههههههههههه

ذكرتن بأبوي لامنوه عصب وحنا بالسوق وقالوه أحد ياعمي

يرد عليه : عمت عينك :)


بس أحسن شي خياطين الكويت ..

هكاليوم أبوي رايح يفصل ثياب ورحت معوه كنت طفشانه :)

فصل ست مدري سبع ثياب مع ثوب نوم وثاني يوم طلعهن




.
.
-----------------------------------------------
سلميلي عليه وقولي له يكفيه ثلاثة وكل مشروك مبروك كم مقاس ابوك عسى ماهو طويل حيل؟ لا لا مابي شيء كنت أبي أعطيه ثيابي إن طولوهن هالمرة زياده.

شكرا لك بالمختصر

[شليويح]

ههههههههههههههههههه


والله انك يا بو عارف تخوف

[ابو عارف]

ههههههههههههههههههه


والله انك يا بو عارف تخوف
------------------------------------
لا لاتخاف أخوي شلولح الأصلج
تر الموضوع مجرد هذرة مهذري يهذرم.

شكراً لك لاهنت.