مناصب جديده ، وابوثوب بالمستشفى!!

[الأصيل]

السلام عليكم ورحمة الله وبركاته



فعلاً ،،


جزى الله الشدائد كل خير ***عرفت بها عدوي من صديقي!!


خمس سنوات معكم ،،


خمس سنوات ،، كنت أظن إن لي إخوان وأخوات بهالمضايف


خمس سنوات .. شعرت إن لي بيت آخر وعائلة ثانيه !!!


ولكن ،،


ماأكثر الأصحاب حين تعدهم *** لكنهم في النائبات قليل!!!!




ومنذ شهرين ،، تقريباً


ماكتبت حرف واحد بالمضايف


انقطعت بسبب دخولي للمستشفى 3 مرات !!!!


وكان اسمي محفوظ على الكمبيوتر ( تسجيل الدخول )


وكان أخوي يدخل المضايف بين فتره وفتره ،،


هاه يافلان ،، أحد سأل عني ؟ أحد فقدن ؟؟ أحد كز لي رساله !!!؟؟


قال : أبد !!!!!!!!!!!!!!!!!!









أفا ،،


ياحيف !!!!!!!!!!!


يعني وقت الضحك تعرفوني ،، ووقت الغيبه تنسوني ؟؟!!!!








الحقيقه حز في نفسي هذا الأمر ،،


وما كنت أطلب أكثر من رساله ،، يجبر الخاطر ،،


ولكن ،،


لاصار بالدنيا رفيقك يخليك **ما من ورا عوج النصايب رفاقه







والغريب والعجيب والأعجب أن البعض عنده رقم جوالي


ولا كلف على روحه إنه يتصل .. يسأل .. يتطمن ؟؟


ولا كأن بيننا عيش وملح وقعدات ولقاءات ؟؟

















أبو ثوب ،، عسى ماشر ،،


ليه دخلت المستشفى 3 مرات ؟؟


أنا أعلمك ،،


مره زرت واحد من الربع !!!!


ومره ثانيه زرت واحد من جيراني !!:315r:


والمره الثالثه ،، رحت أحط موعد لأمي !!:)




أما صحتي ،، فهي عال العال !!!!!!!!!!!!!!!!!!!!!!!!!!:thumb:
وعين الحسود فيها جذع شجرة سدر:3ajebni:


























ختاماً ..


أشكر كل من لم يسعل عني
( يعني كل أهل المضايف )!!!!!!!!!!:wallah_hoo:


وأشكر من نشد عني ( ماعندك أحد ):za3lan:














ومبرووووووك المنصب الجديد للشبث والربع


وأستسمح المشرف العام إني ماجيت مضيفوه من زماااااااااان:a:






وأما انقطاعي .. فبسبب الغبار وأحوال الطقس















طبعاً ،، كالعاده ،،

التوقيع انلطششششششششش:148r:











وشكرنننننننننننن

[الشبث]

يحذف الموضوع لما فيه من تعدي على شخصي























































تدري ابمشيه لك هالمره ولا تعوده يالدب






انت غالي يابو ثوب



ويعل الله بغلاتك






ولا تقاطع يالمروح




وجزاء لك وردعا لامثالك اول واحد يشررررح انت







ولا تنساااااااا اللي وصيتك بوه







وتقلد تحيتي

[عجايب بنت الشايب]

حجز :)

[((عبدالله بن غيث))]

أبو ثوب سلامتك , ولاتشوف شر , حنا مانبيك تدخل المستشفى حتى لو لمواعيد نبيك دايم سالم أنت وجماعتك...

تحياتي لك وأبشر يومنا عرفناك الساعة المباركة انا والله من أول أسمع بك ولا اشوفك...


لكن هالحين بدبل تسبدك....

تقبل تحياتي
((عبدالله بن غيث))

[هاني العجل]

ويعل الله بغلاتك











إكفششششششششش





ابوثوب ... لا تلومه الرجال مهو منه من هالمنصب الجديد




راجع لك



.

[أبوطروق]

يعني مابينت إلا يوم صار فيه توزيع مناصب

إذا تبي منصب تر خلاص طاروا الشبث والعطاوي بارزاقهم


بعدين تر اخوك تسذوب لاني سألت عنك بالإهدائات



الحمدلله على رجعتك للمضايف ولاتغيب كثير بعدين يفصلونك (عاد وين تلقى منتدى يظفك انت وثوبك)

:

[المطنوخ]

http://www.altanaya.com/vb/member.php?u=3319

[بالمختصر..]

وأنا أشوف اسمك مع المتواجدين

أقول معقوله إنعدمت عندوه الشفايه :)

وكل هالتغييرات ولايشتكي !!

أثاريه خيك ..!!

ماطلع عليك وألا تسان سجل معنا :)


طيب .. الحمدلله على سلامة اللي زرتهم

واللي حجزت لهم موعد :)


وأبشر بالتوقيع .. بس مهو أنا أسويه

بوه مصمم جديد فلته إسموه طلال عندك اياوه :)




.
.

[منصور الغايب]

هلا ابوثوووووب

تو مانورت الفلة <<<< مايشوف أحد غيرك :)

مبطين عنك وعن مواضيعك ..

مع احترامي للجميع ..

لك خلة لا يسدها ... غيرك ..

لا تبطي ياشيخ ..

والعرس 12 / 7 :)

[ريال الفسحه]

والله الفرحه لاتوصف بوجود من هم مثلك ..


وينك ياشييييخ فاقدينك والله




ابوثوووب


لك وحشه يالغالي



ننتظر معلقاتك وغزواتك بفارغ الصبر



:)




ياهلا وغلا

[ريال الفسحه]

http://www.shmmr.net/vb/showthread.php?t=53316 (http://www.shmmr.net/vb/showthread.php?t=53316)

[عجايب بنت الشايب]

اسمع يابو ثوب


ابوي قال لي لاتنشدين عن الرياجيل


وانت رجال


صح ولا لا ؟ :)




1/0




شيء ثاني


شفت .. اني صرت ضيف شرف تقل رجا الجداوي بمسلسل


عجــّزت ..


وصارا لحق لي


2/0





سألت عنك بالسر .. وقالوا ماندري


اطقهم الا يدرون وش اسوي ؟


مايدرون عنك

شكلك حاط بلوتوثك مخفي :)



3/0





ابو ثوب يوم تغيب اجل وانت مالك عذر ليـــه ؟


يوم انك متعافي ولا بك شيء وشو له تغيب ؟



تغلي يعني ؟



تراك مانت غالي .. عين خير

ومن تغلا يخلا...




هاه شف بعيونك القطاوه انحاشت بارزاقها وانت تراعي عويناتك

لامنصب ولا نتيفه ...


ياعوينك ... الرياجيل افلحوا وانت تدربي راسك ..




وينك ؟





ماتستحي

تقول لي خالتن مسويتن لي معروف اسلم عليها >> بدت المنــّه .. :)





قال ايش قال .. انشدوا عني ..

[يـــوسف]

أبو ثوب الحمدلله على السلامه :)





<___ مافهم شي :315r:






أنا ماأعرف رقم جوالك ولاأعرف إيميلك يعني الشرهه على ريال الفسحه اللي مايعلمنا ولايقول لنا ولاتنسى أبو عارف بعد ..

[فتى البيداء]

لا مالهم حق أنهم يخلونك يابوثوب المفروض أنهم يدورون لك أي وظيفة لك في الفلة لو تركب لمباة .

[مروان الشمالي]

أبو ثوب الحمدلله على السلامه :)

وما تشوف شر

[شنقل]

ابوثوب

ماتطلع الا بالعجاج

[ابو عارف]

هلا ابو ثوب الحمد لله على سلامة يالأصيل

انا متعقد من الثياب

ترقبوا القصة الرئيسية عن الثوب يوم الأحد القادم إن شاء الله حسب جدول مشتشار الفلة الجديد ومرجعيتها السيد شبيثان.


حياك الله والله سألنا عنك أنا وخالي ريال سألت عنك في موضوع مستقل وهاوشني ريال يقول ليش تطرح موضوع طارحه خالك ريال قبلك قلت ياويل الخال من حبة خال.



تحية وسلام بالعزوة.

[غالب]

فجعتني ياشيخshlwee7 بس أشوا أني جديد يعني new:thumb: بالفله والمضايف كله:315r:

[ابو ضاري]

أبو ثوب الحمدلله على السلامه

[مناكد]

هلا وغلا بالأصيل...



الحمد لله على سلامة الوصول للمضايف...


مرحبا الف...

.

[الأصيل]

يحذف الموضوع لما فيه من تعدي على شخصي

عساهم يحذفونك من عماره 12 دور ،،

وقبل لاتاصل للقاع ،، تلقى حدرك فراش اسفنجي معبا هوا طوله 20 متر × 20 متر

ولكنك تخطئ الهدف وتقع على جنبك الأيسر على السفلت ثم تصحى من النوم:hala1:


تدري ابمشيه لك هالمره ولا تعوده يالدب



انت غالي يابو ثوب

بالله ؟؟ كم وصل السوم ؟؟:3ajeeb:



ويعلم الله بغلاتك






ولا تقاطع يالمروح


ماعليك زود

وجزاء لك وردعا لامثالك اول واحد يشررررح انت







ولا تنساااااااا اللي وصيتك بوه

صوتت يامسلم ،،:goooood:





وتقلد تحيتي


هلا بك أكثر ،، ومبروك الرقيه عفوا .. الترقيه:mabrook:

وبإذن الله ،، أشوفك مشرف عام:3ajebni:

[الأصيل]

حجز :)


حجز ؟؟ ليه ؟؟!

تذكرة سفر ؟؟ ولاّ .. مباراة هولندا وروسيا ؟؟:)



متعاجزة لاتقول : الحمد لله على سلامتك:a:

[الأصيل]

أبو ثوب سلامتك , ولاتشوف شر , حنا مانبيك تدخل المستشفى حتى لو لمواعيد نبيك دايم سالم أنت وجماعتك...

تحياتي لك وأبشر يومنا عرفناك الساعة المباركة انا والله من أول أسمع بك ولا اشوفك...


لكن هالحين بدبل تسبدك....

تقبل تحياتي
((عبدالله بن غيث))

مايجيك الشر يابعدي

هلا بك يالشاعر

وادبل تسبدي براحتك:3ajebni:





ألا .. منين لك هالتوقيع الزين ؟؟:goooood:

[الأصيل]

هاني العجل ،،

ماني لايموه ،، أدري إن هالمنصب يغير ،،



وتحتي لك ،،

[الأصيل]

البادزين ،، أرد عليكم بعدين

هالحين أبي أتغدا

[منصور الغايب]

عرفنا موعد غداك ..

الساعة 1:13 :)

متى مابغينا طبينا عليك :)

[الأصيل]

يعني مابينت إلا يوم صار فيه توزيع مناصب

إذا تبي منصب تر خلاص طاروا الشبث والعطاوي بارزاقهم


بعدين تر اخوك تسذوب لاني سألت عنك بالإهدائات



الحمدلله على رجعتك للمضايف ولاتغيب كثير بعدين يفصلونك (عاد وين تلقى منتدى يظفك انت وثوبك)

:

ونت صادز ،، وين يلقون مثلي!!:hala1:



الله يسلمك طال عمرك

وأشكرك على سوعالك عني !!!!!:3ajeeb:

[الأصيل]

http://www.altanaya.com/vb/member.php?u=3319


ماقصرت طال عمرك:za3lan:

أشوفك كل يوم مغبرت سيارتك دزدام بيتنا:goooood:




الله يرحمك يالأطنخ

دفنوك حي من يوم قلعوك للمنفى في المضيف الإعلامي:)

[الأصيل]

وأنا أشوف اسمك مع المتواجدين

أقول معقوله إنعدمت عندوه الشفايه :)

وكل هالتغييرات ولايشتكي !!

أثاريه خيك ..!!


شفتي ياخيه؟؟!!:goooood:

ماطلع عليك وألا تسان سجل معنا :)


طيب .. الحمدلله على سلامة اللي زرتهم

واللي حجزت لهم موعد :)
يسلمتس

وأبشر بالتوقيع .. بس مهو أنا أسويه

بوه مصمم جديد فلته إسموه طلال عندك اياوه :)

أها ،، بدت التصريفات:za3lan:


.
.


شكرنننننننننن على الحضور

[الأصيل]

هلا ابوثوووووب

تو مانورت الفلة <<<< مايشوف أحد غيرك :)


ماتنلام:hala1:

مبطين عنك وعن مواضيعك ..

مع احترامي للجميع ..

لك خلة لا يسدها ... غيرك ..


أشكرك يابعدي:315r:

لا تبطي ياشيخ ..

والعرس 12 / 7 :)



مبرووووووووووووووووك وانتبه من العجاج:mabrook:

[الأصيل]

والله الفرحه لاتوصف بوجود من هم مثلك ..


وينك ياشييييخ فاقدينك والله




ابوثوووب


لك وحشه يالغالي



ننتظر معلقاتك وغزواتك بفارغ الصبر



:)




ياهلا وغلا


هلا ريالووووووووووه

القلوب شواهد يابعدي:7ayyoh:

والله إني مشتاء لكووون كتييير كتييير:315r:

وإن شاء الله ماأتأخر عنكم:)

[الأصيل]

اسمع يابو ثوب


ابوي قال لي لاتنشدين عن الرياجيل


وانت رجال


صح ولا لا ؟ :)




1/0


أنا ..

شوفي ،، الصراحه راحه
أنا قبل لاأجيكم كنت رجال ،،

لكن عقب ماجيتكم ،، أحتاج لفحص الجينات

والكروسومات وكريات الدم الشذريه:a:




شيء ثاني


شفت .. اني صرت ضيف شرف تقل رجا الجداوي بمسلسل


عجــّزت ..


وصارا لحق لي


2/0





سألت عنك بالسر .. وقالوا ماندري


اطقهم الا يدرون وش اسوي ؟


مايدرون عنك

شكلك حاط بلوتوثك مخفي :)


ونتي صادزه:thumb:



3/0





ابو ثوب يوم تغيب اجل وانت مالك عذر ليـــه ؟


يوم انك متعافي ولا بك شيء وشو له تغيب ؟



تغلي يعني ؟



تراك مانت غالي .. عين خير

ومن تغلا يخلا...


أحد طلب منتس الغلا يالعجيز؟؟:148r:




هاه شف بعيونك القطاوه انحاشت بارزاقها وانت تراعي عويناتك

لامنصب ولا نتيفه ...


الحال من بعضوه ،، شدعوا إنتي مشرفه عامه:solh:


ياعوينك ... الرياجيل افلحوا وانت تدربي راسك ..




وينك ؟





ماتستحي

تقول لي خالتن مسويتن لي معروف اسلم عليها >> بدت المنــّه .. :)

عز الله صدقتي ،، أنا أشهد إنتس راعية معروف

وياليت لو تعيدينوهroooose





قال ايش قال .. انشدوا عني ..












إعرسي ياخاله إعرسي:315r:

يمكن تعقلين:3ayyen_khair:

أنا أخبر لي ابن حلال ،، لكن ( ولاني معيروه ) عمى

عاد ،، وش لتس بعيونوه ،، أهم شي إنه رجل

وعلى قولت القايل : ظل راجل ولا ظل وايت غنم أبوتس:3ajebni:

[الأصيل]

أبو ثوب الحمدلله على السلامه :)





<___ مافهم شي :315r:






أنا ماأعرف رقم جوالك ولاأعرف إيميلك يعني الشرهه على ريال الفسحه اللي مايعلمنا ولايقول لنا ولاتنسى أبو عارف بعد ..

الله يسلمك يالغالي

ولاأراكم الله مكروها بريال فسحه:goooood:

ومبروووووووووك الإشراف والفال لي:hala1:

[الأصيل]

لا مالهم حق أنهم يخلونك يابوثوب المفروض أنهم يدورون لك أي وظيفة لك في الفلة لو تركب لمباة .


أنا أعرف أركب لمبات

وأعرف أشلع ضروس:315r:

وأعرف أعظ:a:


إذا تحتاجن ،، اتصل نصل:3ajebni:

وشكرنننن يابعدي

[الأصيل]

أبو ثوب الحمدلله على السلامه :)

وما تشوف شر

الله يسلمك يالغالي


ومايجيك الشر طال عمرك

[الأصيل]

ابوثوب

ماتطلع الا بالعجاج


مستانس بتوقيعك ،،:148r:

كم تبيع الجيتي؟؟:7ayyoh:

[الأصيل]

هلا ابو ثوب الحمد لله على سلامة يالأصيل

انا متعقد من الثياب

ترقبوا القصة الرئيسية عن الثوب يوم الأحد القادم إن شاء الله حسب جدول مشتشار الفلة الجديد ومرجعيتها السيد شبيثان.


حياك الله والله سألنا عنك أنا وخالي ريال سألت عنك في موضوع مستقل وهاوشني ريال يقول ليش تطرح موضوع طارحه خالك ريال قبلك قلت ياويل الخال من حبة خال.



تحية وسلام بالعزوة.

تسلم تسلم يابوعارف

غالي ووافي طال عمرك

وعساك ماتفقد غالي



ودير بالك من هالعجز وبعض الشيبان ،،،

[الأصيل]

فجعتني ياشيخshlwee7 بس أشوا أني جديد يعني new:thumb: بالفله والمضايف كله:315r:

لا ،، لازم تتعود على النكبات والتسحيبات :7ayyoh:

والفله مالها أمان:a:

ويسلموووووووووووو

[الأصيل]

أبو ثوب الحمدلله على السلامه



الله يسلمك يابعدي


وشاكر لك مرورك طال عمرك

[الأصيل]

هلا وغلا بالأصيل...



الحمد لله على سلامة الوصول للمضايف...


مرحبا الف...

.
الله يحييك

يخي إنت وينك ،،

هقيت إنك انقرضت مع الدينصورات:7ayyoh:


ومشكوووووووووور على الحضووووووووووووووور

[ريم شمر]

مافقدك الا مضيف الاقتراحات والشكاوي :)





منور يابو ثوب:7ayyoh:

[راعي البيرق]

والله فاقدينك يالأصيل .. أنت ، وثوبك ، والهمزة :)<-- لهلحين يضحك عليه
وفاقدين فن الحرف المبتسم ،، .


لا تطول الغياب طال عمرك .
فوجودك غير كل وجود


خاصة اذا كنت في قسم الشكاوي :)