خالي وغلاه للبنقاليه

[يـــوسف]

السلام عليكم ورحمة الله وبركاته ..


الله لايصبحكم إلا بالخير يالربع ويالربعات ويالاجواد ويالاجوديات ويالمتربين ويالمتربيات بس :)


أول شي نبذه بسيطه عن شخصية اليوم :)


خالي <_ يقرب لأمي يصير أبوه ولد عم جدتي من أمي :)

يعيش ويتكاثر حاليا بمدينة تبوك على حدود غزه .. تخبرون بالجيش وناتفينه هناك يحسبونه جيزاني الشكل يحمس أنه يصير جيزاني :)


مرتن من المرات تقابلنا بالرياض وأنا أتورط بوه جنيته جت علي ويالبناخي ويالبناخي وياصوت لوه بأسمه زعل يقول قلي خالي :148r:

هذا الولد يالربع مايداني يلبس إلا ثياب مخططه لو بعز الصيف تلقاه طاقن الثوب الملون ومخطط تقول دفتر مربعات ..

وتخبرون أخوك يوسف بوه شوي قراده ماهي حيل شوين بس ..


وهو يبلشن إلا توديني لسوق بالرياض معروف يبيع دلال ولواحقه :)

قلت قالو لك يوسف سواق ليموزين عازلن القصه باكستاني وش دراني عن أسواق الرياض تبي سوق حجاب أوديك عاد ماله قلب هو على البراقع ..


وأدق على أخوي التسبير بما أنه بالرياض وخبرة ودايم يدوج قال إيه أدل السوق هذا داخل الرياض قلت جابك الله تعال تعال عند الفلان <_ هذولا اللي قابلت هالنزغه عندهم وليتن ماسيرت عليهم مسوي صلة رحم :)


وهو يجي أخوي ونركب معه وهذا راكبن ورا ومتهول من الشوارع والزحمه بس فاتح فمه ويراعي يمين ويسار تقل حاشي مرتسبينه بله ددسن ...



وحنا نمر من عند المملكه وأنا أدري أنه يبي يجيب العيد خابر أول ماشفتهن صارلي موقف :)



وأراعي للخال يمار لازقتن خشتوه بالقزازه وفاتحن الفم والسبله تدرج والعيون طايره وأنا أتغافله وأصيح عليه وهو ينقز اعوذ بالله ذليت يصير بوه شي احسبوه انسفه :)


وأمحق من صدفه وهو يدق على أخوي صديقه وتخبرون حقين المستشفيات مايروحون لأي مكان لازم مكان ياااااااااااااااي ياربي عشان البرستيج :) <_ يسمع به


ويطلع بالمملكه بالدور الثالث بله مكان شي رايع ريع جدن :)


وأخوي أنحاش وخلاني مع هذا يقول ماني ماشين جنبوه شف ثوبه وشف النعول والعقال مغبر وهذاك المسكين طايراتن عيونه متهول عقب عاد يقولي ياخي احسبن روحي بالجنه ههههههه


وأنا أمشي مع خالي حبيب قلبي وراح أخوي سبقنا وحنا نجي نبي نرتسب اللفت وهو يعيي المروح يركب يقول تبي تذبحن وش هالصندقه :)


وتخبرون العالم واجد هناك وليلة خميس يعني حلها ..


ويالله وبحب الخشوم والكوع وهو يوافق ويركب وهم يركبون معنا عايله رجال وزوجته ومعهم وغدين ..



يوم تحرك اللفت بنا إلا قولت خالي اووووووووووووووووووووووووووووووووووووووو وووويلي ياربي ياربي ارحمن برحمتك والله مااعوده :solh: بس ماادري وشهو مسوي .



والرجال والمره وأنا ذبحنا الضحك والله من كثر الضحك طحت على الارض يالربع تربع خالي وهو يتطلم وهو يحط يديه وحده يمين والثانيه يسار يبي يمسك اللفت ويصيح ويتشهد ..




المهم وصلنا المحل ورحنا وجلسنا عند أخوي وخويه ونا لعانه جلسته معهم :)


عاد تخبرون بنات يجن هناك فاصخاتن الحياء بهن اللي تفك عباته ومطلعتن البرمودا مستانسه تحسب روحه حلوه وهي وزنه صافق الـــ120 كيلو :)


وهن يدخلن هكالشله وهو بوجههن الا قولته ارخو ابوي عوووووووووووذا وهو ينزل راسه ويدق اللطمه :solh:نزيه نزيه خالي وأنا طالعن لوه :)








المهم شربنا عصيرنا وخالي كلا البرتقاله اللي تجي زينه على الكوب وتوكلنا على الله ..







والحين تبدا القصه :)



بتسر أكمله لكم باي ..




























:315r:

وحنا متجهين للسوق وأطول على رابح صقر وهو يقوم يتنكس خالي ويفدع بروحه وأنا أصفق له وأعطيه جوه ..أشوا تقل اعجبته الرياض :)


وهجدنا شوي وقمنا نسولف وهو يسئلن أخوي قال وش صار على قضية البنت والبنقالي سواق الباص دق على فلان خويك اسعله قلت زين ولادقيت صرفته :)


قال خالي وش مسوي البنقالي .. وأنا أجيب له سوالف بنقاليه وأجرامهم وسوو وفعلو يالربع يوم قلب وجه خالي اصفر مائل للخضار ...


شوين وهو يقلب وجهه حمر مائل للزراق ...




شوين وهو يتطلم والعيون حمر والله اني ذليت منه ...



وناصل السوق وخالي على نفس الحاله ...



وننزل وندور لوه دلال يعجبنه يبي يشري لأبوه هديه تصدقون أبوه للحينه حي ...


يقولون مولود قبل أبو الهول بيومين :)



ودخلنا لنا محل كبير ديار به قدور ودلال وكراتين بيض وكل شي بوه ..




وعلى اني خالي ورانا ماخذينا شوي الا قرشت القدور وصياح رجل ..



وحنا نركض يالربع شفت لي منظر للحينه بين عيوني ...










تخيلو ماسكن بنقالي وصافقه بقدر على راسه ويوم طاح البنقالي وهو يركب فوقه ويعض أذنه :)



والبنقالي صغير ماش مامن جسم وحاطن رجليه على بطن خالي ويديه على صدره ويدفه يبيه يوخر عنه وهذاك عاضن اذنه وجه خالي غدا دمتن حمرا اعوذ بالله تقل مصاص دماء ..



يالربع والله اننا نسحبه ويطلع اصوات تخبرون البس (القطو للخكر ) إذا انحشر ويبي يخرعك يطلع صوت صح :) خالي زيه لوه ونين ويتحرك يمين ويسار وعقب يوم فك اذن البنقالي وهو يتمسك بشوشته ونسحبه ويحسب البنقالي يما وصلنا لنص المحل وأنا كل هاللي يصير واحجز ذابحن الضحك ويالله يطلقون البنقالي من يدين خالي ..






وهي تجي الشرطه ويوم جو يبي يركبون خالي يقول للعسكري مابك مر مابك حميا ياحيفك بس تسيف تركبن بالدوريه علشان هالمجرم اللي يغتصب الوغدات ههههههههههههههههههه





والحمدلله كفلناه ودفعنا للبنقالي فلوس ويالله يتنازل .
















آسف على الأطاله ...















إحترامي ..

[ريال الفسحه]

ههههههههههههههههههههههههههههههههههه
هههههههههههههههههههههههههههههههههههههههه ههههههههههههههههههههههههه



مابك مر مابك حميا ياحيفك بس تسيف تركبن بالدوريه علشان هالمجرم اللي يغتصب الوغدات ههههههههههههههههههه

خخخخخخخخخخخخخخخخخخخخخخخخخخخخخخخخخخخخخخخ



آآآه تقطعت جنوبي





يوسف



خالك حفله :)


ماتسلفنا اياه :)

[ضي الحروف]

هههههههههههههههههههههههههههههههههههههههه هه


حرام عليك حشيت راس الرجال لين ما تولى هالمقرود الضعيف

وربي ضحكتن وانا توي قافلة معي >>>قايمة من النووم الأخت

اماااا خالك حفلة من جد

سلفني بعده :)

[الشبث]

اااااااااااااااااااااااااااه



حسبي الله عليك يالدب انت وخالك



ياخي تخيلتن معكم



ياويلي يا هو حفله هالمسلم







بالله عرفن عليه هههههههههه






وتخبرون أخوك يوسف بوه شوي قراده ماهي حيل شوين بس ..



الا كل القراده لك ههههههه



مبدع يا يوسف


وتقلد تحيتي

[حمـود]

هههههههههههههههههههههه


الله يقلع ابليسك


قاعد اقامز من الضحك>>حشا كورة

يوسف خل بعدين اعلق على موضوعك يالله قريتوه من الضحك


اذا خلصت ضاحتس رديت عليك

ههههههههههههههههه
ههههههههههههههههه
ههههههههههههه

[حمـود]

هلا والله بيوسف


والله ان خالك تحف

اما اللفت

بس لو شايفكم

كان تلقون بالجرايد

شاب سعودي يلفت نظر مليون شخص

من كثر الضحك عاد تكون بدايه الشهر

يالله>>حمود ارجع للموضوع

>خلاص


تصدق يوسف ان الطاوله غيرت مكانه من الضحك

لايصير خوينا اذاك اليوم

[زميلي الجوف]

ههههههههههههههههههههههههههه
خالك هذا تحفه بقووووووووه

[غالب]

هههه أشكرك على هالخال اللي طحكنا وياالله مع السلامه:)


:mabrook:مبروك المرتبه ياالخوي:mabrook:roooose

[عجايب بنت الشايب]

لا اله الا الله


هو عضو مواضيعه منا طوووووووولها


كيف عاد وهو مشرف


ياليل التونه



:(



يوسف .. موضوعك يبي له جدوله ويبي نحط لك خانه بجدولة اليوم

يعني


نقوم نغسل نفطر نصلي نتغدى يوسف نصلي العصر قهوة

...............الخ




لي تنكس هنا .. :)



أنطروني ...,,

[بالمختصر..]

هههههههههههههههههههههههه

هههههههههههههههههههههههه

خالي يقول للعسكري مابك مر مابك حميا ياحيفك بس تسيف تركبن بالدوريه علشان هالمجرم اللي يغتصب الوغدات هههههههههههههههههههههههه


قوووويه :)

بس وش بلاكم على البنقاليه . . !!

مو كلهم مجرمين

والله عندنا واحد بمخيم أبوي بنقالي ماعليه كلام

يشتغل قهوتسي ويسقي النخل وينظف

المهم ، هو دايم إذا جت الصلاة يأذن .. ويتوضا أول واحد

لا ويتابع شاعر المليون ويتعلل مع الرجال :)




.
.

[((عبدالله بن غيث))]

أول مررررره اضحك زي هالضحك ياخوي خالك تحفه ذا وينه ذا المفروض تحتفظون فيه بمعهد التراث العالمي....


..
خخخخخخخخخخخخخخخخخخخخخخخخخخخخخخخخ

مشكور أخ يوسف

[يـــوسف]

الأمير الفسحولي ريال الخرده :)



أرحب أرحب ..



اياعله دوم هالضحك بس افطن لروحك لاتنقطع جنوبك تر بوه ناس تبيك :)


لاماعليش ماعليه عروض إيجار هو معروض للبيع تسان تبيه ابشر بس حول لي خمس ريال وأرسله لك بالبريد المستعجل نبي فرقاه :)

[يـــوسف]

أبو ماجد لايسمعك وأنت تقول عن حفله اقسم بالله مااضمنه يمكن يسوي شي ههههههههههههههه






يحسب الحفله شي وصخ :)



ابشر ابعرفك عليه بس خلن أنقرد وأقابله ومالك الا رجال يجيبه لك ههههههههههههه




حرام عليك ماني مقرود يابو ماجد .. ودي اقول للشباب سالفتي بالبنك اليوم يالشبث وش رايك :)

أحترامي .

[يـــوسف]

حمود اسكت بلا فضايح ههههههههههههههههههههههههههههههههه




لاماهو أنت شفت خشته بس متعوب عليها ياولد :)


هذاك سوالفه فضايح وعلوم ماتنقال بهذا ... تخبر اللي قلت لك حشروه الهيئه بصندوق متر بمتر هذاك هو :)






ياعله دوم الضحك يابو ناصر وجعل ايامك كله ضحك ووناسه وياعلك تعرس على لك وحدتن زي جنوب هياء الشعيبي :)







أحترامي ..

[يـــوسف]

خاله أذكري ربتس تكفين ههههههههههههههههههههههههههههههههههه



نتحراك .







أحترامي .

[يـــوسف]

سناعيس ياصغير خطك والله ماشفتك يالعزوه هههههههههههههههههههههههههههههههه




تسان تبي خالي ادخل بالسحب عليه مع ريال الفسحه والشبث :)









إحترامي يابو شدوق .

[يـــوسف]

بالمختصر هم منتازين ماعليهم بس إذا نوو يجرمون والله لو هو مفتيهم يخربه هههههههههههههههههههههههههههههههههههههههه ههههههههههه



أنتبهي يابالمحتصر ياويلتس :)




أحترامي .

[يـــوسف]

كحل المحاجر ياعله دوم الضحك ..







انتبه لاتقول متحق ومامتحف تر ريال الفسحه مايداني عليه هههههههههههههههههههههههههههههههه








أحترامي

[فتى البيداء]

يوسف موضوعك شيق استمر (انتبه لا يدخل خالك النت ويدري بسبك له ).

[منيف الوبيري]

يوسف انت وخالك ,, أبو التنسيم

بس خالك شكلة حفلة بدون كيك ,,,,,,,,,,,,,,,,,

[يـــوسف]

أخوي الغالي فتى البيداء حياك الله وزدت موضوعي نور بمرورك ...<___ أسلوب :)


فتى البيداء هالموضوع بس علشان تعرف أن الأشراف مايغيرنا ولا ياخذنا من كتابة المواضيع :)

وخالي ياخوفي عقب روحته لتبوك يصير راعي نت وأتورط بوه لو يدخل بهذا ياشيخ تصير علوم هههههههههههههههههههههههه







أشكرك على المرور وعلى كلامك بموضوع المشرف يالغالي وإن شاء الله ماتشوف مننا إلا كل مايسرك ويرضيك أنت ورواد الفلة ..







إحترامي .

[يـــوسف]

هلا بخالي الوبيري أرحب أرحب :)



أجل بدون كيك هآه ههههههههههههههههههههههههههههههههههههه



لو يسمعك تقول هلون يحسبك تتكلم بشرفه ههههههههههههههههههههههههه



أشكرك على المرور ياخالي ولاهنت ..




إحترامي .

[شنقل]

خذ عمي وعطن خالك

[يـــوسف]

والله يالربع ردين وأختفن واشيب عيني بس :wallah_hoo:



شنقل انت رديت على الموضوع عقب ردودي على منيف وراعي صح ... تكفى قل إيه لاأبتسي :)

[يـــوسف]

شنقل خل عمك تحتاجونه يعني شلون تصيرون بدون عم مايصير ...




أبد خالي شارك بالسحب عليه شف الكوبونات توزع عند الشبث أكشط وأربح أنت وحظك :)







أحترامي .

[فتى البيداء]

أخوي الغالي فتى البيداء حياك الله وزدت موضوعي نور بمرورك ...<___ أسلوب :)


فتى البيداء هالموضوع بس علشان تعرف أن الأشراف مايغيرنا ولا ياخذنا من كتابة المواضيع :)

وخالي ياخوفي عقب روحته لتبوك يصير راعي نت وأتورط بوه لو يدخل بهذا ياشيخ تصير علوم هههههههههههههههههههههههه







أشكرك على المرور وعلى كلامك بموضوع المشرف يالغالي وإن شاء الله ماتشوف مننا إلا كل مايسرك ويرضيك أنت ورواد الفلة ..







إحترامي .

كفو الله لا يحرمنا أياكم يخوي يوسف .

[أهداااب]

وهن يدخلن هكالشله وهو بوجههن الا قولته ارخو ابوي عوووووووووووذا وهو ينزل راسه ويدق اللطمه :solh:نزيه نزيه خالي وأنا طالعن لوه :)



:)
:)
:)

ذكرتني بخال لي شاف بنات على كرنيش الدمام يركبن دبابات


مسك علبة الما يبي يرميها على البنت غير حنا رديناه


يقول بنات اخر زمن :)


نصيحه يوسف


لاتأخذ خالك معك مثل هالأماكن :)


وأسعدك ربي مثل ما وسعت صدري بهالسالفه :)

[مروان الشمالي]

هههههههههههههههههههههههههههههههههههههههه هههه

ههههههههههههههههههههههههههههههههههه
هههههههههههههههههههههههههههه


والله لو اضحك للصبح ما يكفي

يا بعد ححي عرفني على خالك شكله من جنبها خلني اشوفه وهو يستعمل الشوكه والملعق


اما سالفته بالاصنصير شييييييييييييييييييييييييييييي

هههههههههههههههههههههههههههه

[يـــوسف]

أهداب خالك هذا لو يتمجع هو وخالي كان صارت علوم :)



كان مخلياته يرميمها عشان ينسجن وترتاحون منه كم يوم :315r:

لا الحمدلله صارلي فترة ماشفته :)


الله يديم سعة الصدر عليك وعلى الجميع يارب ..


والله يسعدك ويسعد جيرانكم ويسعد جدتي اللي صارله فتره تفكر بمشكلة هالعج :)



شكر لك مرورك ..








إحترامي .

[يـــوسف]

حيالله مروان باشا ..




اياعله دوم هالضحك إن شاء الله :)




ياخي والله بديت اغار منه كلكم تبونه ههههههههههههههههههههههههههههههههههههه




الشوكه والملعقه سالفتهن سالفة صارت له لاتخاف :)






بس هو مروح مايستحي من أحد يوم جلس على الطاوله ويجيبون له الأكل والمطعم زحمه عيني عينك قط الملعقه والشوكه تكرمون بدرام صغير جنب الطاوله :)





يقول هذولن ماياكل بهن أجودي وأخوي قدامه ياكل بهن :solh::solh:










مشكور يامروان على هالمرور ولاهنت يالغالي ...



إحترامي .

[ابو ضاري]

مبروك المنصب الجديد يالعزوه ..... المناصب من ورانا

سلملي على خالك لانه اضحكنا ...اذا سير عليك جيبه مع للجبيل ومر ابو عارف

[يـــوسف]

الله يبارك بك يابو ضاري ..


أبشر إذا جا أتله مع أذانه لك أبد اللي تبيه يصير يابو ضاري :)



جاكم مره بالجبيل وداخلن على بتروكيما يبي يتوظف غصب وهو معه سادس بس..
ويالله يطردونه الأمن بغىا ينسجن يقول للسكورتيه أنتم يهود خالصين تسيف تردوني وتقطعون رزقي الله يقطع ضناكم ياعلكم ماتصبحون إلا الارهابيين مفجرين بكم :wallah_hoo:


ورايحن للكرنيش يوم نكس للبيت يقول يالربع اعوذ بالله تسيف يالربع الثوب يتملصق والسروال يقلب هاف من هالرطوبه :solh:







مشكور يابو ضاري على المرور ولاهنت ...






إحترامي .

[فتى البيداء]

يايوسف بما أن موضوعك عن البنقاليه جايب لك قصة عن بنقالي وهو (رحت لواحد من العيال في إستراحتهم يوم تواسينا وجلسنا ولاه يذن المغرب وجالس أنا وخويي ومير يذن المسجد الي بجنب أستراحته ولا الي يذن بنقالي ، قال رفيقي والله أني معلمة بس مابه فايدة ، قلت وش السالفة ؟
قام وقال الحين أعلمك ومير يروح للمسجد ودخل على البنقالي وهو بنصف أذانه وخبطه مع علبه وتمردغه تمردغ والبنقالي يصيح ويصوت وصوت طالع باليكرفون كل الناس توحيه ، وانا قمت ولحقته وشفت بعض اللزغ والله يا مت من الضحك عليهم يوم قلت رفيقي وراك عليه قال وأنتم بكرامة (التسلب يذن ولا هو يصلي ) ومعلمه أنا قايله لا عمرك تذن .

يعني أبعذر خالك لو تعنقط بعلباء هاك النقالي .

[يـــوسف]

:solh::solh::solh::solh:

ياعل يديه ماتطب النار :)








متسدين بوه هذا مثل اللي مسوي زحمه والشارع فاضي يعني بس كلام ولا فعل ماش :)








فتى البيداء طلع لنا من سوالفك واسدحهن بموضوع الظاهر عندك بلاوي ومغيبهن :)





أحترامي ..