ابوعمر الضوي
15-06-2008, 23:32
سبق وان كتبت نبذة مختصرة عن عيال الضوي وذكرت أن هناك مقولة لست متأكدا من صحتها وهي أن : أكثر شعار الزميل من آل ضو .
بغض النظر عن مدى صحة هذه المقولة فإن آل ضو فيهم الكثير من الشعراء المعروفين الذين سارت قصائدهم وأبياتهم مع الناس وسوف أورد هنا طرفا من أبيات معروفة ويستشهد بها كثيرا وهي من ضمن قصائد لشعراء من آل ضو .
لعل من الأبيات التي شرقت وغربت وتمثل بها الكثر البيت المعروف :
ياصرت أمير ولا انت امير على شين =ودك تخضب لحيتك من خراها
هذا البيت للشاعر الكبير : شلاش بن مناور الضوي رحمه الله من ضمن قصيدة عظيمة ورائعة يقول قي مطلعها :
العين تسهر والعرب مرجهنين =وعين حربت النوم وشوا دواها
تشوف الجنف وتشوف شي من الشين =والسهر ياجا تالي الليلي جاها
الى أن يقول :
الامرة فزوا له سراد مساكين =تستاهل الخرجة سواعد لحاها
الخرجة عند دقونهم له مقامين =خلط ولا دونه ولا هي وراها
مالكم امارة ياقلوب البعارين =ثَمِّنْوَها من راس وش مشتراها
ياصرت امير ولا انت امير على شين =ودك تخضب لحيتك من خراها
والقصيدة طويلة .
أيضا من الأبيات التي سارت مع الناس في وصف الدنيا :
ما خلت الطيب عشان طيبه =ولا عقبت قفوه على الدار معيوف
هذا البيت ايضا لشلاش بن مناور من ضمن قصيدة له يقول في مطلعها :
ياعناد انا عقبك بدت بي مصيبة =ترباعة لسته بحلقي وانا اشوف
ترباعة لسته بحلقي تعيبه =جيته سعه ماحدني عليه الخوف
الى ان يقول :
ماتخلي اللي ماتلوس بسبيبه =وادناهم اللي تقلعه يم ذالوف
ماخلت الطيب على شان طيبه =ولا عقبت قفوه على الدار معيوف
أيضا من الأبيات التي سارت مع الناس :
ياقيل لك مثلي مطوع وقصاد =تره مطالع من زمانه مياله
وهو مطلع قصيدة للشاعر الكبير عويد بن نزال الضوي ينخى بها الصديد وقد سجنه ابن رشيد فلما وصلت القصيدة الصديد توجه له وأخرجه من السجن ومنها بعد هذا البيت :
احذرك عن عشرة قليلين الانجاد =ياناشه المسمار يبلش بحاله
وعليك بالربع القديمين الاجواد =اللي لهم عند الامارة جلاله
مثل الصديد اليا تغالوا بالازواد =اللي على المربوط يرخص حلاله
أيضا من الأبيات المشهورة والتس سارت مع الناس :
خالق المخلوق مخلفن الدلايل =كلن عنده شوفته ماله مثيل
وهو بيت من قصيدة للشاعر الكبير : مناحي بن فايض الزميلي الضوي لايناسب المقام لذكرها
أيضا من الأبيات المشهوره وهو أيضا للشاعر مناحي :
اسمي مناحي اليا نيحيت =اركب لو العدل متدلي
ومن القصيدة أيضا وهو بيت مشهور :
الجد الاول ماسر سبيت =عن ديرته حايل جلّي
ومن أبياته المشهوررة ايضا قوله من ضمن قصيدة :
وين الرسول اللي مشى بالعدالي =اللي يحد قريش عن شين الاعمال
وعقبه تلف هارون هو والهلالي =والزير واللي حيف البيض مايشال
والضيغمي حامي خلاف التوالي =ماتشوف حايل بس صانع وجمال
وسعدون الاشقر راح ماله توالي =ماحذى فعايلهم تطرا والامثال
ايضا من الابيات المشهورة :
الصدق يشادي ماء قراح شخاليل =ان شرهبوا له بالفطور الصيامي
ولا حليب معبسات الدحاليل =مع سكر زين الطعم بالافامي
وهما بيتان من قصيدة طويلة للشاعر متروك بن شلاش الضوي رحمه الله مطلعها :
بديت انا بعزال صبحه عن الليل =منبت حيا عقب اليبيس الهشامي
دلا يتهيض من عذي التماثيل =قيل كما النيرات باسواق شامي
ايضا هناك بيت مشهر سار مع الناس وهو :
خشم القذالة للعشاير بريرة =ياماحلا بيت الجنب بايمن الشير
وهو من ضمن قصيدة للشاعر فهاد النومان الضوي رحمه الله منها :
الله على من بدلك لك بديرة =ياديرة سواحها كود له عير
بخشم القذالة للعشاير بريرة =ياماحلا بيت الجنب بايمن الشير
ويالربع لو هي نقرة مستديرة =ماشفت لوقة للبكار المعاشير
ايضا من الا بيات المشهورة :
ياشلاش عضد لي ترن رحت سيبه =لا موجعن راسي ولا هن عظامي
اللي سرق حالي طويل الذويبه =ابو قرون لفهن بالحزامي
وهما للشاعر عويد بن نزال الضوي في بنت عم له رفض ابوها ان يزوجه اياها فقال ينخى شلاش بن مناور الضوي :
ياراكب من فوق كور النجيبه =ركابها قرم يودي كلامي
امه وكاد للضروبه عني به=جت من بنات الهرش مابه تهامي
تلفي على اللي فزعته ينشفي به =وما طنتي قبل دخيله يظامي
الى غير ذلك من الأبيات والقصائد التي ضاق المقام عن ايرادها
وتقبلوا تحياتي
بغض النظر عن مدى صحة هذه المقولة فإن آل ضو فيهم الكثير من الشعراء المعروفين الذين سارت قصائدهم وأبياتهم مع الناس وسوف أورد هنا طرفا من أبيات معروفة ويستشهد بها كثيرا وهي من ضمن قصائد لشعراء من آل ضو .
لعل من الأبيات التي شرقت وغربت وتمثل بها الكثر البيت المعروف :
ياصرت أمير ولا انت امير على شين =ودك تخضب لحيتك من خراها
هذا البيت للشاعر الكبير : شلاش بن مناور الضوي رحمه الله من ضمن قصيدة عظيمة ورائعة يقول قي مطلعها :
العين تسهر والعرب مرجهنين =وعين حربت النوم وشوا دواها
تشوف الجنف وتشوف شي من الشين =والسهر ياجا تالي الليلي جاها
الى أن يقول :
الامرة فزوا له سراد مساكين =تستاهل الخرجة سواعد لحاها
الخرجة عند دقونهم له مقامين =خلط ولا دونه ولا هي وراها
مالكم امارة ياقلوب البعارين =ثَمِّنْوَها من راس وش مشتراها
ياصرت امير ولا انت امير على شين =ودك تخضب لحيتك من خراها
والقصيدة طويلة .
أيضا من الأبيات التي سارت مع الناس في وصف الدنيا :
ما خلت الطيب عشان طيبه =ولا عقبت قفوه على الدار معيوف
هذا البيت ايضا لشلاش بن مناور من ضمن قصيدة له يقول في مطلعها :
ياعناد انا عقبك بدت بي مصيبة =ترباعة لسته بحلقي وانا اشوف
ترباعة لسته بحلقي تعيبه =جيته سعه ماحدني عليه الخوف
الى ان يقول :
ماتخلي اللي ماتلوس بسبيبه =وادناهم اللي تقلعه يم ذالوف
ماخلت الطيب على شان طيبه =ولا عقبت قفوه على الدار معيوف
أيضا من الأبيات التي سارت مع الناس :
ياقيل لك مثلي مطوع وقصاد =تره مطالع من زمانه مياله
وهو مطلع قصيدة للشاعر الكبير عويد بن نزال الضوي ينخى بها الصديد وقد سجنه ابن رشيد فلما وصلت القصيدة الصديد توجه له وأخرجه من السجن ومنها بعد هذا البيت :
احذرك عن عشرة قليلين الانجاد =ياناشه المسمار يبلش بحاله
وعليك بالربع القديمين الاجواد =اللي لهم عند الامارة جلاله
مثل الصديد اليا تغالوا بالازواد =اللي على المربوط يرخص حلاله
أيضا من الأبيات المشهورة والتس سارت مع الناس :
خالق المخلوق مخلفن الدلايل =كلن عنده شوفته ماله مثيل
وهو بيت من قصيدة للشاعر الكبير : مناحي بن فايض الزميلي الضوي لايناسب المقام لذكرها
أيضا من الأبيات المشهوره وهو أيضا للشاعر مناحي :
اسمي مناحي اليا نيحيت =اركب لو العدل متدلي
ومن القصيدة أيضا وهو بيت مشهور :
الجد الاول ماسر سبيت =عن ديرته حايل جلّي
ومن أبياته المشهوررة ايضا قوله من ضمن قصيدة :
وين الرسول اللي مشى بالعدالي =اللي يحد قريش عن شين الاعمال
وعقبه تلف هارون هو والهلالي =والزير واللي حيف البيض مايشال
والضيغمي حامي خلاف التوالي =ماتشوف حايل بس صانع وجمال
وسعدون الاشقر راح ماله توالي =ماحذى فعايلهم تطرا والامثال
ايضا من الابيات المشهورة :
الصدق يشادي ماء قراح شخاليل =ان شرهبوا له بالفطور الصيامي
ولا حليب معبسات الدحاليل =مع سكر زين الطعم بالافامي
وهما بيتان من قصيدة طويلة للشاعر متروك بن شلاش الضوي رحمه الله مطلعها :
بديت انا بعزال صبحه عن الليل =منبت حيا عقب اليبيس الهشامي
دلا يتهيض من عذي التماثيل =قيل كما النيرات باسواق شامي
ايضا هناك بيت مشهر سار مع الناس وهو :
خشم القذالة للعشاير بريرة =ياماحلا بيت الجنب بايمن الشير
وهو من ضمن قصيدة للشاعر فهاد النومان الضوي رحمه الله منها :
الله على من بدلك لك بديرة =ياديرة سواحها كود له عير
بخشم القذالة للعشاير بريرة =ياماحلا بيت الجنب بايمن الشير
ويالربع لو هي نقرة مستديرة =ماشفت لوقة للبكار المعاشير
ايضا من الا بيات المشهورة :
ياشلاش عضد لي ترن رحت سيبه =لا موجعن راسي ولا هن عظامي
اللي سرق حالي طويل الذويبه =ابو قرون لفهن بالحزامي
وهما للشاعر عويد بن نزال الضوي في بنت عم له رفض ابوها ان يزوجه اياها فقال ينخى شلاش بن مناور الضوي :
ياراكب من فوق كور النجيبه =ركابها قرم يودي كلامي
امه وكاد للضروبه عني به=جت من بنات الهرش مابه تهامي
تلفي على اللي فزعته ينشفي به =وما طنتي قبل دخيله يظامي
الى غير ذلك من الأبيات والقصائد التي ضاق المقام عن ايرادها
وتقبلوا تحياتي