المرسله

[عساف التومي]

بسم الله الرحمن الرحيم
.
.
.
.
كثير من القصائد تولد في مهدالرسائل المرسله
تبدا ببيتين فمشروع فقصيده

.
.
هنا سأفتح قلب جوالي لكم
.
.
سافتح لكم نافذة الرسائل المرسله
.
.
لمن؟؟؟
لهم
.
.
.
اخر رساله كتبتها اليوم
كانت لصديق وعدني ...وكل يوم يقول بكره
ذكرني بتريترا
.
.

الظاهر إنا لتال الوقت قربنا = حتى القيامه بدت تظهر علاماته
شبنا../.وشابت لحانا عقب شيبنا = وتريترا مابعد بانت حزيماته
هالحزم عقبه حزيم وكل ماارقبنا=ننزل حزيماته ونرقا قويراته
متى على الله تبي تصفي مشاربنا=وصدوف بقعا تولتنا هوالاته

[عساف التومي]

لصديقي الذي ابعدتني الدنيا عنه

ابو ناصر
.
.


الرفقه اللي بوسط القلب مرساها=تزداد قيماتها خفقه ورى خفقه
رفقة رجالٍ بدرب الطيب ممشاها= ياجعلها فدوة النزوات والطفقه
تبي الصراحه يابوناصر من اقصاها=قلبي لشوف الزيازم حيل به شفقه
حسبي على رفقةٍ معكم قضيناها=كل ماطرت زادت الدمعات في دفقه
حلفت من عقب شرب المر من ماها=اماكذا رفقتي...ولابلا رفقه

[عساف التومي]

ربما
واقول ربما...... قدتحتاجون هذه الرساله

.
.
.
قديمه ...لكنها....
.
.

لـــــــــــ احدهم
.
.

ياشينها./. لاصرت مشتاق لانسان = جيته تبي شوفه .//.وهو عنك قفى
ودك تودع بين قبرك./. والاكفان = ويقال.//. من كثر الغبينه توفى
اخير من قولة انا ./.جيت يافلان./. = وفلان يـا./.اخو فلان./. عنك يتخفى

.
.
للامانه
كتبتها ..واعطيت امر ارسال ....وتلاحقتها والغيت الارسال ....لكنها في حكم المرسله