يـــوسف
07-06-2008, 23:51
السلام عليكم ورحمة الله وبركاته ..
الله لايمسيكم إلا بالخير خشه خشه .. وش علومكم وش اخباركم عساكم وش وقعكم ؟
المهم يالربع هذي سالفتن جرت علي هكالسنه يوم كح كح
قبل شوي أذاكر لأخوي الصغير ودبل تسبد تسبدي من كثر ماهو دافور يقول ذاكر لي وهو ماعنده شي ومااقدر اقوله شي يقوم له فريخ وماني ناقص الشايب مبطي مادبن اشوفه متحمس هالايام :)
وأنا أذاكر له دق علي خويي من أيام الابتدائي وقالي وينك قلت أذاكر لأخوي قال عزتي له يعني يتمهزا علي
المهم قالي ابمرك وانا على طول أحذف التفتر على خشت طحيمر وانحاش وهو يلحقن ويقول ذاكر لي تكفى محد فاضي لي وانا ارفسه وانحاش بدون نعول برا البيت مستعجل
قبل ابدا <_ للحين مابديت :)
ابقولكم الشخصيات اللي بالقصه وهي صدق وموجوده على أرض الواقع .
الضبعه <_ سبب التسميه اذا بغىى يلتفت يدور دوره كامله مامن رقبه
الاقعمل <_ عليه خشم تقل سكين ومتعاوج
الصلحي <_ ولد طويل وأسمراني ومملوح غصب طيب الا نقوله انت حلو .
هذا مره ايام كنت بأول ثانوي قررنا ننحاش من المدرسه وطخت بروسنا الفكره وحنا ندخن برا المدرسه الصباح ..
قلت أوكي نروح نفطر عندي باليت بما انه أقرب شي ونروح لمخيم الفلان محد بوه الصبح
وأروح وأسبقهم للبيت واضبط لهم الشاهي والقهوه وأبو بالدوام ماهي يمي وامي عسا الله يخليها لي لو أقوله الارض حنا بالليل وحنا بالصبح صدقتني من كثر غلاي <_ تكفى
وأقوله خلي ام جنوب هالخدامه تصلح لي فطور عازم مدرس ومعه عيال عمه وطلعني من المدرسه عشاني عازمهم وصدقت وهي تفز وتفسر وتسوي لي هكالفطور السنع ماتدري ان الخبول اللي يبي يجوني وهي ماتطيق طاريهم من مره انسجنت معهم :)
والله وهم يجون الزقرت وأقلط لهم الفطور وهم يتغدون قصدي يفطرون ويفلونه وأنا حاطن لهم أوربت تخبرون أول مافيه قناة إغراء إلا هي :)
المهم يوم تقهوينا وخلصنا وقام كل واحد بهم ينقش سنونه قلنا يالله نبي نطلع .
وحنا طالعين مع الباب حق الشارع الا هذا ابو لاف مع الشارع ومن فضخت القلب تناطقو الشله وطبقو على بيت جارنا
وأنا دخلت داخل البيت وصكيت الباب وقفلته من الخرعه وابو انطلق ورا واحد منهم مسك الشارع ركض وهو يالله يركض مقرود يما لقا له بيت مفتوح ودخله ونكس ابوي يوم سمعت صوت السياره وقفت وانا اطبق على بيت جارنا ابي العيال وألقاهم يأشرون لي بالزاويه وحنا نفتح باب الشارع ونطلع الحين انا تورطت مدري مش عذري عند أبوي .
وحنا نروح لسيارتنا ورا المدرسه يمار هذولا شلتن ثانيه منحاشه كلهم دوافير ومعهم خوينا مسو شاطر وخابرينه حنا المهم قررو يروحون معنا :)
ونروح للمخيم وانا اصير معزبهم بهكالمخيم اللي يفتح النفس لو يجون راعين المخيم تسان قصبونا
والعيال يلعبون بلوت واللي مفرع يضبط الشاهي والقهوه واللي يعبي الماطور واللي ينغت خشمه عند الكنود يقلد صوت ناعم
قال واحد يقاله الزنبور من الدوافير ابي دخان محد معه وكلن مايبي يعطيه قلنا مامعنا شي وحنا ندخن قدامه ..
تبي تقولون ليش محد يعطيه هذا يالربع مره عيا يغشش واحد من العيال بالاختبار ومره علم علينا أننا أحرقنا بالفصل <__نذل صح ويستاهل الذبح
قال ابروح اجيب دخان من يخاويني قال واحد مقرود يقاله ابو عويد انا ابروح معك اجيب قدوع ههههههههههههههههههههههههههه
المهم اقفو وشدتهم جنوب عن الديره <_ مسكين
ماخذينا نص ساعه الا غبرت سيارة الاقعم وبالبر تخبرون السياره بس تفتر ماتثبت حقت هجوله
والاقعم موقف ويشتم وحنا نتشمت عليه ..
قهر يالربع توه مركب له جنوط بــ2500 ومنزله وكاتب عليها من ورا بيت شعر مسويه بــ100 ريال :)
وصلو الزبده والاقعم نقز وقام يرفس ابو عويد وهو بالسياره وهو يجي الضبعه قال هيه اذا فيك شده خله ينزل
المهم ننشدهم وش بلاكم وش العلم وش جاري عليكم .
قالو الشرطه والدفاع المدني ومكافحة المخدرات ووكل قطاع امني يدورنا ..:a:
وش السالفه قالو عشان ولد الامير معنا وبالصدفه جاي ابوه زياره للمدرسه وسئل عنه مالقوه يوم شافو يمار هو بفصلنا واللي غايب بالفصل 14 طالب
وسحبو بعض السيارات اللي لقوه ورا المدرسه حقت الضبعه وحقت الصلحي :)
سيارة الصلحي ياشباب عشان تكونو بالصوره . كرسيدا لونها عنابي وكاتب على قزقزته من ورا بيت شعر يجيب القولون ومعلق به دباديب حمر من داخل وعلى القزاز معلق صور ومدري وشو
وسيارة ضبعان ددسن 84 الخط اللي ورا غير عن الخط اللي بالرفرف اللي قدام ودرايشه ماتفتح متكسره اليد وبه شريط لبطي البذالي ناشب به
وهو يقوم للصلحي صياح يقول الحين يودنا للأحداث ويضيع مستقبلنا وتتشوه سمعتي عند
بنات الجماعه هههههههههههههههههههه
قال الضبعه طبعا الضبعه دايم منزل شماغه على عيونه مسوي غامض وقوي ولا يتكلم كثير وعيونه اذا طلعهن بس مطيرهن :)
قال الحل عندي وانا ابو هندي .
نخلي الاقعم يرتسب فلان اللي هو ولد الامير ويقلعه للديره ويسلم نفسه للشرطه ويخليها تطيح براسه وحنا نسلم ونطلع من السالفه :)
قلت انا اي والله والاقعم كفو له وراعي فزعات واذا قالو لك يالاقعم وش السالفه وش جابه معك قل خطفته :solh:
والولد حمر ملعون الجدف تقل لبناني:)
وهو يراعي للولد قال أنسجن ويقولون خاطف هذا ولايقولون خاطف لي اشهب يقصد الصلحي :solh:
المهم يوم اقفا وانا اقول يالله نكمل بلوتنا بس ناخذ لنا داسين يما الجمر يجهز ونشيش
ماخذينا شوي الا هو ناكس لنا توه ينتبه ان به سجن وخطف :solh:
قال الحين ياعيال ستين كـــ.... تبي تضيعون مستقبلي وانتم ابد مايجيكم شي طبعا نازل معه له عجره يالله يسحبه من كبره يبي يفضخ روسنا عاد شجاع المروح ماينوقف بوجهه بس خبيل نلعب بوه بسرعه .
ويالله نترضاه .
المهم طقت براسي اننا نخلي واحد من شلتهم اللي جو معنا يروح ويضحي بنفسه .
واجي جنب الضبعه قلت اسمع وش رايك نخلي فلان يوديه . قال فكره حلوه انا حاقد عليه مبطي :)
قلت فلان تعال ابيك برا . طبعا المجلس صابته حالة صمت تجيب المغص .
وهو يلحقنا الضبعه . قلت فلان نبيك تروح انت وفلان ولد الامير واذا هدت الاوضاع نجي حنا ونكفلك <_ مامعنا بطايق بس من زود السربته
قال لا وماامداه يكمل جملته الا الضبعه مبصم يديه على خد الولد هههههههههههههههههه
وحنا نليخوه يما وافق
وراحو الحمدلله وابطو ماجو قلنا يالله مشينا يالربع الوضع حلو خلونا نلحق على طلعت المدراس نبي نلحق على التفحيط :)
على مادخلنا الديره الا هذا واحدن من الربع ضابط بالشرطه وشديد حيل دب أخوه مره بالمركز وهي تكتب علينا الدوريات من كل جهه وهم يدبونا بالشارع وهو ملعون الجدف تسلط علي ماسكن مع شعر راسي من ورا ومايضربن الا بقوس حدر الاذن
والصلحي يالله يمسكونه اربع عساكر من طوله ونشطه .
والضبعه ماسكه رقيب ويصفقه طراقات وكل طراق يقول تر كل شي بالتفاهم ويصفقه والنخارير تطير .
والاقعم مسكر على روحه الدرايش ومقفل البيبان ويبتسي يبي يكسر خاطر العسكري عاد عباد هالعسكري :)
المهم مالكم بالطويله طبعا بالتوقيف علقو واحد من العيال بله كلـــبشه والثانيه فوق بدريشه وثلاث ساعات وهو واقف على راس اصابعه اخر شي قام يبتسي وحنا نضحك عليه ونتشمت
ونسولف ونفكر وش يبي يسوون بنا ؟؟؟
قال واحد اذا هو جلد عادي الجلد للرجال .. قلت لا والله للحميرر اللي زيك ياحمممار :wallah_hoo:
ماخذينا شوي الا هذا العسكري فاتح علينا وقال يالله تعال انت يأشر علي يبي يجلدوني .
قلت لاانا بي سكري مقدر شف غيري ...
قال اللي يهايط قبل شوي خذن انا وهو يروح يالله يسحب رجليه :)
وحنا نسكت نبي نسمع الصياح ههههههههههههههههههه
اول جلده ماش ماصاح ثاني جلده سمعنا تنحط بس خفيف .
ثالث جلده وهي تطلع هكالصيحه اللي ماصارت بتاريخ البشريه ههههههههههههههههههههههه
وهو يقوم له صياح تقل يتولد :)
المهم جابوه يسحبونه ..وهو يجي الاقعم ويخمه ويقول له هذي جزات اللي يهايطون :)
المهم قالو لعبنوكم انا خابر جلدهم مايوجع بس اللي يجلد الامير :a:
وهي تصطفق وجيهنا وحنا نسكت ولابنا واحد يتكلم ..
يوم فتح العسكري الباب كلنا تجمعنا بالزاويه مانبي ننجلد وكلن يدفع الثاني عليهم يبيهم ياخذونه :solh:
وهي تطيح براس الاقعم وعقبه الصلحي وعقبه الضبعه بس ياهو صاح صياح للحين مايداني طاري هالسالفه
آخر شي جا دوري وانا استسلم للأمر الواقع العالم كله متبطحه وله ونين اول مافتحو الباب طلعت مايمدي اتهرب .
يمار هذا ابوي قدامي وكم ضابط وكم لحجي متجمع كلهم يراعون لي ..
والامير مفسر وماسك اللي يجلدنا بوه .. تعرفون الوايرات الصغيره اللي يجن داخله اسلاك حديد . زيهن ودابلينه اربع دبلات :wallah_hoo:
وهو يقول الامير هذا ولدك يابو فلان قال ابوي ايه هذا هو .. وهو يحدث علي ويقول لي انت ابوك وعمك ومدري وشو ويخربط علي آخر شي قال عشانه ولدك ماني جالده خلاص فكوه وانا اتبوسم :)
قال ابوي لا زيه زي عيال خلق الله اجلده ولا بذبحه انا ..
واراعي لأبوي واقوله يبه ولدك جنينك ضنينك لحمك ودمك عووووووووووذا تسيف تسوي بي هلون قال انقلع انقلع ويشتمن .وأنا مظلوم :qannaj:
وهم يكتفوني ويجلدوني اربع وعشرين جلده من سبتهن اسبوع وانا ماامشي احبي تقل وغد :)
طبعا اللي بالقصه كبرو الحين وصارو رجال أمحق هههههههههههههههه
الاقعمل <_ قبل فتره بسيطه كرمته سابك مسوي لهم إنجاز ويبي يترقى ويصير إداري بالتشغيل .
الضبعه <_ عسكري بالجيش ومن كثر مالضباط يحبونه مايخلونه يسلتم خفاره الا هو لأنه ثقه وشديد :)
الصلحي <_ للأسف ضابط بالحرس الوطني وقبل فتره مسكوه بقضية مخله بالاداب :)
الزنبور <_ألتزم والحين مدرس دين بنفس المدرسه اللي كنا فيه وكل فتره أرسل له رسائل تذكره بماضيه الاسود :)
يوسف <_ مجود ماينلحق معروفه بمضايف شمر ويفكر يصير مدير المملكه العربيه السعوديه :)
العذر والسموحه يالربع غثيتكم بهالسالفه فوق ماانا غاثكم بردودي :)
الله لايمسيكم إلا بالخير خشه خشه .. وش علومكم وش اخباركم عساكم وش وقعكم ؟
المهم يالربع هذي سالفتن جرت علي هكالسنه يوم كح كح
قبل شوي أذاكر لأخوي الصغير ودبل تسبد تسبدي من كثر ماهو دافور يقول ذاكر لي وهو ماعنده شي ومااقدر اقوله شي يقوم له فريخ وماني ناقص الشايب مبطي مادبن اشوفه متحمس هالايام :)
وأنا أذاكر له دق علي خويي من أيام الابتدائي وقالي وينك قلت أذاكر لأخوي قال عزتي له يعني يتمهزا علي
المهم قالي ابمرك وانا على طول أحذف التفتر على خشت طحيمر وانحاش وهو يلحقن ويقول ذاكر لي تكفى محد فاضي لي وانا ارفسه وانحاش بدون نعول برا البيت مستعجل
قبل ابدا <_ للحين مابديت :)
ابقولكم الشخصيات اللي بالقصه وهي صدق وموجوده على أرض الواقع .
الضبعه <_ سبب التسميه اذا بغىى يلتفت يدور دوره كامله مامن رقبه
الاقعمل <_ عليه خشم تقل سكين ومتعاوج
الصلحي <_ ولد طويل وأسمراني ومملوح غصب طيب الا نقوله انت حلو .
هذا مره ايام كنت بأول ثانوي قررنا ننحاش من المدرسه وطخت بروسنا الفكره وحنا ندخن برا المدرسه الصباح ..
قلت أوكي نروح نفطر عندي باليت بما انه أقرب شي ونروح لمخيم الفلان محد بوه الصبح
وأروح وأسبقهم للبيت واضبط لهم الشاهي والقهوه وأبو بالدوام ماهي يمي وامي عسا الله يخليها لي لو أقوله الارض حنا بالليل وحنا بالصبح صدقتني من كثر غلاي <_ تكفى
وأقوله خلي ام جنوب هالخدامه تصلح لي فطور عازم مدرس ومعه عيال عمه وطلعني من المدرسه عشاني عازمهم وصدقت وهي تفز وتفسر وتسوي لي هكالفطور السنع ماتدري ان الخبول اللي يبي يجوني وهي ماتطيق طاريهم من مره انسجنت معهم :)
والله وهم يجون الزقرت وأقلط لهم الفطور وهم يتغدون قصدي يفطرون ويفلونه وأنا حاطن لهم أوربت تخبرون أول مافيه قناة إغراء إلا هي :)
المهم يوم تقهوينا وخلصنا وقام كل واحد بهم ينقش سنونه قلنا يالله نبي نطلع .
وحنا طالعين مع الباب حق الشارع الا هذا ابو لاف مع الشارع ومن فضخت القلب تناطقو الشله وطبقو على بيت جارنا
وأنا دخلت داخل البيت وصكيت الباب وقفلته من الخرعه وابو انطلق ورا واحد منهم مسك الشارع ركض وهو يالله يركض مقرود يما لقا له بيت مفتوح ودخله ونكس ابوي يوم سمعت صوت السياره وقفت وانا اطبق على بيت جارنا ابي العيال وألقاهم يأشرون لي بالزاويه وحنا نفتح باب الشارع ونطلع الحين انا تورطت مدري مش عذري عند أبوي .
وحنا نروح لسيارتنا ورا المدرسه يمار هذولا شلتن ثانيه منحاشه كلهم دوافير ومعهم خوينا مسو شاطر وخابرينه حنا المهم قررو يروحون معنا :)
ونروح للمخيم وانا اصير معزبهم بهكالمخيم اللي يفتح النفس لو يجون راعين المخيم تسان قصبونا
والعيال يلعبون بلوت واللي مفرع يضبط الشاهي والقهوه واللي يعبي الماطور واللي ينغت خشمه عند الكنود يقلد صوت ناعم
قال واحد يقاله الزنبور من الدوافير ابي دخان محد معه وكلن مايبي يعطيه قلنا مامعنا شي وحنا ندخن قدامه ..
تبي تقولون ليش محد يعطيه هذا يالربع مره عيا يغشش واحد من العيال بالاختبار ومره علم علينا أننا أحرقنا بالفصل <__نذل صح ويستاهل الذبح
قال ابروح اجيب دخان من يخاويني قال واحد مقرود يقاله ابو عويد انا ابروح معك اجيب قدوع ههههههههههههههههههههههههههه
المهم اقفو وشدتهم جنوب عن الديره <_ مسكين
ماخذينا نص ساعه الا غبرت سيارة الاقعم وبالبر تخبرون السياره بس تفتر ماتثبت حقت هجوله
والاقعم موقف ويشتم وحنا نتشمت عليه ..
قهر يالربع توه مركب له جنوط بــ2500 ومنزله وكاتب عليها من ورا بيت شعر مسويه بــ100 ريال :)
وصلو الزبده والاقعم نقز وقام يرفس ابو عويد وهو بالسياره وهو يجي الضبعه قال هيه اذا فيك شده خله ينزل
المهم ننشدهم وش بلاكم وش العلم وش جاري عليكم .
قالو الشرطه والدفاع المدني ومكافحة المخدرات ووكل قطاع امني يدورنا ..:a:
وش السالفه قالو عشان ولد الامير معنا وبالصدفه جاي ابوه زياره للمدرسه وسئل عنه مالقوه يوم شافو يمار هو بفصلنا واللي غايب بالفصل 14 طالب
وسحبو بعض السيارات اللي لقوه ورا المدرسه حقت الضبعه وحقت الصلحي :)
سيارة الصلحي ياشباب عشان تكونو بالصوره . كرسيدا لونها عنابي وكاتب على قزقزته من ورا بيت شعر يجيب القولون ومعلق به دباديب حمر من داخل وعلى القزاز معلق صور ومدري وشو
وسيارة ضبعان ددسن 84 الخط اللي ورا غير عن الخط اللي بالرفرف اللي قدام ودرايشه ماتفتح متكسره اليد وبه شريط لبطي البذالي ناشب به
وهو يقوم للصلحي صياح يقول الحين يودنا للأحداث ويضيع مستقبلنا وتتشوه سمعتي عند
بنات الجماعه هههههههههههههههههههه
قال الضبعه طبعا الضبعه دايم منزل شماغه على عيونه مسوي غامض وقوي ولا يتكلم كثير وعيونه اذا طلعهن بس مطيرهن :)
قال الحل عندي وانا ابو هندي .
نخلي الاقعم يرتسب فلان اللي هو ولد الامير ويقلعه للديره ويسلم نفسه للشرطه ويخليها تطيح براسه وحنا نسلم ونطلع من السالفه :)
قلت انا اي والله والاقعم كفو له وراعي فزعات واذا قالو لك يالاقعم وش السالفه وش جابه معك قل خطفته :solh:
والولد حمر ملعون الجدف تقل لبناني:)
وهو يراعي للولد قال أنسجن ويقولون خاطف هذا ولايقولون خاطف لي اشهب يقصد الصلحي :solh:
المهم يوم اقفا وانا اقول يالله نكمل بلوتنا بس ناخذ لنا داسين يما الجمر يجهز ونشيش
ماخذينا شوي الا هو ناكس لنا توه ينتبه ان به سجن وخطف :solh:
قال الحين ياعيال ستين كـــ.... تبي تضيعون مستقبلي وانتم ابد مايجيكم شي طبعا نازل معه له عجره يالله يسحبه من كبره يبي يفضخ روسنا عاد شجاع المروح ماينوقف بوجهه بس خبيل نلعب بوه بسرعه .
ويالله نترضاه .
المهم طقت براسي اننا نخلي واحد من شلتهم اللي جو معنا يروح ويضحي بنفسه .
واجي جنب الضبعه قلت اسمع وش رايك نخلي فلان يوديه . قال فكره حلوه انا حاقد عليه مبطي :)
قلت فلان تعال ابيك برا . طبعا المجلس صابته حالة صمت تجيب المغص .
وهو يلحقنا الضبعه . قلت فلان نبيك تروح انت وفلان ولد الامير واذا هدت الاوضاع نجي حنا ونكفلك <_ مامعنا بطايق بس من زود السربته
قال لا وماامداه يكمل جملته الا الضبعه مبصم يديه على خد الولد هههههههههههههههههه
وحنا نليخوه يما وافق
وراحو الحمدلله وابطو ماجو قلنا يالله مشينا يالربع الوضع حلو خلونا نلحق على طلعت المدراس نبي نلحق على التفحيط :)
على مادخلنا الديره الا هذا واحدن من الربع ضابط بالشرطه وشديد حيل دب أخوه مره بالمركز وهي تكتب علينا الدوريات من كل جهه وهم يدبونا بالشارع وهو ملعون الجدف تسلط علي ماسكن مع شعر راسي من ورا ومايضربن الا بقوس حدر الاذن
والصلحي يالله يمسكونه اربع عساكر من طوله ونشطه .
والضبعه ماسكه رقيب ويصفقه طراقات وكل طراق يقول تر كل شي بالتفاهم ويصفقه والنخارير تطير .
والاقعم مسكر على روحه الدرايش ومقفل البيبان ويبتسي يبي يكسر خاطر العسكري عاد عباد هالعسكري :)
المهم مالكم بالطويله طبعا بالتوقيف علقو واحد من العيال بله كلـــبشه والثانيه فوق بدريشه وثلاث ساعات وهو واقف على راس اصابعه اخر شي قام يبتسي وحنا نضحك عليه ونتشمت
ونسولف ونفكر وش يبي يسوون بنا ؟؟؟
قال واحد اذا هو جلد عادي الجلد للرجال .. قلت لا والله للحميرر اللي زيك ياحمممار :wallah_hoo:
ماخذينا شوي الا هذا العسكري فاتح علينا وقال يالله تعال انت يأشر علي يبي يجلدوني .
قلت لاانا بي سكري مقدر شف غيري ...
قال اللي يهايط قبل شوي خذن انا وهو يروح يالله يسحب رجليه :)
وحنا نسكت نبي نسمع الصياح ههههههههههههههههههه
اول جلده ماش ماصاح ثاني جلده سمعنا تنحط بس خفيف .
ثالث جلده وهي تطلع هكالصيحه اللي ماصارت بتاريخ البشريه ههههههههههههههههههههههه
وهو يقوم له صياح تقل يتولد :)
المهم جابوه يسحبونه ..وهو يجي الاقعم ويخمه ويقول له هذي جزات اللي يهايطون :)
المهم قالو لعبنوكم انا خابر جلدهم مايوجع بس اللي يجلد الامير :a:
وهي تصطفق وجيهنا وحنا نسكت ولابنا واحد يتكلم ..
يوم فتح العسكري الباب كلنا تجمعنا بالزاويه مانبي ننجلد وكلن يدفع الثاني عليهم يبيهم ياخذونه :solh:
وهي تطيح براس الاقعم وعقبه الصلحي وعقبه الضبعه بس ياهو صاح صياح للحين مايداني طاري هالسالفه
آخر شي جا دوري وانا استسلم للأمر الواقع العالم كله متبطحه وله ونين اول مافتحو الباب طلعت مايمدي اتهرب .
يمار هذا ابوي قدامي وكم ضابط وكم لحجي متجمع كلهم يراعون لي ..
والامير مفسر وماسك اللي يجلدنا بوه .. تعرفون الوايرات الصغيره اللي يجن داخله اسلاك حديد . زيهن ودابلينه اربع دبلات :wallah_hoo:
وهو يقول الامير هذا ولدك يابو فلان قال ابوي ايه هذا هو .. وهو يحدث علي ويقول لي انت ابوك وعمك ومدري وشو ويخربط علي آخر شي قال عشانه ولدك ماني جالده خلاص فكوه وانا اتبوسم :)
قال ابوي لا زيه زي عيال خلق الله اجلده ولا بذبحه انا ..
واراعي لأبوي واقوله يبه ولدك جنينك ضنينك لحمك ودمك عووووووووووذا تسيف تسوي بي هلون قال انقلع انقلع ويشتمن .وأنا مظلوم :qannaj:
وهم يكتفوني ويجلدوني اربع وعشرين جلده من سبتهن اسبوع وانا ماامشي احبي تقل وغد :)
طبعا اللي بالقصه كبرو الحين وصارو رجال أمحق هههههههههههههههه
الاقعمل <_ قبل فتره بسيطه كرمته سابك مسوي لهم إنجاز ويبي يترقى ويصير إداري بالتشغيل .
الضبعه <_ عسكري بالجيش ومن كثر مالضباط يحبونه مايخلونه يسلتم خفاره الا هو لأنه ثقه وشديد :)
الصلحي <_ للأسف ضابط بالحرس الوطني وقبل فتره مسكوه بقضية مخله بالاداب :)
الزنبور <_ألتزم والحين مدرس دين بنفس المدرسه اللي كنا فيه وكل فتره أرسل له رسائل تذكره بماضيه الاسود :)
يوسف <_ مجود ماينلحق معروفه بمضايف شمر ويفكر يصير مدير المملكه العربيه السعوديه :)
العذر والسموحه يالربع غثيتكم بهالسالفه فوق ماانا غاثكم بردودي :)