الصلجان الصمول الثلاثة [الأرشيف]

مشاهدة النسخة كاملة : الصلجان الصمول الثلاثة

ابو عارف

06-06-2008, 23:03

ريال الفسحة والمطنوخ وشليويح جمعت بينهم الظروف المتشابهة كلهم رعيان أبل وكلهم عزبان وكلهم خبول وكلهم دلوخ من العيار الثقيل.

المهم ماودي أخفف من ذنوبهم لكن أعرف لهم قصة حصلت معهم الربع هذولاء سبحان الخالق الواحد منهم نفسه برأس خشته ونظرته ماتعدى ركبته ولايخالطون الناس أبد مستخدمين هالأسماء الحلوة وهم قشران حيل.

جمعت بينهم خوة التشابه بالظروف رعي الإبل وإتفقوا على أن كل إسبوع يخدمهم واحد منهم يسمونه الأم والأم هذه تسوي العشاء وتحطب وتروي الماء وتخض اللبن وتمل كل شيء خلال هالإسبوع والأسبوع الثاني على الثاني وهكذا دواليك.

بما أنهم دلوخ يحملون نفوس شينة وعين قوية تهاوشو ليلة من الليالي وتقاضبوا الشوش يمار شليويح الأصلج نفعه الله بهالصلجة رأسه تقل كرش شاة مغسولة بصابون ومقلوبة أما خالي ريال والمطنوخ إلا لهم شوش مهبل تقل طلح.

ويوم تخامشوا ويجي خالي ريال ويمصع قرن المطنوخ الأيسر ويجي المطنوخ ويمصع قرن خالي الأيمن الله يجيركم وشليويح سلم يتخمشونه وينطلق من بينهم تقل جحة صلجته ويوم خلصة المعركة ياوالله كل واحد بقرن واحد خالي مافيه الإالقرن الأيسر والمطنوخ فيه القرن الأيمن فقط.

جلسوا يتشاورون مع شليويح الأصلج قالو أنت ياشليويح هالحين صرت أحسن منا حال عرفوك الناس أصلج وبقيت كما أنت ولكن حنا وين نودي وجيهنا من البنات الي عرفننا بالجذل الهلهلية ويش الحل ياشليويح هم يسألونه؟

شليويح يعرف أن خوياه الصمول تلوخ ومنقهر من هالشوش عليهم وهالحين جابهم الله على منكس قرونهم وأحب أن يصفيهم وتكمل السالفة فقال مافيه إلا حل واحد فقط ، قالوا وشو تكفى علمنا قال ما أعلمكم إلا كل واحد منكم يعطيني ناقة من أحسن نياقه تردد المطنوخ بخيل ووافق خالي على طول وأقنع عشيره المطنوخ أحب رأسه خالي ووافق على مضض.

عطوه الناقتين وجلسوا يستمعون الحل السحري الذي يخرجهم من هالمصيبة فقال لهما أنت يالمطنوخ ممصوع قرنك اليمين صح وإلا أنا غلطان قالو صح مافيه كلام ياشيخ شليويح الأصلج وأنت ياريال ممصوع قرنك اليسار صح ياريال وإلا لاء قال بلا.

قال إذا الحل هو واضح وضوح الشمس في عز النهار بدون غيم ولاغبار ، قالو كيف؟

قال شليويح أنت يالمطنوخ تمصع قرنك اليسار وتعطيه ريال الفسحة وبذلك يكون لريال قرنين صح وإلا لا قالوا على أفم واحد الدلوخ صح صح.

قال تمام وأنت ياريال تمصع قرنك اليمين وتعطيه أخوك المطنوخ الذي كان عنده قرن يسار وبذلك يكون عنده قرنين يسار ويمين صح وإلا لاء قالوا صح 100% ياشيخ شليويح والله إنك شيخ حكيم ما يشبهك بالأفكار الحلوة إلا الشيخ ابو عارف.

والله قالوا حنا وكلناك تمصع وتركب الله يخليك فقال نعم أنا يسمونن المصاع ولكن التركيب صعب تشوفون الغسلان يمكن يعرف يركب قرونكم كما يركب القصيد.

قالم الأصلج شليويح ومصع قرن المطنوخ الأيسر وقرن خالي الأيمن وأصبح الثلاثة صلجان وصمول وخبول وأكمل لكم سالفة خطوبتهم بالحلقة القادمة.

والسلام عليكم.

مناكد

06-06-2008, 23:21

ابو عارف اما هي سالفه خوش سالفه لوسلمت من هالكلمه
الإم والإم

تصدق هالحين صرت أشك إنك صفواني!!!

ابو عارف

07-06-2008, 00:03

ابو عارف اما هي سالفه خوش سالفه لوسلمت من هالكلمه

تصدق هالحين صرت أشك إنك صفواني!!!

--------------------------------
الله يهديك يامناكد هم يقولون لها كذا وقايل لكم إنهم خبول يقولون للأم الإم من دلاختهم يامناكد.

شكراً لك على الملاحظه لاهنت.

صدىاجا

07-06-2008, 01:26

كيف يكون ريال خالك يابو عارف وانت ذكي ماتسمع قول الرجال الخال تحت الوساد الله العالم ان كلامك هذا من شدة الذكاء وارث عن وارث أو أنا غلطان؟

صدىاجا

07-06-2008, 01:34

يامناكد ترك ماتمعنت زين كلمة الأم كانت صحيحة لأنها ألف مفتوحة إذا كان هذا قصدك

مناكد

07-06-2008, 05:53

يامناكد ترك ماتمعنت زين كلمة الأم كانت صحيحة لأنها ألف مفتوحة إذا كان هذا قصدك

ياصدى لاتصير صدى!!!

الرجال عدَّله ومشى حاله...

تحياتي...

.

ابو عارف

07-06-2008, 07:01

كلكم صح الله يدفع البلاء بس لاتدققون بالغلطات الإملائية مع أن الشويب جايب رقم خمسطعش على الفصل الذي فيه ستطعش محو أمية -ج ليلي سنة الكسوف.

شكراً لكم.

أبوطروق

07-06-2008, 07:51

حيل بهم يابوعارف

حيل بالصمول خخخخخخخخخخخخ ياويل الخال من رمح البناخي

:

ابو عارف

07-06-2008, 08:19

حيل بهم يابوعارف

حيل بالصمول خخخخخخخخخخخخ ياويل الخال من رمح البناخي

:
-----------------------------------
هلا بالعشير أبو طروق
الفضايح المتلتلة بالحلقة اليايه من مسلسل هوشة الصلجان.

شكراً لك لاهنت.

مناكد

07-06-2008, 10:24

غالب

07-06-2008, 10:37

:315r:سولافه حلوه :a:وبأنتظار الحلقة القادمه:3ajebni:

ابو عارف

07-06-2008, 10:42

ابو عارف هذا من فوايد الشوشه...

تفصيل ولا بالحلم يصير عند هالصلجان مثله

اما هو خوش كبوس!!!

http://al7osiny.net/up/uploads/images/Al7osiny.net-Al7osiny.com-e775c97046.jpg (http://al7osiny.net/up/)

وهذا جدايل المطنوخ وريال لما جمعوهن!!!

http://forum.te3p.com/uploaded4/155008_01212695407.jpg

.
-----------------------
رابط الشوش مافتح، لكن أنا خابرهم تقل عمايت كنت عندهم يوم يتهاوشون ونويت أفزع لخالي لكن شفتهم متعادلين 1/1 .

شكر لك مناكد على الدعم اللوجستي لاهنت.

ابو عارف

07-06-2008, 10:43

:315r:سولافه حلوه :a:وبأنتظار الحلقة القادمه:3ajebni:
---------------------------------
هلا بسناعيس أبشر بعزك لاهنت.

راعي المغاتير

07-06-2008, 10:45

ابو عارف

07-06-2008, 11:28

السلام عليكم ورحمة الله وبركاته

اقتباس

والأم هذه تسوي العشاء وتحطب وتروي الماء وتخض اللبن

وش لبنه هاللي تبي تخضه

هم هل معزا

اقتباس

ياشيخ شليويح والله إنك شيخ حكيم ما يشبهك بالأفكار الحلوة إلا الشيخ ابو عارف.

امممممممم اتضحت الرؤيا اثريك طالع على خالك

ماممن صمايل

تقبل تحياتي

---------------------------------
عندهم غنم وعزبة كاملة بس تجيك بالحلقات القادمة الربع يبقلون.

الدنياء ماخلقة بيوم .

هلا براعي المغاتير لاهنت.

خال الخال يرث القعداء

تقبل التحية

يـــوسف

07-06-2008, 14:39

ريال الفلس طلع صمل هههههههههههههههههه

اياعيشت الشر والشرير :)

ابو عارف تسلم يمينك ولاهنت .

ابو عارف

07-06-2008, 15:12

ريال الفلس طلع صمل هههههههههههههههههه

اياعيشت الشر والشرير :)

ابو عارف تسلم يمينك ولاهنت .
------------------------------------
أجل أبو 10 جد100 نعم صمل وتخب عليه.، لكن لاتنسي تتابع الحلقة الجاية راحوا الربع يخطبون من واحد نبي نشوف النتيجة الله يوفدزهم .

شكراً لك يالسمي

الشبث

07-06-2008, 20:02

كبيرنا

لا فض فوك

عزالله انك عرفت لهم هههههههههه

الله لا يهينك على هالقصه المميزه واللي مايكتبه الا ابو عارف

وبأنتظار الجاي

وتقلد تحيتي

ابو عارف

07-06-2008, 22:55

كبيرنا

لا فض فوك

عزالله انك عرفت لهم هههههههههه

الله لا يهينك على هالقصه المميزه واللي مايكتبه الا ابو عارف

وبأنتظار الجاي

وتقلد تحيتي

-------------------------
هلا بشبيثان ومرحبا
تر الصلجان يدورون مأذون أنكحه يروح معهم في الحلقة الجاية يراحوا يخطبون.

هل أنت تعرف تطرمث لهم إن الله وفقهم ؟

شكراً لك لاهنت.

ابو عارف

07-06-2008, 23:14

مساكين هالصمول الصلجان ولاواحد قدر يقول كلمة بس يبتسون على شوشهم وخجلانين من صلجهم هالي تقول جح ايراني.

الله لايبلانا مابلاهم :

المطنوخه

07-06-2008, 23:55

الله يرفع عنهم

هههههههههههههههههههههههههههه

ابو ضاري

08-06-2008, 00:04

لا يابو عارف اذكر ان خالك ذكي بس مادريت انه طلع غير الكلام اللي قلته

لا وحاطينه مشرف بالفله .....

ابو عارف لاهنت على الموضوع وحلاوته انه منك ....

قايدك البرمائي......

ريال الفسحه

08-06-2008, 00:09

8

رح وراك يااوبريتر :)

ابوعارف

ماعليه يالسلحفاه اصلا انت سلحفاه برمائيه من اللي يعيشن ميه
وخمسين سنه ياخي انا ابعرف شي واحد جيلك وشو ؟ ومتى ؟

انت مولود بالعهد العباسي ؟؟

ياخي اتوقع لو ارامكو ينقبون بظهرك يطلع لهم بترول :)

سبحان من خلقك انا ودي اعرف شي واحد انت يالشايب وشلون
تعلمت على الانترنت وانت يدينك نصهن رايحات من اثار عوامل
التعريه :)

شغلك عندي يالاحفوره على قولت طنخان عجل الله فرجه :)

طبعا المطنوخ توه مسجون ذابح له شايب كبرك ياويلك ان طلع
يقول يبي يعض اذانك يما يغدي لك نحيييييط :)

لي باك بس مو هنا ك :)

ابو عارف

08-06-2008, 08:09

الله يرفع عنهم

هههههههههههههههههههههههههههه
------------------------
المطنوخ يقولون سافر للقطب الجنوبي يبي يتخفى مع الدببة حتى يلاقي باروكة بلون قذلته الرمادية السابقة.

نعم الله يرفع عنهم يالمطنوخه آمين.

شكراً لمرورك الحلو لاهنتي

ابو عارف

08-06-2008, 08:14

لا يابو عارف اذكر ان خالك ذكي بس مادريت انه طلع غير الكلام اللي قلته

لا وحاطينه مشرف بالفله .....

ابو عارف لاهنت على الموضوع وحلاوته انه منك ....

قايدك البرمائي......
---------------------------------
هلا بالقائد البرمائي الضاري ومرحبا

خالي كان يستمد ذكاءه عن طريق قرونه ولذلك يوم إنمصعن مصعاً لارجعة فيه صار دلخ.

فيه واحد شايفه أمس مطبق على رأسه قدر يخفي صلجته حتى يعود المطنوخ من رحلة البحث عن باروكات من شعر دببة القطب.

شكراً لك.

ابو عارف

08-06-2008, 08:32

8

رح وراك يااوبريتر :)

ابوعارف
اوبريتر ني

ماعليه يالسلحفاه اصلا انت سلحفاه برمائيه من اللي يعيشن ميه
وخمسين سنه ياخي انا ابعرف شي واحد جيلك وشو ؟ ومتى ؟

انت مولود بالعهد العباسي ؟؟
تر حتى البريعصي كان يطقطق بغار حراء بصدر الإسلام مامن صغر بس صمل

ياخي اتوقع لو ارامكو ينقبون بظهرك يطلع لهم بترول :)
يمكن بس لونقبوا بظهر خالي ويش توقع يلقون ههههههههه.

سبحان من خلقك انا ودي اعرف شي واحد انت يالشايب وشلون
تعلمت على الانترنت وانت يدينك نصهن رايحات من اثار عوامل
التعريه :)
هذي ماهي مشكلة ومنهم من يمشي على -4.

شغلك عندي يالاحفوره على قولت طنخان عجل الله فرجه :)
أخاف مايرجع يمصع رقبته أحد هالدببة هو من النوع المغامر .

طبعا المطنوخ توه مسجون ذابح له شايب كبرك ياويلك ان طلع
يقول يبي يعض اذانك يما يغدي لك نحيييييط :)
نصب على صلجته شوي بنزين ونشب فيه نخلي له زعيط.

لي باك بس مو هنا ك :)
وين يم القطب الشمالي؟

هلا بخالي دور لك بشت تر الليلة خطوبتك إغديك تحصل لك سحلية الله يوفدزك.

حمـود

08-06-2008, 14:41

ــــــــــــــــهههههههههههههــــــــ

اما كل اسبوع على واحد منهم يصير الام

دمت بخير

وكلنا شوق لمعرفه الحلقه القادمه

ابو عارف

08-06-2008, 23:27

تالي سالفة شلة المطنوخ جتكم.

مالتقولون ياطوال العمار يوم روحوا ليلة من الليالي هالصمول الخبول الصلجان من الفلاة يمار مافيه لاعشا ولاقهوة ولاشيء لإن كل منهم يرعى حلاله من الفجر إلى غياب الشمس ويروحون على عزبتهم حاطينها في عنة شجر.

قالوا لبعضهم البعض ياعيشة الشر والشرير تعبانين ولامن عيشه ولا والي فقال خالي للمطنوخ رح على هالجحش رولنا ماء وإنت ياشليويح خض اللبن وأنا اللي هو ريال أبي أسوي لكم العشاء والقهوة.

رفض طنخان قال أنت الي تروي وأنا أعمل العشاء والقهوة فقال شليويح معصيين يالدلوخ من قال لكم إني مخاض أصلاً خض اللبن عيب عندنا ياشمر قال خالي ريال ندري لكن الضرورة لها أحكام ياشلحلح تخض اللبن وأنت ماتشوف الطريق وأنت ياطنخان تركب الجحش وتروي لنا وأنت مثل أبو -4 البراد الصغير.

وهو يحضر إبليس الله يجيركم يمار البارحة مصعينن قرونهم بالهوشة وهالحين ولعت من جديد وهم يقومون يتناجفون برؤسهم تقل خرفان هالدلوخ حتى طلع الدم مع إذانهم وتصفروا ونامو ويوم قاموا نصف الليل ويغسلون وجيهمم ويتحمدون الله على السلام ويتسامحون من بعض ويعملون هاكالخبزة والشاهي ويتعشون.

بعد هالمعركة صحت رؤسهم من هالمناجف وفكروا بالزواج:

فقال شليويح ويش رأيكم نروح لأبو فهد الغسلان نخطب بنته لحدينا من أجل تسوي عشانا وتساعدنا على هالحالة اللي مثل حالة قسقس؟ ، قالوا خوش رأي لكن نخطبها لمن قال خالي لي فقال المطنوخ معصي لك سد بابك بل لي أنا وهم يتخامشون مرة ثانية الله يجيرك.

هنا قال شليويح ياجماعة أنا راعي الفكرة وعندي حلها قالوا كيف؟ قال نعود نضع القرعة ونشوف منهو رأعي الحظ الطيب العريس . قالوا صح كيف غدة عنا هذي أقهرك بالله ياشلولح حطوا رضمة ودمنة بعير وعود شجرة قالوا هذا عود فلان وهذا لفلان الخ.

طاح العود الرابح على المطنوخ بسم الله منه حظيظ من يوم هو صغير قالوا يالله نمشي للغسلان نخطب قال شليويح خلونا بكراء لكن الدلوخ رفضو إلا هالحين خير البر عاجله وطرق الحديد وهو حامي والساعة كانت 10:30 مساءً وتوكلوا على الله ومشوا العريس على العير وهذولاك يمشون على الأقدام.

يوم تمت الساعة 12 ليلاً إلا هم عند بيت أبو فهد كان بدوي في بيت شعر هذا يوم الدنيا تحكي سلام سلام سلام كيف أنت يابو فهد الله يسلمك كيف أنت ياريال وشلونك ياشلحلح نعم ويش فيه عسى مافيه شر ويشبلارؤسكم دم أنت طايحين من جبل أو آكلكم بعير فحل.

قالوا لله لاهاذي ولاذيك حنا والله يا ابو فهد جايينك خطبة نبي هالعثة الي عندكم لهالعث يشرون على المطنوخ ويش العثة قالو يذكرون عندك بنت مجوز ونبيك تزوجها طنخان كان ماتبونها. هنا أبو فهد زامت عليه كبده من هالكلام العثة ولكان ماتبونها والساعة 12 ليلاً وللدلخ المطنوخ.

فقال أنتم روحوا لحلالكم لايأكله الذيب وحنا الصبح نبي نرحل ونبي نتشاور في هالموضوع إذا مابغيناه نخليها لكم في المراح ، قالوا كثر الله خيرك وهم يرجعون أدراجهم وفعلاً ابو فهد رحل الفجر ولاحط الرحال إلا المغرب ولكن لم يترك لهم البنت فترك لهم لبوة سمراء والد.

المهم يوم جاء الضحاء قالوا يالله نروح للمراح نجيب هالعروس لاتضربها الشمس ويوم طلعوا على المراح يمار مافيه إلا هالمجري الله يحشمكم وبقوا الدلوخ صمول ليايومك.

أبوطروق

08-06-2008, 23:43

هههههههههههه اجل السبب هو أبوفهد

الله يونسك بالعافية يابوعارف ضحكتنا على هالخبول الثلاثة

:

ابو عارف

09-06-2008, 07:07

هههههههههههه اجل السبب هو أبوفهد

الله يونسك بالعافية يابوعارف ضحكتنا على هالخبول الثلاثة

:
-----------------------------------
هلا بالعشير أبو طروق ومرحبا

ويش نعمل معهم يقولون الفلة مابه زعل وصاروا يرفسوننا ونرمحهم بدون زعل.

والمقصد الفضفضه.

حياك الله

أبوطروق

09-06-2008, 07:26

هلا ابوعارف وصباح الخير

الله يذكر الفلة أيام قبل بالخير قبل لا يتولجنا خالك بن فسحة الفسحولي المتفسحل

:

ابو عارف

09-06-2008, 08:01

هلا ابوعارف وصباح الخير

الله يذكر الفلة أيام قبل بالخير قبل لا يتولجنا خالك بن فسحة الفسحولي المتفسحل

:
---------------------------------
صباح النور كلك صح أبوطروق

غالب

09-06-2008, 14:33

هههه الله يونسك ياأبا عارف بس منهو مشرفكم قبل:a:

يـــوسف

09-06-2008, 14:59

:solh::solh::solh::solh::solh::solh:

ابو عارف فصلت عليهم انت ههههههههههههههههههههههههههههه

ابداع يابو عارف ابداااااااااااااع :)

اشوا اني عشيرك :)

ابو عارف

09-06-2008, 16:07

هههه الله يونسك ياأبا عارف بس منهو مشرفكم قبل:a:
--------------------------------------
ويونسك يالسناعيس بمثله

كان المطنوخ وعجايب بنت الشايب قبل تصبح ابلة طالبات كانت متفرغة وتعمل لنا مسابقات حلوه والمطنوخ كان يروح في رحلاته ومغامراته الفضائية الطويلة.

كنا مستأنسين الله الله

شكراً لك

ابو عارف

09-06-2008, 16:09

:solh::solh::solh::solh::solh::solh:

ابو عارف فصلت عليهم انت ههههههههههههههههههههههههههههه

ابداع يابو عارف ابداااااااااااااع :)

اشوا اني عشيرك :)
--------------------------------------
هلا بالسمي ماعليك زود يالغالي
مرورك عسل على سمن عرابي.

شكراً لك لاهنت.