المساعد الشخصي الرقمي

مشاهدة النسخة كاملة : عندما كنت مراهقة في الثانوي


سمااا
01-06-2008, 23:30
السلام يا حبايبي /

بقول لكم سولافه عني أيام

أيام الدجه وانواع الرجه في "الثانوي"

لكن بليز وأرجوكم وتكفون لا أحد يعلم أمي

لأني طفشت من عقاب تصفيط الملابس !

أذكر في يوم من الأيام ومره من المرارير

أخذنا تهزيئه في الطابور على النشيد الوطني

وحده من الشله تدعى "دوده " الله يهديها يوم

قلنا للعلم والوطن ... قالت بصوت غبي وعالي

طاطارلم طن طن /

طبعا" تسدحنا ضحك وصراخ ماتوقعناها تطلع منها هالنغمه

نسميها دوده لأنها إنسانه دلع ونعومه ورقه

وآخرتها خربتها ب طاطا رلم طن طن

المهم المديره قالت : بالله وش قلة الأدب يا للي مانتي محترمه

منهي يا ثالث علمي ! هاه من !

طبعا " بنظرات البرائه وكننا ماسمعنا شي

المشكله أنا غازه خشمي قدام بالأول

والمشكله الأكبر إني وحده ماعرف أحبس الضحكه أكثر من

دقيقه ...!

تناظر المديره وتحتري احد يحتسي ماحولها أحد /

طبعا تذكروا إني ما سكه نفسي لآخر شي

مابي أضحك ... وفجأه وبدون مقدمات

قلت : بااااهاااااهاهاهاها"

يالطيف كيف كانت تناظر لي المديره ..

طبعا أنا قلت بس يا تعهد أو بتكلم الوالده أو أودع درجات السلوك والمواظبه


وهالكلام صار العام أيام الوزاره ... يعني لو بيدنا نطر الدرجات ونوقف عند المساجد ونشحد لفعلنا...

‏)حلوه يا سمااا لفعلنا ذي متعوب عليها (


الوكاد المديره وسعني حلمها وما قالت شي

لكنها قالت مافي فسحه / وبيني وبينكم صدتس الفسحه

ربع ساعه لكن يكفي إننا نطلق رجلينا الله يكرمكم ..

جت الفسحه وجلسنا بالفصل .. كان عددنا ماهو كثير

يعني  بنت .. وكنا شبه شله "

طبعا" كل وحده من البنات أشتغلت بشي ..

اللي طلعت مرايتها وفكت هالكشه

واللي جايبه صور زواج أختها وحاطتهم بشرابها " أفضح أفضح

يا بنات"

واللي ترتب دفاترها _خاصه بالدوافير _وعن نفسي ورب البيت

ماكان عندي غير قلم أسود بالمقلمه_ ماهي القله ولكن حسيت

إني كبيره وليامتي وأنا أسطر ولا أشكل أقلام _ وبصراحه

المدرسات مايساعدون كلمتهم وحده "نظر" وتقعد تشخبط تحتها !!

عاد أنا ووحده من صقيقاتي نشجع الهلال وكان فايز

قبل يومين وتونا نستوعب .. قمنا رجعنا الطاولات وخلينا

فراغ وصرنا نلعب كوره بسلة الزباله الله يجلكم !!

عاد صديقتي جابت بي هدف رغم إني حاطه لي حارس

تبارك الله الخالق الناطق "الدعيع"

والمهويه صديقتي صارت تسوي حركة القناص يوم يجلس على

ركبه وحده وكنه يطلع سهم روبن هود!

ومالقت مكان غير قدام الباب عااااد فجأه وينفتح الباب

إلا وهي المديره!!

طاطاطم .. كارثه .. مصيبه !

بالله إنسوا صديقتي وجلستها وكيف تنحت ومو قادره تقوم

شوفوني أنا كيف حاطه رجلي على سلة الزباله وواقفه

كني ببدأ سنتره من جديد"

طبعا" المديره أنفجرت ضاحكه وكانت تقول
:
بالله متى تكبرون!!

والله لو إنكم متزوجات مبطي معيلات ..

ولايفوتكم شكل البنت اللي كاشخه بصور أختها كيف أرتبشت

وشكلي أنا شوشتي كني بيليه على هالوقفه

عاد الشاطرات غزن خششهن يوم دخلت المديره كل وحده

قامت تطلع دفاترها_ زي قولة شوفينا_

وطبعا" طول هالسالفه والحارس حقي الدعيع ورا الباب

جتها من الله ماشافتها !!


وجيت من عندهم وخليتهم /

ياليت ماثقلت عليكم وياليت أي أحد يدخل يحط لنا موقف صار له

أيام الدجه _ طبعا " مايحتاج أللحين كل أبونا عقلنا_


ومضه .. إن لم تكن تدري إلى أين تذهب .. فكل الطرق توفي

بالغرض"

لا إله إلا الله _
الكاسح@
02-06-2008, 23:15
البنات عندهم في المدارس النشيد الوطني ؟؟؟؟؟؟؟؟؟؟؟!!!!!!!!!!!!!!!!!!!!!!!!!!!
سلطـــآن
03-06-2008, 02:07
أقو ل عندكم طيب تمارين الصباح ..:)


أنا من يوم شفت خويتكم اسمه دودة عرفت أنكم ذوق ما شاء الله ..:)


طيب السؤال المحيرن من هو محمد الدعيع اللي حاطته حارس !! ؟؟ :)

مشكورة يا سما على هالموقف ..:thumb:

تقبلي مروري ..
شنقل
03-06-2008, 05:42
خمسة عشر رجلاااا ماتواا من اجل صندوق


ايييييييييه ياملا الجنه ياسلفر




وحده من الشله تدعى "دوده "



سماااااااا بالله خويتك اسمهاااااا دودوه


ههههايالي


يسلموو يافلااااانه
سارة الجرباني
03-06-2008, 06:06
صراحه



وناسه دودو هذي


اما على وناسة الثانوي حدث ولا حرج


والمواقف واجد


خصوص اذا جات معلمه جديدة هاك ياحش وتقطيع ههههههههههههههههه


انا كانت اكثر مواقفي مع معلمة الرياضيات عساها تكون سامحتني بس


الكاسح ايه اذكر يوم كنت بالثانوي في النشيد الوطني ماتسمع غير صوت بنتين لووووووووول



وش فيها اذا كان اسمها دودو مثل سوسو خخخخخخخخخ مااعرف ارقع


المهم لبا قلبهم شلتك


وحشوني بنات شلتي بالثانوي

وصدقيني احلى ايام هي ايام الثانوي
حمـود
03-06-2008, 15:49
ـــــــــــههههههههههههههأأــــــــــــ

الله ما اجمل ايام الثانوي ويوم الطرطعه

والهروب الكبير

دمتي بخير

ــــــــــــــــــــــــــــهههههههههههه ههـــــــــــــــــــــ
أبوطروق
03-06-2008, 16:40
يهالمهسترة انتي وخوياتس انتن وشلون نجحتن؟

احمدن ربكن اللي رزقكن بهالمديرة المتفهمة ولا كان للحين تحفرن بالثانوي وتشوتن الزبايل




سمااا الحمدلله على السلامة وحياتس الله

:
غالب
04-06-2008, 14:35
تسلمين ياخيتي على هالسولافهroooose
راعي المغاتير
07-06-2008, 10:57
السلام عليكم ورحمة الله وبركاته


وشهي ايام الثانوية اللي انت تحتسون به


هي مثل سنة الكسوف


تسان هي مرة عليكم وحنا ماحنا حولكم يجوز


تسان هي من اربع سنين وجاي

وحنا قطينن على زرود يمكن تخمشتكم ولاجتنا








الله يفكنا ويفك كل مسلم من شره تسان به شره






تقبلوا تحياتي
سمااا
22-06-2008, 23:51
شـكــرا" لمرورك
وشرطيك بعد ..
وبعدين ليش مستغرب " يا أيها الكاسح@
أننا ننشد السلام الملكي !!
ليه يالله دخلك ماحنا سعودياي !!!!
سمااا
23-06-2008, 00:03
الأخ: سلطان ...
صحيح ماعندنا تمارين رياضيه "
لكن أنا والشله عاملات دوري يشبه دوري
الدرجه أولى !
وياحظي أسمها ندى بس ندلعها .. دودوه!
وبالنسبه للحارسه .. هذه وصيت عليها من تركيا طلبتهم
قلت أبي من الدعيع نسائي ]حريمي[..!!
حشا عطرماهوب آدمي ..
شكرا" لخشوشك .. أقصد مرورك !
.
سمااا
23-06-2008, 00:10
الأخ: شنقل .. لقبك يضحك .. أضحك الله سنك "
وصديقتي أسمها ندى .. هذا دلعها ... وبعدين شو عرفكم بالدلع ياهالعيال ..
شكل ماقد أحد دلعك .. وبعدين شنقل ماله دلع!!
إلا ستان.. شنق نق ..!!
سمااا
23-06-2008, 00:21
هلا والله بالنواعم سارونه .. سوسو .. نوناا .. ]درس خصوصي في الدلع .. [
إييه ياسقا الله أيام الفله أيام الثانوي
وتبين الصدق لامدرسة الرياضيات سلمت من الحش ولامدرسة الخط العربي ... ] ياقدمي[
بس ربك يسعدهن .. ويسامحنا "
لكن قمة الضحك أيام بنات التطبيق .. الله ياني هبلت فيهم .. تجيك الوحده تتنافض تقول قدامها سلاعوه مو بنات حلوات ودلع <<< إياك أعني وأسمع ..!!
سمااا
23-06-2008, 00:35
الأخ: حمود الناصر .. مشرف المضيف الرياضي "

هي بس طرطعه و هروب كبير ... إلا عثينا بالقش ..
أنواع الابداع والأمتاع .. يكفي ضحك لما تطلع في الإذاعه وتتكلم عن الكتابه على الجدران .. تشجب وتنكر ذلك .. وما كنك اللي جايب له أمس كومة خطاطات .. ومعدم الجدران !

يازين أيام المراهقه زيناه"
سمااا
23-06-2008, 00:43
أبو طروق/
الله يسلمك..
وربي ماكذب عليك يوم جينا عند المديره آخر يوم
بناخذ ملفاتنا الخضر .. !! أنا وشلة حسب الله
المديره قامت تبكي و تصدد ماتبينا نشوفها/
تقول بفقدكم ..!!
إيييه صدق لياقالوا .. ناقتي ياناقتي"
..طيف الأمل..
23-06-2008, 00:50
هههههههههههههههههههههههههااااااااااااااا ااااااااااااااااااي
الله يقطع شرس يا سمسومة

يوووووووووه ذكرييييييييييييييييااااااااااااات
احنا اشد وافنى
يوم كنت بالثانوي يعني قبل سنتين
اتفقووو بعض البنااااااااااااااات بالباص يسوووووون مقلب بالسواق
حسبي الله على بليسهم
بس والله مقلب يروووووووووع
تخيلو اول ماركب السواااااااق بدت بنت تقلد صوووووووووت حرمة تالد هههههههههههه
هو انهبل وقعد يتلفت
وفجأة البنت الله يقطع شرها قلبت تقلد بزر يصيح طلع على الدنياااااااا هع هع هع
الرجال انهبل والتفت عليهم
والبنات شوفيهم انوووووووووواع الضحك
والله حرام عليهم هبلوووووو فيه

ومشكووووووووورة اختي على الموضوع
((عبدالله بن غيث))
23-06-2008, 00:57
خخخخخخخخخخخخخخخخخخخخخخخخخخخخخخخخخخخخخخخخ خخ

روعه سلمتو كلكم ضحكتوني وانا ضايق...

تحياتي لكم
سمااا
23-06-2008, 01:35
تشكرات على مرورك أخوي سناعيس ...

ة_ة
سمااا
23-06-2008, 01:39
أرحب ياراعي المغاتير !

مدري أحسك تخانق ومطير عيونك ..
والله الدنيا ماتستاهل .. ترى لحد الآن مدري هو أنت تمدح أو تسب ...

سررت بمقدمك ياأخ العرب"
سمااا
23-06-2008, 01:44
سهاام الغيث .. حياك .. أزرورق متصفحي بمقدمك ..
وسلمي على الفاصله خويتك .. ومنه المال ومنها العيال ... وتحياتي للسواق .. وكأني أرى خصلات الشيب قد أنسدلت على كتفيه...!
‏ مودتي/
سمااا
23-06-2008, 01:50
أهلا" كحل المحاجر ...
ذكرتني بقول الشاعر .. ناقتي ياناقتي... أقصد /

‏ الله من ضيقة ..ن.. بالصدر حابسها ..
قامت تزايد علي وتكتم.. أنفاسي ..
أجالس الناس وأجلس في مجالسها ..
والهم وسط الحشى مثل الجبل راسي ..
/

مدري وش عندي اليوم مسكت ناقتي ياناقتي"

وشوقرن على خشوشك -
((عبدالله بن غيث))
13-09-2008, 19:32
ياهلا والله ومرحبا بسما , الله يحيين بموضوعتس...!:)
نسيت هاك اليوم أذكر لكم أيام الثنوي معي ,
أعذرون كنت متضايق هاك اليوم صدري ماتنسم به الباعوضه:3ajeeb:


::
::
::


بالنسبه لي أنا يا/ س , م ....!
أيام الثنوي الله يذكره بالخير , كنت ماداوم الا ومعي قهوتي وقدوعي :3ajeeb:
, وكنت أنا عميد الفصل ومقرر على كل واحد يجي , لازم يجيب معه شيء , اما فطور أما شاهي , أو نعناع ...!:315r:
والمدرسين كلهم خوياي , مشبكهم :qannaj:
بالمدرسة لاجا الدرس نصه قهوه وشاهي والنص الثاني سوالف تقول جالسين بأستراحة shlwee7..!
ولاطلعنا من المدرسه الظهر تعازمت انا والمدرسين اما غداء قريب , ولا أخذتهم عند الأبل , :7ayyoh:
وفالين أحجاج أنا وياهم والعيال شلتنا بالفصل , كان عدد الفصل 11 طالب أعتقد وكلنا ربع ...!




تحياتي لكم :)
سمااا
13-09-2008, 23:08
هاهاهاهاي .. يسعدك يابوغيث .. يالطيف .. رجعتني
لأول سولافه .. إييييه يا الدنيا ..<< أشدعوا ياجدتي
.
.
شكلك كنت .. من الشباب اللي يفحطون
وقت الأختبارات .. .. أما مشبك مع المدرسين .. هذه
رهيبه ..
.
.
أيام راحت .. الله يرجع لنا نقاؤها و فلتها ..!


تسلم يا خيي ع العوده ..!
شامان
13-09-2008, 23:39
الله ايام الثانوية


اكبر مصيبة لي ايام الثانوية ان اخوي الكبير طاح بصفي ( بفصلي )


تعال فكك عاد ،، بالفصل تلقونه نايم وانا شاد حيلي واذاكر وأقارع الكبار في الفصل ( زلمه )


وانا دايم معارض لمدرس اللغة الانجليزية وشاطر بالانجليزي واخوي يبي يضبط معاه يوديه ويجيبه معانا بالسيارة ،، المهم انه دايم التأخير


والسيارة معاه و يطردنا المدير متاخرين عاد يقولي خلنا نروح للبحر نفتر وبعدين نرد البيت وانا اقوله


لا يبه عادي نرد ما فيها شي نروح للبيت وهو كله الراي له .


والواجبات انا اكتبها مرتين لين اخر السنه صرت اذاكر بداله واسويلة البراشيم بعد .


ولا اذا ابوي حصل الزقاير معاه حام علينا ثنينا ليه مدري لكن انا ماكلها معاه ما كلها





اكبر مصيبة اخوك يطيح بصفك تلقاه نايم باخر الصف وحاط رجل على رجل ومعاه مسباح ، ولا يقول شامان من بعيد شد حيلك وانا اخوك ولا تنسى تسجل ملاحظة المدرس اللي قالها قبل شوي .....نظام تشجيع ،،،،،،،
احمد الهاجرى
14-09-2008, 14:41
يقووووولون ان الحريمه ماتبين ماسوت في ايام المراهقه الا اذا صابها التخريف:a::a::a::a::a:


وهذا يدل على ان سمااااااااااااااااااااا خرفت



تلحفي تحياتي والباقي للجمعيه
سمااا
14-09-2008, 19:58
شامان يالله حيوه ..
بصراحه بلشه إذا كان معك أي أحد قريب لك بنفس المدرسه ..
أجل شلون لو كان أخوك ولا بعد بنفس الفصل
بصراحه دعواتي لك ..
..
أنا كانت خالتي أكبر مني بسنه وكنت ما أقدر أقول شي ولا أسوي شي لأن كله بيوصل حق الوالده ..
‏<‏< كل هذا و ماسويتي شي ..

أشكرك يا عمي ..
سمااا
14-09-2008, 20:03
أحمد الهاجري ..
مرحبا ألف ..
وشو خرفت و ما خرفت ..
بسم الله علي .. صدق إني نسايه لكن هذا ما يعني
إني مخرفه ..
و بعدين .. وش هالمقوله الغير صائبه ..
كل تحياتك وديتها حق الجمعيه <<< عصبت
..
تحياتي و صادق دعواتي ..
‏<‏< تشرفت بمرورك السنع ..
أبوطروق
15-09-2008, 05:07
ريال الفسحة
يوسف


عطوا أبوغيث مخالفة رافع موضوع صارله ثلاث شهور وهذا ممنوع ومخالف لدستور المضايف<<< حروووووش


مهو عشانه مشرف تمشونه له (تروا أعللللم)

ولا فيه حل ثاني انكم تدخلون بنفوذكم القوي وتشياون مخالفتي وانا كأني ماشفت شي

:
أهداااب
15-09-2008, 08:13
ههههههههه



الله يا سما هو في أحلا من ايام الثانوي و المراهقة


وأذا على المواقف حدث و لا حرج


انا أذكر كنا يوم الأربعاء نتبادل أشرطة طقاقات نروق عليها خميس وجمعه :)


واللي تجيب فستانها تسلفه خويتها وتقوسه عندنا بالفصل

ورا الباب و حنا لجنة التحكيم :)



وأذكر ايام ثالث ثانوي كل ما اتذكر هالموقف أقول الله يغفر لنا


طلبنا مدرسة الأسلامي مفتاح المصلى و كنا طبعاً مفركين من الحصة :)


وفي نفس المصلى فيه مسجل وحده معها شريط الطقاقة موضي


تشغله وحنا شغالين رقص :)



هذا من غير الدحية و خويتنا اللي تلبس عبتها و تسوي روحها الحاشي :)



تسلمين حبيبتي سمااا على هالسالفه



و الله يوفقك في باقي حياتك العلمية
أبوطروق
15-09-2008, 08:39
وأذكر ايام ثالث ثانوي كل ما اتذكر هالموقف أقول الله يغفر لنا


طلبنا مدرسة الأسلامي مفتاح المصلى و كنا طبعاً مفركين من الحصة :)


وفي نفس المصلى فيه مسجل وحده معها شريط الطقاقة موضي


تشغله وحنا شغالين رقص :)



هذا من غير الدحية و خويتنا اللي تلبس عبتها و تسوي روحها الحاشي


افا يا أهداب

بثالث ثانوي يعني حريم مانتن جهال!!!

المفروض تندمين على هالسالفة (وتنسينه) وتطلبين من الله المغفرة

:
أهداااب
15-09-2008, 08:51
افا يا أهداب

بثالث ثانوي يعني حريم مانتن جهال!!!

المفروض تندمين على هالسالفة (وتنسينه) وتطلبين من الله المغفرة

:





صحيح ما حنا جهال




وليومك هذا كل ما اتذكر هالسالفة أندم




والصاحب ساحب




شكراً على النصيحة عمووو بوطروق
أبوطروق
15-09-2008, 09:20
صحيح ما حنا جهال

أدري الوحدة كبر جدتي





وليومك هذا كل ما اتذكر هالسالفة أندم

أشوى احسبتس مستانسة





والصاحب ساحب

^ ^ ^
هذي سبب الاقتباس هي وشي أكله؟
ولا شفرة تبوكية:solh:





شكراً على النصيحة عمووو بوطروق


العفو ياخيتي هديبااا

:
أهداااب
15-09-2008, 12:30
والصاحب ساحب

^ ^ ^
هذي سبب الاقتباس هي وشي أكله؟
ولا شفرة تبوكية:solh:




لاهي أكله و لاشفرة تبوكية :)



مثل شعبي ماسمعت عنه .. ؟؟



والعواافي
أبوطروق
15-09-2008, 12:46
لاهي أكله و لاشفرة تبوكية :)



مثل شعبي ماسمعت عنه .. ؟؟



والعواافي



لا والله ماسمعت عنه:puzzled:!!!

تعالي بديوانية الفلة وعلميني (هنا الشات ممنوع):)

:
سمااا
15-09-2008, 21:49
هلا و غلا بــ أهداب ــــحبيبتي
::
يالله شكل ثانويتك دجه و وناسه
أما موضي صدق أنها ترقص بس عاد ماهو بالمصلى ..
بس بيني و بينك موضي وطقاقات .. أحسن من وحده غبيه كانت بشلتنا
كانت تفتح الراديو و تصفي بانوراما
و تقعد ترقص ..
والله كنت أخاصمها .. عشان تعقل
بس مافيه أمل ..
..
تسلمي ياحيي ع هالمرور ..
.
.
.
أيا هالحروش .. يا بابا بو طروق
وش هالعمل .. يابو مخالفه ..
>> ماقلت لي وش أنت عامل
خلك من قولك مدري و بالغلط و و و نبي الصدتس ..
..
و بعدين أبوغيث .. ماسوى شي
بس تذكر سالفه وحب يسدحها
.
.
ووو إذا كان اللي يرجع مواضيع
لها ثلاث شهور يستحق مخالفه
ترى حتى اللي يقلب السولافه شات و يوصلها لأكثر من ثلاث صفحات ..
بموضوع أسمه عاجل إلى أصحاب القلوب الرحيمه .. يستاهل مخالفه
و لا لا يا باباتي ..!؟
مشكور يا بابا ع كرتون الأندومي
بس تيتا سرقته مني يوم درت إنه منك ..!؟



تسلم يا بوطرقرق ..ع هالمرور المضبوط ..!!!
قضت الاسامي
18-09-2008, 03:10
الله يلعن ابليسكم اجل كووره بالفصل << شكل الثوب تحت السروااال هههه

والا تسانه على الموااقف عندنا مدرس عنزي الله يذكره بالخير
مايطيحبي الا بشي دسم << يعني مايقاال

توسدو قلبي
نجد التميمي
19-09-2008, 13:59
يازيييييييييييييين أيام الثانوي ..وياكره الجامعه<<متعقده بقوووووووووه..

اتذكر ضريبة الهبال بالمدرسه اني تسفطت من فوق الدرج وانكسرت رجلي..وبالنسبه للنشيد الوطني الحمدلله يوم تخرجنا من المتوسط معد صرنا نقووووووووووله..

ومشكوره ع السولافه
سمااا
20-09-2008, 01:15
أهلن قضت الأسامي .. ردك بجهه و لقبك بحهتن أوخرى .. كلهن يضحتسن ..
هو صحيح إنا كنا مرجج بس ترى ماكان الثوب تحت السروال ..
وو بشكرك ..


التميمي .. تكفين لا تجيبين طاري الجامعه ترى بيجيني حرقان و حساسيه و أنصرع ...
وه بس كلنا متعقدون ... وو حياتس الله في المضايف .. و إن شاء الله تمتعينا و تستمتعين ../



أختكم / سمااا